Veronica Khokhlova

Nambara ampahibemaso tao amin'ny EU-Ukraine Summit tany Paris tamin'ny 9 septambra ny fikasan'ny Fiombonambe Eropeana  hanamafy  ny Fifanekem-piaraha-miasa miaraka amin'ny Ukraine tamin'ny 2009. Fomba samihafa no nentin'ny haino aman-jery sy ny mpitoraka blaogy maro nandray izany.

“Manolotra antoka ho an'i Ukraine ny Fiombonambe Eropeana,” hoy ny lohatenin'ny BBC. “Tsy mampanantena na inona na inona an'i Ukraine diso manantena fatratra ny EU,” hoy ny nosoratan'ny Irish Times. “Manely honohono tsara lahatra ny EU nefa fifanarahana tsy voafaitra mazava no narosony an'i Ukraine,” hoy ny fanamarihan'ny Deutsche Welle. “Manome fanantenana ny amin'ny hoavy ho an'i Ukraine ny EU  nefa tsy misy miatso azy ambony latabatra,” hoy ny The Times mamàrana.

Ny tombana amin'ny ampahany ratsy amin'ny vokatry ny fohaonambe dia avy amin'ny fanapaha-kevitry ny EU ny tsy hampiditra ny teny hoe “vinavinam-pirotsahana” ao amin'ny fanoritsoritana ny fifandraisana hisy eo amin'i  Ukraine sy ny EU - fehezanteny iray, raha araka ny hevitr'i Vitaly avy ao amin'ny The 8th Circle, mamaritra tsara ny hetaheta ho eropeana ananan'i Ukraine ho toy ny zavatra iray hafa mihitsy miohatra amin'ny hoe hevi-dravina fotsiny:

[…] Raha amiko manokana dia tsy mahagaga izany. Miaraka amin'ny Fiombonambe Eropeana mbola mitsakotsako sy mandevona ny onjam-pivelarana tamin'ny 2004 sy 2007, tratran'ny soritr'aretin'ny faharerahana Romania-Bolgaria, ary mila mamaha ny olana nateraky ny fifidianan'i Irlande manohitra ny “Fifanarahan'i Lisbon constitution“, tsy maintsy hampihaoka handoa ny hiresahana momba ny “enlargement vina” ho an'ny firenen-kafa, indrindra ireo tahaka an'i Ukraine manana vahoaka be 46 tapitrisa na i Tiorkia  manana vahoaka 70 tapitrisa. Nefa ny firenena kelikely, toa an-dry Serbia miaraka misy mponina 7 tapitrisa, dia manana vina mifototra tsara amin'ny zava-misy kokoa tahaka ny nitateran'i  Mr. Barroso azy ho antsika vao tsy ela akory izay[…].

Ny The 8th Circle koa dia manondro antony hafa andavana ny Vina eropeana momba an'i Ukraine - ny krizy politika any Ukraine ankehitriny - nefa koa  manohana fa ny zavatra lalovan'ny Ukraine amin'izao fotoana izao dia misy ifandraisany kely ihany amin'ny valeurs Eropeana:

[…] Fanampin'izany, tsy dia mivotra mivaingana loatra ny hoe fa maninona ny fisintahan'ny iray amin'ireo ao anatin'ny fifanekena, sy ny ho vokatry ny fanaovana fifidianana alohan'ny fotoana no TSY ho ohatra iray amin'ny valeurs itovizan'ny Ukraine sy ny IE. Amin'ny maha demokrasia miaraka amina fifaninanana azy , malalaka sy marina, miezaka ny hahita vahaolana mifanaraka amin'ny lalàna  izay hahafa-po ny mpandray anjara rehetra amin'ny politika i Ukraine.

