Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Tsy Nahalala, Nisotro Rano Voapoizina Nandritra Ny Andro Dimy Ny Tanànan'i Handan Any Shina

Nisotro, nandro sy nisasa taminà rano misy poizina nandritra ny dimy andro ny mponina tao amin'ny tanànan'i Handan any Shina. Voapoizin'ny loto indostrialy avy ao amin'ny faritanin'i Shanxi mpifanolo-bodirindrina anminy ilay tena loharanon-dranon'ny tanàna – ny reniranon'i Zhanghe – tamin'ny 31 Desambra 2012. Kanefa, tsy nisy nitatitra ilay fahapoizinana ny avy amin'ny governemanta ao an-toerana raha tsy efa dimy andro taty aoriana, rehefa notapahana tsy nisy fampilazana ny rano tao an-tanànan'i Handan ny 5 Janoary 2013.

Ny governemantan'i Shanxi milaza hoe fahatapahana fantsona tao amin'ilay orinasa mpikirakira akora simika ao an-tanànan'i Changzhi no niteraka ‘aniline,’ akora pozina simika niparitaka tany amin'ny faritra avon'ilay renirano Zhanghe.

Araka ny vaovao [zh] farany, avy aminà orinasam-panjakana iray ilay akora simika niparitaka : Shanxi Tianji Coal Chemical Industry Group, ary nitatra hatrany amin'ny tanànan'i Anyang any amin'ny faritanin'i Henan any Shina ilay fahapoizinana.

Residents queue to buy mineral water in a local supermarket in Handan.

Mponina milahatra hividy rano mineraly  tamin'ireo toeram-pivarotana lehibe tao an-toerana , tao Handan, faritanin'i Henan .(Dikasary avy amin'ny Youku).

Ho setrin'ny fangataham-panazavana iray momba ny fahataran'ny tatitry ny Changzhi momba ilay loza, ny lehiben'ny fampitam-baovao Changzhi, Wang YiPing niteny hoe[zh]:

我们都是按照规定程序报的,并不是晚报五天。发生了污染以后,只要污染不出长治的边界好像就不用往省里报,自己处理就行,一出边界了这才需要报,再详细的我也不是很清楚。

Taterinay mifanaraka amin'ny fepetra, tsy nanemotra ny tatitra ho afaka dimy andro izahay. Raha mbola ao anatin'ny faritr'i Changzhi hatrany ny fahalotoana, tsy misy ilàna manao tatitra amin'ny governemantam-paritany, azonay atrehana amin'ny fombanay izany, raha toa fotsiny mivoaka ny faritry ny tanànan'i Changzhi ny loto dia mila mitatitra amin'ny governemantam-paritany izahay. Tsy azoko antoka ny momba ny antsipirihany.

Niteraka fanamelohana niparitaka ve tety anaty aterineto ny fanivànan'ny governemanta ao an-toerana ny vaovao sy ny tsy firaharahian-dry zareo ny fanitsakitsahana goavana atao amin'ny tontolo iainana. Fikarohana iray tao amin'ny  Sina Weibo no nahitàna  vokatra maherin'ny 2.933.094 [zh], nahatonga azy ity ho ny lohahevitra nafàna indrindra tamin'ny 6 Janoary. Amin'ny lafiny iray, tezitra mikasika ireo tranga miverimberina momba ny fanimbàna tontolo iainana ao Shina ireo mpisera anaty aterineto; amin'ny lafiny iray hafa, rangitra mikasika ny nanivanan'ny governemanta ao an-toerana ny vaovao ry zareo.

Ilay mpandalina Lian Peng dia nanoratra hoe :

连鹏:作为邯郸人,感到离奇愤怒。真是拿老百姓不当回事。山西为什么五天后才报?谁在隐瞒?必须追究事故直接责任者和瞒报者的责任。现有信息有限,但仍想问化工厂为什么在水源边上?有没有严格监管?最后说一句:我们对水资源问题仍然缺乏足够认识,迟早一天,会付出惨痛代价的。

