Global Voices teny Malagasy » Grande Bretagne (UK)

Arabia Saodita: Doka ho an'i Grande Bretagne avy amina mpitoraka blaogy iray

avylavitra — Mon, 09 Nov 2009 12:21:09 +0000

MpanoratraAyesha Saldanha · Nandika avylavitra · vakio ato ny lahatsoratra nadika

Maram Meccawy dia Saodiana mpanoratra sady mpitoraka blaogy, monina sy miasa any Grande Bretagne. Tsy ela akory izay dia nanoratra lahatsoratra iray izy, nantsoina hoe “Nahoana aho no vonona hiaro an'i Grande Bretagne? [Why am i ready to defend Britain?]“

Maram dia manomboka ny filazàny amin'ny hoe:

كنتُ دائماً أعلن أنني أحب بريطانيا..فهنا أحلى ذكريات طفولتي، وهنا الوطن الثاني الذي عشت فيه (ولا أزال) ردحاً من عمري. ولم تكن لدّي مشكلة كبيرة مع كون بريطانيا دولة عدوانية بامتياز (تاريخياً وفي الحاضر أيضاً ) باعتبار مشاركتها في الحربين على أفغانستان والعراق، لأنني كنت هنا منذ البداية وأعرف بأن هناك فرق شاسع بين ما يقوم الساسة بتنفيذه وبين ما يريده الشعب حتى في دولة ديمقراطية مثل المملكة المتحدة. فأنا أدرك بأن أقوى المنظمات الشعبية المعارضة للحرب موجودة هنا، وأفضل الأفلام الوثائقية التي فضحت جرائمها أنتجت في هذا البلد. وأراقب يومياً الجدل الدائر في الصحافة والإعلام وأروقة السياسة حول رغبة الشعب في رؤية قواته تنسحب من هذين البلدين وأن يفتح باب المحاسبة والمحاكمة لكل من تسببوا بهذه الجرائم.

Nilaza mandrakariva aho fa tia an'i Grande Bretagne… Tany ireo fahatsiarovana tsara indrindran' ny fotoam-pahazazako, tanindrazako faharoa, izay niainako betsaka ny androm-piainako nandritry ny fotoana maharitra (ary hatramin'izao). Tsy dia nanana olana goavana loatra aho momba izay maha-firenena mahery setra an'i Grande Bretagne (na ara-tantara ary mandrak'izao aza) indrindra fa raha ny hoe nandraisany anjara tamin'ireo ady roa tany Afganistana sy Iraka, satria teto foana aho hatramin'ny nanombohany ary fantatro fa misy fahasamihafàna goavana eo amin'ny tian'ireo mpanao politika hapetraka sy izay tadiavin'ny vahoaka, na dia anatina firenena demaokratika toa an'i Grande Bretagne aza. Noho izany no nahatsapako fa eto daholo ireo foibena fikambanana goavana manohitra ny ady, ary ireo horonantsary tsara indrindra maneho ny heloky ny firenena dia eto no vokarina. Ary hitako saika isan'andro amin'ireo resaka an-gazety sy media isan-karazany, hatrany an-dalantsàran'ny mpitondra àny ny hetahetan'ny vahoaka hanesorana ny tafik'izy ireo amin'ireo firenena roa ireo, sy ny hanokàfana fanadihadiana lalina ka hitondràna eo anatrehan'ny lalàna ireo rehetra tomponandraikitra tamin'ireny vono olona ireny.

ومع مقتي الذي لا أخجل من التصريح به علناً ورفضي للسياسات الخارجية لحكومات لندن المتعاقبة، إلا أنني كنت دائماً أكن احتراماً كبيراً لسياساتها الداخلية والتي تقوم على احترام حقوق الإنسان وعلى إنشاء مجتمع متعدد الثقافات.

Na eo aza ny fankahalàko, izay tsy asiako henatra fa abaribariko ho hitan'ny maro, ary ny tsy fankasitrahako ireo politika ivelan'ny governemantan'i Londres nifanesy, dia manàja mandrakariva ny politika anatin-dry zareo kosa aho, izay mifototra amin'ny fanajàna ny zon'olombelona sy ny fametrahana fiarahamonina isian'ny fifangaroana kolontsaina marolafy.

فأنت في بريطانيا ليس مطلوباً منك أن “تنصهر” أو ” تتبرطن” حتى يعتبرك الناس واحداً منها. تستطيع أن تكون مسلماً وبريطانياً، يهودياً وبريطانياً، وأسودأً وبريطانياً، وتستطيع أن تصل بالأمس أو تولد هنا ومع ذلك تقول بفخر بأنك بريطاني ولن ينكر عليك أحد ذلك. صديقاتي الفرنسيات والإسبانيات وغيرهن من الأوربيات المتحدرات من غير البلد ذاته الذي يحملون جنسيته (حتى لو كان بلداً أوربياً مجاوراً) يعلنون بصراحة بأن الوضع ليس كذلك في بلدانهن. فالجزائري يظل غريباً في فرنسا ولو كان جده هو من هاجر إلى باريس قبل مائة عام يوم أن كانت الجزائر بالأصل جزء من فرنسا.

