Global Voices teny Malagasy » Bahrain

Afovoany Atsinanana: Ny fivoaran'ny Mofomamy kely Cupcake

Tahina — Tue, 29 Sep 2009 12:08:58 +0000

MpanoratraJillian C. York · Nandika Tahina · vakio ato ny lahatsoratra nadika

Sarina mofomamy kely knafeh cupcake avy amin'i Frankom, cupcake avy amin'i Glaze (Kuwait)

“Eny, Miresaka momba ny mofomamy kely cupcake isika” no lohateny nentin'ny New York Times amin'ity herinandro ity. Ny lahatsoratra miaraka aminy dia manamarika ny fitombon'ny lazan'ny fivarotana mofomamy kely manerana ny faritra Afovoany Atsinanana iny, nanendrena ny an'i Sugar Daddy ho fivarotana mofomamy kely malaza ao Amman , miaraka amin'ny fitondrana mofomamy kely hanana ny lazany tao amin'ny faritra (efa niparitaka tonga any Dubai sy i Beyrouth koa izao ny toeram-pivarotana ) ary manomboka ny fivoaran'ny mofomamy kely.

Tsy ny New York Times irery ihany no nanomboka niresaka momba ny mofomamy kely cupcake tato ho ato. Nahita fahazarana amin'ny fanaovana azy ho tsindrin-tsakafo ihany koa ny mpampiasa bilaogy any amin'ny faritra Afovoany Atsinanana sy ny ivelan'izany. Frankom, mpampiasa blaogy Kuwaiti dia nanoratra hoe niangaviana izy hanandrana ny mofomamy kely cupcake avy eo an-toerana mifototra amin'ny tsindrin-tsakafo araky ny fomban-drazana, ireto misy vitsivitsy [ar]:

Kunafa eo ambony mofomamy kely cupcake avy amin'ny fetam-boanjo

Baqlawa eo ambony mofomamy kely cupcake avy amin'ny walnut [FM: toy voa-na mahabibo angamba izy ity]

Rahash mofomamy kely cupcake voasesika rahash

Halwa mofomamy kely cupcake voasesika halwa

Zalabya miaraka amin'ny mofomamy kely misy tamotamo

Ilay Jordaniana And Far Away, nanamarika eo amin'ny lahatsoratr'i Frankom, maneho ny fahasahiranan-tsainy mieritreritra ny mofomamy kely cupcake knafeh, milaza hoe:

Izao mihitsy no tena atao hoe famoronana. Tsy azoko antoka hoe nampanao azy ireo aho raha ka tany Jordana, mifanohitra kely amin'ny maha-Nabelsi ahy ny hevitra hanao knafeh teo ambonin'ny mofomamy kely, nefa tsy vitako ny tsy hankasitraka ilay hevitra.

Manolotra sary karazana mofomamy kely cupcake naroso tany Koweit ny Cupcake-themed blog Cupcake Take the Cake [Nohitsahan'ny Cupcake ny Cake].

“mofomamy natao hoan'ny Ramadany any Dubai; sary avy amin'ny Cupcakes Take the Cake, mofomamy avy amin'i Sugar Daddy

Ndeha ho any amin'ny Firenena mitambatr'i Emira Arabo, toerana nahazoan'ny mofomamy Cupcake tsena. Nanoratra momba an'ireo fivarotana maromaro ireo i Cupcakes Take the Cake. Raha mijery ny an'i Sugar Daddy any Dubai, mizara mailaka nalefan'ny lehiben'ny mpivaro-mofo amintsika ilay mpitoraka blaogy, izay manolotra ny iray amin'ireo mofomamy kely cupcake nataon'ny toeram-pivarotana hoan'ny Ramadany fotsiny:

daty mahajamba: Nametraka ny fomban-drazana fa nihinana daty ny mpaminany Mohammad tamin'ny famaranany ny fifadian-kaniny, ary dia eo lalandava ilay voankazo mandritry ny fialan-tsasatra. Tonga niaraka tamina spaonjy feno zava-manitra izahay izay nampangantsiahina tamin'ny kirema manitra kanely sy nasiana tsongona kafe kely.

Nefa koa, nanoratra i Mahryska, mponina hafa avy ao Dubai, momba ny toeram-pivarotana mofomamy kely cupcake tiany indrindra, ny Kitsch:

nankeny aho tamin'izay andro izay ary naka kafe sy mofomamy kely cupcake izay tena tsara jerena tokoa, eny e, tena tsara ilay izy!

♥ ♥ ♥ Fo 3 ho an'ny mofomamy kely cupcake nataon'i kitsch noho ny nanokafan-dry zareo toeram-pivarotana!

Ny The Haouse of Cakes no nanao ity cupcake 500 isa ity ho fankalazana ny androm-pirenena faha-37 ho an'ny UAE

Fivarotana iray hafa ao Dubai, Ny tranon'ny mofomamy [The House of Cakes], manana ny blaoginy manokana izarany ny sary tsy misy kianina -na mofomamy kely cupcake 500 amin'ny endrika sainam-pirenen'ny Emirats (jereo ny sary eo an-kavia).

Any Bahraina ny fijanonana farany amin'ity fihodinantsika indray mielatra momba ny mofomamy kely cupcake any amin'ny faritra ‘Afovoany Atsinana ity, toerana izay ampiasàan'ireo mpivarotra cupcake ny media vaovao mba hanapariahana ny feo [dokam-barotra]. Cupcakes Bahrain dia mitoraka blaogy eo amin'ny kianja malalaky ny mpampiasa blaogy hizarana ny sarin'ireo mofomamy keliny sy ny tsara ho fantatra momba ny toeram-pivarotany, raha toa ka manana toerana eo amin'ny Twitter sy Facebook kosa ny Clever Cupcakes hizarany ny fanazavana momba ny vokany toy izao:

clever cupcakes ihany no arosoanay! Mofomamy kely izay tsy ho adinonao mihitsy ..

Ataovy talanjona ny vahininao sy ny olon-tianao amin'ny alalan'ny fanafaranao ny clever cupcakes-nao.

Syrian flag cupcakes by Canadian bakery cococakes

Ho faranantsika miaraka amin'ireto teny avy amin'i Jad Aoun, mpitoraka blaogy Libaney, izay nanamarika fa ny fandrakofam-baovaon'ny New York Times dia sady miresaka ny fivarotana mofomamy kely cupcakes Arabo sy Israeliana sy ny sisa, sady nananihany:

Sao dia mba fotoana hihavanantsika rehetra izao manodidina ny mofomamy kely cupcakes misy frezy. Tsy te horosoana hommou na falafels isika izao, sa tsy izany?

mofomamy kely cupcakes Siriana (ary sary) avy amin'i cococakes

Tontolo arabo: tonga soa ny ramadan

Lila — Sat, 05 Sep 2009 14:27:04 +0000

MpanoratraAmira Al Hussaini · Nandika Lila · vakio ato ny lahatsoratra nadika

Volana manana ny lanjany eo amin'ny tetiandron'ny silamo ny volana masin'ny ramadan. Kendrena mandritra ny volana ny mampianatra ny mpino ara-panahy hahatsapa ny fangirifirian'ireo tsy mitovy saranga aminy, ka tsy mihinan-kanina ny silamo amin'io, tsy misotro, tsy mifoka ary tsy manao firaisana ara-nofo ny maraina vao miposaka mandrapilentiky ny masoandro, mandany andro mivavaka sy mangataka amin'Andriamanitra ny hamelana ny fahotany tamin'ny lasa. Mankalaza ity volana ity koa ny mpitoraka bilaogy manoratra amin'ny teny arabo, ka efa tamin'ny herinandro niandohany, tao amin'ity lahatsoratra ity, no nizaranay ny famoronana ara-javakanto sasantsasany niarahabana ny mpamaky nahatratra ny volana.

Avy any Ejipta i Ahmed El Gamil no nandefa ity sary ity, izay nirariany ny mpamaky hahazo volana feno fitahiana:

Kuwaitism kosa nankalaza ny volana ka nandefa ity sary ity, sary maneho mpiasa vahiny any Kuwait:

Nanoratra koa izy:

مبارك عليكم الشهر
و أحب أزف أطيب التهاني و التبريكات لكل الفراشين اللي يشتغلون بمطابخ الشركات بمناسبة الإجازة أو الراحة من هالمعازيب الحنة بالدوام! ماكو “راجو جيب قهوة” … “راجو جيب شاي”!
و عسا كل أيامكم أفراح و سعادة جميعا

Arahabaina nahatratra ny volana!

Arahabaiko eto ny mpiasa rehetra, izay miasa any an-dakozian'ny orinasa satria nahazo fialan-tsasatra sy fakan-drivotra, niala tamin'ny antsoantson'ny mpiasa tsy an-kijanona hoe “itondray kafe”, sy ny hoe “itondray dite!”.

