Miteraka adihevitra sy fahalinana teo amin’ny tontolon’ny fitoraham-blaogy Afrikana ny fahatongavana tambajotra ambany ranomasina izay hampiakatra ny  fatran'onja [bandwidth] sy hampidina ny sandan’ny fahazoana Aterineto manerana an’i Afrika. Nalefa nivantana tamin’ny Alakamisy i Seacom, izay mampifandray an’I Afrika atsimo, Tanzania, Kenia, Oganda ary Mozambique amin’i Eoropa sy Azia, ka hampiditra an’I Afrika Atsinanana sy Atsimo ho ao anatin'ny tambajotra manana fatran'onja midadasika.

Mampifandray ny sisin’ny Afrika Atsinanana amin’i Eoropa sy Azia i Seacom

Nahazo ny ‘connexion’-ndry zareo tamin’ny Alakamisy i Johannesburg, Nairobi ary Kampala, ary tokony hanaraka eo i Addis Abeba sy Kigali. Tany am-boalohany dia tokony ho tamin’ny fiandohan'ny volana Jolay no tonga io tambajotra io, fa noho ireo fanafihan’ny piraty tamin’ny ranomasina akaikin’i Somalia dia nihemotra ireo asa.

Eritreretina hampidina ny vidin’ny fatran'onja midadasika [bandwidth] hatramin’ny 90 isan-jato mahery io tambajotra ambany ranomasina io ary hampitombo ny fahazoana manao fivoriana an-tsary, fahitalavitra tsara sary ary Aterineto haingam-pandeha amin’iny sisin’ny Afrika Atsinanana iny.

“Mmmh…tsy andriko izay hanombohana ‘téléchargement’,” hoy IT Blog Kenya manoratra.

Any Uganda, efa mahatsikaritra fahasamihafana sahady I Josh avy ao In an African Minute:

Ilay fomba efa fantatry ny maro amin’ny fijerena horonantsary amin’ny YouTube aty Afrika dia ny mampiato azy raha vao manomboka fotsiny, miandry 20 minitra (na mahery) mandra-pahavonona tsara an’ilay horonantsary, ary izay vao mijery. Androany aho manatrika ilay lanonana fandefasana an’i SEACOM…. Amin’ny zoro iray ato amin'ilay efitra fivoriana, Peter Moreton, tompon’andraikitra iray tamin’ny fananana an’i SEACOM, dia niantso ahy ary nanokatra ny vohikalan’i YouTube tamina solosaina iray. Nandefa an’i Kung Fu baby izahay ary voalohany taty Afrika no nahitako horonantsarin’i YouTube vonona  ary nandeha tanteraka tao anatin’ny 6 segondra monja.

Faly toa izany koa i Munashe avy ao TechMasai:

Voapetraka ary tonga androany i Seacom, ilay tambajotra ambany ranomasina noresahintsika fotoana vitsivitsy lasa izay Manova zavatra betsaka  ilay fanapahan-kevitra ho an’ireo firenena izay hampiasa azy manomboka izao, anisan’izany Kenia, Oganda, Mozambika, Afrika Atsimo ary Tanzania.

…Fotoana mahafinaritra izao ho an’i Afrika, afaka manome toky  an’i Kenia aho izay hatreto dia niankin-doha tamin’ireo zanabolana tamin’ny filàna aterineto.

Jeremy, mpitoraka blaogy Nizeriana manoratra ao amin’ny NaijaBlog, dia mampitaha an’i Seacom amin’ireo tambajotra samihafa mampiasa câble any Africa Andrefana. Tavela any aoriana Afrika andrefana:

Lasa fatran'onja midadasika ny an'i Afrika Atsinanana…raha mbola ao am-piaingana ny an'i Afrika Andrefana ( izay amin’izao fotoana izao dia mbola ao an'efitrano fisoloana akanjo  mieritreritra izay ho anaovana) miaraka amin’ilay SAT3 tapa-dava sy ts'isy ilàna azy, angatra Glo1 (any anaty tangorom-pasika ve ireo mpiandraikitra ny Alcatel?) sy ireo roa vaovao, WACS sy Main1 dia mbola lavitra any am-paravodilanitra any (amin’ny herintaona raha tsara vintana isika). Nahazo ny fatran'onja midadasika i Afrika Atsinanana ary lasa nirifatra niaraka taminy fa i Afrika Andrefana kosa misalasala ary mitazam-potsiny.

