Androany [15 oktobra] no Blog Action Day ary kendren'ity hetsika isan-taona ity ny hanambarana ny mpamaham-bolongana manerantany hanoratra lohahevitra tokana mba hampahafantarana sy hanentanana izao tontolo izao hiresaka ilay lohahevitra. Misy amin'ireo mpikambana ao amin'ny Rising Voices ary no nandray anjara tamin'ity hetsika ity ka entinay aminareo etoana ny fantina avy amin'izany.

Iray amin'ny tanjon'ny FOKO izay vatsian'ny Rising Voices ny hahatonga ny ny olom-pirenena eto Madagasikara ho singa miasa eo anivon'ny tontolo ny [maitso] manokana izay ahiana [ho potika]. Tahina avy ao amin'ny FOKO Blog Club eto Antananarivo, Madagascar no manoratra:

Androany no Blog Action Day momba ny fiovaovan'ny toetr'andro, bolongana anarivony no manao soroka miara-milanja amin'izany mba hanaitra sy hanery ny tsirairay sy nympitondra eto amin'izao tontolo izao handray haingana ny andraikitra mety sy mifandraika amin'izany. Misy lanjany lehibe ity tolona ity rehefa zary lasa tsy fantatra intsony izay ho avin'ny taranaka. Tsy dia manantena loatra ny fiantraikany mivantana avy amin'ny fahazotoana an-tserasera toy itony aho raha ny eto Madagasikara saingy rehefa nahita ny fomba nanampian'ny famahanam-bolongana an'i Kamba aho dia nanao hoe nahoana kosa moa no tsy ho tahaka izany koa amintsika. Te-hilaza amin'izao tontolo izao isika fa hitandrina.

Ary dia navoitrany amin'izay ny fihetsika tokony hatao:

Tokantrano malagasy firy moa no mampiasa arina na kitay handrahoan-tsakafo? 80-90%? Tsy mahatakatra angovo hafa isika ao anatin'ny fotoana lavalava. Ary eto no tena ilana fandraisana andraikitra avy amin'ny tompon'andraikitra ambony.

Patrick avy ao Toamasina, Madagasikara: Ampitadiavana toerana mety hambolena hazo

Lyva, mpikambana hafa ay ao amin'ny FOKO no manoratra [fr] avy any Antsirabe :

Mino izahay fa tokony ho tafiditra ao anatin'ity olana ity avokoa ny rehetra satria tsy fantsatsika intsony hoe vanimpotoana inona moa no diavintsika izao. Ohatra, Lohataona izao sa fahavaratra? Niova vdia niova ny maripana satria tsy nisy ny ririnina. Midina hatrany amin'ny 3°C ny maripana rehefa lohataona nefa mahatratra 35°C na mihoatra rehefa fahavaratra. (dika milina)

Ariniaina no miteny izay tokony hataon'ny olona tsy hamotehana ny tontolo iainana:

Heveriko fa ny tena olana eto Madagasiakra dia sahirana mitady izay hohaniny isan'andro ny mponina. Lasa tia kely tsy mahalala afa-tsy ny ho antsika isika avy eo. Adinontsika ny mpiara-monina sy ny taranaka.

Manantena aho fa hanaitra olona anarivony…anapitrisany… fitondrana maro…firenena mahantra… firenena manankarena… sy ny hafa koa ity fiaraha-mientan'ny mpamaham-bolongana ity, ary hiaraka isika hamonjena ny tany. Ny azokoa atao aloha izao dia ny amboleko hazo [ho ahy].

Théophile Kouamouo avy amin'ny Abidjan Blog Camps tetikasa Ivoariana no manoratra ny resadresaka nifanaovany tamina mpanao politika Ivoariana 70 taona:

Avy any avaratr'i Cote d'Ivoire ny tenany, niresaka momba ny fahazazany izy, ary nanatri-maso ny nahatritra ny renirano roa namakivaky ny tany ambanivohiny. Hitany fa nihabetsaka ny vovondrano lalina ary nihavitsy ny fangadiana marivo hatsakana rano. Iza moa no tompon'andraikitra ary voina sa ozona no fahitan'ny tantsaha izany? ny tany hay mihamahazo vahana, ny fiovaovan'ny toetr'andro, ary eo ihany koa ny politikam-pambolena hanaovana azy ho asan'orinasa izay mitaky fitarihandrano, samy zava-doza avokoa ireo rehetra ireo rehefa afaka fotoana maharitra.