Mirary fahafinaretana ho anareo aho.

I Ba7rani87 koa amin'ny teny Barhain mankalaza ny ramadan ary nandefa ity soratra natao tanana ity izay milaza an'i Allah na Andriamanitra:

Allah

Amira Al Hussaini

Hevitry ny mpamaham-bolongana momba ny fampahafantarana ny VIH/SIDA any amin'ny Tontolo Arabo

Jentilisa — Fri, 21 Aug 2009 08:24:20 +0000

MpanoratraAyesha Saldanha · Nandika Jentilisa · vakio ato ny lahatsoratra nadika

Fady any amin'ny ankamaroan'ny faritra Arabo ny miresaka ny momba ny VIH/SIDA, na dia misy aza ny fandaharan'asan'ny PNUD na sampandraharahan'ny Firenena Mikambana misahana ny fampandrosoana tahaka ny HARPAS izay miezaka ny mampahafantara ny momba azy ity. Raha mitatitra ny tsy fahafantarana ny momba ny VIH/SIDA ny mamaham-bolongana sasany, dia gaga amin'ny halakin'ny fiezahana hanalana ny holatry ny aretina kosa ny hafa.

Maraoka

Mpanolo-tena ao amin'ny Peace Corps i Duncan ary miasa ao amina foto-drafitr'asa iray misahana ny rano ao Maraoka, ary dia nanoratra ny eritreriny vitsivitsy ny fihetsika hitany manoloana ny VIH/SIDA hitany any ambanivohitra iasany izy. Inoany fa na dia ambany aza ny tahan'ny olona tratran'ny VIH any Maraoka, dia tandindonin'ny mety hipariahan'ny VIH/SIDA ihany ny firenena amin'ny ankapobeny:

Maro ny toe-javatra mametraka fa mety hiely vetivety ny aretina.

Voalohany ny tsy fahalalana ny fisian'ny aretina. Tsy mahalala ny olona amin'ny ankapobeny hoe inona izany. Raha mba nisy nandre ihany dia tsy fantany tsara ary mety mbola zavatra diso koa aza no ahafantarany azy. Tsy fantany ny fomba fifindrany. Miteny ny olona fa mifindra amin'ny alalan'ny findramana borosinify ny aretina, na fandehanana any amin'ny hammam (trano fandroana andoavam-bola), ka mifoka azy ao. Tsy naheno mihitsy aho hoe amin'ny alalan'ny firaisana ara-nofo ny fomba fifindrany.

Faharoa ny kolontsaina manakana ny firesahana azy an- kitsim- po. Fiaraha-monina tena mpivavaka ny aty ka zava-dehibe eo amin'ny fiaraha-monina izany miseho ho madio (masina) izany. Hany ka tena sarotra dia sarotra ny miresaka lohahevitra lehibe tahaka ny fampiasana fimailo.

Fahatelo (tahaka ny mifanohitra amin'ny eo aloha) dia ny fielezan'ny fivarota-tena manerana ny firenena. Mitranga indrindra izany etoamin'ny faritany misy ahy, Khenifra, izay malaza indrindra amin'ny fivarota-tena. Reko fa eto amin'ity faritany ity no misy ny tanàna telo amin'ny efatra anjakan'izany fivarota-tena izany. Misy ivotoerana iray tena akaiky ahy indrindra ary fantatro fa mpandeha amin'ny mpivaro-tena ao ny lehilahy amin'ny tanàna misy ahy. Efa nolazain-dry zareo tamiko izany. Miaraka amin'izany olana izany ny fahafantarana fa avy any ivelan'ny tanàna ny maro amin'ireo mpivaro-tena ireo. Heveriko fa toerana mora ielezan'ny aretina indrindra ny toerana tahaka itony.

Raha fehezina dia lohahevitra mahamenatra ny olona ny miresaka azy ity ary dia tsy misy mahalala na inona na inona momba azy ny olona.

Vakio ny fihetsika hafa ataon'ny Maraokana manoloana ny VIH/SIDA ato amin'ity lahatsoratra ity.

Sodana

Nanaraka atrik'asa iray tany Le Caire ny mpamaham-bolongana Bahrainita Suad tamin'ny herintaona hampahalalana bebe kokoa ny momba ny SIDA, ary dia nosoratany avy eo ny tantaran'i Aisha, vehivavy Sodaney tratran'ny tsmok'aretina tamin'ny alalan'ny famindrana ra. Notantarain'i Aisha ny namparary azy sy ny nahafantarany tamin'ny farany izay nitranga:

بعد عدة شهور نقص وزني كثيرا ورافق ذلك أعراض أخرى مثل الاسهال المتواصل والتعب والحمى وعدم القدرة على النوم. مرة أخرى تم تحويلي لمختبر لتحليل دمي وهذه المرة جاءت النتيجة في ظرف مختوم بالشمع الأحمر. أخبر الطبيب زوجي بحقيقة مرضي ولكن زوجي لم يصارحني بالأمر وكل ما قاله لي أنه مرض كمرض الضغط والسكري وبأنه لن يكون بإستطاعتنا ان نمارس علاقتنا الزوجية.
بعدها أخذني زوجي لطبيب آخر فتح الظرف امامي وقال لي بأني مصابة بالإيدز، صعقت ولم أملك حينها سوى ان أبكي من هول الصدمة، انا مصابة بالإيدز؟؟ منذ متى وكيف؟ فرد الطبيب: اسألى نفسك، تذكري ماذا ارتكبتي بحق نفسك لتنقلى اليك هذا المرض القاتل. هكذا ببساطة وصمني الطبيب بالمومس دون ان يعرف اي شئ عني. قلت له أنا امرأة متزوجة وليست لدي أى علاقات غير شرعية خارج اطار الزواج وهنا دخلت أمي وزوجي إلى غرفة الطبيب الذي صب جام غضبه على زوجي متهما اياه بنقل المرض لي. شعرت بالغضب الشديد من زوجي فبدأت أهاجمه وأوبخه وانا ابكي، حاول ان يدافع عن نفسه ولكني لم أكن أرغب في سماعه وكانت أمي تحضنني في هذه الاثناء. منذ ذلك اليوم ساءت علاقتي وعلاقة أهلي بزوجي الذي وجُهت اليه اصابع الاتهام حتى ظهرت نتائج الفحص التي بينت ان زوجي وأولادي خاليين من المرض. أعتذرت من زوجي وأدركت حينها ان المرض قد أنتقل لي عن طريق الدم الذي نقل لي في المستشفى.

Nihena ny lanjako tao anatin'ny volana vitsivitsy ary miaraka hatrany amin'ny fandoavana, harerahana, tazo, ary tsy fahitana tory izany. Nentina tany amin'ny laboratoara aho indray mandeha hitsirihana ny rako ary dia voahidy lasira mena ny valopy nisy ny valiny avy any. Nolazain'ny dokotera ny marina momba ny aretiko, fa tsy niresaka tamiko io zavatra io ny vadiko; ny hany nolazainy tamiko dia hoe mitovitovy amin'ny tosi-drà na diabeta ny aretina mahazo ahy ary dia tsy afaka miaraka manao firaisam-batana intsony izahay.
Avy eo dia nentin'ny vadiko tany amin'ny dokotera hafa aho, izay nanokatra ny valopy teo anoloako ary nilaza fa mitondra ny SIDA aho. Ankona aho, tsy nanana fotoana akory hitomaniana tamin'izay nahazo ahy. Tratran'ny SIDA hoe aho?? Hatramin'ny oviana ary amin'ny fomba ahoana? Namaly ny dokotera hoe: “Anontanio ny tenanao. Tadidinao ve hoe inona no nataonao ka nifindran'ity aretina mahafaty ity taminao?” Manamarika ahy ho toy ny makorelina tsotra izao ilay dokotera nefa tsy mahalala na inona na inona momba ahy akory. Nilaza taminyaho fa vehivavy manambady ary tsy nanao firaisana ivelan'ny mariazy. Tamin'io fotoana io dia niditra tao amin'ny biraon'ny dokotera ny reniko sy ny vadiko, naneho ny hatezerany tamin'ny vadiko avy hatrany ilay dokotera, niampanga azy ho namindra ny aretina tamiko. Tezitra aok'izany tamin'ny vadiko aho, ary nanomboka nanositosika sy nikapokapoka ny vadiko koa sady nitabataba taminy. Niezaka ny niaro tena izy saingy tsy nohenoiko mihitsy. Nikapokapoka malefaka ny hatoko ny reniko nandritra izany fotoana izany. Nanomboka tamin'io fotoana io dia nihanangatsiaka ny fifandraisan'ny havako sy ny olom-pantatro tamin'ny vadiko; voahendrikendrika ny vadiko mandra-pivalian'ny fitsirihana mampiseho fa tsy mitondra ny aretina ny vadiko sy ny zanako. Niala tsiny tamin'ny vadiko aho ary fantatro fa tamin'ny alalan'ny famindrana ra natao tamiko tany amin'ny hopitaly no nahazoako ny aretina.

