Ny 24 martsa 1999 no nanomboka nanafika an'i Serbie sy Montenegro ny OTAN. Naharitra 78 andro ny fandarohana baomba. An'arivony vitsivitsy ny olona maty tamin'izany, ary tranobe maro, tetezana, lalamby, lalana ary orinasa maro koa no potika. Ary fanampin'izany, olona maro no mbola miaina ny vokatra ara-pisainana sy ara-batana noho ny tahotra mbola ao anatin'izy ireo.

10 taona aty aoriana dia mahatsiaro izany fotoana nampatahotra izany ny mpitoraka bilaogy Serbiana. Hitantsika manaraka eto ny sasany amin'ireo soratra sy ny tahiry sasantsasany hatramin'ny nanombohan'ny ady, nadika avy tamin'ny teny Serbiana.

Nosoratan'i Dejan Jovic:

Nanafika an'i Yogoslavie an'habakabaka sy an-dranomasina ny OTAN androany. nanomboka tamin'ny 7 ora maraina ny fanafihana. Nijanona ny fanafihana andiany voalohany rehefa afaka adin'ny 2. Eo ho eo amin'ny toerana 20 eo no lasibatra : ny Police Academy tany Novi Sad, ny seranam-piaramanidina tany Batajnica sy Danilovgrad (Montenegro), toby miaramila maromaro manodidina an'i Pristina sy Nis ary ireo orinasa sy fivarotana an'i Crvena Zastava tany Kragujevic. Nanomboka teo amin'ny manodidina ny misasak'alina ny fanafihana faharoa ary mbola mitohy mandrak'izao (00:45mn izao). nanambara ny fizotry ny ady i Yogoslavie. Ny alina lasa teo dia nosamborina i Veran Matic ary nakatona ny B92. Ankehitriny dia tsy misy radio na fahitalavitra mandeha afa-tsy ireo izay an'ny fanjakana ihany. tsy mahazo mandefa vaovao afa-tsy amin'ny alalan'ny antso an-tariby ireo mpanao gazety rehetra avy amin'ny firenena mikambana ao amin'ny OTAN na dia ny BBC aza. mpanao gazety 25 no nosamborina vonjimaika ary anankiray no niharan'ny herisetra. Ny anton'izany reehtra izany dia satria nisy horonan-tasry mihetsika kely nalefa ary nazava tamin'io fa ho henjana ny ady. […]

[…] Milaza i Milosevic fa momba ny fandriam-pahalemana sy ny firesahana izy. Sarotra ny mandanjalanja ny zavatra lazainy - satria na izy hilaza amin'ny OTAN fa vonona ny hametra-pialana na izy te hanaporofo ady maharitra. Amin'izao fotoana izao dia tahaka ny hoe tsy afaka ny hametra-pialana moramora izany izy. tsy azoko hoe nahoana izy no mora mifanaraka tamin'ny Tantsinanana taorian'ny fandarohana baomba, raha toa ka tsy nanao izany izy taloha. ny olona koa vao maika mihamankahala ny Tantsinanana mihoatra noho ny taloha. Hadinon'ny Tanstinanana fa voafidy ho filoha ara-dalàna i Milosevic ary koa tsy hoe tsy manana mpanohana tahaka an-dry Saddam Hussein akory izy.

Ny vaovao tamin'ny 1 ora no nilaza fa manameloka ny herisetra ny Rosiana sy ny Sinoa. Miantso fivoriana manokana amin'ny Security Council i Rosia. Amin'ity fanafihana ity dia manameloka mivantana an'i Milosevic i Clinton sy Blair. Mampitaha an'i Kosovo amin'i Bosnie i Clinton ary maneho fisalasalana amin'ny ady lehibe voalohany sy faharoa. Manameloka ny mpikambana ao amin'ny OTAN i Inde satria tsy niraharaha ny Firenena Mikambana izy ireo. Milaza koa i Inde fa zary lasa fitaovana fanatanterahana ny adim-poko sy ny fisaratsarahana ny OTAN ary mety ho izany koa no hahazo an'i Kashmir[…]

Nanotatra i Angie01 ao amin'ny bilaoginy “Notes of Madness” (ny mariky ny fahadalana):

[…] Ny alina dia nivoaka tany an-davarangana aho ary nifoka sigara. Tsikaritro fa nisy kintana lehibe tsy mahazatra ary tena akaiky ahy teny amin'ny lanitra. Tsy fantatro hoe avy aiza izy ity. Tsy mbola nahita an'io mihitsy aho taloha. Nantsoiko ny fianakaviako. Toa tsy vonona anefa izy ireo ny hijery. Tsy nisy nahafantatra izay niseho na dia iray aza.

Kelikely avy eo dia niresaka an-tariby tamin'ny anabaviko avy ao ami'nny trano fidiovana aho. Teo an-tenantenan'ny resaka anefa dia nisy feo hafahafa.

nanontany ahy izy hoe inona izany? Tsy fantatro. “Inona no hataontsika izao?” hoy izy nanontany. Tsy fantatro. Lasa nijery aho. Novohako ny varavarana. Ary henoko ny feo nanao hoe zvvviiiiijuuuu. Nameno ny trano ny taratra jiro mena mavo. Avy eo nisy fipoahana be. Tena mafy be ilay izy ary nanapotika lasa nanana tsindrimandry hafahafa aho.

