The Global Voices Lingua project hopes to bring GV content to new linguistic audiences - Details

Also in:

Middle East & North Africa Sokajy ara-toerana

RSS ho an ny Middle East & North Africa

2008-08-12

Tany Arabo:Vehivavy, tokantena, handao ny akany?

Mpandika avylavitra · 7:30 pm · Egypt · Jordan · Saudi Arabia

Ho an'ny ankamaroan'ireo vehivavy tokantena arabo, ny hiaina sy hiasa na handranto fianarana lavitry ny fianakaviana dia safidy tsy mora atao, noho ny tahotra ny hoe “Dia inona no ho lazain'ny olona”. Manerana ny tontolo arabo, vehivavy mpitoraka blaogy maro no efa naneho ny ahiahiny mikasika ny olana sedrain'ireo vehivavy ... 0 hevitra · Tohiny »

Israel,
Jordan

Voarara any Isiraely ny andiamboky voadika amin'ny teny arabo Harry Potter, hoy i The Black Iris, avy any  Joridania. Araka ny loharanombaovao dia nankinina tamin'ny didy hitsivolana nivoaka tamin'ny taona 1939 - raha mbola tao ambany fitondran'ny Angilisy ny faritra - izay mandrara ny fanafarana ny boky avy any amin'ny firenena miady amin'Isiraely.

Iran

Kamangir no mitatitra fa nalahelo (tezitra) tamin'ny ekipan'i Iran ny Mpitarika Vavaka isan-Joma tao amin'ny tanànan'ny mpivavaka ao Mashhad, dia ny Ayatollah Seyed Ahmad Alam Alhoda, satria vehivavy no nitarika azy ireo tamin'ny lanonam-panokafana ny lalao olaimpika.

2008-08-11

Libanona: Doro ala sy fiakaran'ny maripàna

Mpandika avylavitra · 5:47 pm · Lebanon

Efa an-taonany maro izao no ahitana doro ala isaky ny lohataona amin’ireo hany sisa mba faritra voajanahary Libaney. Ary isan-taona, lalaovina hatrany ny fifanilihana: ireo antoko sy mpanao pôlitika dia mifanilika hatrany ho tsy nisy fiomanana momba izany ary tonga hatrany amin'ny fifampiampangana ho nanao fanahy niniana ny fandorana.Raha izany, ... 0 hevitra · Tohiny »

2008-08-07

Turkey

Tsy voasokatra hatrany Torikia hatramin'ny faharoa aogositra 2008 lasa teo ilay tranonkala fifampizarandahatsary Firantsay Dailymotion.com. Tsy misy fanazavana ny antony nanakanana ny tranonkala  hoy i Erkan Saka, mpamaham-bolongana mipetraka any Istanboul.

2008-08-03

Arabia Saodita:Ny fisaraham-panambadiana, teny tsy misy dikany ve?

Mpandika avylavitra · 6:12 am · Saudi Arabia

“Dia ho lasa teny maivana (tsy misy dikany) ve ny fisaraham-panambadiana?” hoy ny fanontanian’i 3abira Sabbel, vehivavy saodianina mpitoraka blaogy [amin’ny teny arabo], ao anatin’ny hafatra iray mandalina ny fahasamihafàn’ny vehivavy ankehitriny sy ny reniben’izy ireny, ary ny antony mahatonga ny tanora lahy sy vavy hieritreritra fa zava-mora ny ... 0 hevitra · Tohiny »

2008-08-02

Israel

Avy any Isiraely, Not a Fish (tsy trondro) no nanoratra ny fianarana momba ny lalàm-pifamoivoizana ho an'ny mponina tsy jiosy any Isiraely - ary ny tanjona amin'izany dia ny hampihenana lozam-pifamoivoizana. Mpitondra fivavahana 250 no nanatrika nandritra ny indray andro ny lesona momba ny fiarovana ny ankizy,  fisorohana ny loza ary ny finoana silamo momba ny anjara izay mifanohitra amin'ny andraikitry ny tsirairay. Hatramin'ny voalohan'ny taona manko dia Arabo 86 amin'ny fitambarany 244 no matin'ny lozam-pifamoivoizana.

2008-07-31

Iran : Nifarana tany amonja ny diam-panoherana nataona mpitondra fivavahana

Mpandika Jentilisa · 9:28 pm · Iran

Tohiny Mpitondra fivavahana Iraniana antsoina hoe Ali Reza Jahanshahi no nosamborina tapabolana lasa izay, rehefa nanomboka ny diam-panoherana 960 kilometatra (590 maily) avy any an-tanna atsimon’i Iran Sirjan ho any Teheran. Notoherin’ilay mpitondra fivavahana manko ny kolikolim-pakana tany tao Sirjan ary nitarainany ny fitondrana mahefa ho tsy miraika loatra amin’ity raharaha ity. Nosamborina i Jahnashahi raha vao nahavita 30 kilometatra akaikin’ny tanànan’i Abadeh. 0 hevitra · Tohiny »

Israel,
Lebanon,
Syria

“Firifiry ny isan'ny misolelaka any amin'ny fitondrana Siriana (manohitra an'Isiraely) mandritra ny herinandro? Ny valiny: feno. Koa miangavy re: teneno ny fitondrana Siriana tsy hiteny amin'ny anaran'ny Arabo manontolo raha mampanantena fandriampahalemana sy mandrindra fihavanana amin'Isiraely izy. Ary tsarovy ihany koa fa efa nampanantena toy izany i Sadat (filoha eziptiana taloha nisy namono) tamin'ny androny,” hoy ilay Libaney Dr As'ad Abu Khalil ao amin'ny The Angry Arab News Service.

Lebanon,
Palestine

“Mahomby amin'ny ady atao amin'Isiraely ny Hezbollah fa mandamoka kosa amin'ny tolona ifanandrinany amin'ny mpifaninana aminy ao an-tanindrazany. Ny Hamas indray tsy mahovoka amin'ny ady ifanaovany amin'Isiraely fa mandravarava kosa rehefa miady amin'ny mpiray tanindrazana mifaninana aminy,” hoy ny fanamarihan'ny The Angry Arab News Service.