Yemen

Nametraka ny VIH/SIDA ho ao anatin'ny fandaharam- pampandrosoana ny fireneny i Yemen, saigy hitan'i Omar Barsawad tamin'ny herintaona fa maro ny zavatra mbola tokony atao:

Na dia lasa aloha ihany miohatra amin'ny firenena Arabo manodidina azy aza i Yemen amin'ny ady amin'ny VIH/SIDA, dia mbola lavitra ny lalana amin'ny fametrahana foto-drafitr'asa sy ny fahazoana fanafody taka-bidy vetivety ho an'ny marariny. Efa vonona any amin'ny laboratoara sy hopitaly lehibe ny fitsirihana ny VIH/SIDA. Saingy raha hita fa miabo ny vokatra dia manomboka ny olana; eo no manomboka ho tena sarotra ny raharaha ho an'izay tratrany. Tsy maintsy mandeha mankany Sana'a renivohitr'i Yemen ny olona mitondra ny VIH/SIDA mba hitsirihana ny isan'ny sela CD4 sy ny tahan'ny poizin' areti- mifindra; Rehefa vita avokoa izany fitsapana rehetra izany vao tsaboina sy omena fanafody araka ny tokony ho izy ny marary. […] Eo amin'ny resaka fanafody itsaboana ny VIH/SIDA ihany koa dia tsy maintsy mandeha mankany Sana'a (isan-telovolana na mihoatra) ny marary fa tsy misy any amin'ny toeram-pivarotana sy ny toera-pitsaboana Yemenita hafa. Dia efa azonao eritreretina amin'izany ny fahasahiranana azo ankoatra ny hareraha-tsaina efa mianjady amin'ny mararin'ny VIH/SIDA sy ny manodidina azy. Efa vola be no lany amin'ny fandehanana mankany Sana'a sy ny sakafo lany mbamin'ny fandaniana hafa. […] Na dia efa mahafantatra kokoa ny momba ny VIH/SIDA aza ny olona raha oharina ny tamin'ny roa na telo taona lasa dia mbola tsy hainy ny momba ny aretina; ary maro ny olona mbola mihevitra fa henatra sy mahafa-baraka izany mitondra VIH/SIDA izany.

Ejipta

Na izany aza dia hita kosa ny dingana hanalana ny tahotra tafahoatra ny aretina any amin'ny firenena sasany ao amin'ny faritra. Nanao ny fitsirihana VIH voalohany tao amin'ny Laboratoaran'ny governemanta i The Egypt Guy :

Nahagaga ahy fa nahafinaritra ny fomba fandraisan'ny dokotera nialoha ny fitsirihana. Hitako fa tsy nanontaniana ny anarako aho fa tamn'ny solon'anarako sy ny daty nahaterahako ho famantarana ahy tao. Avy eo aho dia nampandalovina tao amin'ny mpanolo-tsaina iray izay mampahafantatra tsotsotra ny momba ny SIDA sy ny VIH no asany. Zendana aho fa tsy nampiseho tsy fanajana ahy mihitsy rangahy io rehefa fantany fa hitsirika ny fisiana na tsia VIH amiko aho. Henoko manko fa hatramin'ny vao haingana dia resa-pady na dia amin'ny dokotera aza izany SIDA izany. Taorian'ny fifanakalozan-kevitra dia nanome fimailo sy fandamalama ahy izy ary bokikely telo miresaka ny momba ny SIDA, ary dia nanao fitsirihana aho avy teo. Ho henoko amin'ny alahady izao ny valin'ny fitsirihana, izay inoako fa hiiba, Irario soa aloha aho e!!

Oadray, tsy mandoa na dia ariary aza hay izaho amin'izany rehetra izany.

Tsy nampoiziko raha ny laboratoaran'ny governemanta no nanao izany, ary faly aho fa manana fomba fijery malalaka kokoa momba ny resaka fifidran'aretina amin'ny alalan'ny firaisana ara-nofo ny fireneko ary miezaka dia miezaka hahalefy ny henatra mifandraika amin'ireny aretina ireny, indrindra fa amin'ny resaka VIH sy SIDA.

Azonao vakiana eto ny fandraisana andraikitry ny mpamaham-bolongana Ejipsiana hanalana ny takaitran'ny (tahotra tafahoatra) VIH/SIDA.

Ayesha Saldanha

Tontolo Arabo: nanao veloma an'i Michael Jackson

Lila — Tue, 14 Jul 2009 00:20:55 +0000

MpanoratraAmira Al Hussaini · Nandika Lila · vakio ato ny lahatsoratra nadika

Nanao veloma farany ilay mpanjakan'ny pop Michael Jackson ny mpitoraka bilaogy arabo manerana ny tany androany 07 jolay, tahaka ireo mpankafy marobe hafa izay nanaraka mivantana tamin'ny fahitalavitra ny fampisehoana ho fahatsiarovana azy tao amin'ny Staples Center any Los Angeles. Indreto misy fanehoan-kevitra avy any Arabie Saodita sy Koety ary Barhein.

Arabie Saodita:

Niteraka fihetseham-po mivaivay ny fahafatesan'i Michael Jackson hoy Sarah Mattar, :

الموت العلني يخيفني، يجعلني أتواجه مع كل الحقائق التي لا أحب أن أتأكد من واقعيتها، حينما استيقظت على خبر وفاة المطرب العالمي ( مايكل جاكسون ) فعلت كما فعل معظم الناس في العالم، حرّكت الرموت كنترول على معظم الفضائيات، أبحث عن صورة أخيرة لهُ، عن حقيقة لا افهمها، عن قصة تعيد لي حياته التي تلاشت في غضون دقيقة، لكن لا شيء يبّشر بالخير، لا شيء يدفعني إلا لقضم أصابع التعب والألم، لقد شعرت بالضيق لأجله، ولأجل كل الذين يموتون بالعلن أمامنا، ونتحضر نحن لكل تفاصيل موتهم الذي يأتي مفاجئاً لنا. هم يرحلون دون أن يشعروا بأنهم خلفوا في داخلنا فراغاً كبيراً من الألم لأجلهم، حينما يرحل الأموات، فهم لا يتمسكون بنا، نحن فقط من نمد أصابعنا العشر نلاحق ضبابية وجودهم من جديد في حياتنا!!

Mampatahotra ahy ny fahafatesana olo-malaza tahaka izao. Manery ahy hiatrika ny marina tsy tiako ho fantatra. Vantany vao nandre ny fahafatesan'i Michael Jackson aho dia nanao toy ny nataon'ny ankamaroan'ny olona manerana ny tany. Noraisiko ny télécommande, notsidihako avokoa ireo chaînes rehetra, notadiaviko izay mamoaka ny sariny farany sy ireo marina tsy azoko. Hitako ny fanadinahiana anankiray nitantara ny fiainany nandritra ny an-tsasak'adiny kanjo efa ho tapitra. Tsy nahitako na inona na inona afa-tsy alahelo tato anatiko izany ka nahatonga ahy hanaiki-molotra. Nalahelo aho, nalahelo azy sy ireo olo-malaza efa maty tahaka azy koa mamndritra ny fotoana hangalantsika ny feo sy ny sary sy ny pitsoptsony rehetra mety ho nahafaty azy izay tampoka tokoa. Nandao antsika izy ireny ary tsy mahafantatra akory fa namela banga lehibe ato anatintsika. Rehefa handeha ireny miala aina ireny dia tsy mahasaragotra intsony fa isika no manatsotra ny ratsan-tanantsika handroahana ny lolony tavela eo amin'ny fiainantsika!!!

Kuwait:

Hoy Loft965 :

Iza no mahalala raha mitovy y hiran'i MJ tianay sy Beyonce? mampifandray ny olona rehetra ny fahafatesana tahaka izao… Tena marina. Tamin'ny fotoana nitenenany sy namerenany ny anaran'i MJ tao amin'ny hirany no tena nandratra.

Avy any Kuwait ihany nanampy i Maze of Thoughts :

Mpankafy 7500 no nahazo fanasana manokana hanatrika ny fampisehoana ho fahatsiarovana azy anio maraina (7 jolay). Eo ho eo amin'ny mpankafy 6 hetsy sy 1 tapitrisa eo no nikasa hividy tapakila hidirana amin'izany fampisehoana izany. Andro manjombona ho an'ny mpankafy an'i MJ io andro io. Ho velona ao am-pon'ny olona an-tapitrisany foana ny mpanjakany.

