Anio, faha-25 Novambra no andro iraisam-pirenena Iadiana amin'ny Herisetra Atao amin'ny Vehivavy, ary amin'ny alalan'ny horonantsary no anehoan'ny olona maro  sy fikambanana maneran-tany ny fanirian'izy ireo hampiatoana ny herisetra ary koa ny ezaka entin'izy ireo hanamafisana fa manana tontolo afaka iainana am-piadanana ny vehivavy.

Sary avy amin'i  circo_de_invierno, tao amin'ny  Flickr mampiasa ny  CC BY 2.0.

ny teny momba ny herisetra dia tsy maintsy hanafoana ny FAHANGINANA

UNIFEM, ao amin'ny Manaova Tsia amin'ny Herisetra ao amin'ny Youtube dia efa nanao fanadihadiana ny sasany amin'ireo fanapahan-kevitra raisina maneran-tany mba hampiatoana ny fanaovana herisetra noho ny tsy fitoviana. Ny horonantsary voalohany dia mampiseho ny Lisean-jazavavy Ngara ao Nairobi, Kenya, izay andrisihana ireo tovovavy hanao Tsia amin'ny Herisetra, hijoro hitaky  ny zon'izy ireo ary koa ny fomba hiadiana amin'ny fanolanana, fanafihana, fandrahonana ary ireo endrika hafa hisehoan'ny herisetra noho ny tsy fitoviana:

Any Kenya koa, manana Toeram-Panarenana ireo niharan'ny Herisetra ny tobim-pitsaboana nasionalin'ny Kenyatta, izay azon'ireo vehivavy sy ny zanany andehanana ary hikarakarana azy ireo noho ny herisetra nahazo azy ireo. Ato amin'ity horonantsary manaraka ity, mitantara ny fiainana ao amin'ilay toeram-pitsaboana izy ireo, ny tontolo iainana misy azy ireo, ary maneho hevitra koa ireo vehivavy niharan'ny herisetra:

Any Peru, eo am-pikarakarana fihetsiketsehana sy fanangonam-bahoaka ny fikambanana Flora Tristan ho ana endrika hafa inoany fa mety hiteraka herisetra: ny fandàvana ny fahazoana maimaim-poana ireo fomba fanabeazana aizana sy ny lalàna vaovao nanapaka fa ny pilin'ny ampitso (fanabeazana aizana vonjimaika) dia tsy tokony hozaraina maimaim-poana. Hanao fanentanana ho fanabeazana izy ireo any amina toeram-pitsangatsanganana any Lima ka hanome fanampim-panazavàna momba ny fanabeazana aizana, ary koa hizara pilin'ny ampitso sy fitaovana fanabeazana aizana ho mariky ny fanoherana:

Raha ny momba ny Amerika Latina sy ny Karaiba indray, nandefa ity horonantsary ity ny UN-INSTRAW ho ampahany amin'ny fanentanana fisarihan-tsaina :

Latinoamérica y el Caribe es un lugar peligroso para las mujeres. Más de 50 por ciento de las mujeres de la región han sido objetos de agresiones. En la República Dominicana, por ejemplo, 1,453 mujeres fueron asesinadas entre los años 2000 y 2008. En el marco del Día Internacional para la Eliminación de la Violencia Contra la Mujer, UN-INSTRAW lanza un nuevo video sobre la seguridad de las mujeres latinas y caribeñas.

Any Espana, nandray anjara tamin'ny seminera faha-dimy momba ny Fiarovan-tena amin'ny herisetra ireo vehivavy, ka tamin'izay no nanoroana azy ireo ny fomba hiarovany tena raha miatrika toe-javatra mampidi-doza ry zareo. Ny kendrena amin'io fanofanana io dia ny hahafahan'izy ireo mampalemy mandritra ny fotoana fohy ilay mpanao herisetra mba hahafahan'izy ireo mandositra ny loza.

Ary avy any Chile, ilay mpanao Hip Hop COFLA dia namoaka hira mitondra ny lohateny hoe Femicide. Raha eritreretina hampirisika ny herisetra atao amin'ny vehivavy ny tononkira hip hop matetika, ity mpanakanto ity kosa namoaka hira manameloka ny fomban'ireo lehilahy manomboka amin'ny  fanomezana tokim-pitiavana sy fiarovana ary tonga amin'ny herisetra, daroka na famonoana mihitsy aza:

Nisy ezaka toy izany ve tany amin'ny faritra na firenena misy anao? Mba ampafantaro anay amina fandefasan-kevitra ny fihetsiketsehana ataon'ny fiaraha-moninao mba hanakanana ny herisetra atao amin'ny vehivavy!

