I Muscat Confidential mpitoraka blaogy mpandranitra [amin’ny teny anglisy] dia nandefa hafatra vao tsy ela akory mikasika ny fomba hiraisana ara-nofo ao Muscat [how to have sex in Muscat]. Toa mitàna ny loha-laharana raha ny valin’ny fitadiavana amin’ny alalàn’ny teny momba ny ‘firaisana ara-nofo’ ny blaoginy, ary vakiako toy izao :

Fantatrareo tsara, betsaka ny fitsidihan’ireo lehilahy (eritreritro io) avy eto Oman ao amin’ny blaogiko mba hitady tovovavy avy any Filipina, tovovavin’i Muscat, ahoana no ahazoana tovovavy any Muscat, firaisana ara-nofo any Muscat, amin’ireo tovovavy avy any Oman, mpivaro-tena any Muscat, ireo homosexuels (mitovy nefa mifanambady) any Muscat, sns… Mazava be fa ny resaka firaisana ara-nofo, toy ny any amin’ireo tany hafa eran’izao tontolo izao, dia ao an-tsain’ny betsaka amin’ireo mponina ao Muscat. Tsy azo lavina!

Vadina mpiasa avy any ivelany i Angry in Oman ary tsy tia na ny mpiara-miasa aminy na ny olona eny an-dalàm-be, ary angamba aza dia ny monina eto Oman mihitsy. Ny olona sasany dia miteny aminy fa vanim-potoana mandalo ihany izao, fa ho tiany ihany io avy eo, fa mandra-pahatongan’izay dia mitohy aloha ny hirifiry. Inty ny andalan-dahatsoratra voalohany nosoratany momba ireo sorisorim-piainana niainany faramparany teo [amin’ny teny anglisy]:

Isak’izay mba misaina aho fa tsy dia hitohy ho ratsy foana akory ny zavatra rehetra, dia miharatsy hatrany izany.
Tratry ny areti-nify mafy aho izao ary manaintaina ahy mafy ny ilan-tavako havanana, nefa omaly alina dia nandalo tatay amin’ny birao ny mpamilin’ny vadin’ny lehibeko ary lasa niaraka amin’ny fanalahidy rehetran’ny fiara

Omaly, nilaza tamin’ny tompon’andraikitra fahatelo ato amin’ny toeram-piasana aho fa MILA mandalo any amin’ny banky androany mba haka vola amin’ny seky ka mety ho tara kely vao miditra birao. Tsy dia nanisy olana tamin’izany izy rehefa tonga aho ka nilaza taminy fa naka fotana tamin’ny mpitsabo nify ho amin’ny Alakamisy.

I Leo Americanus dia mihevitra [amin’ny teny anglisy] fa misy tsy dia mandeha ilàlana loatra ny fomba fihevitra ny vehivavy ao amin’ny kolontsaina arabo. Nanaitra azy ireo fanambaràn’ny fianakavian’i Suzanne Tamim, ilay vehivavy mpihira avy any Libanona nisy naomo vao tsy ela akory izay :

Raha maneranan ny tany, be ireo mpanefoefo no tsy mitsahatra manararaotra ireo vehivavy mpihira, tsy haiko ny tsy hilaza fa ireo lehilahy manana ny fahefana eto Moyen Orient dia maneho tsy firaharahana ihany koa. Ny tantara “The Yacoubian Building” (Ny trano Yacoubian) nosoratan’ilay mpanoratra Alaa al-Aswani dia maneho sary mampivandravandra tsara ity karazana lehilahy ity any Ezypta. Ny tena loza dia misy toe-tsaina manome vahana ny fitohizan’ity zavatra tahaka izany tsy hitsahatra.