Hoy 4thringroad :

Fantatro izao fa olona marobe no leo ireo vaovao mikasika an'i MJ, tsy haiko ianareo fa raha izaho manokana dia tena leo aho, tao amin'ny internet no nijereko vaovao tahaka ny fanaoko isa-maraina, nahitako fomba hafahafa fa hoe alevina tsy miaraka amin'ny ati-dohany i MJ satria mbola hatao autopsie io ati-dohany io hahalalana ny tena marina nahafaty tampoka azy..

Bahrain:

Milaza ireo famonjena natao an'i Jackson i Suad ary milaza:

كشأن جميع المشاهير انقسم الناس في رأيهم حول شخصية مايكل جاكسون فمنهم من رأى انه ضحية المجتمع الامريكي والشهرة والاضواء التي قد تكون وبالا على الانسان ومنهم من رأى انه كان ضحية نفسه وضحية ضياعه وتنكره للونه وآدميته

Tahaka ny olona malaza rehetra ihany dia mizarazara be ny hevitry ny olona manoloana ny momba an'i Jackson. Ny sasany milaza fa simban'ny fiarah-monina amerikana sy ny lazany izy, miaraka main'ny vokany teo amin'ny fiainany manokana toy ireo rehetra olo-malaza miaina ao ambany jiro maro loko, ny hafa kosa miteny fa hoe simban'ny nataony ihany izy, simban'ny tsy fanekeny ny volon-kodiny sy ny mahaizy azy.

Hamaranantsika azy ny voalazan'ilay mpitoraka bilaogy amerikana Um Naief, manambady any Barhain:

Wow… Tena tampoka be ho ahy ny nahafatesan'i Jackson. Fantatro hatramin'ny ela fa mihinana fanafody be izy kanefa tsy neritreretiko hiafara amin'izao. Henoko fa hoe nahitana kitapo marobe feno zavamahadomelina tao an-tranony, fotoana fohy monja izany dia fantatr'izao tontolo izao ny tao amin'ny fitoeran'entany.

Mampalahelo fa maty tahaka an'i Elvis izay ary nanambady ny zanany vavy.

Tsy nampaninona ahy aloha ny naheno ny vaovao tamin'ny voalohany. Andro maromaro taty aoriana vao tafiditra tao an-dohako, taorian'ny nijereko ireo fampisehoana maro nataony sy ireo lahatsoratra maro momba azy tao amin'ny internet, mino aho izao, ary tahaka ny ankamaroan'ny olona dia manantena aho fa efa niala taminy ny devoliny.

Amira Al Hussaini

Bahrain: Ny filàntsika ny Indiana dia toy ny filàntsika rivotra

avylavitra — Mon, 25 May 2009 17:46:16 +0000

Mpanoratrayesha Saldanha · Nandika avylavitra · vakio ato ny lahatsoratra nadika

Tany ampiandohan'ity volana ity, nanambàra i Bahrain fa tapitra hatreo ny endrika fanohanana ireo mpiasa vahiny, midika izany fa manomboka amin'ny volana Aogositra dia tsy hiankina amin'ireo mpampiasa azy intsony ireo mpiasa ireo, fa tohànan'ny governemanta mivantana amin'ny alalàn'ny Sampana mpandrindra ny tsenan'asa, àry hahazo alàlana hiova asa tsy ilàna fankatoavana avy amin'ireo mpampiasa azy ireo. Natao izao hetsika izao hanafoanana ny fomba fanohànana tamba-be mpiasa maro fanaon'ny Bahrainis, izay matetika no tonga avy any amin'ireo tany madinika manodidina, izay ampandoavin'izy ireo vola ho “sàran'ny visa” raha toa izy ireo ka manapa-kevitra hiasa aminà mpampiasa hafa.

Nefa kosa ho an'ny sasany any Barhain, izay misedra olana ara-ponenana sy tsy fanànana asa ny mponina ao aminy, miteraka ahiahy ilay hevitra hanamoràna ny asan'ireo vahiny eo an-toerana.

Ny mpitoraka blaogy Mohammed Marhoon no mamaritra trangam-piainana iray tsy ela akory:

في صيف البحرين الحارق، وسط المنامة، بانتظار ضوء الإشارة الأخضر بعد مرور “الهوامير” تسند رأسك على زجاج السيارة لتهب نسمات مكيف السيارة البارد منعنشة غليل الإنتظار وجذوة الشمس عند آخرها، يقطع هذا الإكليل المنهك طرقات “هندي” على النافذة.. “طخ، طق، طق..”.
للوهلة الأولى افتكرت أنّه يريد ابتياعي “عبوة مياه”، إلا أني لم أرى أيّ عبوات بين يديه ونوضح هنا ما نقصده “ماي صحة”، بالهندي “بوني” وأولاد ميري يقولون “water” حتى لا نتعرض للمسائلة أو ننتمي للمنظمات الإرهابية على أي حال، فتحت النافذة، وإذا به يستجدي: “بابا.. فقيير أنا فلوس مافيي، الله يهرم واديك، فقييير بابا.. فقيير بابا”، أستغربت حينها، أكان صدفة أم أن هناك مثله مئات!؟ وهنا لن أسلّط الضوء على الفقر والعوز فمثله من جاليات أخرى قاطنون شوارع المنامة بطولها وعرضها وليس بغريب عليكم إلا أنّ هندي يشحذ، أول مرّة أشوف!

Anatin'ny andro migaingaina tao Barhain, tao afovoan'i Manama, teo am-piandrasana ny jiro mavo hirehitra, raha nandalo ireo trondro hamoor [big shots]. Apetrakao amin'ny varavarankelin'ny fiara ny lohanao mba hahazo ny tsioka malefakin'ny milina fampangatsiahana hampisinda ny hatezeranao noho ny fiandràsana ela sy ny daniky ny masoandro. Izany fitsotsorana izany no notapahan'ny Indiana iray tampoka nandondona teo amin'ny varavarankely…tap, tap, tap…

Tamin'ny voalohany dia noheveriko fa te-hivarotra rano amin'ny tavoahangy tamiko izy, saingy tsy nahita aho na tavoahangin-drano iray aza teny an-tànany. Rano mineraly no tiako hambara eto an!, ‘pani' amin'ny teny Hindi, ary izay ambaran'ny zanak'i Mary [ireo mpiteny Anglisy] hoe “water”, mba tsy ho tratry ny fanontaniana isika na fanamelohana hoe mpikatroka anaty fikambanana mpampihorohoro. Mazava ho azy, novohako ny varavarankely, ary hitako izy mangataka famonjena: “Baba, mahantra aho…tsy manam-bola…Andriamanitra hitahy ny raiamandreninao… mahaaaantra, baba, mahantra aho, baba.” Gaga be aho. Kisendrasendra ve ity, sa misy an-jatony ny toa azy? Tsy hafantoko loatra amin'ny fahantrana sy ny filàna eto, satria misy vondrom-piarahamonina hafa maro tahaka azy miaina manerana an'i Manama, ary tsy mahagaga ny mahita azy ireny - saingy sambany kosa no nahamarihako Indiana nangataka!

طقوس.. يوم الجمعة..

تستقطب منطقة المنامة يوم الجمعة من ساعات الصباح الأولى الهنود وهم “ضاربي دهن الراس”، “وثياب مكوية”، “وأذواق مختلفة” وتلاقح ثقافات وطقوس، فتجدهم يتبادلون التحايا ويتحاضنون “Hug’” ويصطفون لصلاة الظهر، يتدفقون من كل حدب وصوب.. لينتهي الحال الجلوس على عتبات باب البحرين عصرا.. وارتياد الكورنيشات.. يوم حافل لديهم..

Ireo fombafomban'ny andro Zoma…

Ny ora vao misandratr'andron'ny Zoma maraina ao amin'ny souq faritra manodidina an'i Manama dia mahasarika Indiana maro, miaraka amin'ilay volo mifotetaky ny menaka, fitafiana marevaka, ary ireo fankafizan-javatra samy mànana ny azy. Ambohipihaonan'ny kolontsaina sy fombafomba maro samihafa io. Hitanao mifampizara firariantsoa sy orokoroka izy rehetra, avy eo dia mitandahatra hanao ny vavaka mitatao vovonana fanaon-dry zareo. Avy amin'ny lafin-tany rehetra izy ireo, ary amin'ny tolakandro dia miara-mipetrapetraka mankeny amin'ny Bab Al Bahrain, na mitsidika ny elo-drano [fitsangatsanganana eny amoron-drano]. Andro maha-somadodoka ho azy ireo io…

حاجتنا للهنود.. حاجتنا للهواء

إذا ما نظرنا للأعمال المتعددة التي يقوم بها “الهنود” في خدمة الشعب من أصغرها حتى أكبرها، فمن غسيل السيارات، بيع الياسمين في الطرقات إلى بناء الشاهقات، المحلات التجارية، رياض الألعاب، وصولا لمدراء و”كبارية” أينما “قلبت” وجهتك فثمّة “هندي” ولا غرو في ذلك!