Mihamitombo ny isan'ny mpamaham-bolongana manerantany mitondra ny tsimok'aretina VIH mampiasa ny mediam-bahoaka hanehoany ny fomba iainany miaraka amin'ny tsimok'aretina.

Mety ho sarotra ny miresaka amin-kahalalahana ny momba ny VIH-SIDA. An'arivoarivony ny olona efa tratran'ny otrik'aretina, fa ny marina dia atahorana loatra ity aretina ity ary noho ny fomba fifindran'ny aretina mety ho azo amin'ny firaisana ara-nofo, dia lasa henatra matetika ho an'ny olona izany mitondra VIH izany. Saingy, misy ireo olona am-polony sahy mitantara ny fiainany manokana isan'andro, indraindray mitaky ny zony na mitaky ny fanatsarana ny fikarakarana azy ireo ara-pahasalamana any amin'ny bolongana sy ny dinika an-tserasera azon'izay rehetra te-hamaky ny tantarany.

View Blogging Positively in a larger map
Blogging Positively amin'ny sarintany ngeza kokoa.

Afrika Atsimo

Busi, mpamaham-bolongana sady poety avy ao Afrika Atsimo no nahita fa mitondra nyVIH izy tamin'ny 2006, enim-bolana taorian'ny nanaovana azy an-keriny.

Indro ny tantarany mampalahelo, araka izay notantarainy tao amin'ny bolongany My Realities:

Not so long ago i discovered that i was HIV+. I was attacked and raped far too many times in order for me to contract the virus. You see, the reason for that is that i am a woman who identifies as lesbian because of my involvement with a woman. My attackers and different rapists did so to show me how it is to be a woman.

Efa nandao ity tany mahafinaritra ity i Busi fa nentin'ny aretiny tamin'ny Marsa 2007. Saingy mbola mijoro ho vavolombelon'ny fiainany ny bolongany sy ny poeziany, tahaka ny bolongan'ny hafa ihany koa raha mbola nofinofy ny fahasitranana.

Shina

Mpamaham-bolongana Shinoa mitondra ny tsimok'aretina VIH azo tamin'ny alalan'ny famindrana rà i Li Xiang raha mbola zatovolahy nianatra tany amin'ny Lisea. nanomboka namaham-bolongana izy tamin'ny 2005 rehefa niditra tamin'ny faharoapolo taonany. Tao amin'ny lahatsoratra iray tao amin'ny bolongany tamin'ny fiandohan'ity taona ity (teny Shinoa) no niezahany hanala ny anganongano momba ny SIDA tamin'ny nilazany fa tsy mampatahotra noho ny mety ho mahatonga fahafatesana hafa io aretina io, ary na ny tenany aza dia efa tsy manahy intsony noho ny fivoaran'ny fitsaboana azy.

Philippines

Mpamaham-bolongana Filipina mipetraka any Kowloon, Hong Kong i Kiks. Tamin'ny 2007 no nahalalàny fa mitondra ny VIH izy ka nosoratany ny fomba niatrehany io zavamisy niainany io:

Being HIV positive is not the least bit fascinating.

It is like having a heart disease for life although my doctors told me it was better than having diabetes. With the medicines so readily available nowadays, you can be sure to live longer than cancer patients, anemic or the elderly staying in big polluted cities like Manila.

Bolongan'ny lehilahy iray mpitia lehilahy sady mitavozavoza rehefa mamaky teny mipetraka avy any Angletera niara-niaina tamin'ny VIH nihoatra ny 20 taona ny Freerangelife. Vao haingana izy no nanoratra ny loza mitatao amin'ny tsy firaharahiana misoroka ny mety hitranga:

We have known about HIV for over 20 years, people know the risks. So why does it happen? It happens because we like taking risks and we often think “it will never happen to me”.

