Sarina mofomamy kely knafeh cupcake avy amin'i  Frankom, cupcake avy amin'i Glaze (Kuwait)

“Eny, Miresaka momba ny mofomamy kely cupcake isika” no lohateny nentin'ny New York Times amin'ity herinandro ity.  Ny lahatsoratra miaraka aminy dia manamarika ny fitombon'ny lazan'ny fivarotana mofomamy kely  manerana ny  faritra Afovoany Atsinanana iny, nanendrena ny an'i Sugar Daddy ho fivarotana mofomamy kely malaza ao Amman , miaraka amin'ny fitondrana mofomamy kely hanana ny lazany tao amin'ny faritra (efa niparitaka tonga any Dubai sy i Beyrouth koa izao ny toeram-pivarotana ) ary manomboka ny fivoaran'ny mofomamy kely.

Tsy ny New York Times irery ihany no nanomboka niresaka momba ny mofomamy kely cupcake tato ho ato.  Nahita fahazarana amin'ny fanaovana azy ho tsindrin-tsakafo ihany koa ny mpampiasa bilaogy any amin'ny faritra Afovoany Atsinanana sy ny ivelan'izany.  Frankom, mpampiasa blaogy Kuwaiti dia nanoratra hoe niangaviana izy hanandrana ny mofomamy kely cupcake avy eo an-toerana mifototra amin'ny tsindrin-tsakafo araky ny fomban-drazana, ireto misy vitsivitsy [ar]:

Kunafa eo ambony mofomamy kely cupcake avy amin'ny fetam-boanjo

Baqlawa eo ambony mofomamy kely cupcake avy amin'ny walnut [FM: toy voa-na mahabibo angamba izy ity]

Rahash mofomamy kely cupcake voasesika  rahash

Halwa mofomamy kely cupcake voasesika halwa

Zalabya miaraka amin'ny mofomamy kely misy tamotamo

Ilay Jordaniana And Far Away, nanamarika eo amin'ny lahatsoratr'i Frankom,  maneho ny fahasahiranan-tsainy  mieritreritra ny mofomamy kely cupcake knafeh,  milaza hoe:

Izao mihitsy no tena atao hoe famoronana. Tsy azoko antoka hoe nampanao azy ireo aho raha ka tany Jordana, mifanohitra kely amin'ny maha-Nabelsi ahy ny hevitra hanao knafeh teo ambonin'ny mofomamy kely, nefa tsy vitako ny tsy hankasitraka ilay hevitra.

Manolotra sary  karazana mofomamy kely cupcake naroso tany Koweit ny Cupcake-themed blog Cupcake Take the Cake [Nohitsahan'ny Cupcake ny Cake].

“mofomamy natao hoan'ny Ramadany any Dubai; sary avy amin'ny Cupcakes Take the Cake, mofomamy avy amin'i Sugar Daddy

Ndeha ho any amin'ny Firenena mitambatr'i Emira Arabo, toerana nahazoan'ny mofomamy Cupcake tsena. Nanoratra momba an'ireo fivarotana maromaro ireo i Cupcakes Take the Cake. Raha mijery ny an'i Sugar Daddy any Dubai,  mizara mailaka nalefan'ny lehiben'ny mpivaro-mofo amintsika ilay mpitoraka blaogy, izay manolotra ny iray amin'ireo mofomamy kely cupcake nataon'ny toeram-pivarotana hoan'ny Ramadany fotsiny:

daty mahajamba: Nametraka ny fomban-drazana fa nihinana daty ny mpaminany Mohammad tamin'ny famaranany ny fifadian-kaniny, ary dia eo lalandava ilay voankazo mandritry ny fialan-tsasatra. Tonga niaraka tamina spaonjy feno zava-manitra izahay izay nampangantsiahina tamin'ny kirema manitra kanely sy nasiana tsongona kafe kely.

Nefa koa, nanoratra i Mahryska, mponina hafa avy ao Dubai, momba ny toeram-pivarotana mofomamy kely cupcake tiany indrindra, ny Kitsch:

nankeny aho tamin'izay andro izay ary naka kafe sy mofomamy kely cupcake izay tena tsara jerena tokoa, eny e, tena tsara ilay izy!

♥ ♥ ♥ Fo 3 ho an'ny mofomamy kely cupcake nataon'i kitsch noho ny nanokafan-dry zareo toeram-pivarotana!

