Global Voices teny Malagasy » India

India: Mpanao gazety mpitoraka bilaogy nanelanelana hanavotana polisy takalon'aina

Lila — Wed, 28 Oct 2009 20:18:03 +0000

MpanoratraRezwan · Nandika Lila · vakio ato ny lahatsoratra nadika

Tao amin'ny fanjakan'i Bengal andrefana dia nisy ady nifanandrinan'ny mpioko maoista(Naxalites) sy ny miaramilam-pirenena. Noraran'ny fitondrana tamin'ny volana jona lasa teo ny Antoko Komonista Indiana (Maoista), antoko miafina sady tsy manana solontena ao amin'ny antenimiera, noho ny lalàna mandrara ny hetsika tsy manara-dalàna ka nanondroany io antoko io ho fikambanana mpampihorohoro.

Aradhana Jhunjhunwala ao amin'ny OpenIndia no manazava ny fototry ny fifandonana.

Ny 20 oktobra lasa teo dia maoista 12 no nanafika ny biraon'ny polisy tao Sankrail any Midnapore Andrefana ka lasany tamin'izany ny basy 10 sy bala maro tao amin'ny trano fitehirizana. Polisy 2 no maty ary inspektera iray antsoina hoe Atindranath Dutta no nalaina an-keriny.

India under attack and other musings!! (Inda ao anatin'ny fanafihana sy ny nofy hafa koa) no namariparitra ny toe-draharaha izay nahombiazan'ny mpanafika:

Polisy 13, mpiambina 5, mpilatsaka an-tsitrapo 3 ary inspektera lefitra 3 no tao amin'ity paositry ny polisy ity raha nanafika tao ny maoista. Tsy nisy nitondra fiadiana ireto polisy na dia iray aza. Ny antony, ny fanao aty dia hidiana any amin'ny kôfra ny fitaovam-piadiana [..]

Nahoana? Milaza ireto polisy fa ny antony iray dia mifanentana amin'izay ampiasain'ny Naxals ny fitaovam-piadiany - noho izany naleo nohidiana izy ireny ho “azo antoka”

Nalain'ireo maoista ho takalon'aina ny polisy manam-boninahitra iray ary ho takalony dia takian'izy ireo ny hamotsorana ireo vehivavy 14 avy ao amin'ny fokony nosamborina satria noahiahiana ho mpikambana ao amin'ny antoko miafina maoista.

Sans Serif no nitatitra fa omaly dia mpanao gazetin'ny BBC roa mpitoraka bilaogy ao amin'ny Subir Bhowmik “no nanampy tamin'ny famahana ny olana teo amin'ny fanjakana sy ireo maoista, mandrapaha-afak'i Atoa Dutta. Ny tohiny dia ny famoahan'ny fitsarana didy manafaka ireo vehivavy 14 tany am-ponja tamin'ny alalan'ny fandoavana caution.

Araka ny voalazan'ny mpanao gazety iray ao amin'ny Times of India, dia “nanelanelana sy nampifandray ny mpioko sy ny fanjakana” ireto mpanao gazetin'ny BBC ireto satria ny lehiben'ny maoista, Koteshwara Rao antsoina hoe koa Kishenji, dia nanda tsy nety niresaka mivantana tamin'ireo solon-tenam-panjakana.

Mampitaha ity zava-nisy ity amin'ny efa niseho taloha ny mpitoraka bilaogy, zava-nisy izay nahitana mpanao gazety mandray andraikitra mamaha olana.

Dr. Ujjal K. Pal no mampahatsiahy antsika:

Tsara fiafarana iny fakana an-keriny iny.

Na izany aza dia tsy mitsahatra akory ny raho-mitatao satria polisy 2 hafa, Kanchan Garai sySabir Ali avy ao amin'ny tobin'ny Bengale andrefana ihany, no nisy naka an-keriny 3 volana lasa izay ary tsy mba nanam-bitana tahaka an'i Mr Dutty. Tsy misy mahalala izay misy azy ireo ankehitriny ary tsy misy mahafantatra na mbola velona izy ireo na efa maty. Angamba tsy mieritreritra ny hitady azy ireo intsony ny fanjakana.

Nirmalya Nag avy any Kolkata no nanasongadina ny fototry ny olana:

Misaotra ny fanjakana mamela ny polisy hisambotra anjambany izay noheverina ho maoista izy ary mamela ireto polisy koa hitsikaraka samy irery izay ho fiarovan-tenany, misaotra ny mpanohitra tsy nanameloka ny vono olona nataon'ny maoista, misaotra ny mpiaro ny zon'olombelona izay manameloka ny fanafoanana ny maoista kanefa mangina rehefa mamono olona izy ireo.

Ankehitriny dia andrasantsika indray ny fakana an-keriny manaraka.

Rezwan

Inde: Onjan'ny famonoan-tena ao amin'ny tantsaha

Tahina — Fri, 25 Sep 2009 13:18:49 +0000

MpanoratraRezwan · Nandika Tahina · vakio ato ny lahatsoratra nadika

Faharoa eran-tany i Inde amin'ny firenena be mponina indrindra miaraka amin'ny olona 1.2 lavitrisa ary mipetraka any ambanivohitra ny 70% amin'ireo mponiny. Mihoatra ny Indiana 456 tapitrisa (42% amin'ny mponina) no latsaka ambanin'ny $1.25 isan'andro tsipiky ny fahantrana maneran-tany . Na dia 28% amin'ny GDP isan'andro aza ny sehatry ny fambolena, ampahany betsaka amin'ny olona no ao anatin'ity sehatra ity na izany tantsaha na any amin'ny raharaha hafa. Indrisy anefa fa nisy aretim-be nahazo ny tantsaha Indiana. Nihanahazo vahana tsikelikely teo amin'ny tantsaha ny fandraisana fepetra hentitra toy ny manala ny ainy faobe mba hialana amin'ny tsindry mafin'ny trosa sy ny fahantrana ary nanomboka nitranga tsikelikely izany isan-taona .

Nampahafantatra i Devinder Sharma, mpandalina nyara-tsakafo sy ny politika ara-barotra any Inde ao amin'ny blaogy Ground Reality, hoe:

tantsaha 60 no namono tena ny volana Jolay (2009). Tamin'ny 10Aogositra,16 hafa no nanala ny ainy. Miseho foana izany zava-maha-valalanina izany any ambanivohitra na dia eo aza ny hamaroan'ny komity, ary manamafy hatrany ny hamaroan'ny famonoan'olona ny fepetra noraisina izay asehon'ny mpanao politika sy ny manam-pahaizana eo an-tanàna. Ny tena loza dia tsy misy olona mirotsaka mijery ny tena antony mahatonga ny tsy fisian'ny fiafaran'ity hirifirin'olombelona ity.

Ary fa maninona no mamono tena ireo tantsaha ireo? Manazava , i Nita J. Kulkarni mpanao gazety mahaleotena ao amin'ny blaoginy Ny fahitana an'i Inde amin'ny zoro lehibe [A Wide Angle View of India]:

Nidi-trosa ny tantsaha noho ny fitambaran'ny fidangan'ny saram-pitrandrahana, ny masomboly hibrida lafo loatra (lazaina fa ahazoana vokatra betsaka) sy ny fanafody famonoana voalavo amidin'ireo orinasa lehibe maneran-tany, sy ny hamoran'ny vokatr'izy ireo, nateraky ny fanafarana entana. Nanampy trotraka ny fahorian'izy ireo ihany koa ny haintany. Lafo loatra ho an'ny tantsaha ny fitarihan-drano nefa ny governemantam-panjakana tsy manampy.

Mitantara ny tsy fetezan'ny fandrindrana asa vonjytaitran'ny governemanta ny mpampiasa blaogy Indiana S Gupta .

i Sonia Faleiro, mpanao gazety nahazo loka sady mpanoratra avy any Inde manazava hoe ahoana no naharaikitra ny mpamboly landihazo any amin'ny faritry Vidarbha ao amin'ny fanjakan'i Maharashtra amin'ity honahonan'ny trosa ity rehefa tsy misy fanampiana avy amin'ny fanjakana.

Voly iray tojo aretina ohatra, na hadisoana teo amin'ny fividianana masomboly ratsy dia manosika hindrana vola. Dimy isan-jaton'ny tantsaha ihany no afaka miditra amin'ny fampindramam-bola avy amin'ny kaoperativa sy ny banky, matetika noho ireo antony ireo. Ny ambiny dia tsy maintsy miditra amin'ny mpampanjana-bola tsy miankina, izay matetika mpampindrana masiaka ka maka zanany eo amin'ny Rs 500 isaky ny efa-bolana amin'ny vola Rs 1,000 indramina.

