Sarina mofomamy kely knafeh cupcake avy amin'i  Frankom, cupcake avy amin'i Glaze (Kuwait)

“Eny, Miresaka momba ny mofomamy kely cupcake isika” no lohateny nentin'ny New York Times amin'ity herinandro ity.  Ny lahatsoratra miaraka aminy dia manamarika ny fitombon'ny lazan'ny fivarotana mofomamy kely  manerana ny  faritra Afovoany Atsinanana iny, nanendrena ny an'i Sugar Daddy ho fivarotana mofomamy kely malaza ao Amman , miaraka amin'ny fitondrana mofomamy kely hanana ny lazany tao amin'ny faritra (efa niparitaka tonga any Dubai sy i Beyrouth koa izao ny toeram-pivarotana ) ary manomboka ny fivoaran'ny mofomamy kely.

Tsy ny New York Times irery ihany no nanomboka niresaka momba ny mofomamy kely cupcake tato ho ato.  Nahita fahazarana amin'ny fanaovana azy ho tsindrin-tsakafo ihany koa ny mpampiasa bilaogy any amin'ny faritra Afovoany Atsinanana sy ny ivelan'izany.  Frankom, mpampiasa blaogy Kuwaiti dia nanoratra hoe niangaviana izy hanandrana ny mofomamy kely cupcake avy eo an-toerana mifototra amin'ny tsindrin-tsakafo araky ny fomban-drazana, ireto misy vitsivitsy [ar]:

Kunafa eo ambony mofomamy kely cupcake avy amin'ny fetam-boanjo

Baqlawa eo ambony mofomamy kely cupcake avy amin'ny walnut [FM: toy voa-na mahabibo angamba izy ity]

Rahash mofomamy kely cupcake voasesika  rahash

Halwa mofomamy kely cupcake voasesika halwa

Zalabya miaraka amin'ny mofomamy kely misy tamotamo

Ilay Jordaniana And Far Away, nanamarika eo amin'ny lahatsoratr'i Frankom,  maneho ny fahasahiranan-tsainy  mieritreritra ny mofomamy kely cupcake knafeh,  milaza hoe:

Izao mihitsy no tena atao hoe famoronana. Tsy azoko antoka hoe nampanao azy ireo aho raha ka tany Jordana, mifanohitra kely amin'ny maha-Nabelsi ahy ny hevitra hanao knafeh teo ambonin'ny mofomamy kely, nefa tsy vitako ny tsy hankasitraka ilay hevitra.

Manolotra sary  karazana mofomamy kely cupcake naroso tany Koweit ny Cupcake-themed blog Cupcake Take the Cake [Nohitsahan'ny Cupcake ny Cake].

“mofomamy natao hoan'ny Ramadany any Dubai; sary avy amin'ny Cupcakes Take the Cake, mofomamy avy amin'i Sugar Daddy

Ndeha ho any amin'ny Firenena mitambatr'i Emira Arabo, toerana nahazoan'ny mofomamy Cupcake tsena. Nanoratra momba an'ireo fivarotana maromaro ireo i Cupcakes Take the Cake. Raha mijery ny an'i Sugar Daddy any Dubai,  mizara mailaka nalefan'ny lehiben'ny mpivaro-mofo amintsika ilay mpitoraka blaogy, izay manolotra ny iray amin'ireo mofomamy kely cupcake nataon'ny toeram-pivarotana hoan'ny Ramadany fotsiny:

daty mahajamba: Nametraka ny fomban-drazana fa nihinana daty ny mpaminany Mohammad tamin'ny famaranany ny fifadian-kaniny, ary dia eo lalandava ilay voankazo mandritry ny fialan-tsasatra. Tonga niaraka tamina spaonjy feno zava-manitra izahay izay nampangantsiahina tamin'ny kirema manitra kanely sy nasiana tsongona kafe kely.

Nefa koa, nanoratra i Mahryska, mponina hafa avy ao Dubai, momba ny toeram-pivarotana mofomamy kely cupcake tiany indrindra, ny Kitsch:

nankeny aho tamin'izay andro izay ary naka kafe sy mofomamy kely cupcake izay tena tsara jerena tokoa, eny e, tena tsara ilay izy!

♥ ♥ ♥ Fo 3 ho an'ny mofomamy kely cupcake nataon'i kitsch noho ny nanokafan-dry zareo toeram-pivarotana!