Ny filàntsika ny Indiana dia toy ny filàntsika rivotra

Raha jerentsika akaiky ireo asa maro ataon'ny Indiana ho fanomezana fahafaham-po ny daholobe, manomboka amin'ny tanora indrindra ka hatramin'ny antitra, manasa fiara izy ireny ary mivarotra jasmin eny an-dàlambe, manàngana ireny trano avo manaka-danitra ireny, ireny toeram-pivarotana lehibe sy toeram-pilalaovana ireny, ary misy ny lasa tompon'andraikitra sy mpandraharaha. Na aiza na aiza alehanao dia misy Indiana foana, ary tsy mahagaga izany!

A.T.M

تجدهم مصطفين بنتظام طابور طويل على آلة السحب الآلي “A.T.M” ذلك لأخذ كشف الحساب، على أرباب العمل أن يمنحوا الهنود شهادة راتب ليزيحوا بذلك العناء النفسي والهوس لدى عامليهم “يجي فلوس”،”ما يجي”، “ناقص موجود”،”أرباب كنجوز”.. ويخفوا علينا “شوي”.

الهنود هم أكبر الجاليات المنتشرة في العالم التي تقدر عدد أفرادها حوالي 25 مليون هندي يعيش حول العالم! شريحة واسعة في البحرين مع فتح باب “فري ويزا” راح يكون الوضع مرعب! أكرر أول مرّة أشوف هندي “بابا فقيير.. بيزات مافيي” يطلب في وضح النهار من السيارات المارّة هنا وهناك! اليوم متعقّد من الهنود صراحة..!!!

ATM (Milina mpizara vola mibaiko tena)

Hitanao mitandahatra lavabe eny amin'ireny ATM ireny ry zareo, mba hàka ny toe-bolany. Tokony hanome taratasy filazàn-karama ho an'ireo Indiana ireo ny mpampiasa azy ireo mba hanamaivanana ny rarin-tsaina mianjady amin'ireo mpiasany mieritreritra ny hoe , “tonga ary ve izay ny vola?”, “Tsy mbola ao ilay izy”, “Tsy ampy izy izany”, “Tena fangoloka ny mpampiasa ahy”, ary ny “Tena kely [karama vary masaka] izy izany”.

Ny Indiana no foko isan'ny tena miparitaka be indrindra manerana ny tany. Vinavinaina ho 25 tapitrisa ny Indiana miaina ivelan'ny fireneny. Ny be indrindra amin'ireny dia any Bahrain ary miaraka amin'ny famohàna ny varavarana ho an'ny visa maimaim-poana ho an'ny mpiasa, ho sarotra ny teo-draharaha! Toy izay efa nolazaiko, Ity no voalohany nahitako Indiana niteny hoe, “Baba, mahantra aho, tsy misy vola.” Ankarikary be izao izy no nangataka tamin'ireo fiara rehetra nandalo tetsy sy teroa. Tsy asiako fihatsaram-belatsihy, mihevitra aho androany fa tena nanana complexe manoloana ireo Indiana.

Bahrain: Napetrak'ilay mpisolovava ho toy ny “revy tsy manimba” ny fanolanana

koloina — Mon, 09 Mar 2009 19:46:01 +0000

MpanoratraAyesha Saldanha · Nandika koloina · vakio ato ny lahatsoratra nadika

Nanintona ny sain’ireo mpitoraka bolongana sasany ao Bahrain ny raharaha fitsarana mahakasika fanesorana tsy nahitana porofo sy ny fanolanana vehivavy iray, satria napetrak'ilay mpisolovava vehivavy ho toy ny “revy tsy manimba” ilay heloka.

Niteny ny mpahay lalana antsoina hoe Fatima Al Hawaj fa tokony ahafahana ireo tanora lehilahy anankitelo izay noampangaina fa naka an-keriny sy nanafika Filipiana iray, satria mantsy “fanalana azy” no antony nahavitany ny herisetra, fa tsy hoe efa tao anatin’ny eritreriny tanteraka ny hanatanterka izany. Tohina tokoa I Coolred, Amerikana

Lasa eritreritra aho hoe sao dia efa manao ny tenanany ho tafiditra ao anatin’ny fanolananan-jiolahy ary ity mpisolavava mpiaro antsoina hoe Fatima AlHawaj ity ary amin’izay koa mbola mamoaka ny filozofy manao hoe……”ilay izy anie ka ditra fanalan’azy tsy dia nampaninona akory e”? Ary manontany tena koa aho hoe efa mba nolazainy ve raha olona Bahrain mitovy aminy no tratran’ny herisetra fa tsy hoe ny olona Filipianina ambany saranga izay matetika no voasokajy anatin’ny “olona atao filana” ho an’ny Arabo izay iasany na eo manodidna azy?

Nomarihako ny fisehon-javatra fa ny “tanora” voalaza eto anie ka 19, 20, 21 taona e…… Te ahafantatra aho hoe fa maninona foana no faritana an-taratasy ao anatin’ny sokajy misy ny tanora/zatovo ny taonan’ny LEHILAHY toy izao rehefa avy nahavita herisetra mahamoa fady? [….] Fanamarihana farany … ho an’ny vehivavy miaro ny lehilahy toy izao … ny vehivavy mpisolovava toy itony … na ireo izay miventy fa “ditra tsy nampaninona akory izany”, na ny fihevitra mahazatra fa “ny lehilahy anie ka lehilahy foana e” dia tsy ho voafongana mihintsy ary ny zavatra ampiharin’izy ireo dia mampibaribary tanteraka ny fisehony …. Fantatra fa herisetra manohatra ny vehivavy izay tsy ampiambahambana no ilazana fa nanova ny fiainany ary tsy ho adinony mandrakizay … kanefa sahiko mihintsy no milaza … fa raha sanatria moa ka tsy nahavita namantatra ireto “lehilahy” ananki-3 ireto ity ravehivavy dia efa very am-bozona ny fitadidiana ilay ditran’ny alina tsisy arakaraka, ka hatory am-pilaminana tokoa izy ireo amin’izany.

Tezitra mafy ihany koa I Maldita, Filipianina mipetraka ao Bahrain, izay mamaham-bolongna ao anatin’ny Saving The World Together:

Amin’ny fomba ahoana kosa moa no ilazana fa “DITRA TSY MAMPANINONA” ny fanolanana sy ny fandroban’ireo jiolahy? Ekena, mety nataon’izy ireo izany nohon’ny tsy fisian’ny fandanian’andro tsaratsara kokoa izay afaka mametra ny eritreritra ananan’izy ireo hanao herisetra. KANEFA TSISY AZO IALANTSINY mihintsy ny mibeda vehivavy eny an-dalambe eny ho entina anamanitra ny filan’ny vatana!

Marina aloha fa manao adalana matetika ny tanora – betsaka no manandrana mangalatra eny an-tsena, ny sasany maneho hatezerana nohon’ny fitohanan’ny fifamohivoizana, ny sasany manjary mifoka rongony. Ny miseho araka ny mahazatra dia herisetra madinidika no ataon’ireo tanora izay matetika no miafara amin’ny fandroahana masiaka ataon’ireo mpitaizan’azy ireo na miafara amin’ny fampijaliana an’izy samy izy. Ny fitaizana ratsy nomena ny olona iray no nitarika azy hanao zavatra goavana toy izany. Io no manery ireo tsy manantsiny handeha ho any amin’ny fiainana fantany fa metimety aminy. [..] Raha tena nanao ireo zavatra iampangana azy ireto zatovo ireto, dia hita ho mampalahelo fa ny fiainan’ny vehivavy ankehitriny mihintsy no atahorana manoloana ity toe-javatra maharikoriko ity… ary azo antoka ny mbola hivezivezy amin’ny fomba malalaka ireo mpihaza azy kanefa tsy hijinja akory izay nafafiny rehefa avy eo.

Aza avela hanomboka ny hiaka ho an’ny fanavakavaham-bolo-koditra anefa aho.

Tontolon’ny Arabo: Fety nahaterahana fampieritreretana

koloina — Fri, 06 Mar 2009 19:18:32 +0000

MpanoratraAmira Al Hussaini · Nandika koloina · vakio ato ny lahatsoratra nadika

Maro ny mpitoraka bolongana maneran’ny tontolo ny Arabo no maneho aterineto ny fety nahaterahana amin’ny alalan’ny lahatsoratra filozofika, izay mitantara ny fiainana, ny fanantenana, ny zava-bita ary ny nofinofin’izy ireo.