Ity dia processus demokratika tsy maintsy lalovan'ny firenena demokratika rehetra, raha te-hihoatra ny vala famaritan'ny mpamari-toetra “tetezamita” izy. Ny demokrasia mafy orina, toa ny any Kanada sy Japana amin'izao fotoana dia samy mandalo izany fiaraha-mitantana/fifidianana alohan'ny fotoana izan, ary Belzika tamin'ny taon-dasa dia nandany 196 andro mba handrafetana fifanekem-piaraha-mitantana, ary efa tany amin'ny 208 andro mihitsy aza tamin'ny 1977 . […]

J Clive Matthews avy amin'ny Nosemonkey's EUtopia dia mieritreritra fa tokony hampiasa fomba fifanantonana “pratique” kokoa ny EU amin'ny fifampiresahany amin'i Ukraine:

[…] Tsy mba sahala amin'ireo firenena kely Albania sy Masedonia ve fa mpisolantsolana i Ukraine? Zaza tsy niriana raha oharina amin'i  Serbia, firenena natsangana tamina ady sivily sy fandringanana ary mbola ao anatina fifamaliana amin'ny EU momba ny fijoroan'i Kosovo?

Ie, fisaorana be dia be ho an'izany. Tena mampahery be. Zavatra milay.

Mety ho loharano hampandroso any amina fahafahana demokratika lehibe kokoa sy hanamafy ny fananana iombonana ny fanomezan-toky amin'ny fidirana ao amin'ny EU. Nefa mila atao ilay fanomezan-toky. Fomba efa natao sy nahitam-bokatra ho fampanekena ny olona ny fampiasana ny teknikan'ny karaoty sy tsora-kazo mba hahazoana izay andrasan'ny tena aminy  - ary mandaitra amin'ny firenena ihany koa io. Fa amin'ny resaka Ukraine, toa sarisary fotsiny ny karaoty ambaran'ny EU - mandritra izay fotoana izay, fantatry ny Ukraniana fa i Rosia dia sady manana hazo no manana karaoty, ary tsy matahotra ny mampiasa izany.

Taras avy ao amin'ny Ukrainiana dia mandray fomba fijery masiatsiaka raha miresaka ny fahombiazan'ny mpanao pôlitika Ukrainiana:

[…] Azo antoka fa tsy ho mpifidy Euro[Euro-choosers] ny mpangataka Euro [Euro-beggars]. Indrindra raha tonga miaraka amina zavatra misavoritaka be toy izany hiresaka ambony latabatra hanao adivarotra ianao.

Mandritra izany, avelao ny oligargue-n-tsika mba  hividy ampahany kely amin'ny Monaco. Angamba mba mety hahazo anjara hiditra ho ao amin'ny UE koa isika avy eo? […]

Misy ampahany amin'ny hafatra eto ambony no valin-kafatra mitavozavoza sy tsy amin'ny fotoanany, amin'ny fomba fijery miabo   avy amin'i  Victor Yushchenko amin'izay teny nambàran'i Nicolas Sarkozy amin'ny anaran'ny EU tany ampamaranana ny Fihaonambe. Namoaka horonantsary fanadihadiana nataon'ny iray amin'ireo fahitalavitra Okrainiana i Ukrainiana ary nanome dikanteny Anglisy an'ilay feo lafika Okrainiana mandika ny tenin'i Sarkozy:

Filoha frantsay Nicolas Sarkozy: Ity fifanekem-piaraha-miasa ity [hosoniavina amin'ny 2009] tsy manidy izay mbola mety ho làlana hafa, na koa manokatra hafa. Izay ihany no azonay lazaina.

Filoha Ukrainiana Viktor Yushchenko: Tena nahafa-po be anay ny zavatra azonay androany.

Hay nefa, na teo aza izay rehetra izany, diso ny fandikana ny fanamarihan'i Sarkozy, ary iny fandikana diso iny avy eo no naelin'ny mpampahalala vaovao Okrainiana sy ireo mpampahalala vaovao Tandrefana sasany  (  ato ny fanazavana bebe kokoa momba an'io). Ny loharanon'ny fanambàrana - “[…]  cet accord d’association ne ferme aucune piste, que même il en ouvre” - midika hoe “[…] tsy manapaka làlana ity fifanekena fifanaraham-piaraha-miasa ity, fa manokatra ny sasany kosa aza.”