Niresaka izany tamim-pandresen-dahatra ilay mpanao politika, ary manahy ny ho avy aza satria hitan'ny masony ny loza mitatao. (dika milina avy tamin'ny teny frantsay)

“Afrika no iray amin'ny toerana ianjadian'ny fiovaovan'ny toetr'andro indrindra,” hoy ny fampitandreman'i Théophile.

Manoratra [fr] i Cartunelo avy amin'ny Abidjan Blog Camps :

Amin'ny maha-web developer ny tena dia misy ny asa tsotra azo tao hamonjena ny planeta sy ahafahantsika web developers hanao asa miara-mirindra amin'ny tontolo iainana eto Abidjan:

1. Vonoina ny solosaina: mampiasa izay fiatoana kely fandaniana indrindra.
2. Tsoahina avokoa ny tsaidrianaratra rehetra amin'ny alina
3. Mampiasa takamoa misakaiza amin'ny tontolo iainana
[..]

Ny adihevitra momba ny fiovaovan'ny toetr'andro manokana moa dia natsangan'ny iray hafa vatsian'ny Rising Voices. Nomad Green no mitarika ny olo-pirenena Mongol hanapariahana ao an-teorana sy ivelan'ny firenena ny olan'ny tontolo iainan'ny fireneny. Vakio ny bolongany hahalalanao ny fahavitrihany hampiatoana ny fiharatsian'ny tontolo iainana ao Mongolia.

Rezwan

Nikarakara ny fandaharam-pampiofanana ny fampitam-baovaon'olo-tsotra voalohany tamin'ity volana ity (septambra) ny Abidjan Blog Camps izay tetikasa vatsian'ny Rising Voices.

Roger Kassé no manome fanampim-baovao momba ny atrikasa notontosaina ny 3 Septambra 2009:

Noho ny fandraisana andraikitry ny sendikàn'ny mpanao gazety ao Côte d'Ivoire (UNJCI), sy ny niarahany niasa tamin'ny Fikambanana I3C, dia nisy seminera fampiofanana momba ny ‘Fanaovan-gazety sy ny fitoraham-blaogy' notontosaina tao amin'ny Tranoben'ny fanaovan-gazety tao Abidjan. Natrehana mpanao gazety folo avy amina fampahalalam-baovao Ivoriana isan-karazany izany fampiofanana izany.

Nanao fampidirana fahalalana ireo karazam-pitaovana fampiasan'olo-tsotra tamin'ny mpandray anjara sy nampianatra azy ireo hitoraka blaogy [edit: mmaham-bolongana]i Théophile Kouamouo (mpanao gazety mpitoraka blaogy) sy i Manasseh Dehé (injenieran'ny solosaina). Ankoatra ny fianarana an-tsoratra dia mandray anjara amin'ireo asa fampiharana koa ireo mpitoraka blaogy vaovao.

Manoratra [fr] momba ilay atrikasa i Théophile Kouamouo :

Fantatr'izy ireo - indrindra ireo tanora - fa mivoatra ny asan-dry zareo. Efa namorona blaogy roa ry zareo, ny iray an'i Roger sy Cynthia, manampy ny an'i Prosper, izay efa nisy. Kaonty Twitter maromaro koa no noforonina.

Tena singa mpanova tokoa fa lasa evanjelisitry fitoraham-blaogy ireo mpanao gazety izay nanatrika ny fiofanana. Navoaka tao amin'ny Le Nouveau Réveil, L'Expression, Fraternité-Matin, AIP, etc. … ireo lahatsoratr'izy ireo. Nahazo fotoana niresahana momba ny media an-tserasera sy ny blaogy izahay tao amin'ny Radio Côte d'Ivoire sy Radio Jam. (dika teny nataon'ny masinina)

Nampahalala ny vaovao momba ilay raharaha fakom-poizina nararaka tamin'ny 2006 avy tamin'ilay sambo Probo Koala i Roger Kassé.

