Global Voices teny Malagasy » Malawi

Malawi: Fifaninanana web & ireo filohany ao amin'ny Facebook

Jentilisa — Sat, 13 Dec 2008 15:27:17 +0000

Sambasamba fa hahita ny fizotran'ny fandaharana ahitana fifidianana sy ahalalana izay mandresy amin'ny “The 2008 Malawi Web Awards“ na “loka 2008 n'ny aterineto Malawi” ny vahoaka any. Omena isan-tsokajiny avy ho an'ny mpandraharaha an-tserasera, mpandefa fandaharana an-tserasera, mozika an-dahatsary, fitaovam-piseraserana ara-piaraha-monina mazoto, gazety an-tserasera, mpamaham-bolongana, mpanao gazety, mpanakanto an-tserasera izy ireo. Misy noho izany ny sokajy izay tsy voatery hiorina amin'ny aterineto, tahaka ny Olombe Malawita mendrika sy ny Mpitarika ny Ampitso. Ao amin'ny teny nataon'ny mpikarakara moa dia:

The Malawi Web Awards were conceived to acknowledge contributions that Malawians have made throughout the past year. The Malawi Web Awards mainly recognize individuals who helped in publicizing Malawi and raising awareness of issues affecting the population of the Warm Heart of Africa. This year the nominees raised awareness of Malawi in various areas (political, cultural, entertainment).

Noketrehina mba hahalalana ny ezaka vitan'ny Malawita nandritra ny taona ity fifaninanana ity. Ny olona nanome laza tsara an'i Malawi sy nahay nampahafantatra izay mihatra amin'ny mponin'ny Ati-Fo Lalin'i Afrika no tafiditra amin'ity fifaninanana ity. Tamin'ity ireo voafantina ho nampahafantatra an'i Malawi dia avy amin'ny sehatra samihafa (politika, kolontsaina, fialam-boly)

Naseho tamin'ny endrika telo samihafa moa ny filazana: tao amin'ny bolongan'i Caleb Phiri antsoina hoe Malawi Current News, tao amin'ny vohikalam-piaraha-monina naorina ho amin'ny vanim-potoana ao amin'ny Facebook, ary ao amin'ny vohikalam-pifampizarana Youtube.

Ao anatin'ny olona ampolony voafantina ho amin'ny fifaninanana i Hazel Warren, vehivavy Malawita izay faharoa tamin'ny telerealite Big Brother Africa 3, ny mpamaham-bolongana William Kamkwamba sy Victor Kaonga, ny mpanazatran'i ekipam-pirenena eto Malawi amin'ny baolina fandaka, Kinnah Phiri, ny mpiasan'ny fampielezam-peo sy ny fahitalavitra, ary ny mpanakanto toa an'i Laurence Mbenjere asongadin'ny lahatsary etsy ambany:

Hatramin'ny 19 desambra 2008 amin'ny folo ora alina ny fotoana ifidianana isan-tsokajy. Holazaina ao amin'ny Bolongana Malawi Current News moa ny valiny ny andron'ny alatsinainy 22 desambra 2008.

Ny vaovao farany avy any Malawi dia ny fihavian'ny fifaninanana momba ny aterineto voalohany indrindra any an-toerana vao eo ampihainoana ny filazan'ny filoha Malawita teo aloha Dr. Bakili Muluzi ihany koa milaza, fa nampiseho ny mombamomba azy ao amin'ny Facebook profile izy, ary vao nanangana vondrona Facebook ho an'ny mpanohana azy indrindra.

Manana vondrona Facebook mpanohana azy izay efa nijoro hatramin'ny volana Mey 2008 ihany koa ny filoha mitondra amin'izao fotoana izao, ny Dr. Bingu wa Mutharika.

Steve Sharra

Afrika: ny lalàna 7-n'ny fihavaozana

Jentilisa — Thu, 23 Oct 2008 01:54:20 +0000

White African no manoratra ny lalàna 7-n'ny fihavaozana nosoratan'i Ethan : “Namoaka sombin-dahatsoratra nahatalanjona iray hafa indray i Ethan Zuckerman. Tamin'ity indray mitoraka ity dia ny fitondrana zava-baovao eto Afrika no resahiny sy ny fomba nitondrana azy noho ny fahavitsian'ny akora ampiasaina.”

