Fanabeazana Ara-Miaramila ao Korea Atsimo : Dimy Ny Maty Ka Mbola Ilaina Ve?

Mpianatry ny Lisea dimy no maty an-drano tao amin'ny toby iray amoron-dranomasina filasiana tao Korea Atsimo, izay niteraka ny adi-hevitra momba ny fahamaroan'ny toera-pilasiana miendrika fanazara-tena miaramila sy ny fahatsiarovana ny kolontaina ara-miaramila nananan'i Korea.

Tany atsimon'ny faritanin'i Chungcheong, mpianatry ny lisera dimy no maty nandritra ny filasiana ara-miaramila telo andro izay naneren'ny mpanofana hanaisoran'ny mpianatra ny akanjo aro-aina sy hitsorahany any an-dranomasina tanatin'ny takariva. Tamin'ireo mpianatra 23 tratran'ny onja mahery, dimy no tsy namaly ny antso fa hita kosa ny fatiny ny ampitso.

Talohan'ny fandevenana ofisialy [ko] notontosaina tamin'ny 24 jolay 2013, namoaka lahatsary fohy maneho ny fiaraha-miory tao amin'ny Youtube ny mpiara-mianatra tamin'ireo niharam-boina

Nahatsikaritra ny polisy taty aoriana fa nisy mpanofana maromaro tsy manana mari-pahaizana ho amin'izany nantsoina hiasa vonjimaika mandritra ny vanim-potoana mafana maha-betsaka ny asa. Ankoatra izany, nampiasa anara-tobin-tafika an-dranomasina koreana tsy nahazo alalana ilay toera-pilasiana, na dia tsy manana fifandraisana aminà vondro-tafika aza ry zareo.

Na dia niompana tamin'ny fitsikerana ny goragora sy ny fomba fanaon'ny toera-pilasiana tsy nahazoana alalana aza ny fanehoa-kevitra eo noho eo, dia naneho ny ahiahiny amin'ny fibahanan'ny kolontsaina ara-miaramila eo amin'ny fanabeazana koreana izay manitsakitsaka ny fahaiza-mamorona eo amin'ny mpianatra sy ny mahaolon-tokana azy ary manohintohina ny maha-olom-pirenena mahatapa-kevitra sy tompon'andraikitra azy eo amin'ny sehatry ny demokrasia ny bilaogera sy ny mpisera Twitter.

Ny filasiana ara-miaramila no iray amin'ny zava-panao malaza indrindra amin'ny vakansy ho an'ny sekoly koreana ary ny ‘Gyoryeon‘ [ko], na ny fanazara-tena ara-miaramila ho an'ny ankizy, no iray amin'ny taranja tsy maintsy natao ho an'ny mpianatry ny lisea nandritra ny taompolo telo. Navarina ho taranja azo atao na tsia izy io tamin'ny 1997 ary nofoanana [nanjavona] tamin'ny fomba ofisialy [ko] tamin'ny taranjam-pianarana vao tamin'ny herintaona monja.

Image of Boot Camp in Seoul. Unrelated to the one that is responsible for the accident. Image by Flickr user @fast800 (CC BY-NC-SA 2.0)

Sary toera-pilasiana ara-miaramila iray ao Korea Atsimo. Tsy misy ifandraisany amin'ilay toby tompon'antoka tamin'ny loza. Saripika mpisera Flickr @fast8000 (CC BY-NC-SA 2.0)

@blu_pn: 해병대캠프 사고로, 극기라는 이름의 병영훈련에 경악하는 분들이 많다. ● 허나 기억할랑가 모르겠다. 나 어릴적 학교에서는 교련이라는 군사훈련을 정규수업으로 받았고, 조회시간엔 군대식 사열과 교장선생님께 거수경례를 했었다[…]

@blu_pn: Taorian'ny loza nitranga tao amin'ny toera-pilasiana izara-tena ara-miaramila, maro dia maro tokoa ireo nampiseho ny fivarahontsany manoloana ireo toera-pilasiana ara-miaramila sy ny fifehezan-tena atao amin'ny alalan'ny fanazara-tena henjana dia henjana. Saingy tsaroanareo ve? Fony aho mbola zaza, nahazo fanaraza-tena ara-miaramila antsoina hoe ‘Gyo-ryeon’ aho izay ao anatin'ny fanabeazana ahy ara-panjakana. Ary rehefa maraina dia milahatra tahaka ny any amin'ny miaramila ary manao arahaba ara-miaramila ny talen-tsekoly isika mpianatra.

Manoritsoritra ny tantara lava [ko] amin'ny kolontsaina ara-miaramila tao amin'ny fanabeazana koreana moderina ilay bilaogera mavitrika Impeter:

[…] 1969년 안보의식과 전시상황에서의 대처능력을 높인다는 목적으로 고등학교 필수과목으로 ‘교련'을 지정했습니다. 당시 교련을 받은 대부분의 학생들은 그저 학교에서 하는 과목이라고 생각했지만, 지금 돌이켜보면 전쟁이 나면 고등학생까지 총을 들고 전장에 내보내겠다는 끔찍한 일이었습니다. 고등학생을 군인으로 만들려고 하니 군대와 똑같은 체벌과 군인정신을 학교에서 요구하기 시작했습니다. […] 우리 교육의 가장 큰 문제는 잘못된 명령이라도 무조건 따라야 한다는 일제강점기 조선총독부가 조선의 아이들을 소년병으로 만들려는 군국주의 교육 습성이 군사독재 정권으로 이어지면서 아직도 학교에 남아 있기 때문입니다.