Manomboka tsy zaka intsony ny vesatry ny trosa, mamono tena ny tantsaha raha vao misy tsy fihetezana kely avy amin'ny zava-boahary.

http://www.flickr.com/photos/chinogypsie/ / CC BY 2.0

Nanoratra i Vikasho ao amin'ny blaogin'ny Associación Prabhat, fikambanana tsy mitady tombony voarakitra any Espàna sy Inde miasa mba hampiely sy hanampy ny ezaka fampandrosoana ny vondrom-piarahamonina any amin'ireo toerana lavitra andriana any Inde. Tohina izy noho ny tsy fihetsehan'ny governemanta sy ny tsy fahampian'ny firaharahian'ny hafa:

Raha te hamaha ny olan'ny tantsaha ny governemanta, maninona no tsy nomena fanampiana manokana izy ireo tao aorian'ny haintany na ny tondra-drano ( matetika mihitsy any Bihar ). Maninona no lavina ny tantsaha any amin'ny faritra maro amin'ny firenena eny fa na ny zo ara-dalàna hanao findramam-bola amin'ny banky misahana varotra aza… Maninona no tsy msy olona miresaka ny tsy fahampiana ara-tsakafo sy ny hanoanana any amin'ny faritra maro any Inde (mipetraka amina faritra vitsivitsy any Inde ny 25% n'ny mahantra sy noana eran-tany) ?

Maninona no tsy misy vaovao mikasika ny famonoan-tena misoko miadana eo amin'ny tantsaha izay mitranga matetika any amin'ny faritr'i Inde?

Eritreretiko mihitsy hoe sahirana amin'ny fivoarana ara-toe-karena i Inde ary te-hiaina fotsiny anaty nofinofy hoe efa manakaiky ny tontolo mivoatra (ary tsy misy izany 25% n'ny mahantra eran-tany izany mipetraka any Inde).

i Harini Calamur , mpamokatra horonantsary Indiana, mpampianatra, mpanoratra sady mpitoraka blaogy dia naneho hoe ahoana no tsy ahalalàn'ny haino aman-jery ny ratran'ny tantsaha mitondra azy ireo any amin'ny famonoan-tena, raha oharina amin'ny hamaroan'ny rako-baovao mahakasika ireo olo-malaza:

Ny andro nitazonana an'i Shahrukh Khan nandritry ny adin'ny roa [..] tantsaha 21 no namono tena tany Andhra Pradesh satria tsy afaka nanefa ny trosany .

Kanefa tsy afaka tohanana ny famonoan-tenan'ireo tantsaha, tsy mampitombo ny TRP izany ary tena tsy fotoanany velively hiatrehana resaka mamaivay ho an'ireo antsointsika hoe ‘mpanao gazety'.

i Himanshu Rai , manampahaizana amin'ny informatika sady mpampiasa blaogy, dia manasongadina ihany koa ny fanatsongatsongan'ny Indiana ny olan-dry zareo:

Nitarika fahabangana lehibe eo amin'ny modelin'ny fivoarana ny fitombon'ny elanelana eo amin'ny sehatra an-tanàn-dehibe sy ny any ambanivohitra. Ny tena mahatsikaiky dia tsy misy olona miraharaha ny mahantra mihitsy na ny filàna fiovana marina.

Ny olona manana fari-piainana antonony, izay latsaky ny 5%n'ny mponina, no mahazo fanrakofana mediatika mihoam-pampana. Ny fampiatoana mpiasa any amin'ny orainasa fitaterana an'habakabaka no mavesa-danja kokoa noho ny famonoan-tena faobe ataon'ny tantsaha eto amin'ny firenentsika

Tatitra farany avy amin'ny Navdanya Trust, vondrona fampielezan-kevitra Indiana, hoe “ maro kokoa amin'izao fotoana izao ny olona noana any Inde noho ny any Afrika Atsimon'i Sahara. Ary ny olona tena faran'izay noana ao dia ny mpamokatra - ny tantsaha”.

Nanohitra ireo tantsaha. Nefa ny hany fitaovan'izy ireo dia ny famonoan-tena. Efa-taona aty aorian'ny haintany, tantsaha 5,000 any amin'ny fanjakan'i Inde ao Jharkhand no nanao sonia ny dinan'ny famonoan-tena ary mitaraina fa tsy nanao dingana iray akory ny governemanta mba hampivoatra ny toe-piainany.

Nanakiana izany ny filozofa Indiana i Vandana Shiva, mafana fo mpiaro tontolo iainana, mpahay toe-karena mpiaro ny vehivavy ary mpanoratra, amin'ny lafiratsin'ny toe-karena eo amin'ny sehatry ny fambolena sy ny fanatontoloana. Na izany aza, miaraka amin'ny tahan'ny tsy fisian'ny asa mihoatra ny 7% , tsy afaka ny hahita asa mba hivelomana mihitsy ny tantsaha.

Maneho ny ratran'ny tantsaha Indiana ny Mitti, fanadihadiana fohy novokarin'ny mpanao horonantsary tsy matihanina, Vibhu Mohunta sy Ashish Dhadade.

Mpanao gazety indiana iray miompana amin'ny fandrosoana iray nahazo ny loka, i P. Sainath tao amin'ny Counterpunch no maneho fa mirongatra izay tsy izy ny fahantrana sy hanoanana eo anivon'ireo tantsaha Indiana:

Mpividy mivantana ny voan-tsakafo ny tantsaha Indiana an-tapitrisany kely sy madinika. Tsy mahavita mamokatra betsaka ampy hahavelona ny fianakaviany ry zareo ary mila miasa amin'ny tanin'ny hafa sy any an-toeran-kafa mba hamenoana ny banga. Tena tohana mafy amin'ny halafon'ny vidin'ny sakafo izy ireo noho izy ireo tsy maintsy mividy ny masomboly ilainy eny an-tsena, toy ny niseho tamin'ny 1991, ary indrindra ny tamin'ny voalohandohan'ity taona ity. Tena zava-misy marina ny hanoanana eo anivon'ireo mpamokatra ny sakafo. Fanampin'izany, nidina tsy misy hoatr'izany ny “masonkarena isam-batan'olona” eo amin'ny voan-tsakafo teo amin'ny tantsaha Indiana vantany vao nanomboka ny “fanovàna” : nanomboka 510 grama isaky ny Indiana tamin'ny 1991, lasa 422 grama tamin'ny 2005. (tsy fatiantoka 88 grama izany. Fatiantoka 88 ampitomboina 365 ary avy eo amin'ny Indiana iray lavitrisa.) Nasongadin'i prof. Utsa Patnaik, manam-pahaizana ara-toe-karena eo amin'ny fambolena fa eo amin'ny latsaky ny 100 kg ny salan'isa isam-pianakaviana mahantra amin'izao fotoana izao raha oharina amin'ny tamin'ny folo taona lasa.

Hitohy hijaly foana ny tantsaha Indiana mahantra raha mbola misy ny tsy fahatomombanana eo amin'ny fitantanana ny rano madio, hoy ny fanazavan'i Suvrata Kher manam-pahaizana momba ny tany. Manampy trotraka ny fahantran'izy ireo ihany koa ny tsy fisian'ny findramam-bola mora sy malalaka toy ny findramam-bola antonony sy ny tsy fisian'ny safidy amin'ny masomboly na ny tranga mety hahazoana tombony. Miraikitra amin'ny kodiaran'ny fahantrana sy ny loza voajanahary toy ny haintany izy ireo izay mandetika azy anaty lozoka. Mihevitra i Sanjeev Sanyal, mpahay ara-teo-karena sy ara-tontolo iainana, fa mila mihevitra ifotony ny sehatra ara-pambolena i Inde hampitsaharana an'ireo fahafatesanaireo.

Bahrain: Ny filàntsika ny Indiana dia toy ny filàntsika rivotra

avylavitra — Mon, 25 May 2009 17:46:16 +0000

Mpanoratrayesha Saldanha · Nandika avylavitra · vakio ato ny lahatsoratra nadika

Tany ampiandohan'ity volana ity, nanambàra i Bahrain fa tapitra hatreo ny endrika fanohanana ireo mpiasa vahiny, midika izany fa manomboka amin'ny volana Aogositra dia tsy hiankina amin'ireo mpampiasa azy intsony ireo mpiasa ireo, fa tohànan'ny governemanta mivantana amin'ny alalàn'ny Sampana mpandrindra ny tsenan'asa, àry hahazo alàlana hiova asa tsy ilàna fankatoavana avy amin'ireo mpampiasa azy ireo. Natao izao hetsika izao hanafoanana ny fomba fanohànana tamba-be mpiasa maro fanaon'ny Bahrainis, izay matetika no tonga avy any amin'ireo tany madinika manodidina, izay ampandoavin'izy ireo vola ho “sàran'ny visa” raha toa izy ireo ka manapa-kevitra hiasa aminà mpampiasa hafa.

Nefa kosa ho an'ny sasany any Barhain, izay misedra olana ara-ponenana sy tsy fanànana asa ny mponina ao aminy, miteraka ahiahy ilay hevitra hanamoràna ny asan'ireo vahiny eo an-toerana.