Repoblikan'i Congo

Nanoratra ny mety maha-zava-doza ny fahafantaran'ny hafa ny fitondrana tsimok'aretina VIH-SIDA i Davy Herman Malanda tamin'ny herintaona tao amin'ny bolongan'ny mpiaro ny Zon'ny tratran'ny SIDA ao Congo. Nitantara ny fiainan'i Bernadette (solon'anarana), tanoravavy mivarotra akanjo friperia tao an-tsenan'i Tié-Tié tany Pointe-Noire, Congo izy:

Bernadette’s life changed when her friend divulged Bernadette’s HIV status. Her colleagues and clients from the market were informed that she is HIV-positive. Very few clients came to buy at Bernadette’s table. Her life became difficult, and she had difficulty to make ends meet.

Niresaka momba ny nanjo azy i Aurelie avy ao an-drenivohitr'i Congo, Brazzaville teo am-pandrenesana fa tratran'ny VIH izy:

Initially, it hit me like a ton of bricks. I saw my life change instantly, and the thoughts kept multiplying in my mind.

Nanolotra fisaorana ny fianakaviany sy ny fikambanana tsy ara-barotra iray izy koa izy noho ny fanohanan'izy ireo ka nahatonga azy hilamindamin- dratsy (fomba fiteny malagasy) eo amin'ny fiainany.

Etazonia

Michelle avy ao Etazonia no manoratra fa “mbola azo atao ny mitia” mitondra ny VIH ary dia notantarainy ny fomba nahitany olo-tiana vaovao tao amin'ny bolongana iraisam-pirenena antsoina hoe POZ Blog. Nanome tolo-kevitra izy:

To those newly infected or those who are tired of being alone, don't lose hope. Don't give up on love. It will come when you least expect it and when you need it the most.

Kenya

Tsy midika hoe andosiran'hafaliana ianao rehefa mitondra ny tsimok'aretina VIH noho ny fanavakavahana. Fihetsiketsehana fanaovana asa soa sy fampisehoana lamaody karakarain'ny vondrona tanora Nakuru isan-taona any Kenya ny Mister sy Miss Riban Mena. Iray amin'ny mpandray anjara nizara ny fiainany ny mpamaham-bolongana mitondra ny tsimok'aretina VIH Maureen, mpikambana ao amin'ny tetikasan'ny famahanam-bolongana Rising Voices antsoina hoe REPACTED:

I have been contesting since 2006 and have been enjoying every moment of the event because of one thing, effective reduction of stigma and discrimination. Mr. and Miss Red Ribbon brings together both affected and infected to celebrate beauty in a unique way. During the event audience appreciate beauty by seeing models but not the affected or the infected.

Mampisongadina ny feon'ireo mpamaham-bolongana mitondra ny tsimok'aretina VIH sy ireo mpikarakara an-dry zareo ary media hafa miresaka ny momba ny VIH/SIDA ny sarintany Global Voices Google misy mpamaham-bolongana mitondra VIH. Azonao vakiana ireo tantara mahavariana ireo amin'ny alalan'ny fanindriana ny rohy hita eo amin'ny sarintany.

Liona vao avy nosokirina mihitsy

Raha tandindonin-doza ireo liona any Kenya ary  mitohy mihena ny isan'izy ireo,  nisy hetsika iray ho famoriam-bola sy fanairana ny sain'ny rehetra  mikasika ireo liona  natao tamin'ny 17 Jona 2009 tany Nairobi.

Hevitra iray avy amin' ny  Fondation Born Free ity tetikasa ity,antsoina hoe ‘Ny reharehan'i Kenya [the Pride of Kenya]‘,   izay hampiasana liona 50 vita avy amin'ny ‘fibre de verre',   mba hampahafantarana ny zavatra iainan'ireo liona  2.100 sisa tavela any Kenya.

“Amin'ny fandoavana  200.000 Kshs ($2.500), manentana  fikambanana maro izahay mba hiantoka liona iray vita avy amin'ny fibre de verre  ary izahay dia hanakarama mpahay zavakanto hanaingo azy ireo amin'ny Jolay sy amin'ny Aogositra”, hoy ny blaogy Pride of Kenya.

Maro ireo orinasa any Kenya no nandray anjara tamin'ity hetsika ity ary samy ‘nanangana'  ny lion'izy ireo avy. Maro koa ireo media manan-danja no efa nanomboka nitrandraka an'io tetikasa io miaraka amin'ny Nation Media Group, iray amin'ireo tranona media malaza any Kenya, izay eo amin'ny ivon'ilay hetsika mihitsy.

