Mir Hussein Mousavi, iray amin'ny mpitarika mpanohitra Iraniana no nanamarika vao haingana nandritra ny resadresaka tanaty lahatsary fa tsy manam-paharoa eo amin'ny tantaran'i Iran ny famoronana artistika nananan'ny hetsi-panoherana ‘maitso' hatramin'ny fifidianana ho filoham-pirenena tamin'ny 12 Jona lasa teo. Nahazo aingam-panahy tamin'ny hetsika maitso nataon'ny Iraniana ny mpanakanto Iraniana sy ny tsy Iraniana haneho ny talentany hamorona haikanto (designs), afisy, sary ahetsiketsika ary lahatsary an-kira hanehoany ny fanantenany sy ny fahatezerany.

Indro misy angona hosodoko miompana amin'ny hetsika “maitso” noforonin'i Soheil Tavakoli, mpanakanto Iraniana monina any Etazonia:

Namorona sombin-kanto hafa i Hamed Pourabedin ao amin'ny takelaka Facebook-ny : Oksizena ho an'i Iran

Ary satria moa miomana amina fihetsiketsehana hafa indray ny mpanohitra Iraniana amin'ny 4 Desambra ho avy izao, Andron'ny Mpianatra Anjerimanontolo (faha-16 Azar), dia efa nanomana afisy ampolony indray ry zareo.

“Amin'ny faha-16 Azar, haverintsika i Iran”

Azonao jerena ihany koa ny tantara hafa ato amin'ny Global Voices:

Iran: Zavakanto manampy ny fanoherana
Iran: Manome aingam-panahy ara-javakanto ny hetsi-panoherana

Isaorana ny vaomieran'ny loka Nobel fa nanala andro anay izy androany. Maro angamba ny olona no tsy matoky hoe nahoana moa no nomem-boninahitra ny filoha Amerikana Barack Obama, sady mihevitra fa tsy mendrika azy izany. Saingy faly avokoa izy rehetra, fa mampisy fanantenana azy ireo izao fa hay mety hahazo ny loka avokoa ny tsirairay. Tsy vitan'ny hoe ny olo-tsotra ihany no hendratra, fa na dia ny Associate Press aza dia mitovy fijery amin'izy ireo:

Voninahitra lehibe ho an'ny iray amin'ny filoha Amerikana tanora indrindra, izay tsy mbola ampy sivy volana ny nandraisany ny asany — ary vao 12 andro monja mialoha ny andro farany hanaovana ny fifantenana izany tamin'ny volana febroary izany.
Taratra fa noho ny fampanantenana no tena nahazoan'i Obama ny loka fa tsy noho ny zava-bitany.

Ny hevitry ny Ejypsiana nandritra ny fotoam-panambarana tao amin'ny Twitter

Ary gaga tanteraka ny sasany.

Ary dia nanomboka nanala azy ny ankamaroany

Namoaka lahatsoratra manokana momba io ao amin'ny bolongany i Arabawy.

Nahazo ny loka Nobel fandriampahalemana ny mpanombi- kenan'i (boucher) Iraq sy Afghanistan (ary Pakistan) . Arahabaina e! [Mabrouk!] Andro lehibe ho an'ny tontolo anjakan'ny fahafahana izao. Obama, Manachem Begin, Henri Kissinger–ireo olona rehetra nahatonga ity planeta ity ho toerana maha-te-honina. Ary maninona raha mba mahazo an'io ihany koa ry Mubarak sy ry Habib el-Adly? Lasa ny hafatra ho an'ireo mpisolelaka any Nôrvezy: Ny famonoana sy ny fanajedahana no lalana atoronareo hahazoana ny loka Nobel.

Ary farany, dia misy ihany ireo manana fijery hafa:

Miandry ny filoha Iraniana Mahmoud Ahmadinejad izay nandeha nankany New York, hanatrika ny fivoriam-ben'ny Firenena Mikambana ny hetsi-panoherana ny governemanta Iraniana sy ny fanitsakitsahana ny zon'olombelona mitranga any Iran. Manentana ny olona handray anjara amin'ity fihetsiketseham-panoherana ity ny fampitam-baovaon'olo-tsotra.

Mandra-piandry aloha dia nofoanan'ny New York Helmsley Hotel ny lanonana saiky notontosaina tamin'iny herinandro iny rehefa tsikaritra fa voalahatra hanatrika sy handray fitenenana Atoa Ahmadinejad.

