Miteraka adihevitra sy fahalinana teo amin’ny tontolon’ny fitoraham-blaogy Afrikana ny fahatongavana tambajotra ambany ranomasina izay hampiakatra ny  fatran'onja [bandwidth] sy hampidina ny sandan’ny fahazoana Aterineto manerana an’i Afrika. Nalefa nivantana tamin’ny Alakamisy i Seacom, izay mampifandray an’I Afrika atsimo, Tanzania, Kenia, Oganda ary Mozambique amin’i Eoropa sy Azia, ka hampiditra an’I Afrika Atsinanana sy Atsimo ho ao anatin'ny tambajotra manana fatran'onja midadasika.

Mampifandray ny sisin’ny Afrika Atsinanana amin’i Eoropa sy Azia i Seacom

Nahazo ny ‘connexion’-ndry zareo tamin’ny Alakamisy i Johannesburg, Nairobi ary Kampala, ary tokony hanaraka eo i Addis Abeba sy Kigali. Tany am-boalohany dia tokony ho tamin’ny fiandohan'ny volana Jolay no tonga io tambajotra io, fa noho ireo fanafihan’ny piraty tamin’ny ranomasina akaikin’i Somalia dia nihemotra ireo asa.

Eritreretina hampidina ny vidin’ny fatran'onja midadasika [bandwidth] hatramin’ny 90 isan-jato mahery io tambajotra ambany ranomasina io ary hampitombo ny fahazoana manao fivoriana an-tsary, fahitalavitra tsara sary ary Aterineto haingam-pandeha amin’iny sisin’ny Afrika Atsinanana iny.

“Mmmh…tsy andriko izay hanombohana ‘téléchargement’,” hoy IT Blog Kenya manoratra.

Any Uganda, efa mahatsikaritra fahasamihafana sahady I Josh avy ao In an African Minute:

Ilay fomba efa fantatry ny maro amin’ny fijerena horonantsary amin’ny YouTube aty Afrika dia ny mampiato azy raha vao manomboka fotsiny, miandry 20 minitra (na mahery) mandra-pahavonona tsara an’ilay horonantsary, ary izay vao mijery. Androany aho manatrika ilay lanonana fandefasana an’i SEACOM…. Amin’ny zoro iray ato amin'ilay efitra fivoriana, Peter Moreton, tompon’andraikitra iray tamin’ny fananana an’i SEACOM, dia niantso ahy ary nanokatra ny vohikalan’i YouTube tamina solosaina iray. Nandefa an’i Kung Fu baby izahay ary voalohany taty Afrika no nahitako horonantsarin’i YouTube vonona  ary nandeha tanteraka tao anatin’ny 6 segondra monja.

Faly toa izany koa i Munashe avy ao TechMasai:

Voapetraka ary tonga androany i Seacom, ilay tambajotra ambany ranomasina noresahintsika fotoana vitsivitsy lasa izay Manova zavatra betsaka  ilay fanapahan-kevitra ho an’ireo firenena izay hampiasa azy manomboka izao, anisan’izany Kenia, Oganda, Mozambika, Afrika Atsimo ary Tanzania.

…Fotoana mahafinaritra izao ho an’i Afrika, afaka manome toky  an’i Kenia aho izay hatreto dia niankin-doha tamin’ireo zanabolana tamin’ny filàna aterineto.

Jeremy, mpitoraka blaogy Nizeriana manoratra ao amin’ny NaijaBlog, dia mampitaha an’i Seacom amin’ireo tambajotra samihafa mampiasa câble any Africa Andrefana. Tavela any aoriana Afrika andrefana:

Lasa fatran'onja midadasika ny an'i Afrika Atsinanana…raha mbola ao am-piaingana ny an'i Afrika Andrefana ( izay amin’izao fotoana izao dia mbola ao an'efitrano fisoloana akanjo  mieritreritra izay ho anaovana) miaraka amin’ilay SAT3 tapa-dava sy ts'isy ilàna azy, angatra Glo1 (any anaty tangorom-pasika ve ireo mpiandraikitra ny Alcatel?) sy ireo roa vaovao, WACS sy Main1 dia mbola lavitra any am-paravodilanitra any (amin’ny herintaona raha tsara vintana isika). Nahazo ny fatran'onja midadasika i Afrika Atsinanana ary lasa nirifatra niaraka taminy fa i Afrika Andrefana kosa misalasala ary mitazam-potsiny.