Ny mpitoraka blaogy Mohammed Marhoon no mamaritra trangam-piainana iray tsy ela akory:

في صيف البحرين الحارق، وسط المنامة، بانتظار ضوء الإشارة الأخضر بعد مرور “الهوامير” تسند رأسك على زجاج السيارة لتهب نسمات مكيف السيارة البارد منعنشة غليل الإنتظار وجذوة الشمس عند آخرها، يقطع هذا الإكليل المنهك طرقات “هندي” على النافذة.. “طخ، طق، طق..”.
للوهلة الأولى افتكرت أنّه يريد ابتياعي “عبوة مياه”، إلا أني لم أرى أيّ عبوات بين يديه ونوضح هنا ما نقصده “ماي صحة”، بالهندي “بوني” وأولاد ميري يقولون “water” حتى لا نتعرض للمسائلة أو ننتمي للمنظمات الإرهابية على أي حال، فتحت النافذة، وإذا به يستجدي: “بابا.. فقيير أنا فلوس مافيي، الله يهرم واديك، فقييير بابا.. فقيير بابا”، أستغربت حينها، أكان صدفة أم أن هناك مثله مئات!؟ وهنا لن أسلّط الضوء على الفقر والعوز فمثله من جاليات أخرى قاطنون شوارع المنامة بطولها وعرضها وليس بغريب عليكم إلا أنّ هندي يشحذ، أول مرّة أشوف!

Anatin'ny andro migaingaina tao Barhain, tao afovoan'i Manama, teo am-piandrasana ny jiro mavo hirehitra, raha nandalo ireo trondro hamoor [big shots]. Apetrakao amin'ny varavarankelin'ny fiara ny lohanao mba hahazo ny tsioka malefakin'ny milina fampangatsiahana hampisinda ny hatezeranao noho ny fiandràsana ela sy ny daniky ny masoandro. Izany fitsotsorana izany no notapahan'ny Indiana iray tampoka nandondona teo amin'ny varavarankely…tap, tap, tap…

Tamin'ny voalohany dia noheveriko fa te-hivarotra rano amin'ny tavoahangy tamiko izy, saingy tsy nahita aho na tavoahangin-drano iray aza teny an-tànany. Rano mineraly no tiako hambara eto an!, ‘pani' amin'ny teny Hindi, ary izay ambaran'ny zanak'i Mary [ireo mpiteny Anglisy] hoe “water”, mba tsy ho tratry ny fanontaniana isika na fanamelohana hoe mpikatroka anaty fikambanana mpampihorohoro. Mazava ho azy, novohako ny varavarankely, ary hitako izy mangataka famonjena: “Baba, mahantra aho…tsy manam-bola…Andriamanitra hitahy ny raiamandreninao… mahaaaantra, baba, mahantra aho, baba.” Gaga be aho. Kisendrasendra ve ity, sa misy an-jatony ny toa azy? Tsy hafantoko loatra amin'ny fahantrana sy ny filàna eto, satria misy vondrom-piarahamonina hafa maro tahaka azy miaina manerana an'i Manama, ary tsy mahagaga ny mahita azy ireny - saingy sambany kosa no nahamarihako Indiana nangataka!

طقوس.. يوم الجمعة..

تستقطب منطقة المنامة يوم الجمعة من ساعات الصباح الأولى الهنود وهم “ضاربي دهن الراس”، “وثياب مكوية”، “وأذواق مختلفة” وتلاقح ثقافات وطقوس، فتجدهم يتبادلون التحايا ويتحاضنون “Hug’” ويصطفون لصلاة الظهر، يتدفقون من كل حدب وصوب.. لينتهي الحال الجلوس على عتبات باب البحرين عصرا.. وارتياد الكورنيشات.. يوم حافل لديهم..

Ireo fombafomban'ny andro Zoma…

Ny ora vao misandratr'andron'ny Zoma maraina ao amin'ny souq faritra manodidina an'i Manama dia mahasarika Indiana maro, miaraka amin'ilay volo mifotetaky ny menaka, fitafiana marevaka, ary ireo fankafizan-javatra samy mànana ny azy. Ambohipihaonan'ny kolontsaina sy fombafomba maro samihafa io. Hitanao mifampizara firariantsoa sy orokoroka izy rehetra, avy eo dia mitandahatra hanao ny vavaka mitatao vovonana fanaon-dry zareo. Avy amin'ny lafin-tany rehetra izy ireo, ary amin'ny tolakandro dia miara-mipetrapetraka mankeny amin'ny Bab Al Bahrain, na mitsidika ny elo-drano [fitsangatsanganana eny amoron-drano]. Andro maha-somadodoka ho azy ireo io…

حاجتنا للهنود.. حاجتنا للهواء

إذا ما نظرنا للأعمال المتعددة التي يقوم بها “الهنود” في خدمة الشعب من أصغرها حتى أكبرها، فمن غسيل السيارات، بيع الياسمين في الطرقات إلى بناء الشاهقات، المحلات التجارية، رياض الألعاب، وصولا لمدراء و”كبارية” أينما “قلبت” وجهتك فثمّة “هندي” ولا غرو في ذلك!

Ny filàntsika ny Indiana dia toy ny filàntsika rivotra

Raha jerentsika akaiky ireo asa maro ataon'ny Indiana ho fanomezana fahafaham-po ny daholobe, manomboka amin'ny tanora indrindra ka hatramin'ny antitra, manasa fiara izy ireny ary mivarotra jasmin eny an-dàlambe, manàngana ireny trano avo manaka-danitra ireny, ireny toeram-pivarotana lehibe sy toeram-pilalaovana ireny, ary misy ny lasa tompon'andraikitra sy mpandraharaha. Na aiza na aiza alehanao dia misy Indiana foana, ary tsy mahagaga izany!

A.T.M

تجدهم مصطفين بنتظام طابور طويل على آلة السحب الآلي “A.T.M” ذلك لأخذ كشف الحساب، على أرباب العمل أن يمنحوا الهنود شهادة راتب ليزيحوا بذلك العناء النفسي والهوس لدى عامليهم “يجي فلوس”،”ما يجي”، “ناقص موجود”،”أرباب كنجوز”.. ويخفوا علينا “شوي”.

الهنود هم أكبر الجاليات المنتشرة في العالم التي تقدر عدد أفرادها حوالي 25 مليون هندي يعيش حول العالم! شريحة واسعة في البحرين مع فتح باب “فري ويزا” راح يكون الوضع مرعب! أكرر أول مرّة أشوف هندي “بابا فقيير.. بيزات مافيي” يطلب في وضح النهار من السيارات المارّة هنا وهناك! اليوم متعقّد من الهنود صراحة..!!!

ATM (Milina mpizara vola mibaiko tena)

Hitanao mitandahatra lavabe eny amin'ireny ATM ireny ry zareo, mba hàka ny toe-bolany. Tokony hanome taratasy filazàn-karama ho an'ireo Indiana ireo ny mpampiasa azy ireo mba hanamaivanana ny rarin-tsaina mianjady amin'ireo mpiasany mieritreritra ny hoe , “tonga ary ve izay ny vola?”, “Tsy mbola ao ilay izy”, “Tsy ampy izy izany”, “Tena fangoloka ny mpampiasa ahy”, ary ny “Tena kely [karama vary masaka] izy izany”.

Ny Indiana no foko isan'ny tena miparitaka be indrindra manerana ny tany. Vinavinaina ho 25 tapitrisa ny Indiana miaina ivelan'ny fireneny. Ny be indrindra amin'ireny dia any Bahrain ary miaraka amin'ny famohàna ny varavarana ho an'ny visa maimaim-poana ho an'ny mpiasa, ho sarotra ny teo-draharaha! Toy izay efa nolazaiko, Ity no voalohany nahitako Indiana niteny hoe, “Baba, mahantra aho, tsy misy vola.” Ankarikary be izao izy no nangataka tamin'ireo fiara rehetra nandalo tetsy sy teroa. Tsy asiako fihatsaram-belatsihy, mihevitra aho androany fa tena nanana complexe manoloana ireo Indiana.

Tontolo: Arahaba nahatratra ny Fetin'ny Reny!

avylavitra — Sun, 24 May 2009 04:50:51 +0000

MpanoratraJillian C. York · Nandika avylavitra · vakio ato ny lahatsoratra nadika

Felam-boninkazo tany Xela, Guatemala nalain’i Erik++ ao amin’ny Flickr

Raha misy ny zavatra iombonan’ny olombelona rehetra, dia ny hoe samy manana reny daholo isika rehetra. Ary amin’ny faritra maro eran-tany dia fahazàrana ny mankalaza ny renintsika amin’ilay andro miavaka iray: ny Fetin'ny Reny. Na dia miovaova aza ny daty ankalazana azy dia maro ireo firenena mankalaza izany androany, ny Alahady faharoa amin’ny volana Mey..

Manomboka any Denmark hatrany amin’ny Dominica, any Peru ka hatrany Pakistan, any Etazonia hatrany Oganda, mpitoraka blaogy maro tsy ankanavaka no miantso, mitsidika, na mahatsiaro ny reniny androany.

