Arabia Saodita: Lalàna Vaovao Enti-manohitra ny Fampihorohoroana Hamotehana ny Fihetsiketsehana

Andro vitsivitsy lasa izay, nasehon'ny Amnesty International ilay volavolan-dalàna Saodiana tafavoaka mikasika ny Lalàna vaovao  enti-miady amin'ny fampihorohoroana, nofaritan'ny fikambanana tao anatin'ny fanambarana nataony fa toy ny “lalàna manome alalana ny fitondrana hangenja ny mpanao fihetsiketsehana am-pilaminana amin'ny fanomezana sazy henjana tahaka ny heloka fampihorohoroana”, ary nampiany koa fa afa-manasazy hatramin'ny 10 taona an-tranomaizina farafahakeliny ireo izay manohintohina ny fiandrianan'ny Mpanjaka na ny Printsy izany lalàna izany.

Vaovao faranynisy nanakana ny tranokalan'ny Amnesty International ao Arabia Saodita.

Navoakan'ny Amnesty International (@amnesty) tao amin'ny Twitter ihany koa izany vaovao izany, izay vahoaka marobe no naneho hevitra amin'ny fampiasana teny fototra #SaudiTerrorLaw:

@amnesty: Antonta-kevitra miafina no nahitana fa ny lalàna vaovao #SaudiArabia “Manohitra -Fampihorohoroana” dia ahafahana manenjika ny mpanao fihetsiketsehana am-pilaminana http://owl.li/5KS9Y

Twitter avatar saying "I'm patriotic, therefore I'm a terrorist", as posted by Lujayn Alyamani

Sary ao amin'ny Twitter milaza hoe "Tia tanindrazana aho, arak'izany, mpampihorohoro aho", nalefan'i Lujayn Alyamani

Bilaogera Saodiana Ahmed Al-Omran (@ahmed) nanoratra tweet marobe momba ny volavolan-dalàna ary nanamarika fa:

@ahmed: Mahita aho fa Saodiana marobe ao amin'ny Twitter no milaza ilay volavolan-dalàna manohitra-fampihorohorona fa “lalànan'ny latsaka ankaterena.” @alfarhan nilaza fa miezaka maka-tahaka an'i Korea Avaratra izy ireo .

Bilaogera Saodiana Foud Al-Farhan (@alfarhan) voalaza ao amin'ny tweet teo aloha, no naneho ny fihetseham-pony ihany koa momba ny volavolan-dalàna Manohitra-Fampihorohorona tao amin'ny twitter, ary ao amin'ity tweet manaraka ity, mampatsiahy ilay mpanoratra tantara malaza George Orwel tamin'ny taona 1984 izy ka hoy izy:

@alfarhan: taona 2011 no taona 1984 antsika#Saudi #SaudiTerrorLaw

Mpisolovava Saodiana Fahad AlMalki (@falmalki) no namaritra ny dikan'ilay lalàna vaovao tamin'ny fomba maneso sy mankaloiloy:

@falmalki: Fanontaniana: Farito: Leo aho. Valiny: Tsy vitako. Mety ho ampidirina am-ponja aho. Ny hany afaka lazaiko amin'ny mety dikan'izany: Tena faly tanteraka aho.

Mpanao gazety Saodiana Iman Al-Qahtani (@ImaQh) nangataka ireo sangan'olona Saodiana mba hanakana ny manampahefana amin'ny fankatoavana io volavolan-dalàna io:

واجب اخلاقي على النخب الثقافية والدينية المقربة من السلطة مناصحتها بخطورة النظام المزمع اصداره وتداعياته الخطيرة على الحريات

@ImaQh: Andraikitry ny avara-pianarana sy ny mpitondra fivavahana akaiky ny fitondrana ny manolo-kevitra azy ireo ny amin'ny loza mety aterak'izany lalàna izany eo anatrehan'ny fahafahana.

