Nankalazaina tany Skopje, any Masedonia, tamin'ny 25 Aprily ny Sakura, fankalazàna isan-taona ny famelanan'ny ‘cerisiers' izay fomba fanao any Japana. Somary taraiky kely ihany ny daty nofinidy raha ampitahaina ny tamin’ny taon-dasa satria tsy tian’ny mpandrindra hifanindry amin’ny fankalazàna ny Paska Katolika sy ‘Orthodoxe’ tamin'ny tapa-bolana lasa.

Fanaovana ‘Origami’ (kilalao vita amin'ny taratasy) nandritra ny fankalazàna ny Sakura tany Skopje, any Masedonia. Sary: Irena Efremovska.

Araka ny fombafomba natsangana tamin’ny taon-dasa, nanambara tao amin’ny blaoginy ny hetsika i Bi [MKD] tamin’ny fampiasàna sary mahafinaritra, ary nampita ny hafatr' [MKD] ireo mpitoraka blaogy maro hafa, toa an-dry Volan sy Razvigor. Nanambara [MKD] izany hetsika izany koa ny mpanoratra ny pejy fandraisan’ny Blogeraj, sehatra fitorahana blaogy voalohany any Masedonia, tamin’ny fampiasana ny iray tamin’ireo sary tahirin’i Volan. Ho fanampin’izany, nanome fanolorana tamin’ny fombany manokana i Agnes tamin’ny famoahana tononkalo mitondra ny lohateny hoe Sakura [MKD] andro vitsivitsy mialoha.

Ankizy manao Karate nandritra ny fankalazàna ny Sakura tany Skopje, any Macedonia. Sary: Irena Efremovska.

Tao anatin’ny fandaharam-potoana, nalamin’ny Federasiona Masedonianan’ny Kendo-Iaidō niara-niasa tamin’ny Samurai Dojo ary notohanan’ny Tanànan’i Skopje, ny fanaovana katas-'na ‘arts martiaux’ sy origami.

Ny ankabeazan’ireo mpitoraka blaogy nanatrika ny hetsika dia namoaka rantin-tsary na sary andrana. Niala tsiny [MKD] mihitsy aza i Volan, izay mampiasa ny blaoginy hanoratana ‘lahatsoratra tsy ofisialy’ ho an’ny vahoaka, tamin’ny famoahana sary vitsy noho ny mahazatra, noho izy tara vao tonga teny an-toerana.

Zoriv, mpitoraka blaogy maintimolaly hafa, dia namoaka ny sariny momba ny Sakura toy ny ampahany amin’ny tatitra nataony [MKD] momba ny fitsangatsanganana nandritra ny Sabotsy tao afovoan-tanànan’i Skopje, nampitahana ny fotodrafitrasa teo an-toerana sy ny seho ara-kolontsaina niaraka tamin'ireo mpandray anjara vahiny’.

Araka ny ambara ao amin’ny Japan@Mk blog [MKD], dia mbola hitohy ny Sakura ny 30 Aprily, ka hisy fihetsiketsehana hatao ao anatin’ny Cultural Center CK, toy ny hira Japone, tsianjery haiku, fampirantiana ‘manga' [sary ampiainina fijerin'ny ankizy] ary fandefasana sarimiaina Japone.

Mpandray anjara tamin’ny Sakura handeha hody. Sary: Irena Efremovska

Nambara ampahibemaso tao amin'ny EU-Ukraine Summit tany Paris tamin'ny 9 septambra ny fikasan'ny Fiombonambe Eropeana  hanamafy  ny Fifanekem-piaraha-miasa miaraka amin'ny Ukraine tamin'ny 2009. Fomba samihafa no nentin'ny haino aman-jery sy ny mpitoraka blaogy maro nandray izany.