Ny The Haouse of Cakes no nanao ity cupcake 500 isa ity ho  fankalazana ny  androm-pirenena faha-37 ho an'ny UAE

Fivarotana iray hafa ao  Dubai, Ny tranon'ny mofomamy [The House of Cakes], manana ny blaoginy manokana  izarany ny sary tsy misy kianina -na mofomamy kely cupcake 500 amin'ny endrika sainam-pirenen'ny Emirats (jereo ny sary eo an-kavia).

Any Bahraina ny fijanonana farany amin'ity fihodinantsika indray mielatra momba ny mofomamy kely cupcake any amin'ny faritra ‘Afovoany Atsinana ity, toerana izay ampiasàan'ireo mpivarotra cupcake ny media vaovao mba hanapariahana ny feo [dokam-barotra].  Cupcakes Bahrain dia mitoraka blaogy eo amin'ny  kianja malalaky ny mpampiasa blaogy hizarana ny sarin'ireo mofomamy keliny sy ny tsara ho fantatra momba ny toeram-pivarotany, raha toa ka  manana toerana eo amin'ny Twitter sy Facebook kosa ny Clever Cupcakes hizarany ny fanazavana momba ny vokany toy izao:

clever cupcakes  ihany no arosoanay! Mofomamy kely izay tsy ho adinonao mihitsy ..

Ataovy talanjona ny vahininao sy ny olon-tianao amin'ny alalan'ny fanafaranao ny clever cupcakes-nao.

Syrian flag cupcakes by Canadian bakery cococakes

Ho faranantsika  miaraka amin'ireto teny avy amin'i Jad Aoun, mpitoraka blaogy Libaney, izay nanamarika fa  ny fandrakofam-baovaon'ny New York Times dia sady miresaka ny fivarotana mofomamy kely cupcakes  Arabo sy Israeliana sy ny sisa, sady nananihany:

Sao dia mba fotoana hihavanantsika rehetra izao manodidina ny mofomamy kely cupcakes misy frezy. Tsy te horosoana hommou na falafels isika izao, sa tsy izany?

mofomamy kely cupcakes Siriana (ary sary) avy amin'i cococakes

“ity indray ilay andro isan-taona. Martsa dia volana ho an'ny fitorahana blaogy momba ny Andro ho an'i Jordana. Ny faha 13 Martsa raha ny tena marina. Hiavaka kokoa ity taona ity raha mitaha amin'ny teo aloha.”

Vondrona iray  ao amin'ny Facebook momba ity Andro ity no milaza hoe:

Ity no fandraisana andraikitra ho fanombohan-javatra izay irariana hitondra fanantenana  ho an'ireo taona maro hifandimby. Ny faha 12 Marsa Isan-taona dia homena anarana hoe: fitorahana blaogy  ho an’ny andro ho an'i Jordana.

Ny fandaharana mivantana mandritra io Andro io  dia hita ato. 123- Jordan, na  BAJD no nahasarika be indrindra tamin'ny taona lasa na izany teto amin'ny aterineto na offline, toy ny hetsika nataon’ny fampielezam-peo iray tao an-toerana nampiantso mpitoraka blaogy maro hiara-hiresadresaka momba io hetsika io. Dia miandry sisa isika raha hahita fahombiazana koa ny  BAJD andiany faha-2. Ho eo foana izahay hampita hatrany ny hafatra ho anao!

Mahavelom-bolo tokoa ny mahita ireo tanora Arabo mpandraharaha ara-teknolojia mandray andraikitra sy manatanteraka ny nofinofin’izy ireo. Niseho an-tsehatra ary nanao fampisehoana ny tetik’asan’izy ireo ho an’ny mpijery mafana fo ny orinasa toy nye-space sy Al-khawarizmy avy any Egipta, Ishki sy MailPacks avy any Jordan ary ny sasany hafa ihany koa.