“Andao ary hojerena ny dikan'izany araka izay tena tokony ho izy” , hoy Ukrainiana mamarana rehefa avy namoaka fanitsiana.

Mino ny The 8th Circle fa tokony hijanona hifamatotra foana  amin'ireo Tatsinanana mpifanolo-bodirindrina aminy ny EU ary ny  Fiaraha-miasan'ny samy Tatsinanana, vivavinan'ny Poloney sy Soisa,  dia mety ho dingana iray ho amin'izany zotra izany.  Ity ny antony:

[…] Ity fiaraha-miasa ity dia haneho mihoatra noho ny zavatra rehetra fa mitazona foana ny maha mpialoha làlana azy eo anatrehan'ireo “firenena mpifanolo-bodirindrina” aminy ny UE, izay ahitàna taratra fahasamihafana maro karazana eo amin'ny atao hoe fandrosoana demokratika sy ara-toekarena.

[…]

Mariho koa fa ny resaka eto tsy hoe momba ny fampanantenana fandraisana ho mpikambana na ho mpilatsaka ho mpikambana - toy ilay iray izay nataon'i  Barroso manoloana an'i  Serbia - fa kosa momba ny fanairana ireo mpanao pôlitika ao  Kyiv sy ny valalabemandry  Okrainiana fa hoe raha tian'izy ireo ary manao ny fanovàna tena andrasana aminy izy ireo, dia hitondra aina ho amin'ny hoavy ny UE. […]

Manomana fitsidihana any Grande-Bretagne, Frantsa, Alemana ary ny Repoblika Czech ny Filohan'i Etazonia Barack Obama amin'ny volana ho avy io, mandritry ny fivoahany voalohany mitsidika an'i Eropa taorian'ny nahalàny azy.

Anatin'ny hafany mitondra ny lohateny hoe “Te-hihaona aminy daholo izy mianakavy.” dia izao no nosoratan'i P O Neill ao amin'ny A Fistful of Euros momba ity fitsidihana ho avy ity:

Zavatra iray misarika ny saina ho anareo mpanaraka akaiky ireny fihaonanbe ireny: tafiditra ao anatin'ny fitsidihana hataon'i  Barack Obama eran'i Eropa amin'ny volana  Aprily i Prague izay azo faritana ho toy ny fihaonambe isan-taonan'ny Etazonia-Eropa.

[…]

Ho seho goavana ho antsika izany, nefa angamba tsy dia ho amin'ny fahatanterahan-javatra loatra na dia filoham-panjakana sy solontena avy amin'ny governemanta 28 be izao avy amin'ny Kômisiona aza no hanatrika izany. Dia ho betsaka ny sarim-pifandraisan-tànana ‘anaty fihatsaram-belatsihy' ho an'i Barack Obama. Sa izany mihitsy ve no nokendren'ny tarik'i  Obama tamin'ny fanomanana fitsidihana firenena  “bitika” toy itony?

Ny tenin'i Obama momba an'i Polona sy ny  Repoblika Czech dia nisarika manokana ny sain'i Taras ao amin'ny Ukrainiana:

[…] Tsaroako koa ny filazan'i  Obama ny Poloney sy ny  Czechs ho toy ny  “demokrasia fledgling.”

Saingy izany zavatra izany dia nampivoraka ny tongotro:

Mila mahatsapa i Rosia ny amin'ny hetahetanay tsy hay tohaina mba hanana fahaleovantena sy fandriampahalemana ny firenena toa an'i Polona sy ny Repoblika Czech. Amin'ny lafiny iray, ahiahy iraisana ny anay.

[…]

Koa satria aho Ukrainien bitika tsy misy ilàna azy miaina anaty firenena bitika kely iray tsy misy ilana azy koa izay nanohitra ny arsenal fahatelo lehibe indrindra eran-tany toy ny famahanana akoho kely, dia toy ny Bittergate no fahitako ny fanamarihan'i  Obama. […]

Nampitsangam-bolo ny maro ihany koa ny fanamarihan'i Obama mikasika an'i Hongria.

