Silamo anarivoarivony no mizotra isan-taona mankany Lameka hanatontosa Hajj (fivahiniana masina), iray amin'ny andry dimin'ny finoana Islamo. Ho voantohintohin'ny viriosy A/H1N1 na ny gripan-kisoa ve ny Hajj amin'ity indray mitoraka ity? Mametraka ny heviny ny mpamaham-bolongana any amin'ny faritra.

Ao amin'ny CrossRoads Arabia, i John Burgess no manazava:

Mpikaroka Saodiana iray momba ny lalànan'ny Shariah no nahita fa efa nisy ny tranga efa nisy tany aloha momba ny fandrarana ny mpivahiny Umrah (ireo izay tsy terena, mpivahiny ‘ambany kokoa’) dia ireo izay avy any amin'ny faritra ahiana ho nisy A/H1N1 na viriosin'ny gripan-kisoa. Manahy aho fa alefa ity hevitra ity hiatrehana ny Haj, izay hotontosaina amin'ny volana novambra. Adidy ny Haj, ary amin'io ny Silamo tsirairay dia tsy maintsy manatontosa azy farafaharatsiny indray mandeha amin'ny fiainany raha azo atao.

Efa napoitra koa manko ny toy izao taona vitsivitsy lasa izay, rehefa natahorana ny gripam-borona (H5N1). Saodiana mpandalina momba ny Haj iray no niantso hampiatoana azy raha mihanaka loatra ny aretina, saingy nolavin'ny hafa izany volaolan-kevitra izany. Ny antony dia tsy mbola nofoanana noho ny antony fahasalamam-bahoaka na oviana na oviana ny Haj ary mifanohitra amin'ny fototra Islamo izany. Ary koa, izay marary dia sakanana am-pitenenana tsy hanatontosa ny Haj.

Tantara mifanindran-dalana mandrakariva ny Haj sy ny areti-mifindra. Efa maro ny aretina voarakitra an-tantara fa namono olona anarivony toy ny pesta sy ny Kôlera, tany Lameka, Medina, ary Jeddah nandritra ny taona maro. Tamin'ny taonjato faha-19 vao noterena atao ny fanokana-monina [210-pejy PDF] hampitsaharana ny fielezan'ny aretina ho tonga any amin'ny toerana niavian'ny mpanao fivahiniana masina. Afa-miaro ny mpivahiny ny fanokana-monina sy ny fanaraha-maso akaiky ny toe-pahasalamana ary ampy hahazoana antoka izany. Ny ampitso ihany no hilaza azy. Mety tsy ho tonga any akory tahaka ny gripam-borona ny olan'ny gripan-kisoa. Fa raha tsy izany dia tsara ihany ny rehetra raha mihevitra momba izy ity dieny ankehitriny.

Nanampy hevitra ny Middle East Institute's Editor's Blog:

Miha-hafahafa izy ity. Manolo-kevitra ireo mpandalim-pivavahana hamoaka lalàna fatwa [lalam-pivavahana] ny Grand Mufti ao Ezypta hanemotra ny hajj noho ny fisian'ny gripan-kisoa. Hitanao eto ny dika teny arabon'io volavolan-dalàna io. Ataovy ao an-tsaina — ary averiko indray — fa tsy mbola nisy ny trangan'aretina teto Ezypta. Raha ny marina, araka ny nolazain'ny OMS omaly, ny mbola nisiana tranga nanerana ny Proche Orient iray manontolo dia tao Isiraely ihany (fito no tratra). Ary dia nilaza ny OMS fa, “Tsy mandrisika ny fandraram-pivezivezena noho ny fisian'ny viriosy A(H1N1) ny OMS.” Eny indrindra, ary manaraka izany: Tsy misy ny hajj raha tsy amin'ny volana novambra indray. Misy ve ny zaatra noadinoiko? Moa va efa nisy fanemorana hajj noho ny antony ara-pahasalamana ve, nandritra ny tantaran'ny finoana Silamo? Tsy fantatro, fa manantena aho fa mila olona iray tratrany aloha ianao mba hanamarinana izany. (Tsy vitan'ny hoe tsy misy ny trangan'aretina manerana an'i Proche Orient, ankoatra an'Isiraely, fa tsy misy koa any Indonesia, Malaysia, Pakistan — izany hoe any amin'ny toerana be Miozolomana.)

