Global Voices teny Malagasy » Serbia: Ny fanoheran’i Cavic (ny fahaleovantenan’i) KOsovo

Firenena:: Serbia
Lohahevitra:: Freedom of Speech, Ethnicity, Human Rights, Law, Protest, Sport, International Relations, Politics
Teny:: Malagasy

Balkan Baby no manoratra momba ilay tompon-dakan'ny lomano Milorad Cavic: “Maro aminay izay nanohana tanteraka ny fahaleovantenan'i Kosovo no hanohana ny fanoheran'i Cavic ihany koa na dia mifandaka aza ireo hevitra ireo, noho ny fahitanay azy ho endrika zon'ny tsirairay ao anaty demokrasia ho afa-maneho hevitra sy milaza izay ao an-dohany. Na dia maro dia maro tokoa aza ny atleta no mianjaika amin'ny fitafiana fanaovana fanatanjahantena mitondra marika manana ny lazany mandoka varotra ny vokatra nivoaka farany, dia nasehon'i Cavic kosa fa mbola misy ny atleta no mijoro hisolo tena ny vahoaka misy azy ary ny fanatanjahantena, miaraka amin'ny fantsom-panabeazana hafa tahaka ny zavakanto sy ny teatira no hany sisa fiaroana matanjaka hanohanana ny soa iombonana rehefa mahatsiaro ho voafitaky ny politika isika.”

Hamela valiny

Rohy farany

Nakaton'ny fitondrana iraniana ny gazetin'ny fanavaozana, Kargozaran. Bolongana sy vohikala vaovao maro no nitatitra fa lasa lasibatra noho ny krizy any Gaza ny Kargozaran. Navoakan'ny Kargozarn manko ny fanambarana nataon'ny fikambanan'ny mpianatra (Tahkim Vahdat) izay “manameloka an'isiraely sy ny vondrona mpampihorohoro miafina sy mialokaloka any an-tsekoly sy hopitaly any (Gaza)”.

Hamid Tehrani

Pierre Maury no mitatitra fa efa novalian'ny fitondram-panjakana frantsay ny fanamelohana fa tratran'ny sivana ilay piesin'ny tantaran'ny tolona ho amin'ny fahaleovantena “47″ nataon'i Jean-Luc Raharimanana sy Thierry Bedard. Victoire Bidegain Di Rosa, mpanolotsaina ao amin'ny minisiteran'ny kolontsaina frantsay no manazava fa tsy voatery hahaliana ny firenenkafa aty amin'ny faritra ilay lalao an-tsehatra ary mahazo alalana hampiseho azy ny ny foiben-kolontsaina tsirairay fa anjarany kosa ny mikaroka mpanohana mahaleo tena hanentsenana ny fandaniana mifandraika amin'izany (fr).

Israeli Mom no mitantara ny famangiany ny Kibbutz (karazana tanàna kely toy ny koperativa mahazaka tena) Or HaNer, izay maneho manokana ny hosodoko an-drindrina be velarana noforonin'ireo mpanakanto Arzantineana Daniela Almeida sy Jose Kura. “Tamin'ny taona 2007 no nanasana an'i Kura sy Almeida hitsidika ny kibbutz (natsangan'ny mpifindra-monina jiosy avy any Arzantina) hanao hosodoko an-drindrina ny andavanandrom-piainana isan-karazany ao amin'ny kibbutz,” hoy Israeli Mom.

Wall Murals (Sourced from www.israelimom.org)

Lahatsoratra momba ny

Hevitra farany