Pestiside.hu nanoratra hoe:

Andriamanitra ô! Andriamanitra ô! Niteny momba an'i Hongria i  Barack Obama - nantsoiny tamin'ny  anarany. Raha tsy mino ny takelaka voalohan'i  Index.hu ianareo, mandehana fotsiny ao amin'ity dika an-tsoratry ny vaovaon'ny konferansa navoakan'i O-mighty omaly ity  ary karohy amin'ny fampidirana ny teny fototra hoe , well, duh. Eny, ny sary ao an-tsainy voalohany momba an'i Hongria fony tany amin'ny birao dia tsy mifanindran-dàlana velively amin'izay noeritreretintsika ( nambarany an-kitsirano fa isika dia toy ireny andian'olona marary saina mila fandraisana an-tànana maika ireny mba tsy hanaovantsika loza amin'ny hafa). Farafaharatsiny, fantany hoe iza isika!

Ary ity misy  kiana henjakenjana ihany -mitodika betsaka amin'ny lafiny toekarena avy amin'i Eva Balogh ao amin'ny Hungarian Spectrum:

[…] Manakiana an'i Barack Obama ihany koa ny sasany izay raha avy nihaona tamin'i  Gordon Brown, Praiminisitra ao Grande Bretagne, dia niteny toy izao manaraka izao: “ Zavatra iray tao anatin'izay nifampiresahanay sy ny Praiminisitra Brown ny hoe ahoana no fomba ahafahana miara-miasa mba hiarahan'ny firenena ao anatin'ny G20, sy ireo firenena goavana rehetra manerana izao tontolo izao, ao anatina fiaraha-mientana voarindra, manaitaitra ny toekareny tsirairay avy; ahoana no hahatongavana amina fehin-kevitra iombonana, indrindra amin'ny lafiny fandraharahana eo amin'ny sehatry ny banky [ara-bola] , mba tsy hisy fiantraikany goavana eo amin'ny tanintsika ny tsena vao misondrotra toa an'i Hongria sy Ukraine, ary hifandamina koa isika amin'ny fanampiana azy ireo eo amin'ny sehatra iraisam-pirenena.”

Eny ary, dia izay izany izy ity any Hongria. Ahoana no ahasahian'i Obama mampitaha an'i Hongria amin'i Ukraine! Tsy atao mahagaga raha vetivety foana teo dia very sanda ny  forint [volan-dry zareo angamba io]  taorian'io kabary io. Ambonin'izany, fahasahiana goavana , hoy ireto olona ireto, ny firesahana olana maro hoe  “hiantraika amin'ny morontsira-tsika.” Sady taiza koa moa izao savorovoro  izao no nanomboka e? Tsy tany Hongria aloha e. Hongria dia mizaka fotsiny ny  vokatry ny tsy fandraisana andraikitra tao amin'ny rafitra ara-bola amerikana . […]

Sarotra ny mino fa tena misy tokoa izany, kanefa misy ny olona. Anisan’izany ny tenako, raha afaka mba milaza aho.

[…]

*Ireo izay mandany ny fiainany manontolo miresaka amin’ny teny Rosiana ireo olona ireo, kanefa mihevi-tena fa Iokrainiana  ry zareo ary heveriny fa i Iokraina dia ny tany fiahavian’izy ireo.
*Tsy dia mivaky loha ny mamadika ny teny ifandraisana amin’ny olon-kafa hifampiresana izahay: anananay ny namana avy any amin’ny faritra maro eto amin’ny firenena.

*Rehefa mankany ivelany izahay ary manontany ny olona hoe: “avy any Rosia ve ianareo?” dia valianay hoe, “Tsia! Avy any Iokraina izahay.”

*Fanontanina iray hafa: “inona no tenin-drazanareo (tenim-pirenena)?” homenay ny valiny hoe, “teny anankiroa hainay: teny Iokrainianina sy teny Rosianina”

* Rehefa avy mijery sarimihetsika izahay dia sarotra ny mitadidy  hoe inona moa ny teny nampiasaina tao anatin’ilay tantara teo, Rosianina ve sa Iokraininina?
*Misy karazany telo ny tinendry teny  (clavier) ho an’ny solosaina: Ї [UKR], Ы [RUS], S [ENG]
*Faly tokoa izahay manana ny zanakay mianatra any amin’ny akanin-jaza sy sekoly [teny]Iokraininina.