Fakantsary tsotra sy fandraisana sarimihetsika eny an-tanany, nandrakitra tafio-drivotra mahery vaika niharo fasika namely  an'i Riyad renivohitra ireo mpitoraka blaogy saodiana,izay tsy nahita-mitsinjo na dia metatra vitsy monja eo akaiky eo aza ary dia nitsahatra teo koa ny endri-piainana rehetra.

Ao amin'ny YouTube, i Riyadh Travels dia nametraka ity sarimihetsika ity izay maneho ny fihazakazaky ny fikisahan'ilay tafiotra ary nandrakotra an'i Riyad tao anatin'ny minitra vitsy monja.

Manamarika i Riyadh Travels:

  Trangam-piainana tsy mampino ny maha-vavolombelona ny tena sady tena ao anatiny mihitsy no koa voafonon'ilay tafiotram-pasika tao anatin'ny minitra vitsy… Nazava be ny andro, manga ny lanitra… ary minitra vitsy nanaraka izay, rakotra fasika ny tontolo manodidina, nihena ny fahitana na dia metatra vitsy monja aza.

 I MadridyO8 dia nametraka sarimihetsika momba io tafiotra io, mbola ao amin'ny YouTube ihany koa :

 I Saudiwoman's Weblog nandefa sary maro avy amin'ny tafiotra ary nanamarika ny fahatsapany amin'ny filazana fa:

Androany, niaina ny tafiotram-pasika faran'izay ratsy izahay. Ny maraina, samy tsy nisy nanampo izany mihitsy. Nandao ny trano aho tamin'ny  7:30  ary manga ery ny lanitra, nadio. Taoriana kely tamin'iny andro iny, ndeha haka ny zanako lahy avy nanao vela-kevitra aho ary dia voatery namily fiara (na nentin'ny fiara) tao anatin'ilay tafiotra mihitsy. Naka sary vitsivitsy aho. Tena hitanao mihitsy ilay izy manatona avy any ampara-vodilanitra.Ilay làlana izay 45 mn amin'ny andavanandro dia lasa indroa noho ny mahazatra ny faharetany. Zara raha mikisaka ny fiara ary nitatatata mafy ny kipantsona fanairana. Ny fiaraben'ny mpamono afo, ny fiaran'ny mpamonjy voina syny fiaran'ny polisy dia samy nanaraka ilay tafiotra avokoa.Angamba tena andro ratsy sy nanahirana tokoa ho an'ireo olona manana aretina sohika [asthme] iny andro iny.

 I Life Thru Dusty Lens izay nandefa sary momba io tafiotra io ihany koa, dia nanamarika hoe:

Haingana be tokoa ny nahatongavan'ity tafiotram-bovoka ity. Maizina ny lanitra ary nanjary niloko mavo tao anatin'ny minitra vitsy.

 

Boyd Jones, izay monina ao Riyadh, dia nandefa sary koa mialoha lalana ity hafatra ity. Ity ny iray amin'izy ireny :

Ny tafiotram-pasika ery ampara-vodilanitra

Raha ny mahazatra rehefa amin’ny vanim-potoan’ny taona toy izao ao Kuwait, dia mikatona vao maraina avokoa ny sekoly sy ny tranom-pirenena amin’io andron’io tafio-drivotra io, raha ny vovoka entin’ny tafiotra no jerena dia mahatratra ho 85 kilometra isan’ora ny hafainganam-pandehany, izay mampiato ny fanondranana solika mankany amin’ny Emira manankaren-tsolika.

Ny mpikirakira YouTube q8lightning no mandefa am-bolongana ity horonantsary ity:

Manazava misimisy izy:

Nitsoka vovoka ny tafio-drivotra nanomboka ny Talata alina dia avy eo niha-ratsy hatrany nandritra ny andro manaraka, miaina ao anatin’ny ririnina I Kuwait amin’izao fotoana izao ary ny tafio-drivotra dia efa vonona ny handrava, ny antony dia satria tsy nisy orana firy mandrak’androany.

