Nihatakataka niala ny seranam-piaramanidina tao Bangkok ny ankamaroan'ny vahiny raha nametrapetraka ny fitaovany rehetra hiatrehana ny  “ady farany” hanoherana ny “fitondrana lò” roa herinandro lasa izay ny mpanao fihetsiketsehana.

Janus Putkonen avy any Finland no niara-dalana tamin'ny People’s Alliance for Democracy (PAD) na Fiarahan'ny vahoaka ho amin'ny demaokrasia nandritra ny dimy andro sy dimy alina. Nihinana sy natory teoamin'ny foiben'ny fanoherana tao amin'ny seranam-piaramanidina izy. Vavolombelon'ny tifitra in-5 sy ny fitorahana baomba mananasy in-3. Afaka nanara-maso tsara ny nataon'ny mpanohitra nandritra izany fotoana izany izy. Soa ihany fa nanana fakan-dahatsary niaraka taminy izy. Zarainy amin'izao tontoloizao ankehitriny ny hitany rehetra avy tao anivon'ny fanaovana sakana (barazy).

Nameno ny seranam-piaramanidina roa tao Bangkok ny PAD ny 26 Novembra lasa teo hanerena ny fialan'ny mpitondra faratampon'ny firenena. Tratran-dry zareo ny tanjona tamin'ny herinandro teo rehefa  namoaka ny didim-pitsarana hanafoanana ny antoko nitondra tany an-toerana noho ny fanaovana hosoka nandritra ny fifidianana ny Fitsarana Tampony tany Thailand.

Tantarain'i Janus ny nandehanany tany amin'nyseranam-piaramanidina:

“Namaky ny gazety Bangkok Post aho tamin'ny 23:30 namakiako fa nisy fifampitifirana tao amin'ny seranam-piaramanidin'i Suvarnabhumi, nanapa-kevitra aho tamin'ny 0:00, notairiko ny vadiko, ary dia nentiko ny fitaovako. Mipetraka any afovoan'i Thailand aho, fa tsy manana fialantsiny aho tsy hitondra ny fiarako mizotra ho an'ny Bangkok haingana araka izay tratrako, nihaino ny feon'ny foko… Tonga tany aho tokony ho tamin'ny 03:00 maraina. (Ilay) vahiny  tokana tao anatin'ny fanaovana barazy ny alina voalohany tao Suvarnabhumi.”

Nitolagaga tamin'ny fahaiza-mitondra tenan'ny mpanohitra nahay namaly ny toraka grenady tao amin'ny seranam-piaramanidina i Janus.

Nalain'i Janus sary ny valim-panafihan'ny PAD nanohitra ny mpitandro ny filaminana izay nanandrana ny hanaparitaka ny mpanohitra tao amin'ny seranam-piaramanidina. Niala ny polisy.

Inona ny lesona azon'i Janus avy amin'ny mpanohitra tao Bangkok:

“Tsy misy fahombiazana ho azo avy amin'ny baranahiny rehefa mitokona, fa avy amin'ny fifampifehezana sy ny fifandaminana, teti-panorona voafehy tsara sy fametrahana ambaratongam-pahefana ihany. Nampiana-desona lehibe ahy ireto vahoaka Thai avy amin'ny PAD ireto amin'ny fomba handresena amin'ny lafiny politika rehefa manao fitokonambe… Ny manafika no fiarovana tsara indrindra, toy izany koa amin'ny fitokonambe.”

Mankalaza ny fety isantaonan'ny mpifady hena ny fokonolona Shinoa mipetraka any Thailand. Jereo sao mahaliana anao ireto sary manaraka ireto.

Noho ny fidangan’ny vidin-tsolika, maro ireo firenena avy any Azia Atsimo-Atsinanana no nanamafy ny ezaka ho fitrandràhana loharanon’angovo hafa ho fanolo. Eny fa na dia ireo firenena mpamokatra solitany toa an’i Malezia, Indonezia sy Brunei aza dia samy mampiasa vola hitrandraka angovo azo avaozina avokoa.

Tena andrandraina sy ilaina ny fampiasàna angovo fanolo. Niteraka hetsi-panoherana goavana tany Malezia sy Indonezia ireo fisondrotan’ny vidin-tsolika vao haingana teo Mitàna toerana lehibe eo amin’ny hamafin’ny olana ara-toekarena any amin’iny faritra iny, izay efa tandindonin’ny fiakaran’ny vidin-tsakafo sahady, ny fidangan’ny vidin’ny solika.