“Manolotra antoka ho an'i Ukraine ny Fiombonambe Eropeana,” hoy ny lohatenin'ny BBC. “Tsy mampanantena na inona na inona an'i Ukraine diso manantena fatratra ny EU,” hoy ny nosoratan'ny Irish Times. “Manely honohono tsara lahatra ny EU nefa fifanarahana tsy voafaitra mazava no narosony an'i Ukraine,” hoy ny fanamarihan'ny Deutsche Welle. “Manome fanantenana ny amin'ny hoavy ho an'i Ukraine ny EU  nefa tsy misy miatso azy ambony latabatra,” hoy ny The Times mamàrana.

Ny tombana amin'ny ampahany ratsy amin'ny vokatry ny fohaonambe dia avy amin'ny fanapaha-kevitry ny EU ny tsy hampiditra ny teny hoe “vinavinam-pirotsahana” ao amin'ny fanoritsoritana ny fifandraisana hisy eo amin'i  Ukraine sy ny EU - fehezanteny iray, raha araka ny hevitr'i Vitaly avy ao amin'ny The 8th Circle, mamaritra tsara ny hetaheta ho eropeana ananan'i Ukraine ho toy ny zavatra iray hafa mihitsy miohatra amin'ny hoe hevi-dravina fotsiny:

[…] Raha amiko manokana dia tsy mahagaga izany. Miaraka amin'ny Fiombonambe Eropeana mbola mitsakotsako sy mandevona ny onjam-pivelarana tamin'ny 2004 sy 2007, tratran'ny soritr'aretin'ny faharerahana Romania-Bolgaria, ary mila mamaha ny olana nateraky ny fifidianan'i Irlande manohitra ny “Fifanarahan'i Lisbon constitution“, tsy maintsy hampihaoka handoa ny hiresahana momba ny “enlargement vina” ho an'ny firenen-kafa, indrindra ireo tahaka an'i Ukraine manana vahoaka be 46 tapitrisa na i Tiorkia  manana vahoaka 70 tapitrisa. Nefa ny firenena kelikely, toa an-dry Serbia miaraka misy mponina 7 tapitrisa, dia manana vina mifototra tsara amin'ny zava-misy kokoa tahaka ny nitateran'i  Mr. Barroso azy ho antsika vao tsy ela akory izay[…].

Ny The 8th Circle koa dia manondro antony hafa andavana ny Vina eropeana momba an'i Ukraine - ny krizy politika any Ukraine ankehitriny - nefa koa  manohana fa ny zavatra lalovan'ny Ukraine amin'izao fotoana izao dia misy ifandraisany kely ihany amin'ny valeurs Eropeana:

[…] Fanampin'izany, tsy dia mivotra mivaingana loatra ny hoe fa maninona ny fisintahan'ny iray amin'ireo ao anatin'ny fifanekena, sy ny ho vokatry ny fanaovana fifidianana alohan'ny fotoana no TSY ho ohatra iray amin'ny valeurs itovizan'ny Ukraine sy ny IE. Amin'ny maha demokrasia miaraka amina fifaninanana azy , malalaka sy marina, miezaka ny hahita vahaolana mifanaraka amin'ny lalàna  izay hahafa-po ny mpandray anjara rehetra amin'ny politika i Ukraine.

Ity dia processus demokratika tsy maintsy lalovan'ny firenena demokratika rehetra, raha te-hihoatra ny vala famaritan'ny mpamari-toetra “tetezamita” izy. Ny demokrasia mafy orina, toa ny any Kanada sy Japana amin'izao fotoana dia samy mandalo izany fiaraha-mitantana/fifidianana alohan'ny fotoana izan, ary Belzika tamin'ny taon-dasa dia nandany 196 andro mba handrafetana fifanekem-piaraha-mitantana, ary efa tany amin'ny 208 andro mihitsy aza tamin'ny 1977 . […]

J Clive Matthews avy amin'ny Nosemonkey's EUtopia dia mieritreritra fa tokony hampiasa fomba fifanantonana “pratique” kokoa ny EU amin'ny fifampiresahany amin'i Ukraine:

[…] Tsy mba sahala amin'ireo firenena kely Albania sy Masedonia ve fa mpisolantsolana i Ukraine? Zaza tsy niriana raha oharina amin'i  Serbia, firenena natsangana tamina ady sivily sy fandringanana ary mbola ao anatina fifamaliana amin'ny EU momba ny fijoroan'i Kosovo?