(doka ho an’ny Arab Crunch)

Nanoratra ny mpandrindra Chaith Sager avy ao amin’ny Arab Crunch  fa:

Andro tokana ihany ilay fampisehoana voalohan’ny ARABCRUNCH DEMO (Andrana Hafainganana Arabo) izay nifarana tamin’ny Alatsinainy 23 Febroary 2009 teo, tao amin’ny Anjerimanontolo Pricess Sumaya, ao Amman, Jordana. Fiantombohana iandrandrana fahombiazana eo amin’ireo vokatra ara-teknolojia vaovao sy eo amin’ny karazan’asa ao amin’ny tontolon’ny Arabo ihany no tanjon’ity fotoana ity. Voalohany, ankoatry ny fanairana , dia tafiditra tao anatin’ny fandaharam-potoana ny fandraisana anjaran’ireo olona ikoizana ao an-toerana sy any ivelany avy amina orinasa nosokajiana araka ny hai-varotra amin'ny aterineto (e-marketing), sy araka ny tanjaka ara-bolany, ary ny fahaizany ny Serasera ara-Teknolojia (IT= Information Technology).

Nasehon’I Ishki , Jordaniana , ny fiasan’ny tranonkalany nandritra ity fotoana ity, izay tranonkala arabo voalohany nanome ny mponina tao Jordana ny fahafahana hizara ny alahelo, ny olana amin'ny alalan'ny aterineto ary ny fitadiavam-bahaolana. Mijoro tokoa ireo tranonkala ho amin’ny feon’ny olom-pirenena tsotra mahakasika ny olana miankina na tsy miankina amin’ny fanjakana, na ny olana eo amin’ny fandraharahana koa aza. Milaza I Ahmad Kharbat, lefitry ny fananganana an’I Ishki hoe: “Hanampy fantsona ho an’ny orinasa tsirairay izay miasa ao amin’ny tontolo arabo izahay, koa amin’izay dia afaka maneho ny heviny sy ny fihetsem-pony ny olona. Nampanantena ihany koa izy fa hanampy misimisy kokoa ny karazana tranonkala ao an-toerana ho an’ny firenena Arabo.

Napetrak'i Hamdy Khalil,  lefitry  ny fananganana an’i e-space avy any Alexandria Egipta tao anaty fitaratra lehibe ny toeran-tserasera mifandrafitra (framework) antsoina hoe weNear  izay mifaninana amin’ny Voromahery Afon'i Yahoo (Yahoo’s Fire Eagle). Ity sehatra ity dia notsinjovina indrindra ho an’ireo mpamorona serasera eo anivon'ny aterineto mba hahafahany mampiasa ilay API (ivom-piantsonana anterineto, “Serveur Internet”), koa amin’izany no ahafahan’izy ireo mampiroborobo kirakiram-pifandraisan-davitra avy amin’ny  fitaovam-pifandraisana an-tselika (devices, peripheries) toy ny finday iPhone, ao anatin’izany ny  Android sy Symbian.

Niseho tao anatin’ny fotoana ihany koa ireo mpandraharaha tsara toerana toa an'i  Sumaya Kazi, mpamorona ny the Cultural Connect, ary i Khaled Jabasini, mpamorona sady Tale Jeneralin’ny Dubai-baised E-Marketing

Nitondra ny kabary fototra izay nifototra tamin'ny lohateny hoe ‘ny fahatanorana sy ny faniriana' i Sumaya Kazi, Tale Jeneraly sady lehiben’ny mpandrindra ao amin’ny Cultural Connect ary ihany koa mpitantana ambony ireo vaovao ara-tSosialy avy ao amin’ny Fortune 500 company Sun Microsystems.  Nitantara ny traikefany tamin’ny fiantombohan’ny Cultural Connect izy.  Nasehon'i Sumaya mazava tsara anaty fitaratra ireo mpandraharaha mahomby izay nanao  ny fiantombohana ombam-pahombiazana niaraka tamin’ireo mpandraharaha ara-tsosialy  izay efa nifampidinidinika taminy tany aloha tany. Nizara toro-hevitra 8 izy ary ity no fanombohana voalohany amin’ireo : “miaraha amin’ny olona kinga saina sy manana hevi-dehibe noho ianao, miezaha tsy ho toa azy ireny”
Ny fotoana, izay nahaliana ny mpandray anjara miisa 300, dia nifara tamin’ny hafaliana sy fanantenana teo  amin’ny roa tonta, mpandraharaha sy mpijery . Nilaza I Saqer teo amin’ny fiafaran’ny fotoana fa hanomana seho indray amin’ny endrika hafa izy amin’ny volana manaraka na amin’ny taona ho avy, mampanantena izy fa ho goavana kokoa io fampisehoana manaraka io ary amin’izany no hisokafan’ny fahafahana mampisongadina misimisy kokoa ny teknolojia ao amin’ny tontolo Arabo.

