Global Voices amin´ny teny malagasy » Egypt

Ejypta : Taorian'ny afo tao amin'ny antenimiera

Pissoa — Thu, 21 Aug 2008 22:46:43 +0000

Mampihomehy sady mahavery hevitra ny fahitan'ny mponina ny nandevonan'ny afo ny trano tao amin'ny antenimiera androany. Tsy mampino, fa tena misy mihitsy nefa ireo faly noho ny nandevonan'ny afo ilay trano.

Resahin'i Zeinobia ato ny fihetse-pon'ny mponina :

They are happy seriously happy in a way you can’t imagine , of course today the fire of the Shura Council is still the talk of the town , most of the Egyptians did not see the grand fire of Cairo , so to see this one like this live on TV screen still the hours of the morning was something new. The people are feeling that they are suppressed and can’t take it any longer . They are so angry and pissed off this government and regime

The people who were gathering in the street were watching the scene in joy ,I felt , they did not put in consideration the historical value of the building , I do not know if this is because of cultural ignorance or the hate of every thing that represents the regime , I think it is more the second option

Tena tsy azo inoana mihitsy ny hafalian'ny sasany. Mazava ho azy fa mbola ilay trano nirehitra no resa-be eto an-drenivohitra amin'izao. Tsy afaka nahita ny afo tao Cairo moa ny ankabeazan'ny Ejyptiana, ary tena zava-vaovao tokoa ny nahita zavatra toy ireny nandeha mivantana tamin'ny fahitalavitra mandritra ny tapak'andro maraina. Mahatsiaro voahitsakitsaka loatra ny olona, ary tsy afaka mandefitra intsony. Tezitra mafy amin'ny governemanta sy ny fitondram-panjakana amin'izao izy ireo.

An-kafaliana koa no nijeren'ireo olona teny amin'ny arabe iny afo iny. Raha ny fahitako azy dia tsy dia norarahian'izy ireo loatra ny maha-trano manan-tantara ilay trano. Tsy haiko raha ny tsy fahaizana ny tantara no mahatonga izany, na ny fankahalana izay rehetra maneho ny fitondram-panjakana. Ilay faharoa io no hitako hoe marimarina kokoa.

Ao amin'ny Facebbok aza dia misy “group” vaovao mamondrona ireo “Izay faly tamin'ny nahazo ny Antenimiera” [“Anybody else is happy for what happened to the Parliament!”.]

Ny tsy fahombiazan'ny governemanta tamin'ny famonoana ny afo kosa no noresahin‘i El Motamangeh :

سؤال يطرح نفسه : الدولة التي فشلت في تأمين برلمانها ضد الحرائق ثم فشلت في اخماد حريق بسيط في مبني من 3 أدوار، كيف ستنجح في تأمين حدودها الشرقية؟

Fanontaniana : Ho afaka miaro ny sisin-taniny any atsinanana ve ny governemanta izay tsy mahavita miaro ny tranon'ny Antenimierany akory ary tsy mahavita mamono ny afo amin'ny trano misy rihana telo ?

Tetika efa nisy nanomana no fahitan'ny mpitoraka blaogy sasany ny antony nahatonga iny afo iny. I Politikia ohatra dia nitantara ny siosion-dresaka taorian'ny mikasika ny zava-misy taorian'ny nahamay ilay trano :

Rumors say that the fire can be an intentional one, to burn documents related to some recent important incidents (related to corruption) Like Mamdouh Ismail Salam 98 case for example.

Raha ny siosion-dresaka heno dia mety ho antony iraisam-pirenena no nahatonga iny afo iny. Mba handorana ireo atontan-taratasy tamin'ny zava-nitranga tato ho ato (misy resaka kolikoly), tahaka ny raharaha Mamdouh Ismail sy ny Salam 98 ohatra.

Malahelo kosa ny mpitoraka blaogy sasany noho ny maha-trano manan-tantara ny Shura. Tantarain'i Nawara eto ny alahelony :

زعلانة قوي
ليه كده؟ للدرجة دي؟ عايز ياخد ورق ياخده باي طريقة، ده تاريخنا، دي بلدنا
مبنى الشورى بينهار، ده مش زي احتراق الاوبرا، ده مجلسي الشعب والشورى، دي فلوسن

Malahelo mihitsy aho.
Raha tena hoe te handoro atontan-taratasy izany tokoa izy ireo dia heveriko fa misy fomba hafa hanatanterahana izany. Ny tantarantsika io, ny firenentsika. Mirodana ny tranon'ny Shura, tsy tahaka ny zava-nisy tamin'ny trano fanaovana tantara an-tsehatra (efa mahery ny 50 taona izany). Antenimierantsika io, volantsika.

Farany dia tsy nisakana ireo “Leftists” tsy hanao ny hanihaniny koa iny zava-nitranga iny. Dokam-barotra malaza iray amin'ny sehatry ny fifandraisan-davitra no hanaovan'izy ireo vazivazy ato. Misy soratra moa amin'ny dokam-barotry ny Mubarakfone hoe : “Mahita vodin-tsigara” [”Seeing a Cigarette Butt”], ary isan'ny ahiahiana mahatonga ny afo foana ny sigara indrindra rehefa te hamotika atontan-taratasy. Mbola mitohy moa ilay dokam-barotra hoe “Handoro ny firenena ny Mubarakfone.” [“Mubarakfone will set the country on fire.”]