Global Lives Project: Fandraisan-dahatsarin'ny fiainan'ny olona 10 mandritra ny 1 andro

Jentilisa — Mon, 07 Jul 2008 20:37:14 +0000

http://globalvoicesonline.org/wp-content/uploads/2008/07/global-lives.jpg

Natsangana hampisehoana fiainan'olona folo samihafa avy amin'ny lafivalon'izao tontolo izao amin'ny fanarahana azy ireo sy handraisandahatsary azy ireo mandritra ny 24 ora ny Global Lives Project. Miaraka alefa amin'ny fotoana mitovy anatina toerana voaorina iray ahafahan'ny tsirairay mivezivezy mitsidika efitra 10 samihafa handefasana ny lahatsarin'ny andavanandrom-piainan-dry zareo nofantenana tsirairay ny 240 ora voangona. Manaraka izany, ny famahavahany ny fenitra takariny, ny ataony hanatrarany izany fenitra izany sy fanazavana fanampiny momba ny tetikasa:

Ny tanjona kendrena dia ny hampivoitra ny fahasamihafana eto amin'ny pilaneta, ahafahana maneho amin'ny tsirairay ny fombam-piainan'ny hafa, tsy noforonina na namboamborina. Tsy hoe mandritra ny fampirantiana ihany no ahazoana mijery ireo fa mbola ampidiriana amin'ny tahalan-tserasera ihany koa izy ireo, ho karazana raki-pahalalan'ny traikefan'olombelona.

Eo ampikarohana mpaka lahatsary any Azia, Eoropa atsinanana ary Afrika indrindra ry zareo amin'izao fotoana izao, sy toeram-pampiratiana maro manana savaivo 20 metatra, mpandika teny ary mpanohana. Raha te-haka ny andinindininy ianao dia azonao jerena ao amin'ny vohikalany izany. (jereo ny lahatsoratra nadika). Efa naka sarina Amerikana mpanamory fiara mandeha amin'ny herinaratra tany San Francisco sy mpihira Breziliana sady mpanaramaso fahazoan-dalana hiditra an-tanàna ry zareo ary efa naka sary tany Malawi sy tany Japana koa.

Malawi : Nogiazana tsy mahazo mivoaka tao an-tranony ny filoham-pirenena taloha

Tomavana — Tue, 27 May 2008 14:00:36 +0000

Ho tohin'ilay raharaha “fanomana fanonganana” ny filoham-pirenena izay nisamborana olo maro tany Malawi notaterina teto dia re indray izao fa napetraky ny mpitandro ny filaminana ambany figiazana tsy mahazo mivoaka tao an-tranony ingahy Bakili Muluzi izay filoham-pirenena teo aloha. Ny mpanao gazety Bright Sonani avy any Lilongwe sady vavolombelona nanatri-maso, no mitatitra izay fizotry ny raharaha teny amin'ny seranam-piaramanidina iraisam-pirenan'i Kamuzu any Lilongwe izay nosafidian'ny Pôlisy hanatanterahana izany raha niverina avy amin'ny dia tany amin'ny Fanjakana Mitambatra [Angletera] ny filoha taloha Muluzi :

After the dramatic arrest right inside the Kamuzu International Aiport grounds at around 2.45 pm, the UDF Chairman was 30 minutes later whisked into a waiting Malawi Armed Forces Military Plane the 16 Seater Dornier which flew him straight to Blantyre.

Muluzi’s son Atupele confirmed that his father has been charged with treason.

However, government yesterday declined to immediately comment on the arrest which drew tension inside the city of Lilongwe with running battles between the police and UDF supporters who, angered, with the development closed roads especially those leading to KIA […]

“They have arrested the former President apparently on treason charges. They don’t have a warrant, they refused him to leave the airport, they want to take him in a military aircraft to an undisclosed location,” said Atupele, who was the only top UDF politician and Muluzi’s closest ally allowed into the airport grounds, soon after the arrest.

Soon after the arrest Police also instantly moved in to disarm the former head of state’s government security personnel.

“Taorian'ny fisamborana tamin'ny fomba mampalahelo izay nitranga tamin'ny 14:45 ora tolakandro tao amin'ny faritry ny seranam-piaramanidina iraisam-pirenena Kamuzu, ny filohan'ny antoko UDF [United Democratic Front] dia nasitrika tao anatin'ny fiaramanidina Dornier izay misy seza miisa 16, an'ny tafika an'habakabaka Malawiana, izay nisidna mivantana ho any amin'ny tànanan'i Blantyre.”