Feno vaovao momba ny Seacom koa ny Twitter. Tsy mahatombina ireo mpampiasa sasany, ary ireo hafa kosa mbola miahiahy mafy:

“Mbola tena talanjona fa afaka ‘mi-download’ ny Interwebz iray manontolo ianao amin’ny alalana tambajotra mavomavo kiritika kely #seacom“
— ncallegari

“Tena nalefa androany Seacom. Hitantsika eo hoe hafiriana no ilain’ny ISP mba hampiakarana ny fandeha sy hampihenana ny vidiny …”
— dnyaga

“Izaho ve no diso sa nihakely fandeha ny Aterineto aty Nairobi nanomboka tamin’ny nandefasana an’i #seacom? Mety hoe mbola variana mandinika ny ranomasina angamba ny fatran'onja  alohan’ny hahatongavany?”
— mentalacrobatic

Maro amin’ireo miahiahy manodidina an’i Seacom no tena mitodika amin’ny sandany: na dia miteny aza ireo mpandalina sasany fa hihena hatramin’ny 90% ny sandan'ny fatran'onja, ny sasany kosa mino fa  mbola tokony ho kely lavitra noho izany ny sandany amin’izao fotoana izao. Manoratra i Kachwanya:

Ny tsara indrindra izao dia tokony hihena mihoatra ny 90% ny sandany, amin’izao fotoana izao ho an’ny ISP dia 6500$ (eo amin'ny KShs.487500) isaky ny fatran'onja 1 MB. Arak’i Seacom dia tsy mila afa-tsy 400$ (eo amin'ny Kshs.30,000) isaky ny fatran'onja 1 MB ry zareo, nefa tano ny fofon’ainao, aza manantena fahagagana eo amin’izay sehatra izay. Vao haingana ny mpitantana ny UUnet [UUnet CEO], Tom Omariba no nanambara fa tsy hitondra afa-tsy fihenana 20 na30 isan-jato monja amin'ny sanda ny fisian'io tambajotra io.

Sorena amin’ny fangaraharana i True Kenyan:

Nandà hatramin’ny farany ny hamboraka amintsika, isika mpampiasa Aterineto, i Seacom hoe ISP iza avy no nividy fatran'onja tamin-dry zareo. Noho izany dia mbola anatin’ny haizina isika ary tsy fantatsika hoe aiza no afaka hividy Aterineto mora sy azo antoka…. Ka ny hany vahaolana hitako izany dia ny mijanona amin’ny ISP-ko mandinika ny solosainako izay manomana ireo takelaka amin’ny fombany ary manantena fa indray andro any dia ho tanteraka ny nofinofintsika.

Teo am-pametrahana tsikera amina lahatsoratra nosoratan’ilay mpitoraka blaogy Tanzaniana Issa Michuzi [SW], matahotra ny momba an’io sanda io koa i Mdau, na dia be fanantenana ny amin’ny ho avy aza izy:

Asanteni sana kwa huo mkonga. Sasa kutandaza fibre-optic cables kwenye miji mbalimbali tunaanza lini? Manake kuwa na inter-country connection wakati within the country hatuna connection nzuri bado gharama zitakuwa juu na kwa maoni yangu tutakuwa tuna-under utilise capacity ya hiyo under sea cable. For the moment, well done! For the future, we have to work had!

Tao amina hetsika novoizina mafy’ sy voalamina tsara, nanodina ny bokotra i SEACOM ary nanaparitaka teo no ho eo ireo fatran'onja mahatratra Terabytes toy ny fandehan’ny tselatra tamin’ny alalan’ny ‘fibres optiques’ manify raitra dia raitra.

Ary ho an’ilay Afrikana Tatsimo Aki Anastasiou, “MB kely izany ho an’ny solosainako fitondra mandehandeha, fa TB goavana ho an’i Afrika.”