Efa voalaza ho ny hetsika goavanaindrindra amin’ity taona ity manodidina ny fiainana 'sauvage' moa izy ity. Ny blaogy Pride of Kenya dia milaza, “Tena ho lasa hetsika goavana indrindra amin’ity taona ity amin’ny fiarovana ny tontolo iainana any Kenya ny Pride of Kenya”. “Ny Pride of Kenya…izay notanterahana androany tao amin’ny Hotely Serena any Nairobi, dia efa heverina ho hetsika mitana toerana manan-danja tokoa ho an'ny firenena”, hoy i Will Travers, mpitantana ny Born Free Foundation ao amin’io blaogy io ihany tamin’ny andro fanokafana ny fanentanana.

Saiky ireo mpandraharaha daholo no nanangana ny maro tamin' ireo liona , WildlifeDirect, fikambanana Kenyanina amin’ny fiarovana ny tontolo iainana eny anivon'ny aterineto koa dia nanangana liona iray. WildlifeDirect dia nitarika ny ady ho fampiatoana ny fanafarana sy fivarotana ny Furadan – famonoana biby kely amin’ny fambolena izay niteraka fahafatesana liona mihoatra ny 75  taona vitsy lasa izao - toy ny hevi-baventin'ny fanentanan-dry zareo.  Nisy ‘excitement'  nony nanao sonia ny fananganany liona iray i WildlifeDirect. Ny ekipa ao amin’ny blaogy WildlifeDirect, Baraza,  dia manoratra:

Ny fanentananay dia mifototra amin’ny fampiatoana ny fanapoizinana ireo liona amin'ny Furadan. Ny pisey fototra amin’ity hetsika ity dia sarina liona iray vita avy amin’ny fibre de verre mitovy habe amin'ny tena izy.

Ny WildlifeDirect dia hampandray anjara ireo mpamaky ny blaogin-dry zareo koa. Ao amin’ny Baraza, dia hoy izy ireo:

Mila hevitra izahay amin’ireo tsangan-kanto tian-kajoro amin'io lafika io.  Fantatro fa manana hevitra maro ianareo. Alefaso aty  aminay izy ireny. Mihevitra izahay fa tena mahafinaritra raha afaka mandefa hafatra maneran-tany momba ny fiarovana ny liona amin'ny alalan'ny lionay. Sady afaka manome soso-kevitra  hanavaozana ny liona koa ianareo – raha toa ka voatahiry hatrany ny endrika maha-liona azy.  Nefa tsy afaka mametraka dokam-barotra izahay. Tsy misy mari-pamantarana .

Ny Born Free  Foundation dia niteny fa ireo liona ireo dia tokony voahaingo hatramin'ny faran’ny volana Aogositra mba ho vonona amin’ny matso [parade] izay hatao any Nairobi amin’io Novambra io. Avy eo hamidy amin'izay sahy misondrotra ambony amin’io andro io ihany ary ny vola azo dia arotsaka amin’ireo asa fiarovana ny liona any Kenya. Ity daty amin’ny Novambra ity moa dia mifanojo amin’ny faha 25 taona nananganana ny  Born Free Foundation.

Misy marika ahitana sahady fa  ity fanentanana ity– izay naka lasitra avy tamin'ny hetsika Go Elephants natao tany Norwich tamin’ny Lohataona 2008- dia  hahaliana [hampientanentana] ary hahasarika ny hijery hoe ahoana ny fanehoan-kevitry ny tontolon'ny fitoraham-bolongana sy ireo media momba azy ity.

Miteraka adihevitra sy fahalinana teo amin’ny tontolon’ny fitoraham-blaogy Afrikana ny fahatongavana tambajotra ambany ranomasina izay hampiakatra ny  fatran'onja [bandwidth] sy hampidina ny sandan’ny fahazoana Aterineto manerana an’i Afrika. Nalefa nivantana tamin’ny Alakamisy i Seacom, izay mampifandray an’I Afrika atsimo, Tanzania, Kenia, Oganda ary Mozambique amin’i Eoropa sy Azia, ka hampiditra an’I Afrika Atsinanana sy Atsimo ho ao anatin'ny tambajotra manana fatran'onja midadasika.