Rehefa tonga aty Grande Bretagne ianao, tsy ilainao akory ny hoe “hahafehy” na “hiova ho Anglisy” vao handray anao ho isan'izy ireo ny olona. Azonao atao ny sady ho Silamo no Anglisy, sady Jiosy no Anglisy, sady mainty no Anglisy; mety ho vao omaly ianao no tonga teto na teto mihitsy no teraka, ary dia afaka sahady hitoetra amim-pireharehana fa Anglisy ianao – tsy misy olona afaka handràra anao amin'izany. Ireo vehivavy namako teratany Frantsay, Espaniôla, sy Erôpeana hafa koa izay manana fiaviana ivelan'ireo firenena ireo sy izakàn'izy ireo ny zom-pireneny (na dia ireo manam-piaviana avy amin'ireo firenena Erôpeana mpifanolo-bodirindrina aza) dia tsy mihambahamba miteny fa tsy mba toy izao ny tranga iainana any amin'ny firenen-dry zareo. Ny Algeriana iray dia mijanona ho vahiny foana any Frantsa, na dia mpifindra monina tany Parisy efa anjaton-taonany tany aloha tany aza ny raibeny fony Alzeria mbola teo ambany fiahian'i Frantsa.

حدثان في الأسبوع الماضي لفتا انتباهي بخصوص خصوصية بريطانيا.

Tamin'ny herinandro lasa dia tranga roa no nisarika manokana ny saiko momba ny lafy tsara mampiavaka sy ananan'i Grande Bretagne.

Maram dia tonga hatrany amin'ny famaritana ny hetsika iray tao amin'ny Anjerimanontolon'i Oxford ho fandraisana mpiasa, nataon'ny Kaompanian-tsolika izay iasàny. Nandritra ilay hetsika dia maro ireo naneho tsy hafaliana nandrangaranga izay lazain-dry zareo fa nataon'ilay kaompania tany amina firenena maro maneran-tany, mitoroka azy ho nanao heloka bevava. Nanomboka nanàla ireo mpanao fanoherana ny mpitandro filaminana, saingy ny tomponandraikitry ny kaompania kosa nanaiky hamela azy ireo hilaza izay tiany hambara nandritry ny dimy minitra, tamin'ny nilazàny fa hajainy ny zon'izy ireo hànana fahalalàhana maneho hevitra. Kanefa, taorian'ny nahataperan'ny dimy minitra dia tsy navelan'ireo mpanao fihetsehana hanohy ilay tomponandraikitra, sady nanohy ny horakoraka ry zareo. Na teo aza anefa ny fanakorontanana, tohina ilay tomponandraikitry ny kaompania rehefa nahita iray tamin'ireo mpanao hetsika nentina an-keriny; nolazainy fa i Grande Bretagne dia firenen'ny fahalalàhana ary tsy misy olona tokony hofaizina satria hoe tsy mankasitraka ny fomba fiasan'ny kaompania.

Ny hetsika faharoa nisarika ny sain'i Maram dia ampahany manokana tamin'ny fandaharana Fotoan'ny Fanontaniana [Question Time] fandefan'ny BBC isan-kerinandro, ka tanatin'izany no namalian'ireo mpanao politika sy olona maro hafa ny fanontanian'ny mpihaino momba ny olana sedraina ankehitriny. Tsy lanin'ny sain'ny maro, ny Question Time dia nahafahan'ny filohan'ny antoko ankavanana anglisy British National Party sady mpikambana ao amin'ny EParlemanta Eropeana, Nick Griffin, nijoro ho isan'ireo mpandray anjara tamin'ilay fandaharana. Tany aloha tany i Nick Griffin dia efa voaheloka noho ny fizaràna fitaovana nihantsy fifankahalàna ara-poko.

Taorian'ny fikarakarana ny seho an-tsehatra, Maram dia mamaritra ny zava-nitranga nandritra ilay fandaharana:

عودة إلى غرفن فقد أعطي الفرصة ليحدثنا عن خزعبلاته ويشتم الجميع دون أن يؤذيه أحد! وإنما استطاع زملائه في البرنامج من الأحزاب الأخرى وعلى رأسهم الوزير جاك سترو وكذلك الجمهور الحاضر (من بيض وسود وآسيوين ومسلمين ويهود ومسيحيين وغيرهم) بأن يردوا على أفكاره المتخلفة بمنتهى الهدوء والتحضر ويعروه أمام الجمهور البريطاني، فبدا (خريج جامعة كامبريدج) وكأنه طفل يحاول إغاظة الكبار بقول كل الكلمات التي طلبوا منه سابقاً أن لا يقولها..ثم بدا كفأر في مصيدة لا يقوى على الخروج منها…وكان أجمل تعليق ذلك الذي قاله أحد الحضور من المسلمين إذ عرض عليه أن يشتري له تذكرة للقطب الشمالي ليستمتع بالحياة في بيئة بيضاء لا تعكرها الألوان المزعجة!