The Nairobi Chronicle no mitatitra fa mety higadra ny mpamaham-bolongana Tanzaniana iray noho ny namboamboarany sary iray ahitana ny filoha Tanzaniana Jakaya Kikwete ho manao fihetsika mamoha fady (ara-pananahana).

Araka ny nolazain'ny Habari Leo , gazety Tanzaniana[sw] iray dia mitady fiarahamiasa amin'ny Interpol ny polisy ao an-toerana hitadiavana ny tompony sy ny mpamoaka (sary sy lahatsoratra) ao amin'io bolongana io.

Niseho masoandro noho ny famoahana ny tsahotsaho malaza any amin'ny Tanzaniana ampielezana manerantany, tantara mahamenatra nefa milaza anaran'olona mazava sy famoahana sarin'olona malaza miboridana ary sarin'olona manao firaisana ara-nofo ny Ze utamu (www.zeutamu.com), izay heverina ho bolongana tanzaniana mampiady hevitra indrindra. Raha nahasintona mpijery maro izy dia nahazo fanakianana mavaivay ihany koa.

Misy moa ny mpamaham-bolongana sasany milaza fa tsy niraharaha ny fisiany mihitsy ny fitondrana raha sary sy tantaran'olona tsotra no nivoaka tao amin'ny ze utamu. Fanehoan-kevitra iray tao amin'ny Watanzania Oslo blog iza namoaka ny lahatsoratra tao amin'ny Habari Leo mikasika ny fikarohan'ny polisy ny tompon'ny bolongana ze utamu no niteny hoe:

Mtandao huu wa ze utamu umkuwepo kwa muda mrefu sana na watu wengi wasio na hatia (raia wa kawaida) wamedhalilishwa sana kupitia mtandao huo kwa picha zao kuwekwa bila ridhaa yao. nyingi ya hizo picha ni za utupu na hata zile ambazo siyo za utupu ziliwekwa bila ridhaa ya wahusika. hivi kuwekwa picha ya rais Kikwete ndo kile chombo kinachojifanya cha usalama kinakurupuka kuwasaka wenye mtandao? […]unafiki mkubwa na ufisadi aina nyingine huu. kudhalilishwa ni kudhalilishwa, ama iwe ni raia tu, kiongozi wa kawaida na hata rais.

Navoitran'i Happy Katabazi io teboka io:

… wiki hii katika mtandao wa www.zeutamu.com mtandao ambao umejipambanua kwa ajili ya kupachika picha za utupu za watu wa kada zote na wanaotembelea mtandao huo huchangia mawazo yanayohusu maisha binafsi ya faragha za watu…
Na wakati mtandao huo ukiendelea kujipambanua mamlaka husika zimekuwa zikiukenulia meno mtandao huu hadi wiki hii ulipotundika picha ya kumdhalilisha rais wetu, ndipo mtandao huo umedhibitiwa kwani hivi sasa hata ukiufungua haufunguki.

Efa nisy ny mpamaham-bolongana no nanomboka nanao fanentanana hampitsaharana ity bolongana ze utamu tahaka ny Anti-utamu [sw] ohatra tamin'ny fotoana nampalaza azy.

Na dia mbola eo ampikarohana aza ny polisy ary maro ny mpijery ny Ze Utamu nialoha ny nanjavonany, dia sarotra ny mahita ny fanohanan'ny mpamaham-bolongana na mpamaky azy amin'izao fotoana anoratana izao aloha.

J. Nambiza Tungaraza

Simban'ny krizy politika efa mandratra an'i Madagasikara amin'izao fotoana izao Marina sy ny fahafaha-miteny.

Mandeha ny fandrahonana ary miely ny tsaho, manampy trotraka ny fampihorohoroana tsy mampilamina sy tsy mampitombina mihitsy izany rehetra izany.