Amin'ny maha-avy ao Handan ahy, tena mahatsiaro tezitra mafy aho. Tsy sainina amin'ny fomba matotra mihitsy ny ain'ny olona. Nahoana ny Shanxi no nitatitra mikasika ilay olana mandra-pahatongan'ny dimy andro taty aoriana? Iza no miezaka hanafina ilay vaovao? Na iza na iza tompon'andraikitra tamin'ilay fandotoana ary nanafoana ilay vaovao dia tokony hotazonina ho tompon'andraikitra tamin'ilay loza. Voafetra ihany ny vaovao ananako mikasika azy ity, saingy tiako ny hanontany hoe maninona no ananganana orinasa simika eny akaikinà renirano? Misy fanaraha-maso hentitra ve ao? Teny farany: tsy niraharaha tanteraka ny olan'ny loharanon-drano isika, na ho ela na ho haingana, tsy maintsy handoa ny vidiny maharary amin'izany.

Ny Tale mpanatanteraka ao amin'ny tranonkala E-commerce Zhao Peng nanoratra hoe:

任何政策执行都关系利益。新闻封锁,言论审查,在山西苯泄露事件中,保护的是事故责任人与失察瞒报的官员,伤害的是漳河流域人民的健康和生命。

Izay mety ho karazana politika dia mifamatotra hatrany amin'ny tombotsoan'ireo antoko isan-karazany. Ny sivana natao ny tranga tao Shanxi dia niarovana ireo manampahefana izay nanafina ny vaovao sy ireo olona tompon'andraikitra tamin'ny fandotoana, saingy nahatohina  ireo olona miaina ao amin'ny reniranon'i Zhanghe ilay izy, ary ny fahasalaman-dry zareo sy ny ainy no sandan'izany.

Ilay olo-malazan'ny media sosialy, Xue Manzi, dia nitaky ny mba hisian'ny fanaraha-maso tsaratsara kokoa ny tontolo iainana :

全国各地企业环保事故层出不穷,但很少报道,这种貌似维稳是在拿人民生命安全开玩笑!这种特大饮水安全事故五天不报,给下游百万人民不预警,失去防范良机,瞒报就是犯罪!污染更是犯罪!明知污染还不治理是最大的犯罪!为了子孙后代安全必须治理环境污染!

Mitranga mifandimbindimby ny loza ara-tontolo iainana avy amin'ireo orinasa ao Shina, saingy zara raha misy taterina, ity fomba “fiantohana ny fitoniana” ity dia mandray ny ain'ny olona ho toy ny fananany maimaim-poana! Ny olana saropady toy izany, rehefa tsy voatatitra ara-potoana avy hatrany, dia hahavoa olona an-tapitrisa tsy nisy fampitandremana, heloka bevava izany! Heloka bevava ny fandotoana! Ny fisafidianana tsy hiraharaha ny fandotoana dia heloka bevava goavana! Tsy maintsy miady varotra amin'ny governemanta isika mikasika ny fandotoana ny tontolo iainana, ho an'ireo andian-taranaka hoavy!.

Ny tonian-dahatsoratry ny ifeng news Meng Hui nanely ny hoe :

新闻自由,关系到亿万生灵的生命

Mahakasika ain'olona an-tapitrisa ny Fahalalahan'ny Asa Fanaovana Gazety.

Bilaogera iray monina ao an-tanànan'i Handan nanoratra hoe :

我们已经喝了五天的污染水,后果难以想象,谁来负责?谁负的起这个责?没有别的办法,只有建议大家把那喝进去的污染的水用洗胃的办法清除出来,到底用啥法子呢?估计用啥法子也难以消除污染给我们带来的危害,我们时刻生活在不明真相的威胁中,令人担忧!

Nisotro rano voapoizina nandritra ny dimy andro izahay, sarotra be ny hisaintsaina ny ho fiantraikany. Iza no handray ny andrikitra amin'io? Iza no afaka hizaka ny andraikitra? Tsy misy fomba hafa, fa sosokevitra ny ahy ny tokony handehanan'ny olona hitroka ny vavoniny mba hampadio azy. Kanefa, tsy misy zavatra azontsika hatao mba hamafàna ny dona ateraky ny fandotoana natao antsika, miaina mandrakariva eo ambanin'ny horohoro noho ny fanafenana ny marina isika, tena mampihenjan-kozatra an!

 

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.