Tsy faly tamin'ny famalian'ireo manampahefana ao amin'ny governemanta ao Filipina ny Ice Bucket Challenge (Fanambin'ny Rano iray Tavy) ireo mpisera ety anaty aterineto ka sahy nihantsy ireo mpiasam-panjakana manana toerana ambony mba handray anjara amin'ny #MRTRushHourChallenge (#MRTManenjikaOraFidirana) sy #PNRRushHourChallenge (#PNRManenjikaOraFidirana).

Niantsoin'ireo mpampiasa aterineto ireo mpiasam-panjakana mba handeha amin'ny Lamasinina Mpitatitra any ambanin'ny Tany (MRT) sy Fitaterana an-dalamby Nasionaly ao Filipina (PNR), izay mamakivaky ny faritry ny renivohitry ny firenena, mandritra ny ora fiaingàna (maha-be olona) mba hiainan'izy ireo ny fijaliana mahazo ireo mpampiasa izany isanandro.

Eo am-pelatanan'ny orinasa tsy miankina “MRT Corporation” ary iarahany mampiasa amin'ny Ministeran'ny Fitanteram-bahoaka, olan'ny MRT ny halaviran-dàlana izay maharitra adiny 4, ny olana ara-tekinika, ary ny fiaran-dalamby manao fatran-tsaonjo (mihizina).

Mandritra izany fotoana izany, itarainan'ireo mpandeha amin'ny PNR-panjakana ny faharatsian'ny tolotra raha ny fanjakana kosa mbola manohy manome vola tsy ampy foana ho an'ny lalamby ao amin'ny firenena.

Tafiditra tao anatin'ny loza iray niseho vao haingana tamin'ny 13 Aogositra ihany koa ny MRT rehefa niala ny lalamby ny iray tamin'ireo fiarany, izay nandratra sasantsasany tamin'ireo mpandeha taminy.

Miantso ny Filoha Benigno ‘Noynoy’ Aquino III mba hanery ireo mpiasam-panjakana handeha amin'ny fitateram-baahoaka, na dia indray mandeha isam-bolana aza, ny fitakiana iray nataon'i Dinna Dayao ao amin'ny tranonkala Change.org. Nahazo sonia maherin'ny 12.000 io fitakiana io.

Nandray anjara tamin'ny #MRTChallenge ny Loholona  Grace Poe. Nomen'ireo mpampiasa aterineto tsiny kosa ny Sekretera ao amin'ny Fitaterana, Jun Abaya tamin'ny nandraisany ny fiara natao ho an'ireo beantitra sy olona manana kilema nandritra ny ora naha-vitsy ny mpandeha, narahana mpiambina manokana, ary niaraka tamin'ny mpanao gazety maro. Tsy nanaiky hanao ilay fanamby ny Filoha Aquino. 

Ireto misy fihetseham-po vitsivitsy ao amin'ny Twitter izay mampiseho ny fahasorenan'ireo mpandeha lamasinina ao amin'ny Metro Manila:

Sa pasikat nilang pagsakay sa MRT: kung kinakailangan niyo pa yan gawin para lang maintindihan ang kalagayan namin, nabigo niyo na kami.

— Cleve Arguelles (@clevearguelles) August 29, 2014

Fandehanana MRT, toy ny dokambarotra: tsy nahatratra anay ianareo raha hoe mila manao izany mba hahatakàrana tsara ny mahazo anay.

Oh please. Taking the MRT once does not prove anything. Other than … politicians needing some ‘pleasant’ media mileage. #MRTChallenge

— inastuartsantiago (@radikalchick) August 29, 2014

Raha sitrakareo. Tsy manaporofo na inona na inona ny fandehananareo lamasinina indray mandeha. Raha tsy hoe … mila fanarahan'ny media manokana ireo mpanao politika.#MRTChallenge

Ice bucket challenge, and our gov't officials accomplished it. madali nilang Inaccept yung challenge, why not #PNRRushHourChallenge?

— Johnrhey ü (@espinozajre) September 1, 2014

Fanambin'ny tavy misy ranomandry, ary dia nataon'ireo mpiasam-panjakantsika izany. nanaiky mora ny hanao ny fanamby izy ireo, naninona no tsy #PNRRushHourChallenge?

As per DOTC Abaya, it was a ‘pleasant’ riding the MRT. WOW. Dude, you just did it on a non-peak hour tagging along your entire entourage.

— JE (@je_escarcha) August 29, 2014

Toy ny nataon'i DOCT Abaya, fitsangatsanganana “nahafinaritra” ny nandeha tamin'ny MRT. Oayyy e. O ry lery e, tamin'ny ora tsy naha-be ny mpandeha no mba nanaovanao izany, mba nanara-poana ireo manodidina anao ialahy lesy a.

Ngek. May press coverage pa ang pag MRT ni Abaya. Dapat game na lang yan for all commuters daily: spot Abaya in the MRT.

— Ethel (@econcepcion) August 28, 2014

Na dia ny fandehanan'ny [Sekreteram-Pitanterana] Abaya tamin'ny MRT aza dia nahazo ny fandrakofan'ny mpanao gazety. Tokony ho kilalao mahazatra aza ho an'ireo avy any amin'ny tanàna ambany ny hoe : tadiavo ao anatin'ny MRT i Abaya.

Magbasa naman at magresearch muna ang mga nagsasabing ‘fare hike’ at privatization ang solusyon sa #MRTbulok. MRT is private, leased to PH.

— Tonyo Cruz (@tonyocruz) August 29, 2014

Tokony hamaky sy hikaroka aloha ireo izay manolotra hevitra fa ny “fisondrotan'ny saran-dàlana” sy ny fisintahan'ny fanjakàna no vaha-olana amin'ireo fijalian'ny MRT. Tsy miankina ny MRT, hofain'ny Filipina.

MRT presents a clear case against PPP [Private-Public Partnerships], a sobering counterpoint against the myth of private sector's strengths

— Carlos Maningat (@jcmaningat) September 1, 2014

Maneho tranga iray mazava amin'ny fanoherana ny PPP [Fiaraha-miasan'ny Fanjakana Sy ny tsy Miankina] ny MRT, toe-javatra iray ilaina saintsainina hanoherana ny anganongano momba ny  herin'ny sehatra tsy miankina.

forget the #MRTChallenge .I challenge all politicians to explain your wealth. so we know how to buy a mansion with a politician's salary.

— Sean de Jesus (@seantdj) September 3, 2014

adinoy ny #MRTChallenge. Mihantsy ireo mpanao politika aho mba hanazava ny harenareo. amin'izay fantatray ny fomba fividianana trano amin'ny alalan'ny karaman'ny olona iray mpanao politika.

Maridrefy ahitàna ny halalin'ny fitomboan'ny fahasorenan'ireo mpandeha amin'ny rafitra fitateram-bahoaka tsy miankina ao amin'ny firenena ny lazan'ireny ora fiaingàna (maha-be mpandeha) ireny. Mila manome valiny amin'ilay fanamby haingana ireo manampahefana amin'ny alalan'ny famahàna ireo olana mahazo ny tolotra fitaterana amin'ny lamasinina ao amin'ny renivohitry ny firenena