Ie, fisaorana be dia be ho an'izany. Tena mampahery be. Zavatra milay.

Mety ho loharano hampandroso any amina fahafahana demokratika lehibe kokoa sy hanamafy ny fananana iombonana ny fanomezan-toky amin'ny fidirana ao amin'ny EU. Nefa mila atao ilay fanomezan-toky. Fomba efa natao sy nahitam-bokatra ho fampanekena ny olona ny fampiasana ny teknikan'ny karaoty sy tsora-kazo mba hahazoana izay andrasan'ny tena aminy  - ary mandaitra amin'ny firenena ihany koa io. Fa amin'ny resaka Ukraine, toa sarisary fotsiny ny karaoty ambaran'ny EU - mandritra izay fotoana izay, fantatry ny Ukraniana fa i Rosia dia sady manana hazo no manana karaoty, ary tsy matahotra ny mampiasa izany.

Taras avy ao amin'ny Ukrainiana dia mandray fomba fijery masiatsiaka raha miresaka ny fahombiazan'ny mpanao pôlitika Ukrainiana:

[…] Azo antoka fa tsy ho mpifidy Euro[Euro-choosers] ny mpangataka Euro [Euro-beggars]. Indrindra raha tonga miaraka amina zavatra misavoritaka be toy izany hiresaka ambony latabatra hanao adivarotra ianao.

Mandritra izany, avelao ny oligargue-n-tsika mba  hividy ampahany kely amin'ny Monaco. Angamba mba mety hahazo anjara hiditra ho ao amin'ny UE koa isika avy eo? […]

Misy ampahany amin'ny hafatra eto ambony no valin-kafatra mitavozavoza sy tsy amin'ny fotoanany, amin'ny fomba fijery miabo   avy amin'i  Victor Yushchenko amin'izay teny nambàran'i Nicolas Sarkozy amin'ny anaran'ny EU tany ampamaranana ny Fihaonambe. Namoaka horonantsary fanadihadiana nataon'ny iray amin'ireo fahitalavitra Okrainiana i Ukrainiana ary nanome dikanteny Anglisy an'ilay feo lafika Okrainiana mandika ny tenin'i Sarkozy:

Filoha frantsay Nicolas Sarkozy: Ity fifanekem-piaraha-miasa ity [hosoniavina amin'ny 2009] tsy manidy izay mbola mety ho làlana hafa, na koa manokatra hafa. Izay ihany no azonay lazaina.

Filoha Ukrainiana Viktor Yushchenko: Tena nahafa-po be anay ny zavatra azonay androany.

Hay nefa, na teo aza izay rehetra izany, diso ny fandikana ny fanamarihan'i Sarkozy, ary iny fandikana diso iny avy eo no naelin'ny mpampahalala vaovao Okrainiana sy ireo mpampahalala vaovao Tandrefana sasany  (  ato ny fanazavana bebe kokoa momba an'io). Ny loharanon'ny fanambàrana - “[…]  cet accord d’association ne ferme aucune piste, que même il en ouvre” - midika hoe “[…] tsy manapaka làlana ity fifanekena fifanaraham-piaraha-miasa ity, fa manokatra ny sasany kosa aza.”

“Andao ary hojerena ny dikan'izany araka izay tena tokony ho izy” , hoy Ukrainiana mamarana rehefa avy namoaka fanitsiana.