Mangatsiaka ny rehetra amin'izao fotoana izao. Ary misy fipoahana baomba hafa koa.

Henonao ny kiakiaka any ambadika any, mihazakazaka ny olona, mitomany ny ankizy. Henonao ny antsoantso any an'efitra any.

Nandondona tao aminay ny mpifanolo-bodirindrina aminay. Nilaza taminay izy ireo fa tokony hamonjy fialofana izahay. […]

[…] Tsy fantatra izay manjo ny ankizivavy any anatiny any. Malemy ny vehivavy. Nitrotro zazakely ilay mpifanolo-bodirindrina amiko iray… tsy misy rivotra iainana, tsy misy afa-tsy fofona ratsy sy tahotra. niova ny zavatra rehetra tao aantin'ny 20 minitra monja. […]

[…] Tonga ny mpifanolo-bodirindrina iray, mpialokaloka avy any Bosnie. Nolazainy fa tonga ho anay izy. Nolazainy koa fa tsy afaka hiaro anay amin'izany daroka baomba izany ny fialofana misy anay. Raha midaroka izy ireo dia ho zary lasa varavaram-pasana ho anay ny fialofanay. Lasa izahay ary tsy niverina tao intsony.

Tahaka izao no niatombohany. […]

namaly an'i Angie01 ny mpamaky ary toy izao izany:

Vidomir Pavlovic:

Teo amin'ny 100m miala ny toby miaramila tany Sremska aho no nisy tafondro nisafo ny lohako. Tena nampatahotra ilay izy…

Avy eo dia vehivavy tanora no maty. Nivoaka izy vao nodoboka ny tafondro hijery izay zava-nitranga, hamantatra hoe taiza no nidoboka ilay izy. Teo amin'ny 1km miala ny toby miaramila izy ary tratry ny potika baomba. Niparitaka teny amin'ny lohany ilay izy na teny amin'ny tratrany. Tsy tadidiko tsara. Fa maty teo no ho eo izy, teo an-davarangan'ny rihana voalohany nisy azy. vao nifindra tao amin'io trano io izy…

Manan-janaka kely anankiroa izy…

Bili Piton:

Tsy misy mahalala na dia iray aza hoe aiza no tsy tia kokoa na ireo mpandaroka baomba na ireo tompon'andraikitra amin'izao zavatra izao.

Sybil:

[…] Ilay marary saina (Slobodan Milosevic, filohan'i Serbie sy Montenegro) no nandoro anay miaraka amin'ny firenena 19 mandroso indrindra. Ny tena tsy rariny aorian'ny fandarohana baomba dia hijanona eo amin'ny sezany ihany izy ary hadino kosa i Kosovo. Angamba ho metimety kokoa ny lalana hafa. […]

Pix3lchick:

[…] Alahelo, fahakiviana ary fikorotanan-tsaina satria 10 taona aty aoriana dia mbola ao foana i Milosevic na dia ao aza ny endriky ny ministera vao haingana, izay nanambaran'ireto farany fa niseho iny fandarohana baomba iny noho ny fanendrikendrehana nataon'ny foko mpanadio tanàna (Avy taiza no nahatongavan'ny fiarabe fampangatsiahana aty amintsika?)

Nanoratra i Jasmina Tesanovic ao amin'ny bilaoginy “La vita e'bella” (Tsara ny fiainana):

26 martsa 1999, amin'ny 5 ora:

Manantena aho fa ho tafavoaka amin'ity ady ity izahay. Serba, Albaniana, ny tsara sy ny ratsy, ireo izay mitam-piadiana, ireo izay mitsoaka an-daharana, ny mpialokaloka any Kosovo, izay mirenireny any an'ala any sy ireo mpialokaloka any Belgrade izay mivenjivenjy eny an-dalana mitrotro ny zaza madinika ary mihazakazaka mamonjy izay toerana tsy misy baomba raha vantany vao maneno ny fanairana. Manantena aho fa tsy handao ny vady aman-janany mandrakizay ireo mpanamorin'ny OTAN. Hitako tao amin'ny CNN izy ireo, mitomany mijery ny vadiny miomana hanafika an'i Serbie. manantena aho fa ho velona avokoa isika rehetra, saingy hiova endrika izao tontolo izao. […]

Sinisa Boljanovic

Nambara ampahibemaso tao amin'ny EU-Ukraine Summit tany Paris tamin'ny 9 septambra ny fikasan'ny Fiombonambe Eropeana  hanamafy  ny Fifanekem-piaraha-miasa miaraka amin'ny Ukraine tamin'ny 2009. Fomba samihafa no nentin'ny haino aman-jery sy ny mpitoraka blaogy maro nandray izany.

“Manolotra antoka ho an'i Ukraine ny Fiombonambe Eropeana,” hoy ny lohatenin'ny BBC. “Tsy mampanantena na inona na inona an'i Ukraine diso manantena fatratra ny EU,” hoy ny nosoratan'ny Irish Times. “Manely honohono tsara lahatra ny EU nefa fifanarahana tsy voafaitra mazava no narosony an'i Ukraine,” hoy ny fanamarihan'ny Deutsche Welle. “Manome fanantenana ny amin'ny hoavy ho an'i Ukraine ny EU  nefa tsy misy miatso azy ambony latabatra,” hoy ny The Times mamàrana.