Mampifandray ny sisin’ny Afrika Atsinanana amin’i Eoropa sy Azia i Seacom

Nahazo ny ‘connexion’-ndry zareo tamin’ny Alakamisy i Johannesburg, Nairobi ary Kampala, ary tokony hanaraka eo i Addis Abeba sy Kigali. Tany am-boalohany dia tokony ho tamin’ny fiandohan'ny volana Jolay no tonga io tambajotra io, fa noho ireo fanafihan’ny piraty tamin’ny ranomasina akaikin’i Somalia dia nihemotra ireo asa.

Eritreretina hampidina ny vidin’ny fatran'onja midadasika [bandwidth] hatramin’ny 90 isan-jato mahery io tambajotra ambany ranomasina io ary hampitombo ny fahazoana manao fivoriana an-tsary, fahitalavitra tsara sary ary Aterineto haingam-pandeha amin’iny sisin’ny Afrika Atsinanana iny.

“Mmmh…tsy andriko izay hanombohana ‘téléchargement’,” hoy IT Blog Kenya manoratra.

Any Uganda, efa mahatsikaritra fahasamihafana sahady I Josh avy ao In an African Minute:

Ilay fomba efa fantatry ny maro amin’ny fijerena horonantsary amin’ny YouTube aty Afrika dia ny mampiato azy raha vao manomboka fotsiny, miandry 20 minitra (na mahery) mandra-pahavonona tsara an’ilay horonantsary, ary izay vao mijery. Androany aho manatrika ilay lanonana fandefasana an’i SEACOM…. Amin’ny zoro iray ato amin'ilay efitra fivoriana, Peter Moreton, tompon’andraikitra iray tamin’ny fananana an’i SEACOM, dia niantso ahy ary nanokatra ny vohikalan’i YouTube tamina solosaina iray. Nandefa an’i Kung Fu baby izahay ary voalohany taty Afrika no nahitako horonantsarin’i YouTube vonona  ary nandeha tanteraka tao anatin’ny 6 segondra monja.

Faly toa izany koa i Munashe avy ao TechMasai:

Voapetraka ary tonga androany i Seacom, ilay tambajotra ambany ranomasina noresahintsika fotoana vitsivitsy lasa izay Manova zavatra betsaka  ilay fanapahan-kevitra ho an’ireo firenena izay hampiasa azy manomboka izao, anisan’izany Kenia, Oganda, Mozambika, Afrika Atsimo ary Tanzania.

…Fotoana mahafinaritra izao ho an’i Afrika, afaka manome toky  an’i Kenia aho izay hatreto dia niankin-doha tamin’ireo zanabolana tamin’ny filàna aterineto.

Jeremy, mpitoraka blaogy Nizeriana manoratra ao amin’ny NaijaBlog, dia mampitaha an’i Seacom amin’ireo tambajotra samihafa mampiasa câble any Africa Andrefana. Tavela any aoriana Afrika andrefana:

Lasa fatran'onja midadasika ny an'i Afrika Atsinanana…raha mbola ao am-piaingana ny an'i Afrika Andrefana ( izay amin’izao fotoana izao dia mbola ao an'efitrano fisoloana akanjo  mieritreritra izay ho anaovana) miaraka amin’ilay SAT3 tapa-dava sy ts'isy ilàna azy, angatra Glo1 (any anaty tangorom-pasika ve ireo mpiandraikitra ny Alcatel?) sy ireo roa vaovao, WACS sy Main1 dia mbola lavitra any am-paravodilanitra any (amin’ny herintaona raha tsara vintana isika). Nahazo ny fatran'onja midadasika i Afrika Atsinanana ary lasa nirifatra niaraka taminy fa i Afrika Andrefana kosa misalasala ary mitazam-potsiny.

Feno vaovao momba ny Seacom koa ny Twitter. Tsy mahatombina ireo mpampiasa sasany, ary ireo hafa kosa mbola miahiahy mafy:

“Mbola tena talanjona fa afaka ‘mi-download’ ny Interwebz iray manontolo ianao amin’ny alalana tambajotra mavomavo kiritika kely #seacom“
— ncallegari

“Tena nalefa androany Seacom. Hitantsika eo hoe hafiriana no ilain’ny ISP mba hampiakarana ny fandeha sy hampihenana ny vidiny …”
— dnyaga

“Izaho ve no diso sa nihakely fandeha ny Aterineto aty Nairobi nanomboka tamin’ny nandefasana an’i #seacom? Mety hoe mbola variana mandinika ny ranomasina angamba ny fatran'onja  alohan’ny hahatongavany?”
— mentalacrobatic