Ejypta : Nirehitra ny tranon'ny antenimiera

Pissoa — Thu, 21 Aug 2008 10:12:56 +0000

Hatairana ny an'ireo mpitoraka blaogy avy ao Ejypta noho ny firehetan‘ny tranon'ny antenimiera any an-toerana androany maraina. Na dia mbola eo ampiandrasana ny filazana izay antony nampirehitra ity tranobe nahorina tamin'ny taon-jato faha-19 ity aza ireo mpitoraka blaogy dia maresaka aoka izany … ary manao ny fanamarihan'izy ireo.

Nitantara amin'ny antsipirihany ny fivoaran'ny famonoana ny afo ny Horytna [Ar], miaraka amin'ny tatitra nataon'ireo vavolombelona nanatri-maso. Namoaka tahirin-tsary mirakitra ny firehetan'ny trano ao amin'ny Ikhwan Online kosa ny Firahalahiana Silao [Muslim Brotherhood].

Antso fanairana ny Filoham-pirenena Ejyptiana Hosni Mubarak mba hametra-pialana no namaritan'i Bakri Hassan iny afo iny. Hoy indrindra izy :

رمز مصر يحترق
الان يحترق رمز مصر
تابعوا احدث فضائح مصر المدوية
الدولة المصرية عاجزة حتي الان عن السيطرة علي حرق رمزها
وصلنا الي النهاية سيادة الرئيس
سيدي الرئيس استقيل قبل ان تحرق البلد كلها وليس رمزها فقط
تابع علي الفضائيات والمواقع حريق مصر

Mirehitra ny famantarana an'i Ejypta

Levonin'ny afo amin'izao fotoana izao ny famantarana an'i Ejypta

Araho ny vaovao mikasika ny faharavana eto Ejypta

Tsy mahafehy ny afo mandoro ny vakoka eo amin'ny fireneny akory ny fanjakana Ejyptiana

Tapi-dala-kaleha ianao Andriamatoa Filoha

Mametraha fialana sao ny firenena iray manontolo no hodoranao fa tsy ny famantarana azy fotsiny

Araho amin'ny aterineto ny vaovao mikasika ny afo eto Ejypta.

Mihevitra i Amr Ezzat fa nosakanan'ny fanjakana tsy hamoaka ny vaovao ny gazety Al Baleed noho ny firesahany iny afo iny. Hita tamin'ny lohateny lehibe mantsy ny hoe misy atontan-taratasy very noho tamin'ny nirehetan'ny trano.

I Tahyyes kosa indray no milaza fa tsy ampy mihitsy ny ezaka natao mba hamonoana ny afo.

رياح ايه اللي بيتكلموا عليها؟
هي فين الرياح دي؟ طب انا عايزة حد يحلف لي على المصحف ويقول انشالله يعمى بعنيه لو حس باي رياح
انا شايفة بعيني اتنين بيطفوا الحريق في التلفزيون
اتنين…..اتنين يا بشر
ده لو الناس اللي ملمومة تفت على مجلس الشورى اللي بيتهد دلوقت كانت طفت

Inona no rivotra resahin'izy ireo izany ?

Aiza izany rivotra izany ? Misy olona hiniana amin'ny Koran ve, ary hiteny fa mivavaka aho mba ho jamba izy raha milaza fa maheno izany rivotra izany.

Manaraka ny fahitalavitra aho amin'izao, ary olona ora fotsiny no miezaka mamono ny afo.

Roa … roa fotsiny

Raha mba netin'ireo daholo ny ady asehony ao amin'ny Shura, izay efa hirodana amin'izao, dia mety ho nahafaty ny afo izy ireo.

Nifampita vaovao tamin'ny alalan'ny twitter koa ny Ejyptiana nandritra ny nirehetan'ny afo. Izao no nolazain'i Wael Khalil mikasika ny nahatonga ny afo :

الغلطة غلطة المبني-قديم وكله خشب

Hadisoan'ilay trano iny - efa antitra izy ary vita tamin'ny hazo.

Mitaraina kosa i Malek amin'ny fofona nateraky ny afo :

ولاول مره اشم ريحة الحريق من ساعة المجلسين ماولعوا,الريحة سيئة فعل

Izay indray vao nisy fofona afo takaha izao hatramin'ny nirehetan'ny [two chambers] - sady maimbo mihitsy ilay izy.

Ejypta : Olo-manga arabo telo no nodimandry

Pissoa — Wed, 20 Aug 2008 10:53:44 +0000

Very olo-manga teo amin'ny lafiny kolotsaina telo be izao ny tontolo Arabo tao anatin'ny iray volana ; dia i Dr Abdel Wahab El Miseiri, filozofy sy ilay mpamokatra sarimihetsika Youssef Chahine samy avy ao Ejypta - ary ny poeta palestiniana Mahmood Darwish. Izay no resahin'i ElGharep, na The Stranger, mpitoraka blaogy avy any Ejypta ato amin'ity lahatsoratra ity [Ar].

فى خلال شهر واحد تقريبا توفى ثلاثة من أكثر من أسروا الثقافة العربية وهم على ترتيب ميقات الوفاة د. عبد الوهاب المسيرى و يوسف شاهين ومحمود درويش
الأول كاتب والثانى مخرج والثالث شاعر ….يختلفون فى المجال الثقافى فعبد الوهاب المسيرى الفيلسوف المصرى صاحب موسوعة اليهود واليهودية والصهيونية والذى أعطى كل مالديه أسرئا للثقافة …يوسف شاهين مخرج الوعى والذى جسدت أفلامه كل ألم مصرى وعربى من فيضان النيل ف”بن النيل” و النكسة فى ” عصفور ” وتوقعه بالنصر فى “الأرض” والكثير من الأفلام التى عبرت عن شئ واحد فقط وهو المصرى وقضاياه وأخيرا…محمود درويش ” شاعر الأنتفاضة والذى كتب بكل أسى عن شقاء الاجئ الفلسطينى المسحوق أمام قوة الأحتلال الصهيونى الغاشم وتخاذل الأنظمة العربية المخزى

Olona telo izay samy nanana ny naha-izy azy teo amin'ny kolotsaina arabo no nodimandry tao anatin'ny iray volana. Dr Abdel Wahab El Miseiri, Youssef Chahine ary Mahmoud Darwish.