*Ny fihetsika masiaka avy amin’ny mpitondra Iokrainianina sasany no manosika anay vaolaohany indrindra hianatra ny teny Iokrainianina satria mampatahotra ny olona ny ho tafatsoaka tsy ho anisan’ny olona Iokrainianina intsony.

Ho anay, [Taras Shevchenko], [Ivan Franko], [Les' Kurbas]  (tsy ho tapitra ny listra) dia [zava-dehibe] toy i [Mikhail Lermontov], [Aleksandr Pushkin], [Mikhail Bulgakov]  ihany koa izahay.

Michelle Knisley ao amin'ny Greetings from Kyiv (arahaba avy aty Kiev) no mamelabelatra ny heviny amin'ny BlogCamp 2008 ho an'i Eoropa atsinanana sy afovoany izay tontosaina ao Kiev any Okraina amin'izao fotoana izao.

The 8th Circle na ny faribolana faha-8 no miresaka momba ny fanafihan'ny piraty tamina sambo Okrainiana iray: “Ahoana moa ianao no hiatsambo miaraka amin'ny fiara mifono vy 30 MIAMPY fitaovana hafa fampiasan'ny miaramila no tsy ampy fiarovana hanosehana fanafihana piraty? Araka ny hita ao amin'ny tranonkalan'ny Minisitry ny raharaham-bahiny Okrainiana dia 21 ny olona tao, ka 17 ny Okrainiana, 3 ny Rosiana ary Letoniana ny iray.”

Chernobyl and Eastern Europe no nanoratra fa “Mpampianatra 3 avy any Texas sy mpianatra Irakiana 27 no manao fanazarantena amin'ny fomba fanadiovana manala sisantaratra mampididoza” nandritra ny volana jona lasa teo tany Pripyat (Ukraine): “Eny, zavatra mahaliana azo atao amin'i Pripyat - ny fanazarana ny Irakiana  ny tekinikam-panadiovana ny tanàna izay tsy vitan'ny mpitondra tanteraka nandritra ny 23 taona lasa izao. Fa raha tsy izany, efa hitan'ny Irakiana aloha hoe ahoana moa no mety hahazo ny tanànany aoriana kely ao [raha tsy ampy ny fitandremana].”

Andro vitsy lasa izay, drugoi, iray amin’ireo mpitoraka blaogy rosiana isan’ny be mpahalala sy malaky misandrahaka indrindra, dia nandefa tamin’ny LiveJournal, izay fampiasany, sary 17 maneho tangoron-trano iray ao Mosko, niorina fony vaninandro Khrouchtchev ( fiantso azy ireny mahazatra ny hoe khrouchtchevki, na pyati etajki, rihana dimy, na koa hoe khrouchtchoby, izay azo adika tsotra hoe trano rsizarizarin’i Khrouchtchev : kilalaon-teny (tsilalaon-teny) ihany izany nalaina avy amin’ny trouchtchoba izay midika hoe trano tsizarizary amin’ny teny rosiana). Hanjavona ity tanana ity ary hisolo toerana azy ny trano fonenana manara-penitra kokoa sy mijoalajoala .
Indreto santionam-panazavana vitsivitsy [amin’ny teny rosiana] mandravaka ny tatitra an-tsariny, izay naharaisana fanamarihana miisa 331:

Ireo Khrouchtchevki tamin’ny fiatombohan’ny taona 1960 ka efa andalam-pandravana any atsimo-andrefan’i Mosko. Ireny tranobe misy rihana dimy ireny, tsy misy balcon, misy lakozia tery kely, [sy kojakojam-pidiovana manana habe toy ny boty kely], rindrina manify ahafahana mandre izay rehetra mitranga ao amin’ny mpifanolo-bodirindrina, dia efa nilaozan’ny zava-misy. Ny tangoron-tranon’i pyati etajki rehetra dia efa nilaozan’ireo nonina tao aminy ary efa miatrika ireo fitaovana matanjaka izay manjera mifandimby ireo tranobe mifanaraka amin’ny drafitra efa voasoritra. Vantany vao mahavita ny asany ireo pelleteuses sy bulldozers, tsy misy miangana intsony afa-tsy tany malalaka midadasika sy foana eo amin’izay nonenan’ireo fianakaviana maro fotoana vitsy talohan’izany. Ireo mpiara-monina amiko ankehitrio dia saiky teraka sy lehibe tamin’ireny pyati etajki ireny, tany no niterahany ny zanany, ary ireny zanany ireny indray avy eo no mbola nanome azy kosa ny zafikeliny. Taranaka nifandimby maro no niaina tamin’ireny khrouchtchoby ireny. Noho ireny toeram-ponenana ireny, mba afaka nandositra ireo efitrano fatoriana tany amin’ny orinasa sy ireny kommounalki sovietika tsy maha-te hijery ireny ny Moskivita [trano fonenana itambaram-be]. Izy ireny no trano fonenana voalohany ho an’ireo vao avy nanorin-tokantrano sy nanome fahatoniana ho an’ireo efa nahazo taona, ary rano mafana ho any an-trano fidiovan’izy ireo tsirairay, na dia kely monja ihany aza. Raha atao bango tokana, misaotra anareo pyati etajki.
[…]
Fitadiavana izay hisitrihana, ho an’ireo mponina tamin’ireo pyati etajki, dia sedra iray. Nandritra ireo taona maro niainana teto, nahavita nampivondrona fianakaviana maro (ankohonana) manodidina azy izy ireny, na akaiky na lavidavitra. Nifamatotra amin’ny fomba mampivanaka ny rehetra, ny fianakaviana tsirairay dia manana ny tantarany manokana momba ny fifandraisan’ny samy olona, nefa ny isan’ny trano atolotry ny mpitantana ny tanana mba honenana maimaim-poana dia tsy hoe tsy voafetra akory. Ny vaomiera misahana ny fandinihana ny trangan’ireo “nasitrika” (napetraka) ireo dia mazana no misedra olana : ny sasany tsy tia ny trano vaovao nametrahana azy , ny hafa iondray mikendry ny hahazo efitra lehibe kokoa, na mikasa ny hamela ny zanany, na ny raiamandrenibeny, na ny vadiny teo aloha (na lahy io na vavy), izay niara-nifampizara faritra niainana taminy.
[…]
Andreï no farany mponina farany tamin’ny pyati etajka. Efa ho herintaona izao dia mifanolana ara-panjakana amin’ny tompon’andraikitra eo an-toerana izy. Araka ny fanambarany, zavatra mampihomehy sy tsy hay faritana no mahazo azy: nandritry ny dimy taona, nifampizara efitra roa kely tamin’ny vadiny teo aloha izy, ny vady vaovaon-dramatoa io koa sy ny alikan’izy ireo miisa dimy. Mangataka izy ny mba hapetraka amin’ny trano misy efitra roa, farahafaratsiny, amin’ny toeram-ponenana itambarambe, fa misaraka. Ny vaomiera mpikarakara ny fanomezana fonenana kosa anefa dia tsy manolotra afa-tsy efitra roa any amin’ny tranobe vaovao ho an’ireo vady taloha. Namafisin’ny tribonaly ny fanapahan’ny vaomiera. Ny entona fandrehitra (gaz) efa notapahana tamin’ilay tranobe taloha, fa mbola misy kosa ny rano sy ny herinaratra. Tsy hain’ny olona izay hatao amin’izao fotoana.
Andreï dia milaza fa saiky ny olona rehetra ao amin’ny tranobe misy azy dia misedra olana noho ny famindrana toerana avokoa . Andaniny, azo takarina ihany hoe tian’ny olona hivaha indray mandeha ny olana tena mafy mahazo azy, dia ny trano fonenana izany, fa esty ankilany, ny fanjakana dia andalam-panomezana azy ireo maimaimpoana toerana hiainana misanda dolara an’arivony maro, ka raha izany dia tena miady marina ho an’ny ainy.
[…]
[sarin-behivavy iray mijoro manoloana ny tranobe iray efa rava amin’ny antsasany, mitafa amim-behivavy iray hafa, mbola monina ihany amin’io tranobe io, eo am-baravarankeliny]
- Sveta, sao mba tsinjonao any ho any ireo kiraro tontako?
[…]
Tsy apetraka honina amin’ny faritra lavitra intsony ireo mponina tamin’ny pyati etajki: omena trano fonenana eto izy ireo, miala tokony ho tangoron-trano roa tamin’ny azy fahiny.
[…]
[sary farany, tilikambo vao naorina tsy ela loatra]
Ao anatin’ity tranobe ity, efa manomboka ny fiainam-baovaony ireo mponin’ny khrouchtchevki.