Toy izany ilay mpitoraka blaogy iray, Santa Cruz Barillas avy any amin’ny faritr'i Goatemala Huehuetenango, izay mitantara fankalazana ara-pomba ny Fetin’ny Reny:

Feliz día de la Madre. Como ya es tradicional en nuestro querido municipio, el día de hoy 10 de mayo, desde las 2 de la mañana han salido diferentes grupos de organizaciones como iglesias, la Municipalidad y grupos de jóvenes a darle Serenata a las madrecitas de todas las zonas.

Arahabaina nahatratra ny Fetin’ny Reny! Araka ny fomba fanao eto amin'ny tanàna mamintsika, ny faha-10n'ny volana May izao, manomboka amin'ny roa ora maraina, miara-mihira 'sérénade' ho an'ny reny rehetra eo an-toerana ireo vondron'olona sy fikambanana maro toy ny fiangonana, ny governemanta eo an-toerana ary vondron-tanora.

I Mahesh, avy any Bangalora, India, koa dia miblaogy momba ny andro androany. Manoratra momba ny Reny izy:

Any amin'ny kolontsaina tsirairay dia ny Reny foana no manana andraikitra be indrindra amin'ny fanabeazan-janaka. Nefa indraindray aho mahatsapa fa any an-tanan-dehibe indiana dia mihamanalavitra tsikelikely ny ray aman-dreniny ireo zanaka [izany hoe ireo olon-dehibe] Havesatra be ny valin'izany atsy ho atsy. Tokony isan'andro no hisaorantsika ireo Renintsika (sy ireo Ray) fa tsy indray mandeha isan-taona fotsiny.

Ilay mpitoraka blaogy Amerikana “Plan A” dia renim-pianakaviana ihany koa, ary mankalaza olona roa manan-danja aminy manokana izy androany: ny an'ny Renin'ireo zanany roa natsangany any Oganda. Hoy ny mpitoraka blaogy:

Mba fantatrareo moa ~ Ny Fetin'ny Reny dia tsy hoe andro fialan-tsasatra ho an'ny Amerikana fotsiny fa ankalazaina manerana ny firenena maro maneran-tany mihitsy, isan'ireny Oganda. Androany, mahatsiaro manokana aho fa any misy vehivavy roa niteraka zazalahy kely roa tamin'ny taona 2006 sy 2007. Tsy misy anefa fomba ahafahan'izy ireo mahalàla izay mahazo ireo zanany izay efa ela be tokoa no nahitàny azy farany. Raha ny fahafatesan'ny reny no isan'ny antony voalohany mahatonga ny ankizy ho kamboty, dia mety ho azo inoana ihany koa fa efa ela izy ireo no maty. Nefa, na dia tsy ho fantatsika mandrakizay aza ny tantaran'izy ireo - androany kosa dia maneho fankasitrahana lalim-paka ho an'ireo vehivavy Afrikana roa niteraka ny zanako kely ireo aho.

Ny The Filipina Mom in Denmark dia nanamarika ny fankalazàna amin'ity hafatra fohy nefa tena mamy ity:

Satria tany taloha tany dia tovovavy daholo ireo reny rehetra, ary raha tsy misy ny zanatsika koa tsy reny isika! Manaova Fetin'ny Reny Finaritra (2009) !

Farany, Manfred Elfstrom, mamahana ny blaogy Labor is Not a Commodity, dia nanokana fotoana hampahatsiahivana antsika ny mba hanomezan-danja ny vehivavy rehetra, fa tsy ny renintsika tokana monja ihany:

Amin'izao fanatonan'ny Fetin'ny Reny sy ny Andro Iraisam-pirenena ho an'ny Varotra tsy Mitanila izay tsy dia malaza loatra izao, dia tsara raha mba asiana resaka ny seha-pihariana iray manokana tena mampiasa tsy an-drariny vehivavy marobe. Ny indostria momba ny elektronika izany— tsy ny indostrian'ireo mpamorona ao Silicon Valley izay mipetraka tsara eo amin'ny toerany tokoa, fa ny seha-pihariana mamokatra ireny fitaovana fihainoana MP3 sy solosaina fitondra mandehandeha ampiasaintsika ireny. Raha maro amin'ny asa atao amin'ireny seha-pihariana ireny no mitaky fahaiza-manao manokana ary andraisana karama sahaza, dia maro koa no itakiana [amin'ireo vehivavy mpiasa] asa miitatra ora maro nefa ilàna fitandremana sy miverimberina, asa izay mitarika aretin-kozatra [cramp] any amin'ny lamosina sy mandreraka ny maso dieny mbola aty amin'ny fahatanorana sahady, nefa ny karama zara raha misy, na ambanin'izay voafetra ho farany ambany mihitsy aza.

Fifidianana Karana Indiana 09 : Niray safidy hanamafy ny fahamarinan-toerana

Jentilisa — Sat, 16 May 2009 21:47:02 +0000

MpanoratraAparna Ray · Nandika Jentilisa · vakio ato ny lahatsoratra nadika

Ity lahatsoratra ity dia tafiditra ao amin'ny Fitantarana manokan'ny Global Voices ny fifidianan'ny Karana Indiana 2009

Tonga avokoa ny valim-pifidianana avy any amin'ny vazantany efatra any India ary dia mazava fa nisafidy mazava ny governemantan'ny hery afovoany marintoerana, eo ambany fitarihan'ny UPA ao amin'ny Kongresy ity firenena ity. Ho fanindroany ny Dr. Manmohan Singh no ho Praiminisitra. Na dia mbola tsy tonga avokoa aza ny voka-pifidianana dia efa nanambara ny fahareseny sahady ny firaisankinan'ny vondrona NDA alliance notarihan'ny BJP nahita ny fironan-tsafidy.

Niarahaba ny amin'ny fametraham-pitokisana nataon'ny mpifidy mandritra ity fe-potoana fiasana vaovao ity ny mpitarika ny UPA Rtoa Sonia Gandhi. Nandritra ny valan-dresaka nataony tamin'ny mpanao gazety tamin'ny 4 ora folakandro tany an-toerana no nilazany hoe, “Fantatry ny vahoaka Karana izay heveriny ho mahasoa azy ary mety ny safidy nataony.”

Amin'izao fotoana izao (5.40 ora karana folakandro) dia tahaka izao ny valim-pifidianana:

Fitambaran'ny seza = 543

Ny isan'ny seza ahazoana ny maro an'isa = 272

————————————————————–

Fandresena+fitarihana vondrona UPA = 258

Fandresena+fitarihana vondrona NDA = 162

Fandresena+fitarihana Mandatehezana faha-3 = 68

Fandresena+fitarihan'ny Hafa (miampy hery faha-4) = 55

——————————————————————————————-

Ny Fifidianana Karana (#indiavotes09) no nitarika tao amin'ny fironana be mpanaraka indrindra tao amin'ny twitter androany. Indreto misy hevitra avy amin'ny tweeters vitsivitsy:

@jraghu - Indian citizens give verdict. Congress led UPA wins safe, free elections in largest free democracy. Thank you, all #India #Indiavotes09

@dina - this mandate seems to be for good governance - stability & progress & optimism as opposed to fear. governance not politicians. #indiavotes09

@calamur - #indiavotes09 - Singh is King - Advani v/s PM. whining v/s strength. bitterness v/s vision.powerlust v/s duty. India chose well

@jraghu - nilaza ny safidiny ny Karana. Mazava ny fandresen'ny UPA tamin'ny fifidianana malalaka tao anatin'ny demaokrasia lehibe indrindra. Misaotra anareo rehetra, #India #Indiavotes09

@dina - hita ho mizotra mankamin'ny fahaiza-mitantana - fahamarinan-toerana & fandrosoana ity fe-potoana vaovao ity izay mifanohitra amin'ny tahotra. Fitantanana fa tsy mpanao politika. #Indiavotes09

@calamur- #indiavotes09-Singh no Mpanjaka - Adani sa ny praiminisitra. hery sa tomany. Lonilony sa vina. Fitiavantseza sa adidy. Nahay nisafidy i India

Raha maro ny faritra nisiana horakora-pifaliana dia nanjonitra kosa ny mpanohana ny BJP. Toy izao ny nosoratan'ny mpamaham-Bolongana Chakresh Mishra tao amin'ny bolongany:

[…]Ny fironako moa dia mankamin'ny BJP, antoko izay nofidiako. Antoko mpandala ny tanindrazana. Menatra ny BJP. Saingy izao ry sakaiza, Maro ny fotoana ao amin'ny tantaran'ny firenena iray no jerena fa ery avokoa ny zavadrehetra ary tahaka ny mandresy tamin'ny ady farany ny herin'ny ratsy. Saingy lalànan-javatra mpitranga sy hitranga hatrany izany ry sakaiza isany. Mety ho fotoana manadanja eo amin'ny fiainan'olona iray ny 5 taona fa eo amin'ny sehatry ny firenena(Tahaka an'i India) kosa dia indray mipi-maso monja.

Tsy natao hifanomezantsiny sy hifandrafiana intsony oram-paharesena. Fa fotoana kosa handinihantena sy hiomanana tahaka ny handresy amin'ny fifidianana manaraka kosa indray.