Ny tombana amin'ny ampahany ratsy amin'ny vokatry ny fohaonambe dia avy amin'ny fanapaha-kevitry ny EU ny tsy hampiditra ny teny hoe “vinavinam-pirotsahana” ao amin'ny fanoritsoritana ny fifandraisana hisy eo amin'i  Ukraine sy ny EU - fehezanteny iray, raha araka ny hevitr'i Vitaly avy ao amin'ny The 8th Circle, mamaritra tsara ny hetaheta ho eropeana ananan'i Ukraine ho toy ny zavatra iray hafa mihitsy miohatra amin'ny hoe hevi-dravina fotsiny:

[…] Raha amiko manokana dia tsy mahagaga izany. Miaraka amin'ny Fiombonambe Eropeana mbola mitsakotsako sy mandevona ny onjam-pivelarana tamin'ny 2004 sy 2007, tratran'ny soritr'aretin'ny faharerahana Romania-Bolgaria, ary mila mamaha ny olana nateraky ny fifidianan'i Irlande manohitra ny “Fifanarahan'i Lisbon constitution“, tsy maintsy hampihaoka handoa ny hiresahana momba ny “enlargement vina” ho an'ny firenen-kafa, indrindra ireo tahaka an'i Ukraine manana vahoaka be 46 tapitrisa na i Tiorkia  manana vahoaka 70 tapitrisa. Nefa ny firenena kelikely, toa an-dry Serbia miaraka misy mponina 7 tapitrisa, dia manana vina mifototra tsara amin'ny zava-misy kokoa tahaka ny nitateran'i  Mr. Barroso azy ho antsika vao tsy ela akory izay[…].

Ny The 8th Circle koa dia manondro antony hafa andavana ny Vina eropeana momba an'i Ukraine - ny krizy politika any Ukraine ankehitriny - nefa koa  manohana fa ny zavatra lalovan'ny Ukraine amin'izao fotoana izao dia misy ifandraisany kely ihany amin'ny valeurs Eropeana:

[…] Fanampin'izany, tsy dia mivotra mivaingana loatra ny hoe fa maninona ny fisintahan'ny iray amin'ireo ao anatin'ny fifanekena, sy ny ho vokatry ny fanaovana fifidianana alohan'ny fotoana no TSY ho ohatra iray amin'ny valeurs itovizan'ny Ukraine sy ny IE. Amin'ny maha demokrasia miaraka amina fifaninanana azy , malalaka sy marina, miezaka ny hahita vahaolana mifanaraka amin'ny lalàna  izay hahafa-po ny mpandray anjara rehetra amin'ny politika i Ukraine.

Ity dia processus demokratika tsy maintsy lalovan'ny firenena demokratika rehetra, raha te-hihoatra ny vala famaritan'ny mpamari-toetra “tetezamita” izy. Ny demokrasia mafy orina, toa ny any Kanada sy Japana amin'izao fotoana dia samy mandalo izany fiaraha-mitantana/fifidianana alohan'ny fotoana izan, ary Belzika tamin'ny taon-dasa dia nandany 196 andro mba handrafetana fifanekem-piaraha-mitantana, ary efa tany amin'ny 208 andro mihitsy aza tamin'ny 1977 . […]

J Clive Matthews avy amin'ny Nosemonkey's EUtopia dia mieritreritra fa tokony hampiasa fomba fifanantonana “pratique” kokoa ny EU amin'ny fifampiresahany amin'i Ukraine:

[…] Tsy mba sahala amin'ireo firenena kely Albania sy Masedonia ve fa mpisolantsolana i Ukraine? Zaza tsy niriana raha oharina amin'i  Serbia, firenena natsangana tamina ady sivily sy fandringanana ary mbola ao anatina fifamaliana amin'ny EU momba ny fijoroan'i Kosovo?

Ie, fisaorana be dia be ho an'izany. Tena mampahery be. Zavatra milay.

Mety ho loharano hampandroso any amina fahafahana demokratika lehibe kokoa sy hanamafy ny fananana iombonana ny fanomezan-toky amin'ny fidirana ao amin'ny EU. Nefa mila atao ilay fanomezan-toky. Fomba efa natao sy nahitam-bokatra ho fampanekena ny olona ny fampiasana ny teknikan'ny karaoty sy tsora-kazo mba hahazoana izay andrasan'ny tena aminy  - ary mandaitra amin'ny firenena ihany koa io. Fa amin'ny resaka Ukraine, toa sarisary fotsiny ny karaoty ambaran'ny EU - mandritra izay fotoana izay, fantatry ny Ukraniana fa i Rosia dia sady manana hazo no manana karaoty, ary tsy matahotra ny mampiasa izany.

