Mety tsy dia nilamin-tsaina loatra ireo tany Hongrie tato anatin'ny herinandro vitsivitsy lasa izao satria fomba maro samihafa no nampiasan'ireo mponina  ny fanaovana fihetsiketsehana ho fitaovana amin’ny demokrasia.

Ny 19 Jona,  mpianatra Iranianina manodidina ny zato mianatra any Hungary no nanao fotoam-pahatsiarovana tanaty fahanginana tao amin'ny Kianjan'ny Mahery-fo tao  Budapest, renivohitr'i  Hongrie. Tamin'ny alalan'ny  Facebook no nikarakarana ity fotoana ity. Ny hetsika faharoa, nataon’ireo Hongrois  mpanohana, dia natao teo anoloan’ny Masoivoho  Iranianina tao Budapest tamin’ny 21 Jona: nitondra ny anarana hoe Hetsika-Tselatra Maitso [Green Flashmob].

Ny hetsika fahatelo “ho an’ny demokrasia sy ny  zon’olombelona” tany Iran dia natao tamin’ny 26 Jona, mbola teo anoloan’ny masoivoho Iranianina ihany. Ao amin’ny vohikala  Lehet Más a Világ! (”Mety hiova [ho hafa] ny tontolo!”), Redjade dia nizara vaovao sy sary momba ny hetsi-panoherana tamin’ny 21 Jona ary nanoratra ity momba ny tamin’ny 26 Jona:

[…] Nisy fahasamihafany be tamin’ny fihetsiketsehana farany natao tamin’ny Alahady farany teo izay tsy nahitana polisy mihitsy. Tamin’ity tsy vitany hoe nisy sakana fotsiny (nindramina tamin’ny Parlemanta?) fa mbola nisy policy am-polony mahery niaraka tamina fiarana polisy efatra sy fiara 6 hafa. Nefa na dia izany aza ny fivoriana dia nizotra tamim-pirahalahiana sy am-pilaminana. Fa manontany tena aho raha vokatry ny tsindry alokin’ny polisy no nahatonga ny havitsian'ireo mpianatra nandray anjara. […]

Ireo mpampita vaovao ao Hongrie dia  nilaza ny fihaonan’ny sekreteram-panjakana misahana ny raharaham-bahiny Gábor Iklódy sy ny masoivoho Iranianina Ali Reza Irvas, ka taorian’io no nanambaran’ny tompon’andraikitra ao Hongrie fa manana zo hanao fihetsiketsehana am-pilaminana ireo Iranianina mpanohitra ary i Hongrie  dia mandinika akaiky ny sakantsakana napetraka tamin' ireo fampitam-baovao any Iran.

Tamin’ny 21 Jona ihany koa, nisy hetsika iray hafa natao tany Budapest: ireo mpikambana sy ireo mpomba ny Antokon’ny alika manan-drambo roa [Two-Tailed Dog Party] (HUN) dia nanao Hetsika Goavana manohitra ireo zavatra rehetra tsy mitondra mankaiza.  Ny Antokon’ny alika manan-drambo roa [Two-Tailed Dog Party]  dia antoko politika hosoka fantatra amin’ny fitsikerany ny politika any Hongrie. Olona 200 ka hatramin’ny

Manomana fitsidihana any Grande-Bretagne, Frantsa, Alemana ary ny Repoblika Czech ny Filohan'i Etazonia Barack Obama amin'ny volana ho avy io, mandritry ny fivoahany voalohany mitsidika an'i Eropa taorian'ny nahalàny azy.

Anatin'ny hafany mitondra ny lohateny hoe “Te-hihaona aminy daholo izy mianakavy.” dia izao no nosoratan'i P O Neill ao amin'ny A Fistful of Euros momba ity fitsidihana ho avy ity:

Zavatra iray misarika ny saina ho anareo mpanaraka akaiky ireny fihaonanbe ireny: tafiditra ao anatin'ny fitsidihana hataon'i  Barack Obama eran'i Eropa amin'ny volana  Aprily i Prague izay azo faritana ho toy ny fihaonambe isan-taonan'ny Etazonia-Eropa.

