Lahatsoratra voadika amin'ny teny:
Manana ny lisitry ny lahatsary mampiseho fipoahana volokano nanohina tao Nikaragòa tamin'ny 8 Septambra lasa teo ireo mpisera YouTube. Volokano San Cristobal, izay avo indrindra ao amin'ity firenena Amerika Afovoany ity, no nipoaka tamin'ny Asabotsy maraina tamin'ny 9:02, namoaka setroka sy lavenona ka nahatonga ny manampahefana tao an-toerana namindra ireo mponina maherin'ny 3000 tao Chinandega.
Mampiseho ny fiakaran'ny lavenona ity lahatsary ity ka manontany ny fomba rehetra tokony atao ireo naka ny sary raha tokony hoesorina ao amin'ny faritra izy ireo:
Amin'ity lahatsary hafa ity, hita fa miitatra mankao an-tanàna mpifanolo-bodirindrina ao Chichigalpa ny setroky ny lavenona:
Amin'ity lahatsary iray manaraka ity kosa, tamin'ny 1:09, setroka sy lavenona hafa indray no nivoaka avy tao anatin'ilay volokano, ka nahatonga ny olona naka ny sary haneho hevitra fa mbola tsy nahita fipoahana volokano mahery vaika tahaka izao izy:
Volokano San Cristobal Volcano nipoaka tamin'ny 9 maraina ny 8 Septambra 2012 tao Nikaragoa. Sary avy amin'i Ricci Rich Silva via Twitpic.
Rehefa App ny resaka dia fampiasa na fampiharana no tsara iantsoana azy kokoa