Atupele, zanak'i Muluzi no nanamarina ny fanoavana ny rainy ambany fiampangana azy ho mpamadika [“fanomana fanonganana” ny filoham-pirenena].”

Nandà ny hanolotra fanazavana avy hatrany mikasika izany fisamborana izany anefa ny fitondrana, ka nitarika fihasarotan'ny raharaha sy nahitana fiantombohan'ny fifanoherana teo amin'ny Pôlisy sy ireo mpomba ny antoko UDF izay tezitra, misy koa ireo làlana tapaka indrindra ireo làlana izay mitondra mankany amin'ny KIA [Kamuzu International Airport | seranam-piaramanidina iraisam-pirenena Kamuzu] […]”

“Toa ambany fiampangana azy ho mpamadika no nisamborana ny filoham-pirenena teo aloha. Tsy nisy taratasy ara-dàlana akory teo am-pelatanan'ny Pôlisy fony ry zareo nanatanteraka izany fisamborana izany, sady tsy nomena alàlana ny handao ny seranam-piaramanidina akory izy, fa tian-dry zareo Pôlisy entina am-piaramanidin'ny tafika an'habakabaka any amin'ny izay toerana izay tsy misy mahalala” hoy ny fanambaran'i Atupele, izay sangany hany tokana avy amin'ny antoko UDF sy olona akaiky an'i Muluzi, navela hiditra tao amin'ny seranam-piaramanidina taorian'izany fisamborana izany.”

Fotoana fohy monja taorian'izany fisamborana izany koa dia nizotra [tany an-tranony] mba hanangonana sy higiazana ireo fitaovam-piadiana ampelatanan'ireoi mpiambina ny filoham-pirenena teo aloha ny Pôlisy.”

Ny fisamborana an'i Muluzi dia nitranga taorian'ny fisamborana olona valo izay manam-pahefana sy sangany amin'ny antoko mpanohitra izay samy efa navotsotra vonjimaika natakalo tamby vola ara-pitsarana avokoa ankehitriny [mandra-piandry izay fivoatry ny fikarohana].

Mandritra izany fotoana izany, manatrika fivorian'ireo filoham-pirenena Afrikana any Japàna kosa ny filoha Malawiana Bingu wa Mutharika.

Mifanohitra ireo fomba fijery manoloana ireo andiana fisamborana ireo. Ankehitriny dia eo am-panatanterahan fitsapàna hevi-bahoaka mikasika izay fijerin'ny Malawiana ireo fisamborana ireo ny mpiblaogy Malawiana iray.

Malawi : Fisamborana olo maro noho ny “fanomana fanonganana” ny filoham-pirenena

Tomavana — Fri, 16 May 2008 08:17:29 +0000

Araky ny tatitra voaray dia manamboninahitry ny tafika sy mpitarika ny antoko mpanohitra maromaro no nosamborina tany Malawi noho ny fiheverana azy ireo ho “nanomana fanonganam-panjakana.” Kondwani Munthali izay sady mpanao gazety no mpiblaogy Malawiana dia mihevitra fa mandalo vanim-potoana mahaliana ary madiva hangotraka ny rano [ilomanozan'ny] pôlitika any Malawi. Avy any Lilongwe izay itoerany no anambarany :

Finally arresting people like Retired General Joseph Chimbayo, Joseph Aironi, John Chikakwiya, Humphrey's Mvula and Kennedy Makwangwala will not solve the current political impasse. I am hesistant to add the military officials also in the cooler for Treason. Some of us saw the signs of times, long time ago, but we chose to ignore it.

Political temperatures have reached boiling point, but it is the man in Karonga who has no food. I was in Lilongwe Kumachenga, when the MCP legislator was screaming that he cannot go to Parliament. I was happy when Bingu called for the talks only to be dejected later when he went on a political rally to reveal what was going on secretly.

I don't know where Malawi is going to as of today, arrests and intimidation seem to be much more like Kamuzu era not a democratic regime people opted for 15 years ago. I hope my country will wake up to realisation that leadership is more of a gift from God. Restraint and patience develop good leaders and not tempers. I hope in the next few years, posterity will prove many of us right in our decisions and be remembered as “great leaders” who brought impact on our people than sheer politicking.