Taterin'i Jentilisa, mpamaham-bolongana iray tsy manohana mihitsy ny hetsika fanoheran'i Andry Rajoelina, fa nahazo fandrahonana izy:

“Alina fahatelo aho izao no misy fanelingelenana (harcelement nocturne)(amin'ny 12 alina, 2 ora, 4 ora ary @ 5 sy sasany maraina) amin'ny alalan'ny antso finday hatrany ary tsy menatra ny mampiseho ny laharan'ny findainy izy nefa rehefa antsoina tsy mamaly.”

Les Nouvelles (gazety) koa mitatitra ny fanafihana ny tranon'i Lala Rasendrahasina ,filohan'ny FJKM
(Fiangonan'i Jesoa Kristy eto Madagasikara ). Iray amin'ny Mpanelanelana eo amin'ny fifampiraharahan'ny tariky Ravalomanana sy Rajoelina samy miady fahefana ka nampikatso ny firenena hatramin'ny volana janoary moa FJKM. Heverin'ny sasany manko fa akaiky loatra an-dRavalomanana ny FJKM.

“Finalement, ils ont essayé de repérer les assaillants en scrutant prudemment l’extérieur, mais impossible pour eux d’identifier qui que ce soit. Au hasard, l’un des agents a visé sur une ombre, et son tir s’est avéré suffisant pour faire fuir les agresseurs.”

News2Dago moa mahita fa tsy tampoka intsony ny fanafihana sahala amin'ireny:

“Manarak'izany dia mitohy hatrany fampihorohorona ny olona mpanelanelana ankehitriny satria dia nisy nitoraka sy nihaodihaody ny manodidina ny tranon'ny filohan'ny Fjkm Lala Rasendrahasina. Tsy mahagaga izany satria dia dradraina ao @ radio viva isan'andro oe mpiray tsikombakomba @ mpitondra jadona.”

Niantso ny mpanao gazety namany ny holafitry ny mpanao gazety

“aoka tsy hiteniteny foana ka hampitsahatra hatreo ny fankahalana, fandrisihana, tsaho sy fampielezana vaovao tsy marina ao amin'ny vaovaony sy ny matoan-dahatsorany.”

Re mampiely fankahalana any amin'ny radio samihafa any moa ny mpanao gazety sasany, indrindra fa ny ao amin'ny VIVA radio an'i TGV. Tsy menatra akory ny mpanao gazety (sasany) manondro olona ho “Fahavalom-bahoaka”, raha manome ny laharan'ny trano na fiaran'olo-tsotra any amin'ny radio-ny. Lasibatry ny andian'olona avy eo ireo “Fahavalom-bahoaka” ireo ary dia dorana na robaina ny tranony avy eo.

“Mba meteza kely fotsiny eo @ toeran'ireo voaromba ireo mpanao gazety manondro molotra ireo mba manana vady aman-janaka ihany. Ovay ihany koa ny fomba fanao fa mbola tsy tara. Tao aorinan'ny 17 janoary no nankaty izao dia maro ireo olona voaroba. I Moxe Ramandimbilahatra, nanaraka azy omaly i Eugène Randriamiandrisoa teo koa i Saholimalala izay mpanolotsainam-paritra ny antoko Tim dia farany izay natao antsoantso omaly t@ radio viva dia i Jaquot ny tarika Green. Lazaina fa fahavalom-bahoaka daholo ireo olona ireo dia robaina ny fananany.”

Tamin'ny alarobia, nanomana fihaonambe ny mpanohana an-dRavalomanana ka (araka ny AFP) dia 30 000 ny manohana tao (araka ny DW moa dia 50 000 ny isa).

Fahombiazana ny fihaonana na dia nirotsaka aza ny orana araka izany notaterin'i tgoose.

“Finally! the incumbent speaks up and his people show Madagascar and the world that they are not interested in a new government being forced upon them. I was really starting to wonder what Ravalomana could do. I hope this is the beginning of a realisation for the Malagasy people… Wouldn’t that be great?
There was about 30,000 people inside of the arena and about 10,000 outside of the arena, all standing in the rain supporting their country and democracy. Most inside where shouting “Arrest TGV!” repeatedly (which is not a bad idea) and carrying around banners that say “Tsy Mila TGV” (We dont need TGV)!”