[…]

Ho seho goavana ho antsika izany, nefa angamba tsy dia ho amin'ny fahatanterahan-javatra loatra na dia filoham-panjakana sy solontena avy amin'ny governemanta 28 be izao avy amin'ny Kômisiona aza no hanatrika izany. Dia ho betsaka ny sarim-pifandraisan-tànana ‘anaty fihatsaram-belatsihy' ho an'i Barack Obama. Sa izany mihitsy ve no nokendren'ny tarik'i  Obama tamin'ny fanomanana fitsidihana firenena  “bitika” toy itony?

Ny tenin'i Obama momba an'i Polona sy ny  Repoblika Czech dia nisarika manokana ny sain'i Taras ao amin'ny Ukrainiana:

[…] Tsaroako koa ny filazan'i  Obama ny Poloney sy ny  Czechs ho toy ny  “demokrasia fledgling.”

Saingy izany zavatra izany dia nampivoraka ny tongotro:

Mila mahatsapa i Rosia ny amin'ny hetahetanay tsy hay tohaina mba hanana fahaleovantena sy fandriampahalemana ny firenena toa an'i Polona sy ny Repoblika Czech. Amin'ny lafiny iray, ahiahy iraisana ny anay.

[…]

Koa satria aho Ukrainien bitika tsy misy ilàna azy miaina anaty firenena bitika kely iray tsy misy ilana azy koa izay nanohitra ny arsenal fahatelo lehibe indrindra eran-tany toy ny famahanana akoho kely, dia toy ny Bittergate no fahitako ny fanamarihan'i  Obama. […]

Nampitsangam-bolo ny maro ihany koa ny fanamarihan'i Obama mikasika an'i Hongria.

Pestiside.hu nanoratra hoe:

Andriamanitra ô! Andriamanitra ô! Niteny momba an'i Hongria i  Barack Obama - nantsoiny tamin'ny  anarany. Raha tsy mino ny takelaka voalohan'i  Index.hu ianareo, mandehana fotsiny ao amin'ity dika an-tsoratry ny vaovaon'ny konferansa navoakan'i O-mighty omaly ity  ary karohy amin'ny fampidirana ny teny fototra hoe , well, duh. Eny, ny sary ao an-tsainy voalohany momba an'i Hongria fony tany amin'ny birao dia tsy mifanindran-dàlana velively amin'izay noeritreretintsika ( nambarany an-kitsirano fa isika dia toy ireny andian'olona marary saina mila fandraisana an-tànana maika ireny mba tsy hanaovantsika loza amin'ny hafa). Farafaharatsiny, fantany hoe iza isika!

Ary ity misy  kiana henjakenjana ihany -mitodika betsaka amin'ny lafiny toekarena avy amin'i Eva Balogh ao amin'ny Hungarian Spectrum:

[…] Manakiana an'i Barack Obama ihany koa ny sasany izay raha avy nihaona tamin'i  Gordon Brown, Praiminisitra ao Grande Bretagne, dia niteny toy izao manaraka izao: “ Zavatra iray tao anatin'izay nifampiresahanay sy ny Praiminisitra Brown ny hoe ahoana no fomba ahafahana miara-miasa mba hiarahan'ny firenena ao anatin'ny G20, sy ireo firenena goavana rehetra manerana izao tontolo izao, ao anatina fiaraha-mientana voarindra, manaitaitra ny toekareny tsirairay avy; ahoana no hahatongavana amina fehin-kevitra iombonana, indrindra amin'ny lafiny fandraharahana eo amin'ny sehatry ny banky [ara-bola] , mba tsy hisy fiantraikany goavana eo amin'ny tanintsika ny tsena vao misondrotra toa an'i Hongria sy Ukraine, ary hifandamina koa isika amin'ny fanampiana azy ireo eo amin'ny sehatra iraisam-pirenena.”

Eny ary, dia izay izany izy ity any Hongria. Ahoana no ahasahian'i Obama mampitaha an'i Hongria amin'i Ukraine! Tsy atao mahagaga raha vetivety foana teo dia very sanda ny  forint [volan-dry zareo angamba io]  taorian'io kabary io. Ambonin'izany, fahasahiana goavana , hoy ireto olona ireto, ny firesahana olana maro hoe  “hiantraika amin'ny morontsira-tsika.” Sady taiza koa moa izao savorovoro  izao no nanomboka e? Tsy tany Hongria aloha e. Hongria dia mizaka fotsiny ny  vokatry ny tsy fandraisana andraikitra tao amin'ny rafitra ara-bola amerikana . […]

Balkan File no nilaza fa “nampifamadihan'ny CNN ho ny sary ny filazalazana ny rotaka nitranga tany Budapest, Haongiria, ny rotaka nitranga tany Belgrade”: “ny fanehoankevitra an-tserasera moa no nanambara fa angamba te-hampiseho hetsi-panoherana mafana vay kokoa noho ny tena nitranga ny CNN, saingy na izany aza, amin'ny fomba ahoana moa no isian'ny fifandisoana ka sary tany amin'ny firenena hafa sady tamin'ny herintaona ihany koa no naseho?”