“Tsy hamaha ireo olana mipetraka anivon'ny toe-draharaha pôlitika ankehitriny ny fisamborana ireo olona toa ny manamboninahitra misotro ronono Joseph Chimbayo, Joseph Aironi, John Chikakwiya, Humphrey Mvula ary Kennedy Makwangwala. Ary miahotra aza aho ny hanampy ireo rafi-pahefana miadidy ny tafika ao anaty ny lisitr'ireo mpamadika. Satria ny sasantsasany tamintsika dia efa nahatsikaritra zavatra ela saingy nisafidy ny hikipy.”

Efa madiva hangotraka [hihoatra ny vilany] ny rano pôlitika ankehitriny, mandritra izany fotoana izany tsy mahita hohanina ity lehilahy any Karonga. Tany Lilongwe Kumachenga aho, raha nihiaka ireo mpifidy nony nandre fa tsy hamonjy ny Antenimieram-Pirenena ny solotenan'ny antoko mpanohitra MCP [Malawi Congress Party]. [Isan'ireo] faly aho raha niantso fikaonan-doha i Bingu izay notsipahina taty aoriana rehefa nanala sarona izay zava-miafina nokobonin'ny sasany tao izy.”

Tsy fantatro mihitsy izay alehan'ny Malawi manomboka izao, ireo fisamborana sy ireo fampihorohoroana dia tsy misy hafa amin'ny fotoan'andro nitondran'i Kamuzu fa tsy mba izay rafi-pitondrana demôkratika izay nofidian'ny vahoaka efa 15 taona lasa izao. Faniriako ny hifohazan'ny fireneko ka hitsaharany ny hihevitra fa fanomezan'Andriamanitra ny fitondrana. Ny fahatoniam-po sy ny faharetana no mitaiza mpitondra tsara fa tsy izay fananana fasahisahiana. Fanantenako fa amin'ireo taona manaraka ho avy ireo, ny tarantsika dia hanome rariny ireo fanapahan-kevitry ny sasany tamintsika ary hahatsiaro azy ireny ho toy ny “mpitarika maherifo” izay nitondra fiovana teo amin'ny vahoaka tokoa fa tsy “adilahy” pôlitika fotsiny ihany.”

Mandritra ny lahatsoratra lava nosoratany ary nampitondrainy ny lohateny hoe “fitomaniana ny tany mamiko” [Cry the Beloved Country] no itsikerany ny fivoatry ny rivotra pôlitika izay heveriny fa tsy hanampy ireo tambanivohitra mahantra any Malawi. Vao herinandro vitsy izay no nisamboran'ny Pôlisy an'i Munthali noho ny fiheverana azy ho fototr'ireo fitenenan-dratsy ny filoham-pirenena nipoitra teto amin'ny Aterineto.

Malawi : Sarintsarina “fanomana fanonganam-panjakana”

Tomavana — Thu, 15 May 2008 14:58:30 +0000

Boni Dulani no manapariaka ny fijeriny izay heveriny ho sarintsarina “fanomana fanonganam-panjakana” any Malawi :

Call me naïve, but some things do not add up to this alleged new “coup plot” against the Mutharika presidency. Instead, it gives me a sense of déjà-vu: taking us back to the dark days of the Banda presidency.

“Tsy maninona fa ataovy hoe izaho no “Zefa” [dondrona] fa misy zavatra tsy mazavazava amiko amin'izao dradradradraina hoe “fanomana fanonganam-panjakana” hafa vaovao izay mitetika ny fitondran'ny filoha Mutharika izao. Raha ny fijeriko azy aza dia ohatry ny [tsy vaovao intsony fa] “filma efa nandeha” izay mampahatsiahy antsika ny andro manjombona tambany fitondran'ny filoha Banda taloha.”

Malawi : Manamboninahitry ny tafika nosamborina noho ny “fanomana fanonganam-panjakana”

Tomavana — Thu, 15 May 2008 11:30:51 +0000

Cryton Chikoko no mitatitra ao amin'ny blaogy Stories on Malawi [tantara mikasika an'i Malawi] fa misy olona maro hafa izay nosamborina noho ny fiampangana azy ireo ho “nanomana fanonganam-panjakana” tany Malawi :

Malawi has arrested two senior army officers for plotting to overthrow the government, police said on Wednesday, a day after the arrest of two opposition leaders on the same charges.