Mibanjina ny hevitra entin’ny fiainana ny Syriana Abu Fares eto am-pankalazana ny fety nahaterahany. Manoratra izy:

Fety nahaterahako izao. Tsy afaka miteny aho hoe mbola eny antsasa-dalana ny tenako.
Raha eritreretina daholo ny fomba niainako hatramin’izay, ny fomba fiainako ankehitriny sy ny hoe amin’ny fomba ahoana no andrafetako ny fiainako sisa tavela, dia tsy azoko antoka fa ho tratrako ny faha-98 taonako. Raha mitady nenina eo anelanelan’ny fe-potoana ianao dia tsy hahita izany mihitsy akory. Tsy ho hitanao fahatsapana ny fahasambarana tanteraka. Efa betsaka ny vintana no nanjavona teo anatrehako ary vitsy ireo azoko kisendrasendra nefa tsy azo antoka. Imbetsaka aho no efa lavo ary efa nitraka. Efa nitia aho nefa resy, fa mbola raiki-pitia indray taty aoriana, ary ho mandrakizay.

Niresaka ny zava-niseho taminy nandritra ny taona lasa ny Jordaniana Ali Dahmash, vao nisantatra ny faha 36 taonany izy, ary manampy ny resany manao hoe:

Ny teny ifaharana ao anatin’ny raharahan’ny taona lasa sy ny zavatra mbola ho avy dia ny teny hoe Fiovana. Tsara ny fiovaovana. Ary amin’izao fotoana izao dia miaina ao anatin’izany isika, mitohy foana ny fiovaovana. Tsy mitsahatra miova ny zava-drehetra manodidina ahy. Ny toe-karena, ny olona, ny teknolojia sy ny fomba ifandraisantsika. Miova hatramin’ny lokon’ny voloko, ny fijery ananan’ny masoko, kanefa moa izany dia tafiditra ao anatin’ny fihodikodin’ny fiainana. Manana ny fanantenana aho fa ny taona ho avy dia hitondra fiovana tsara amin’ny fotoana tena ilaiko azy indrindra, satria ity no andro ao anatin’ny taona izay ankalazako ny faha 36 taonako eto ambonin’ny tany.

Mandritra izany ao Bahrain, hankalaza ny fety nahaterahany miaraka amin’ireo namany mapetraka akaikin’I Kuwait i Maha Al Yousif . Manoratra izy:

Arahaba tratry ny fety nahaterahanao ME
Hankalaza ity herinandro ity ao Kuwait miaraka amin’ny namako 2 tena akaiky ahy indrindra aho.

Manao fanamarihana ny Jordanianina 7aki Fadiizay mipetraka ao Canada izay mitantara fa hoe adinony ny nanamarika ny fety nahatehany tao anatin’ny bolongany ary manampy ny resany izy manao hoe:

33 taona aho. ODRAY!fa maninona re olona no dia manidina toy izao ny taona a??? Tena marina e, ohatry ny tsy azoko veroka mihintsy hoe ahoana moa no nahatonga ahy ho 33 taona. Izaho aloha dia tena tsy tia ny isa tapisaka mihintsy e (nombre impaire), hitako be hoe mampiorona ny hodi-doha izany ilay izy, sa ahoana hoy ianao?

Tontolon’ny Arabo: Miaina anaty rivotra!

koloina — Thu, 19 Feb 2009 07:59:46 +0000

MpanoratraAmira Al Hussaini · Nandika koloina · vakio ato ny lahatsoratra nadika

Voarakotra tafio-drivotra goavana ny sakeli-tany arabo manontolo, mahatonga ny ny vahoaka tao Bahrain, tao Kuwait, tao Arabia Saodita, Yemen, Iraq ary ny firaisan’ny Arabo entin’ny Emir (United Arab Emirates) hiaina anaty rivo-manempotra.

Raha ny mahazatra rehefa amin’ny vanim-potoan’ny taona toy izao ao Kuwait, dia mikatona vao maraina avokoa ny sekoly sy ny tranom-pirenena amin’io andron’io tafio-drivotra io, raha ny vovoka entin’ny tafiotra no jerena dia mahatratra ho 85 kilometra isan’ora ny hafainganam-pandehany, izay mampiato ny fanondranana solika mankany amin’ny Emira manankaren-tsolika.

Ny mpikirakira YouTube q8lightning no mandefa am-bolongana ity horonantsary ity:

Manazava misimisy izy:

Nitsoka vovoka ny tafio-drivotra nanomboka ny Talata alina dia avy eo niha-ratsy hatrany nandritra ny andro manaraka, miaina ao anatin’ny ririnina I Kuwait amin’izao fotoana izao ary ny tafio-drivotra dia efa vonona ny handrava, ny antony dia satria tsy nisy orana firy mandrak’androany.

Eny ambonin’ny fiaramanidina, nisy hafatra tonga ho an’ny mpandeha, ka mimenomenona I Mark Wolinski:

Tonga tany Kuwait aho omaly alina dia ohatry ny hoe handeha hijery fotsiny ilay tafio-drivotra izay nidina tao Bahrain nefa niha-mahatsiravina izany tao Kuwait. Nijery avy eo ambaravarakelin’ny fiaramanidina aho ary hita ho toy ny rindrim-bolon-tany ny endrik’izany.

Ao Kuwait ihany, mandefa io sary etsy ambony io ny mpampiasa Flickr antsoina hoe Mink, miaraka amin’ny fanazavana fanampiny ho an’ny sary voalohany:

Misy saka mainty roa mitazana avy eny amin’ny ambonin’ny fefy hazo, tafio-drivotra goavana voalohany indrindra tamin’ity taona 2009 ity izany ary nandona mafy dia mafy tokoa izy io. Miendrika volomboasary ny lanitra ary ibosesehin’ny vovoka mateviana ny rivotra. Rehefa nijanona izany afaka andro vitsivitsy, dia fotoana lava no lany nanadiovana.

Mamariparitra ny sariny faharoa i Mink:

Sary feno mampiseho ny tafio-drivotra

Ho an’ny tovovavyGranola , dia ny vovoka no iray amin’ireo antony maro mety hanainga azy hangorona ny entany ary hanao veloma an’I Kuwait:

Lebanona no firenena ao Proche Orient tsy misy tany hay. Androany, rehefa tafafoha noho ny feon-tafiotra tokony ho tamin’ny 2 maraina rehefa tao aorian’izany no tsy nahitana ny torimaso, ary avy eo niaina tao anaty ny vovoky ny tafiotra ny tontolo andro manontolo, dia tena faly tokoa aloha ny tenako fa tsy mba tao anatin’ny toerana misy ny tany hay izany (desert).

Ao amin’ny toerana manakaiky an’I Khobar, ao amin’ny faritanin’ny Arabia Saodita atsinana, dia mandefa sary vitsivitsy i Assad Abu Hussain ary miantso ny mpamaky izy mba hivavaka amin’Andriamanitra hamela heloka sy handatsaka ny orana.

Mbola ao amin’ny faritany atsinanana, mandefa misimisy kokoa ny sarin’ny tafiotra avy eny amin’ny vodilanitry Aswaq City [AR] I Abu Omar ary koa mampitandrina ny mpamaky manao hoe:

Tamin’ny 7 ora maraina, nanomboka niova ny toetr’andro mandrapahatongan’ny vodilanitra hanakaiky ny loko menamena, ary lasa nihanahery ny rivotra. Vetivety avy teo, nihanihena ny fahafaha-mijery lalana ary tsy maintsy nitandrina tsara sy nandeha moramora ny mpitondra fiara. Tadidio ihany koa ny manakatona ny varavarankelin’ny tranonao rehetra ary aza atao ny mamelona ny fitaovana mitsoka rivotra, amin’izay tsy tafiditra ao an-tranonao ireo vovoka.Raha mikisaka mankeny any Riyadh, renivohitry Arabia Saodita, dia hita ihany koa fa mandefa ny sarin’ny tafiotra ary manome antsika fanazavana momba ny karazandrazan’ny tafiotra izay mety ho hitanao eny amin’ny faritry ny tany hain’ny Arabia i Rusha.

Mitsoka eny rehetra eny ny vovoka malefaka, izay miditra avy eny amin’ny makarakaran’ireo varavarankely, ny varavaram-be, avy eny amin’ny fantsona misy ny fampangatsiahana trano, ny fitaovana fitsofan-drivotra. Asa be ny miaina anatin’ny rivotra satria miditra any ampoton-tenda ny vovoka. Tsy hita tsara ny endriky ny vohon-tany sy ny endriky ny rivotra. Miha-mafy ny tonokalo momba an’i shamals, te hikohaka aho.

Raha jerena ny karazan-javatra, tadido ny blaogy nalefako farany mikasika ny fifamoivoizana tao anaty tafio-drivotra miaraka amin’ny rotsak’orana mitsitapitapy? Ity marina ilay antsoina amin’ny fomba ofisialy hoe haboob.

