Hamid Tehrani

Tamin'ny volana Aprily 2008 no namoahan'ny Berkman Center for Internet and Society (ivotoeran'i Berkman misahana ny aterineto sy ny [orinasa na] fiaraha-monina) fanadihadiana mahaliana milaza fa manodidina eo amin'ny 60 000 eo ho eo ny isan'ny bolongana iraniana tsara fahana. Misy isan-karazany ny bolongana any Iran, ary tamin'ny taona 2008 dia mahita atao, mihetsiketsika ary mavitrika any amin'ny sehatra mahaliana azy sy amin'ny fombany azy avy izy ireo. Indreto ary atolotra anareo ny sombiny nahaliana tany amin'ny tontolon'ny bolongana Iraniana any:

Fananahana, lainga, vola & YouTube

Tamin'ny volana jona dia nandrakitra sy namoaka lahatsary nampiseho ny filoha lefitry ny sekoly, Atoa Hassan Madadi, nisy azy ny mpianatry ny anjerimanontolon'ny Zanjan any avaratra andrefan'i Iran. Hita tao amin'ny lahatsary ary efa mivaha avokoa ny bokotry ny akanjon'ingahy filoha lefitra, ary tahaka ny hiomana hanao firaisam-batana amina mpianatra vehivavy iray izy. Maro ny vohikala sy bolongana Iraniana maro no nanambara fa efa nanaitra ny fikambanan'ny mpianatra islamika ao amin'ny anjerimanontolo ny tovovavy noho ny faneren'ingahy filoha lefitra azy hanao firaisana aminy. Voatery niala tamin'ny asany ingahy filoha lefitra satria tsy azony nolavina ny fiampangana, isaorana ny YouTube sy ny bolongana.

Toe-draharaha hafa indray tamin'ny volana jona ihany, Mpikambana tao amin'ny vaomieran'ny fanarahamaso sy ny famotorana teo aloha, Abbas Palizdar, no niampanga mpitondra fivavahana ambony ho manao kolikoly nandritra ny kabary nataony tao amin'ny anjerimanontolon'ny Booali any Hamadan. Navoakany tamin'ny antsipiriany ny raharaha maloto sy ny fihoaram-pefy iampangany ny mpitarika politika fantadaza, ka tafiditra homanao izany koa ny Ayatollah sasany manam-pahefana lehibe. Niely haingana dia haingana tany amin'ny bolongana sy ny YouTube izay nolazainy, saingy nitroatra ny mpitondra ka nisambotra azy. Mbola tsy nandeha ny fitsarana hatramin'izao.

Mpamaham-bolongana Maitso: Mamonjy ny voajanahary

Zavadehibe ho an'ny mpamaham-bolongana Iraniana ny tontolo iainana ary maro tamin'ny mpamaham-bolongana iraniana no nisongadina tany Iran nitolona sy niaro ho amin'ny tontolo maitso.

Tamin'ny 5-10 Jolay, no nanapahan'ny mpamaham-bolongan'ny tontolo maitso hanao fanentanana hampahafatatra ny olona sy ny mpamaham-bolongana hafa ny hatsaran'ny faritra (voajanahary) mando sy ny loza mananontanona azy ireny. Namoaka ny hatsaran'ny faritra mando nopihana tany Anzali, mifandrafy amin'ny fandravana azy, tamin'ny alalan'ny saripikamaromaro ry zareo tamin'izany fotoana izany.

Mpamahambolongana Islamista: Tsy mila fifanarahana amin'i Isiraely

Misy dia misy ny mamaham-bolongana Iraniana no tsy mahatanty demaokrasia na ny fanarahana ny fanaon'izao tontolo izao, ary maro amin'izy ireny no islamista. Tamin'ny volana aogositra dia oakiana mafy ny filoha lefitry ny fizahantany sady talen'ny fikambanana mpandala ny kolo sy lovantsaina Iraniana , Atoa Esfandiar Rahim Mashai, raha nilaza fa “sakaizan'ny mponina manerantany i Iran, eny fa na dia amin'ny Isiraeliana sy ny Amerikana aza”. Efa niteny izany ihany izy herinandro vitsivitsy lasa izay fa “nanitsy” ny teniny fa amin'ny ilazany ny “vahoaka Isiraeliana”, dia tsy tafiditra ao anatin'izany ny Sionista sy ny Jiosy mpifindra monina. Esmail, mpamaham-bolongana Islamista mipetraka any Iran, dia nanoratra fa nisy vondrona mpianatra Islamista nanao fihetsiketsehana teo anoloan'ny fikambanana mpandala ny kolo sy lovantsaina Iraniana tany Teheran ho fanoherana an'ingahy filoha lefitra. Namoaka ny sarim-pihetsiketsehana maro misy ny sora-baventy tahaka ny “Mandehana monina any amin'ny isiraeliana maha-te-ho-tia” sy ny “Mitaky asa revolisionera ny maha-revolisionera fa tsy alonalona (nofinofy andikana ny teny illusion)”.