Raha nifantoka amin'ny fisoloam-bava sy fivoizana hoan'ny fahafaham-pitenena'ireo mpiblaogy ny Andro voalohan'ny vovonàna Global Voices, androany kosa dia mifantoka bebe kokoa amin'ny raharaha anatin'ny Global Voices, miaraka amin'ny fampahalalana ireo tetikasa hafa miara-dia aminy dia ny Rising Voices [Fanandratana ny feon'ireo izay tsy re] sy Lingua [dikateny GV, tafiditra ao ny Malagasy amin'ny alalan'ity vohikala ity].

Nisokatra tamin'ny fampidirana notanterahin'i Georgia Poppelwell (Tale Jeneralin'ny GV) sy Solana Larsen (Mpandrindra Jeneralin'ny GV) ny fivoriana, izay nanolorana fisaorana mitafotafo ireo mpanohana mpamatsy ara-bola marobe [sponsors]. David Sasaki (Rising Voices Outreach) dia nanazava fohy mikasika izay vaovao farany mikasika ny fivoatry ny tetikasa Rising Voices, sady nampiseho lahatsary fohy izay manazava ireo tetikasa mahaleotena izay vatsian'ny Outreach.

Lohahevitra 1 : Manerana izao tontolo izao ny Web 2.0 dia ny namana Lova Rakotomalala no mpandrindra ny adihevitra, ary nandraisan'i Catalina Restrepo (HiperBarrio, Colombia), sy Collins Dennis Oduor (REPACTED, Kenya), sy Cristina Quisbert (Voces Bolivianas, Bolivia), ary Mialy Andriamananjara (FOKO, Madagascar) anjara fitenenana. Rebecca Wanjiku kosa no nampita mivantana [liveblog] izany. Namoriana ireo sangany amin'ny fivoizana ny Web 2.0 manerana izao tontolo izao avy any Kôlômbia, Kenya, Bôlivia ary Madagasikara izay manana ny fikasana ny hanandratra ny adihevitra iraisam-pirenena ho sahala amin'ny tahan'ny mponina manerana izao tontolo izao [tsy ny vitsy an'isa ihany no hanana anjara fitenenana]. Samy nanazava ireo olana itadiavany vaha-olana sy ireo fahasarotana tsy maintsy natrehiny izy ireo.

Lohahevitra faha-2 : Ny fifidianana ara-Aterineto any amin'ireo firenena izay miroso amin'ny lalan'ny demôkrasia dia nifantoka amin'ny firongatry ny fi-blaogiana, ny fivelaran'ny serasera ara-tsosialy sy ireo sampan-draharaha madinidinika manodidina ny blaogy [micro-blogging services] tahaky ny Facebook sy Twitter, lahatsary [video] - sy fanapariahana sary - toy ny vohikala YouTube sy Flickr, ary ny fipariahana'ny teknolojiaizay mifatotra amin'ny fampisana ny finday anivon'ny sarambambem-bahoaka izay manolotra fitaovana ahafahany mandray anjara tanteraka amin'ny adihevitra demôkratika. Raha dinihina akaiky ny fiantraikan'ireny fitaovana ireny tamin'ireo fifidianana farany izay nitranga vao tsy ela izay nijoroan'i Daudi Were (Kenya), sy Onnik Krikorian (Armenia), sy Hamid Tehrani (Iran), ary Luis Carlos Díaz (Venezuela) vavolombelona. Solana Larsen no nandrindra ny adihevitra raha i Jillian York kosa no nanatanteraka ny fampitana mivantana [liveblog] izany.