Maro amin’ireo miahiahy manodidina an’i Seacom no tena mitodika amin’ny sandany: na dia miteny aza ireo mpandalina sasany fa hihena hatramin’ny 90% ny sandan'ny fatran'onja, ny sasany kosa mino fa  mbola tokony ho kely lavitra noho izany ny sandany amin’izao fotoana izao. Manoratra i Kachwanya:

Ny tsara indrindra izao dia tokony hihena mihoatra ny 90% ny sandany, amin’izao fotoana izao ho an’ny ISP dia 6500$ (eo amin'ny KShs.487500) isaky ny fatran'onja 1 MB. Arak’i Seacom dia tsy mila afa-tsy 400$ (eo amin'ny Kshs.30,000) isaky ny fatran'onja 1 MB ry zareo, nefa tano ny fofon’ainao, aza manantena fahagagana eo amin’izay sehatra izay. Vao haingana ny mpitantana ny UUnet [UUnet CEO], Tom Omariba no nanambara fa tsy hitondra afa-tsy fihenana 20 na30 isan-jato monja amin'ny sanda ny fisian'io tambajotra io.

Sorena amin’ny fangaraharana i True Kenyan:

Nandà hatramin’ny farany ny hamboraka amintsika, isika mpampiasa Aterineto, i Seacom hoe ISP iza avy no nividy fatran'onja tamin-dry zareo. Noho izany dia mbola anatin’ny haizina isika ary tsy fantatsika hoe aiza no afaka hividy Aterineto mora sy azo antoka…. Ka ny hany vahaolana hitako izany dia ny mijanona amin’ny ISP-ko mandinika ny solosainako izay manomana ireo takelaka amin’ny fombany ary manantena fa indray andro any dia ho tanteraka ny nofinofintsika.

Teo am-pametrahana tsikera amina lahatsoratra nosoratan’ilay mpitoraka blaogy Tanzaniana Issa Michuzi [SW], matahotra ny momba an’io sanda io koa i Mdau, na dia be fanantenana ny amin’ny ho avy aza izy:

Asanteni sana kwa huo mkonga. Sasa kutandaza fibre-optic cables kwenye miji mbalimbali tunaanza lini? Manake kuwa na inter-country connection wakati within the country hatuna connection nzuri bado gharama zitakuwa juu na kwa maoni yangu tutakuwa tuna-under utilise capacity ya hiyo under sea cable. For the moment, well done! For the future, we have to work had!

Tao amina hetsika novoizina mafy’ sy voalamina tsara, nanodina ny bokotra i SEACOM ary nanaparitaka teo no ho eo ireo fatran'onja mahatratra Terabytes toy ny fandehan’ny tselatra tamin’ny alalan’ny ‘fibres optiques’ manify raitra dia raitra.

Ary ho an’ilay Afrikana Tatsimo Aki Anastasiou, “MB kely izany ho an’ny solosainako fitondra mandehandeha, fa TB goavana ho an’i Afrika.”

Raha mpanaraka ny bolongana Afrikana ianao dia mety ho liana ihany koa amin'ny filaharana ankapoben'ireo bolongana ao amin'ny tontolom-bolongana Afrikana. Azontsika fantarina amin'ny alalan'ny fampilaharana ataon'ny Afrigator ireo mitana ny lohalaharana sy bolongana be mpamaky indrindra eto Afrika. Nandahatra lisitry ny vehivavy Afrikana mpamaham-bolongana mitana ny laharana 45 voalohany koa ny mpanangona bolongana Afrikana Afrigator.

Indreto ary ny lisitry ny bolongana 10 voalohany:

1. Thought Leader: (Mpitarika fisainana) izay vondrom-bolongana mpanadihady sy mpanome hevitra avoakan'ny M&G Online (an-tserasera)

2. iMod: Bolongana mitana ny laharana faharoa eto Afrika sy ao Afrika atsimo. Bolongana anoratan'i Chris M izay mipetraka ao Le Cap, Afrika Atsimo. Mpiasa tenany misahana ny php i Chris.

3. Times Multimedia: Fampirantiana ny lahatsary, sary, feo ary sombin-tsarimihetsika atolotry The Times.

4. Web AddiCT(s): (Miankin-doha amin'ny web) izay fahanana Afrikana Tatsimo telo. Web AddiCT dia fanafohezana ny hoe Web “2.0″, Applications, Developments,Designs & Innovation in Cape Town (na Fampiharana, Fampandrosoana, Haiendrika & Fanavaozana eto an-Tananan'i Le Cap).