Nikahang Kowsar, mpanao sariitatra sady mpamaham-bolongana koa dia nampiseho tamin'ny sariitatra iray nataony an'i Ahmadinejad katry-rami (fa tsy ataoko hoe Quat'mi) ao New York, manontany ny Tsangambaton'ny Fahafahana trano azo onenana. Toy izao ny vakin'ny soratra ao amin'ny sariitatra:

“Sao dia manan-trano tsy misy mipetraka ianao ranabavy, na lava-totozy, azo hofaina mandritra ny herinandro?”

Amin'ity lahatsary manaraka ity kosa no anasana ny olona hanohitra an'i Ahmadinejad amin'ny anaran'ny maritiora. Angon'afisy sy sary ampiasaina any amin'ny fihetsiketsehana Iraniana no asehon'ny lahatsary.

Ao amin'ny United4Iran, serasera tsy manohana olona fa mitolona ho amin'ny fampanajana ny zon'olombelona sy maha-olona ao Iran no hamakiantsika fa:

Where Is My Vote NY, along with other grassroots organizations, invite you to participate in the September 23rd & 24th demonstrations at the UN Headquarters in New York City. They are protesting Ahmadinejad’s presence due to violations to the human and civil rights of the Iranian people, as guaranteed by the UN’s Universal Declaration of Human Rights and International Covenant on Civil and Political Rights, ratified by Iran.

Kaaveh Aahangar ao amin'ny Iranian.com no manazava fa tsy fandaniam-potoana tsy akory ny fanoherana an'i Ahmadinejad ao New York :

The media notices when and where a protest is held. Bystanders and passers-by notice when a protest event happens. Politicians notice when there is a protest. And if the protest is staged well, it will invariably make somebody look at the cause with new attitude. Protest events are not persuasive in and of themselves, but they invite persuasion. They invite change. They invite a second look at the issues and the cause. Protests make the public, the politicians, and policymakers aware that people care strongly about that particular cause.

Maro ny haiendrika, afisy, hira sy lahatsarin-kira noforonin'ny Iraniana sy tsy Iraniana manerantany ho entiny manohana ny hetsi-panoherana “maitso” manohitra ny valim-pifidianana filoham-pirenena tamin'ny 12 jona. Nihantsy ady amin'ny fitondrana jadona any Iran koa ankehitriny ny mpahay kisarisary ahetsika.

Avy amin'ny aingam-panahin'i Gandhi izany olona maitso izany

Mahmoud Ahmadinejad nandritra ny adihevitra fifidianana 2009

Ny Zon'ny Baha'i

Misy kisarisary athetsika mampahatsiahy antsika ihany koa fa efa an-taonany maro talohan'ny fifidianana izay ny Fitondrana Islamika no nangeja ny olona. MideastYouth.com no mampiseho kisarisary ahetsika ny fangejana ny mpanaraka ny finoana Bahai any Iran. Tantara naharitra 30 taona.

Mbola mihaika ny fitondrana islamika amin'ny fomba maro samihafa ihany ny hetsi-panoherana ao Iran, hatramin'ny fiantsoana ‘Allaho Akbar' (Lehibe Andriamanitra) hatreny an-tampon-trano amin'ny alina (fifampiarahabana hatramin'ny fotoanan'ny fanoherana) mandra-pahatongan'ny fihetsiketsehana amin'ny Andron'i Quds (Jerosalema).

Ny andron'i Quds, voambolana Arabo milaza an'i Jerosalema — dia hotontosaina ny 18 septambra amin'ity taona ity. Manokana ity andro ity hanamelohana an'i Isiraely sy hanohanana ny Palestiana ny mpitondran'ny Repoblika Islamika

Saingy amin'ity taona ity kosa dia nanapa-kevitra ny hanamarika ity fotoana ity hihaikana ny fitondrana Iraniana ny hetsi-panoherana Iraniana (Hetsika Maitso) izay mbola miady hevitra ny valim-pifidianana nilazana ny filoha eo amin'ny fitondrana Mahmoud Ahmadinejad ho mpandresy tamin'ny volana jona, amin'ny fidinana an-dalambe ao Teheran sy ny tanàna hafa indray.

Indro misy lahatsary ahitana ny sarin'i Mir Hussein Mousavi, mpitarika refôrmista sady lehibe indrindra amin'ny kandidàn'ny mpanohitra, mihantona eo amin'ny tetezan'ny lalamigodànan'i Nyayesh ao Teheran, miaraka amin'ny hikam-pitolomana hoe : “Andron'i Quds, Andro maitso”.