Voasa haneho ny talentany ny mpihira, anisan'izany i Samoela, izay manana hira mitondra ny lohateny hoe “President” toa naminany amin'ny tolona politika misy ankehitriny:

“si je serai président par hasard
nous on saura jamais,
seul dieu le sait
mais s'il mettra un conard au pouvoir
j'aimerai bien m'y voir”

Niala tamin'ny minitra farany moa ny mpihira hafa, nilaza ny fampitahoran'ny mpanohana ny TGV azy ireo, fandrahonana ny artista tsy handray anjara amin'ny fihaonamben'ny mpanohana ny filoha.

“Rolly Mercia du quotidien La Vérité aurait déclaré sur la radio Viva que les artistes qui se produiront à Mahamasina pour la contre manifestation pacifique, pourraient avoir des répercussions sur leur carrière professionnelle. L’animatrice de Viva aurait aussitôt donné une liste de noms d’artistes censés se produire à Mahamasina.”

Fanehoan-kevitra iray nataon'i Razz nitsikera henjana henjana an'ireo izay nanatrika ny fihaonamben-d Ravalomanana:

“Faut-il rappeler que cette fête que le parti Tim compte tenir à Mahamasina se passe au moment où les citoyens malgaches sont encore en douleur suite à la tuerie volontaire d’une centaine de personne trois jours plutôt à Ambohitsorohitra. Par ailleurs, le show artificiel de Mahamasina coïncide à la commémoration de la date d’assassinat du colonel Ratsimandrava le 11février 1975. De qui se moque-t-on ? « Seuls les ‘danseurs de nuit’ (mpamosavy) qui jubilent et s’éclatent sur la douleur et le décès de leur voisin », s’indigne une mère de famille habitant dans un bas quartier de la capitale pour faire allusion au show de Ravalomanana à Mahamasina”

Ny tena loza dia efa vonona amin'ny adim-poko ny sasany any atsimon'i Madagasikara any.

“Nanaitra ihany anefa ny fitarainan'ny loholona voafidy sy voatendry avy any fa misy ny mikononkonona ady an-trano (fomba filaza ampahibemaso ny hevitra ambadiky ny ikonokononana fandrobana fa ankehitriny kosa tadiavina hanaovana fandripahana ny Merina - sy ny Betsileo - monina any amin'iny faritra iny). Efa nisy anefa ny olona milaza (na mieritreritra) fa tena ao anatin'ny teti-panorona mihitsy io fandripahana olona toy izay nitranga tany Rwanda namonoan'ny Hutu ny Tutsi tamin'ny 1994 io.”

Amin'ny fotoana tahaka itony, tsy hita intsony izay vaovao tsy mitongilana, mampiroborobo tsahon'adala (na tsy dia adala loatra an!) mafy dia mafy ny mpampiely hevitra hampihorohoro sy tsy hampitombina ny nosy.

Tsaho fa nitsoaka ny firenena ry Ravalomanana :

“Unconfirmed reports claim that Andry TGV told the crowd that President Ravalomanana left the country.”

Tsaho fisian'ny kolikoly eo amin'ny roa tonta:

“Les manifs sont devenues une source intéressante de revenus en ces temps de crise économique d’autant que les deux partis n’hésitent pas à payer.

“Pour la ville d’Antanifotsy, trois cars sont partis ce matin en destination du stade Mahamasina. Les personnes à bord ont déjà empoché 75.000 Fmg par tête, selon les témoins oculaires sur place. Dans la capitale, des chefs dans l’administration ont mis une pression à leurs subordonnés pour se rendre à Mahamasina. “

Ity tranonkala manaraka ity kosa nampiseho sarina fiara miloko manga izay toa nandraisan'ny mpanohana ny TGV vola tamin'ny 07 Febroary 2009, nialoha ny ra mandriaka.