Eny ambonin’ny fiaramanidina, nisy hafatra tonga ho an’ny mpandeha, ka mimenomenona I Mark Wolinski:

Tonga tany Kuwait aho omaly alina dia ohatry ny hoe handeha hijery fotsiny ilay tafio-drivotra izay nidina tao Bahrain nefa niha-mahatsiravina izany tao Kuwait. Nijery avy eo ambaravarakelin’ny fiaramanidina aho ary hita ho toy ny rindrim-bolon-tany ny endrik’izany.

Ao Kuwait ihany, mandefa io sary etsy ambony io ny mpampiasa Flickr antsoina hoe Mink, miaraka amin’ny fanazavana fanampiny ho an’ny sary voalohany:

Misy saka mainty roa mitazana avy eny amin’ny ambonin’ny fefy hazo, tafio-drivotra goavana voalohany indrindra tamin’ity taona 2009 ity izany ary nandona mafy dia mafy tokoa izy io. Miendrika volomboasary ny lanitra ary ibosesehin’ny vovoka mateviana ny rivotra. Rehefa nijanona izany afaka andro vitsivitsy, dia fotoana lava no lany nanadiovana.

Sary feno mampiseho ny tafio-drivotra

Ho an’ny tovovavyGranola , dia ny vovoka no iray amin’ireo antony maro mety hanainga azy hangorona ny entany ary hanao veloma an’I Kuwait:

Lebanona no firenena ao Proche Orient tsy misy tany hay. Androany, rehefa tafafoha noho ny feon-tafiotra tokony ho tamin’ny 2 maraina rehefa tao aorian’izany no tsy nahitana ny torimaso, ary avy eo niaina tao anaty ny vovoky ny tafiotra ny tontolo andro manontolo, dia tena faly tokoa aloha ny tenako fa tsy mba tao anatin’ny toerana misy ny tany hay izany (desert).

Ao amin’ny toerana manakaiky an’I Khobar, ao amin’ny faritanin’ny Arabia Saodita atsinana, dia mandefa sary vitsivitsy i Assad Abu Hussain ary miantso ny mpamaky izy mba hivavaka amin’Andriamanitra hamela heloka sy handatsaka ny orana.

Mbola ao amin’ny faritany atsinanana, mandefa misimisy kokoa ny sarin’ny tafiotra avy eny amin’ny vodilanitry Aswaq City [AR] I Abu Omar ary koa mampitandrina ny mpamaky manao hoe:

Tamin’ny 7 ora maraina, nanomboka niova ny toetr’andro mandrapahatongan’ny vodilanitra hanakaiky ny loko menamena, ary lasa nihanahery ny rivotra. Vetivety avy teo, nihanihena ny fahafaha-mijery lalana ary tsy maintsy nitandrina tsara sy nandeha moramora ny mpitondra fiara. Tadidio ihany koa ny manakatona ny varavarankelin’ny tranonao rehetra ary aza atao ny mamelona ny fitaovana mitsoka rivotra, amin’izay tsy tafiditra ao an-tranonao ireo vovoka.Raha mikisaka mankeny any Riyadh, renivohitry Arabia Saodita, dia hita ihany koa fa mandefa ny sarin’ny tafiotra ary manome antsika fanazavana momba ny karazandrazan’ny tafiotra izay mety ho hitanao eny amin’ny faritry ny tany hain’ny Arabia i Rusha.

Mitsoka eny rehetra eny ny vovoka malefaka, izay miditra avy eny amin’ny makarakaran’ireo varavarankely, ny varavaram-be, avy eny amin’ny fantsona misy ny fampangatsiahana trano, ny fitaovana fitsofan-drivotra. Asa be ny miaina anatin’ny rivotra satria miditra any ampoton-tenda ny vovoka. Tsy hita tsara ny endriky ny vohon-tany sy ny endriky ny rivotra. Miha-mafy ny tonokalo momba an’i shamals, te hikohaka aho.