Rehefa tafahaona ny samy vilana no lohahevitra faha-3. izay mifantoka tanteraka amin'izay fanoheran'ireo mponina tany Tibet ny fandalovan'ny afo olaimpika [famoretana ireo mpanohitra, herisetra samihafa], ratsy ny fijerin'izao tontolo izao an'i Shina tamin'ireny zava-nitranga ireny. Inona ary no zavatra azo apetraka mba hamporisihina ny fifanakalozan-kevitra rehefa mafana toy ireny ny fifanolanana? Isaac Mao (Entrepreneur and Researcher, China), sy Rebecca MacKinnon (University of Hong Kong and Global Voies), sy John Kennedy (Mpandrindra amin'ny teny Shinoa, Global Voices) no nandray fitenenana ary i Xiao Qiang kosa no nandrindra ny adihevitra, mba hikatsahana valiny hoan'izany fanontaniana izany. Mbola isaorana koa i Jillian York tamin'ny  ny fampitana mivantana [liveblog] izany.

Izay sangany sady sampany miroborobo indrindra anivon'ny GV, ny Lingua, no fototry ny Lohahevitra faha-4 : Dikateny sy Web amin'ny teny samihafa. Ny mpitarika ny Lingua i Portnoy no nanao ny fampidirana sy nandrindra ny adihevitra izay nandraisan'i Chris Salzberg (Canada/Japan), sy Paula Góes (Brazil), sy Rezwan (Bangladesh), sy Claire Ulrich (France) anjara fitenenana avy. Samy nanolotra izay fomba ifidianan-dry zareo izay lahatsoratra hadikateny ry zareo, sy ny toerana lehibe izay misy ny fanolorana fiteny samihafa amin'ny fampiroboroboana sy ny fanapariahana ny feon'ny GV, misy koa ny fanazavana manodidina ireo fitaovana fandikan-teny vaovao izay ampiasain'ny ekipa sasantsasany. Ankehitriny dia adika amin'ny fiteny Alemàna, Espanôla, Frantsay, Italiana, Malagasy, Pôrtogey, Albaniana, Makedôniana, Arabo, Farsi, Bangla, Hindy, Shinoa (Notsorinaa), Shinoa (Nentim-paharazana), Japaney ny tetikasa Lingua.

Ny lohaheviztra farany izay nodinihina androany dia Rehefa manongilan-tsofina izao tontolo izao. Preetam Rai sy Neha Viswanathan (India) no niaraka nandrindra ny adihevitra, Juliana Rotich (Kenya), sy Lova Rakotomala (Madagascar) kosa no nandray fitenenana. Nanolotra fijery hafa avy amin'ireo mpiblaogy “hafa” izy ireo - ireo izay tsy mivoy pôlitika fa mizara kosa momba izay fiainany andavan'andro. Lohahevitra hafa nodinihina koa ny fomba izay amenoan'ny blaogy amin'ny fomba mahatsikaiky ireo banga apetraky ny fanapahankevitr'ireo fampahalalam-baovao “nentim-paharazana” tsy hitatitra mikasika tantara mpiseho andavan'andro, toy ny voina voa-janahary sy ny olana ara-pôlitika. Rebekah Heacock no nikarakara ny fampitana mivantana [liveblog] izany.

Tsy afaka hangina fa ambara etoana fa izao fivoriana izao no tanteraka dia satria nisy ny ezaka goavana izay niarahan'ny maro nanao, tsy ireo mpiandraikitra ny fanatanterahana ny vovonàna ihany (Georgia and Solana) no tolorana fankasitrahana fa ireo mpanohana mpamatsy ara-bola marobe [sponsors] koa. Tsy adino koa anefa ireo mpiblaogy maro antsitram-po, izay nahafoy fotoana mba handraisana an-tsoratra izay voalaza, sy nampita izany tamin'ny alalan'ny twitter, sy flickr, ary indrindra indrindra ireo ny fampitana mivantana [liveblog] izany (izay tena asa be tokoa !) dia mendrika ny tolorana fisaorana mitafotafo ihany koa. Raha tsy ny fiaraha-monina tsy nahatanteraka izay ilain'ny fiaraha-monina !