Mpikatroka Saodiana Waleed Abu Alkhair (@abualkhair) nampitandrina ny filankevitra Shoura amin'ny fankatoavana lalàna toy izany:

كمواطن سعودي أحمل أعضاء مجلس الشورى المسؤولية التاريخية الكاملة في تمرير نظام مكافحة الإرهاب الجديد

@abualkhair: Amin'ny maha olompirenena tsotra Saodiana ahy, dia ireo mpikambana ao amin'ny Shourra no tompon'andraikitra feno sy ara-tantara  amin'ny fankatoavany ny lalàna vaovao Manohitra-Fampihorohoroana

Vehivavy mpiserasera Saodiana Lujayn Alyamani (@LujaynAlyamani) naneho ny fahagagany manoloana ny tsy maha-demokratika ity lalàna ity:

اسمعوا: هذا المشروع اغتصاب مشرع لأحلامنا! عار والله أن نعيش عراة من الأحلام لهذا الوطن

@LujaynAlyamani: Henoy, volavolan-dalàna manao an-keriny ny nofinofintsika amin'ny alalan'ny ara-dalàna ity! Mahamenatra ny miaina noho ny fanendahana ny nofinofintsika ato amin'ity firenena ity

Mpiserasera Saodiana hafa, Mouaz Dahdah (@mouazmb) nanoratra famaritana tsotra momba io lalàna io:

باختصار “قانون طوارئ جديد”

@mouazmb: Raha lazaina fohifohy, Lalàna miaramila vaovao!

Maha AlAsmari (@maha_alasmri) nanazava ny fomba mety handravan'ity lalàna ity ny fahafahana maneho hevitra ao amin'ny fireneny :

ان طُبق هذا النظام سيأتي يوم يكون فيه وجود مُعتقل من كل عائله سعوديه بالسجون بتهمَه التعبير عن الرأي أمر طبيعي


@maha_alasmri
: Raha ampiharina io lalàna io, ho avy ny andro izay isaky ny fianakaviana Saodiana dia misy olona iray ampidirina am-ponja noho ny fanehoan-kevitra ataony!

Mohammed Khelaiwy (@khelaiwy) nahita fanamarihana tamin'ity lalàna ity  fa tsy naka lesona tamin'ny Lohataona Arabo ny fitondrana Saodiana :

 

صاحب القانون لم يستوعب دروس الثورات العربية ونتائج القهر والظلم وامتهان الكرامة وغياب المعارضة الوطنية الشريفة

@khelaiwy: Tsy mba naharay lesona tamin'ny revolisiona Arabo sy ny vokatry ny tsindrihazolena, ny tsy rariny, ny fanalam-baraka ary ny tsy fisian'ny mpanohitra tena izy sy mendrika hajaina ny olona izay nanoratra io lalàna io.

Khelaiwy nanampy izany ihany koa ka nilaza hoe:

 

كلنا ضد الأرهاب والأرهابيين ولكن استخدام قوانين جائرة بأسمة لتجريم وسلب حقوق المواطن المشروعة هو ارهاب ايضا


@Khelaiwy
: Samy manohitra ny fampihorohoroana sy ireo mpampihorohoro isika rehetra saingy ny fampiasana lalàna tsy ara-drariny sy ny fanendahana ny zon'ny olom-pirenena amin'ny tolona miady amin'ny fampihorohoroana, dia mpampihorohoro ihany koa izy.

Mpisiokantserasera hafa, Majed Alnemer (@majedalnemer), nanohy nilaza fa:

@majedalnemer: Lalàna  manohitra-fampihorohoroana Saodiana hamono ny olom-pirenena raha toa ka ireo mpampihorohoro no tokony hovonoiny!

Mohammad Al Rasheed (@Onlinemars) ni-tweet momba ny haratsian'io lalàna io sy ny fahadisoan'ny manampahefana Saodiana tamin'ny fomba niadiany amin'ny fampihorohoroana:

عندما حاربت أمريكا وأوروبا الإرهاب حاربته خارجيا لتحمي داخلها. ونحن نحارب الإرهاب داخليا لنحمي من؟

@Onlinemars: Raha nitolona tamin'ny fanoherana ny fampihorohoroana i Amerika sy ny Eoropa, dia nataony tany ivelany izany mba hiarovana ny ao anatiny, raha toa ka miady amin'ny fampihorohoroana ato anatiny kosa isika, mba hiarovana an'iza?

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.