Nanoratra tatitra mahaliana momba ireo mpanambaka amin'ny aterineto, antsoina koa hoe “mpihinam-bilona” koa i Roger:

Matetika ry zareo no manao sarim-bavy na miray tsikombakomba amin'ireo vehivavy manam-pahaizana amin'ny fanaovam-pitaka amin'ny aterineto. Ny mipetraka any Eoropa no kendren'izy ireo hofitahina. Tao anatin'ny folo taona dia lasa ivotoeran'ny fanaovana heloka bevava an-tserasera i Abidjan noho ireny “mpihinam-bilona” ireny. Ao anatin'ilay tambajotra lehibe avy any Nizeria ireo mpamitaka amin'ny aterineto ireny. Tsotra ny fanaon-dry zareo. Akorontan-dry zareo ny tontolon'ny aterineto any Abidjan. Ireo tambajotra sosialy tahaka an-dry Facebook na vohikala fikarajiana [chat] no tena tian-dry zareo. (dika teny nataon'ny masinina)

Manazava i Cinthia R Aka fa mitady ny fomba rehetra ny mpanao haivarotra hisarihana mpanjifa:

Tsy lany hevitra mihitsy ireo mpivarotra akanjo, kojakoja fikarakaram-batana ary sakafo ao an-tsenantsika rehefa hisarika olona hividy ny entan'izy ireo.

Manasseh Deheer indray manoratra momba ny fivorian'ny mpandraharaha hiresaka momba “Ireo fitaovana vaovao any amin'ny aterineto ho enti-manatsara ny fahafantarana olona (identité) amin'ny fomba nomerika (manokana / arak'asa).”

Mampafantatra Yoro fa ny vadin'i Théophile, Nadine Kouamouo, mpikambana ao amin'ity tetik'asa ity no nahazo ny lokan'ny “vehivavy mitati-baovao momba ny TIC mendrika indrindra” tao amin'ny Highway Africa Conference.

Nanoratra momba ny habetsahan'ireo teny filamatra momba ny fanafotsiana hoditra ampiasaina hivarotana ireo vokatra fikarakaram-batana any Abidjan i Nadine.

Manantena izahay ny hahita zavatra hafa hovakiana avy amin'ireo mpandray anjara amin'ny Abidjan Blog Camp.

Rezwan

Tamin'ny volana Janoary dia tolotra maherin'ny 270 avy amin'ireo mpikatroka mafana fo, mpitoraka blaogy, ary ONG [Fikambanana tsy miankina]  no voarainay, izay samy maniry mafy ny hampiasa ny fitaovam-pampitàna vaovaom-bahoaka hampahafantarany ireo vondron'olona - nataon'ireo mpampita vaovao tranainy sy vaovao ankilabao hatry ny ela - mba ho eo amin'ny tranonkalan-tserasera azo ifanakalozan-kevitra. Ity no tolotra maro isa indrindra voarain'ny  Rising Voices teo amin'ny tantarany tao anatin'izay roa taona nisiany sy  nanohanany ny ezaka ho fanapariahana ny fampahalalam-baovaom-bahoaka izay. Ny firongatry ny fampiasàn'ny olon-tsotra ny fampahalalam-baovaom-bahoaka dia maneho fa miatrika fiovàna goavana marina tokoa isika amin'ny fomba fikarohantsika vaovao mikasika ny tontolo hafa sy ny hoe iza no afaka manome izay vaovao izay.

Tanatin'ireo tolotra 270 ireo, ireto dimy ireto no tena nahasarika manokana raha ny zava-baovao, ny faharisihana ary ny firotsahana mivantana entiny ka nahatonga ny  Rising Voices   hitondra fanampiana.