Ndao hiverenana any amin'i Griffin, nomena fotoana izy nilazàny tamintsika ny hagaigeny àry tsy nisy mihitsy olona nanelingelina azy tamin'izany! Soa fa ireo mpandray anjara avy amin'ny antoko hafa tamin'ilay fandaharana, notarihan'ny minisitra Jack Straw, ary ireo mpanatrika teo (fotsy, mainty, aziatika, silamo, jiosy, kristiana sy hafa koa) dia samy afaka namaly ny hevitra maiziny tamim-pahatoniana sy tamin'ny fomban'olo-mandroso avokoa, ary nampihanjahanja azy nanoloana ny vahoaka Anglisy. Ity olona navoakan'ny Anjerimanontolon'i Cambridge ity dia toa nanao fanahin-jaza niezaka nandranitra ireo zokiny tamin'ny famerenana ireo teny rehetra efa noraràna tsy holazainy tany aloha tany… Avy eo dia toy ny voalavo tratry ny fandrika izy, tsy nahita ny làlan-kivoahana…Ny fanamarihana tsara indrindra dia avy amin'ny iray tamin'ireo Silamo nanatrika; nanao tolotra hividy tapakila ho azy mba hahafahany mandeha any amin'ny Tendron-tany Avaratra ilehio, mba hahafahany manaram-po amin'ny tontolo fotsy, tsy pentipentenin'ny loko hafa!

انتهت الحلقة منذ أربعة أيام … ولم يخسر أحد وظيفته، ولم تقم انتفاضات ولا نزلت قوات الشغب إلى الشوارع! وواصلنا جميعاً حياتنا بسلام.

بعد أن شاهدت الحلقة ليلتها أطفأت جهاز التلفاز، وذهبت لأنام وأنا أشعر بفخر خفي لأنني متواجدة في هذا البلد العظيم وبالتالي جزء منه، وأغمضت عيني وأنا أقول لنفسي بأن البلد الذي يمنح هذا القدر من الحرية للناس ليعيشوا ويتحدثوا دون خوف – مالم يخالفوا القوانين المعلنة المعروفة – لهو أجدر بقعة جغرافية بأن يتداعي الناس للدفاع عنها ولم لم ينتموا إليها عرقاً أو ولادة أو سكناً أو رحماً..فوطن الحرية هو واحة يستظل تحتها الجميع..في حين أن أوطان القمع هي سجون لأهلها..وشتان ما بين الواحة وزنزانة السجن الباردة..

Efatra andro lasa izay ilay ampaham-pandaharana… tsy nisy ny very asa, tsy nisy korontana nitranga, ary ny mpitandro filaminana mpandrava korontana dia tsy nirotsaka an-dalambe! Nanohy ny fiainanay tam-pilaminana izahay rehetra.
Taorian'ny nijerena ilay seho iny alina iny, nopihako ny fahitalavitra dia lasa aho natory niaraka tamina hadedahana tsy ambara havana fa hoe miaina eto amin'ity firenen-dehibe ity aho ary vokatr'izay dia vatana iray aminy. Nakipiko ny masoko no sady niteny irery aho hoe ny firenena afaka manome ny vahoakany ny fahalalàhana miaina sy miteny tsy amin-tahotra - raha mbola tsy mankitsakitsaka ny lalàna velona ry zareo - no tena toerana ara-jeografika ilain'ny olona hivondronana sy hahitàna fifanohanana, na dia tsy singa iray amin'izany noho ny fiaviana ara-poko, na noho ny fahaterahana, na noho ny fonenana teo aza izy … Toeram-pialàna sasatra an-tany efitra ho an'ny tsirairay ka ahafàhany misitraka alokaloka ny firenena iray itoeran'ny fahalalàhana, raha fonja ho an'ny vahoakany kosa ireo firenena anjakàn'ny famoretana… ary toy inona ny fahasamihafàn'ny toeram-pialantsasatra sy ny efitra famonjàna mamirifiry iray…

FitorahanaBlaogy amin'ny tokony ho izy: Midira amin'ny Fifanakalozan-kevitra Malalaka momba ny VIH/SIDA

avylavitra — Sun, 22 Feb 2009 07:40:29 +0000

MpanoratraJuhie Bhatia · Nandika avylavitra · vakio ato ny lahatsoratra nadika

Ity andron'ny mpifankatia (14 Febroary) dia manamarika, tsy ny fiantombohan'ny fanentanana eto amin'ny Global Voices fotsiny ihany miantso ny olona mba “hampianatra ireo Olona Tiany hampiasa Blaogy na hampiasa ny Micro-Blog,” fa ao koa ireo ainga maro samihafa mikasika ny hetsika ara-pahasalamana mitodika mankany amin'ny VIH/SIDA mba ho fandrisihana ireo olona maro tratry ny aretina na miaina miaraka amin'izany mba hampiasa blaogy.