Raha izay fahitanay azy dia tena lafatra ny andro voalohan'ny vovonàna 2008-n'ny Global Voices izay tanterahina any Bodàpestà, any Hôngria (mazava ho azy fa tsy arakay maso daholo izay antsipirihan'ny fikarakarana rehetra). Nanomboka tamin'ny teny fampidirana avy amin'i Ethan Zuckerman sy Rebecca MacKinnon izay namorona ny Global Voices, ny andro voalohany, izay nisaorany manokana ireo mpanohana mpamatsy ara-bola marobe [sponsors] sy ireo namana mpiara-dia amin'ny vovonàna Global Voices [GV Summit]. Fisaorana manokana no natolotra an'i Georgia Popplewell, Tale Jeneralin'ny GV sy mpitari-dalana amin'ny fahatanterahan'izao vovonàna izao. Azavain'i Rebecca [MacKinnon] ireo hevitra izay mivoy ny GV avy ambadika :

I came from journalism, Ethan from non-profits; we both shared concern about the media and global attention flows. I saw the international English-language media focusing a lot of attention on certain people and places, and less attention on other voices and places. Ethan was doing a lot of research on media attention patterns. We were studying the blogosphere and wanted to talk about all the people around the world who were starting to blog.

Manarakaraka izany fampidirana izany, ny lohahevitra 1: “Zotra mankany amin'ny fifanakalozana (ara-Aterineto) tsy misy fameperana,” izay nanomboka tamin'ny fandraisana fitenenanan'i Helmi Noman izay mpandrindra ny adihevitra. Jillian York sy Renata Avila kosa nampita mivantana [liveblog] ny fihaonana amin'ny alalan'ny fampiasana ny rafikajy CoveritLive. Sivana anivon'ny Aterineto, fanapahan-kevitra ny hamehy vava, sy lohahevitra hafa maro mifandray amin'izany any Egypta, sy Marôka, sy Belarosy, sy Japàna, ary Pakistana no nodinihina nandritra izany fehim-potoana izany, izay nandraisan'i Sami Ben Gharbia, sy Chris Salzberg, sy Andrei Abozau, sy Ethan Zuckerman, sy Awab Alvi, ary Alaa Abdel Fatah anajara fitenenana.

Juliana Rotich kosa no nampita mivantana [liveblog] ny  lohahevitra faha-2. Mary Joyce no mpandrindra ny adihevitra; Ory Okolloh avy any Kenya, Wael Abbas avy any Egypta, Amine avy any Marôka, Oiwan Lam avy any Hong Kong, Au Wai “Alex” Pang avy any Singapôra, ary Hamid Tehrani avy any Iran no nifanakalo hevitra manodidina ny lohahevitra “Ny fijoroana vavolombelon'ny tsirairay sy ny fahalalahana ara-pitenenana eto amin'ny Aterineto.” Lohahevitra nodinihina mandritra izany fotoana izany ny fampisana ny rafi-kajy Twitter, ireo Proxy sy SMS mba hialana amin'ny sivana sy ny famehezam-bava apetraky ny sasany anivon'ny aterineto. Samy nitatitra ohatra avy any amin'ny firenena nipoirany ireo mpandray fitenenana tsirairay.

Jillian York no nampita mivantana [liveblog] ny lohahevitra faha-3, nampitondraina ny lohateny hoe “Miaina anivon'ny famehezam-bava.” Awab Alvi izay ao amin'ny Don't Block the Blog no mpandrindra ny adihevitra, i Helmi Noman, CJ Hinke, Andrew Heavens, Rezwan, Yazan Badran, ary John Kennedy indray no nandray misesy anjara fitenenana. Samy nanambara izay fiheviny ny hoe miaina anivon'ny famehezam-bava ny tsirairay, ary samihafa ny fomba fahitan'ny tsirairay izany.

Juliana Rotich no nampita mivantana [liveblog] ny lohahveitra faha-4, izay nanasàna olo-maro handray anjara fitenana manokana, isan'izany ny mpandrindra ny adihevitra i Ethan Zuckerman izay nivaky fa tsara vitana isika manana azy mandritra izao vovonàna izao satria tery dia tery ny fotoany nohon'ny hamaroan'ireo fanasana izay voarainy ! Roger Dingledine avy amin'ny Tor, sy Nart Villeneuve (Citizen Lab), sy Isaac Mao (Digital Nomads Project), sy Robert Guerra (Privaterra), ary Danny O'Brien (Electronic Frontier Foundation) no nifandimby samy nandray fitenenana. Danny O'Brien nizara manokana mikasika ireo fitaovana azo ampiasaina mba ihoarana ireo fameperana isan-karazany :

What criteria should you look for when choosing circumvention & anonymizing tools? This is important because some tools that you can use now may not be safe to use in future. Google may be good now, but as it continues to grow, will it remain so?

The features you want…
-You want a tool that is well funded.