Mpanoratra ny voalohany, ny faharoa mpanao sarimihetsika ary ny fahatelo poeta. Samy niavaka izy telo teo amin'ny lafiny kolotsaina. I El Miseiri dia filozofy avy ao Ejypta izay nanoratra ny firaketana Jews, Judaism and Zionism. Nampiasa izay nananany rehetra izy mba hampanankarena ny kolotsaina arabo. I Youssef indray dia mpamokatra sarimihetsika izay niezaka naneho ny rofin'ny Ejyptiana sy ny Arabo tamin'ny sarimihetsika nataony, tahaka ny tondra-drano tao Nil ao amin'ny Ibn El Nile (Ny Zanak'i Nil), ny tantara ao amin'ny Asfour (Vorona) ary ny fanantenana fandresena ao amin'ny El Ard (Ny tany) sy ny horonan-tasry mihetsika maro hafa izay miresaka zavatra tokana : ny Ejyptiana sy ny olany. Farany, i Mahmood Darwish, poeta tamin'ny Intifada, nitantara ny fahorian'ireo mpifindra monina Palestiniana tamin'ny fanafihan'ny Zionist sy ny fahalemen'ny governemanta arabo.

Nanampy koa ny mpanoratra fa :

الثلاثة يتشباهون فى شئ واحد ورئيسى الشأن العام والذى ظل مسيطر عليهم الى أخر لحظة فالمسيرى ظل الى أخر نفس رئيسا لحركة كفاية المصرية المعارضة بالرغم من سنه الكبير الذى لا يتحمل المطاردات الأمنية لأمن النظام المصرى ….وشاهين صاحب أقسى الأفلام السياسة نهاية بفيلم “هى فوضى ” والذى عرى فيه النظام البوليسى المصرى والذى لا يعبأ بالقضاء ولكن بأمنه فقط ….وأخيرا محمود درويش والذى الذى أستقال من منظمة التحرير أثر توقيع أتفاقية “أوسلو” فلم يقبل التخلى عن أى حق فلسطينى

Hatramin'ny ora farany niainany dia samy liana tamin'ny raharaham-bahoaka izy ireo. Na dia efa tao anatin'ny fahanterany aza i El Miseiri dia mbola nitarika ny antokony mpanohitra Kifaya tao Ejypta. I Chanine namokatra sarimihetsika masiaka maro, ary ny farany dia ilay Heya Fawda (It is Chaos), izay nampiseho ny tsy firaharahian'ireo mpitandro filaminana Ejyptiana ny fahamarinana sy ny fitadiavany tombony ho azy ireo manokana. Farany, dia niala tao amin'ny Palestine Liberation Organization i Darwish taorian'ny nanaovana sonia ny fifanarahan'i Oslo satria tsy te hamela na dia iray aza amin'ny zon'ny Palestiniana izy.

Tany Arabo:Vehivavy, tokantena, handao ny akany?

avylavitra — Tue, 12 Aug 2008 19:30:56 +0000

Ho an'ny ankamaroan'ireo vehivavy tokantena arabo, ny hiaina sy hiasa na handranto fianarana lavitry ny fianakaviana dia safidy tsy mora atao, noho ny tahotra ny hoe “Dia inona no ho lazain'ny olona”. Manerana ny tontolo arabo, vehivavy mpitoraka blaogy maro no efa naneho ny ahiahiny mikasika ny olana sedrain'ireo vehivavy tokantena.

I Rambling Hal, monina any Amman ary mpitoraka blaogy ao amin'ny Rants and Rambles, dia nanapa-kevitra hanaiky tolotr'asa any Abou Dhabi :

Sao misy amintsika azafady, MIANGAVY AHO, mba afaka hanazava amiko hoe INONA no tena mahahenjana, ny tena maha ratsy, ny tsy mahamety ny maha-vehivavy be nofinofy (tanjona) manana ny fahaiza-manao, ny faniriana sy ny fientanana handeha hiorim-ponenana any amina firenana hafa iray any Moyen-Orient ka hiaina ny fiainana maha tokantena azy any toy ny mpiasa nafàrana (expatriée) (oay mahatsiravina, oay manafintohina), noho ny traikefa fotsiny? Ary tsy hoe firenena iza akory fa dia ny EMIRATS ARABES UNIS mihitsy miaraka amin'ireo sarangam-piainany sy ny fitoniany, ny filendalendana aterany raha asa no asian-teny ary ny fampitoviana laharana azy amin'i ‘Soisan'ny Moyen-Orient'. […] Raha izaho manokana sy ny fianakaviako akaiky no mifankahazo resaka, mifanohana ary manaiky ny fanapahan-kevitro HANORINA FIAINANA AHY MANOKANA (HANDRAY AN-TANANA SAMIRERY NY FIAINAKO), tsy teliko marina mihitsy ny fomba fijery vilan'ity fiaraha-monina ity izay manery antsika hihinana am-bolony ny fitsaratsaram-poana diso toerany sy ny fahatsapana mitanilany momba ny fetra sy ny fomban-drazana ara-piaraha-monina nolovaina. Ny hany tokony hibahana ao an-tsaina ny alahelo noho ny fisarahana (sy ny fangoronana ny kiraroko) fa TSY ‘izay ho lazaina na hosainin'ny olona' velively.
Olona manana tetik'asa aho. Tsy hitorevaka fotsiny eo aho hanonofy fa any andro iray ho tanteraka ireny. Tsy maintsy hiezaka aho ny hahatanteraka ireny ary hifofotra aho mba hisy zavatra mijoro mandritry ny androm-piainako. Raha izany no hahatonga ahy ho olona tsy ampiampy saina, hafa noho ny rehetra, sy voaozona hitsotsorika amin'ny lalana ratsy mitondra any amin'ny helo, olona tsy azo antoka, mivika satria olona manome lamosina ny fiadanana rehetra omen'ny fiainana lavitr'izay mety ho fandraisana andraikitra, olona nivily làlana koa aza angamba… tsy maninona, izay izany.