Na dia rava aza ny fanantenana ary manjaka ny nofy ratsy, Tsy maintsy ho avy ny maraina. Tsy vao izao no nisian'ny fotoana matroka teo amin'ny tantaran'i India, efa nahay niangana isika ary nahay namaly. Hamerina izany indray isika.

Homenay arakaraka ny fahatongavany ny valim-pifidianana farany. Jereo hatrany ity sehatra ity.

Aparna Ray

Fifidianana Indiana 2009: Andriamanitra sy ny Firenena

avylavitra — Tue, 05 May 2009 17:28:54 +0000

MpanoratraBhumika Ghimire · Nandika avylavitra · vakio ato ny lahatsoratra nadika

Ny fifidianana ataon'ny indiana amin'izao fotoana izao dia nampivoitra fa misy triatra lalim-paka eo amin'ny valaben'ny resa-pinoana no amin'ity firenena ity. Ireo blaogy dia samy nameno ny azy amin'izao zava-mampiahiahy toa marina , toa tsy marina rehetra izao momba ireo fanenjehana ara-pivavahana ao anatina firenena iray izay ahitana mpino marobe avy amina karazan'antokom-pinoana goavana maro samihafa maneran-tany.
Ny fanenjehana atao amin'ireo Kristiana dia lohahevitra lehibe iray eny anivon'ireo mpitoraka blaogy indiana sy vahiny. Ny herisetra atao amin'ny Kristiana ao amin'ny faritr'i Orissa no tena resahana be indrindra amin'ireo resaka tsy fandeferana atao amin'ireo Kristiana ao amin'ny firenena.

Indro i Sandhya, mpanao gazety amin'ny aterineto ho an'i Instablogs, mitondra fanadihadiana iray momba ireo fifandonana teo amin'ny Hindous sy ny Kristiana. Ny lohatenin'ity ampahan-tsary mihetsika ity dia ilay mpanao gazety ihany no nanome azy, fa tsy ny mpanoratra na ny Global Voices akory.

Raha mitobaka ny blaogy sy ny vohikala momba ny fanenjehana ireo Kristiana, ny sasany amin'ireo mpitoraka blaogy sy ireo mpanao gazety vahiny kosa mandà izany filazana rehetra izany :

Francois Gautier, mpanao gazety frantsay iray, dia efa niresaka ity raharaha ity tany amin'ny taona 2001, efa taloha lavitra ny herisetra tao Orissa:

“Ankehitriny mba hahatongavana aty amin'ny fanaovana herisetra amin'ny Kristiana ao India ataona vondrona Hindous amin'izao fotoana, dia izaho tenako mihitsy no nanao fanadihadiana sy fikarohana, ka isan'izany ny fametavetana ankeriny ireo relijiozy efatra tao Jhabua, Madhya Pradesh, roa taona lasa iza. Io fametavetana an-keriny io dia mbola voatanisa ho toy ny ohatra foana momba ireo “habibiana” ataon'ny Hindous amin'ireo Kristiana.

Saingy rehefa nanontany ireo relijiozy telo aho, nanamafy izy ireo, toy izany koa ny evekan'i Indore, Mgr. George Anatil, fa tsy misy idiran'ny resaka fivavahana mihitsy izy iny: heloka notanterahan' andian'olona avy amin'ny foko Bhil iny, fanta-daza amin'ny fanaovana ny toy izao amin'ireo vehivavy avy ao aminy ihany koa. Amin'izao, ny tontolon'ny gazety indiana, ny ambaratonga samihafa ao amin'ny finoana kristiana sy ny mpanao politika dia samy manohy mampiditra ireo fametavetana tao Jhabua ireo ho isan'ireny habibiana natao tamin'ny Kristiana.”

Ao amin'ny Vijayvaani, Hilda Raja- mpampianatra vavy iray efa misotro ronono, dia mikirakira ny resaka fanenjehana ireo Kristiana misy any India, izay mihamafy hatrany arakaraky ny anakaikezana ny fifidianana:

“ Nitondra fanamelohana mafy ho an'ny governemanta ankehitriny tantanan'ny UPA ny GCIC (Global Council of Indian Christians) - fa hoe mety tsy handeha amin'ny ara-dalana ny fifidianana. Nefa dia mitaky amin'ireo mpitarika politika ireo koa izy, izay tsy afaka akory miantoka fifidianana tsy mitanila, na miantoka fandriampahalemana ho an'ireo fikambanam-pivavahana vitsy an'isa (vakio heo Kristiana) sy hiantoka ny fandraisan'izy ireo anjara amin'ny fifidianana, hiaro ny fahalalahana ara-pinoana sy hitondra ireo meloka noho ny fanavakavahana ny Kristiana ho eo anoloan'ny fitsarana. Be fangataka angamba izany. Raha hatramin'ny anio, ny governemanta UPA tsy afaka nanatanteraka izany, ahoana no hahafahany hamita izany andro vitsy mialoha ny fifidianana?

Raha fakafakaina tsara io fanambarana io, dia maha-te hino hoe ny handrodana io governemanta io no tadiavin'ny GCIC, mba hametrahana iray hafa afaka hamita io asa sarotra nofaritany io. Izany no antony nanamelohany ankolaka ny governemantan'ny UPA, teo ambany fiadidian-dramatoa Sonia Gandhi, vehivavy italiana kristiana, ho tsy nahatanteraka ny fiarovana ireo vitsy an'isa. Fanameloha henjana iray hafa koa avy amin'i M. Abhishek (tale, Open Doors) manao hoe ny lalàna, eo amin'ny fampihàrana azy, dia voafetra sy manome vàhana bebe kokoa ny maro an'isa Hindous ary manao tsindry hazo lena ireo vitsy an'isa toy ny Kristiana sy ny Silamo (eo ambany fitantànan'ny UPA voagejan'ny Kongresy, raha ny hevitro).

Midika ve izany fa izy sy ireo fikambanana hafa iarahany miasa dia mikatsaka ny handrodanana ny governemantan'ny UPA ka hametraka iray hafa eo amin'ny toerana izay ho afaka hamita izany? “

Ny fiheverana ny fisian'ny fitongilanana atao amin'ireo Silamo indiana koa dia isan'ny tafiditra ao anaty fifanakalozan-kevitra eo anivon'ny aterineto. Ao amin'ny “ Indian Muslims and the 2009 Elections - Challenges and Prospects of Political Success” (Ireo Silamo Indiana sy ny Fifidianan'ny taona 2009 - Fanamby sy tetikasa ho fandresena ara-politika), i Dr. Zafarul Islam Khan no mitondra fanadihadiana ifotony.

Marihany ny fipongatr'ireo antoko madinika isam-paritra izay manome safidy azo iainana ho an'ireo Silamo izay mahatsapa ho navakavahan'ireo antoko lehibe eo amin'ny firenena:

“Ny tranga vaovao, amin'ity indray mitoraka ity, dia ny fipongatr'ireo antoko silamo madinika. Efa nanana ny Indian Union Muslim League tany atsimon'ny fanjakan'i Kerala ny Silamo (nahitàna solombavambahoaka 2-3 eo ary isa tsy azo tsinontsinoavina ihany koa tao amin'ny antenimiera mpanao lalàna tao amin'ny faritany) sy ny Majlis Ittehadul Muslimin tao amin'ny tanàna atsimon'i Hyderabad (mpikambana iray tao amin'ny Parlemanta sy olona mihoatra ny ampolony tao amin'ny antenimieram-paritra).

Fikambanana Silamo vaovao vao niforona tamin'ny taon-dasa ny Assam United Democratic Front (AUDF), any avaratra-Atsinanan'ny fanjakan'i Assam, izay nahazo toerana sivy tamin'ny fifidianana ny antenimieram-paritra tamin'ny taona lasa ary mbola mikendry hahazo toerana 4-5 amin'izao fifidianana anivon'ny firenena izao. Efa nikopak'elatra handrakotra ny fanjakan'i Utah Prasdesh sy Maharashtra ihany koa ankehitriny ny AUDF”

Indro ny mpilalao sarimihetsika Shabana Azami, maneho ny hoe toy inona moa izany hoe maha-Silamo izany ao India.

Ity hafatra ity dia hita koa amin'ny fandrakofana manokana ny fifidianana indiana 2009 ataon'ny Global Voices

Ny vaikan'ireo olo-malaza mandritry ny fifidiana Indiana

avylavitra — Sat, 02 May 2009 13:31:11 +0000

MpanoratraKamla Bhatt · Nandika avylavitra · vakio ato ny lahatsoratra nadika

Salman Khan (eo afovoany), mpanakanto avy ao Bollywood, manohana ny kandidà Milind Deora nandritra ny fivondronana tany Mumbai

Sarin'i Al Jazeera English ary nampiasaina teo ambanin'ny creative commons license.