5. My Heart's in Accra: (Ny foko eto Accra) dia bolongana miresaka ny momba an'i Afrika, ny fampitam-baovao ary ny fampandrosoana iraisam-pirenena anoratan'i Ethan Zuckerman. Mpiara-manorina ny Global Voices Online moa i Ethan. Mitana ny laharana fahadimy manerana an'i Afrika fa voalohany any Ghana ny bolongany.

6. Blat: Mamoaka feo tsy am-pisainana.

7. Adii: bolongana miresaka ny haiendrika (fananganana) mahaleotena, Web 2.0, fandraisana andraikitra & tetipanorona avy amin'ny mpihira rock Adii.

8. Urban Sprout: (Tsimoka an-tanandehibe) Bolongana Afrikana Tatsimo mampisongandina ny tontolo maitso, ny vaovao sy ny hevitra mikasika izany, ary mifantoka ihany koa amin'ny vokatra misakaiza amin'ny tontolo iaianana.

9. So Close nanakaiky tokoa) Bolongana tanan'ilay mpamaham-bolongana malaza Afrikana Tatsimo Tertia. Misy soratra toy izao moa milazalaza momba ny bolongany : Tonga ihany aho rehefa tena nanakaiky nandritra ny fotoana maharitra. Fiainana taorian'ny fahamombana. Niainga tamin'ny fitantarana ny fiainany anaty fahamombana moa ny bolongany, So Close.

10. Wonkie Cartoons: Bolongan-kisarisary (samy hafa amin'ny bolongan-tsary) maneho ny vaovao ao haingana, ny tsahotsaho momba ny olo-malaza, fahagolan'i (sarimihetsika malaza) bollywood ary fanehoan-kevitra politika.

Ho tsikaritrao fa ankoatra an'i My Heart's in Accra (ny foko eto Accra) dia Afrikana Tatsimo avokoa ireo bolongana folo ambiny voalohany. Ny bolongana tsy Afrikana tatsimo ao anaty lisitra dia Black Looks (laharana faha-14) avy amin'ilay mpamaham-bolongana Nizeriana Sokari Ekine, Bankelele (laharana faha-18)avy any Kenya miresaka momba ny fahandroan-tsakafo fanao @ lafaoro (baking), fitantanam-bola ary ny fampiasam-bola any Kenya ary ny Bongo Celebrity (laharana faha-20), bolongana amin'ny teny Swahilimiresaka momba ny olo-malaza Tanzaniana. Mahaliana ny mahita bolongana tsy miteny anglisy tafiditra anaty laharana 20 voalohany eto @ kaontinanta.

Ndesanjo Macha

Noho ny horakora-pahatezerana nisy teto an-toerana sy iraisam-pirenena, dia natsahatra ihany ilay fifanarahana hampanofa amin'ny orinasa Koreana Tatsimo Daewoo Logistics ny ampahany betsaka amin'ny tany azo volena eto Madagasikara. Nefa mihamitombo hatrany koa etsy ankilan'izany ny fifanarahana fampanofana tany eo amin'ny firenena manankohariana sy ny firenena an-dalam-pandrosoana hisorohana ny tsy fahampian-tsakafo. Heverina fa misy fifanarahana mitovitovy amin'izany ihany koa eo amin'ny Emirà Arabo Mitambatra sy Sodana.

Lalana anelanelan'i Toamasina sy Antananarivo tao amin'ny foko_madagascar

Ny tatitra vao haingana indrindra dia ny navoakan'i Guardian sy ny Daily Nation izay hampanofan'i Kenya tany mirefy 40 000 hekitara amin'i Qatar. Ho takalon'izany kosa dia hanorina seranana mitentina 2,4 miliara shillings eo amin'ny nosy Lamu i Qatar.

Nampitabataba an'i Opalo, mpamaham-bolongana Kenyana ao amin'i Opalo's blog ity fifanarahana ity satria heveriny fa maka endrika vaovao indray ny fanjanahantany:

So what happens after we’ve parceled off most of Kenya to Qatar, China, India, UAE, the Saudis and just about anyone willing to pay the goons that we’ve entrusted with our political leadership? Are we gonna become squatters again? Are we gonna start being called “boy” again?