Avy any Arabia Saodita i Hala ary monina tsy ela akory izao any Etazonia , mitoraka blaogy ao amin'ny HALA_IN_USA; izy no mizara amintsika ny zava-niainan'ny iray amin'ireo namany tokantena miasa any Riyad, lavitry ny fianakaviana, ary tsy maintsy nizaka nandritry ny fotoana maharitra ny faneriterena (tsindry hazolena) nataona lehilahy iray, izay tsy hitany loatra izay anaovana azy. Hoy i Hala mamehy izany :

Mitsetra ireo tovovavy tokantena miaina irery ao anatin'ny tontolo najoron'ny lehilahy aho… Vaha olana naroson'ny reniko ny handehanana manambady ary ny zokiko vavy dia nanoro hevitra ahy mba hanarona voaly ny endriko ho mariky ny fikasana tsara ananan'ny vehivavy sy ho fanafenana ny aminy (hoe iza izy) … dia nanontany tena aho hoe, na teo aza ny ezaka maro nataon'ny vehivavy ho fisorohana ny teritery (tsindry hazolena) eto, tsy nahatohitra ny rabirabin'ity lehilahy ity ilay namana iray ity, tsy dia nasiana lanja loatra izay heviny… Afaka tonga dia lazaina ve fa ny vehivavy dia afaka miara-miasa amin'ny lehilahy raha toa ka tsy hajaina sy faritana mazava tsara ny zon'izy ireny? Tsy maintsy hasiana fanentanana eraky ny firenena ve mba hanentanana ny lehilahy momba ny zon'ny vehivavy, indrindra fa eny amperin'asa, sy momba ny lalàna henjana mba tsy hanaovana z'inona ny vehivavy? Ny tahotra ny ho very laza amam-boninahitra ve no hisongona ny fiarovana ny tena manokana? Tontolom-piaraha-monina henjana sy be moraly ve no misy antsika? Ary ahoana no hanovantsika fomba amam-panao efa tena latsa-paka, manery ireo vehivavy manana ny hàjany sy tena anatin'ny finoana ho ailika anjorom-bala, apetraka ambany fiadidiana sy rakofana manontolo voaly, hankany amin'ny fomba amam-panao feno fitsimbinana ny vehivavy?…

Ho faranantsika miaraka amin'i Eman izay manoratra ao amin'ny Hatshepsut, haftra mitondra ny lohateny hoe ‘Overheard in Cairo‘ ('Resaka heno tao Caire'):

Tovovavy 1: Ha ! Dia handeha hianatra any ivelany mandritry ny firy taona izany indry?
Tovovavy 2: 5 taona.
Tovovavy 1: Woow ! DIMY TAONA ! Be loatra izany an !
Tovovavy 2: K'ah, hanao doctorat anie aho e… Indry koa aza tokony hanao fangatahanai.
Tovovavy 1: Mmm, tsy haiko, tsy mino aho hoa haniky ny hipetrahako irery any an-tanin'olona any ny dadako mandritra izany fotoana ela be izany.
Tovovavy 2: Fa nahoana ?
Tovovavy 1: K'ah, hain-dry ihany, noho izay mety ho filazan'ny olona.
Tovovavy 2: Inona no mety hambaran-dry zareo k'ah ?!!
Tovovavy 1: Hain-dry e… “Tovovay nipetraka irery nandritry ny fotoana maharitra iny”… “Andriamanitra irery no mahalala izany nataony tany”… Hitan-dryy, zavatra toy izany…
Tovovavy 2(sadaikatra): Zay izany, tsy misy afa-tsy ny olona tsy misy fandeferana sy manana fisainana mivika no hisaina toy izany, ary amiko dia tsy tokony hihaino azy ireny akory izay olona mahay mandinika sy mandanjalanja.
Tovovavy 1: Ekeko, nefa ny zavatra toy izany dia mety hiantraika hatrany amin'ny vintana tokony hanànana tokantrano ary izany no tsy haneken'ny raiko azy.
Tovovavy 2: Hay, tsy te-hanambady olona tsy ampy saina sy borné kosa angamba aloha indry e, sa ?

Egypta: Mirodana ireo tranobe

avylavitra — Thu, 17 Jul 2008 15:03:43 +0000

Zava-mahazatra eto Egypta ny lohateny vaventin’ireo gazety milaza fikorotsahana tranobe , ary koa ireo vatana mangatsiakan’ankizy sintonina avy any ambanin’ireny korontan-javatra ireny. Ibn Al Dunya, [anglisy], ao amin’ny blaogy Fustat, dia mitatitra ny zava-doza farany hatreto, izay namoizana ain’olona tsy manatsiny dimy.
Hoy ny mpitoraka blaogy manazava [anglisy]:

Tranobe iray no nirodana omaly hariva tao Mansoura, tanana iray ao amin’ny elodranon’i Nil. Olona dimy no maty, ary dimy hafa naratra, araka ny Mena, masoivohom-baovaom-panjakana egyptiana. […] Tranobe efa tranainy ahitana rihana telo izy io.