Mahatsiaro izay tian'ny besinimaro ny mpamaham-bolongana

Soa ihany fa tsy resaka politika ihany no amahanam-bolongana any. Nahatsiaro an'i Mohsen Rasoulov, mpaka sary mazoto, artista, mpanao saritatra sady mpamaham-bolongatsary iray tamin'ireo 68 maty nandritra ny fianjeran'ny Boeing 737 tamin'ny faran'ny volana Aogositra ny mpamaham-bolongana iraniana tamin'ny volana septambra.

Famonoana ho faty raha mamaham-bolongana?

Tamin'ny volana Jolay, dia nanambara ny governemantan' Iran izay efa nanenjika mpamaham-bolongana sy nanagadra ny sasany tamin'izy ireny, fa nandany ny hametrahana volavolan-dalàna “hanamafisana ny sazy amin'ny fanakorontanan-tsaina ny fiaraha-monina” ny mpikambana ao amin'ny Antenimiera. Nanampy ary ny fitsipika fa tafiditra ao anatin'ny lisitra mahavoaheloka ho faty ny “fametrahana vohikala sy bolongana mandrisika ny kolikoly, fivarotan-tena ary ny fihemorana amin'ny finoana”.

zon'olombelona # zon'olombelona

Marina tokoa fa misy ny mpamaham-bolongana no manohana ny zon'olombelona, tahaka ny tamin'ny fisamborana an'i Hossein Derakhshan tamin'ny volana lasa teo. Saingy mangina kosa izy ireo amin'ny raharaha sasany rehefa sendran'izay tsy malaza ilay olona. Tamin'ny volana Jolay dia nosamborina ny mpitondra fivavahana iray antsoina hoe Ali Reza Jahanshahi rehefa avy nanao fihetsiketseham-panoherana ny kolikoly. Mpamaham-bolongana Islamista vitsy monja no niresaka ity raharaha ity fa tahaka ny tsy niraharaha kosa ny hafa. Noho izy mpitondra fivavahana angamba no antony.

Vao haingana kokoa, voaheloka higadra 36 volana ny mpamaham-bolongana Iraniana Omid Reza Mirsayafi fa misy fanalam-baraka ny mpitondra fivavahana iraniana sy fanaratsiana ny Repobilika Islamista ny bolongany. Tsy dia niraharaha izany loatra ny mpamaham-bolongana sady tsy nanao fanentanana ny amin'ny hanafahana azy ihany koa, tahaka izay efa nahazo ny mpamaham-bolongana hafa efa migadra rahateo.

Hamid Tehrani

Fanampin'izany dia misy fikambanana mpamaham-bolongana Islamista antsoina hoe Paygahe Blogeraye Arzeshi [Fa] (midika hoe fototry ny soatoavina mpamaham-bolongana mirona) nahangona rohy 500 amin'ny lahatsoratra miompana amin'izany. Iranian FarsNews [Fa], vohikala mpandala ny nentin-drazana sady ofisialy ihany amin'ny ampahany, no mitsikera ny mpamaham-bolongana Islamista noho ny fahanginany manoloana ny olana mianjady amin'ny olona any amin'ny tehezan-tanin'i Gaza.

Gaza Google bomb no miteny:

You, oppressed people of Gaza know that we Muslims of Iran and all over the world haven't forgotten you and will not cease until complete breaking of the surrounding of your city. In the path along freedom of Gaza and our common value which is the freedom of Palestine, we will not cease and will go on.

Muslim Bloggers Association [Fa] indray namoaka fanambarana mikasika ny krizy mihatra any Gaza:

این روز ها که در سایه سکوت مجامع جهانی و مدعیان حقوق بشر، غزه به عیان ترین مصداق نقض حقوق اولیه انسانی تبدیل گشته است… اخبار کشته شدن مردمانش بوسیله دشمن صهیونیستی به خبر عادی تلکس های خبری مبدل گردیده

Yadshthyeh Tanhayi [Fa] (izay midika hoe Naoty Manirery) manoratra fa:

اینبار هم مینویسم برای تو و کودکان داغدارت برای تو و مردان و زنان رنج دیده ات کمی صبور باش ، آری صبور باش غزه به خدا سوگند آفتاب مهر و عدالت طلوع خواهد کرد. دلم می سوزد برای تو و مردمانت برای مظلومیت بیت المقدست

Hamid Tehrani

Daftare Tahkim Vahdat (midika hoe Biraon'ny Fanamafisana ny Fampiraisana), fikambanana mpianatra iray matanjaka, no nikarakara ity fihetiketsehana ity hanoherana ny sivana, ny fanavakavahana ny vehivavy ary ny faneriterena atao amin'ny mpianatra. Miventy ny tarigetra sahala amin'ny hoe “Adabohy miaraka amin'ny sivana” ry zareo ary nifandona tamin'ny mpitandro ny filaminana. Misy rakitsary azonao jerena eto.