Maro ny mpitoraka bolongana maneran’ny tontolo ny Arabo no maneho aterineto ny fety nahaterahana amin’ny alalan’ny lahatsoratra filozofika, izay mitantara ny fiainana, ny fanantenana, ny zava-bita ary ny nofinofin’izy ireo.

Mibanjina ny hevitra entin’ny fiainana ny Syriana Abu Fares eto am-pankalazana ny fety nahaterahany. Manoratra izy:

Fety nahaterahako izao. Tsy afaka miteny aho hoe mbola eny antsasa-dalana ny tenako.
Raha eritreretina daholo ny fomba niainako hatramin’izay, ny fomba fiainako ankehitriny sy ny hoe amin’ny fomba ahoana no andrafetako ny fiainako sisa tavela, dia tsy azoko antoka fa ho tratrako ny faha-98 taonako. Raha mitady nenina eo anelanelan’ny fe-potoana ianao dia tsy hahita izany mihitsy akory. Tsy ho hitanao fahatsapana ny fahasambarana tanteraka. Efa betsaka ny vintana no nanjavona teo anatrehako ary vitsy ireo azoko kisendrasendra nefa tsy azo antoka. Imbetsaka aho no efa lavo ary efa nitraka. Efa nitia aho nefa resy, fa mbola raiki-pitia indray taty aoriana, ary ho mandrakizay.

Niresaka ny zava-niseho taminy nandritra ny taona lasa ny Jordaniana Ali Dahmash, vao nisantatra ny faha 36 taonany izy, ary manampy ny resany manao hoe:

Ny teny ifaharana ao anatin’ny raharahan’ny taona lasa sy ny zavatra mbola ho avy dia ny teny hoe Fiovana. Tsara ny fiovaovana. Ary amin’izao fotoana izao dia miaina ao anatin’izany isika, mitohy foana ny fiovaovana. Tsy mitsahatra miova ny zava-drehetra manodidina ahy. Ny toe-karena, ny olona, ny teknolojia sy ny fomba ifandraisantsika. Miova hatramin’ny lokon’ny voloko, ny fijery ananan’ny masoko, kanefa moa izany dia tafiditra ao anatin’ny fihodikodin’ny fiainana. Manana ny fanantenana aho fa ny taona ho avy dia hitondra fiovana tsara amin’ny fotoana tena ilaiko azy indrindra, satria ity no andro ao anatin’ny taona izay ankalazako ny faha 36 taonako eto ambonin’ny tany.

Mandritra izany ao Bahrain, hankalaza ny fety nahaterahany miaraka amin’ireo namany mapetraka akaikin’I Kuwait i Maha Al Yousif . Manoratra izy:

Arahaba tratry ny fety nahaterahanao ME
Hankalaza ity herinandro ity ao Kuwait miaraka amin’ny namako 2 tena akaiky ahy indrindra aho.

Manao fanamarihana ny Jordanianina 7aki Fadiizay mipetraka ao Canada izay mitantara fa hoe adinony ny nanamarika ny fety nahatehany tao anatin’ny bolongany ary manampy ny resany izy manao hoe:

33 taona aho. ODRAY!fa maninona re olona no dia manidina toy izao ny taona a??? Tena marina e, ohatry ny tsy azoko veroka mihintsy hoe ahoana moa no nahatonga ahy ho 33 taona. Izaho aloha dia tena tsy tia ny isa tapisaka mihintsy e (nombre impaire), hitako be hoe mampiorona ny hodi-doha izany ilay izy, sa ahoana hoy ianao?

Any Arabia Saodita, manoratra Nzingha momba ny havany very asa tao aorian’ny “fikorosoan” ny orinasa iasany. Manazava izy:

Nahita asa tamin’ny volana vitsivitsy lasa teo ny zaobaviko, mananotena ary mitaiza zaza telo. Mandray telefonina amina orinasa mivarotra hetra ho an’ny fiara no asany, hita feno hafaliana tokoa izy amin’izany asany izany ary vola fanampiny ampidiriny ao an-tokantrano. Amin’ny maha-mananotena azy sady efa nanam-bady efa niasa tao amin’ny governemanta dia mandray fanampiana 1500 SR (pension) isam-bolana izy. Mitentina 375 dolara izany ary tsy ampy ny vidin’ny bisikileta izay novidiko akory. Tsy ampy hivelomana ny vola mitentina 1500 SR, indrindra fa manalehibe zaza anankitelo mbola mitombo ianao.