Mino ny The 8th Circle fa tokony hijanona hifamatotra foana  amin'ireo Tatsinanana mpifanolo-bodirindrina aminy ny EU ary ny  Fiaraha-miasan'ny samy Tatsinanana, vivavinan'ny Poloney sy Soisa,  dia mety ho dingana iray ho amin'izany zotra izany.  Ity ny antony:

[…] Ity fiaraha-miasa ity dia haneho mihoatra noho ny zavatra rehetra fa mitazona foana ny maha mpialoha làlana azy eo anatrehan'ireo “firenena mpifanolo-bodirindrina” aminy ny UE, izay ahitàna taratra fahasamihafana maro karazana eo amin'ny atao hoe fandrosoana demokratika sy ara-toekarena.

[…]

Mariho koa fa ny resaka eto tsy hoe momba ny fampanantenana fandraisana ho mpikambana na ho mpilatsaka ho mpikambana - toy ilay iray izay nataon'i  Barroso manoloana an'i  Serbia - fa kosa momba ny fanairana ireo mpanao pôlitika ao  Kyiv sy ny valalabemandry  Okrainiana fa hoe raha tian'izy ireo ary manao ny fanovàna tena andrasana aminy izy ireo, dia hitondra aina ho amin'ny hoavy ny UE. […]

Ny fifandraisana eo amin'ny Bolgaria sy Masedonia dia mbola manahirana sy sarotra takarina noho ny misy eo amin'ny Grika sy Masedonia, na dia vao haingana teo aza iry voalohany no nalaza kokoa tamin'ny haino aman-jery noho ity farany. Mbola ny tantara ihany no olana goavana eo amin'ny Sofia sy Skopje.

Ho an'ireo Bolgara, ampahany tamin'ny firenena Bolgara ny Masedoniana hatramin'ny fiantombohan'ny taon-jato faha 20, raha lasa teo ambany fahefan'ny Serbiana ny ampahany betsaka tamin'ny Masedoniana taorian'ireo ady tao Balkan. Avy eo, noho ny politikan'i Serbia tao amin'ny faritra sy ny “doctrine” Macedonism, nisy ny fiovana teo amin'ny fisainan'ny mponina teo an-toerana, izay nitondra tamin'ny fiforonan'ny firenena Masedoniana. Ny Comintern sy ny toerana nisy an'i Staline tanatin'ny olana koa dia nandray anjara tamin'ity vokatra ity.

Ny Masedoniana, amin'ny lafiny iray hafa, dia mandray ny tenany ho firenena hafa mihitsy, mpandova ny mponina taloha. Miampanga ny Bolgara “mpiray vodirindrina” aminy izy ho mpanani-bohitra ao amin'ny tanin-dry zareo ary manambara fa miezaka ny maka ampahany amin'ny tantaran'i Masedonia ny Sofia, ohatra, toa an-dry mpanjaka Samoela, St. Kliment Okhridski, ilay revolosionary Gotze Delchev, sns.

Mandefa fiampangàna sahala amin'izany ho an'i Masedonia koa ny Bolgara.

Manamafy ny ady koa ny tahotra avy any Masedonia, fa hoe mitady hitelina ny Masedoniana ny Sofia, ny Bolgara indray dia miahiahy ireo “mpiray vodirindrina” aminy ho mitady haka ny faritr'i Pirin, izay ampahany amin'ilay antsoina hoe Masedonia Lehibe.

Niraraka teo amin'ny tontolo virtoaly avokoa izany fanoherana izany ary niteraka “ady” maharitra teo amin'ny mpitoraka blaogy Bolgara sy Masedoniana momba ny tantara – ady izay matetika dia mihoatra ny lalànan'ny “bon ton”. Ary ny tontolon'ny blaogy Bolgara koa dia miady hevitra momba ny tokony ho fihetsiky ny Bolgaria manoloana an'i Masedonia.