Any India, manana dindo goavana ny mpilalao sy ny mpamokatra sarimihetsika ary noporofoin'i Danny Boyle izany tao amin'ilay sarimihetsika Slumdog Millionaire (fanampiana: ilay sehon'ny kabone io). Mahagaga fa somary maivamaivana ihany ny fandraisana anjaran'ny orinasa misahana ny fialam-boly (indrindra indrindra Bollywood, orinasa mpamokatra sarimihetsika indiana any Mumbai) amin'ny pôlitika indiana niaraka tamin'ny fandraisana anjaran'ny mpilalao sarimihetsika vitsivitsy sy mpamokatra sarimihetsika sasantsasany nandritry ny fampielezan-kevitra. Nisy ihany anefa ny niavaka. Ny fanjakan'i Tamil Nadu, any Atsimo, izay fanjakana voalohany eran-tany nahafehy sy nampiasa ny famokarana sarimihetsika ho an'ny pôlitika nanomboka tamin'ny taona 1940. Nandritry ny taona 60, nitondra tombony ho an'i Dravida Munnetra Kazhagam (DMK) ity rohy mampifandray ny mpanao pôlitika sy ny orinasa Tamil mpamokatra sarimihetsika ity izay niteraka ny governemanta voalohany teo amin'ny fanjakana tsy nipoitra avy amin'ny kongresy. Nanomboka tamin'izay dia nifandimby teo amin'ny fitondràna tany Tamil Nadu ny mpanao pôlitika samihafa tao amin'ny antoko DMK. Maro ny mpanakanto lasa tafiditra tamin'ny tontolon'ny pôlitika nandritra ny taona 80. Indrindray dia milatsaka ho fidiana ry zareo ary tafiditra ao amin'ny governemanta (toy ny NTR sy ny antokony Telugu Desam tany Andhra Pradesh) na voafidy ho mpikambana ao amin'ny parlemanta indiana.

Raha hiroso aty amin'ny taona 2009, dia ahitàna fisondrotan'ny ny fandraisana anjaran'ny mpilalao sarimihetsika avy ao Bollywood (na ny orinasa mpamokatra sarimihetsia Hindou) any Mumbai sy ny orinasa mpamokatra sarimihetsika any Tamil sy Telugu teo amin'ny fampielezan-kevitra. Namorona antoko pôlitika any Andhra Pradesh i Chiranjeevi, mpilalao avy any Telugu, i Sanjay Dutt kosa izay mpilalao avy any Bollywood dia tsy nahazo nilatsaka hofidiana noho izy tafiditra tamin'ny fanafihana tany Mumbai tamin'ny taona 1993. Any Tamil Nadu, ao anatin'ny fifaninanana indray i Jayalalitha, mpilalao taloha sy Minisitra, taorian'ny fahareseny tamin'ny fifidianana farany teo. Fa ny tena nahasarika ny sain'ny olona dia ny firotsahan'ny olo-malazan'i Bollywood.

i Amitabh Bachchan, mpilalao avy any Bolywood no sady mpitoraka blaogy dia maneho ny heviny momba ny fifidianana indiana atsy ho atsy. Manoratra izy:

“Tonga ny fifidianana. Fifidianana ao anatin’ny demokrasia lehibe sy mafy orina indrindra eto an-tany. Tsy manome antsika afa-tsy sarintsariny amin’ny fifidianana ny fahitalavitra. Ny fitsapan-kevitra sy ny fanadihadiana, ny hoe iza no handresy, avy aiza ary iza no niteny inona ho an’iza sy ny hoe fa nahoana. Na ny fanontanian’ny haino aman-jery izay milatsaka ho amintsika aza dia feno resaka pôlitika. Lasa fahavalo ny namana, lasa namana ny fahavalo. Manao kilalao sy fandraikirekena samihafa isan-karazany ny antoko pôlitika rehetra mba hahazoana ny fahefana. Mba handresena sy hitondrana ny firenena mandritry ny 5 taona manaraka. Ny pôlitika amin-dry zareo dia tsiry mpanentana , ‘elixir' izay mampirisika azy hiezaka.”

Efa taona vitsivitsy izao no naha-mpanao pôlitika mavitrika an'i Jaya Bachchan, vadin’I Bachchan.

Fa mba hery inona loatra no manosika ireo mpilalao sarimihetsik’i Bollywood hivoaka ny toeram-piadanany ka handraisany anjara amin’izany fifidianana izany? Mety nahita ny valiny amin’izany fanontaniana izany i Gaurav Shukla avy ao amin’ny India Election 2009. Hoy izy:

“Ny mpanakanto izay nanalavitra ny pôlitika dia mahagaga fa nisafidy ny handray anjara amin'ny fifidianana amin'ity indray mitoraka ity. Miteny ireo manam-pahaizana amin'ny indostria fa ny fanafihana sy fampihorohoroana tao Mumbai tamin'ny volana Novambra lasa teo no mety ho anton'izao fiovana izao…Anisan'izany ry Amitabh Bachchan, Aamir Khan, John Abraham, Kamal Haasan, Rakeysh Omprakash Mehra, Anurag Kashyap, Shriya Sharan, Shruti Haasan ary Sushmita Sen.”

I Aamir Khan, mpilalao avy ao Bollywood, dia nanampy tamin'ny fanombohana hetsika fanentanana ho an'ny Fikambanan'ny fanavaozana Demokratika niaraka tamin'ny teny filamatra hoe: “Sachche ko chune, Achche ko chune” — izay midika hoe “fidio ny marina, fidio ny olona tsara.” Ankoatra ny maha-'tava' sy ‘feo'-n'ilay hetsika fanentanana azy dia nahavita dingana iray lavidavitra kokoa i Khan amin'ny nanaovany horonan-tsary sy horonam-peo. Manoratra ny AamirKhanblog:

“Ny orinasa famokarana sarimihetsika an'ilay mpilalao, Aamir Khan Productions, no nanao ireo hafatra, maimaimpoana. Ny lisitra ‘A’ niarahan'ny rehetra tao Bollywood nanangana no mivondrona manodidina ity hestika fanentanana ity. Ny loha nijetrika an'izany dia i Prasoon Joshi avy ao amin'ny McCann Erickson, Rakyesh Mehra no tale, Avinash Gowarikar no mpaka sary, ary i Shashi Sinha avy ao amin'ny Lodestar Media, mpandrindra ny fampielezana vaovao momba ny hetsika. Miasa maimaimpoana ho an'io fanentanana io daholo ny rehetra.

Aely amin'ny teny Hindi, Marathi, Gujarati, Tamil, Telugu, Kannada, Malayalam, Bengali, Assamese and Oriya ny fanentanana mba hahamaro ny vondron'olona tratra antso.”

Aamir Khan, izay mpitoraka blaogy ihany koa, dia manaitra ny mpifidy Indiana mba hifidy amim-pahatsiarovan-tena rehefa mandatsa-bato. Hoy izy ao amina lahatsoratry ny blaoginy:

Ho an'ny Indiana rehetra, aza adino ny mifidy, ary mifidy amim-pahatsiarovan-tena. Izany hoe, diniho tsara daholo ny kandidà ao amin'ny faritrao izay vao manapa-kevitra hoe iza no hofidiana.

Maka rivotra any Montana i Khan, nefa raha araka ny heno dia handray fiaramanidina hiverina aty Mumbai izy ary handatsa-bato amin'ny 30 Aprily, andro iray toa zato mitondra ny renivohitra ara-toekarena sy ara-pialamboly indiana ho amin'ny avo.

Ankoatra an'i Khan dia efa maro koa ny mpilalao sy mpamokatra sarimihetsika no nanome maimaim-poana ny fotoanany ho an'ny fandaharan'asa fanentanana sy fampitam-baovaom-pifidianana. Ny mety ho tena mavesa-danja amin'ireo dia ny fandraisana anjaran'ny orinasa misahana ny fialam-boly amin'na Fiaraha-miombon'antoka tsy andraisam-bola antsoina hoe Jaagore (izay midika “Mifohaza”). Nanao horonantsary fohy ilay fikambanana tsy miankina(ONG), ohatra amin'izany ity iray ity, izay anambaran'ilay mpilalao Sonam Kapoor avy ao Bollywood fa ny salan-taonan'ny Indiana dia 23 taona nefa ny salan-taonan'ny mpikambana ao amin'ny kabinetran'ny ministeran'ny governemanta dia 62 taona.