Ny The Haouse of Cakes no nanao ity cupcake 500 isa ity ho  fankalazana ny  androm-pirenena faha-37 ho an'ny UAE

Fivarotana iray hafa ao  Dubai, Ny tranon'ny mofomamy [The House of Cakes], manana ny blaoginy manokana  izarany ny sary tsy misy kianina -na mofomamy kely cupcake 500 amin'ny endrika sainam-pirenen'ny Emirats (jereo ny sary eo an-kavia).

Any Bahraina ny fijanonana farany amin'ity fihodinantsika indray mielatra momba ny mofomamy kely cupcake any amin'ny faritra ‘Afovoany Atsinana ity, toerana izay ampiasàan'ireo mpivarotra cupcake ny media vaovao mba hanapariahana ny feo [dokam-barotra].  Cupcakes Bahrain dia mitoraka blaogy eo amin'ny  kianja malalaky ny mpampiasa blaogy hizarana ny sarin'ireo mofomamy keliny sy ny tsara ho fantatra momba ny toeram-pivarotany, raha toa ka  manana toerana eo amin'ny Twitter sy Facebook kosa ny Clever Cupcakes hizarany ny fanazavana momba ny vokany toy izao:

clever cupcakes  ihany no arosoanay! Mofomamy kely izay tsy ho adinonao mihitsy ..

Ataovy talanjona ny vahininao sy ny olon-tianao amin'ny alalan'ny fanafaranao ny clever cupcakes-nao.

Syrian flag cupcakes by Canadian bakery cococakes

Ho faranantsika  miaraka amin'ireto teny avy amin'i Jad Aoun, mpitoraka blaogy Libaney, izay nanamarika fa  ny fandrakofam-baovaon'ny New York Times dia sady miresaka ny fivarotana mofomamy kely cupcakes  Arabo sy Israeliana sy ny sisa, sady nananihany:

Sao dia mba fotoana hihavanantsika rehetra izao manodidina ny mofomamy kely cupcakes misy frezy. Tsy te horosoana hommou na falafels isika izao, sa tsy izany?

mofomamy kely cupcakes Siriana (ary sary) avy amin'i cococakes

Raha misy dikany anarivony ny sary iray, dia io no sarin'i Cece, izay miorina anelanelan'i Bahrain sy Kuwait, nalefany amin’ny bolongana mba hamehy ny fahatsapany mikasika ny fetin’ny mpifankatia (saint Valentin).

na dia tsy irery aza izy amin’ny fanazavana ny fombafomba, izay mbola vaovao tanteraka ho an’ny faritra, ny hafa kosa efa mankalaza.

Milaza I Amal, avy any Bahrain, fa na eo amin’ny tokan-tena na ny efa manana namana dia miseho amin’ny endrika manokana ny andron’ny mpifankatia (Saint Valentin)

“na dia hoe mety hatahotra raozy mena mankandoa sy ny Sōkōla (chocolat) miendrika sary fo mampatahotra aza ny tokantena, Na dia hoe mety ho kamokamo aza ireo manan-tsakaiza, ka na inona na inona aza no maninona, ny fitiavana dia mambambo ny maro foana ary manetsika ny lohaliky ny rehetra hangovitra eto ambonin’ny tany ka mampisavoana ny fontsika ho eny amin’ny hakanton’ny lanitra.”

Tsy misy afaka manala ny fihetsem-po sy ny fitadidiana izay entin’ny fetin’ny mpifankatia , hoy ny mpitoraka blaogy avy any Kuwait antsoina hoe Desert Girl.

“FETIN’NY MPIFANKATIA!!! TIAKO ny fetin’ny mpifankatia. Andro manakaiky ny fotoana naterahako, io no fety ankafiziko indrindra. Tiako ny zavatra rehetra mifandraika amin'ny St Valentin. Tiavo, tiavo, tiavo izany. Zatra ny nahazo fanomezana mahafinaritra sy feno fitiavana aho amin’ny andron’ny mpifankatia. Nieritreritra aho fa efa lasa ireny andro ireny. (sento mavesatra, ontsan’ny fo) Ree-ru (mpifamofo taloha teo amin’ny tantara) no nanome ahy saribakoly “bunny”mahatsikaiky izay mitazona sary fo iray miaraka amin’ny sofina mandroso-mihemotra ary ny orony mihetsiketsika. Tiako ny Bunnies (saribakoly bitro). Mihevitra aho fa io no zavatra tena mahavariana sy mampandefa ny eritreritro lalina; kanefa dia tsotra sady mora be ny vidiny. Hitanao fa izay fotsiny ihany e – Tsara ny mandray zavatra goavana, fa ny zavatra tsotra mandefa ny fisainana lalina no mijanona ao am-ponao sy ny sainao. Tsy firavaka velively, na fiara, na fandehanana an-tany lavitra, na vola…… fa kosa sarin’ny bunny tsisy dikany izay mbola ananako ao amin’ny efitranon’ny rahavaviko ambany rihana no tadidiko foana” hoy izy.