Abidjan Blog Camps

Théophile Kouamouo dia iray amin'ireo mpitoraka blaogy be mpahalàla hatry ny ela any amin'ireo tany Afrikana miteny sy mampiasa ny teny frantsay. Monina any Abidjan, Côte d'Ivoire, Kouamouo , iray amin'ireo nanangana ny  Ivoire Blog network ary koa nanomboka  ny fandefàsana ny hafatra be mpanaraka indrindra hoe “Inona no antony itorahako blaogy momba an'i Afrika? - Why I Blog About Africa -.” (Elia Varela Serra no mamintina ny sasantsasany amin'ireo valinteny ho anaty  andian-dahatsoratra roa ao amin'ny Global Voices.) Ankehitriny i Kouamouo dia miezaka ny mampiditra ireo mpiray tanindrazana aminy [na lahy na vavy] ho ao anatin'ny tontolon'ny fitorahana blaogy amin'ny alàlan'ny fikarakaràna  “atrikasa momba ny blog ” manerana an'i Abidjan ka ao anatin'izany dia azon'ireo Ivoariana efa mpitoraka blaogy atao ny mifanakalo hevitra momba izay efa niainany sy mizara amin'ireo mpitoraka blaogy vaovao hoe fomba ahoana no atao mba hanatevenan-dahàrana an-dry zareo. Tany amin'ny volana Aogositra tany no efa natsidik'i Kouamouo ity hevitra ity tao anatin'ny blaoginy, izay nahazoany fanamarihana maro naneho fandrisihana. Ireo Blog Camps maro dia nànana tantara lava tokoa tamin'ny fisarihana ny olon-tsotra ho amin'ny fampiasàna aterineto mandray andraikitra. Maro tamin'ireo blog camps no nisy natao tany  India, nahitàna ny  Chennai tamin'ny 2006 ary, vao haingana teo, tany Mumbai. Ny Blogcamp CEE tamin'ny volana Oktobra lasa teo dia nahitàna fandraisana anjara vaovao maro avy amin'ny tontolon'ny fitorahana blaogy miteny Rosiana. Fa amin'ny ampahany betsaka, na izany aza, i Afrika Andrefana,  (ary indrindra fa i Afrika Andrefana miteny frantsay) dia adino ao anatin'io firongatry ny tontolon'ny blaogy maneran-tany io. Manomboka miova izany ankehitriny. Panos Afrika Andrefana, ao anatin'ny fiaraha-miasa amin'ny  Highway Africa sy ny  Global Voices, dia nanambàra tsy ela akory izay ny anaran'ireo nivoaka ho mpandresy tamin'ny Waxal - Blogging Africa Awards. Manantena hahita Ivoariana bebe kokoa isika amin'ny taona ho avy ao anatin'ity lisitra nataon'i Théophile Kouamouo ho fanomànana seho samihafa hitondrana Ivoariana ampolony, raha tsy ho anjatony aza, ho ao anatin'ny tontolon'ny fitorahana blaogy ity . Ny Abidjan Blog Camps dia hanosika ihany koa ny fampifandraisana eran'ny Afrika eo anivon'ny aterineto ireo blog camp efa misy toy ny any  Madagasikara, Kenya, Oganda, Nosy Maorisy, ary Afrika Atsimo.

Ceasefire Liberia

Any andrefan'i Côte d'Ivoire no misy an'i  Liberia sy ny mponiny mahatratra hatrany amin'ny 3.5 tapitrisa any. Najoron'ireo olona nandevozina nahazo famotsorana avy any Etazonia tamin'ny taonjato faha-19, rendrika tao anatin'ny ady an-trano sy tsy fandriampahalemana nandritry ny 14 taona i  Liberia izay tonga hatramin'ny fametrahana ny  ECOWAS sy ny an'ny Firenena Mikambana tamin'ny taona 2003. Ankehitriny dia miarin-doha tsikelikely i Liberia na dia mahantra kely aza ny foto-drafitrasa, ary manodidina ny 80% ny tsy fanànana asa, ary ireo mpiady fahiny (maro amin'ireo no tsy ampy taona)  izay tsy maintsy ezahana ny hamerenana azy ao anatin'ny fiaraha-monina indray. Maro amin'ireo Liberiana tsy an'asa no mametraka ny fanantenany amin'ireo namana na havan-dry zareo monina any ivelany any Etazonia. Na izany aza, misy ihany ny tsy fahampian'ny serasera sy tsy fitovian-kevitra eo amin'ireo Liberiana ao an-toerana sy ireo monina any ivelany. Amin'ny alalan'ny fiaraha-miasa amin'ny African Refuge - foibe iray fandraisana an-tànana ireo tanora any amin'ny faritra andrefan'i Afrika - sy ny  Century Dance Complex ao Park Hill, Staten Island (izay ivondronan'ireo Liberiana maro indrindra monina any ivelan'i Afrika), sy  Amnesty International ao Monrovia, i Ruthie Ackerman mpanao gazety mahaleotena dia mihevitra ny hanampy azy ireo hametraka tontolo-na mpitoraka blaogy Liberiana ivondronan'ny lafiny roa amin'ny Ranomasimbe Atlantika .