Nahoana no niseho izany? Ibn Al Dunya dia mandroso izao fanazavana manaraka izao :

Matetika loatra ny firodanan’ireny tranobe ireny, eto Egypta. Matetika, ampiana rihana iray na roa fanampiny nefa tsy nierana tamin’ny manam-pahefana akory, ary taon amaro no mifandimby izao vao miseho ny nafenina, miteraka famoizana aina toy ny tranga mitovy amin’ity indray mitoraka ity.

Fepetra fisorohana manao ahoana no misy mba hialana amin’ny zava-doza toy ireny? Dia hoy i Ibn Al Dunya hoe :

Tamin’ny 1996, nisy fepetra vaovao noraisina mba hamahana io olana io, saingy tsy nisy fiovana, na zara raha nisy. Ny pejy vao haingana amin’ity tantara mitohy mampalahelo ity, talohan’ilay omaly, dia nitranga tany Alexandrie tamin’ny desambra 2007, ka olona 35 no namoy ny ainy.

Egypta : Fampijaliana azo ekena ihany

Tomavana — Thu, 29 May 2008 09:00:40 +0000

Zendana ny mpiblaogy Egyptiana Mostafa raha nahatsikaritra taorian'ny fanadihadiana notanterahiny anivon'ny mpiray dia ao amin'ny vohikala Facebook, fa misy ireo namany izay mihevitra fa azo ekena ihany ny fampijaliana atao ny olona iray, mba hanongotana an-tery izay tiana ho fantatra mandritra ny fampanoavana azy.

Egypta : Ady amin'ny Facebook

Tomavana — Wed, 07 May 2008 10:39:52 +0000

Zenobia no mitatitra ao amin'ny blaoginy Egyptian Chronicles mikasika ny ady amin'ny Facebook any Egypta :

The Facebook now is the official enemy of state.The blogs are no longer the danger on the State but it is the Facebook.

Last week most if not all the official publications in the Arab Republic of Egypt opened their fire on the Facebook as a danger on the national security , danger on our identity and danger on our morals sending several indirect messages like calling for a ban and scaring the average Egyptian Joe from using it.

“Ankehitriny dia ny vohikala Facebook no fahavalon'ny fanjakana. Tsy ireo blaogy intsony indray izany no fahavalom-pirenena, fa ny Facebook.

Tamin'ny herinandro lasa, ny ankamaroany raha tsy izay gazety rehetra fehezin'ny Repoblika Arabon'i Egypta mihitsy, no indray niara-nitifitra an'ny Facebook ho toy ny loza manambana ny fandriampahaleman-pirenena, sady loza hoan'ny maha iska antsika no loza koa hoan'ny fitondratena madio amin'ny fandefasana hafatra ambadika hampitahorana ireo Rakoto tsotra Egyptiana, mba tsy hampiasa izany vohikala izany.”

Egypta:rehefa mifangaro ny Finoana sy ny Pôlitika

avylavitra — Thu, 01 May 2008 20:10:04 +0000

Ao anatin’ity hafany eto ity i Zeinobia, Egyptiana mpitoraka blaogy, dia mamely ny Papa Shenouda III momba ny kabariny tamin’ny Paka tamin’ity taona ity.

Mbola mahatsiaro malahelo sy tohina aho tamin’izay nambaran’ny Papa Shounda sy nataony tamin’ity Paka ity tamin’ny vavaka mba haha ela velona an’i Moubarak !! sy nampitandremany ny olona amin’ny fihainoana ireny hagaigena amin’ny aterineto izay hamarina any amin’ny helo ireny!!??

Hoy izy manohy:

Hoy an’ny Silamo dia zava-mahazatra izany, efa hatry ny ela no nahalalako fa ny toritenin’ny Imam any amin’ny Mosquée manodidina anay dia mahazo rariny amin’ny mpitandro filaminana, noho izany tsy dia maharototra ahy loatra izay nambaran-dry zareo, tsy hilazana hoe ireo olom-pivavahana Silamo dia tsy manana ny sata masina ananan’ireo olom-pivavahana amin’ny finoana Kristiana.
Nefa raha sokajin’olona toy ny Papa Shounda eo amin’ny toerany no avy ka hiteny zavatra tsy manjary toy ireny, mikasika ireo mpandala Facebook hoe ho mendy any amin’ny helo, dia mila mijoro isika eto.

Nofaranany toy izao ny hafany:

Tsy misy fialan-tsiny ho an’ny Papa na ny Cheikh-n’i Al-Azhar, sahiko ny manao fanamby sy milaza fa tokony hatahotra an’Andriamanitra izy ireo fa tsy ny Filoha.

Ny Cyberactivism, fitorahana blaogy sy fampiasana facebook dia lasa ataon’ireo mpiasam-panjakana Egyptiana andri-maso akaiky tato ho ato, taorian’ny fanoherana nanenika ny firenena tamin’ny 6 aprily, izay narahan’ny fitroatr’ireo mpiasa tao Mahalla. Mpitoraka blaogy maro hatramin’ny mpamorona ny vondrona Facebook antsoina hoe 6 Aprily no niaraka tamin’ireo mpanohana anjatony maro, mpanao politika sy passer-bys notanan’ny manam-pahefana hatramin’izay ka hatrizao. Izay eo ihany, ny zava-nisy dia maneho fa tsy ny vondrona Facebook no nahatonga ny fanoherana sy niantso ny mpiasa hitaky karama ambony sy tsaratsara kokoa mba hananana fahefa-mividy miaka-danja.