Taras avy ao amin'ny Ukrainiana dia mandray fomba fijery masiatsiaka raha miresaka ny fahombiazan'ny mpanao pôlitika Ukrainiana:

[…] Azo antoka fa tsy ho mpifidy Euro[Euro-choosers] ny mpangataka Euro [Euro-beggars]. Indrindra raha tonga miaraka amina zavatra misavoritaka be toy izany hiresaka ambony latabatra hanao adivarotra ianao.

Mandritra izany, avelao ny oligargue-n-tsika mba  hividy ampahany kely amin'ny Monaco. Angamba mba mety hahazo anjara hiditra ho ao amin'ny UE koa isika avy eo? […]

Misy ampahany amin'ny hafatra eto ambony no valin-kafatra mitavozavoza sy tsy amin'ny fotoanany, amin'ny fomba fijery miabo   avy amin'i  Victor Yushchenko amin'izay teny nambàran'i Nicolas Sarkozy amin'ny anaran'ny EU tany ampamaranana ny Fihaonambe. Namoaka horonantsary fanadihadiana nataon'ny iray amin'ireo fahitalavitra Okrainiana i Ukrainiana ary nanome dikanteny Anglisy an'ilay feo lafika Okrainiana mandika ny tenin'i Sarkozy:

Filoha frantsay Nicolas Sarkozy: Ity fifanekem-piaraha-miasa ity [hosoniavina amin'ny 2009] tsy manidy izay mbola mety ho làlana hafa, na koa manokatra hafa. Izay ihany no azonay lazaina.

Filoha Ukrainiana Viktor Yushchenko: Tena nahafa-po be anay ny zavatra azonay androany.

Hay nefa, na teo aza izay rehetra izany, diso ny fandikana ny fanamarihan'i Sarkozy, ary iny fandikana diso iny avy eo no naelin'ny mpampahalala vaovao Okrainiana sy ireo mpampahalala vaovao Tandrefana sasany  (  ato ny fanazavana bebe kokoa momba an'io). Ny loharanon'ny fanambàrana - “[…]  cet accord d’association ne ferme aucune piste, que même il en ouvre” - midika hoe “[…] tsy manapaka làlana ity fifanekena fifanaraham-piaraha-miasa ity, fa manokatra ny sasany kosa aza.”

“Andao ary hojerena ny dikan'izany araka izay tena tokony ho izy” , hoy Ukrainiana mamarana rehefa avy namoaka fanitsiana.

Mino ny The 8th Circle fa tokony hijanona hifamatotra foana  amin'ireo Tatsinanana mpifanolo-bodirindrina aminy ny EU ary ny  Fiaraha-miasan'ny samy Tatsinanana, vivavinan'ny Poloney sy Soisa,  dia mety ho dingana iray ho amin'izany zotra izany.  Ity ny antony:

[…] Ity fiaraha-miasa ity dia haneho mihoatra noho ny zavatra rehetra fa mitazona foana ny maha mpialoha làlana azy eo anatrehan'ireo “firenena mpifanolo-bodirindrina” aminy ny UE, izay ahitàna taratra fahasamihafana maro karazana eo amin'ny atao hoe fandrosoana demokratika sy ara-toekarena.

[…]

Mariho koa fa ny resaka eto tsy hoe momba ny fampanantenana fandraisana ho mpikambana na ho mpilatsaka ho mpikambana - toy ilay iray izay nataon'i  Barroso manoloana an'i  Serbia - fa kosa momba ny fanairana ireo mpanao pôlitika ao  Kyiv sy ny valalabemandry  Okrainiana fa hoe raha tian'izy ireo ary manao ny fanovàna tena andrasana aminy izy ireo, dia hitondra aina ho amin'ny hoavy ny UE. […]

Ny vadin'i Jelena fahiny, lehilahy iray miankin-doha amin'ny zava-mahadomelina, dia tonga tao an-tranony ary nandrahona ny zanany. Nisaraka taminy i Jelena, roa taona lasa izay. Nomen'ny Fitsarana alàlana hahazo mitsidika ny zaza ingahirainy, satria noheverina hanampy ny fitsaboana azy hiala amin'ny fiankinan-doha amin'ny zavamahadomelina izany, nefa kosa tsy mbola nanome mihitsy fanampiana ho an-janany izy no sady lasa loza mitatao ho an'i Jelena sy ny zanany.

Niresaka tamin'ny kilasy ao amin'ny  Sampam-pianarana Serba momba ny fampahalalam-baovao amin'ny alalan'ny Tranonkalan-tserasera i Jelena. Tafiditra ho isan'ny resaka lahatsoratra mafana fo tao amin'ny Facebook ny resany. Namorona takelaka iray Cause Page tao amin'ny  Facebook ireo mpianatra mba ho fanandràtana azy ity sy ny toa azy. Maherin'ny 250 ireo olona niditra tamin'izany Cause Page izany. Dragana Banković, Goran Necin sy Dragan Milošević dia samy namoaka tantàra mikasika ny nanjo an'i  Jelena sy ny fianakaviany mba hanairana izao tontolo izao amin'ny tranga toy itony. Hoy izy ireo nanoratra (SRB):

Lehilahy iray miankin-doha amin'ny zavamahadomelina tao Serbia no nanakorontana ny fiainan-janany nandritry ny fotoana fohy nahazoany alàlana hanaovana famangiana. Ity tantàra ity dia natao ho an'ireo mpandinika ny lalàna mipetraka. Na ireo izay mbola mihevitra koa ny hametraka izany.