Marihin'i Juliana fa manoro-hevitra mba tsy ampiasana ireo vohikala sy rafi-kajy filam-bola [amidy] i O'Brien.

Ny lohahevitra faha-5 no namehy ny andro voalohany, i Rebecca Wanjiku no nanatanteraka ny fampitana mivantana [liveblog] ary i Xiao Qiang kosa no mpandrindra ny adihevitra. Ireo nandray ny fitenenana kosa dia i Clothilde Le Coz (RSF), sy Elijah Zarwan (HRW), sy Nasser Weddady (HAMSA), sy Stephanie Hankey (Tactical Tech), ary Antony Loewenstein (Amnesty International Australia's campaign Uncensor).

I Rebecca MacKinnon no nandray ny fitenenana ho famaranana ny fotoana, nizara momba ny sivana araky ny fomba fijery avy amin'ny lalàna, avy amin'ny pôlitika ary avy amin'ny prôgrama sosialy:

Without the social layer on top of the technical and legal solutions, a lot of these problems are going to be difficult to solve. I was really struck by stories about social demoralization and isolation that some bloggers feel.

Nampiany fa andraikitr'isika tsirairay no mandray andraikitra mba hiara-miasa mba ihoarana ny olan'ny fameperana sy sivana anivn'ny Aterineto sy mifantoka amin'izay zavatra azontsika atao, fa tsy variana amin'izay tsy azontsika atao. Ho fehiny, nambarany ho koa hoe ahoana no fomba ampiasan'ny sasany ny fameperana amin'ny foto-kevitra hafa. Ohatra izao ny fitoeran'ny famerana ny fahalalaham-pitenenana eo amin'ny lafiny ara-pitanjahana sy ny vetaveta any Japàna dia mety alain'ny fanjakana Shinoa ho ohatra mba hamoretana ireo mpivoy ny zon'olombelona sy hevitra samihafa tsy sitraky ny fitondrana [mpanohitra] any Shina.

Mbola maha-velom-panantenana koa ny Andro faharoa, miaraka amin'ny Rising Voices [Fanandratana ny feon'ireo izay tsy re], GV Lingua [dikateny GV, tafiditra ao ny Malagasy amin'ny alalan'ity vohikala ity], sy ny lohahevitra hafa koa.

Raha somary nangingina ny sehatry ny Global Voices izay “indroandroa andro” lasa izay dia satria notaterinay aty Bodàpestà, Hôngria ny 80 amin'ireo mpandrindra, mpanoratra sy mpandikateny hanatrika ny vovonàna miaksika ny fahalalaham-pitenenana, ny fijoroana vaolombelon'ny tsirairay [citizen media, médias citoyens] ary izay toeran'ny vohikala Global Voices amin'ny ireo taona ho avy ireo. Afaka arahinareo mivantana ao amin'ny webcast, sy liveblog, sy Twitter, ary andian-tsary. Vangio ny vohikalan'izany vovonàna izany ahafantaranao izay fomba anaovana izany.

Mpiblaogin'ny mpandray anjara anivon'ny Global Voices izay niara-niasa an-tendrilavitra [virtual, virtuel] nandritra ny herintaona mahery no voalohany hifanatri-tava ankehitriny. Fivoriana misokatra hoan'ny daholobe izay nahasarika mpandray anjara tsy latsaky ny 200 avy amin'ny kôntinanta rehetra, ao anatin'izany mpanao gazety mihoatry ny 25 avy amin'ireo fantsona fampahalalam-baovao vaventy. Misaotra anareo tonga nanatrika aty Bodàpestà, isaorana koa ianareo manaraka avy lavitra any.

Topimaso ny trano fivoriambe rehefa nadiva hifarana ny andro voalohany. Nalain'i Neha Viswanathan

Ary satria efa herinandro sisa tsy ihavian'ny Global Voices Citizen Media Summit izay hotanterahina any Bodàpestà, rehefa avy nampahalala anareo bebe kokoa momba ireo blaogy mivoy mikasika ireo sakafo Hôngroa vitsivitsy izahay dia mitodi-doha kosa amin'ny blaogin-tsary Hôngroa indray. Maro izy ireny ary samy tena lafatra avokoa ka izay santionany ihany no hatolotra etoana.