SIDA – Zava-pady sy mahamenatra ho an’i Arabo

avylavitra — Sun, 20 Apr 2008 16:07:07 +0000

Ny SIDA, syndrome immunodéficitaire acquis mahafaty, dia tsy firesaka any amin'ny tontolo Arabo. Saika ity teny mampivarahontsana ity anefa no novoizin'ireo blaogy maro tamin'ity herinandro ity – avy any Jordana, Iraka, Palestina, Bahran sy Yemena.
Hareega, jordaniana mpitoraka blaogy, izay mpitsabo no anton'asany, dia mitatitra ‘resaka manafintohina nifanaovany tamin'olom-pantany iray momba ny asany ao amin'ny toeram-pitsaboana miady amin'ny VIH:

Nanontany ny namana iray, ” Nanao ahoana ny asanao tamin'ity volana ity ”
” Tsara, in-telo isan-kerinandro aho no nisahana ny VIH ”
” VIH? SIDA izany?”
“Eny”
“Tandremo”
“Tandremo amin'ny ahoana?”
Toy ny adala no fijeriny ahy, ” Mitandrema amin'ity VIH ity”
” Nahoana aho no tokony hitandrina?”
“ie, tandremo, VIH anie io e, SIDA”
“Ka maninona aho no tsy maintsy mitandrina e? Tsy niara-nandry tamin'ireo marariko aho tao amin'ny toeram-pitsaboana ”
” Fantatro izany ry ilay adalabe ity a, nefa tandremo ihany, Sida anie io e ”
“Tsy hoe niara-nitsindrona zava-mahadomelina tamin'ny iray tamin'izy ireo aho ”
” Fantatro fantatro, nefa tandremo ihany e”
” Amin'ny inona e?”
“Henoy, tsy lalim-pahaizana amin'ny resaka siansa aho (mazava be izany), nefa tokony mba hitandrina ihany ianao , na izaho no tsy maintsy hitandrina noho ny aminao “

Hareega no manohy:

Hatramin'ny 1 janoary 2008, tranga VIH vaovao miisa 22 no tsikaritra teto Jordana. Ny fahalalàn’ny olona momba ny VIH eo amin’ny Jordaniana, indrindra fa ireo “nahazo fahaizana”: Aotra, miiba aza.

Ilay irakiana Layla Anwar koa dia tezitra mafy tamin'ny fomba nentina namboraka ity lohahevitra ity teo amin'ny tontolo Arabo – na dia hita aza ny fihombon'ny aretina ao anatin'ny faritra. Teo ampijerena fandaharana iray momba izany tao amin'ny fahitalavitra, dia izao no tsapan'ny mpitoraka blaogy:

Volana maro lasa, izay nijery fandaharana tao amin'ny Al-Jazeerah momba ny VIH sy aretina hafa azo avy amin'ny firaisana aty amin'ny tontolo Arabo. Tamim-pahamalinana tokoa no niezahan'ny mpamokatra ilay fandaharana nitondràna ity resaka 'saro-pady sy mahamenatra’ ity, ka nanolorany azy ho toy ny fandaharana ara-pinoana sy nanasàny mpanolotra ivelany izay manampahaizana manokana amin'ny resaka fahasalamana sy ny fandalinam-pinoana, dia ny théologie islamique.

Manazava i Layla:

Mitombo ireo mitondra ny otrik'aretina VIH aty amin'ny tontolo Arabo. Tsy misy mino izany ny olona nefa izany no zava-misy. Haintsika rehetra ny fomba fifindran'ny VIH sady fantatsika fa ny firaisana azo antoka sy ny sivana amin'ny toby fitehirizana ra dia adidy.
Tsy dia izay loatra no tena nanintona ny fifantohan-tsaiko tao amin'ilay fandaharana. Ny tena nahasarika ny saiko dia hoe ny VIH sy ny areti-mifindra azo avy amin'ny firaisana dia mirongatra koa eny anivon'ireo fanambadiana lahy sy vavy (hétérosexuels) aty amin'ny tany Arabo fa tsy mijanona fotsiny eny anivon'ireo mitovy nefa mifanambady (homosexuals).
Manampahaizana manokana momba ny aretin-koditra sy ny aretina mirongatra ilay nasaina. Ary ao anatin'ny sehatry ny asany dia mahita tranga maro be izy (izay tsy voalaza any anatin'ny antontan'isa ho an'ny daholobe) mahakasika olon-droa izay ny ankamaroany dia mpivady ara-dalàna, voan'ny aretina azo avy amin'ny firaisana ary indrindra fa ny VIH. Amin'ny 99%- ny tranga dia avy amin-dralehilahy vadiny no nahavoa an'ilay ramatoa. Vady izay tsy niaro tena nandritry ny firaisana ara-nofo ivelan'ny tokantrano, tamin'ny vehivavy hafa ary indraindray aza dia tamin'ny lehilahy hafa. Amin'ny 99%-ny tranga, ny lehilahy izay mihevitra azy ho matanjaka no mandà ny hevitra fiarovan-tena, izany hoe ny fampiasàna fimailo (préservatifs).
Noho izany , rehefa nody Ing.Lavatongotra, tonga avy nanao raharaham-barotra, na avy any amin'ny fitsangatsanganany nandritry ny alina dia nanolotra oroka mahafaty ho am-badiny/na izay olona miaraka aminy.