Maherin'ny 33 tapitrisa ny olona miaina mitondra ny otrikaretina VIH/SIDA, ary raha kely indrindra dia 2 tapitrisa no efa matin'ny SIDA tamin'iny taona lasa iny. Samy nametraka tantara momba ireo antontan'isa ireo daholo ireo mpitoraka blaogy eran-tany, toy ny hoe, mizara fijoroana vavaolombelona amin'izany hoe miaina miaraka amin'ny aretina izany, ny fandraisana an-tànana ny fikarakarana olona mitondra VIH/SIDA, sy ny zavatra niainana manoloana ny fanavakavahana sy ny fanamelohana imason'ny fiaraha-monina. Ireny blaogy ireny dia nanampy tamin'ny fanangonam-baovao mivantana momba ny donan'ny aretina amin'ny ankapobeny.

Santionan'ireo resaka miainga mikasika ny fitorahana blaogy manodidina ny olan'ny VIH/SIDA, Global Voices sy Rising Voices dia hampiantrano ny resaka mivantana amin'ny alalan'ny aterineto “Fitorahana blaogy amin'ny tokony ho izy” ho an'ireo mpitoraka blaogy sy mafana fo ny andron'ny 27 Febroary 2009. Handridra ny fifanakalozan-kevitra ireo mpitoraka blaogy Keniana Serina Kalande sy Daudi Were. Asaina daholo ny rehetra.

Efitra hifampiresahana: http://www.worknets.org/chat/. Fomba fidirana mampiasa ny anaranao ka avy eo mifidy ny efitra tianao ho tsidihana amin'ny alalan'ny fanindrianao ny ‘enter' ‘midira'. Rehefa tonga ao amin'ny efitra, fidio ery amin'ny sisin'ny fafana [écran] havia ery ny loko hataonao dia mandraisa anjara amin'ny resadresaka.

Famaritana ara-jeograpfia ireo Feo
Misy Sarintany Google azo asisika momba ny mpitoraka blaogy voamarina fa mitondra ny otrikaretina VIH sy ireo mpandray an-tànana ihany koa napetraky Global Voices, ary ireo loharanom-baovaon'olon-tsotra mivoy ny VIH/SIDA tamin'iny Desambra lasa iny ho toy ny singa amin'ny Andro maneran-tany iadiana amin'ny SIDA. Ilay sarintany, izay miova manaraka ny fivoaran'ny tantara hatrany, dia mampivoitra ireo olona be herimpo izay efa nitoraka blaogy sahady manodidina ity aretina ity. Iray amin'ireny mpitoraka blaogy ireny i Maureen Akinyi ao Nakuru, Kenya. Milaza izy fa ny fanafenana anarana rehefa mitoraka blaogy nefa misy VIH/SIDA dia tsy manampy mihitsy ho fampihenana ny fanavakavahana ny tratry ny aretina, ary ilaina ny olona mba hitoraka blaogy amin'ny tokony ho izy tsy amin-tahotra. Ao anatin'ity hafatra ity dia ambarany fa na ny fandraisana anjara amin'ny fifaninanana hatsaram-bika aza dia afaka manampy hiadiana amin'ny fanamelohana ireo mitondra VIH:

“Isan'izay nandray anjara tamin'ny fifaninanana Mr sy Miss Red Ribbon 2008 tao amin'ny Hotely Bontana Nakuru aho; tsy vao voalohany tamiko io raha resaka fifaninanana. Efa nifaninana aho hatramin'ny taona 2006 ary dia nankafy ny tsirairay tamin'ireny fotoana ireny noho ny antony tokana monja, ny fihenana hita mivaingana amin'ny fanamelohana sy ny fanavakavahana. Ny Mr. sy Miss Red Ribbon dia mitondra ireo voan'ny aretina na mitondra ny otrikaretina hankalaza ny hatsarana amin'ny fomba miavaka. Mandritry ny seho dia ny hatsaran'ireo mpilatro no nankalazain'ny olona fa tsy ilay nitondra otrikaretina na ilay voa'ny aretina.”