Miova ny fomba fiainana satria efa tonga saina amin’ny olana mikasika ny solika ny rehetra. I Tree Maple dia milaza fa hisy vondrona goavana mandàla ny tontolo iainana hijoro ao Singapour ato ho ato. Hampiasa betsaka ny loharanon’angovo azo avaozina izy io. i Tumelor kosa dia mamaritra ny tetikasan’ny fari-piadidian’i Bangkok hampiasa ny angovo azo amin’ny rivotra mba hamatsiana ny fanazavàna ireo vàla iraisan’ny daholobe (parcs publics).

Ny mpamokatra goavana indrindra thailandey amin’ireo zavatra fanjifa, Saha Group, dia nandroso drafitra iray ho fanalàna iray isan-jato amin’ny fanjifany solika amin’ity taona ity, amin’ny alàlan’ny fampiasana angovo azo amin’ny masoandro. Ho an’ny Rambling Librarian kosa indray, manantena izy fa indray andro any ny angovo azo amin’ny masoandro (sy ireo vatoaratra arifomba) dia hanome azy ny herinaratra ilainy amin’ny fitaovana fampiàsany ao an-tokantrano.

Ao amin’ny blaogin’i Asiabiofuels , voamarika fa any Indonezia, ireo orinasam-panjakana manana toeram-pambolena midadasika dia nanàngana vondrona mba hanorina ozinina famokarana biodiesel (solika ara-biolojika). Nefa toa miha-mitonbo ny fanoherana ny fampiasàna ny biocarburants manerana ny tany, ny mpitoraka blaogy The Poisoned dia manohana azy ireo. Fa i Orangutan Outreach kosa dia miampanga ny famokarana menaka voanio ao Indonezia, izay miteraka fifandirana anatiny, fifindran-toeran’ny olona manjary lasa tsy manan-kialofana, sy ny maty.

Manana toerana goavana aty amin’ny faritra ny géothermie, indrindra fa any Philippines sy Indonezia. Fanadihadiana iray no manazava fa “ireo firenena roa ireo dia tafiditra ao anatin’ny “ faribolan’ny afon’ ny ” Pacifique, faritra iparitahan’ny volkano etsy sy eroa ary toeram-pitrandrahana goavana indrindra maneran-tany amin’ny resaka géothermie (angovo azo amin’ny hafanan’ny tany ary ve ity?????).”

Mampitandrina antsika ihany anefa i The Asia Tomorrow mikasika ny sàkana mety hosedrain’ny fivoaran’ity géothermie ity :

Sàkana maro no manelingelina ireo tetikasa goavana maro amin’ny faritra hafa. Fandavàhana marobe no tsy maintsy apetraka mba hitrandrahana araka izay tratra ny fanambanin’ny tany ka hanatràrana ny rano mafàna (mivaivay) sy ny entona mafàna ilaina amin’ny fanodinana ireo turbine hamokarana angovon’aratra. Andanin’izany, ny fahazoana-dàlana takiana hahafàhana manangana ireny tetikasa ireny dia efa manataraiky azy. Ireo volkano tsy mbola levona dia manana tahan’asidra avo tokoa, izay mitarika fahalovan’ny fitaovana fitaterana ilaina mba hampiasàna ny géothermie.

Nanamarika kosa anefa ny mpanoratra ity hafatra ity fa ny tambin’ny fitrandrahana ny géothermie dia mora lavitra :

Na dia lafo aza ny fandavàhana sy ny fanangànana loharanon’angovo (générateur) raha ampitahaina amin’ireo fomba hafa entina mamokatra angovo, tsy raisina amin’izany ny fotoana fitiliana, dia ny fikarakarana sy ny fanodinana foibe géothermique iray no mora kokoa. Mila manisa fito na valo taona any ho any manomboka any amin’ny tetikasa géothermique ka hatrany amin’ny tena fanodinana azy. Ny sàndan’ny fanaovan-dàlana any amin’ny faritra mitoka-monina dia efa isan’ny olana. Ny fananam-pitokisana amin’ny « crédits carbone » dia efa mitondra tsirim-panantenana amin’ny fampiasàm-bola amin’ireny tetikasa ireny, ary mety hahafàhana sahady mamatsy amin’ny ampahany ny vola ho enti-miainga.