Mariho tsara fa ampiasaiko ny matoanteny amin’ny fotoana lasa mba hanazavako ny vanim-potoana niasany hoe tsy an’asa tokoa izy ankehitriny. Voaroaka izy niaraka tamin’ireo mpiasa hafa tao amin’ny orinasa satria rendrika ny orinasa. Nomena fampilazana roa herin’andro izy ,dia avy eo, izay no izy fa vita. Betsaka ny vehivavy eto amin’izao tontolo izao no mitovy tantara aminy, miasa ianao amin’ny andro iray dia avy eo mahazo filazana fandroahana indrindra rehefa heverinao fa mipaka eran’izao tontolo izao ny olana ara-toekarena. Na dia izany aza, toy ny vehivavy avy any Saodita dia dia voafetra mafy dia mafy ny fahafahany miasa izay hita fa tsy mitovy amin’ireo orinasa maneran’izao tontolo izao ary izany antony izany anefa dia satria vehivavy izy.

Avy amin’ny UAE, manao tamba-zotra mankany amin’ny horonantsary CNN izay miady hevitra momba ny vokatry ny olana ara-toekarena ao Dubai I the Grapeshisha Blog ary manamarika izy fa:

Fa raha miheno tsara ianao, dia midika zavatra ny fihenan’ny mponina 8% - Miha-mihena ny asa… eo amin’ny orinasa sasantsasany.

Miresaka mikasika ny blongana I WebJunky manao hoe:

Maminaviana amim-pahatsoarana aho fa ny tsy fisian’ny asa dia hitombo avo roa heny. Fara fahakeliny eo amin’ny 6 - 12 volana eo ho eo no mitohy milentika I Dubai alohan’ny isian’ny singa enti-milaza ny fiverenan’ny varotra amin’ny laoniny ao amin’ny faritra ankehitriny.

Manome tamba-zotra ao amin’io horonantsary io ihany I Moey, avy any Jordanie izay miasa sy mipetra ao Kuwait ary manontany izy hoe:

Tokony hiandrandra zavatra ao Kuwait ve isika ?

Dia namaly azy ny mpamaky The M Code:

Tsy tokony hiandrandra n’inona n’inona n’aiza n’aiza isika, olana ara-toekarena fahobe io fa ny olona kosa no mijery an’I Dubai hoe voa mafy izy satria jeren-dry zareo fa miakatra izany. Antenaina fa ho tafarina izany indray andro any. Ireo mantsy no rehareha sy fonenana ho an’ny Arabo manerana izao tontolo izao, mirary ny tsara indrindra ho azy ireo aho.

Tao amin’ny UAE community blog dia nisy lehilahy mpivazivazy nanao izao filazana manaraka izao mba:

Hibaboka sy hanamafy ireo mpandraharaha Dubai telo voatokana fa ny toe-draharahan’ny tsena dia tena mari-toetra tokoa ka ny tsaho milaza fa malemy ny toe-karena sy ny fomba fijery malemy dia propagandy fotsiny ihany. Manamafy ny fankasitrahana ireo fahafahana manao zavatra maro ho an’ny Dubai ny mpandraharaha Sinoa, Anglisy ary Indianina raha toa ka ny governemanta atokisana no maniditsidiana tsy afa-maanapaka ny hitandrovana ny fiarovana azy ireo.

Ny vazivazin-teny ao anatin’ity blaogy ity dia tsy ho very ho an’ny mpamaky, izay nandefa ny fanamarihan’izy ireo eto

Lohahevitra ao amin’ity bolongana ity ny fihenan’ny asa ao Dubai, nentin’ny Shamsi ao amin’ny Dubai Metblogs.

Raha misy dikany anarivony ny sary iray, dia io no sarin'i Cece, izay miorina anelanelan'i Bahrain sy Kuwait, nalefany amin’ny bolongana mba hamehy ny fahatsapany mikasika ny fetin’ny mpifankatia (saint Valentin).

na dia tsy irery aza izy amin’ny fanazavana ny fombafomba, izay mbola vaovao tanteraka ho an’ny faritra, ny hafa kosa efa mankalaza.