I ukguy dia monina any United Kingdom ary niaina niaraka tamin'ny VIH hatrany amin'ny taona 1980. Nanoratra momba ny zavatra niainany amin'ny maha dyslexic azy izy, mitondra ny otrikaretinaVIH, ” gay” ao amin'ny blaoginy The ramblings. Ao anatin'ity hafatra vao haingana ity no ilazany fa nanahirana azy fatratra ny nitondra ny aretin'andoha sy ny areti-masony tany amin'ny dokotera.

“Raha vao niala ny faritry ny toeram-pitsaboana aho dia nahatsapa fa tsy nahafa-po ahy velively ilay valina fizahana. Mazava loatra, fa faly aho hoe tsy nahitana soritr'aretina. Nefa koa dia toa nampiasa saina amin-javatra tsy misy dikany aho, hoy aho. Matetika aho no nisaina fa tsy misy mandray ny ahiahiko [adintsaiko] amin'ny saina matotra ny rehetra, Mahafinaritra be ilay dokotera mitsabo ny aretiko VIH ary fantatro fa tena manara-maso akaiky ny fahasalamako izy.

Angamba miankina amiko io, angamba izaho irery koa ve no mila miandrin-tena?

Heveriko fa tsy hoe rehefa ela velona ianao nefa misy VIH, dia midika izany fa hoe tsy nivaky loha momba izany ianao.”

Pinoy Poz, izay any Philippines no monina, dia nilaza manodidina ny maha “gay” hatramin'ny faha 21 taonany, saingy sivy taona taty aoriana dia “niverina an-dakazery” rehefa nahalala fa mitondra ny otrikaretina VIH. Na eo aza izany, ambarany ao amin'ity hafany ity ny fahatsapany fa isan'izay tsara vintana izy.

“Niaraka tamin'ny fankalazan'ny Sinoa ny taombaovao tamin'ny Taonan'ny Omby, niventy ny resaka vintany ny olona rehetra. Ary tanatin'ny zavatra rehetra dia tsikaritro ankehitriny fa ny taona 2009 dia nitondra vintana ho ahy, satria teraka tamin'ny Taonan'ny Soavaly. Saingy nino aho fa nanomboka tamin'iny taona lasa iny izany hatsaram-bintako izany rehefa hitako fa nitondra ny otrikaretina VIH aho.

Lazaiko anareo fa nihevitra ny tenako ho olona tsara vintana foana aho na eo aza ny maha olona mitondra otrikaretina VIH ahy amin'izao fotoana izao. Tsara vintana aho satria tsy aretina iray tena mahaosa ahy no mahazo ahy. Tsara vintana aho satria hita ara-potoana hoe mitondra azy aho, ary tsy mbola nahitana soritr'aretina nivoaka. Tsara vintana aho satria manana taha-na CD4 ambany dia ambany aty ampiandohana. Tsara vintana fa afaka mianoka ny fanamby amin'ny fanombohana mampiasa ny ARV [antiretroviral]. Tsara vintana fa nanao safidy ho amin'ny toerana misy ahy amin'izao fotoana. Tsara vintana aho nifanena tamin'olona maro be nandritry ny andro natao ho an'ny VIH.”

Ireo dia santionany amin'ireo feo maro miakatra ao amin'ny sarintanin'ny Fitorahana blaogy amin'ny tokony ho izy [Blogging Positively map]. Mba ho fandrisihana ireo olona sasany hizara ny tantarany miaina miaraka amin'ny VIH/SIDA, Global Voices dia namorona ny “Torolàlan'ny Fitorahana Blaogy amin'ny tokony ho izy [Blogging Positively Guide],” izay ahitana toro-hevitra maro momba ny hoe ahoana ny hampiasàna ny blaogy hiresahana ny VIH/SIDA. Miandrandra toto-tànana izahay amin'ny fandrafetana ilay toro-làlana sy/na hahafahana mahazo tamberina, noho izany ireo rehetra liana na efa mampiasa ny blaogy manodidina ity aretina ity dia entanina mba handray anjara, indrindra indrindra fa ireo izay mitondra ny aretina, na ny otrikaretina VIH/SIDA. Miangavy, mifandraisa amiko na Janet Feldman raha mila fanazavana misimisy kokoa momba ny Torolàlan'ny Fitorahana Blaogy amin'ny tokony ho izy [ Blogging Positively Guide] , ny resaka mivantana [chat], na ny sarintany.

Maneran-tany: Mpanao hetsika fanoherana tena ao anatin'ny heriny tanteraka manohitra ny ady ao Gaza

avylavitra — Wed, 07 Jan 2009 19:08:58 +0000

MpanoratraAmira Al Hussaini · Nandika avylavitra · vakio ato ny lahatsoratra nadika

An-tapitrisa ireo mponina maneran-tany no nidina an-dalam-be nanohitra ny fanafihana israeliana any Gaza tanatin'ireo andro vitsy teo aloha. Indro fantina bolongan-tsary vitsivitsy nalaina tao amin'ny YouTube maneho ny hetsika fanehoan-kery tao Tel Aviv, Londona, Tokyo, Madrida ary Istanbola, nahitana olona samihafa fiaviana maro nandeha nanandratra feo sy nihira fandriampahalemana ho an'ny faritra.