Heverina fa ny Budapest Daily Photo no blaogin-tsary malaza indrindra mikasika an'i Bodàpestà, olona iray ihany no mivoy azy sy ity blaogy The Budapest Guide [toro-làlana momba an'i Bodapesta]. Azo tsidihina avy amin'ny alalan'ny vohikala tahirin-tsary Flickr koa ireo sary nalainy.

Ireo sary roa apariaka eto amabany dia nosintonina avy tamin'ny Budapest Daily Photo, ilay ankavia dia St Lázsló (Masindahy Ladislasy | Saint Ladislaus) :

Ladislaus is one of the most respected kings of Hungary. Following a long period of civil wars, he strengthened the royal power in his kingdom by introducing severe legislation. After his canonisation, Ladislaus became the model of the chivalrous king in Hungary.

Ny sary ankavanana kosa dia hazo toro-làlana izay nalaina tao amin'ny vohitra János any Bodà [FANAMARIHANA : vohitra roa mifanatrika i Bodà sy i Pestà izay fototry ny renivohitra Bodàpestà ankehitriny].

Ny blaogy Explore Hungary izay ahitana lahatsary sy lahapeo, dia manapariaka sary avy amin'izay dia nalehany matetika, ka ny farany tazana ao dia vokatry ny famangiany ny trano fitehirizana-vakoka Mofo-mamy massepain na marzipan Szamos any Szentendre. Manana raki-tsary ao amin'ny vohikala Flickr koa izany mpivoy izay izay ahitana sary maron'i Hôngria sy i Bodàpestà, toy ity iray ambany ity rindrina ivelan'ny trano iray ao Bodàpestà.

Ny blaogy Ervin Sperla's photoblog dia ahitana sary mahatsikaikin'i Bodàpestà vitsivitsy, toy ity iray ambany ity izay ahitana ny fanorenana ny tetezana vaovao iampitana ny ony Danube. Afaka vangiana avy amin'ny alalan'ny tahirin-tsariny Flickr ireo sary rehetra mikasika ity fanamboarana tetezana ity.

Blaogintsary kanto hafa iray koa ny Naked Eye [maso mitanjaka], izay nakana ity sary ambany ity izay ahitana fiara [Amerikana] Impala ao afovoan'ny tanana'i Bodàpestà. Ireo sary farany napariany dia ahitana sary nalainy avy tamin'ny teknôlojia tsotran'ny “lavaka paingotra” [Sténopé | pinhole camera], sy sary roa mampiseho ny sakafo Hôngroa roa antsoina hoe Lecsó.

Dimi's Fotolog kosa dia manapariaka sary miloko na mainty sy fotsy momba izay fiainana andavan'andro any Bodàpestà, toa misambotra sy memtraka an-tsary ireo fotoan'ny fiainana andavan'andro tsotra anefa marina. Io sary io ambany io dia notsongaina avy tamin'nireo sary nalainy kisendrasendra.

Blaogin-tsary hafa mahaliana koa ny an'i Andrey's, izay ahitana sary maro nalaina tamin'ireny Café any Bodàpestà ireny, toy ity tsary iray ambany ity.

Blaogin-tsary Hôngroa maro hafa koa no azo vangiana avy amin'ny alalan'ny vohikala Aminus3, izay mpampiantrano blaogin-tsary raitra. Ohatra amin'izany ny mpivoy Flmstrp izay manapariaka sary ahitana fiainan'ny olona anatiny sy ivelan'ny tanana'i Bodàpestà, na koa sarin'ny tanàna nalaina tamin'ny alina toy ity sary iray ambany ity.

Ary hoan'ireo izay mbola tsy afa-pon'ireo blaogin-tsary ireo fa mbola mitady sary hafa mikasika an'i Hôngria dia afaka mikatsaka anivon'ny Manomboka eto i Hôngria ao amin'ny vohikala Flickr izy ireo, izay ahitana sary toy ity ambany iray ity, ny Seranan-dalambin'i Keleti any Bodàpestà.

Eva Balogh ao amin'ny Hungarian Spectrum no mitatitra ny krizy miseho eo amin'ny firaisankina governemantaly manasratsaraka ny mpikambana aoamin'ny governemanta raha nanala ny minisitry ny fahasalamana ny praiminisitra.

Pestiside.hu no mamaly mpamaky iray avy any LA [Los Angeles, USA] izay milaza azy matahotra ny hitsidika an'i Bodapetsa :

Anyway, we'll take it as a compliment.

“Na izany na tsy izany raisinay ho toy ny fandòkana izany.”