Na jereo ity horonan-tsary nataon'ny mpamokatra sarimihetsika avy ao Bollywood, Rakeysh Omprakash, hitenenany fa tany amin'ny fanjakan'i Rajasthan, naharesy tamin'ny fifidianana ny mpanao pôlitika iray tamin'ny elanelam-bato (safidy) iray monja tamin'ny mpifaninana taminy.

mbola ahitànao ity hafatra ity koa ao amin'ny Global Voices special coverage on Indian Elections 2009

India: Mahatohitra ny atin'akanjo mavokely

koloina — Thu, 19 Feb 2009 08:15:33 +0000

MpanoratraRuchika Muchhala · Nandika koloina · vakio ato ny lahatsoratra nadika

Nandritra ny folakandro araka ny mahazatra, ary eo anivon’ny toerana ivezivezen’ny saranga isankarazany, dia azo ekena raha ny lehilahy sy vehivavy no mandeha misotrosotro kely sy manala azy amin’ny fakana aina. Ny ankamaroantsika dia tsy miaina amin’ny “fanarahan-dalana”. Ao India kosa, raha lazaina hoe olon’afaka ny vehivavy, dia tsy azo antoka loatra fa tsy hisy ny loza mety hihatra aminy. Vao haingana, tokony ho 3 herinandro lasa izay nandritra ny andron’ny Repoblika Indiana, 26 janoary, tao Mangalore, atsimon’i Bombay, dia notafihan’ny andian’olona Hindu mijoro amin’ny firehan-kevitra tokana avy ao amin’ny antokon’ny Ram Sena ireo tovovavy maromaro mpianatra eny amin’ny anjerimanontolo izay nakanaka aina sy nisotrosotro ao amin'ny toeram-pisotrosotroana tao an-toerana. Norahonana sy nampitahorina tsy nisy fampitandremana akory ireto tovovavy…. Soa ihany fa tsy nisy ny aina nafoy, mino kosa anefa aho fa mafy ny ratram-pon’izy ireo.

Ho setrin’ity toe-javatra ity, amin’ny 5 Febroary, natomboka ny fampielezan-kevitra Chaddi mavokely (atin’akanjo na ati-kilaoty) tamin’ny alalan’ireo olona manana vondrona Facebook aterineto antsoina hoe “Vaomieran’ny Dokam-barotra, Vehivavy Malefaka sy Vonona”. Nanapa-kevitra ry zareo ny hanao hetsika amim-pahasahiana handefa silipom-behivavy mavokely “fanomezana St Valentin” ho an’ny antoko Ram Sena. Maro amin’ireo hetsika fandefasana atin’akanjo mankany amin’ny biraon’ny antoko politika, dia ity toe-javatra ity no fihevitra tokana izay mivezivezy ao an-tsain’ny tsirairay ao India.

Mba Jereo anie ity horonantsary ity izay misy ireo atin’akanjo sy ireo “teny mamy” ho an’ny antoko Ram Sena. Ohatra iray fotsiny ity amin’ny drafitra entina amin’ny fampielezan-kevitra, koa dia tsy maintsy miandry ny andron’ny mpifankatia ihany isika hahitantsika hoe inona avy no mety hitranga manoloana ny hetsika. Mikasa ny hivory sy handom-bera (hisy ny fisotrosotrona) ho an’ny vehivavy Indiana ao amin’ny toeram-pisotrosotroana izy ireo amin’ny andron’ny mpifankatia, ho raisina feo sy sary ity fivoriana ity ary avy eo amboarina ny horonantsary ka tafiditra ao daholo ny toe-javatra nitranga rehetra.

Nalaina ireo horonantsary sy sary misy ireo Chaddis mavokely ka halefa any amin’ny Ram Sena, izay hita ao amin’ny pejy an-tsarin’ny ekipa Facebook.

Mpamaham-bolongana ofisialin’ny fampielezan-kevitra Chaddi mavokely dia milaza hoe:

Naheno izahay fa nanapa-kevitra Andriamatoa Muthalik ny handefa atin’akanjom-behivavy aziatika misoratra hoe “amim- pitiavana lehibe” ho setriny izany. Mankasitraka izany izahay ary manantena fa hanohy ny zavatra toy izany izy, izay fomba tsy misy herisetra entina hanehoany ny heviny, tahaka antsika izay mandala ny fanehoan-kevitra amim-pitiavana sy tsy misy herisetra manolona ny fanafihana maherisetra nitranga tamin’ireo mpifankatia sy vehivavy tao Mangalore sy ny toeran-kafa any Karnataka.

Na dia izany aza dia manomana ny handefa ireo Chaddis, na ati-kilaoty, any amin’ny mpitarika antoko Ram Sena, Andriamatoa Muthalik, lehilahy tompon’andraikitra, ry zareo vehivavy rehetra manerana an’I India, indrindra ireo izay any Bangalore, toerana niantombohan’ny hetsika fampielezan-kevitra.

Ny hevitra ambadik’izany mantsy dia ny vehivavy manerana an’I India dia voatery tsy maintsy mitaky ny zon’izy ireo , ny fiaraovana, ny fahafahana ary ny fanajana ny fananahana eo amin’ny “tanin’ny Kamasutra”. Nanatsofoka sarina ati-kilaoty mavokely miaraka amin’ny teny hoe”India, tanin’ny KamaSutra” tao amin’ny ekipa Facebook ny vehivavy iray antsoina hoe Ree Diwan, ary maneho hevitra I Patricia Chandrashekar:

Tsy nino aho hoe hitranga ity toe-javatra ity eto amin’ny tanin’ny KamaSutra. Alefaso mamangy an’I Khajuraho ireo jirika ireo. Avelao izy tenany hahita. Tsy ny fanaovana Chuddies (karazana silipo) mihintsy akory ny endriky ny ainga fanairana (erotique)!

Tsy maintsy miandry aloha isika hoe nanao ahoana izay ny fandraisan’I Ram Sena ny fianjeran’ireo silipo St Valentin any aminy.

Tsy ity fandraisan’ny vehivavy andraikitra ity irery ihany akory no nitranga tao India amin’izao fotoana izao. Manarak’izany , manoloana ny fampielezan-kevitra izay tsy nanao ahoana loatra kanefa koa tafita tamin’ny tanjona, dia naneho ny fijoroana vavolombelona momba ny herin’ny vehivavy ireo karazam-behivavy avy amin’ny sokajim-piainana samihafa ara-tsosialy sy ara-ekonomika sy ireo avy amin’ny faritry India. Tretrika tokoa I navsarjan NGO community media Group, Apna Malak Maaa mampiseho ity horonantsary misy ny filan-kevitry ny vehivavy ao an-toerana ao Gujarat, izay nikarakara ny asa fampandrosoana tsy miankina ary mamaha olana misy eo amin’ny tanana, ary koa ny olana sasany izay tsy mbola voavaha efa ho 20 taona mahery, toy ireo maloto mivarina anatin’ny lavaka sy ny olana misy eo amin’ny fakana fasika anaty renirano, izay midika fa ny fantsona mitondra ny rano sy ny lava-drano dia lasa maina tanteraka.

Ruchika Muchhala

Nepal Mihitsoka Anaty Olana Misesisesin'ny Tempoly

koloina — Wed, 07 Jan 2009 13:27:59 +0000

MpanoratraBhumika Ghimire · Nandika koloina · vakio ato ny lahatsoratra nadika

Ratsy fiantombohana ny taona vaovao tao Nepal. Ankoatra ny krizin'ny herinaratra dia mihitsoka anaty olana misesisesy ny firenena noho ny raharahan’ny toerana masin'ny Hindoisma ao Pashupatinath.

Eo anivon’ny ady hevitra no misy fifanazavana hoe tokony hitohy ve ny fombafomba litorjika tarihin’ny pretra Indianina ao amin’ny Tempoly lehibe sa tokony handray an-tanana amin'izay ny pretra Nepale.

Tempoly Pashupatinath. Nalain'ny mpampiasa Flickr wonker, ampiasain'ny Creative Commons license
Milazalaza amintsika ny tantara navelan'ny ny pretra (mpisorona) Indiana ao amin'ny Pashupatinath sy ny anjara asan'ny Fanjakam-panjaka Nepale i India-Server :

Ho fialana amin'ny fombafomba naharitra 300 taona dia hotarihin’ny Pretra Nepale ny fombafombam-pivavahana amin'ny Ivavahana fa tsy hotarihin'ireo pretra mpifanolobodirindrina indianina. Hatramin’ny taona 1747 no nanomezan'ny Mpanjaka andraikitra ireo pretra indianina tatsimo, izay fantatra amin’ny maha ortodoksa (tsy fivilian-dalany) azy sy tamin’ny fahaizany ihany koa ny fombafomba Hindu.

Teo aloha no Mpiahy ny fampandrosoana finoana an-tempoly ny mpanjaka ka ny mpanjakavavy kosa no sefony. Kanefa, rehefa tsy nahomby tamin'ny fitazonana ny fahefana feno sy ny vokatry ny hetsika miraika amin’ny demokrasia ny mpanjaka Gyanendra dia niorina ny governemanta vaovao tarihan’ny mpitarika Maoista tao Nepal.”

Ho fanapahana ny fomba nentin-drazana dia efa voatendry izao ny mpisorona Nepale. Saingy tsy ny rehetra no faly amin'izany. Mipoaka etsy sy eroa ny fanoherana ny fanapahan-kevitra.

Asehon'i Singapore Star ny sarin'ny tsy fahafaliana mitranga any an-drenivohitra New Delhi:

Maro ireo mihetsiketsika manoloana ny masoivohon'i Nepal tamin'ny alahady ho fanoherana ny mpisorona Indiana ao amin'ny tempoly malazan'i Pashupatinath.