Tao Israely, an'arivony ireo olona nirotsaka an-dàlam-be tamin'ireo fihetsehana maro samihafa nandritry ireo andro vitsy lasa.

Indro bolongan-tsary iray tao amin'ny YouTube avy amin'i David Reeb mikasika ny fanehoan-kenry tao Tel Aviv:

Iray hafa avy amin'i Asi Omar tao amin'ny YouTube no nandefa ity bolongan-tsarin'ny fanehoan-kery tao amin'ny Anjerimanontolon'i Tel Aviv ity:

Avy any Tokyo, Japana, i MMhefny mbola mpampiasa YouTube koa no nandefa ity bolongan-tsary manaraka ity:

Anjatony ireo olona naneho ny heriny hanohitra ny zera baomba ao Gaza tany ivelan'ny Masoivoho israeiliana tao Londona, UK, araka ity bolongan-tsary nalefan'i Uruk tao amin'ny YouTube ity:

Mbola avy ao Londona ihany, i Soviet Films no mandefa ity bolongan-tsary maneho io fanehoan-kery io :

I Urukkoa dia nandefa ity bolongan-tsary ity izay nanoloana ny [toeram-pivavahana] Moske ao Beyazit, ao Istanbola, Tiorky [Turkey]:

ary avy any Madrida, Espana, eto:

Tafaverina ao Tiorky, Hobareii no mitatitra fa an'aliny maro tokoa ireo olona nidina an-dàlam-be tao Istambola nanohitra ny fanafihana ary nandefa ity bolongan-tsary ity :

Bahrein : Tendrombohitra any Ecosse sy any Omana

Tomavana — Thu, 02 Oct 2008 09:12:33 +0000

MpanoratraAmira Al Hussaini · Nandika Tomavana · vakio ato ny lahatsoratra nadika

BuZain mpiblaogy avy any Bahrein no manao fampitahana ara-tsary ny mahasamihafa ireo tendrombohitra any Ecosse sy any Omana. Ato jerena raha tianao ho fantatra izany fahasamihafana izany.

Etazonia : Mitoraka blaogy mba handraisan'ny Anglikana ireo Pretra sy Eveka LGBT

Pissoa — Thu, 14 Aug 2008 18:52:36 +0000

MpanoratraBernardo Parrella · Nandika Pissoa · vakio ato ny lahatsoratra nadika

Tamin'ny tapaky ny volana Jolay no natao tao amin'ilay katedraly manan-tantara ao Canterbury, ao Angletera ny fivoriam-ben'i Lambeth. Isaky ny folo taona moa no tanterahina ity fivoriam-be ity, izay hihaonan'ireo Eveka sy Arseveka manodidina ny 650 mitantana ny mpino Anglikana manodidina ny 80 tapitrisa maneran-tany.

Farafahakely dia fito ny fikambanana LGBT (Lesbian, Gay, Bisexual and Transgender) Anglikana (Amerikana amin'ny ankapobeny) nanatrika io fivoriana io mba hanohana ny fandraisana ireo LGBT ho ao amin'ny Fiangonana Anglikana. Nanohitra mafy izany fihetsika izany ireo Eveka te hitahiry ny lalana efa misy, ary nandrahona fa hovakiany ny fiangonana. Araka ny nolazain'ny Economist dia tsy nety nanatrika ny fihaonana ireo ny Eveka avy ao Nizeria, Oganda, Kenya ary Roanda izay ahitana fiangonana mpanindraindra ny fomba taloha maro.

Isan'ny tena nahagaga indrindra i Gene Robinso, 66 taona, Evekan'i New Hampshire any Amerika, izay manaiky ampahibemaso ny maha-”gay” tsy tokan-tena azy. Tsy navela nanatrika ny fivoriam-be ao Lambeth moa io izy, nefa na izany aza dia nanokatra blaogy mirakitra horonan-tsary mikasika izany. The Gene Pool no anaran'ny blaoginy ary mila ho isan'andro izy no mametraka ny heviny amin'ny horonan-tsary.

Misy horonan-tsary iray mirakitra ny teny fanantenana sy faherezana nataony ho an'ny LGBT Anglikana.

Maro ny hevitra hita amin'ireo horonan-tsary asehony no mahaliana na dia eo aza ny tsy fitovian-kevitra.

Hoy i Una tamin'ny hevitra navelany.

Thank you Gene. I am a straight believer in God's love for ALL people, irrespective of race, religion, sex, gender. I too pray that those of us who live in countries where hush-hush is the order of the day can stand with you in open honesty about who we are as Christians in our own cultures. Like you, I continue to hope, though I am not an optimist in regard to the Lambeth outcome.