Hoy i Layla momba ilay zava-pady mahamenatra:

Mazava ho azy fa fantatrao hoe tena zava-pady mahamenatra tokoa ho an'ny tontolo Arabo ny amin'io resaka iray io. Betsaka ny finiavana mody tsy hijery azy ity ary maro ny ezaka ho fanamarinana azy, ka manjary toy ny hoe ” ny fiaraha-monintsika silamo dia tsy itrangan-javatra toy izany”,” fafao dia asitriho any ambany tsihy any, ary aza avela ho fantatry ny mpifanolo-bodi-rindrina akory” - no mety hosainin'ny olona.. etc. Matevina loatra ny rindrin'ny fomban-drazana sy ny kolontsaina ka mampanano-sarotra ny firesahana ity zavatra iray ity eny imasom-bahoaka izay lazaina mihitsy fa “resaky ny mitongilana, vetaveta sy tsy ara-moraly”…
Mandritra izay fotoana izay, maty an-katakonana sy mangingiana any ireo voan'ny SIDA, ahiboka anaty efitra feno henatra sy fahatsiarovan-tena ho olon-doza.

Amal A., avy any Palestina, dia manindry mafy ny resaka SIDA, raha milaza ny loniloniny amin'ny nataon'ny fitsarana tamin'ny tranga iray tany Egypta, raha hoy ity procureur iray nilaza tamin'ny olona iray isan'ny tafiditra amin'ny raharaha, raha nilaza taminy ilehio fa mitondra ny otrikaretina VIH : ” Mendrika hodoroana velona ny olona tahaka anareo. Tsy mendrika ny hiaina ianareo.”

Mila manana fonja maro i Egypta raha handefa any am-ponja ireo lehilahy Egyptiana manambady lehilahy rehetra,. (…) Ny fanaovana ny SIDA ho toy heloka bevava mira fahapotehana!!! Ny fanaovana zanak'Ikalahafa sy fijerena ireo mitondra ny otrikaretina VIH sy voan'ny SIDA ho toy ny demony dia tsy hanampy ny fiarovana ny Egyptiana. Saingy eto tsy resaka hoe fiarovana ny Egyptiana tsy ankanavaka, fa momba ny mpisolo vaika ny fitondrana malemy hanamafy ny fahefany amin’izao rehetra .

Saingy efa manomboka miova miandàlana ny zava-drehetra ary efa mba tsara aloha izay. Hankany Le Caire i Butterfly avy any Barhain atsy ho atsy hanatrika ny “Mpanakanto mahaleotena/Mpitoraka blaogy mandinika ny SIDA any amin'ny faritra Arabo” (Independent Artists/Bloggers Responding to AIDS in the Arab Region).

وستضم الورشة مجموعة من المدونين والمبدعين العرب في مجال التصوير وصناعة الافلام السينمائية وغيرها من الفنون الإعلامية.
هذه هي المرة الأولى التي سيتسنى لي فيها حضور فعالية تخص برنامج الامم المتحدة الانمائي في البحرين، كما ستكون المرة الأولى ايضا التي ستتاح لي فيها فرصة اللقاء بالمدونين والمبدعين العرب من مختلف الاقطار العربية. وسأشارككم بالطبع بما سأكتشفه من اسرار ودهاليز تتعلق بهذا المرض المخيف الذي لايزال الحديث عنه محظورا في معظم دولنا العربية.

Ny atrikasa dia hitarihana ny mpitoraka blaogy sy ireo Arabo mpamorona amin'ny tontolon'ny sary, fanatontosana sarimihetsika sy fomba fampitam-baovao hafa manana endrika ara-taokanto.. Voalohany izao no mba hanatrehako hetsika karakarain'ny UNDP Sampan'asan'ny Firenena Mikambana momba ny Fampandrosoana any Bahrain sy hihaonana amin'ireo mpitoraka blaogy ary mpanakanto maro avy amin'ny tany Arabo. Ho zaraiko aminareo izay zava-miafina azoko any momba ity aretina mampivarahontsana ity na dia voarara aza ny miresaka momba azy ity amin'ny ankamaroan'ny firenena Arabo.

Ary farany nefa tsy izay maivan-danja indrindra, Armies of Liberation, manome rohy mankany amin'ny loharanom-baovao momba ny zava-tsy mampino hitsaboana ny Sida amin'ny zava-maniry, hita tany Yemena izay ambara fa manana ny fanàfana amin'ity virus mahafaty ity.

Egypta: Aseho masoandro ny tsy fiankinan-dohan'ny vehivavy

avylavitra — Wed, 16 Apr 2008 08:30:36 +0000

Fahitalavitra tsy miankina iray mandeha amin'ny satelita ny OTV izay nahasàrika ny sain'ny mpijery maro tamin'ny andro nanombohany, isaorana ny fomba fijeriny malàlaka, ny zavatra arosony sy ny fomba androsoany azy izay samihafa tanteraka amin'ireo fahitalàvitra mikombona sy mitàna ny fomban-dràzana.
i Zaman El Wasl (Ar) mpitoraka blaogy egyptiana, milaza eto ny ampahana valan-dresaka natao momba ny tsy fiankinan-dohan'ny vehivavy.

أتابع بشغف -كلّما تسمح الظروف- برنامج “مساءك سكّر زياده” على “أو تى فى”
من ضمن فقرات البرنامج فقره لحل مشكلات المشاهدين العاطفيه تعرّفت من خلالها على كاتبه شابه اسمها “مروه رخا” ترد على مشكلات المشاهدين بنصائح تعجبنى فى معظم الأحوال
المهم فى حلقة بداية هذا الأسبوع يوم الأحد كانت “مروه” و معها “جورجيت قللينى” عضوة مجلس الشعب و المذيعه “بثينه كامل” ضيوف على البرنامج لمناقشة فكرة استقلال النساء من خلال التعليق على فيلم تسجيلى -غالبا- اسمه “ست بنات