Mbola any Kuwait ihany, fintinin’I Flamingoliya ny fihetsem-pony mikasika ity andro Valentine ity ao anaty andalana iray.

“fetin’ny mpifankatia rahampitso ary tia olona aho. Aza anontaniana aho hoe iza izany. Be dia be izy ireo” hoy izy.

Raha ampitahaina, tsy misy na inona na inona nanainga ny fanahin'i Scarlett mipetraka any Bahrain mandritra ity andron’ny mpifankatia ity.

“mahatsiaro hoe meloka aho tsy mba nahatsapa ny fisehon’ny andro tao am-piasana androany. Miezaka ry zareo ny manao izay mety amin’ny fiankanjoana miloko mena , na fotsy, na mavokely na koa karazan-doko telo miaraka, eny fa na ny eto akaikin’ny toerana ipetrahako aza manao loko volon-tany sy loko mainty.Voninkazo voakarakara aoka izany no tonga mivoy an-kira manantona ireo vehivavy sy ireo vady mendrika na ireo olon-kafa manan-danja eo aminy. Ny anankiray tamin’izany dia tranom-borona misy boloky kely anankiroa voarakotra raozy mena midorehitra. (ilay tranom-borona izany fa tsy ny vorona akory)
Ny tranom-borona sy ny fomba fiankanjon’ilay tovovavy no tena nanaitra ahy. Eny, izany sy izany ary ny fanontanian’ny olona tsy mijanona milaza hoe inona no tsy metimety aminao, hita fa vizana tokoa ianao/ohatry ny vao avy nitomany – Kanefa tsy avy nitomany izany akory aho (tafalatsaka tao anaty fihetseham-po lalina fa tsy hoe tsy fahampiana torimaso izany, eeee, mbola !). Azoko ny tiany ho tenenina “ajanony any rangaha ah”, avy eo nivavaka aho mba tsy nahavoaray ilay fantsona kelin’ny lokomenan’I Channel izay avy tao anatin’ny kitapoko misy ireo fitaovana enti-miaingo..
Soa ihany fa tsy voaraiko. Rehefa afaka teo anatrehan’ireto vehivavy aho dia nandeha nampiasa moramora ny lokomenako……..noho izany dia nipetraka sady nandoko ny molotro teo no nataoko”, hoy izy nanazava .

Etsy andaniny, mihevitra ny Black Iris avy any Jordan fa tsy hanao blaogy momba ny St Valentin mandritra ny andron’ny mpifankatia hono izy.

Hentitra ny filazany fa tsy hitoraka blaogy izy amin’io andron’ny mpifankatia io:

…..Ny lohahevitra ankapobeny indrindra:….Fitiavana sa ny tsy fahampian’izany ao anatiny….Ahoana moa, andro iray voamarika hisintonana ny vola avy ao am-paosy anie io e….Ahoana moa fa mariky ny fanandevozana ara-kolotoralin’ny Proche Orient io. Ahoana fa faneva mitaratra ny fikorosoan’ny fiainana ara-tsosialy izay mitarika indrindra ny fianjerantsika mahakasika ny fivoharan’ny fiainana ara-tsosialy izy io.
Mandritra ny andron’ny mpifankatia dia tsia, tsia, tsy hitoraka blaogy momba izany aho….Ny fitrangan-javatra mampalahelo mampiseho olona mividy saribakoly orsa Teddy eny amin’ny Safeway…..Tsy halefako blaogy izany mandritra ny andron’ny Valentine… Ny Fatwa….tonon-kalom-pitiavana avy amin’ny mailaka mivohy ny fitiavana… na koa mailaka nalefa miaraka amin’ny sarin’alika kely mahafatifaty sy ireo sarin-tsakakely anaty harona…. sy ireo taratasim-pitiavana ankapobeny izay mameno ny boatin-kafatro.
Andraso. Aoka . Ajanony.
Tsy hitoraka blaogy aho amin’ny fetin’ny mpifankatia.