Eto kosa ny lahatsarin'ny fihetsiketsehana:

Niteny i Salam Demokrat fa nikabary tao amin'ny Anjerimanontolo ny mpianatra nogadraina sy tsy navela hianatra. Nampian'ny mpamaham-bolongana fa:

در ادامه سخنرانی ها دانشجوی منع تحصیل و زندانی آزاد شده، مهدیه گلرو، از دانشگاه علامه
در مورد جنبش زنان و خاطرات زندان خود سخن گفت و مورد تشویق و پشتیبانی فراوانی از دانشجویان قرار گرفت. بعد از خانم گلرو، دانشجویان کرد، بیانیه ی خود را خواندند. و دانشجویان سوسیالیست دانشگاه های ایران و دانشجویان سوسیالیست پلی تکنیک بیانیه های خود را توزیع کردند

Nampian'ny mpamaham-bolongana moa fa tanelanelan'ny 3000 ka hatramin'ny 4000 ny isan'ny mpianatra nilahatra.

Azonao jerena eto ny sary hafa.

Nahanton'ny fitondrana moa ny fampiharana ilay lalàna, ary manondro ny mpitatitra sasany fa niverina tamin'ny asany araka ny mahazatra ny bazary, raha niteny kosa ny hafa fa mbola mitohy ny fitokonana.

Ankavitsiana tokoa izany fitokonana any Iran izany ary tsy misy sendikà mijoro ara-dalàna any. Maro nohoizany ny mpamaham-bolongana no mitantara ity toe-draharaha ity. Manao fanadihadiana ny sasany raha mitatitra izay hitany fotsiny ny hafa.

Ghajarboys ohatra mizara ny sary nalainy (ambony) tany amin'ny Bazariben'i Teheran ary miteny [fa]:

Nankany amin'ny Bazariben'i Teheran aho androany [12 Oktobra] ary nahatsikaritra fa nikatona avokoa ny trano fivarotana rehetra fa eo avokoa na izany aza ny mpivaotra miandry vaovao…. Niteny tamiko ny iray tamin'izy ireo fa tena tezitra izy ireo noho ny filazana azy ireo tamina gazety iray ho mpanao varomaizina!… tahaka ny hoe niseho ny fitokonana satria tsy mahafa-po ny mpivarotra sy ny mpanelanelana ny fampiatoana mandritra ny roa volana ilay lalàna momba ny hetra.

Cherikonline no manoratra [fa] fa nikatona ny fivarotana tao amin'ny bazariben'i Teheran tamin'ny 12 Oktobra ary mameno ny tanàna ny mpitandro ny filaminana.

Khiyalat no miteny [fa] momba ny fitokonan'i Isfahan:

Mieritreritra aho fa miompana bebe kokoa amin'ny toe-draharaha politika any Iran ity fitokonana ity fa tsy noho ny fanapahan-kevitra ara-toe-karena ary mety hivadika ho hetsi-panoheram-bahoaka ny tsy fahafalian'ny vahoaka amin'ny fitondrana… Nisy filaharambe manko tany Isfahan izay nahitana vahoaka nihiaka hoe “Adinoy ny amin'i Palestina fa hevero ny momba anay” sy ny hoe “Tsy mitady ny rariny izahay!”

Mifandraika amin'ny teny famerimberin'ny filoha Mahmoud Ahmadinejad moa ireo hiaka roa ireo. Nampanatena manko izy ny hametraka ny rariny eto amin'ny firenena sy hanohana ny antokon'ny mpitolona Palestiniana Hamas.

Ma Hameh Khobim no nanoratra [fa] fa nisambotra mpivarotra lehibe iray tany Isfahan ny mpitandro ny filaminana fa namotsotra azy afaka andro vitsy taty aoriana.

Hamed Talebi, mpamaham-bolongana mpanohana an'i Ahmadinejad  no miteny ao amin'ny Khabarnegar Mosalman (midika hoe mpaka vaovao Miozolomana) [fa]:

Mpivarotra sasantsasany no nampirisihan'ny kapitalista vitsy an'isa hitarika fitokonana na dia efa nampanantena ny hampitsahatramandritra ny roa volana ny lalàna aza ny fitondrana. Efa niantso ny mpivarotra hizara ny heviny koa manko ny Goverinemanta … Nahatohitra ny fanafihana miaramila sy fampihorohoroana isika… saingy henatra izao isika tsy mahatohitra jiolahy vitsy kely izao.