Ilay mpitoraka blaogy Peter Stoykov dia nanoratra (BUL):

Fanohanan-kevitra maromaro momba ny hoe i Masedonia ve dia mitambatra na nitambatra tamin'i Bolgaria, misy fiteny Masedoniana, zom-pirenena, ny raharaha Masedoniana, ary ny tombontsoan'ny Bolgara amin'ny Masedonia… Ny manam-pahaizana momba ny tantara, ny mpanao politika, ary, indrindra indrindra, ireo ‘tsy ampy saina' eto amin'ny aterineto dia mifaninana miteniteny foana momba ilay resaka, toy ireny hoe miankina amin'izany iny ery ny ain'izy ireo.

[…]

Bolgara ve i Masedonia?

Tsia, tsy Bolgara izy, fa Masedoniana. Ary hoteneniko anao ny antony, nefa voalohany dia hitodika amin'ny fotoan-dasa aho. Tamin'ny 2001, nisy fanisam-bahoaka tany Aostralia. Tamin'io fotoana io koa no namoahana tamin'ny ampahany ny Star Wars ary araka ny fantatrao, be ny olona adalan'io sarimihetsika io. Ao amin'ny faritra natokana haemtrahana ny foko niaviana ao amin'ny fanadihadiana tamin'ny  fanisam-bahoaka, nisy “mpanadala” sasany nanoratra hoe “Jedi”… […] Inona no idiran'izany amin'i Masedonia? Raha te hiantso ny tenany ho Masedoniana ny Masedoniana, dia manan-jo tsy misy hiadiam-barotra ny hanao izany izy ireo.

[…]

Noho izany, inona no tokony hataontsika amin'ity resaka Masedoniana ity?

Raha ny tokony ho izy, faly ihany aho fa tsy mitambatra amin'ny Bolgaria i Masedonia ary taona maro lasa izay dia nesorina tamin'i Bolgaria izy ka nomena an'i Yogoslavia. I Bolgaria, araka ny fiteny nahafatifaty ireo mpanao politikantsika, “dia fototry ny fahamarinan-toerana [fitoniana] any Balkan” – mangotraka manodidina antsika ny fikorontanana, nisy ady sy fivakisana tany Yogoslavia, teo ambony latabatra i Kosovo, niady an'i Chypres tamin'ny Tiorka ny Grika, miady amin'ny Kiorda ny Tiorka, efa nihoatra ny faritr'i Iraka ry zareo, dimy taona lasa izay dia nanao zavatra izay tena nitovy tamin'ny “révolution” tany Masedonia ny Albaniana, nifampitifitra mihitsy.

Raha tao anatin'i Bolgaria i Masedonia, dia mety ho ao anatin'izao hadalàna izao isika.

Mpitoraka blaogy fanta-daza iray hafa, Peter Dobrev, dia namaly (BUL):

Tanindrazan'ny fanahy Bolgara i Masedonia. Ary na ho lasa fasany aza izy, tsy hanatsahatra ny ady ho an'ny fahafahany izahay.” Io no lohateny navoakan'ilay gazety  Outro miely patrana tamin'ny niandohan'ny adin'ny Balkan. Io no hevitra nanjaka hatramin'ny 1944 (tamin'ny nangalan'ny kaominista ny fahefàna tao Bolgaria). Ankehitriny anefa, na dia eo aza ny hoe tokony namelan'ny Bolgaria ny fananganana foto-kevitra tsy refesi-mandidy, very tanteraka ny fahatsiarovana an'i Masedonia ka nisosa ho amin'ny fiandaniana tsy misy fepetra.

[…]

Tsy mahagaga raha miheritreritra ilay mpitoraka blaogy Peter Stoykov fa tsy misy izany resaka Masedoniana izany, fe ny Masedoniana dia Masedoniana, ary izay rehetra manohatra izany dia ireo “tsy ampy saina eto amin'ny aterineto.”