Raha jerena ny karazan-javatra, tadido ny blaogy nalefako farany mikasika ny fifamoivoizana tao anaty tafio-drivotra miaraka amin’ny rotsak’orana mitsitapitapy? Ity marina ilay antsoina amin’ny fomba ofisialy hoe haboob.

Amira Al Hussaini

Any Arabia Saodita, manoratra Nzingha momba ny havany very asa tao aorian’ny “fikorosoan” ny orinasa iasany. Manazava izy:

Nahita asa tamin’ny volana vitsivitsy lasa teo ny zaobaviko, mananotena ary mitaiza zaza telo. Mandray telefonina amina orinasa mivarotra hetra ho an’ny fiara no asany, hita feno hafaliana tokoa izy amin’izany asany izany ary vola fanampiny ampidiriny ao an-tokantrano. Amin’ny maha-mananotena azy sady efa nanam-bady efa niasa tao amin’ny governemanta dia mandray fanampiana 1500 SR (pension) isam-bolana izy. Mitentina 375 dolara izany ary tsy ampy ny vidin’ny bisikileta izay novidiko akory. Tsy ampy hivelomana ny vola mitentina 1500 SR, indrindra fa manalehibe zaza anankitelo mbola mitombo ianao.

Mariho tsara fa ampiasaiko ny matoanteny amin’ny fotoana lasa mba hanazavako ny vanim-potoana niasany hoe tsy an’asa tokoa izy ankehitriny. Voaroaka izy niaraka tamin’ireo mpiasa hafa tao amin’ny orinasa satria rendrika ny orinasa. Nomena fampilazana roa herin’andro izy ,dia avy eo, izay no izy fa vita. Betsaka ny vehivavy eto amin’izao tontolo izao no mitovy tantara aminy, miasa ianao amin’ny andro iray dia avy eo mahazo filazana fandroahana indrindra rehefa heverinao fa mipaka eran’izao tontolo izao ny olana ara-toekarena. Na dia izany aza, toy ny vehivavy avy any Saodita dia dia voafetra mafy dia mafy ny fahafahany miasa izay hita fa tsy mitovy amin’ireo orinasa maneran’izao tontolo izao ary izany antony izany anefa dia satria vehivavy izy.

Avy amin’ny UAE, manao tamba-zotra mankany amin’ny horonantsary CNN izay miady hevitra momba ny vokatry ny olana ara-toekarena ao Dubai I the Grapeshisha Blog ary manamarika izy fa:

Fa raha miheno tsara ianao, dia midika zavatra ny fihenan’ny mponina 8% - Miha-mihena ny asa… eo amin’ny orinasa sasantsasany.

Miresaka mikasika ny blongana I WebJunky manao hoe:

Maminaviana amim-pahatsoarana aho fa ny tsy fisian’ny asa dia hitombo avo roa heny. Fara fahakeliny eo amin’ny 6 - 12 volana eo ho eo no mitohy milentika I Dubai alohan’ny isian’ny singa enti-milaza ny fiverenan’ny varotra amin’ny laoniny ao amin’ny faritra ankehitriny.

Manome tamba-zotra ao amin’io horonantsary io ihany I Moey, avy any Jordanie izay miasa sy mipetra ao Kuwait ary manontany izy hoe:

Tokony hiandrandra zavatra ao Kuwait ve isika ?

Dia namaly azy ny mpamaky The M Code:

Tsy tokony hiandrandra n’inona n’inona n’aiza n’aiza isika, olana ara-toekarena fahobe io fa ny olona kosa no mijery an’I Dubai hoe voa mafy izy satria jeren-dry zareo fa miakatra izany. Antenaina fa ho tafarina izany indray andro any. Ireo mantsy no rehareha sy fonenana ho an’ny Arabo manerana izao tontolo izao, mirary ny tsara indrindra ho azy ireo aho.