Ity tantàra ity dia miresaka momba ny antokon-draharahan'ny governemanta izay toa tsy afaka akory – na tsy marisika – hiaro reny iray miampy ny zanany amina olona iray atahorana noho ny fandraisany zavamahadomelina. Tsy misy eritreritra velively hitsaratsara ny manampahefana, raha nanoratra ity lahatsoratra momba ity tranga iray ity izahay, fa kosa mba te-hanaitra ny sain'ny besinimaro fotsiny.

Iza?

Jelena dia renin-jazakely iray vao efatra taona monja. Telo taona taorian'ny nahavitan'ny fanambadiana, nisaraka tamin'ny vadiny izy - izay lehilahy iray miankin-doha amin'ny zavamahadomelina. Nisaraka izy noho ny fiankinan-doha sy ny fitondran-tenan-drangahy toy ny marary saina. Avy eo, nilefa lavitra izy, mba hanomboka fiainam-baovao, sy mba hahita vady vaovao koa raha mety ny tàntana. Avy eo dia nanomboka ny olana maro samihafa. Tsy afa-po ilay vadiny taloha amin'ny hoe indray mandeha isaky ny roa herinandro monja sy isaky ny faran'ny herinandro ihany vao ho afaka mamangy ny zanany. Tonga teo an-tokonam-baravaran-dry zareo àry rangahy, efa nentin'ny zavamahadomelina sy ny toaka, nanao rahom-bava, ary tonga hatramin'ny fandonana mafy ny varavarana sy ny varavarankely tamin'ny  hooligans. Ny hany valinteny azon'i Jelena sy ilay vadiny vaovao ary ny zanany avy amin'ny departemantam-panjakana dia ny hoe tsy andraikitr'izy ireo ny fandriampahalemana sy ny fiarovana azy telo mianaka.

Inona?

Raha ny andininy faha 173 amin'ny Fehezan-dalàna, toko faha 11, momba ny fanandevozana sy ireo tatitra: “Andraikitry ny fitsarana mahefa ny miaro ny voninahiny [lazany] sy ny voninahitry ny olona manatona azy sy izay rehetra voakasik'izany amin'ny ompa, fandrahonana ary ireo herisetra hafa”. Tsy maintsy mandray ny andraikiny ny Fitsarana… ary ny mpitandro filaminana koa toraka izany!

Aiza?

Ity fianakaviana ity dia nividy trano kely iray misy tany mba azo volena ao amina faritra ambanivohitra iray manodidina an'i Belgrady, amin'ny ilany atsimo. Any faritra lavitra andriana any, irery ry zareo ary dia mora ianjadian'ny fanafihana  (ary ny fitsarana ao Belgrady dia nilaza tamin'i Jelena fa tsy afaka velively hanome alàlana azy ireo hitazona basy  mandram-piravon'ny raharaha ifanolanany amin'ny vadiny taloha ry zareo!)

Ahoana no azontsika hanampiana?

Mihazakazaka ny fotoana ho an'i Jelena sy ny zanaka lahikeliny. Raha manao ity ianao, dia tena ataovy amin'ny fo. Raha te-hanampy isika, tsara avadika ho asa mivaingana ireo hevitra ireo: tsy maintsy omena ny fanampiana sahaza azy ilay reny sy ny zanany. Ny tiana hambara eto dia ny fiarovana.

Rahoviana?

Ny fanampiana tsara indrindra dia ny atao amin'ny fotoanany sy feno tanteraka. Ny valin'ny fanontaniana hoe  “Rahoviana” dia mitovy daholo ho anao sy ny fitsarana ary ny mpitandro filaminana sy ireo sampan'asa miahy ny ara-tsosialy rehetra. Ny valiny dia IZAO ANIO IZAO.

Raha nanambara samirery ny fizakan-tenany i Kosovotamin’ny 17 febroary 2008, dia nizarazara be ihany ireo fiorenena maro manerantany ny amin’ny maha-aradrariny na tsia iny fihetsika iny Amin’izao fotoana izao, 45 amin’ireo firenena 192 mpikambana ara-dalàna ao amin’ny Firenena Mikambana no nankato tanteraka ny Repoblikan’i KosovoSinganina amin’izany ny firenena maromaro ao anatin’ny Fiombonam-be Eropeana (20 amin’ny 27). Na izany aza, misy vitsivitsy toa an’i Espana, Silovakia, Romania, Gresy na Sipra tsy nakato ity fahaleovantena ity, noho ny tahotra ireo mpitaky fizakan-tena any amin’izy ireo tsirairay avy, ka mijery ny fahaleovantenan’i Kosovo ho toy ny ho tari-dàlana fakan-tahaka. Tsy toy izay kosa ny fijerin’ny filoha Rosiana, Vladimir Poutine.

Araka ny filazan’ny gazety mpiseho isan’andro sinoa Xinhua nivoaka ny 23 febroary 2008 :

Tamin’ny Zoma [22 febroary 2008] dia nanambara ny Filohan’i Rosia Vladimir Poutine fa ny fankatoavan’ireo firenenan matanjaka maro ny fanambarana samirery ny fahaleovantenan’i Kosovo dia ho “tari-dàlana fakan-tahaka lozan-tany”.