[…]

Samy nomen'Andriamanitra zo amin'ny fahafahana manapa-kevitra daholo ny tsirairay – amin'ny maha Jedi, Eskimo na Masedoniana. Na izany aza, rehefa resaka aim-pirenana, ka nandatsahana ain'olona an'arivony sy niteraka fanovàna teo amin'ny hoavin'ny efa ho antsasaky ny mponina, dia tsara ihany ny itondrana ny resaka amin'izay kely indrindra mety ho fahaiza-mandinika sy fahalalana anànana.  Ilaina ny manavaka ny hevitry ny tena manokana amin'ny toe-javatra ara-tantara tsy miangatra…

[…]

Satria efa fantatry ny rehetra ankehitriny fa Grika i Alexandre Lehibe, dia tsy misy hiadiam-barotra intsony fa Bolgara daholo  ireo rehetra mpitarika ny fikambanana Masedoniana taorian'ny 1878 (taonan'ny kongresin'ny Berlin izay narahin'ny fanavotana/fanafahana an'i Bolgaria). Ireo mpitarika ireo, toy ny mponina amin'ny ankapobeny, dia niresaka momba azy ireo toy ny Bolgara, ary noraisin'ny mpanara-maso vahiny ho sahala amin'izay. Ireo mpanara-maso vahiny rehetra, eny fa na ireo Serba aza.

Mamintina ny toe-tsaina amin'ny ankapobeny amin'ny fifandraisana any Masedonia ireo hevitra roa ireo. Tsy mitaky na inona na inona amin'ny “mpiray vodirindrina” aminy ny ankamaroan'ny Bolgara, no tsy te-hiditra amin'ny raharaham-pireneny koa, nefa betsaka no voarangitry ny fandrahonana ataon'ny Masedoniana amin'ny fanaronana ampahany amin'ny tantaran-dry zareo ka te hametraka ny marina ara-tantara. Feo sahala amin'izany koa no heno any Masedonia.

Ao anatin'izany ady eo amin'ny mpitoraka blaogy Bolgara sy Masedoniana izany, nanoratra tao anatin'ny ANTIblog-ny ilay mpitoraka blaogy Masedoniana Ivica Anteski (MKD):

Raha tsy mifanaraka ny “marina” Bolgara sy Masedoniana, dia midika izany fa tsy misy marina izy ireo (na farafaharatsiny ny iray amin'izy ireo). Lojika tsotra. Ary eny amin'ny fitsarana, rehefa mitondra fijoroana vavolombelona mifanohitra ny vavolombelona roa, dia tsaraina amin'ny alalana karazana fifanandrinana izany. Nefa tsy te-hampifanatrika na iza na iza ireo manam-pahaizana ara-tantara. Mety kokoa raha izahay samy mpitoraka blaogy aloha no miady eto amin'ny aterineto, toy izay hahita ireo manam-pahaizana hamaha ny fifanolanana  amin'ny herin'ny tohan-keviny.

[…]

Ireo tampom-pahaizana, mpahay tantara,  philologists, akademisiana, ireo manampahaizana manokana (Masedoniana sy Bolgara) momba ny Slaves  !!! Miaraha mipetraka dia teneno anay hoe aiza ny olana. Mifanaraha! Hadinoy ny maha Masedoniana na Bolgara anao –  tsy mitondra anaram-pihaviana ny tampom-pahaizana . Ny marina sy ny tena zava-misy no  anaram-pihavian-dry zareo. Vahao ny olana.

Anatina tontolo toy izany, ny 31 Marsa, andro vitsivitsy alohan'ny fihaonamben'ny ‘OTAN any Bucharest, ny Manfred Woerner Foundation any Sofia sy ny Atlantic Club of Bulgaria dia nanolotra ny “brochure” mitondra ny lohateny hoe “Ny politika Bolgara any amin'ny Repoblikan'i Masedonia”, izay nosoratana vondrona mpahay tantara Bolgara, mpanadihady Balkan sy diplaomaty tampom-pahaizana.