Tao amin’ny UAE community blog dia nisy lehilahy mpivazivazy nanao izao filazana manaraka izao mba:

Hibaboka sy hanamafy ireo mpandraharaha Dubai telo voatokana fa ny toe-draharahan’ny tsena dia tena mari-toetra tokoa ka ny tsaho milaza fa malemy ny toe-karena sy ny fomba fijery malemy dia propagandy fotsiny ihany. Manamafy ny fankasitrahana ireo fahafahana manao zavatra maro ho an’ny Dubai ny mpandraharaha Sinoa, Anglisy ary Indianina raha toa ka ny governemanta atokisana no maniditsidiana tsy afa-maanapaka ny hitandrovana ny fiarovana azy ireo.

Ny vazivazin-teny ao anatin’ity blaogy ity dia tsy ho very ho an’ny mpamaky, izay nandefa ny fanamarihan’izy ireo eto

Lohahevitra ao amin’ity bolongana ity ny fihenan’ny asa ao Dubai, nentin’ny Shamsi ao amin’ny Dubai Metblogs.

Raha misy dikany anarivony ny sary iray, dia io no sarin'i Cece, izay miorina anelanelan'i Bahrain sy Kuwait, nalefany amin’ny bolongana mba hamehy ny fahatsapany mikasika ny fetin’ny mpifankatia (saint Valentin).

na dia tsy irery aza izy amin’ny fanazavana ny fombafomba, izay mbola vaovao tanteraka ho an’ny faritra, ny hafa kosa efa mankalaza.

Milaza I Amal, avy any Bahrain, fa na eo amin’ny tokan-tena na ny efa manana namana dia miseho amin’ny endrika manokana ny andron’ny mpifankatia (Saint Valentin)

“na dia hoe mety hatahotra raozy mena mankandoa sy ny Sōkōla (chocolat) miendrika sary fo mampatahotra aza ny tokantena, Na dia hoe mety ho kamokamo aza ireo manan-tsakaiza, ka na inona na inona aza no maninona, ny fitiavana dia mambambo ny maro foana ary manetsika ny lohaliky ny rehetra hangovitra eto ambonin’ny tany ka mampisavoana ny fontsika ho eny amin’ny hakanton’ny lanitra.”

Tsy misy afaka manala ny fihetsem-po sy ny fitadidiana izay entin’ny fetin’ny mpifankatia , hoy ny mpitoraka blaogy avy any Kuwait antsoina hoe Desert Girl.

“FETIN’NY MPIFANKATIA!!! TIAKO ny fetin’ny mpifankatia. Andro manakaiky ny fotoana naterahako, io no fety ankafiziko indrindra. Tiako ny zavatra rehetra mifandraika amin'ny St Valentin. Tiavo, tiavo, tiavo izany. Zatra ny nahazo fanomezana mahafinaritra sy feno fitiavana aho amin’ny andron’ny mpifankatia. Nieritreritra aho fa efa lasa ireny andro ireny. (sento mavesatra, ontsan’ny fo) Ree-ru (mpifamofo taloha teo amin’ny tantara) no nanome ahy saribakoly “bunny”mahatsikaiky izay mitazona sary fo iray miaraka amin’ny sofina mandroso-mihemotra ary ny orony mihetsiketsika. Tiako ny Bunnies (saribakoly bitro). Mihevitra aho fa io no zavatra tena mahavariana sy mampandefa ny eritreritro lalina; kanefa dia tsotra sady mora be ny vidiny. Hitanao fa izay fotsiny ihany e – Tsara ny mandray zavatra goavana, fa ny zavatra tsotra mandefa ny fisainana lalina no mijanona ao am-ponao sy ny sainao. Tsy firavaka velively, na fiara, na fandehanana an-tany lavitra, na vola…… fa kosa sarin’ny bunny tsisy dikany izay mbola ananako ao amin’ny efitranon’ny rahavaviko ambany rihana no tadidiko foana” hoy izy.

Mbola any Kuwait ihany, fintinin’I Flamingoliya ny fihetsem-pony mikasika ity andro Valentine ity ao anaty andalana iray.

“fetin’ny mpifankatia rahampitso ary tia olona aho. Aza anontaniana aho hoe iza izany. Be dia be izy ireo” hoy izy.