Ho an’ny Angilisy iray ao Arabia Saodita, mbola fankalazana ara-barotra iray hafa ny fetin’ny mpifankatia

Manelingelina kely ahy ny fivandravandran'ny mahafetim-barotra ny andron’ny mpifankatia. Tsara raha toka-tena sy manana olona manokana hitopaza-maso ianao, fa raha ohatra ka manambady aho, ahoana aho no tsy maintsy hividy raozy sy karatra kely ho an’ny vadiko amin’io andro iray amin’io taona io? Tsy misy dikany firy ve izany raha toa ka mividy izany ho azy amin’ny fotoana izay mampanembona anao ianao? Mahatonga ho poakaty ny fisainana raha ity fitakian’ny fiaraha-monina ity.
Nefa… efa nivady izahay nandritra taona maro ary noho ny fomba eto an-toerana dia ity ny andro voalohany tsy nahafahanay nividy karatra hifandefasana St Valentin ho anay. Tsy afaka manao izany aho amin’izao fotoana izao, dia manontany tena aho hoe fa maninona. Fantatro fa tsy ara-pivavahana fa kosa fanoherana ny hery tandrefana?
Ankoatra izany, tsy mampiraika ahy akory ny tsy fisian’ny hetsika momba ny fetin’ny mpifankatia eto Arabia Saodita. Toa nanainga fanahy ahy aza izany.
Aleo adinoina ny “Arahaba tratry ny andron’ny mpifankatia”
Ho solon’izany kosa dia aleo isika haneho hoe “ Mifalifalia fa Mitia Ianao”
Ary raha toa ka tsy nanam-bitana ianao amin’io fotoana io?
“Mifalifalia fa maniry ny hitia ianao”, hoy ny sorany.

Mbola any Arabia Saodita ihany, Nanao lisitry ny manohitra sy manohana ny ho tokatena na ho olon-droa ny dykalicious mandritra ny ity andro manokana ity. (Tandremo : ny vehivavy mihoatra ny 18 taona sy 25 taona kosa raha lehilahy ihany no mahazo mamaky azy!)

Tsy mino aho fa ny fitiavana dia tsy maintsy ilaina borahana ao am-po amin’ny andro tokana, kanefa ny andron’ny mpifankatia dia manana zavatra tsara vitsivitsy ao anatiny raha ohatra ka misy olona miaraka aminao:

1. Fanonomezana avy amin’ny olon-tianao.
2. Fihetsika saiky tonga lafatra asehon’ny olon-tianao
3. Entina matetika any amin'ny toerana mahafinaritra ianao
4. Manome toky sy manantena filana ara-nofo

HItanao, tahaka ny tsingerin-taona nahaterahanao io. Eny fa na dia tsy dia hita aza ny vesa-danjany, dia fantatrao foana fa handray ny fanomezana sy ny mofomamy ianao! Afatsy hoe angaha ireo olona izay tsy manana namana mba hanomana fety kely ho azy ireo. Na koa ho an’ireo olona efa maty.

KANEFA, ahoana ny momba ny olona tokatena?

1. Miala tsiny tsy handeha hifamotoana amin'ny tokatena hafa.
2. Miala tsiny fa mbola misyatao amin'ny alina
3. Manaiky ny hahantra sy mamendrofendro tena rehefa tsy misy olona mivazavaza aminao hoe “ATAOVY IZAY METY”
4. Miala sirika amin'ny fanairantena ihany (masturbation)! ( raha mitady fialantsiny ianao dia izay no izy ry tompokolahy sy tompokovavy, avoahay ny fitaova-mangovitrareo (vibrators)),” hoy izy

Tany Libanona, malomaloka ny andro. Tsy andro fankalazana intsony ny andron’ny mpifankatia. Maty nisy namono tao anaty fipoahana baomba mavesatra tao an-drenivohitra Beirota ny filoha Libaney teo aloha Rafiq Al Hariri izay nitranga tamin’ity andro ity efa roa taona lasa izao.

Fa ivelan'izany ora manjombon'ny politika sy ny eritreritra kivy izany , no nitoraka blaogy misy horonantsarina raozy I Sasmen, teny mamy sy hira manamarika ny vanim-potaoana eto.
Midika ve ireto hevitra ireto fa hisy ny fanantenana hoe mety handresy ao Proche Orient ny fitiavana. Mambambo ny rehetra ny fitiavana, sa tsy izany ve?

