Ity lahatsoratra ity dia navoakan'i Rachel Wang originally tao amin'ny Tea Leaf Nation (Firenena Ravin-dite) tamin'ny 13 Mey 2013 ary navoaka indray ho anisan'ny fifanarahana fifampizarana votoaty [Endrika natao nanara-bolontany hahamora ny fandikan-dahatsoratra].

Tamin'ny herinandro teo, nisy kabarin'ny filohan'i Etazonia Barack Obama momba ny lanjan'ny mahaolom-pirenena mandray andraikitra nanakoako tany amin'ny tambajotra sosialy shinoa.

Mpisera Sina Weibo @假装在纽约 manana ny ambaindainy, na “milaza tena ho any New York,” izay tia manaitaitra amin'ny ankapobeny izay miresaka matetika momba an’ Etazonia ary manana mpanaraka mihoatra ny 470.000 ny mpanaraka azy no mandrisika [zh] hihainoan'ny tanora shinoa ilay kabary:

(Sary ofisialy avy amin'ny Trano Fotsy nalain'i Pete Souza)

奥巴马昨天在俄亥俄州立大学的毕业典礼上演讲，演讲的核心是“公民意识”。我把他的演讲稿匆匆翻译了下来，就是觉得，中国的年轻人，也许更应该接受这样在中国的课堂里接受不到的教育。

Ny fototry ny kabarim-pisokafan'ny taom-pianarana nataon'i Obama omaly tao amin'ny Oniversitem-panjakana ao Ohio dia ny ‘ny fahatsapana mahaolom-pirenena, adikako vinaninany tahaka izay ilay kabariny, satria tsapako fa mety tena mila karazam-panabeazana toy izany mihitsy ny tanora shinoa, fa tsy mba norantoviny tany amin'ny sekoly shinoa izany.

Tao amin'ny kabarim-panombohana tamin'ny 5 mey ny filoha Obama no nilaza, ”Tsy tsimpontsimpom-bahiny isika…samy manana andraikitra manoloana ny hafa amin'ny alalan'ny fananganana idealy sy lalàna ary ny fanolora-tena isika.” Nahazo fampitan-kafatra mihoatra ny 30.000 sy fanehoan-kevitra manakaiky ny 6000 tao anatin'ny roa andro ny hafatra nalefan'i ”Milaza tena ho eto New York”, sy ny dikantenin'ny kabary.

Na dia tsy vao sambany aza ny mpiserasera shinoa no nampitaha ny zavamisy any Shina sy ao Etazonia, dia niteraka adi-hevitra momba ny zo sy adidin'ny vahoaka shinoa indray ny lohahevitra momba ny “maha-olompirenena”. Nilaza ny heviny [zh] i Yin Hong (@尹鸿), zokiolona mpanatanteraky ny Sekolin'ny fanaovan-gazety sy ny fifandraisana Tsinghua:

虽然不算是一篇最好的讲演，但公民意识表述很清楚：每一个人都拥有天赋人权，所以每一个人也都具有天赋义务。这就是公民。没有人权，就就不能有义务。权力和义务是相对对等的。

Na dia tsy io aza no kabary tsara indrindra, dia voasoritra mazava ao tsara kosa ny ‘fanaitairana mahaolom-pirenena’: manana zo voajanahary ny rehetra, noho izany manana andraikitra voajanahary koa ny rehetra. Izany ny mahaolom-pirenena. Raha tsy misy ny zon'olombelona dia tsy misy ihany koa ny adidy aman'andraikitra. Miara-dalana ny zo sy ny adidy aman'andraikitra.

Nanoratra ny mpisera Weibo iray hafa, “Efa natavy” (@曾经的胖胖胖胖):

为什么中国人缺少公民意识，因为他们不觉得这个政府跟他们有关系，而且事实上这个政府也的确不是来自选票……

Nahoana ny Shinoa no tsy manana fahatsiarovan-tena ho olom-pirenena? Satria tsy mahatsapa ry zareo fa miraharaha azy ity  governemanta ity, ary tena marina tokoa, tsy nofidiam-bahoaka ny ao amin'io governemanta io.

“Lavenona Dragona” (@龙团一灰) naneho hevitra [efa voafafa ny hafatra niaviany],

[Being in] a socialist country, we cannot think about such things; the more you think about them, the worse you will feel. As for rights, whatever the civil servants say goes.

Raha miaina amin'ny firenena sosialista isika dia tsy afa-mieritreritra zavatra tahaka izany; fa arakaraky ny hieritreretanao azy ireny no hahatsapanao zavatra ratsiratsy kokoa [any anatinao any]. Tahaka ny zo moa dia lasa avokoa izay lazain'ny mpiasam-panjakana.