Milaza I Amal, avy any Bahrain, fa na eo amin’ny tokan-tena na ny efa manana namana dia miseho amin’ny endrika manokana ny andron’ny mpifankatia (Saint Valentin)

“na dia hoe mety hatahotra raozy mena mankandoa sy ny Sōkōla (chocolat) miendrika sary fo mampatahotra aza ny tokantena, Na dia hoe mety ho kamokamo aza ireo manan-tsakaiza, ka na inona na inona aza no maninona, ny fitiavana dia mambambo ny maro foana ary manetsika ny lohaliky ny rehetra hangovitra eto ambonin’ny tany ka mampisavoana ny fontsika ho eny amin’ny hakanton’ny lanitra.”

Tsy misy afaka manala ny fihetsem-po sy ny fitadidiana izay entin’ny fetin’ny mpifankatia , hoy ny mpitoraka blaogy avy any Kuwait antsoina hoe Desert Girl.

“FETIN’NY MPIFANKATIA!!! TIAKO ny fetin’ny mpifankatia. Andro manakaiky ny fotoana naterahako, io no fety ankafiziko indrindra. Tiako ny zavatra rehetra mifandraika amin'ny St Valentin. Tiavo, tiavo, tiavo izany. Zatra ny nahazo fanomezana mahafinaritra sy feno fitiavana aho amin’ny andron’ny mpifankatia. Nieritreritra aho fa efa lasa ireny andro ireny. (sento mavesatra, ontsan’ny fo) Ree-ru (mpifamofo taloha teo amin’ny tantara) no nanome ahy saribakoly “bunny”mahatsikaiky izay mitazona sary fo iray miaraka amin’ny sofina mandroso-mihemotra ary ny orony mihetsiketsika. Tiako ny Bunnies (saribakoly bitro). Mihevitra aho fa io no zavatra tena mahavariana sy mampandefa ny eritreritro lalina; kanefa dia tsotra sady mora be ny vidiny. Hitanao fa izay fotsiny ihany e – Tsara ny mandray zavatra goavana, fa ny zavatra tsotra mandefa ny fisainana lalina no mijanona ao am-ponao sy ny sainao. Tsy firavaka velively, na fiara, na fandehanana an-tany lavitra, na vola…… fa kosa sarin’ny bunny tsisy dikany izay mbola ananako ao amin’ny efitranon’ny rahavaviko ambany rihana no tadidiko foana” hoy izy.

Mbola any Kuwait ihany, fintinin’I Flamingoliya ny fihetsem-pony mikasika ity andro Valentine ity ao anaty andalana iray.

“fetin’ny mpifankatia rahampitso ary tia olona aho. Aza anontaniana aho hoe iza izany. Be dia be izy ireo” hoy izy.

Raha ampitahaina, tsy misy na inona na inona nanainga ny fanahin'i Scarlett mipetraka any Bahrain mandritra ity andron’ny mpifankatia ity.

“mahatsiaro hoe meloka aho tsy mba nahatsapa ny fisehon’ny andro tao am-piasana androany. Miezaka ry zareo ny manao izay mety amin’ny fiankanjoana miloko mena , na fotsy, na mavokely na koa karazan-doko telo miaraka, eny fa na ny eto akaikin’ny toerana ipetrahako aza manao loko volon-tany sy loko mainty.Voninkazo voakarakara aoka izany no tonga mivoy an-kira manantona ireo vehivavy sy ireo vady mendrika na ireo olon-kafa manan-danja eo aminy. Ny anankiray tamin’izany dia tranom-borona misy boloky kely anankiroa voarakotra raozy mena midorehitra. (ilay tranom-borona izany fa tsy ny vorona akory)
Ny tranom-borona sy ny fomba fiankanjon’ilay tovovavy no tena nanaitra ahy. Eny, izany sy izany ary ny fanontanian’ny olona tsy mijanona milaza hoe inona no tsy metimety aminao, hita fa vizana tokoa ianao/ohatry ny vao avy nitomany – Kanefa tsy avy nitomany izany akory aho (tafalatsaka tao anaty fihetseham-po lalina fa tsy hoe tsy fahampiana torimaso izany, eeee, mbola !). Azoko ny tiany ho tenenina “ajanony any rangaha ah”, avy eo nivavaka aho mba tsy nahavoaray ilay fantsona kelin’ny lokomenan’I Channel izay avy tao anatin’ny kitapoko misy ireo fitaovana enti-miaingo..
Soa ihany fa tsy voaraiko. Rehefa afaka teo anatrehan’ireto vehivavy aho dia nandeha nampiasa moramora ny lokomenako……..noho izany dia nipetraka sady nandoko ny molotro teo no nataoko”, hoy izy nanazava .