Mitsangana hanohana an'i Gaza izao tontolo izao. Anjato arivony (an'hetsiny hoy isika) ireo olona amin'ny vazantany efatra nanao fihetsiketsehana nandritra izay dimy andro izay. Hatrany Boston ka hatrany Beirota, Le Cap ka hatrany Caracas, maro ireo olom-pirenena naneho ny firaisankinany amin'i Gaza.

indreto ary misy rakitsary izay notovozina tao amin'ny  Flickr:

Osama Al-Eryani, Calgary

infomatique, Dublin

Alalettre, Paris

Jewish Voice for Peace, Seattle

farfahinne, Beirut

Hamza Daoui, Boston

Ny Electronic Intifada koa moa dia eo ampanangonana ny fanehoan-keitry ny olona manerantany koa vakio.

Jillian York

Nipoaka nandritra ny fandalovan'ny fiara fitaterana antonontonony (mini bus) nitondra sivily sy miaramila Libaney any avaratry Libanona tao an-tanànan'i Tripoli ny baomba iray. Tokony ho tamin'ny  7:50maraina io fipoahana io araka ny nolazain'ny nanatri-maso iray. Ny fanambaran'ny tafika Libaney no nandrenesana fa 11 ny olona maty tamin'izany, ka 9 ny miaramila, ary sivily sy miaramila 30 ihany koa no naratra nandritra izany fipoahana izany. Nosoritsoritan'ny fanambarana ho asa fampihorohoroana moa ny fanafihana ary ny tafika sy ny fiaraha-monina anaty fandriampahalemana any Libanona no kendrena mivantana tamin'izany. Nitranga indrindra moa ity fanafihan'ny mpampihorohoro ity ora vitsy monja mialoha ny fikasan'ny filoha Michel Suleiman hihaona amin'ny filoha Syriana Bashar al Assad. Ity fihaonana ity moa no voalohany indray ho an'ny roa tonta tao anatin'ny telo taona. Indreto ary ny hevitra voalohany naposaky ny mpamaham-bolongana Libaney amin'ity raharaha ity:

Mustapha ao amin'ny Beirut Spring  no nampivoitra ny fisarahan-kevitry ny olona sy ny mpanao politika rehefa misy ny trangam-panafihana tahaka itony. Nohazavainy fa zotra roa avy hatrany no itodihan'ny Libaney tsirairay avy, araka ny fironana ananany, jerena:

Those who are inclined to see the destructive hands of Syria at play can’t help but notice that whenever an important event is about to take place (large anti-syrian demo, the first ever sovereign presidential visit to damascus in today’s case), someone somewhere kills a lot of innocent people.
As March 14 M.P. Jawad Boulos put it this morning to the VL radio station: “the explosion of Tripoli is a message to president Sleiman that there are forbidden topics in today’s meeting with the Syrian president”
On the other hand, there are many who believe that all the ills emanating from the north are the doings of Muslim fundamentalist terrorists, monsters who were recently propped-up by the Sunni wing of March 14 (Hariri’s Almustaqbal Movement) in an ill-advised effort to counter Shiaa ascendancy in the form of Hezbollah.
In the eyes of this group, the terrorists are carrying out their revenge against the Lebanese army who put them to their knees and humiliated them during the Naher Al Bared showdown.

Antun ao amin'ny Lebanese Chess kosa indray dia namoaka sary sy nitati-baovao. Nolazainy ihany koa ny heviny mikasika ity raharaha ity izay lazainy fa tsy mifandraika amin'ny fivakivakisan'ny fiarahamonina nitranga manodidina an'i Tripoli velively ity fipoahana baomba ity. Nofeheziny ary fa “porofon'ny fahalemen'ny fandriampahalemana anatiny any Libanona sy ny fanjakan'ny kolikoly mahafaty olona” iny.

It appears too early to get a clear picture of who was behind the Tripoli bus bombing. The city and several surrounding villages have recently been embroiled in sectarian clashes between Sunnis and Alawites. But it is unlikely that either group would have carried out such a significant attack, which has the hallmarks of a typical Islamist operation.

Nahr el-Bared was the centre of a major confrontation between the Islamist movement, Fatah al-Islam, and the Lebanese Army last year. The bus today was carrying a number of soldiers, which suggests that they were the target. The main suspect that would deliberately launch a major attack on the scale of today's bus bombings is Fatah al-Islam.

Naher el-Bared no tena nitrangan'ny fifanafihan'ny vondrona Isilamista Fatah al-Islam, sy ny tafika Libaney tamin'ny herintaona. Nitondra miaramila ilay fiara fitaterana, izay mampaminavina fa ny tafika no tena nokendrena. Ny voarohirohy voalohany indrindra ho nahavita fanafihana tahaka ny tamin'ny maraina noho izany dia ny Fatah al-Islam.

The Ouwet Front blog indray moa dia namoaka sary maneho ny fiantraikan'ny fipoahana baomba.