Amira Al Hussaini

Palestina: Mifampiresaka amin'ny Gaza

koloina — Mon, 19 Jan 2009 19:09:50 +0000

MpanoratraJillian York · Nandika koloina · vakio ato ny lahatsoratra nadika

Araka ny toe-javatra mahazatra ary koa na dia eo aza ny taha ambony amin’ny fahaiza-manoratra, dia mipetraka eo anelanelan’ny 13 sy 15 ny isan-jaton'ny fahafaha-mampiasa ny aterineto any Palestina (tafiditra ao anatin’izany Cisjordania sy Gaza ). Na dia eo aza ny fanafihana manatona an’I Gaza dia hita kosa fa mihena tanteraka ny fahafahana miserasera amin’ny aterineto. Na dia eo aza izany dia misy ihany ireo mpitoraka blaogy vitsivitsy nanoratra mivantana avy any Gaza , maro mponin’I Gaza mandefa hafatra an-tsoratra sy manao antso an-tarobia mankany ivelany mba ahazoana antoka fa re ny tantaram-piainan’izy ireo.

Efa mpanao tatitra momba an’I Gaza nandritra ny andro maro ankehitriny i Mohammad avy amin’ny KABOB fest izay mipetraka ao Cisjordanie. Nilaza taminay izy tao anatin’ny blaoginy voalohany tamin’ny 29 Desambra hoe:

Te-hiantso ireo dadatoako aho hanontaniako azy ireo momba ny fiainan’izy ireo sy ny momba ny fianakavian’izy ireo, kanefa tsy afaka manao izany aho mandritra ny andro. Tena manahy aho ny ahafantatra hoe manao ahoana izao no mety ho fiaimpiainan’izy ireo any. Nefa rehefa avy mahaantso an-telefonina aho dia miramiram-pahagagana tokoa.

Niteny tamiko ny dadatoako Jasim fa mihatsara ny toe-draharaha ankehitriny, mbola misy ihany ny tahotra fa kosa efa nanomboka mihamahazo aina kokoa ny mponina. Nilaza izy hoe: niaretanay ny daroka avy amin’ny fanafihana voalohany, ary izany no nanampy anay hijoro mandrak’androany. Nilaza izy fa nangina ho tokony teo amin’ny antsasak’adiny ny lanitry Khan Younis, nefa nanafika ny morontsiraka kosa ireo sambo mpiady. Mahery dia mahery ny feony, toy ireny hoe niresaka taminy mialoha ny fotoanan’ny fitifirana (famonona) aho, aza dia manahy loatra hoy izy tamiko.Tsy manana hery toy ny mahazatra intsony ry zareo, koa nolazaiko izy momba ny fihetsiketseha-mpanoherana sy ny fifandonana miseho ao Cisjordanie ary ny fanohanana miely eran’izao tontolo izao. Niteny azy aho fa tsy nisy nanadino izy ireo, taorian’izay dia niangavy tamiko izy mba hivavaka foana ho azy ireo. Efa natory ireo zanany izay zandriny indrindra, fa ny zanany vavy Haneen sy Yaqeen kosa no mbola mitsangana. Nanafatra azy aho mba hiteny azy ireo fa mieritreritra ny momba azy ireo izahay rehetra.

Niantso ny dadatoako Mahmoud aho rehefa avy eo. Nilaza izy fa efa niandry fahafatesana omaly. Niantso azy an-telefonina mantsy ny israelianina ary nanambara taminy fa ho darofan’izy ireo baomba ny tranony afaka minitra vitsivitsy. Nampihorohoro anay rehetra izany, ary androany anefa no nampahafantariny fa efa mazava izao fa nandefa izany hafatra an-telefonina izany tany amin’ny tokantrano an'aliny ireo miaramila Israelianina. Fomba fiady mahatsiravina sy miharo habibiana, natao hampihorohorona olona anarivony mitoetra ao an-tranony izany.

Indrisy fa hanjavona tsy ho ela ny fanantenany. Nitondra tatitra indray I Mohammed, ny 3 Janoary

Niezaka niahntso an-telefonina an’I dadatoako Mohammad ao an-tanànan'iGaza indray aho. Nandritra ny resaka nifanaovana no heno nisy baomba nirefotra tokony ho isaky ny 20 segondra eo ho eo. Tahotra no bodofotsy nandrakotra ireo vahoakan’i Gaza ary ny tanànan'i Gaza indrindra indrindra tao anatin’ny hirifirin’ny hatsika nandritra ny alina. Mifariparitra anatin’ny haizin’ny lanitra ireo tifitra basy sy ny fipoahana izay hivezivezen’ireo fiaramanidiana sy ireo helikoptera mpiady tsy taka-maso. Tsy misy mahafantatra intsony hoe inona no mety ho voatifitra. Nilaza tamiko ny dadatoako fa efa nisy fipoahana baomba nanodidina azy ireo, na akaiky izany na lavitry ny toerana, avy amin'ny lafin-trano rehetra any, eny fa na dia ny toeram-pampielezam-peo ao an-toerana (radio) izay ikohizana amin’ny fahafantarana ny mitranga rehetra aza dia tsy afaka mamantatra tsara hoe aiza avy ireo lasibatra voatifitra. Tsy dia azon’ny olona antoka aloha raha hoe nikendry trano fonenana, trano mijoalajoala, moske na koa toera-manan-tantara ny tifi-danitra, noho izany dia tsy nisy olona ka mahafantatra ny mety ho fiovan-javatra eo amin’ny fomba enti-miaro tena. Ao anatin’ny ady mantsy , na ho an’ny vahoka na ho an’ny miaramila dia tsy misy zava-mampatahotra ohatry ny hoe tsy fahafantarana izany.

Nampiseho tamin'ny antsipirihany ireo antso marobe nisy tamin’ny fianakaviana tao Gaza izy tao anatin’ny lahatsorany fahatelo, izay mampitaha ny toe-draharaha misy ao amin’ny an-tanànan’I Gaza ka hatrany amin’ny Khan Younis. Nanazava ny antso an-telefonina iray niaraka tamin’ny vadin’ny dadatoany izy.

Niresaka tamin’ny Areej indray aho. Ohatry ny efa mba mitony kely izany izy, kanefa tsapa fa mbola mihorohoro ihany. Nanontany azy aho momba ny zazakely. Nilaza izy fa matory eo akaikiny Yazeed. Rendri-tory ihany koa I Dina, ary notenenin-dreniny I Nada sy Hava mba hamonjy ny efitranon’izy ireo, izay heverina fa mety azo antoka. Nanontany azy aho raha toa ka mahazo hafanana izy ireo manoloana ireo varavaran-kely misokatra izay talaky rivotra, fa namaly kosa izy hoe misosona akanjo araka izay vita izy ireo ary koa manao izay mety amin’ny firakofana bodofotsy be dia be, saingy mandritra ny andro sy ny hariva kosa dia tsy dia mangatsiaka loatra. Nanontany ny momba an’I Adham aho, zanany 11 taona. Nilaza tamiko izy fa vao avy nandrehitra labozia anankiroa io zanany io teo dia avy eo namelatra ireo kilalaony ka niezaka na dia eo aza ny hirifirin’ny hatsiaka sy ny tahotra ary ny daroka baomba, ny fahafatesana sy ny ratram-po. Manana kilalao rafitra biriky (lego) sy fiara kely ary miaramila kilalao vitsivitsy izy. Tsy nanelingelina ny hametraka fanontaniana azy aho ny mety ho fihetsiky ny zanany milalao ireo miaramila kilalao. Sady tsy te ahafantatra izany koa aho.

Nandefa vaovao ara-potoana avy amin’ny namana tao Gaza ihany koa I Ayesha Saldanhan’ny Bint Bittuta ao Bahrain ao amin'ny Global Voice-ny . Ny hafatra farany avy amin’ny namany, Hasana, ny faran’ny amin’ny andalan-dahatsoratra:

6:30 maraina: “Tsy misy mandeha avokoa na ny telefonina na ny herin’aratra. Vao avy nifoha aho no nahita ny hafatrao (sms). Henoko mirefotra mafy dia mafy ny tifitra tafondron’ireo fiara mifono vy. Heno migodogodona sy miroandroana ireo feo. Tsy haiko fa angamba efa manakaiky ry zareo.”
8:20 maraina: “mbola tsy manakaiky aloha, enga anie ho toy izay. Raha toa ka mizihitra tsy mandeha ny herin’aratra dia tsy afaka izahay. Mihezaka miantso na na mandefa hafatra (sms) ny anabaviko aho fa tsy nisy vokany.”
1:20 hariva: “nanontany ahy ny vadiko fa maninona aho no mikentrona. Tolory ahy izay zavatra mety hanome ahy fanantenana dia hitsikitsiky aho, hoy aho taminy. Androany rehefa nanomboka nihamaro ireo zavatra tsy maintsy ilainay, fanafody, sakafo, fitaovana fanadiovana, dia nanapakevitra aho hiakatra an-tanandehibe eny fa na dia zeran-dry zareo baomba aza ny tsenan’I Gaza. Nahafaty olona 5 sy nandratra vondrona olona izy ireo. Nitifitra baomba ny trano 2 teo akaikin’ny toeram-pivarotana ny F16 rehefa niditra ny tsena aho. Nieritreritra mitovy tamiko ny olon-drehetra. Na ny tsena na ny moske no halehako, tena very hevitra aho. Novidiako ny antsasak’ireo izay mety ilainay dia nody haingana tany an-trano aho. Eny an-dalana hody dia nodarofan’izy ireo baomba ny trano iray hafa akaiky ny tranoko. Nitoraka nisinisy ny fiara vy (tanky) omaly alina ka tena natahotra mafy izahay”
6:30 hariva: “Raha miharatsy ny fandehan-javatra dia hanatsofoka ny karatra SIM ao anatin’ny findain’ny vadiko aho. Mitoraka baomba I F16 amin’izao fotoana izao ary ny mihamafy ny feon’ny fiara mpamonjy voina (ambulance). Miharatsy noho ny omaly hatrany ny androany.