I Suburban, vehivavy fanta-daza amin’ny fitorahana blaogy [amin’ny teny anglisy] dia mibanjina ny toetoetry ny supermarché Lulu [amin’ny teny anglisy] (nantsoiny mihitsy hoe ‘Zoo-Lu') nadnritry ny Ramadany. Nankasitrahany amin’ny ankapobeny ilay izy noho ny hamoram-bidy, fa nisy ihany ny zavatra hafa nanadala ny sainy. Toy ity iray ity:

Kalesy maromaro (irony fitondran’ny mpividy entana irony) mikivilavila. Lazaiko marina aminao fa tsy nahita mihitsy aho na dia kalesy iray aza mba nandeha mahitsy tsara. Somary fonentana aho, ka rehefa feno ilay zavatra dia toy irony mahery fo mpilalao sarimihetsika mampihomehy mitafy jeans irony aho: ny tongotra mikorisa amin’ny lino, ny vatana mihilana 45 degire, sady mezaka hatrany mitady làlana eny antsefantsefan’ireo talantalana fivarotana vokatra azo avy amin’ny ronono.

Sarin'ny hatebook.com nindramina tamin'ny Sleepless in Muscat.

Tonizìa :

Ny blaogy Subzeroblue avy any Tonizìa dia manazava izay fampiasana ny Hatebook.org :

Facebook and all those social networking sites out there not really your kind of thing?
You'd rather be left alone?
You feel you have more people that you hate than people you like?
Then Hatebook is the site for you…
The first anti-social networking site, where you can connect with the people you hate…

Tsy dia tena sitrakao ve ny Facebook sy ireo vohikala izay mampifandray indray ireo namana tafasaraka ?
Aleonao tsy misy mpanelingelina ?
Heverinao fa maro kokoa ireo olona ankahalainao noho ireo sitrakao ?
Dia tena natao ho anao izany ny vohikala Hatebook …
Ny vohikala voalohany izay ahafahanao mifandray amin'izay olona ankahalainao …

Azavain'i Suzeroblue ny fampiasana azy :

Upload blackmail material or publish lies, get the latest gossip from your enemies and friends, post photos and videos on your hate profile, tag your friends, get hate points from disturbing people who live, study, or work around you, simply take over the world…

Hatebook looks and functions a lot like Facebook, except in a more devilish way. The color is a more aggressive red, user profiles include a section called “Why I'm Better Than You!”, and instead of Photo Albums you create “Hate Albums” consisting of photos and descriptions of people/things you hate.

Adikao izay imailaka fandrahonana na mandefasa lainga, aparitaho izay honohono farany mikasika ny fahavalonao sy ny namanao, mametraha sary sy sarimihetsika handravaka ny pejim-pankahalanao, ampandreneso ireo namanao, manangona isam-pankahalana amin'ny alalan'ny fanelingelenana ireo olona miaina, na mianatra, na miasa manodidina anao, rombahy izao tontolo izao …

Na amin'ny endrika na amin'ny fomba fampiasa dia sahala ihany ny Hatebook sy Facebook, saingy amin'ny fomba « ratsy » hoan'ny Hatebook. Mena midorehitra sady mandratra-maso ny lokony, ary ny pejin'ny tompony dia misy fanontaniana angataham-baliny « Nahoana no tsara noho ianao aho » ary asolo ny tahirintsary dia afaka manokatra « tahirintsarim-pankahalana » izay ahitana ireo sary sy fanazavana izay olona/zavatra ankahalainao.

Omana :

Etsy ankilany ny blaogy Sleepless in Muscat monina any Omana dia nahatsikaritra vohikala Hatebook [.com] hafa. Hoy izy :

This is so funny.

I was just browsing the BBC world service site and found this by coincidence.

Apparently, someone has invested the popularity of the famous facebook service that has been recently acquired by Google and launched something similar only quite the opposite in purpose: Hatebook.com.

Tena mampihomehy.

Teo am-pamakiana ny vohikalan'ny BBC iraisam-pirenena aho dia kisendrasendra fotsiny no nahitako ity vohikala ity.

Araka ny fahitako azy, misy olona nanararaotra ny lazan'ny vohikala Facebook mba hamoronana ny mifanohitra aminy : Hatebook.com.

Dia hiafara amin'ny lazan'ny Facebook eo anivon'ny mpampiasa aterineto any amin'ny faritra « Moyen-Orient » ve ireo Hatebooks ?
Ny hoavy ihany no afaka hanambara izany.

Amira Al Hussaini