Tamin’ny 18 febroary, namoaka lahatsoratra iray momba ny fanambarana samirery ny fahaleovantenan’i Kosovo ny tranonkalan-tseraseran’ny Masoivoho Reuters. Ny lahatsoratra, izay nitondra lohateny hoe “Niarahaba ny fahaleovantenan’i Kosovo ny mpioko tchétchènes ” , dia milaza toy izao [amin’ny teny anglisy] :

I Rosia dia manohitra tanteraka ny fahaleovantenan’i Kosovo, amin’ny filazàna fa ny fankatoavana fanjakàna iray mpisintaka nefa tsy nahàzo ny fankatoàvan’ny firenena nisy azy teo aloha dia hanjary ho ohatra faran‘izay ratsy indrindra ho an’ireo ady tany maro manerana izao tontolo izao.

Nihetsika koa ny mpitoraka blaogy maro ary nandalina ny vokatra mety hateraky ny fankatoavana ny fahaleovantenan’i Kosovo. Inty misy fantina maneho tsara ireo lahatsoratra voasoratra taoriana kelin’iny zava-nitranga iny:

Hoy i Stanley Crossick tao amin’ny blaoginy tamin’ny 22 febroary 2008 :

Vaha olana mampalahelo ny fankatoavana ny fahaleovantenan’i Kosovo, nefa koa tsy misy vaha olana tsara kokoa noho izany amin’izao fotoana.
[…] Nisintaka tamin’i Serbia tsy nahazo ny fankatoavan’ity farany i Kosovo; ary ny Firenena Mikambana dia tsy nahavita nanohana ity fahaleovantena ity noho ny fanoherana mafy nataon’i Serbia sy Rosia, notohanan’i Sina. Na izany aza, tokony ho noresahana tao amin’ny fiflan-kevi-pilaminan’ny Firenena Mikambana ity tranga ity, mba hampisy lanjany ara-drariny kokoa ity fahaleovantena ity, rehefa tsy ho ara-dalàna ihany, arahana drafitra tohanan’ny maro an’isa, na eo aza ny vato tsy azo ivalozana. Ireo Minisitry ny Raharaham-bahiny ao amin’ny Fiombonam-be Eropeana dia nanazava tsara fa tranga maningana ity raharahan’i Kosovo ity ary tsy tokony ho tari-dàlana fakan-tahaka mihitsy, fa tsy hahalala izany I Espana sy Sipra.

Ao amin’ny blaogin’ny The Guardian Comment is Free, tamin’ny 23 febroary 2008, no nitondran ‘i Irina Filatova, mpampianatra toekarena ao Mosko sady mpikaroka any amin’ny Anjerimanontolon’ny KwaZulu-Natal ao Afrika Atsimo fanamarihana toy izao [amin’ny teny anglisy] :

Maro no nihevitra fa hanararaotra ity tranga ity ny Rosiana mba hankatoavana ireo Repoblika mpisintaka any Zeorzia, Abkazia sy Osetia Atsimo, ary angamba koa i Transnistria, faritra mpitaky fisintahana ao Moldavie.

[…] Lazain’ny Amerikana fa tsy voalohany akory ny tranga Kosovo, fa tranga maningana fotsiny. Sarotra be ny hino an’izany. Raha misy firenena iray mikasa hisintaka mba hanagana ny fanjkakany manokana, tsy manan-javatra betsaka hatao amin’izany ny governemanta, afa-tsy ny hoe hitazona azy ho eo ambany vahohony amin’ny alalan’ny fampiasan-kery. […] Nanampy ny Amerikana mihitsy ny fahaleovantenan’i Kosovo, hanehoana amin’izao tontolo izao fa tsy manana kakay amin’ny Silamo akory ry zareo, fa ireo firenena be mokon-doha ihany, izay silamo ny sasantsasany […] Nefa tsy hanohana ny Basques ry zareo, na ny Wallons, na ny Kiorda, ny Transnistriana moa tsy lazaina intsony.

Zareo koa aloha tsy hanohana ny Abkazy sy ny Asety [Ossètes], mazava ho azy. Ny mifanohitra amin’izany aza, raha toa ka mankatoa ny fahaleovantenan’ireo repoblika mitaky fizakan-tena i Rosia, ary i Zeorzia kosa hanohitra (izay hataony rahateo), dia hanohana ny Zeorziana ny Amerikana, ary Rosia dia mety ho saro-toerana manoloana ireo tandrefana.

Tsy ny fahaleovantenan’i Kosovo akory no hampiparitaka an’i Eropa, saingy kosa efa nampipoaka fitsipika maro nifotoran’ny fifandraisana iraisam-pirenena amin’izao fiaraha-monina iainantsika izao izy ity. […]

Tamin’ny volana Aprily 2008, tao anatin’ny Prospect Magazine, dia hoy i Shaun Walker [amin’ny teny anglisy] :

[…] Raha tonga tany Abkazia aho tamin’ny volana lasa iny dia nandre fanehoan-kevitra mitovy tsy misy valaka mikasika ny fahaleovantena toy ny tamin’ireo fitsidihana nataoko tany aloha tany. Fa tamin’ity indray mitoraka ity, nisy antonym fanampiny indray izany, i Kosovo.