“Manamboninahitry ny tafika roa lahy no nosamborin'i Malawi, nohon'ny fiampangana azy ireo ho nanomana fanonganam-panjakana, araky ny nambaran'ny Polisy tamin'ny Alarobia lasa teo, ny ampitson'ireo fisamborana ireo dia olona roa izay sangany amin'ireo mpitarika ny antoko mpanohitra koa no nosamborina noho ny fiampangana sahala.”

Malawi : Hevitra nateraky ny fiverenan'ny filoha taloha hanao pôlitika

Tomavana — Thu, 15 May 2008 11:20:27 +0000

Vao tsy ela izay, no nanatanterahan'ny antoko [eo amin'ny fitondrana] UDF [United Democratic Front ] ny fihaonambeny sy ny nifidianany ny filoha taloha Bakili Muluzi ho kandidan-dry zareo amin'ny fifidianana filoham-pirenena izay hotanterahaina amin'ny taona ho avy any Malawi [2009]. Ny filoha lefitry Malawi, ny Dr Cassim Chilumpha izay ambany fiampangana ho mpamadika no mba mpifaninana hany niatrika taminy. Austin Madinga izay mpiblaogy monina any Lilongwe dia mihevitra fa diso ny fototry ny fanapahan-kevitra izay nanosika an'i Muluzi hiverina hanao pôlitika. Tsahivin'i Madinga ny tafatafa nifanaovan'ny filoha Muluzi tamin'ny BBC [haino aman-jery mivoy vaovao Anglisy] ho fampidirany ny lahatsorany :

When asked why he would like to return as Malawi's president he said because Bingu wa Mutharika (Muluzi's successor) had dumped the party after he was elected president and as such he needed to return the UDF to power!

This type of reasoning to me is not only gravely flawed but also defied all logic. Mr Muluzi needs to be reminded that people do not ascend to power to simply punish others or for the sake of being a ruling party. They are placed in positions of authority to serve the people and going by Muluzi's past record, that is not likely to feature high on his agenda.

“Rehefa nanontaniana izy hoe nahoana no manam-paniriana ny hiverina ho filoham-pirenena any Malawi ny tenany, dia navaliny fa taorian'ny naha-voafidy an'i Bingu wa Mutharika (filoham-pirenena nisolo toerana an'i de Muluzi tamin'ny taona 2004, ary nandao ny UDF ka nanorina antoko vaovao DPP [Democratic Progressive Party] tamin'ny 2005) dia nosimbany ny antoko ka ilaina ny famerenana ny antoko UDF amin'ny tanjaka nananany taloha !”

Tsy vitan'ny hoe, mivilana tanteraka fa tsy mitombona mihitsy hoy aho ny fomba fihevitra toy izany. Tokony ampatsiahivina an'ingahy Muluzi fa tsy ny hanome famaizana olon-kafa fotsiny na koa [famerenana ny] tanjak'izay antoko pôlitika [reraka] no iakaran'ny olona eo amin'ny fitondrana. Ny antony anomezana fahefana azy dia mba ahafahany manompo ny vahoaka, ary raha tarafina amin'izay efa traikefan'ingahy Muluzi dia toa tsy ao anatin'ireo vain-doha-draharahany izany zavatra izany.”

Nanokatra blaogy vao herinandro vitsy izay i Boniface Dulani izay sady mpanaraka vaovao pôlitika raindahiny no mpampianatra ao amin'ny Anjerimanontolon'i Malawi. Ny lahatsorany vao tsy ela dia nampitondrainy ny lohateny hoe Momba ny fihaonamben'ny antoko UDF sy izay antony tsy hifidianako an'i Muluzi. Tsikerainy ny fanolorana an'i Muluzi ho kandida sy ny fihaonamben'ny UDF izay ampitahainy amin'ny vazivazy satria na ireo solontena izay nanatrika izany fivoriana izany aza dia tsy nisy nofidiana tamin'ny fomba demôkratika akory :

Even if I was to be persuaded to believe that Muluzi did a wonderful job in his first ten years in office (and it would not be a mean achievement to convince me), I just cannot accept that the UDF does not have any other individuals from within their ranks that are capable of leading the party into the next elections. The only way we know Muluzi has the potential to be President is because he was given the chance to serve in the first place. This only goes to show that what the country, and the UDF, lack is not people with leadership potential, but opportunities to serve. If Muluzi is so important to the UDF, he can serve an important advisory role to a different UDF nominee instead of clinging on to the candidacy himself.