Maro ny tsaho mbola mandeha:

Tsaho momba ny mpandroba sy mpanohana ny TGV vonona ny handrava izay sisa amin'ny fananan-dRavalomanana any Antsirabe:

“Araka ny fanampim-baovao azoko dia ny karana sy izay olona rehetra niara-niasa tamin'ny TIKO rehetra no nokasaina horobaina tany Toliary sy hovonoina mihitsy. Re ihany koa fa miomankomana ihany koa ny jiolahim-boto na mety ho mpanohana ny TGV na mpandroba tsotra handroba sy handoro izay sisa tsy potika sy tsy may tamin'ny fananan-dRavalomanana Ao Antsirabe ao amin'izao ora hanaovana fanampim-baovao izao (10:30 eo amin'ny piste fanaovana hazakazan-tsoavaly ry zalahy amin'izao fotoana izao ho an'izay mahalala an'Antsirabe). Efa nampitandrina anefa ny mpitandro ny filaminana fa hitifitra avy hatrany ry zareo na tsy “zone rouge” ary ny toerana kasain-dry zareo horobaina sy odorana.”

Tsaho fa niantso an'i Andry TGV hoe “president”ny iraka Frantsay ary dia nolavin'ny masoivoho frantsay avy hatrany izany :

“L’Ambassade de France aurait démenti les propos d’Andry TGV tenus sur la place du 13 Mai hier. Celui-ci avait déclaré que durant les entretiens d’hier, Mr Joyandet l’aurait salué en utilisant le terme de “Mr le Président” “

Tsaho nolazain'ny tenany ihany fa nenjehin'ny mpikarama an'ady i Andry TGV:

“Andry Rajoelina a été victime d’une attaque des mercenaires sur la route digue dans la nuit du dimanche 9 février dernier selon les révélations qu’il a faites sur la Place 13 mai. (…)
Rumeur ou réalité ; les preuves font pour l’instant défaut dans tous les dires de Andry Rajoelina. Il se dit à maintes reprises être l’objet d’un mandat d’arrêt. Jusqu’à présent aucune photocopie d’un quelconque mandat d’arrêt n’a été révélée. Il a déjà affirmé être poursuivie par des personnes inconnues, sans apporter de preuve concrète.”

Tsaho momba ny trano fandraisam-bahiny mihaja lazaina ho mampiantrano mpikarama an'ady (nolazain'i Andry TGV tenany) ary dia nolavin'ny hotels mazava loatra:

“Andry Rajoelina a aussi pointé du doigt l’hôtel restaurant Papango en fa ce de la Place 13 mai, d’héberger un tireur d’élite qui serait en charge de le tuer”
“Accusé par des manifestants de la Place 13 mai d’avoir abrité des tireurs d’élite samedi 7 février dernier, l’Hôtel du Louvres sis à Antaninarenina et accolé au ministère des Finances, dément. L’autre établissement hôtelier, Le Colbert, sis lui aussi dans les parages, précise que l’établissement appartient exclusivement à des particuliers et Marc Ravalomanana n’a
aucune part dans son capital comme on veut le faire croire. Le Colbert aussi a été soupçonné d’avoir abrité des tireurs, auteurs du massacre ce samedi ensanglanté du 7 février dernier.”

Fanehoan-kevitra iray leon'ny tsaho no nanoratra teo amin'ny bolongan'i Jentilisa:

“aiza kay no tena misy lahatsoratr'olontsotra fa tsy mpanao gazety fa toy ity anao ity ihany, fa izany hoe tena olona tsy miandany @atsy na ny aroa fa tena mba milaza ny zavamisy objectivement?”

Ao anatin'izany rehetra izany, kivy tanteraka tsy mahita ny filaminana sy ny fiverenan'ny fiainana andaanandro mahazatra i R1lita.

“I think people here just want to live in peace. They want to go to work or to school without the fear of being trapped in riots, or taken by force to join those who are on strike. Shop owners want to open their businesses and be sure that no one will loot and burn them. We are fed up with this feeling of permanent insecurity.The last protest [Andry Rajoelina's protest] didn’t draw as many followers as before still people are wary because nothing is sure yet. Even though we are back to our daily life we don’t know what will happen tomorrow.”