Feno vaovao momba ny Seacom koa ny Twitter. Tsy mahatombina ireo mpampiasa sasany, ary ireo hafa kosa mbola miahiahy mafy:

“Mbola tena talanjona fa afaka ‘mi-download’ ny Interwebz iray manontolo ianao amin’ny alalana tambajotra mavomavo kiritika kely #seacom“
— ncallegari

“Tena nalefa androany Seacom. Hitantsika eo hoe hafiriana no ilain’ny ISP mba hampiakarana ny fandeha sy hampihenana ny vidiny …”
— dnyaga

“Izaho ve no diso sa nihakely fandeha ny Aterineto aty Nairobi nanomboka tamin’ny nandefasana an’i #seacom? Mety hoe mbola variana mandinika ny ranomasina angamba ny fatran'onja  alohan’ny hahatongavany?”
— mentalacrobatic

Maro amin’ireo miahiahy manodidina an’i Seacom no tena mitodika amin’ny sandany: na dia miteny aza ireo mpandalina sasany fa hihena hatramin’ny 90% ny sandan'ny fatran'onja, ny sasany kosa mino fa  mbola tokony ho kely lavitra noho izany ny sandany amin’izao fotoana izao. Manoratra i Kachwanya:

Ny tsara indrindra izao dia tokony hihena mihoatra ny 90% ny sandany, amin’izao fotoana izao ho an’ny ISP dia 6500$ (eo amin'ny KShs.487500) isaky ny fatran'onja 1 MB. Arak’i Seacom dia tsy mila afa-tsy 400$ (eo amin'ny Kshs.30,000) isaky ny fatran'onja 1 MB ry zareo, nefa tano ny fofon’ainao, aza manantena fahagagana eo amin’izay sehatra izay. Vao haingana ny mpitantana ny UUnet [UUnet CEO], Tom Omariba no nanambara fa tsy hitondra afa-tsy fihenana 20 na30 isan-jato monja amin'ny sanda ny fisian'io tambajotra io.

Sorena amin’ny fangaraharana i True Kenyan:

Nandà hatramin’ny farany ny hamboraka amintsika, isika mpampiasa Aterineto, i Seacom hoe ISP iza avy no nividy fatran'onja tamin-dry zareo. Noho izany dia mbola anatin’ny haizina isika ary tsy fantatsika hoe aiza no afaka hividy Aterineto mora sy azo antoka…. Ka ny hany vahaolana hitako izany dia ny mijanona amin’ny ISP-ko mandinika ny solosainako izay manomana ireo takelaka amin’ny fombany ary manantena fa indray andro any dia ho tanteraka ny nofinofintsika.

Teo am-pametrahana tsikera amina lahatsoratra nosoratan’ilay mpitoraka blaogy Tanzaniana Issa Michuzi [SW], matahotra ny momba an’io sanda io koa i Mdau, na dia be fanantenana ny amin’ny ho avy aza izy:

Asanteni sana kwa huo mkonga. Sasa kutandaza fibre-optic cables kwenye miji mbalimbali tunaanza lini? Manake kuwa na inter-country connection wakati within the country hatuna connection nzuri bado gharama zitakuwa juu na kwa maoni yangu tutakuwa tuna-under utilise capacity ya hiyo under sea cable. For the moment, well done! For the future, we have to work had!

Tao amina hetsika novoizina mafy’ sy voalamina tsara, nanodina ny bokotra i SEACOM ary nanaparitaka teo no ho eo ireo fatran'onja mahatratra Terabytes toy ny fandehan’ny tselatra tamin’ny alalan’ny ‘fibres optiques’ manify raitra dia raitra.