“Eny e, na dia atao aza hoe resy lahatra aho fa niasa tsara i Muluzi nandritra ireo folo taona voalohany naha filoham-pirenena azy (sady ambarako mialoha fa tsy ho zavatra mora ny handresy lahatra ahy mikasika izany), dia tsy eken'ny saiko tsotra izao ny mieritreritra fa fa tsy misy olon-kafa mahavita azy hafa avy ao amin'ny antoko UDF izay afaka hitarika azy amin'ny fifidianana manaraka. Ny ahafantarantsika fa hahavita azy i Muluzi dia satria notolotra azy ny loha-laharana [fa tsy mba nisy adihevitra sy fifaninanana akory]. Izany dia mampiharihary fa anivon'ny antoko UDF sy eo amin'ny firenena amin'ny ankapobeany dia [tena] misy ireo olona izay manana traikefa ho mpitondra fa ny toerana no sarotra vao azo. Raha tena manana izay maha-izy azy anivon'ny antoko UDF tokoa i Muluzi dia afaka manolotsaina ireo kandida hafa izay hirotsaka izy, fa tsy ny mifikitra sy mikiry ho kandida izy tenany [toy izay ataony ankehitriny].”

Andao hiova lohahevitra indray ka hiresaka zavatra hafa mihitsy mikasika an'ny Malawi. Bennet Kankuzi izay mpiblaogy monina any Botswana dia nanokatra blaogy vaovao nampitondrainy ny lohateny hoe Tiako I Malawi [I Love Malawi fa tsy TIM tsy akory] izay nafantony ho fanapariahana sary mikasika an'i Malawi izay mitondra ny anaram-bosotra hoe “fo mivaivain'i Afrika” [Warm Heart of Africa]. Ka raha misy amintsika liana ny hahalala bebe kokoa momba ny hakanton'i Malawi, dia indro blaogy ahafahanareo manaraka vaovao hafa ankoatr'izay resaka pôlitika sy toekarena [izay efa mankalao]. Io sary manaraka ambany io dia ahitana lemaka ambolena dite any amin'ny faritra Atsimon'ny Malawi:

Zimbaboe : Hampian'i Malawi ve ny famotsorana ireo fitaovam-piadiana hoan'i Zimbaboe ?

Tomavana — Tue, 29 Apr 2008 11:27:04 +0000

Hope no velom-panontaniana ao amin'ny blaogy This is Zimbaboe raha Hampian'i Malawi ve ny famotsorana ireo fitaovam-piadiana hoan'i Zimbaboe ? :

The Nyasa Times has this report today and it seems a lot more plausible to me than yesterday’s Hollywood-style information regarding Venezula…
Malawi government has sent a top three man national intelligence experts to Angola to look at ways of helping Zimbabwe’s President Robert Mugabe clear the weapons aboard the beleaguered Chinese ship that has docked in Luanda, Angola

“Nanao tatitry ny gazety The Nyasa Times androany izay heveriko manokana ho ohatry ny mari-pototra kokoa noho ireo vaovao ara-Hollywood izay fandre mikasika an'i Venezoela …
Nandefa telolahy manana trakefa amin'ny fitsikilovana any Angôla i Malawi mba hikarohana tetika izay ahafahana manolotra fanampiana hoan'ny filoha Zimbaboeana Robert Mugabe mba hamotsorana ireo fitaovam-piadiana raikitra eny amin'ny sambo Shinoa izay tsy misy te handray, raha niantsona tany Luanda, Angôla izy io”

Malawi: Mba tano re ny asa azo!

Jentilisa — Thu, 03 Jan 2008 16:28:31 +0000

Manoro hevitra ny Malawita i Clement Nyirenda hoe : “Nahatonga saina ahy iny resadresaka iny satria nahafantarako fa be ny eto Malawi no mitady asa. Koa raha efa manana asa ianao, dia isaory Andriamanitra na dia kely aza ny karama fa tsy misy izao ny tsenan'asa.”