Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Graffiti ao Téhéran

Tsy mba malaza amin'ny fahalalahana maneho hevitra i Iran na amin'ny fihetsiketseham-bahoaka eny an-kalamanjàna. Saingy manjaka ao kosa ny zavakanto an-tanàn-dehibe; raha mandravaka ireo rindrin'ny tanàn-dehibe sasany ny sary natao mivantana tamin'ny rindrina, kanto avy amin'ny fanambatambarana poti-bato (mozaika) ary ny hosodoko hafa ‘nekena’ (nahazo alalana) na dia tsy miharohary toy ny any Eoropa aza : Miditra tsimoramora na sahisahy kokoa any an-tanandehibe ny graffitis, tags ry kisarisary tsotra [mg] isan-karazany.

Graffiti ao Tehran. Saripika : Melinda Legendre

Misy ny rindrindra sasany didotry ny lokom-praopagandy, maritiora iray ohatra. Fa mety ho sary manajavozavo fotsiny io na sarim-pandravahana. Fa tena tsangan'asa kosa ny sasany.

Graffiti ao Tehran, novambra 2012. Saripika : Issa

Herinandro vitsivitsy izay, nisy mpaka sary avy any Tehran nandefa taty amin'ny mpanoratra tamin'ny alalan'ny mailaka ireto sary roa amin'ny graffiti iray ireto miaraka amin'ny heviteniny :

Graffiti ao Tehran, novambra 2012. Saripika : Issa

I took these in Tehran, near a bus stop.
I think someone is fighting with the municipality of Tehran. One day he or she draws a graffiti, the other day the municipality removes it. This goes on and on.

Nalaiko takaikin'ny fiandrasana bus iray tao Tehran ireto sary ireto.
Mino aho fa misy olona miady amin'ny fiadidiana ny tanànan'i Tehran. Andro iray izy no mandoko ny graffiti, mamafa azy ny monisipalite ny andro manaraka. Miverimberina hatrany izany.

Telo herinandro taty aoriana, raha mbola teo am-pangatahana ny hanonona ny anarany sy hamoaka ny sariny aho, dia novaliany fa heni-boninahitra izy amin'izany ary tiany ny nanampy izao :

Now they painted something like a drawing or pattern on that wall to prevent that person to add another piece of graffiti. But before that this wall was really dirty. But now at least it's not dirty. So the enemy of the municipality is now a friend of people because that wall is not dirty anymore.

Ankehitriny, nanosotra loko na zavatra mivohitra teo amin'ny rindrina ry zareo hanakanana ila olona hanampy graffiti hafa. Saingy talohan'izany dia tena naloto tokoa io rindrina io. Lasa naman'ny olona noho izany ilay fahavalon'ny monisipalite satria tsy maloto intsony ankehitriny ny rindrina.

Noho izany dia sahisahy kokoa noho ny ao Eoropa ny maneho hevitra toy [ny nataon-dranamana ity]. Tsy misy lalàna momba azy ity ao Iran amin'izao fotoana, saingy raha heverin'ny mpitondra ho asam-panakorontanana ny sangan'asa dia lasa mivadika tsotra izao ho heloka bevava.
Vao manomboka mihamisongadina ny zavakanto an-dalambe ao Iran izao. Mirary soa azy hiroborobo.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.