Sary: komitata.blogspot.com (CC 3.0)

Ny tanjon’ity famoahana ity dia mba ho ampiasaina amin’ny tetika famaritana ny politika Bolgara momba an'i  Masedonia. Ilay mpitoraka blaogy Konstantin Pavlov, izay nanatrika ny fanolorana, dia namoaka ity tatitra manaraka ity (BUL):

Eo an-dalam-pidirana ao amin’ny UE sy ny OTAN ny Repoblikan’I Masedonia. Mbola tsy mazava aloha ny hoe rahoviana no tena hitrangàn’izany. Ny olana dia mipetraka amin’ny hoe, ao amin’ny fototry ny fifamaliana eo amin’ny Grika sy Masedonia, ny ankamaroan’ny mpanao politika mahaleo tena sy ireo mpanara-maso dia mitongilana amin'i Masedonia, nefa koa tsy dia mandefa fisainana loatra amin’io. (Davida sy Goliata). Ary na dia miteraka “sympathie” ho an’I Masedonia aza izany fifamaliana manodidina ny anarana izany, ireo tohan-kevitra nampiasaina – Masedonia taloha, izay mbola nahavelon-tena hatramin'ny anio, ireo mponina “autochtone” Masedoniana , nandevozina sy noteren'ireo ratsy saina mpiray vodirindrina aminy ho toy izany, ao anatin’izany ireo Bolgara ratsy saina, dia miha-mahazo vahana miaraka amin’ny fanohanan'ireo olona nomba an’i Masedonia. Mety hiteraka voka-dratsy ho an’ny Bolgaria izany fombàna  izany, ohatra hoe, fanafoana ny 24 May ho andro tsy fiasana […]. Toa ohatran’ny tsy ratsy ny boky momba an’io (Tsy nanana herim-po hamaky azyio aho) ary, indrisy, voasoratra amina fiteny sarotra, ‘pseudo-scientifique’ miaraka amina tanjona tsy dia mazava loatra. Toa nifanohitra tamin’ny tanjona nokinendry ny vokatra azo – hanoratra politikam-panjakana Bolgara mazava, lojika sy tsy miolakolaka  (mahitsy, mitera-bokatra) hiatrehana ny fanamby avy ao Masedonia. Tsy tontosa tsara izy io.

Taorian’ny famakiana ilay boky sy ny tatitr’i Pavlov dia nanoratra ilay mpitoraka blaogy Masedoniana Volan (MKD):

Mivandravandra be  ny zava-kinendrin’ny politika Bolgara – vahoaka iray – firenena roa …

Mazava fa tsy ho voavaha ny olana eo amin’ny Skopje sy Sofia raha tsy ny fomba fijerin'ny Balkan ny tantara ho toy ny fananany, ary raha mbola misy foana ny hoe  “ahy” sy “anao” – amin’izay lafiny izay, eo amin’ny Masedoniana sy ny Bolgara.

Tamin'ny 24 Desambra 2008 no nisian'ny fanolorana lahatsary hanondrotana ny lazan'i Makedonia – antsoina hoe “Macedonia Timeless” nadikako hoe Makedonia tsy voafetran'ny fotoana.

Ity lahatsary ity dia nosoratana sy notontosain'i Milcho Manchevski (efa tafiditra hifaninana tao amin'ny Academy Award ny taona 1995), ary ny tanjona amin'izany diany hampiroboroboana ny fizahantany mankany Makedonia. Halefa ao amin'ny CNN ity lahatsary ity, sy any amin'ny firenena hafa ampolony sady havoaka amin'ny fiteny valo samihafa. Misy moa ny vohikala manokana www.macedonia-timeless.com, voatondro ho mpanohana (fanampin')ity dokambarotra ity.