Mihevitra ry zareo Abkazy fa tsy miraharaha azy ireo mihitsy ny tandrefana, ary ankehitriny, hatramin’ny nankatoavana ny fahaleovantenan’i Kosovo nataon’ireo firenena tandrefana maro, dia vao mainka mihalalaina izany fihevitr’izy ireo izany. Nahoana ny Kosovara no mendrika ny fahalalahany ary tsy toy izany kosa ny Abkazy ?[…]

Toa voaporofo ankehitriny ny vinavinan’ireo mpitoraka blaogy mar. Zendana ny rehetra, tamin’ny andro nanokafana indrindra ny Lalao Olaimpika tao Pekin, ny 8 Aogositra 2008, naka toerana tao Osetia atsimo ny tafika Rosiana sy ny mpitaky fizakan-tena Osety (Ossètes), rehefa avy naka izany teo an-tànan’ny manampahefana ao Zeorzia.

Tohina toy ireo mpitoraka blaogy maro hafa, i Jelena Milić, raha nahare ny vaovao. Hoy indrindra izy [amin’ny teny Serba] mikasika io tranga io ao amin’ny blaoginy ao amin’ny Serbian news portal B92 :

Šta je ovo? Zar nisu nekad ratovi prestajali kad su igre počinjale?

Fa misy inona ? Fa tsy tokony hitsahatra ve ny ady rehefa manomboka ny Lalao Olaimpika e?

Mbola ao amin’ny B92 dia hoy i Ivan Marović ao anaty lahatsoratra iray [amin’ny teny Serba] mitondra ny lohateny hoe “Ny ady any Zeorzia” :

Postavlja se pitanje zašto baš sad, nakon petnaestak godina primirja?
S jedne strane, separatisti i Abhaziji i Južnoj Osetiji su osetili da nakon priznanja jednostrano proglađene nezavisnosti Kosova od strane vodećih država Zapada, oni mogu učiniti nešto slično i očekivati podršku Rusije. […] Rukovodstvo Južne Osetije je, poučeno događajima na Balkanu, skapiralo da sve može, ako imaš moćnu državu iza sebe, a u njihovom slučaju to je Rusija.
S druge strane, gruzijski predsednik Miša Šakašvili kapira da je situacija sad ili nikad. On takođe misli da ima moćnu državu iza sebe, Ameriku, ali da će, što vreme duže bude odmicalo, sve teže biti izvesti vojnu akciju protiv separatista. Već sad se oseća smanjenje uticaja Amerike i povećanje uticaja Rusije na Kavkazu. […]
Međutim, već posle nekoliko sati postalo je očigledno da je Rusija reagovala brzo i odlučno, dok se Amerika još uvek drži retoričkih reakcija. Izgleda da će SAD da pomogne Gruziji onoliko koliko je Rusija pomogla Srbiji 1999, odnosno da je gruzijska vojna akcija u Južnoj Osetiji propala, nema ništa od brzog zauzimanja Južne Osetije. Sad je samo pitanje šta će se desiti, da li će rezultat biti prekid vatre uz pojačano pristustvo ruskih trupa ili otvoreni rat koji može poprilično da potraje.

Ny fanontaniana dia hoe : nahoana no ankehitriny, 15 taona taorian’ny fifanarahan’ny mpifanandrina hampitsahatra ny korontana ?
Amin’ny lafiny iray, ireo mpitaky fizakan-tena ao Abkazia sy Osetia Atsimo nihevitra fa hoe satria nankatoavin’ny firenen-dehibe tandrefana ny fanambaràna samirery ny fahaleovantenany nataon’i Kosovo, dia afaka manao zavatra mitovitovy amin’iny koa ry zareo ary afaka hiantehitra amin’i Rosia. […] Tsy alàn’izy ireo ao an-tsaina i Kosovo, ireo mpitondra tao OsetiaAtsimo dia nihevitra fa raha mahazo fanohanana avy amina firenena iray matanjaka ry zareo , Rosia ohatra, dia ho tratra ny tanjona.
Amin’ny lafiny iray hafa indray, ny filohan’i Zeorzia Mikheïl Saakashvili dia mihevitra fa ny vaninandro ankehitriny dia fotoana fakàna fanapahan-kevitra hentitra ho an’ny fireneny. Heveriny koa hahazo ny fanohanan’ny firenena matanjaka iray, i Etazonia, saingy arakaraky ny handrosoan’ny fotoana no mahasarotra koa ny fanamarinany ny hetsika miaramila nataony hanoherana ireo mpitaky fizakan-tena. […]
Na eo aza izany, ora vitsy taty aorian’izay dia nihetsika haingana sy tamin-kery i Rosia, raha mbola nikatsaka ny làlana diplaomatika kosa i Etazonia. Azo sainina ny hanohana’i Etazonia an’i Zeorzia toy izay nanohanan’i Rosia an’i Serbia tamin’ny 1999. Midika izany fa ny fidirana ara-miaramila nataon’i Zeorzia any Osetia Atsimo, sy ny fahazoana azy malaky, dia nandamoaka avokoa. Ny fanontaniana amin’izao fotoana dia ny hahafantarana hoe hisy fampitsaharana poa-basy hapetraka ve miaraka amin’ny mbola fisian’ny miaramila Rosiana any Osetia Atsimo, na hitohy ny ady.