Ireo Liberiana rehetra niaina ny ady — na miaramila izy ireo na tsia — dia samy nizàka tebiteby anaty sy tratry ny famidràn-toerana. Amin'ny fananganana vondrona sy fizaràna izay niainana amin'ny hafa, dia ho afaka hànana vina sy fomba fijery midadasika kokoa noho izay efa nahazatra azy ireny tanora ireny. Hitera-bokatsoa ho an”ilay vondrom-piarahamonina izany ( amin'ny lafiny roa amin'ny Oseana) , amin'ny sehatra maro: ireo Liberiana, izay maro amin'izy ireo no misedra olana amin'ny fandrindràna ny fiainana any Amerika, dia afaka mifandray amin'ireo fianakaviany sy mitondra fanazavana momba ny nofinofy hoe toy inona izany fiainana any Etazonia izany. Mbola misy koa anefa disadisa navelan'ny fotoanan'ny ady, izay mety hipongatra eny antsefantsefan'ny resaka atsangan'ireo vondrom-piarahamonina ireo.

Ny tena niainana ny fotoan'andron'ny Digital - Sina

View Larger Map

Shenyang, midika ara-bakiteny hoe “ilay tanàna ao avaratry ny reniranon'i Shen” ary renivohitry ny faritanin'i Liaoning, dia milaza tena ho ny  “toerana fanaovana fizahantany manaraka” any Sina. Saingy rehefa mitsidika ny Pagodes rakitry ny ela ao amin'ny  Tanàna Fahiny na ny “Faritra Fampiroboroboana ny Haitao Avo Lenta” dia tsy ahitànao resaka momba ireo mpiasa lahy sy vavy ao amin'ilay tanàna, izay matetika no avy amin'ireo vondrom-piarahamonina tambanivohitra mahantra mikatsaka fiainana tsaratsara kokoa any andrenivohitra, ao anatin'ny boky kely fampahafantarana ho an'ny mpizahatany. Ao anatin'ny fiaraha-miasa amin'ny  Foibe ho an'ny Fahasalamana sy ny Fanabeazana ao Ai Zhi Yuan Zhu i  Wei Zhang mpamokatra horonantsary fanadihadiana dia mampianatra ireo mpiasa lahy sy vavy izay mampiasa ny Foibe  AZYZ ny fomba fanaovana blaogy sy fampiakarana ampahan-tsary fanadihadiana mba hifampizaràn'izy ireo ny traikefany, ny fomba fijeriny, ary ny ahiahiny mba hisian'ny fahaiza-manakatra bebe  kokoa ny mahazo ireo mpivaro-tena eo amin'ny faritra [region's sex worker].

Nomad Green - Mongolia

Ireo tompon'andraikitrin'ny tontolo iainana any amin'ireo firenena avaratra-atsinanan'i Azia  dia nihaona tany Ulaanbaatar tamin'iny herinandro lasa iny izay niresahana voalohany indrindra ny fiovan'ny toetr'andro ary ny fitantànana ny angovo ao amin'ny faritra. Ny renivohitr'i Mongolia no toerana nety indrindra nandraisana ny fihaonana noho ny fihazakazahan'ny fahasimban'ny tontolo iainana tao amin'ity firenena ity tao ho ato vokatry ny fanitàrana haingana ny tanàn-dehibe, ny fisandrahan'ny orinasa vaventy, ary ny fitomboan'ny fanjifàna  arina”.  Matetika rakotry ny zavona noho ny fahalotoan'ny tontolo i Ulaanbaatar:

Ny fitàran'ny tany hay nateraky ny fiovan'ny toetr'andro dia loza mitatao ho an'ny antom-piveloman'ireo mponina Mongolianina mpifindrafindra toerana ary ny antilope-n'i saiga [biby mampiavaka ilay firenena] izay voalaza fa karazana antilope tena tandindomin-doza indrindra any Azia. Vaovao ratsy nahatonga an'i  Portnoy Zheng, miaraka  amin'ny  Mongolian and Tibetan Foundation sy ny Mongolian Green Party, hanentana ny vahoaka  Mangolianina amin'ny fomba fanapariahana fampitandremana [fampahatsiarovan-tena] - sady ho an'ny eo an-toerana no ho an'izay any ivelany koa - mikasika ny olan'ny firenen-dry zareo amin'ny lafiny tontolo iainana. Maniry indrindra i Nomad Green mba  1.) hanazatra ireo olon-tsotra mpampita vaovao hampiasa blaogy, ampahantsary  digital, podcasts, ary sarintany amin'ny aterineto mba hitaterana vaovao momba ny tontolo iainana, 2.) hamorona tambajotran-tserasera sy vondrom-piarahamonina iarahan'ireo mpandàla tontolo iainana ka hanapariaka ny fahalalàna momba ny loza efa tsinjo, ny vahaolana ary ny tranga rehetra sy 3.) handika ny votoatin-javatra ho amin'ny teny Sinoa sy Anglisy mba hanentanana kokoa ny fiaraha-miasam-paritra sy maneran-tany hiatrehana ny fanàmby ataon'i Mongolia amin'ny resaka tontolo iainana.

Tosika ho an'ireo Vehivavy Mafana Fo amin'ny fahaiza-manaon'ny Fampitam-baovao - Yemen

Amin'ny fandrakofana ny faritra Moyen Orient mifantoka betsaka kokoa amin'ny fifandonan'i  Israely sy Palestina, ny ady ao Iraka, ny tetikasa nokleary ao Iran ary ny tsenam-bola ao amin'ireo  Firenena Gôlfa Persika, dia kely sy bitika no mba atokana hijerena an'i Yemen, iray amin'ireo firenena isan'ny mahantra indrindra aty amin'ny faritra. Ireo  sombim-baovao manify eny anivon'ny fampitam-baovao momba an'i  Yemen tao anatin'ny taona vitsy nifandimby dia mifandray amin'ny tahotra ho fisian'ny vondrona al-Qaida.

Amin'ny alalàn'ny fiaraha-miasa amin'ny Hand in Hand Initiative, ny Ghaida'a al-Absi dia hikarakara fanofanana momba ny fampiasana ny fampitam-baovao ‘vaovao' ho an'ireo andriambavilanitra mpanao pôlitika, ireo mafana fo, ary ireo miasa amin'ny sehatra fiarovana ny zon'olombelona mba ho fitondràna ainga vao ho an'ny tontolon'ny fitorahana blaogy mampiasa teny Arabo sy hanangànana tambajotra Yemenita mpiaro ny zom-behivavy. Tena ao tsara raha androany, amin'ny fankalazàna ny faha 98 taonan'nyAndro iraisam-pirenena natokana ho an'ny vehivavy, no anambarànay ny fandraisan'andraikitra nataon'i al-Absi hitondra tenim-behivavy maro be ho aty amin'ny aterineto. Ny fiharatsian'ny fanajàna ny zom-behivavy ao Yemen dia mazàna no  voatatitra sy voaresaka, nefa zara raha misy ry zareo vehivavy no mirotsaka mandray anjara amin'ireny fifanakalozan-kevitra ireny. Amin'ny fampihaonana [fampivondronana] ireo ONG sy antoko pôlitika manerana an'i Yemen dia manantena ny hiovàn'izany i  al-Absi.

Manainga anao hiara-dàlana amiko amin'ny fanehoam-pankasitrahana sy fiarahabana tonga soa ato anatin'ny fianakaviambentsika ireo tetikasa vaovao dimy nahazo ny loka.

Andro vitsivitsy lasa izay dia nitagy ny mpamaham-bolongana namany i Théophile Kouamouo [Fr], mpamaham-bolongana mipetraka any Abidjan (Côte d'Ivoire), hilazalaza ny eritreriny tsirairay avy amin'ny antony hamahanam-bolongana momba an'i Afrika:

Bloguons nous pour la diaspora et le vaste monde, coupé de nos contemporains sur le continent ? Blogue-t-on sur l'Afrique comme on blogue sur l'Europe ou l'Asie ? La blogosphère afro-orientée a-t-elle quelque chose de spécifique à offrir au concert de l'universel version 2.0 ?