Ireto misy fanamarihana nofantenana avy amin’ireo nateraky ny tatitra an-tsarin’i drugoi ; ny sasantsasany dia avy amin’ireo mpitoraka blaogy monina any amin’ireo repoblika sovietika fahiny, Belarosia, Ukraina, Litoania :

danatjan :
Ireo temitra sovietika nolazoin’ny fotoana no sary manetsi-po amin’ireny trano arodana ireny.
***
el_finik :
Mahatalanjona ny mahita ireo khrouchtchevki ao Minsk [Belarosia] toa manana endrika hafa mihitsy, miaraka amin’ireto balcons, sns… ary tsy misy olona mandrava azy ireo
cheremis :
Karazana hafa mihitsy ireo. Ao Mosko, misy pyati etajki izay tsy voakasiky ny resaka fandrodanana : raha ny tokony ho izy, vita amin’ny biriky izy ireny ary misy balcons. Ireo amin’ny sary dia natao hampiasaina mandritry ny 40 taona, ary [ny ben’ny tanan’ny Mosko, Youri Loujkov] dia, amin’ny lafiny hafa, eo an-dalam-panatanterahana ny drafitry ny fitondrana sovietika
***
zlena :
Mampalahelo kely ihany na dia izany aza … Izaho koa dia teraka sy lehibe tamin’ny karazandrazana khrouchtchevka. Tranoko io, na dia any Kiev aza no misy ny khrouchtchevka-ko. Ary angamba mbola mba hitoetra ela izany.
***
4lynch :
Ny sary sasany dia toy ny nalaina tany Tchernobyl… Mahafatifaty !
***
katerinishe :
Angamba hevitra tsara ny mba hitazonana iray amin’ireny tranobe ireny tsy ho simba sy hanaovana azy ho rakitry ny ela momba ny fiainana andavanandro. Mba hahafahana, aoriana any, mahalala ny zava-nisy nanodidina ny tena nandritry ny fahazazana na ireo zavatra nananan-dry nenibe fahiny.
***
nito_os :
Izaho koa lehibe tany amin’ny khrouchtchevka, ary mbola monina any. Saingy aty Litoania, tsy ravana izy ireny . Ny mifanohitra amin’izany aza fa amboarina sy ampiana rihana fanampiny, mba tsy ho lafo loatra ny fanavaozana. Hijoro isika ry Khrouchtchevki!

Mahatsiaro an'i Chernobyl i Déjà Vu - The Uncanny Feeling: “Raha mieritreritra momba ny Chernobyl aho … […] … nahita an'i Katya tao Kiev, 90 km atsimon'i Chernobyl, aho tamin'ny faha-16n'ny taonany, matin'ny tahotry ny loza izay tsy azony jerena na hevitreverina akory, nandray fiaran-dalamby ho any Leningrad handositra ny taratra mampidi-doza (radiation). Fa tsy niverina tany Kiev intsony ho'aho izy mandraka ity masonandro androany! Iny no “namarana tampoka teo ny fahazazako” hoy ny nambarany taty aoriana. Vadiko i Katya.”