Raha ampitahaina, tsy misy na inona na inona nanainga ny fanahin'i Scarlett mipetraka any Bahrain mandritra ity andron’ny mpifankatia ity.

“mahatsiaro hoe meloka aho tsy mba nahatsapa ny fisehon’ny andro tao am-piasana androany. Miezaka ry zareo ny manao izay mety amin’ny fiankanjoana miloko mena , na fotsy, na mavokely na koa karazan-doko telo miaraka, eny fa na ny eto akaikin’ny toerana ipetrahako aza manao loko volon-tany sy loko mainty.Voninkazo voakarakara aoka izany no tonga mivoy an-kira manantona ireo vehivavy sy ireo vady mendrika na ireo olon-kafa manan-danja eo aminy. Ny anankiray tamin’izany dia tranom-borona misy boloky kely anankiroa voarakotra raozy mena midorehitra. (ilay tranom-borona izany fa tsy ny vorona akory)
Ny tranom-borona sy ny fomba fiankanjon’ilay tovovavy no tena nanaitra ahy. Eny, izany sy izany ary ny fanontanian’ny olona tsy mijanona milaza hoe inona no tsy metimety aminao, hita fa vizana tokoa ianao/ohatry ny vao avy nitomany – Kanefa tsy avy nitomany izany akory aho (tafalatsaka tao anaty fihetseham-po lalina fa tsy hoe tsy fahampiana torimaso izany, eeee, mbola !). Azoko ny tiany ho tenenina “ajanony any rangaha ah”, avy eo nivavaka aho mba tsy nahavoaray ilay fantsona kelin’ny lokomenan’I Channel izay avy tao anatin’ny kitapoko misy ireo fitaovana enti-miaingo..
Soa ihany fa tsy voaraiko. Rehefa afaka teo anatrehan’ireto vehivavy aho dia nandeha nampiasa moramora ny lokomenako……..noho izany dia nipetraka sady nandoko ny molotro teo no nataoko”, hoy izy nanazava .

Etsy andaniny, mihevitra ny Black Iris avy any Jordan fa tsy hanao blaogy momba ny St Valentin mandritra ny andron’ny mpifankatia hono izy.

Hentitra ny filazany fa tsy hitoraka blaogy izy amin’io andron’ny mpifankatia io:

…..Ny lohahevitra ankapobeny indrindra:….Fitiavana sa ny tsy fahampian’izany ao anatiny….Ahoana moa, andro iray voamarika hisintonana ny vola avy ao am-paosy anie io e….Ahoana moa fa mariky ny fanandevozana ara-kolotoralin’ny Proche Orient io. Ahoana fa faneva mitaratra ny fikorosoan’ny fiainana ara-tsosialy izay mitarika indrindra ny fianjerantsika mahakasika ny fivoharan’ny fiainana ara-tsosialy izy io.
Mandritra ny andron’ny mpifankatia dia tsia, tsia, tsy hitoraka blaogy momba izany aho….Ny fitrangan-javatra mampalahelo mampiseho olona mividy saribakoly orsa Teddy eny amin’ny Safeway…..Tsy halefako blaogy izany mandritra ny andron’ny Valentine… Ny Fatwa….tonon-kalom-pitiavana avy amin’ny mailaka mivohy ny fitiavana… na koa mailaka nalefa miaraka amin’ny sarin’alika kely mahafatifaty sy ireo sarin-tsakakely anaty harona…. sy ireo taratasim-pitiavana ankapobeny izay mameno ny boatin-kafatro.
Andraso. Aoka . Ajanony.
Tsy hitoraka blaogy aho amin’ny fetin’ny mpifankatia.