Maro ny haiendrika sy ny sary milaza ity fotoan-dehibe ity hita amin'ny fampahalalam-baovaon'olo-tsotra an-tserasera iraniana. Asehon'ny hiaka sy ny haiendrika ny tontolom-panoherana ao amin'ny firenena.

“Tsy ho an'i Libanona na ho an'i Gaza fa ho an'i Iran no anolorako ny aiko hatao sorona”

“Andron'i Quds, firenena Iraniana Maitso mamirapiratra”

“Mitsimoka na aiza na aiza ny Maitso”

“Ny rehetra amin'ny Andron'i Quds”

Mpamaham-bolongana Iraniana NiaclNsight no manoratra:

“Ho maitso ny tsingerintaona faha-30n'ny Andro iraisam- pirenenan'i Quds (Jerosalema) amin'ity taona ity, araka ny lazain'ny vohikala refôrmista eto Iran. Efa nilaza ny handraisany anjara amin'ity andro iray toa zato fankalaza manerana ny tanànan'i Iran rehetra ity ny mpitarika ao amin'ny fanoherana na i Karroubi, na i Khatami, ary i Mousavi.”

Mehrshad indray manoratra fa [fa] “…raha tianao toherina izao toe-java-misy ankehitriny izao dia isalory ny (loko) maitso amin'ny Andron'i Quds.”

Hamid Tehrani

Roa volana lasa izay no namoahanay ny tantaran' ireo nandresy tamin'ny fifaninanana “2009 Democracy Now Challenge” (haika ho amin'ny Demaokrasia izao) miaraka amin'ny lahatsariny tsirairay avy maneho ny dikan'ny Demaokrasia ho azy ireo. Ankehitriny moa dia mitsangatsangana mamakivaky an'i Etazonia mandritra ny roa volana mitsidika an'i Washington, New York ary Hollywood ireo nahazo loka ireo, ary mandritra izany fotoana izany dia efa nanambara sahady ny Sekretariam-panjakana (Amerikana) fa misokatra indray ny fifaninanana lahatsary 2010 Democracy Now. Sahala ny tamin'ny herintaona ihany ny fitsipika. Amin'ny ambangovangony dia tokony handefa lahatsary latsaky ny 3 minitra ianao mameno ny fehezanteny hoe “Democracy is…”[ny Demaokrasia dia…]. Tokony ho amin'ny teny anglisy na misy dikany an-tsoratra amin'ny teny anglisy no hanaovanao azy, ary azo aseho amin'ny fomba samihafa: sary ahetsika na nalaina tamin'ny andavanandro, fanadihadiana na tantara foronina. Ny fe-potoana farany handefasana ny lahatsary dia amin'ny 31 Janoary 2010; aorian'izay ny fifantenana ka ao anatin'izany ihany koa fampisafidianana an-tserasera mandra-pisongadin'ny olona 6 avy amin'ny faritra ara-jeografika 6 samihafa, ka ireo no hitsangatsangana any Etazonia hiresaka amin'ny olona avy amin'ny fitondrana sy ny haino aman-jery.

Indro ny lahatsary nataon'izy ireo hanasongadinana ny fifaninanana:

Iarahan'ny YouTube, ny Departemantam-panjakana (Amerikana) [raharaham-bahiny] ary ny hafa miasa ny fikarakarakana ity fifaninanana ity, ka ny antsipiriany hafa ilaina ho fantatra ilaina mialoha ny handefasana lahatsary hifaninana dia azo jerena ao amin'ny YouTube-n'ny Departemantam-panjakana (Amerikana) amin'ny fanindriana ny bokotra “Important Details”.

Azonao jerena ao amin'ny bolongana YouTube ny sary tamin'ny nisehoan'ny nahazony loka 2009 tamin'ny televiziona, ka raha tianao ny hahalala bebe kokoa amin'ireo nandresy ireo dia efa nampiseho an-dahatsary ny mombamomba azy ny 4 amin'izy ireo.

Aissa Peñafiel avy any Philippines:

Rodin Hamidi avy any Iran:

Anna Israel avy any Brezila:

ary i Lukasz Szozda avy any Pôlônina:

Raha mila aingam-panahy ianao amin'ny fandraisana anjara? Maninona raha mba mitsikilo ato ireo nandresy tamin'ny 2009?