Taorian'ny nitagiany mpamaham-bolongana Afrikana vitsivitsy dia natolotry Téophile ihany ny valinteiny tamin'ny fanontaniany:

Je blogue sur l'Afrique avec joie parce que je crois que c'est de nos voix individuelles et mêlées que naîtra la renaissance africaine qui arrivera aussi sûrement que le rêve de Martin Luther King est devenu réalité quarante années plus tard. Je lis les blogs afro-orientés avec bonheur parce qu'ils me donnent une image moins monolithique et moins catastrophiste du continent et de ses habitants.

Indreto ary misy nofantenana avy amin'ireo mpamaham-bolongana miteny frantsay nandray anjara tamin'ity tagy ity.

Hilaire Kouakou [Fr], avy any Côte d'Ivoire koa:

… parce que l'Afrique ne peut se soustraire du monde. Ensuite bloguer sur l'Afrique, est la preuve que ce continent a une vie, existe, a des voies.

Claudus [Fr]:

Je voudrais pour nos petites sœurs, nos petits frères et nos enfants une Afrique respectée dans le monde car devenue digne et sure d’elle.

Ramata Sore avy any Burkina Faso, no miresaka tao amin'ny l'Atelier des Médias [Fr] tao amin'ny Radio France Internationale:

Parce que l'Afrique, fait partie du monde,
Parce que ce chaleureux Continent fait toujours l'actualite
c'est le Continent aussi dechire par le cri de ses Enfants

[…]
Parce que c'est un Continent qui existe tout simple
Et parce que c'est Nous l'Afrique.

Africa 2.0 [Fr]:

* Essayer de gommer la mauvaise image qui colle à ce continent à mon niveau
* Rencontrer d’autres personnes ayant le même idéal
* Informer les autres peuples sur les réalités africaines
* Faire bouger les choses
* Participer au débat planétaire
* Faire entendre la voix de l’Afrique
* Discuter de nos problèmes et essayer d’y apporter des solutions

Maintikely [Fr] avy eto Madagasikara no manangona ny lisitr'ireo fijery mahazatra an'i Afrika mialoha ny hitondrany ny fijery hafa izay ananany:

…l'Afrique n'est pas seulement la couleur noire, elle n'est pas seulement synonyme de SIDA, ni de guerre civile à tout bout de champ. Elle n'est ni la malnutrition, ni la pauvreté ni la misère, ni la mortalité infantile. Elle n'est pas la corruption, les pirates, le braconnage, la lutte pour le pouvoir, les dettes, les safaris, les pyramides, ni les paysages exotiques, ni le Sahara, ni Mugabe et compagnie, ni les lions et les éléphants etc…

L'Afrique c'est aussi le berceau de l'humanité, le berceau de toute civilisation, le sourire de sa population, son sens de l'accueil et de l'hospitalité, l'amitié, sa population, son diaspora, l'espoir d'un jour meilleur, le soukouss, la diversité de ses habitants, la diversité du paysage, l'esprit de famille et les valeurs familiales, le maghreb, l'accent qui caractérise tant un africain mais qui vous rend nostalgique loin de votre pays, kouakou, les couleurs vives , sa culture diversifiée etc…

Ary dia resahiny farany moa ny nahatonga azy hamaham-bolongana ho an'i Afrika:

[…] parce que je suis africaine, et fière de l'être. Une africaine qui connaît mal l'Afrique mais qui l'aime et qui souhaite qu'on jette un regard nouveau sur ce continent, un regard qui transcende les clichés qui lui sont associés, un regard au delà de l'opinion touristique, et des maux de l'Afrique pour voir aussi l'autre côté de la médaille.