Dia hoy izy avy eo:

“And where exactly are the Kenyan millionaires? Can’t they afford to invest in such ventures? What are they waiting for?”

Mbola nivembenan'ilay fifanarahana tamin'ny Koreana ihany ny mpamaham-bolongana Malagasy. Namoaka fehinkevitra momba ny fitantanana ny raharahantany eto Madagasikara avy amin'ny loa-bary an-dasy nokarakarainy tany Frantsa ny SEFAFI (na SEhatra FAnarahamaso ny FIaianam-pirenena). Ao amin'ny sehatry ny dinika ao amin'ny Yahoo momba an'i Madagasikara no namoahan'ny SEFAFI ny jery todiky ny raharaham-pifanarahana tany izay tsy nahomby sy ny lesona azo tsoahina avy amin'izany (fr):

Les démentis officiels n’ont cependant pas levé toutes les appréhensions. Vraies ou fausses informations, des leçons doivent être tirées de l’affaire Daewoo. La première leçon à en tirer est, une fois de plus, le manque de transparence pour des opérations qui engagent les ressources naturelles du pays. La prétendue gratuité du bail de 99 ans ou même une éventuelle contrepartie sous forme d’infrastructures ne fait qu’aviver les soupçons d’existence de contreparties secrètes au profit d’intérêts particuliers et au détriment de la collectivité nationale.

Mbola mahita olana ankoatra ny resaka toe-karena sy ny fomba famokarana ny SEFAFI. Nasongadin'ny SEFAFI fa mbola miaina any ambanivohitra ny 70% n'ny mponina eto Madagasikara. Mifikitra dia mifikitra amin'ny fomba fiainany ny tantsaha, dia mihisitrisitra ry zareo ny hampiasa fomba fambolena goavana (ahazoam-bokatra be dia be) satria tsy mba noheverina akory izay tena mahaliana ireto tantsaha ireto. Manolokevitra ny hanatanterahana ny fanavaozana mandeha tsikelikely ry zareo (fr):

Si l’objectif est bien de donner à l’ensemble du monde rural les moyens de gérer son propre avenir, les opérations ponctuelles de fermes pilotes ou d’élevages modèles, gérées par des groupes étrangers soucieux des paysans malgaches et donc respectueux d’une véritable démarche sociétale, seront les bienvenues. Sans empiéter sur les terres des paysans ni aliéner le patrimoine national, elles pourraient devenir un facteur d’entraînement et préfigurer ainsi l’agriculture malgache de demain

Ao amin'io dinika yahoo io ihany no hisintonan'ny Gazety Nosintsika lahatsoratra iray avy amin'ny gazety Le Monde izay milaza ny tatitra nataon'i Olivier De Schutter, Mpanadihady manokana avy amin'ny sampan-draharahan'ny Firenena Mikambana momba ny sakafo, miresaka ny fanatontoloana, ny varotra sy ny fiantraikan'ny tsy fahampian'ny sakafo. Navoitran'ny tatitra ary fa mangozohozo ny toeranamisy ny fambolena ankehitriny aty amin'ny tany an-dalam-pandrosoana satria miakatra tsikelikely ny fiankinany amin'ny voly fanondrana (fr):

On leur a promis qu'avec les devises ainsi engrangées, ils pourraient importer de quoi nourrir leur population pour un prix inférieur à ce qu'ils auraient pu produire eux-mêmes. Problème : on a engendré leur dépendance par rapport à des indices boursiers de plus en plus volatils. Après une baisse des cours de leurs produits, ils ne peuvent plus payer leurs importations, dont la valeur a, elle, été parfois multipliée par cinq ou six.

Farany, Taru Taylor avy any Korea atsimo no manana fijery manivaka momba ilay fifanarahantany nataon'ny Daewoo:

Although not contemporaries like Jefferson and Hamilton, Choe Cheu and Park Chung-hee are the grand interlocutors of Korean destiny. Tonghak is one portal; imperialism is the other. The “Republic of Korea” and “Imperial Korea” are the terms of the debate between the agrarian hero and the capitalist dictator. The beef protests argue for Choe Cheu; for Tonghak; for Korea as Luke Skywalker, Jedi Knight. But the Madagascar deal argues for Park Chung-hee; for Imperial Korea; for Korea as Anakin Skywalker nee Sith Lord Darth Vader.

Lova Rakotomalala