Etsy andaniny, mihevitra ny Black Iris avy any Jordan fa tsy hanao blaogy momba ny St Valentin mandritra ny andron’ny mpifankatia hono izy.

Hentitra ny filazany fa tsy hitoraka blaogy izy amin’io andron’ny mpifankatia io:

…..Ny lohahevitra ankapobeny indrindra:….Fitiavana sa ny tsy fahampian’izany ao anatiny….Ahoana moa, andro iray voamarika hisintonana ny vola avy ao am-paosy anie io e….Ahoana moa fa mariky ny fanandevozana ara-kolotoralin’ny Proche Orient io. Ahoana fa faneva mitaratra ny fikorosoan’ny fiainana ara-tsosialy izay mitarika indrindra ny fianjerantsika mahakasika ny fivoharan’ny fiainana ara-tsosialy izy io.
Mandritra ny andron’ny mpifankatia dia tsia, tsia, tsy hitoraka blaogy momba izany aho….Ny fitrangan-javatra mampalahelo mampiseho olona mividy saribakoly orsa Teddy eny amin’ny Safeway…..Tsy halefako blaogy izany mandritra ny andron’ny Valentine… Ny Fatwa….tonon-kalom-pitiavana avy amin’ny mailaka mivohy ny fitiavana… na koa mailaka nalefa miaraka amin’ny sarin’alika kely mahafatifaty sy ireo sarin-tsakakely anaty harona…. sy ireo taratasim-pitiavana ankapobeny izay mameno ny boatin-kafatro.
Andraso. Aoka . Ajanony.
Tsy hitoraka blaogy aho amin’ny fetin’ny mpifankatia.

Ho an’ny Angilisy iray ao Arabia Saodita, mbola fankalazana ara-barotra iray hafa ny fetin’ny mpifankatia

Manelingelina kely ahy ny fivandravandran'ny mahafetim-barotra ny andron’ny mpifankatia. Tsara raha toka-tena sy manana olona manokana hitopaza-maso ianao, fa raha ohatra ka manambady aho, ahoana aho no tsy maintsy hividy raozy sy karatra kely ho an’ny vadiko amin’io andro iray amin’io taona io? Tsy misy dikany firy ve izany raha toa ka mividy izany ho azy amin’ny fotoana izay mampanembona anao ianao? Mahatonga ho poakaty ny fisainana raha ity fitakian’ny fiaraha-monina ity.
Nefa… efa nivady izahay nandritra taona maro ary noho ny fomba eto an-toerana dia ity ny andro voalohany tsy nahafahanay nividy karatra hifandefasana St Valentin ho anay. Tsy afaka manao izany aho amin’izao fotoana izao, dia manontany tena aho hoe fa maninona. Fantatro fa tsy ara-pivavahana fa kosa fanoherana ny hery tandrefana?
Ankoatra izany, tsy mampiraika ahy akory ny tsy fisian’ny hetsika momba ny fetin’ny mpifankatia eto Arabia Saodita. Toa nanainga fanahy ahy aza izany.
Aleo adinoina ny “Arahaba tratry ny andron’ny mpifankatia”
Ho solon’izany kosa dia aleo isika haneho hoe “ Mifalifalia fa Mitia Ianao”
Ary raha toa ka tsy nanam-bitana ianao amin’io fotoana io?
“Mifalifalia fa maniry ny hitia ianao”, hoy ny sorany.

Mbola any Arabia Saodita ihany, Nanao lisitry ny manohitra sy manohana ny ho tokatena na ho olon-droa ny dykalicious mandritra ny ity andro manokana ity. (Tandremo : ny vehivavy mihoatra ny 18 taona sy 25 taona kosa raha lehilahy ihany no mahazo mamaky azy!)