(saritanin'i Afrika notagen'ny mpandray anjaran'ny Barcamp Africa tamin'ny volana Septambra, saripikan'i Maneno Flickr photostream)

Théophile Kouamouo mpanao gazety mitatitra hoan'ny gazety Frantsay “Le Monde” avy any Abidjan no mizara izay fiheviny ilay boky “C'était pas gagné” [Tsy fandresena mora azo], ôtôbiografiana kalaza mpilalao baolina kitra Ivoariana, i Didier Drogba :

C'était pas gagné m'est apparu comme un livre passionnant, qui permet de mieux cerner la personnalité de Didier Drogba. Un émotif, qui carbure aux grands sentiments, qui considère la fidélité comme une valeur - ce qui peut le faire souffrir dans un milieu du foot où l'argent est roi et la mobilité souvent traumatisante.
Didier Drogba s'exprime aussi dans son livre sur la crise politique qui a déchiré la Côte d'Ivoire. Il livre sa part de vérité, sans prétention - mais l'on sent bien que sa double appartenance française et ivoirienne a souvent été difficile à gérer, notamment en novembre 2004. Comme beaucoup d'entre nous, en tout cas, il considère que la politique ivoirienne de Jacques Chirac a été, pour utiliser une litote, problématique, et il le dit

Mikasa hikarakara “Blogcamps” ao Abidjan [Fr] i Théophile Kouamouo, mba hihaonan'ireo mpitoraka blaogy any an-toerana, hifampizarany ny traikefany sy hampianarana izay liana amin'ny fitorahana blaogy.

Noresahin'i Théophile Kouamouo [Fr] ny hetsika manokana iadiana amin'ny kolikoly baikon'ny filoha Laurent Gbagbo tany Cote d'Ivoire. Hoy ny sorany: “Hotsaraina ny Oloben'ny orinasan-kafe sy Cacao. Fa tsy hiresaka  betsaka momba ny fahadiovan'ireo mitsara azy isika. Marefo tahaka ny mpanao politika Ivoariana ihany ny  Fitsarana[…] Mila fiovan'ny toe-tsaina marina tokoa isika, ho familian-dalana ny faikan-tsoatoavintsika”.

Carlos Serra monina any Maputo, Mozambika no manapariaka ao amin'ny blaogy diário um sociólogo [diarin'ilay mpandinika fiaraha-monina] ireo hetsika sy fikomiana ho fanoherana ny fisondrotry ny vidim-piainana, tamin'ity indray mitoraka ity dia tany Senegaly sy Côte d'Ivoire no nitrangan'izany, nohon'ny fidangan'ny fisondrotry ny vidin-tsakafo. Maminany ity mpandinika ny fiaraha-monina [sociologist | sociologue] sady mpiblaogy ity fa tsy izao hetsika izao no ho farany :

Recordo que manifestações do mesmo tipo realizaram-se recentemente nos Camarões, no Burkina Faso e no nosso país.
Prevejo que o fenómeno se vai generalizar no nosso continente.

“Tsaroako fa nisy hetsika sahala izay nitranga vao tsy ela tany Kamerona sy Burkina Faso ary aty amin'ny firenentsika [Mozambika].
Maminany aho fa amin'ny ho avy, dia hipariaka hihanaka amin'ny kontinantantsika [Afrika] manontolo ny toe-javatra toy izany.”

[Lahantsoratra efa notaterina teto ihany mikasika ireo hetsika sy fikomiana nohon'ny fisondrotry ny vidim-piainana any Afrika : Fanoherana ny fiakaran'ny vidin-tsakafo any amin'ny firenena maro]

Mbola blaogin'ireo Nizeriana mpankafy kitra [Nigerian Football Fans Forum blog] ihany no ahafahana manaraka adihevitra taorian'ny faharesen'ny Nizeriana “Super Eagles” tamin'ny fifanandrinana tamin'ny Côte d'Ivoire Kamerona :

Someone said this on the forum. 1.Based on the Eagles performance in this match, I honestly do not see a difference between the Eguavoen and the Vogts era. Any contrary opinion? 2.What went wrong against Ivory coast? 3.Solutions? Common, lets debate. Be informative and no Bias

“Nisy nametraka hafatra teto amin'ity sehatra ity. 1.Raha ny filalaon'ireo Eagles no jerevana, dia tena marina fa tsy hitako izay mahasamihafa ny fitondran'i Eguavoen sy Vogts. Misy sahy manohitra izany ve ? 2.Inona ary no tsy nety tamin'ny lalao nifanaovana tamin'ny Côte d'Ivoire ? 3.Misy manolotra vahaolana ve ? Aza menamenatra f'andao hifandahatra e. Aza asiana fiandaniana fa aposahy mazava izay hevitrareo”