Image of Boot Camp in Seoul. Unrelated to the facility that is responsible for the accident. Image by Flickr user @fast800 (CC BY-NC-SA 2.0)

Sary toera-pilasiana ara-miaramila iray ao Korea Atsimo. Tsy misy ifandraisany amin'ilay toby tompon'antoka tamin'ny loza. Saripika mpisera Flickr @fast8000 (CC BY-NC-SA 2.0)

Tamin'ny 1969 [naotin'ny tonia: ambavahoanan'ny hiady indrindra i Korea Atsimo sy Korea Avaratra tamin'izany] nataon'ny governemanta ho taranja tsy maintsy atao ny ‘Gyoryeon’ mba hanentanana ny olona ny lafiny fiarova-pirenena sy hiomanana tsara kokoa raha misy ny ady. Tsy nieritreritra lavitra ny ankamaroan'ny mpianatra fa nanaiky azy ho tahaka ny taranjam-pianarana any an-tsekoly, fa rehefa tena mieritreritra ny momba izany ianao, dia nampihoron-koditra ihany ny toe-draharaha an. Ahafahana mitaratra izany fa efa nanana eritreritra ny handefa hatramin'ny mpianatry ny lisea eny ambava ady ny governemanta raha nipoaka ny ady. Koe efa nanao izay haha-miaramila ny mpianatry ny lisea ry zareo, dia nanomboka nampiditra toe-tsaina miaramila ny sekoly ary saika notanterahina tany avokoa ihany koa ny fomba fanasaziana ara-miaramila […] Ny tena olana lehibe indrindra amin'ny fanabeazantsika dia [ny finoana fa] ‘mila manoa ny mpianatra eny fa na dia ny baiko diso aza’ izay teraka nandritra ny fotoanan'ny fanjanahantany Japoney — fa navadiky fitondrana kolonialy Japoney ho zatovo miaramila ny zanaky ny fiankohonam-panjaka Chosun [nandritra ny ady lehibe faharoa] tamin'ny fampanjakana ny ara-miaramila ao amin'ny fanabeazana. Ary mbola tavela niaina ihany izany fomba izany rehefa nandray ny fahefana [hatramin'ny taompolo 1960s ka hatramin'ny taompolo 1980] , ka namela dia ny fanabeazana ara-miaramila tany amin'ny sekolintsika.

Nanoratra ity famelabelarana ity [ko] ao amin'ny bilaoginy fanabazana i Kim Yong-Taek, izay nandany ny fiainany amin'ny maha-mpanabe azy :

‘군대 갔다 오면 사람 된다’는 말이 있다. ‘말썽 부리고 반발하고 부모 알기를 우습게 알던 아들이 군대 가더니 딴 사람이 되어 돌아왔다’고 좋아하는 부모들이 있다. 과연 그럴까? ‘군대’갔다 오면 사람‘된다’는 말은 고생을 모르고 자란 자녀가 부모와 헤어져 살아보니 철이 든 것이지 군에 갔기 때문에 달라진 게 아니다. 달라졌다면 순진한 젊은이가 ‘폭력에 순종하는 인간성으로 바뀌었다면 그게 달라졌을 뿐이다[…] 개성이니 창의성이니 소통과 비판과 같은 민주주의란 군사문화와는 거리가 멀다. 명령과 복종이 필요할 뿐이다. 그럴 수밖에 없는 것이 적과의 대치 속에서 살아남기 위해서는 강인한 체력과 인내심이 기본이요, ‘시키면 시키는 대로 해야 하는 복종만이 살 길이다[…] 민주시민으로 자라도록 가르치는 학교에서 배우는 학생들에게 군사문화를 주입시킨다는 것은 반민주주의요, 반교육이다.

Image of Boot Camp in Seoul. Unrelated to the facility that is responsible for the accident. Image by Flickr user @fast800 (CC BY-NC-SA 2.0)

Image of Boot Camp in South Korea. Unrelated to the camp responsible for the accident. Image by Flickr user @fast8000 (CC BY-NC-SA 2.0)

Misy fomba fiteny manao hoe ny tafika no mamolavola ny tena lehilahy. Misy aza ny ray aman-dreny sasany miteny am-pifaliana hoe ‘anaka, ny boay maherisetra iray tsy mitsahatra ny manvateva ny ray aman-dreniny dia lasa olona hafa rehefa nanao fanompoana tao amin'ny tafika’ [Tsy maintsy manao fanompoam-pirenena ara-miaramila roa taona avokoa ny lehilahy koreana afa-mijoro tsara rehetra] SAINGY, marina ve izany? voajanahary izany ho an'ny zaza mihanta lasa matotra kokoa rehefa nosarahina tamin'ny ray aman-dreniny. Raha misy ny tena fiovana vitan'ny tafika dia tovolahy bonaikabe iray lasa manoa miròna ho amin'ny herisetra. […] Manokatra ny fahaiza-mamorona sy ny mahaolon-tokana ny demokrasia ary misokatra ho amin'ny fifandraisana sy ny [fandraisana] tsikera, ary samy hafa amin'ny kolontsaina ara-miaramila izany. Ao amin'ny kolontsaina ara-miaramila, izay mitoetra eo amin'ny toe-draharaha farazan'izay ambivitry ny hifandona amin'ny fahavalo, tsy maintsy ananana ny tanjaka ara-nofo sy ny faharetana ary ny fomba tokana ahafahan-dry zareo ho velona dia ny fankatoavana ny fahefana ambony. Ahoana moa ny sekoly, andry iray tokony hitari-dalana ny mpianatra ho olom-pirenena manaja ny demokrasia, no hampiditra ny kolontsaina miaramila amin'ireo ankizy ireo? Fanapaha-kevitra mifanohitra amin'ny demokrasia izany ary tsy mifanaraka amin'ny fototry ny tena fanabeazana.

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.