Tsy mino aho fa ny fitiavana dia tsy maintsy ilaina borahana ao am-po amin’ny andro tokana, kanefa ny andron’ny mpifankatia dia manana zavatra tsara vitsivitsy ao anatiny raha ohatra ka misy olona miaraka aminao:

1. Fanonomezana avy amin’ny olon-tianao.
2. Fihetsika saiky tonga lafatra asehon’ny olon-tianao
3. Entina matetika any amin'ny toerana mahafinaritra ianao
4. Manome toky sy manantena filana ara-nofo

HItanao, tahaka ny tsingerin-taona nahaterahanao io. Eny fa na dia tsy dia hita aza ny vesa-danjany, dia fantatrao foana fa handray ny fanomezana sy ny mofomamy ianao! Afatsy hoe angaha ireo olona izay tsy manana namana mba hanomana fety kely ho azy ireo. Na koa ho an’ireo olona efa maty.

KANEFA, ahoana ny momba ny olona tokatena?

1. Miala tsiny tsy handeha hifamotoana amin'ny tokatena hafa.
2. Miala tsiny fa mbola misyatao amin'ny alina
3. Manaiky ny hahantra sy mamendrofendro tena rehefa tsy misy olona mivazavaza aminao hoe “ATAOVY IZAY METY”
4. Miala sirika amin'ny fanairantena ihany (masturbation)! ( raha mitady fialantsiny ianao dia izay no izy ry tompokolahy sy tompokovavy, avoahay ny fitaova-mangovitrareo (vibrators)),” hoy izy

Tany Libanona, malomaloka ny andro. Tsy andro fankalazana intsony ny andron’ny mpifankatia. Maty nisy namono tao anaty fipoahana baomba mavesatra tao an-drenivohitra Beirota ny filoha Libaney teo aloha Rafiq Al Hariri izay nitranga tamin’ity andro ity efa roa taona lasa izao.

Fa ivelan'izany ora manjombon'ny politika sy ny eritreritra kivy izany , no nitoraka blaogy misy horonantsarina raozy I Sasmen, teny mamy sy hira manamarika ny vanim-potaoana eto.
Midika ve ireto hevitra ireto fa hisy ny fanantenana hoe mety handresy ao Proche Orient ny fitiavana. Mambambo ny rehetra ny fitiavana, sa tsy izany ve?

Mihazakazaka mamakivaky ny kaontinanta efatra hampiroborobo ny zavatra iraisan'ny kolontsaina rehetra ilay Danoà Jesper Olsen. Manoratra momba izany indrindra ny Ambasadaoro Danoà any Jordana HE.Thomas Lund-Sørensen :

As I am writing these lines the Ultra Runner Jesper Olsen from World Run II is crossing the Ramtha border control (hopefully without too much hassle) and entering Jordan. Jesper will be running through Jordan from today and is planning to exit to Egypt on the day before Christmas the 24th of December.

From December 18th to 24th, 2008, the Danish ultra runner Mr. Jesper Olsen will run through Jordan. He is completing the World Run II Project: The North - South Run, which is the world’s longest non-stop run, aiming at completing a distance of 40.000 km passing through four continents in three years. The run began in Nordkapp, Norway, July 1st 2008 and the finish point in New Foundland, Canada, is expected to be reached by the end of 2010. When arriving in Jordan Jesper Olsen will already have completed more than 8000 km of running.

Having met Jesper tonight I can say he feels fit and very welcome in Jordan. Passing the Ramtha border was a piece of cake - he was officially saluted “Ahlan wa Sahlan” by a small detachment in uniform and received various maps.

Today Jesper ended up just outside Amman on Jordan Street. Tomorrow he and Ammar Sabbah together with other Amman Road Runners will run to JRTV for a live interview on Ammar’s show “Beiti” on Jordan television and then continue towards the south. Other runners should feel free to join. Both Jordan Times and Jad’s blog wrote about the World Run Project. It is a truly unique and enormous project and for once something that is far away from politics.

Vao avy namakivaky ny araben'i Jordan ivelan'i Amman indrindra i Jesper. Rahampitso izy sy Ammar Sabbah miraka amin'ireo mpihazakazaka an-dalan'i Amman dia hihazakazaka hizotra ho any amin'ny JRTV (jordan radio television?) hiresadresaka mivantana ao amin'ny fandaharana “Beiti” ary dia hanohy ny dia mianatsimo. Afaka mandray anjara malalaka avokoa ny mpihazakazaka hafa. Samy niresaka momba ny World Run Project avokoa na ny Jordan Times na ny bolongan'i Jad. tetikasa tokana sy goavana tokoa izy ity satria sambany izy ity no lavitry ny resaka politika.