Ao ambanin'ny fanomezan-dalan'ny Creative Commons license Attribution – No derivative works 2.5 Macedonia, ity lahatsary ity ka io fanomezan-dalana io dia mamela ny mpampiasa azy hisintona sy hamoaka ihany koa ny lahatsary any amin'ny vohikala hafa. Makedonia no iray amin'ny firenena vitsy mampiditra ny Creative Commons license ho fanaovana fampiroboroboana an-tserasera, na dia maro aza ny firenena mampiasa ny TV miampita avy amin'ny zanabolana hanaovana dokambarotra.

Fotoana fohy monja dia ity lahatsary ity no vaovaon'ny andro, ary maro ny mpamaham-bolongana no namoaka azy tami'ny bolongany sady namoaka ny heviny momba ny fampiroboroboana sy ilay vohikala [mkd]. Na dia mankasitraka aza ny hevitra hita ao amin'ny YouTube, dia maro ny mpamaham-bolongana no kivy ihany tamin'ilay lahatsary, indrindra moa rehefa hitan-dryzareo ny vola lany tamin'ny fanatontosana azy (190,000 Euros)

Vao natolotra [mkd] ilay lahatsary tao amin'ny Kajmak.ot, dia maro no nilaza ny heviny momba azy. Misy nanoratra hoe:

Pero:

The video is fine from an artistic point of view, but not from an essential point of view […]

Zlochko:

I didn’t like the video also. If I may criticize a person with a resume like Manchevski, I will say that I didn’t see anything touristic in the video. Where is the village tourism, where are the smiling hosts for the tourists, where is the extreme tourism, where are the beaches…?

But, the book was a good moment. That was the most interesting thing for me.

The Arheoblog nambosaka [mkd] tao amin'ny lahatsorany ny ny toe-draharaha miaraka amin'ny fidiran'ny fizahantany any Makedonia, naka aingam-panahy avy tamin'ny lahatsary:

[…] This is a video that needs to attract foreigners to come and visit Macedonia. I’m not bothered with the fact that there are too many motives from Ohrid, and also from the artifacts found near this city. I’m not bothered that the Muslim art and architecture from Macedonia is not represented enough. I’m not bothered with the fact that a man who doesn’t know the religion phenomenons in Macedonia will get a wrong picture that in the country frescoes and crosses are dominating. I’m not even bothered that too many things are not included, because for a country with such a rich tradition it’s very difficult to put everything in a one minute video. […]

I’m bothered with the fact that in Macedonia there is no stable infrastructure for incoming tourism […].

Zoro hafa kosa no hanehoan-dRazvigor ny heviny [mkd] amin'ilay lahatsary:

For me the most important thing is that the promotional video for Macedonia is published under a Creative Commons license.

I think (correct me if I’m wrong) this is the first time in the world for a government to publish something on the internet in this way. Also, it’s probably the first time one director from this level, with an Academy Award nomination, to give one of his works in this way.

Mbola vao manomboka moa ny asa fanentanana avy amin'ny fanjakana ka ho hitantsika eo ihany raha diso ny fahatsapan'ny olom-pirenena ary raha hahatratra ny tanjona nanaovana azy ny lahatsary.

Elena Ignatova

Nizara rohin'ny mpitoraka blaogy roa izay naneho horonan-tsary maro maneho ny fanararaotam-pahefana ao amin'ny faritra iray ao Skopje i Razvigor dia i Komunikacii [MKD] sy Panta Rei [MKD].

Greater Surbiton no manoratra momba ny fifandraisan'ny OTAN sy Rosia: “Raha tsy sahy mifanandrina amin'i Rosia akory ny vondrokerin'ny OTAN, dia mampanontany tena ihany hoe inona moa izany no tena ilàna ny OTAN?” Ary miresaka amin'ny fifandraisan'i Gresy amin'i Makedonia ao amin'ny OTAN ihany koa izy: “Mpikambana bitika tao amin'ny OTAN i Gresy; 130 monja ny miaramilany any Afghanistana - isa mitovy amin'ny an'i Makedonia, tsy mpikambana sady ampahadimy amin'ny isan'ny mponina any aminy.”