Ary ho an’ilay Afrikana Tatsimo Aki Anastasiou, “MB kely izany ho an’ny solosainako fitondra mandehandeha, fa TB goavana ho an’i Afrika.”

Efa elaela ihany izay, kanefa noho ny zava-misy dia tsy niandry ny fiainana hanantona azy izy – afaka tenenina hoe nanampy amin’ny fitazonana ny hadalana ny famahanam-bolongana rehefa nisedra ny kotro-baratry ny zavatra entin’ny fiainana izy. Tao anatin’ny ady sarotra sy tahotra, hehy sy tomany, no nanohizan’ireo vehivavy Afrikana ny fitantarana ny tantaran’izy ireo, ny fifampiazarana ny dian’izy ireo miaraka amin’Andriamanitra. Taonan’ny fivoarana ho an’ny rehetra ny taona 2008. Tohin’ izany ary dia ho taonan’ny fahamatorana ny taona 2009.

Mizara  ny tantara marina niainany avy tamin’ny fery teo amin’ny fihodirany fotsy I Chichi, izay Surviving on Grace

Fa maninona ary isika no dia miziriziry be sy mafy loha indraindray rehefa hanantona hitady fanampiana avy amin’I Jesoa. Maninona isika no lasa miheritreritra hoe tsy fantany ny misy antsika, na ny zavatra mianjady amintsika, eny fa na  fanamelohana ataontsika midika hoe tsy mendrika ny hanantona sy hitalaho aminy isika manao hoe: “TENA VITA NY AMIKO. MBA AMPIO RE AHO!”.

Rehefa mitalaho fanampiana isika, dia omen’ny Tompo ny fahatanterahana eo amin’ny olana sedraintsika, araky ny lazain’I Gomer aminao amim-pahatokisana. Nianatra lesona izy teo amin’ny fandrindrana ny fotoana tamin’ireo andro tsy nahasalama azy ary tsy hitany ny fomba hamitana izany. Nandamaka natory fotsiny izy kanefa nahatsapa fa diso be torimaso loatra ary tsy nanao izay mba toro-hevitry ny Pasiterany.

Tsy maintsy manitsy haingana izany aho satria efa nanomboka nahatsikaritra aho fa tato ho ato dia diso natory be loatra aho. Adiny 8 isaky ny alina fara fahakeliny fa raha ankoatr’izay dia tsy ho ahazo aina ny vatako. Ratsy izany ho an’ny olona tanora toa ahy. Ny pasiterako dia milaza foana ny amin’ny hoe tokony hatory anatin’ny adiny 5 fotsiny ny Kristianina isaky ny alina – fa hitarika tsy fahatomombanana ny ankoatr'izay……

Anontanian’I Rita antsika ny fanontaniana roa ambin’ny folo izay tokony ho fanontanina apetraky ny vehivavy rehefa mikarakara ny mpanjakany izy, ary avy eo manome azy antony ny ametrahana fanontaniana azy ireo:

Ry havako, tsy manome anareo lisitra akory aho na fitarihana. Fa kosa milaza amim-pahatsorana zavatra 2:

1.    Rehefa mikarakara ho an’ny mpanjaka lahinareo ianareo, dia tokony jerenao ny zavatra mihoatra ny ara-batana  ary manome fahafaham-po ny zavatra ilaina. Eritrereto ny fiainana miaraka aminy mandritra ny 3 taona.
2.    Ho anareo lehilahy, mino aho fa tianareo ny anana “mpanjaka vavy” kanefa tokony hanomboka miomana ho amin’ny fiainany ianao. Azo vianavinaina fa efa manana ny lisitra eo an-tanany koa izy (ravehivavy).

Tena azo vinavianaina mihintsy izany fa manana lisitra izy! Kanefa mandritra ny fotoana iandrasan-dravehivavy, dia tokony mianatra mandrindra ny fotoanany izy, koa rehefa tonga ny fahasarotana, dia tsy tokony ho menatra izy hiangavy fanampiana

Raha mpanaraka ny bolongana Afrikana ianao dia mety ho liana ihany koa amin'ny filaharana ankapoben'ireo bolongana ao amin'ny tontolom-bolongana Afrikana. Azontsika fantarina amin'ny alalan'ny fampilaharana ataon'ny Afrigator ireo mitana ny lohalaharana sy bolongana be mpamaky indrindra eto Afrika. Nandahatra lisitry ny vehivavy Afrikana mpamaham-bolongana mitana ny laharana 45 voalohany koa ny mpanangona bolongana Afrikana Afrigator.