Tiako ny manaraka – isaky ny afaka manao izany – fandahàrana iray antsoina hoe “Masa'ak Sukkar Zeyada” ao amin'ny OTV.
Ary ny ampahany iray amin'io fandaharana io no miezaka mamàha ny olana ara-pihetseham-pon'ny olona. Ary tamin'izany, no nanombohako nahalàla tanora mpanoratra iray antsoina hoe Marwa Rakha izay niezaka nitondra fanampiana ho famahàna ny olan'ny mpijery, ary nanome azy ireny toro-hevitra izay sitrako tokoa.
Amin'ny lafiny rehetra, nandritry ny fandahàrana tamin'ny Alahady lasa teo, Marwa, Georgette Quelleny – mpikambana iray avy amin'ny antenimiera, sy Buthaina Kamel vahinin'ny Radio/TV dia nasaina indrindra mba hifanakalo hevitra momba ny tsy fiankinan-dohan'ny vehivavy niainga avy tamin'ny horonantsary fanadihadiana iray nitondra ny lohateny hoe Tovovavy enina (Six Girls).

Manohy hatrany ilay mpitoraka blaogy:

حسبما فهمت الفيلم يدور حول فتيات و سيدات اضطرّتهنّ الظروف لترك بيوت الأهل و الاغتراب للعمل أو الدراسه فى مدن أخرى .. لم يحظ الفيلم بقدر كبير من النقاش قدر ما حظيت فكرة الاستقلال نفسها بالقدر الأعظم منه
فكرة الاستقلال كانت تدور حول ترك الفتيات منزل الأسره حين تسمح لهنّ الظروف بهذا و الانتقال لسكن مستقلّ!! الدفاع عن هذه الفكره كان من نصيب “مروه” و بثينه” بينما كان موقف “جورجيت” -الذى اتّفقت معه- هو عدم الترحيب بالفكره طالما لم تحتّمها الظروف
ليس سبب تحفّظى على الفكره سبب دينى أو أخلاقى وليس سببه التخوّف من نظرة المجتمع لفتاه تقيم بمفردها فى مسكن رغم وجود أسرتها بنفس المدينه !! تحفّظى على الفكره منبعه أنّى لا أعتبر الاستقلال -المكانى- هو المعنى بفكرة استقلال أى إنسان ناضج رجلا كان أو امرأه
أعتقد أن الاستقلال يعنى القدره على اتّخاذ القرارات الشخصيه دون الحاجه لدعم أو مساعده اللهم إلاّ طلب النصيحه و المشوره ثمّ القدره على اختيار الأنسب .. وقد يعنى الاستقلال كذلك الاستقلال المادّى و القدره على تحمّل الإنسان نفقاته الخاصه أو حتى تحمّل نفقات البعض من أفراد أسرته

Raha ny fahalalàko azy, miresaka momba ankizivavy sy vehivavy voatery handao ny tokatranon-draiamandreniny ka handeha hipetra-drery noho ny asa na fianarana any an-tanàn-dehibe ilay horonantsary. Ny betsaka tamin'ny fifanakalozan-kevitra dia nikasika daholo ny tsy fiankinan-dohan'ny vehivavy – mihoatra lavitra noho ny fifanakalozan-kevitra aza ilay horonantsary fotsiny amin'izao. Ny hevitr'izy ireo momba ny tsy fiankinan-doha dia nirona betsaka tamin'ny fandaozan'ny vehivavy ny raiamandreniny ka miaina irery isaky ny misy izay ahafahana manao izany. Marwa sy Buthaina dia samy niaro mafy io fomba fijery io, raha i Georgette – sy izaho koa – dia manohitra izany, satria tsy voatery velively hanao toy izany ny vehivavy.
Mifanipaka amin'io hevitra io ny ahy, tsy noho ny resaka ara-pinoana na antony ara-pitsipi-pitondran-tena, na noho ny tahotro ny vavam-bahoaka momba ny ankizivavy mitoetra irery amina trano mitokana na dia miray tanana amin'ny raiamandreniny ihany aza!! Laviko io fomba fihevitra io satria tsy raisiko hoe ny fahaleovan-tena – ara-ponenana- no tena endriky ny tsy fiankinan-dohan'ny olona, na lahy izy na vavy.
Mino aho fa ny tsy fiankinan-doha dia ny fahafahan'ny tsirairay mandray fanapahàn-kevitra tsy ieràny amin'ny hafa—raha tsy hoe nangataka toro-hevitra tamin'izy ireo angaha izy. Ny tsy fiakinan-doha dia azo atao koa hoe tsy fiankinan-dohan'ny olona iray ara-bola sy fahafahany mizaka tena amin'ny filàny andavanandro ary ny fiahian'ny izay zavtra rehetra ilain'ny ankohonany.

Iray tamin'ireo mpijery no nitondra fomba fijery hafa.

إحدى المتّصلات -يبدو من صوتها و كلماتها أنّها أم- تساءلت : لماذا يحرم الأبناء أنفسهم و يحرموا أسرهم من التفارب و الترابط و تبادل المودّه قبل أن يحين وقت الرحيل

Iray tamin'ireo mpijery – izay toa mànana feo-na renim-pianakaviana – no nanontany : Nahoana ny ankizy no manao izay tsy hiraisana amin'ny fianakaviany sy tsy mifampizara fitiavana ary tambitamby ambara-pahatongan'ny fotoana tena mety handehanan'izy ireo.

Izany eo ihany, fa ny olona eto Egypta dia zatra miara-miaina amin'ny raiamandreniny mandram-panambadiny. Ary izay no antony mahatonga ireo maro nitondra fanamarihana tamin'ity hafatra ity hanohitra ny hevitra manosika ny olona handao ny tranon-draiamandreniny, indrindra fa ny zazavavy