Nanangana teny filamatra hanoherana ny praiministra Nepale Pushpa Kamal Dahal Prachanda ireo mpanohitra efa mafana fo. Nodoran’izy ireo ihany koa ny sarin'i Prachanda. Ampangain'ny mpanao fihetsiketsehana ho manome fanafintohinana ny Hindu tamin’ny nanendrena pretra Nepale ao an-toerana ireto ho tonga pretran’ny tempoly fahagola ny fitondrana Nepale.

Voaramaso amin'ny antsipiriany ihany koa anjara toeran'ny mpitondra Maoista tamin'ny fanapahan-kevitra hanolo ireo pretra indianina.

Lazain'ny “ United We Blog” anefa fa mihoam-pampana ny filazana ny ny tanjon’ny Maoista sy ny adihevitra momba ny zom-pirenenan’ny pretra :

“Nametraka pretra Nepale ho solon’ireo indianina tao amin’ny tempoly lehiben’ny Nepal ireo Maoista mpitondra governemanta tamin’ny baiko mivantana nomen’ny piraiministra. Nanohitra ny fanesorana ny sasany ary samy manana ny tombotsoany manokana avy amin'izany. Tsy misy tokony ilana ny tomany akory manoloana ny fanendrena. Raha ny marina dia hetaheta efa ela ny fanatsoahana ireo pretra indianina sy ny fanendrena Nepale. Efa nolotoin'ny pretra indianina tanteraka aza ny tempoly sady nisy tosika ay tamin'ny fitondram-panjaka izany. Mila miova izany rehetra izany ho fanatsarana ny Tempoly.’’

Efa eny amin'ny Fitsarana an-Tampony Nepale moa ankehitriny ny raharaha

Nilaza ny Antoko mpampandroso ny finoana ao amin'ny Pashupatinath izay mitantana ny andro alahady fa mbola nisy indray ny fanendrena pretra vaovao nepale anankiroa hanampy ireo pretra tranainy Nepale. Ny fanendrena dia nitranga tamin’ny andro izay nandraisan’ny vondrona sy Kiranti (Gopal Kiranti dia Minisitry ny kolotsaina sy ny fanajariana Maoista) ny baiko avy amin’ny fitsarana faratampony Nepale izay miteny azy ireo hampiato ny fanendrena pretra sy hanomezan’izy ireo alalana ny pretra teo aloha hanohy ny asany mandra-pivaha ny olana.”

Miditra an-tsehatra amin'ny alalan'ny gazety kosa ny Maoista amin'izao fotoana izao.

“Manome toky ny mpitondra ambony Indianina ny praiministra Prachanda fa hanaiky ny didim-panjakana havoakan’ny fitsarana faratampon’ny firenena ny mpitondra fanjakana Maoista ary hanome alalana “hanatanteraka ny andraikitra” ao amin’ny Tempoly Pashupatinath ho azy ireo.”

Bhumika Ghimire

Ireo lahatsoratra be mpamaky indrindra teto amin'ny Global Voices taona 2008

Jentilisa — Thu, 01 Jan 2009 20:12:59 +0000

MpanoratraSolana Larsen · Nandika Jentilisa · vakio ato ny lahatsoratra nadika

Manakaiky ny 3 000 000 ny isan'ny nitsidika ny Global Voices tamin'ny 2008. Miakatra be ny mpitsidika amin'ny fotoanan'ny ady na voin-janahary- ary matetika mpamaky ivelan'ny fireneny manaraka ny zavamisy avy any amin'ny firenena nihaviany, na olona tsotra miezaka ny hahazo ny fandehan'ny raharaha avy amin'ny fomba fijery anatiny izy ireny.

Efa namoaka ny tamberin'ny 2008 any amin'ny faritra misy azy ny mpamoaka vaovao isam-paritry ny Global Voices. Azonao vakiana ny takelaka manokana Best of 2008, ary afaka ny manampy ny lahatsoratra ankafizinao ao amin'ny sarintanin'ny mpamaky amin'ny Google map aza ianao. Efa namoaka ny fehifehin'ny zavabita ny tale mpanantanteraky ny Global Voices, Ivan Sigal. Ary fomba tsotra indrindra ahafantarana izay tian'izao tontolo izao matetika ny tahirin-kevitra.

Tianao ve ny hahafantatra ny lahatsoratra be mpamaky indrindra tamin'iny taona 2008 iny?

Shina - Tibet, Lalao Olaimpika, Horohorontany

Tahaka ny tamin'ny 2007 ihany, dia ny lahatsoratra mikasika an'i Shina no be mpamaky indrindra.

Amin'ny maha-mpitati-baovao tohanan'i Reuters anay tamin'ny vaovaon'ny lalao olaimpika, dia nanoratra ity lahatsoratra ity i John Kennedy tamin'ny volana Mey ka nihoatra ny 700 ny fanehoan-kevitra taorian'ny firotsahana an-dalambe nataon'ny mpanohana an'i Tibet (ny fizakantenany) (sy ny mpanohitra izany fizakantena izany) tany Etazonia. Nahazo fanakianana mivaivay indrindra an-tserasera ny Shinoavavy tanora mpianatra, Wang Qianyuan.

Variraraka tokoa ny resaka noho ny tsy fifankahazoan-kevitra momba an'i Tbet nandritra ny volana marsa sy avrily, ary na dia ity lahatsoratra fohy navoakan'i Oiwan Lam ity aza dia efa nampiady hevitra ka nahatonga ny maro tamin'ny mpamaham-bolongana Shinoa namaly bontana ny fomba fitateran'ny hainy aman-jery tandrefana ny vaovao.

Tamin'ny volana Mey, Tsy ampy adin'ny roa taorian'ny horohorontany tany Shina faritanin'i Sichuan, i John Kennedy dia efa nahavoaka lahatsoratra miaraka amin'ny sary sy lahatsary navoakan'olo-tsotra izay nanohizany namoaka ny vaovao farany nandritra ny ora sy ny andro manaraka. Iray tamin'ny lahatsoratra maro nivoaka teto amin'ny Global Voices nitantara ny horohorontany sy ny fiantraikany.

Japan - Google Street View
View Larger Map

Anisan'ny be mpamaky ihany koa ny dikandahatsoratra nosoratan'i Osamu Higuchi avy tamin'ny teny japoney ho amin'ny teny anglisy nataon'i Chris Salzberg mitantara ny fipatitahan-kolontsaina Japoney tamn'ny fampidirana ny Google Street View, famoahana saripika an-tserasera ny fiainana sy ny endri-tanàna jerena avy eny an-dalambe. Notsinjarazaraina teny anglisy, Japoney ary shinoa moa ity lahatsoratra ity, ary lasa loharanom-baovaon'ny gazety mahazatra avy eo. Maro ny famoaham-baovao farany mikasika ity tantara ity navoakan'ny ekipa Japoney teto amin'ny Global Voices.

Adin'i Ossetia atsimo sy Rosia tamin'i Georgia

Tratran'ny tampoka ny famoaham-baovao iraisam-pirenena rehefa nipoaka ny gidragidra teo amin'ny Georgia sy Rosia mikasika an'i Ossetia atsimo tamin'ny volana Aogositra. Haingana dia haingana ny namoahan'i Onnik Krikorian teto amin'ny Global Voices ny vaovao avy tamin'ny bolongana tany amin'ny faritra raha mbola vao mikasa ho any ny ankamaroan'ny mpanao gazety, ary dia nahazo fankasitrahana avy tamin'i New York Times, CNN, Reuters, ary ny hafa ry Veronica Khokhlova, Elia Varela Serra sy izay tsy voatanisa avy eto amin'ny Global Voices izay nanampy be dia be tamin'ny fitaterana ny vaovaon'ny ady tamin'ny alalan'ny fampitam-baovaon'olotsotra.

India - Fanafihana an'i Bombay

Fa ny tena nahazoanay mpamaky betsaka indrindra nanditra ny taona dia ny fitambarana lahatsoratra miresaka ny Fanafihan'ny mpampihorohoro an'i Bombay, India tamin'ny volana Novambra. Neha Viswanathan teto amin'ny Global Voices no anisan'ny voalohany indrindra nandrohy saripikan'olotsotra avy any Bombay ora vitsy monja taorian'ny fanafihana, ary nitohy ny fitantarana nandraisan'i Rezwan, Awab Alvi, Farhan Janjua ary ny ekipan'i Azia atsimo anjara.

Fankasitrahana ny rehetra

Maro dia maro ny mpanoratra sy ny tantara mendrika ny holazaina nivoaka tamin'iny taona 2008 iny (tokony hanome taratra ny fiezahan'ny tsirairay ny Special Coverage section). Miankina amin'ny lahatsoratra avoakan'ny mpanoratra sy mpandika teny manerantany mihoatra ny 150 isan'andro ny Global Voices - ary tahaka izany ihany koa miankina amin'ny mpamaham-bolongana an'arivony manerantany mampita ny eritreriny sy ny traikefany isan'andro hovakian'ny besinimaro. Isaorana ianao mpamaky miara-dalana aminay, maneho ny hevitrao , misoratra anarana handray amin'ny mailaka (subscribing) ny lahatsoratra ary manao fanampiana.

Tratry ny taona vaovao, ary mazotoa mamaky lahatsoratra!