Ny mpitoraka blaogy Giles Elgood avy amin’ny Reuters, no nanoratra lahatsoratra iray [amin’ny teny anglisy] mitondra ny lohateny hoe “Mifamatotra amin’izay misy any Kosovo ve ny ho avin’i Osetia Atsimo?” , Hoy izy nanontany tena:

Horaisina ho toy ny tomponandraikitra amin’ny ady any Osetia Atsimo ve i Kosovo?
Raha nisintaka ny faritany serba iray tamin’ny febroary, i Osetia Atsino andalan’ny fanamafisana ny fangatahany ny fankatoavan’izao tontolo izao.
Araka izay nambaran’ilay vehivavy Edouard Kokoïty mpitondra tenin’ny mpitarika ireo mpitaky fizakan-tena tamin’ny Reuters tamin’ny, “tari-dàlana ho antsika i Kosovo mba hitondra antsika amin’ny fametrahana mavitrika ny zontsika”.
Tsy nandalo fotsiny ireo fanamarihana ireo tao Tbilissi, ary mety nitarika ny fahamehan’ny fanirian’i Zeorzia hamerina amin’ny laoniny ny vahohony amin’i Osetia Atsimo mpiodina.
Miampy ny fanohanana betsaka avy amin’ny tandrefana, i Kosovo dia nahazo fisarahana mazava tamin’ireo mpanjanaka azy teo aloha, na teo azan y fitsivalanan’ny rosiana.
Ankehitriny dia manohana ny mpitaky fizakan-tena I Mosko, ary tsy mbola hita mazava izay azo hamaritana ny ho fivoaran’ny toe-draharaha amin’ity indray mitoraka ity.

i Austin Bey dia tsy manaiky izany. Ho azy dia tsy azo ampitahaina ireo disadisa roa ireo, ny an’i Kosovo sy Osetia Atsimo :

[…] Nanaraka ny fanambarana samirery ny fahaleovantenan’i Kosovo, dia lasa azo atao ny fisintahana vokatry ny fanohanana iraisam-pirenena imba hiarovana ireo foko vitsy an’isa..
Izay no fomba fijery rosiana izay milaza fa tsy tokony ho nomena alalana mihitsy i Kosovo mba hisintaka samirery amin’i Serbia.
Ny fananiham-bohitry ny rosiana any amin’ny faritra mpitaky fizakan-tena any Osetia Atsimo, izay an’I Zeorzia, dia fiantsiana ady vaovao amin’ny rosiana izay mpifanolobodirindrina akaiky indrindra. Mampitamberina amin’ny fomba mahery vaika ny tsy fitombenan-toeran’i Eropa Atsinanana hatramin’ny faran’ny Ady mangatsiaka izany .
Noho ny filàn’ny pôlitika ivelan’ny rosiana, dia manaraka ny “lasitra Kosovara” ny korontana misy any Zeprzia : misy vitsy an’isa eo ambany vahohon’ny fitondrana “nasionalista ara-poko” mikatsaka ny fahalalahany.
Ny filazako izany tsy hoe satria mino aho fa I Zoerzia dia ny Serbian’i Slobodan Milosevic. Tsy izany velively. Firenena demokratika i Zeorzia izay manana fironana amin’ny tandrefana amin’ny lafiny ara-pôlitika sy ara-toekarena. Be ny elanelana amin’ny fahaizan-manao eo amin’ny Zeorzia ankehitriny sy i Serbian’ny taona 1999.
Na izany aza, efa nampitandrina ny diplaomaty rosiana fa hahazo faritany eo amin’ny 200 maneran-tany eo ity tari-dalan’i Kosovo ity. Betsaka izany isa izany, nefa raha ny tena zava-misy dia mety ho kely ihany.
Nanindry mafy I Mosko ny amin’ny haha-mpitaky fizakan-tena mpitari-dalana an’i Kosovo ho an’ireo firenena kely maro mitangorona amin’ireo fanjakana manana ny fiandrianany. Tamim-pomba mahazendana, I Romania toa an’i Gresy dia nanohitra ny fahaleovantena nambaran’i Kosovo samirery. I Espana, miaraka amin’ireo mpitaky fizakan-tena basques, tsy dia rototra loatra. […]

Balkan File no nilaza fa “nampifamadihan'ny CNN ho ny sary ny filazalazana ny rotaka nitranga tany Budapest, Haongiria, ny rotaka nitranga tany Belgrade”: “ny fanehoankevitra an-tserasera moa no nanambara fa angamba te-hampiseho hetsi-panoherana mafana vay kokoa noho ny tena nitranga ny CNN, saingy na izany aza, amin'ny fomba ahoana moa no isian'ny fifandisoana ka sary tany amin'ny firenena hafa sady tamin'ny herintaona ihany koa no naseho?”