Indreto ary ny lisitry ny bolongana 10 voalohany:

1. Thought Leader: (Mpitarika fisainana) izay vondrom-bolongana mpanadihady sy mpanome hevitra avoakan'ny M&G Online (an-tserasera)

2. iMod: Bolongana mitana ny laharana faharoa eto Afrika sy ao Afrika atsimo. Bolongana anoratan'i Chris M izay mipetraka ao Le Cap, Afrika Atsimo. Mpiasa tenany misahana ny php i Chris.

3. Times Multimedia: Fampirantiana ny lahatsary, sary, feo ary sombin-tsarimihetsika atolotry The Times.

4. Web AddiCT(s): (Miankin-doha amin'ny web) izay fahanana Afrikana Tatsimo telo. Web AddiCT dia fanafohezana ny hoe Web “2.0″, Applications, Developments,Designs & Innovation in Cape Town (na Fampiharana, Fampandrosoana, Haiendrika & Fanavaozana eto an-Tananan'i Le Cap).

5. My Heart's in Accra: (Ny foko eto Accra) dia bolongana miresaka ny momba an'i Afrika, ny fampitam-baovao ary ny fampandrosoana iraisam-pirenena anoratan'i Ethan Zuckerman. Mpiara-manorina ny Global Voices Online moa i Ethan. Mitana ny laharana fahadimy manerana an'i Afrika fa voalohany any Ghana ny bolongany.

6. Blat: Mamoaka feo tsy am-pisainana.

7. Adii: bolongana miresaka ny haiendrika (fananganana) mahaleotena, Web 2.0, fandraisana andraikitra & tetipanorona avy amin'ny mpihira rock Adii.

8. Urban Sprout: (Tsimoka an-tanandehibe) Bolongana Afrikana Tatsimo mampisongandina ny tontolo maitso, ny vaovao sy ny hevitra mikasika izany, ary mifantoka ihany koa amin'ny vokatra misakaiza amin'ny tontolo iaianana.

9. So Close nanakaiky tokoa) Bolongana tanan'ilay mpamaham-bolongana malaza Afrikana Tatsimo Tertia. Misy soratra toy izao moa milazalaza momba ny bolongany : Tonga ihany aho rehefa tena nanakaiky nandritra ny fotoana maharitra. Fiainana taorian'ny fahamombana. Niainga tamin'ny fitantarana ny fiainany anaty fahamombana moa ny bolongany, So Close.

10. Wonkie Cartoons: Bolongan-kisarisary (samy hafa amin'ny bolongan-tsary) maneho ny vaovao ao haingana, ny tsahotsaho momba ny olo-malaza, fahagolan'i (sarimihetsika malaza) bollywood ary fanehoan-kevitra politika.

Ho tsikaritrao fa ankoatra an'i My Heart's in Accra (ny foko eto Accra) dia Afrikana Tatsimo avokoa ireo bolongana folo ambiny voalohany. Ny bolongana tsy Afrikana tatsimo ao anaty lisitra dia Black Looks (laharana faha-14) avy amin'ilay mpamaham-bolongana Nizeriana Sokari Ekine, Bankelele (laharana faha-18)avy any Kenya miresaka momba ny fahandroan-tsakafo fanao @ lafaoro (baking), fitantanam-bola ary ny fampiasam-bola any Kenya ary ny Bongo Celebrity (laharana faha-20), bolongana amin'ny teny Swahilimiresaka momba ny olo-malaza Tanzaniana. Mahaliana ny mahita bolongana tsy miteny anglisy tafiditra anaty laharana 20 voalohany eto @ kaontinanta.

Ndesanjo Macha