Jillian York

Bahrain: Fampitahana ny fomba fiasan'ny Bahrainita sy ny Japoney

Jentilisa — Fri, 26 Dec 2008 20:09:47 +0000

· Nandika Jentilisa · vakio ato ny lahatsoratra nadika

Mpamaham-bolongana Bahrainita Yagoob izay mianatra any Japana amin'izao fotoana izao - dia manatri-maso ny lazan'ny fitiavan'asa eo amin'ny Japoney. Amin'ity lahatsoratra ity ary no anehoana anareo ny fampitahana ny fomba fiasan'ny maro amin'ny Bahrainita sy ny fanaon'ny Japoney.

Miainga amin'ny tranga faratampony i Yagoob amin'ny fanaon'ny mpiasa iray mba tsy hialan'ny karamany amin'ny andro iray:

في الآونة الأخيرة ظهرت عدة تقارير في صحفنا المحلية لفتت نظري و خاصة عندما أحاول أن أقارن بين العقلية البحرينية و اليابانية تجاه العمل و احترام الوظيفة
فأولاً ورد في صفيحة أخبار الخليج مقال عن أحد المغفلين يعمل في مكتب طيران الخليج بالقرب من مطار البحرين الدولي قام بالاتصال بمكتب عمله ليبلغهم ببلاغ كاذب عن وجود قنبلة داخل المبنى مما أدى بالطبع إلى إخلاء المبنى طوال اليوم و ضياع ساعات العمل و مداخيلها
و السبب في هذا التصرف الأحمق هو بأن صاحب هذه الفكرة الجهنمية كان يشعر بآلام في معدته و قد استنفد جميع إجازاته المرضية و لم يريد أن يخسر من راتبه أجر يوماً يتيماً
و الآن بعد أن تمكنت السلطات الأمنية بالعثور عليه في وقت قياسي و التحقق معه فأصبح مستقبله مهدد بفقدان وظيفته و رزقه و كل هذا من أجل حفنة من الدنانير لا يريد خسارتها

Fotoana vitsivitsy lasa izay dia nisy andian-dahatsoratra niseho tamin'ny gazety tany an-toerana nisarika ny masoko, indrindra moa fa teo amin'ny fampitahana ny fisainan'ny Bahrainita sy ny an'ny Japoney eo amin'ny resaka fanajan'ny tsirairay ny asany. Voalohany, tao amin'ny gazety Akhbar Al Khaleej, dia nisy lahatsoratra iray nitantara ny iray tamin-dry levendrana miasa ao amin'ny biraon'ny Gulf Air akaikin'ny seranam-piaramanidina iraisam-pirenen'i Bahrain, izay nitsaho tany amin'ny biraony fa misy baomba ao am-piasana - ary dia nitarika fanalana ny olona rehetra tao izany ka nandany ny andro manontolo, izay midika ihany koa ho fahaverezam-bola sy fahaverezam-potoam-piasana.
Ny anton'ity hevitra kidaladala ity dia noho ny aretim-bavoniny, lany avokoa ny andro ahazoana tsy miasa noho ny aretina, nefa tsy te-hampihena ny karamany, tsy te-ho very karama iray andro izy. Ankehitriny moa nahafantatra ny niavian'ny antso tao anatin'ny fotoana fohy ny mpitandro ny filaminana, efa hadihadiana ny lehilahy, ary mampanahy ny ho avinn'y asany sy ny fiainany manontolo. Izany rehetra izany dia vokatry ny tsy fitiavana ho very dinars vitsivitsy.

Rehefa avy niteny ity fomba fiasa ity i Yagoob dia niteny hoe:

الذي أريد أن أتوصل إليه من هذه المواقف بأن العقلية تجاه العمل ببحريننا العزيزة متخلفة جداً فالبعض يعمل و يجتهد ليبحث عن عذر أو سبب أن يغيب من العمل ( و خاصة من عمل حكومي, حيث يعتقد أن عمله مضمون لا يمكن لاحد أن يفصله عن عمله مهما كان عمله سيء) و يفتخر بأنه تحايل على عمله لكي يقضي وقته في التافه و اللامفيد
و من جهة أخرى نرى أن بعض جهات العمل تضغط على موظيفيها الذين يعملون بجد و إخلاص و تتربص الفرص للتخلص منهم و وضع من هو أسوأ منهم في مكانهم.

Ny tiako lazaina dia hoe tena mba ilaozan'ny toetr'andro koa izany fomba fiasantsika aty Bahrain malalantsika ity; Mikofokofoka sy miezaka mafy ery ny sasany mitady fomba tsy iasana (indrindra ny any amin'ny asam-panjakana). Mino izy ireo fa efa tsara toerana, tsy hisy intsony ny afaka hanala azy na dia ratsy fiasa aza izy ireny. Mirehareha izy ireo tsy miraharaha ny asany amin-javatra tsy misy dikany sy ny tsy misy ilàna azy. Etsy andaniny indray, maro ny mpampiasa no maneritery ny mpiasa miasa mafy sy miasa tsara, ka mitady fotoana fanararaotra hanesorana azy ireny mba hametrahana olona tsy haninon-tsy haninona hisolo ireny (mpiasa mazoto ireny).

Avy eo izy dia mitodika amin'izay zavatra hitany tany Japana amin'izay:

لو نرى إلى العقلية اليابانية للعمل فنرى ان العديد منهم يعيشوا كي يعملوا و أن أولى أولوياتهم في الحياة هي العمل, فأرى منهم على سبيل المثال في جامعتي فالأساتذة
يحضرون الجامعة في حوالي الساعة 7 صباحاً (مع العلم بأن الدوام يبدأ الساعة 8:45 صباحاً) و يعودون إلى منازلهم في الساعة السابعة أو الثامنة مساءاً أحياناً (مع العلم بأن الدوام ينتهي في الساعة الخامسة و النصف)
و يجب أيضا نضع في عين الإعتبار بأن معظمهم لا يسكنون المدنية و إنما في مدن أخرى تبعد بالساعة أو الساعتين عن مقر عملهم فإني اشعر بأن ليست لهم أي حياة اجتماعية و بيتوهم كالقبور يناموا فيها فقط
و من جانب آخر, فإن مرض و هو قادر أن يعمل (مصاب بزكام إلخ) فإنه يذهب إلى العمل و يحرص على لبس كمامة تغطي أنفه و فمه لكي لا يعدي الآخرين معه بمرضه و يقلل فرص مرضهم و ترك عملهم في إجازة مرضية

Raha mijery ny fisainan'ny Japoney kosa anefa isika amin'ny resaka asa, dia ho hitantsaika fa maro amin'izy ireo no manao ho laharam-pahamehana amin'ny fiainany ny asa. Ohatra, mahita ny sasany amin'izy reny aho aty amin'ny anjerimanontolo; Misy mpampianatra tonga amin'ny 7 ora maraina (nefa ny fidirany miasa amin'ny 8:45 maraina) ary indraindray mody amin'ny 7 na 8 ora hariva (nefa amin'ny 5 sy sasany hariva no mirava).
Aoka anefa hotsarovana fa maro amni'izy ireo no tsy mipetrak eto an-tanàna fa any an-tanàna hafa izay andehanana (fiara) ora iray na roa ay eo am-piasany. Tsapako fa tsy manana fiainana ara-piaraha-monina izy ireo fa tahaka ny fasana (trano lao tsinona koa) ny tranony izay tsy misy hanaovana azy afa-tsy atoriana fotsiny.
Ankoatra izany, raha misy marary nefa mbola afa-miasa ihany (tratran'ny sery, sns) dia mandeha miasa ihany izy fa maizaka ny manao sarom-bava sy orona mba tsy hamindra ny aretiny amin'ny hafa, ary mba hampihena ihany koa ny fahazoan'izy ireo ny aretina fandrao mandao tsy fidiny ny asa.