Ho an’ny Angilisy iray ao Arabia Saodita, mbola fankalazana ara-barotra iray hafa ny fetin’ny mpifankatia

Manelingelina kely ahy ny fivandravandran'ny mahafetim-barotra ny andron’ny mpifankatia. Tsara raha toka-tena sy manana olona manokana hitopaza-maso ianao, fa raha ohatra ka manambady aho, ahoana aho no tsy maintsy hividy raozy sy karatra kely ho an’ny vadiko amin’io andro iray amin’io taona io? Tsy misy dikany firy ve izany raha toa ka mividy izany ho azy amin’ny fotoana izay mampanembona anao ianao? Mahatonga ho poakaty ny fisainana raha ity fitakian’ny fiaraha-monina ity.
Nefa… efa nivady izahay nandritra taona maro ary noho ny fomba eto an-toerana dia ity ny andro voalohany tsy nahafahanay nividy karatra hifandefasana St Valentin ho anay. Tsy afaka manao izany aho amin’izao fotoana izao, dia manontany tena aho hoe fa maninona. Fantatro fa tsy ara-pivavahana fa kosa fanoherana ny hery tandrefana?
Ankoatra izany, tsy mampiraika ahy akory ny tsy fisian’ny hetsika momba ny fetin’ny mpifankatia eto Arabia Saodita. Toa nanainga fanahy ahy aza izany.
Aleo adinoina ny “Arahaba tratry ny andron’ny mpifankatia”
Ho solon’izany kosa dia aleo isika haneho hoe “ Mifalifalia fa Mitia Ianao”
Ary raha toa ka tsy nanam-bitana ianao amin’io fotoana io?
“Mifalifalia fa maniry ny hitia ianao”, hoy ny sorany.

Mbola any Arabia Saodita ihany, Nanao lisitry ny manohitra sy manohana ny ho tokatena na ho olon-droa ny dykalicious mandritra ny ity andro manokana ity. (Tandremo : ny vehivavy mihoatra ny 18 taona sy 25 taona kosa raha lehilahy ihany no mahazo mamaky azy!)

Tsy mino aho fa ny fitiavana dia tsy maintsy ilaina borahana ao am-po amin’ny andro tokana, kanefa ny andron’ny mpifankatia dia manana zavatra tsara vitsivitsy ao anatiny raha ohatra ka misy olona miaraka aminao:

1. Fanonomezana avy amin’ny olon-tianao.
2. Fihetsika saiky tonga lafatra asehon’ny olon-tianao
3. Entina matetika any amin'ny toerana mahafinaritra ianao
4. Manome toky sy manantena filana ara-nofo

HItanao, tahaka ny tsingerin-taona nahaterahanao io. Eny fa na dia tsy dia hita aza ny vesa-danjany, dia fantatrao foana fa handray ny fanomezana sy ny mofomamy ianao! Afatsy hoe angaha ireo olona izay tsy manana namana mba hanomana fety kely ho azy ireo. Na koa ho an’ireo olona efa maty.

KANEFA, ahoana ny momba ny olona tokatena?

1. Miala tsiny tsy handeha hifamotoana amin'ny tokatena hafa.
2. Miala tsiny fa mbola misyatao amin'ny alina
3. Manaiky ny hahantra sy mamendrofendro tena rehefa tsy misy olona mivazavaza aminao hoe “ATAOVY IZAY METY”
4. Miala sirika amin'ny fanairantena ihany (masturbation)! ( raha mitady fialantsiny ianao dia izay no izy ry tompokolahy sy tompokovavy, avoahay ny fitaova-mangovitrareo (vibrators)),” hoy izy

Tany Libanona, malomaloka ny andro. Tsy andro fankalazana intsony ny andron’ny mpifankatia. Maty nisy namono tao anaty fipoahana baomba mavesatra tao an-drenivohitra Beirota ny filoha Libaney teo aloha Rafiq Al Hariri izay nitranga tamin’ity andro ity efa roa taona lasa izao.

Fa ivelan'izany ora manjombon'ny politika sy ny eritreritra kivy izany , no nitoraka blaogy misy horonantsarina raozy I Sasmen, teny mamy sy hira manamarika ny vanim-potaoana eto.
Midika ve ireto hevitra ireto fa hisy ny fanantenana hoe mety handresy ao Proche Orient ny fitiavana. Mambambo ny rehetra ny fitiavana, sa tsy izany ve?