Ahitana fitsiriritana, fialonana ary zava-mampalahelo amin'ireo fihetseha-po mivoaka amin'ny fanehoan-kevitra momba kabarin'i Obama. Tafiditra ao anatin'ny resaka ihany koa ny tolona maro, ny fahasarotana maro ary ny fahakiviana atrehin'ny tanora shinoa ankehitriny. Nanoratra toy izao ny mpisera Weibo “Bandy goavana mandeha sahala amin'ny Dragona sy ny Tigra” (@大背头龙行虎步) [efa voafafa ny hafatra amin'ny teny shinoa niaviany]:

The youth all start out hoping for a sense of citizenship, but after hitting the wall over and over again in society, they turn towards nepotism. This is ‘soy-sauce vat’ China, where everything ends up black [corrupt] regardless of how it started out. One generation after another, this is our traditional culture: dictatorship, authoritarianism, and intolerance of opposition. The burdens of tradition are way too heavy; democracy might be another century away.

Miainga amin'ny fanantenana hanatontosa ny maha-olompirenena avokoa ny tanora, saingy midona amin'ny rindrina hatrany izy ireo ao amin'ny fiaraha-monina, lasa miodina mankany amin'ny fahalalàna olona avy eo ry zareo. Izany no “taharo (fanaovana) saosy saozaha shinoa”, izay mifarana ho mainty avokoa ny zavatra rehetra na inona na inona ny nanombohana azy. Avy amin'ny taranaka iray mankamin'ny taranaka iray hafa, izany no kolontsaina nentim-paharazantsika: didy jadona, didiko-fe lehibe , ary ny tsy fahazakana fanoherana. Mavesatra loatra ny vesatry ny nentim-paharazana; mety hoe efa taonjato hafa izany demokrasia izany.

Nanontany tena ny mpisera “Hula Baopei” (@呼啦啦啦宝宝_佩) :

当国内大学生一毕业便面临高房价、物价而不得不屈服于现实失去梦想时，美国青年却可以以祖国未来为己任，被赋予强大的公民意识，坚定不移的实现自己的梦想、承担国家发展之重任，我在想中国的未来在哪里？下一代的未来在哪里？

Raha milefitra manoloana ny zava-misy ny mpianatry ny kolejy shinoa ka tsy mahatadidy intsony ny nofinofiny manoloana ny fahalafosana sy ny tsy fahatakarana ny zo hanam-ponenana aorian'ny nandiavana ny kolejy, Afa-mametraka ny hoavin'ny tanindrazany ho iraka ataony manokana kosa ny tanora Amerikana; efa tsara volavola tao amin'ny fahatsapa-tena ho olom-pirenena ry zareo, mandeha haingana mankany amin'ny nofinofiny ry zareo, ary mandray ny andraikitra ho amin'ny fampandrosoana ny firenena. Manontany tena aho, aiza ny hoavin'i Shina? aiza ny hoavin'ny taranaka manaraka?

Tonga eo amin'ny fotoanany mihitsy moa ny tebiteby tahaka izany, raha jerena ny lanonam-panolorana diplaoma saika hita amin'ny faritra maro ao Shina. Angamba ho an'ireo vao nahazo ny diplaoman'ny kolejy farany indrindra teo, ny tsindry mitambesatra an-dry zareo dia tsy hoe ahoana ny fomba hanovana ny firenena, fa ny hoe ahoana no ahafahana miavo-tena ao anatin'izao toe-karena mampalahelo ity. Ny zava-misy, ny taona 2013 no heverina fa fotoan-tsarotra indrindra hitadiavan'asa ho an'i Shina maoderina. Raha mananontanona ny fito tapitrisa ny mpianatry ny kolejy nahazo diplaoma miditra amin'ny tsenan'ny asa, dia sivy tapitrisa ihany ny asa vaovao voaforoona, ary dia tsy maintsy mifaninana amin'ireo mpianatra avy any ivelany, sy ireo nahazo ny diplaoman'ny sekoly ambony sy ny sekolin'ny fifampiraharahana ara-barotra ry zareo amin'izany. Ny tahan'ny mpianatra nahazo ny diplaoman'ny kolejy no  heverina ho ambany indrindra eo amin'ny tantara shinoa [zh].

Ny fahatsapana ho olom-pirenena dia mety hidika zavatra mihoatra ny (fananana) fisainana mahaleo tena sy manome hevitra izay samy hafa amin'ny propagandy fanaon'ny governemanta shinoa. Ny zava-dehibe kokoa, maneho ny fahafaha-manao tsindrilenta sy mahaleo tena rehefa miatrika ny fahefam-panjakana izany, fahafaha-manao izay miainga avy amin'ny fahatsapana fa manana anjara toerana eo amin'ny firenena, na dia mety ho olona bitika aza izy. Ary hoy [zh]i  Ren Zhiqiang (@任志强), izay mpanankaremben'ny fanana-trano manana mpanaraka mihoatra ny 14 tapitrisa ao amin'ny Weibo,

总统的讲话从来不是必须学习的圣旨。而是一种常识。

Ny kabarin'ny filoha tsy mandidy mihitsy hoe ilaina ianarana daholo izany, fa fahaiza-misaina fotsiny.