Misaotra an'i Gene. Izaho dia mino fa tian'Andriamanitra ny olona REHETRA, tsy miankina amin'ny fiaviany, ny finoana, na ny maha-lahy na vavy azy. Mivavaka koa aho mba ho afaka mitsotra tahaka anao izahay mbola voatery miafinafina aty amin'ny firenena misy anay, noho ny mahaKristianina manana ny kolontsainay anay. Tahaka anao dia manantena ihany aho, saingy tsy betsaka ny fanantenako raha mikasika ny vokatry ny fivoriam-be ao Lambeth manokana.

Nanao izay vitany kosa i Rowan Williams, Arsevekan'i Canterbury, mba hitandroana ny firaisan'ny fiangonana. Tsy nanao fanambarana mivantana izy hanohanana ny LGBT na dia fantatra aza fa mivelatra kokoa ny fomba fijeriny. Ny fiezahan'i Rowan William mijoro eo anelanelan'ireo mpanindraindra ny lalana misy sy ireo mitaky fiovana no resahin'i Gene Robinson amin'ny lahatsoratra iray amin'ny blaoginy iray Canterbury Tales from the Fringe :

The morning we left Edinburgh, the headlines in the London Times announced the publication of letters sent by +Rowan Williams several years ago, in response to a conservative evangelical, in which he says that after many years of study and prayer, he has concluded that faithful, life-long-intentioned, monogamous love between two people of the same sex is NOT prohibited by scripture — and that scripture simply does not address this new phenomenon. Precisely what I and others have been saying all along.

(…) he has steadfastly done what he has said he would do: set his own personal understandings aside and take a centrist stance “for the good of the whole Church.” This is not news, folks! But it is indeed sad.

Tamin'ny maraina nialanay tao Edingubrh dia voalaza tao amin'ny London Times fa ho avoaka ny taratasy nosoratan'i +Rowan Williams taona maro lasa izay, fony izy namaly ireo [conservative evangelical]. Ao amin'io taratasy io dia nilaza izy fa rehefa nandinika sy nivavaka nandritra ny taona maro dia mihevitra fa ny fiarahan'ny lehilahy roa na vehivavy roa, tsy misy fampirafesana ary katsahiny haharitra mandra-pahafatiny dia TSY voararan'ny Soratra Masina - ary tsy voaresaka ao amin'ny Soratra Masina ity zavatra ity. Izay mihitsy no nolazainay hatramin'izay.

(…) Nataony tokoa izay nolazainy hoe ho ataony : navelany ny heviny manokana ary mirotsaka ho mpanelanelana izy “ho an'ny Fiangonana iray manontolo”. Tsy zava-baovao mihitsy izany. Fa mampalahelo fotsiny.

Misy blaogy hafa nosokafan'ireo mpandray anjara Liberal ao amin'ity fivoriam-be any Lambeth ity koa, tahaka ny Lambeth Conference LGBT Anglican Portal, Walking with Integrity, ary ny Lambeth News Blog.

Ao amin'ny firaketana ofisialy mikatsika ity fivoriana ity, izay hita ao amin'ny Episcopal Life Online, no ahitana ny nolazain'i Susan Russell, filohan'ny Integrity USA, ary pretra ao Los Angeles :

“…in spite of extraordinary pressure to do otherwise, the Archbishop of Canterbury has managed to achieve his stated goal of a Lambeth Conference of reflection rather than resolutions.

“The long predicted coup d'état that was going to emerge from this Lambeth Conference and vote the Americans and Canadians out of the Anglican Communion failed to materialize. There is much to be grateful for in that.”

” … na dia teo aza ny “fanerana” azy, dia vitan'ny Arsevekan'i Canturbery ny nametraka ny fandinihana ho tanjon'ny fihaonam-ben'i Lambeth fa tsy famahana olana.

“Tsy tanteraka ny faniriana hanilika ny Amerikana sy Kanadiana izay efa nisy nanomana hatry ny ela fa ho atao tamin'ity fivoriam-ben'i Lambeth ity. Betsaka no tokony hankasitrahana azy amin'izay.”

Nanao ity tahirin-tsary mahaliana ity koa i Susan Russel,mampiseho ny faharisian'ireo nikarakara ny fifandraisana sy ireo olona niasa nahatontosa ity fivoriam-be ity.

Sary nalaina tao amin'ny blaogin'i Susan Russell, Lambeth Conference Photo.

Nampiasa ny “Fijoroana vavolombelon'ny tsirairay” [Citizen Media koa ny Integrity USA ao amin'ny The Lambeth Witness mba hanaovana “vavolombelon'ny Fitiavan'Andriamanitra ny Fiangonana Anglikana, sy ny LGBT”. Niaraka tamin'ny Inclusive Church Network moa izy ireo namoaka lahatsoratra isan'andro mikasika io fivoriam-be natao tao Canturbery io.