Any am-ponjan'i Riyadh ampangaina ho mitsikilo eto amin'ny Fitondram-panjaka ankehitriny ny mpandamina fandaharana serasera (internet) sy haitao 27 taona Youssef Al Ashmawy.

Manoratra i Zeinobia:

Saudi Arabia is detaining Egyptian Internet activist Youssef Al Ashamawy. Youssef is being accused of spying on the kingdom for the Egyptian intelligence!! Youssef is detained or in fact is in jail since last August 2008 !!?? He was forced to sign confession with the above-mentioned accusation. He worked for an IT company that installed some systems for the Saudi Intelligence.

Mieritreritra izy

Why would Egypt spy on Saudi Arabia ?? Are not we best buddies ?? Are not we the good Sunni axis that stands against the Shiite axis of Evil !!?? I do not know if Mubarak will interfere this time but I do not have high hope. Youssef has been detained since last August and Mubarak did nothing for the two doctors (who were sentenced to 1500 backlash each and prison time); in fact he visited the Kingdom and returned back without referring to them. Of course the Egyptian intelligence won’t comment or issue any press statement that denies or confirms the allegations of Saudi Arabia. They have not already issued a statement concerning Ashraf Marwan up till this moment for the record. Till now the human rights organizations in Egypt are following the matter.

From the political view I think this is an official step back in our relations with Saudi Arabia. Why now did the Kingdom announce the charge of Youssef after 4 months of his arrest ?? You do not accuse a citizen of another country of spying and expect that your relations with it will be fine. This is not the Yemeni case I am afraid for it involves one of our citizens whom I do not know what he is going to face from punishment this time.

Of course our official newspapers ignored the whole incident. They have not received the permission.

Misy Ejipsiana nilaza ny heviny tamin'ity toe-draharaha iray ity tamin'ny teny arabo sy teny anglisy nanao hoe:

يوسف العشماوى ولد كان مهندس برمجيات فى شركة فى السعودية و محبوس حاليا عشان متهم بالتخابر لحساب مصر
اللى فهمته من اللى قريته عنه انه راح يشتغل فى شركة من الشركات اللى بتمول المخابرات السعودية يعني فى عالم المخابرات الاجهزة مش بتصرف من خزينة الدولة على اد مابتصرف من ارباح مشاريع هى عاملاها حاجة كده زي الصدقة الجارية بس اللى بيستفيد هنا الجهاز
المهم واضح انه ضميره تعبه او لقى حاجة هاتضر مصر فقال لا مش لاعب فطبعا لبسوه موضوع العمالة ده
اللى عاوز اقوله ان دى اخرة اى انسان يتنازل عن كرامته لاجنبي لمجرد انه مشترك معاه فى الدين اهم قلبوا عليه و رموه فى السجن و من زمان معروف ان السعوديين بيكرهوا مصر و ابقوا قابلوني ان اهله شافوه تاني

Any am-ponja Saodiana, ampangaina ho mitsikilo ho amin'ny tombotsoan'i Ejipta, ilay mpandamina fandaharana Youssef Al Ashmawy.
Ny vinavinako avy amin'ny zavatra novakiako momba azy dia ny fiasàny tao amina orinasa saodiana nanangana ny sampam-pitsikilovana saodiana satria eo amin'ny tontolon'ny fananganana sampam-pitsikilovana dia miankina amin'ny asan'olo-tsotra izy ireny, izany hoe miasa ho an'ny sampam-pitsikilovana Saodiana izy izany indrindra fa eo amin'ny sehatry ny haitao sy ny serasera saingy toa te-hijanona amin'ilay asany noho ny antony tsy fantatra izy ka nahatezitra ny mpampiasa azy ka nanapahana ny hevitra hampidirana azy am-ponja sy iampangana azy ho mitsikilo ho an'ny Ejipsiana.
Ny zavatra tiako lazaina dia izao no vokatry ny nivarotana ny trano (tanindrazana?) noho ny finoana, ankehitriny dia lasa tsy mimpody intsony ilay zalahy satria tsy miraharaha Ejipsiana na oviana na oviana ny Saodiana