القاهرة- ذكر تقرير لوكالة الانباء الايرانية أن لرمضان في مصر طعم خاص نظرا لعادات متوراثة حافظت عليه الاسر المصرية لمئات السنين ويعود بعضها الي ايام الدولة الفاطيمة
فلايوجد شارع واحد في مصر حاليا يخلو من الزينات باستقبال الشهر الكريم ويقول
التقريرمع بداية شهر رمضان ينقلب حال الشارع المصري تماما..اطفال صغار يتسابقون
لوضع الزينات والاعلام بشوراعه في مسابقة سنوية بين الاطفال للوصول الي الشكل
الاجمل لشارعه ليكونوا حديث المارة

LE CAIRE – Tatitra iray nalefa ho an’ny Masoivohom-baovao Iraniana no milaza fa hafa tsiro mihitsy ny Ramadany ho an’i Ezypta, fahasamihàfana voatefy indrindra avy amin’ireo fomban-dràzana nifandovàna izay voatahirin’ireo fianakaviana ezyptiana nandritry ny taonjato maro, ny sasany aza dia efa hatrany amin’ny andron’ny Fatimides. Tsy dia fahita izany hoe tsy voaràvaka izany ny làlam-be eran’i Ezypta, na dia iray aza, ho fiarahabàna ny fahatongàvan’ ny volana masina. Vantany vao miandoha ny volana, dia mitsimbadika ambony ambany ny làlam-ben’i Ezypta rehetra anaovan’ireo tanora azy mba hahazoana ny laharana voalohany amin’ny làlana tsara ravaka indrindra eo amin’ny faritra.

Hoy izy manohy:

كذلك لا يخلو شارع مصري من تجمع لبيع “الفوانيس ” وآخر لبيع مستلزمات الشهر الكريم الغذائية خاصة ما يعرف حاليا ب”شنطة رمضان ” وهي عبارة عن حقيبة تحوي مستلزمات غذائية ويشتريه الميسورون لتوزيعه علي الفقراء واصحاب الدخل المحدود في ظاهرة تتزايد سنويا لتكون مع موائد الرحمن خير تعبير عن التضامن بين ابناء الشعب المصري في ظل ظروف اقتصادية صعبة تمر بها الطبقات الفقيرة بمصر
وفي جولة بعدد من الشوارع لرصد مظاهر الاحتفال كانت البداية في منطقة “الجيزة” التجارية حيث انتشرت محلات بيع الفوانيس بكثرة وسط اقبال جماهيري

Ankavitsiana koa no hahitàna mpivarotra eny amin’ireny làlana ireny ka hoe tsy misy Fawanees eo aminy [karazana arendrina nentim-paharazana], sy karazana sakafo hafa fahita rehefa Ramadany, na ilay antsoina amin’ny fiteny mahazatra ankehitriny hoe “ Ny haron’ny Ramadany ”. Harona izay ahitàna sakafo fototra, hovidian’ireo mpanankarena ary zarainy amin’ireo mahantra kosa, nanjary efa lasa fomba fanao nandritry ny taona nifandimby, mifanindran-dàlana amin’ny Latabatry ny fiantràna [Tables of Mercy] [fihinanam-be ho an’ny mahantra] izay itaràfana ny firaisankinan’ny samy Ezyptiana, na eo aza ny olana ara-toekarena sedrain’ireo saranga marisarisa eo amin’ny firenena.
Ny fitsidihana ireo làlana ezyptiana maromaro dia afaka haneho io tranga io; miainga avy eo amin’ny tanànan’i Gizeh, izay ahitàna mpivarotra feno fawanees ary tena mandeha be tokoa izany varotra izany.

Farany dia maka ohatra avy amin’ny fironana vaovaon’ireo mpivady ezyptiana koa izy:

والجديد هذه الايام ان الفوانيس لم تعد قاصرة علي لهو الصغار بل امتدت الي الكبار ايضا حيث اصبحت عادة لدي الشباب الخطوبين، فكل خطيب يحرص علي شراء فانوس لخطيبته
كهدية لها وكنوع من انواع التفائل لاتمام زواجهم السعيد

Tamin’ity taona ity, samy nankafy ny fawanees daholo na kely na lehibe. Ho an’ireo mpivady vao, ireo mpifamofo, dia tena nankafiziny tokoa ny manolotra fawani iray ho an’ilay tokan’ny fony; fambara sahady ho an’ny tokantrano feno fahasambarana.