Raha mpanaraka ny bolongana Afrikana ianao dia mety ho liana ihany koa amin'ny filaharana ankapoben'ireo bolongana ao amin'ny tontolom-bolongana Afrikana. Azontsika fantarina amin'ny alalan'ny fampilaharana ataon'ny Afrigator ireo mitana ny lohalaharana sy bolongana be mpamaky indrindra eto Afrika. Nandahatra lisitry ny vehivavy Afrikana mpamaham-bolongana mitana ny laharana 45 voalohany koa ny mpanangona bolongana Afrikana Afrigator.

Indreto ary ny lisitry ny bolongana 10 voalohany:

1. Thought Leader: (Mpitarika fisainana) izay vondrom-bolongana mpanadihady sy mpanome hevitra avoakan'ny M&G Online (an-tserasera)

2. iMod: Bolongana mitana ny laharana faharoa eto Afrika sy ao Afrika atsimo. Bolongana anoratan'i Chris M izay mipetraka ao Le Cap, Afrika Atsimo. Mpiasa tenany misahana ny php i Chris.

3. Times Multimedia: Fampirantiana ny lahatsary, sary, feo ary sombin-tsarimihetsika atolotry The Times.

4. Web AddiCT(s): (Miankin-doha amin'ny web) izay fahanana Afrikana Tatsimo telo. Web AddiCT dia fanafohezana ny hoe Web “2.0″, Applications, Developments,Designs & Innovation in Cape Town (na Fampiharana, Fampandrosoana, Haiendrika & Fanavaozana eto an-Tananan'i Le Cap).

5. My Heart's in Accra: (Ny foko eto Accra) dia bolongana miresaka ny momba an'i Afrika, ny fampitam-baovao ary ny fampandrosoana iraisam-pirenena anoratan'i Ethan Zuckerman. Mpiara-manorina ny Global Voices Online moa i Ethan. Mitana ny laharana fahadimy manerana an'i Afrika fa voalohany any Ghana ny bolongany.

6. Blat: Mamoaka feo tsy am-pisainana.

7. Adii: bolongana miresaka ny haiendrika (fananganana) mahaleotena, Web 2.0, fandraisana andraikitra & tetipanorona avy amin'ny mpihira rock Adii.

8. Urban Sprout: (Tsimoka an-tanandehibe) Bolongana Afrikana Tatsimo mampisongandina ny tontolo maitso, ny vaovao sy ny hevitra mikasika izany, ary mifantoka ihany koa amin'ny vokatra misakaiza amin'ny tontolo iaianana.

9. So Close nanakaiky tokoa) Bolongana tanan'ilay mpamaham-bolongana malaza Afrikana Tatsimo Tertia. Misy soratra toy izao moa milazalaza momba ny bolongany : Tonga ihany aho rehefa tena nanakaiky nandritra ny fotoana maharitra. Fiainana taorian'ny fahamombana. Niainga tamin'ny fitantarana ny fiainany anaty fahamombana moa ny bolongany, So Close.

10. Wonkie Cartoons: Bolongan-kisarisary (samy hafa amin'ny bolongan-tsary) maneho ny vaovao ao haingana, ny tsahotsaho momba ny olo-malaza, fahagolan'i (sarimihetsika malaza) bollywood ary fanehoan-kevitra politika.

Ho tsikaritrao fa ankoatra an'i My Heart's in Accra (ny foko eto Accra) dia Afrikana Tatsimo avokoa ireo bolongana folo ambiny voalohany. Ny bolongana tsy Afrikana tatsimo ao anaty lisitra dia Black Looks (laharana faha-14) avy amin'ilay mpamaham-bolongana Nizeriana Sokari Ekine, Bankelele (laharana faha-18)avy any Kenya miresaka momba ny fahandroan-tsakafo fanao @ lafaoro (baking), fitantanam-bola ary ny fampiasam-bola any Kenya ary ny Bongo Celebrity (laharana faha-20), bolongana amin'ny teny Swahilimiresaka momba ny olo-malaza Tanzaniana. Mahaliana ny mahita bolongana tsy miteny anglisy tafiditra anaty laharana 20 voalohany eto @ kaontinanta.

Ndesanjo Macha