Ilay sary ery amin'ny voalohany io dia maneho ny Katedralin'i Canterbury, nalain'i Sarah Hecht, ary ampiasaina miaraka amin'ny fepetran'ny Creative Commons.

Eoropa: OTAN

Jentilisa — Thu, 10 Apr 2008 14:32:23 +0000

MpanoratraVeronica Khokhlova · Nandika Jentilisa · vakio ato ny lahatsoratra nadika

Greater Surbiton no manoratra momba ny fifandraisan'ny OTAN sy Rosia: “Raha tsy sahy mifanandrina amin'i Rosia akory ny vondrokerin'ny OTAN, dia mampanontany tena ihany hoe inona moa izany no tena ilàna ny OTAN?” Ary miresaka amin'ny fifandraisan'i Gresy amin'i Makedonia ao amin'ny OTAN ihany koa izy: “Mpikambana bitika tao amin'ny OTAN i Gresy; 130 monja ny miaramilany any Afghanistana - isa mitovy amin'ny an'i Makedonia, tsy mpikambana sady ampahadimy amin'ny isan'ny mponina any aminy.”

Isiraely: Vehivavy Jiosy hoe i Shakespeare?

Jentilisa — Fri, 21 Mar 2008 13:45:03 +0000

MpanoratraMaya Norton · Nandika Jentilisa · vakio ato ny lahatsoratra nadika

Efa nampisy adihevitra hatry ny ela ny momba an'i Bard (aza manontany akory fa na izaho mpandika teny aza tsy mahalala io anaran'olona io). Mety ho vehivavy Jiosy Italiana ve i Shakespeare (ity no antony nandikako ity lahatsoratra ity)? Porofo valo no atolotry Jhon Hudson ao amin'ity rohy Jewcy's ity handreseny lahatra anao hiova hevitra.

UK: Fanimbazimbana ny tsangambatom-pahatsiarovana fandripahana, noankotrihina

Jentilisa — Tue, 29 Jan 2008 15:52:52 +0000

MpanoratraOnnik Krikorian · Nandika Jentilisa · vakio ato ny lahatsoratra nadika

Blogian no namoaka sary ahitana ny tsangambato najoro tany Bretainina lehibe tao Cardiff izay nisy nanimbazimba omaly. Tamin'ny fotoana hanomanana indrindra ny andro manokana ahatsiarovana ny fandripahana sy ho fanajana ilay mpanao gazety sy tonian-dahatsoratra Tiorka-Armeniana Hrant Dink nisy namono herintaona lasa izay tamin'ity volana ity tany Istanbul no nisy nanaisotra ny lakroa nipetaka tamin'io tsangambato io.

UK: mahamenatra

Jentilisa — Tue, 29 Jan 2008 15:29:23 +0000

MpanoratraOnnik Krikorian · Nandika Jentilisa · vakio ato ny lahatsoratra nadika

Blogrel no manome ny heviny mikasika ilay fanimbazimbana nisy nanao omaly tany an-tanànan'i Cardiff tamin'ny mariky ny hazofijaliana najoro ho fahatsiarovana ireo Armeniana naripaka tamin'ny fotoan'androny. Nolazain'ny mpamaham-bolongana ary fa mahamenatra sady manamarika ny tsy fahatantesana ny fisian'ny Andro Fahatsiarovana ny Fandripahana nanjo ny Armeniana ary manantena izy mba tsy ho ny Tiorka no tafiditra lalina amin'ity raharaha ity.

Fanjakana Mitambatra (UK) : Omeo rariny itompokolahy Jean Charles de Menezes

Tomavana — Tue, 20 Nov 2007 00:30:11 +0000

· Nandika Tomavana · vakio ato ny lahatsoratra nadika

Ny mpiblaogy Joty dia mitatitra fa hivory ny Alakamisy 22 Novambra 2007 izao ny Sampandraharaha mikasika ny Polisy an-tanan-dehibe Anglisy [MPA | Metropolitan Police Authority] handray fanapahan-kevitra momba izay hanamelohana na tsia an'i Ian Blair, Polisy Anglisy nitifitra an-doha sy namono an'i Jean Charles de Menezes, tsy manan-keloka Breziliana, tamin'ny taona 2005 :

« So - politely and gently - they need a little bit of lobbying to ensure their vote goes the right way »

« Izany hoe - amim-pahalalam-pomba sy filaminana - dia mbola mila “fandresen-dahatra kely” aloha ry zareo [MPA | Metropolitan Police Authority] mba hampifanaraka ny valim-pifidianana amin'ny tokony ho izy. »

Paula Góes