I Thaïlande, Vietnama ary Indonezia dia samy misaintsaina ny hampiasa angovo nokleary. Misy fiaraha-miasam-paritra iray momba ny olan’ny fahazoana antoka nokleary (sûreté nucléaire) noraisin’ireo firenena ireo tsy ela akory izay, miaraka amin’i Shina, Korea atsino ary Japana. Nefa kosa i nomad4ever dia mitsipaka ny hanangànana foibe nokleary any Indonezia :

Mba hanohànany ny firoboroboan’ny toekareny, i Indonezia dia maminavina ny hanangana foibe nokleary miisa efatra hatramin’ny taona 2025. Ambara fa ny fanangànana foibe nokleary dia hanàla ny fiankinan-dohan’ny firenena amin’ny angovo azo avy amin’ny fossiles toy ny solika na ny arintany, nefa hahafahàna mamokatra mora foana ny herinaratra ilaina. Fa mitranga ny fanontaniana : nahoana no any amin’ny faritra be volkano sy lasibatry ny horohorontany, tratry ny safo-drano sy ny tsunamis no atsangana ireo foibe nokleary? Tsy nisy safidy hafa mihitsy ve ? Ny géothermie angamba dia safidy iray azo nizorana ary miaro ny tontolo iainana, izay afaka manampy an’i Indonezia hamaly ny filany ara-angovo tsy mitsaha-mitombo sy manatsara ny fijerin’ny hafa azy manoloana ny fiakaran’ny hafanan’ny tany, ivelan’ireo teny nandritry ny fihaonam-be tany Bali.

I Bellamy Budiman koa dia manohitra ny fanangànana foibe nokleary, ary manindraindra ny fampiasàna ny angovo entin’ny rivotra ho solon’izany:

Raha tena miasa loha marina momba ny olana ara-angovo ny governemanta, dia tokony mba hanao dingana kely izy mba hampivoàrana ny angovo azo avaozina. Raisintsika ho ohatra ny angovo azo amin’ny rivotra. Manana rivotra betsaka isika eto amin’ny tanintsika. Raha mba manao ezaka mametraka ireny milina mpanome herinaratra avy amin’ny rivotra ireny isaky ny tanàna ny governemanta, dia mino aho fa hisy ampahany amin’ny olana amin’ny famatsiana herinaratra ho foana.
Tena hadalàna ny eritreritra hanangana foibe nokleary eto amin’ny firenena. Satria na dia ny olana tsotra ateraky ny fako sy ny fifamoivoizana aza tsy mbola hay ny mamaha azy, tsy hitako hoe inona no antony hanangànana foibe nokleary. Toa efa azoko an-tsaina sahady ny Tchernobyl amin’ny endrika vaovao, Hiroshima sy Nagasaki. Tsy mampiasa baomba, mazava ho azy. Tsy misy ilàna an’izany akory, satria dia hipoaka ho azy amin’ny tenany eo ilay izy. Na ny firenena vaventy aza efa miala amin’ny nokleary.

Ny Blog of Bobby, ao Brunei, dia mandroso tolo-kevitra :

Vahaolana iray azo irosoana ny fampiasana ny haitao hita anatin’ireny boky mitantara nofinofy ireny (l'utilisation de technologies de romans de science–fiction), izay mbola amin’ny sehatry ny fikarohana, nefa kosa tsy mbola tonga amin’ny fotoana azo amarotana azy (qui sont l'objet de recherches, mais ne sont pas commercialement viables). Isan'ny tena safidko amin’izy ireny ny fusion (fanakambanana) , ny Cold fusion (fanakambanana amin’ny fomba mangatsiaka???), sy ny zero point energy (???). Ny fanakambànana ara-nokleary no tena mpirotsaka antsehatra goavana indrindra, nefa sady mamokatra angovo betsaka izy ny mitroka ihany koa.

I Sarawak Headhunter dia manoratra, mikasika indrindra ny entona voajanahary:

Sarawak dia mahita angovo fanolo goavana azo aroso : ny entona voajanahary. Araka ny Sampan-draharaha momba ny fampandrosoana any Bintulu, dia manana tahirin’entona manodidina ny dimy alina milliards metatra toratelo eo ny firenena rehefa atambatra.

I mogLie's recycled ramblings dia misiisika mafy ny amin’ny maha-zava-dehibe ny fitsitsiana angovo :

Angamba dieny ankehitriny izao dia efa tokony ho haintsika fa tsy angovo azo avaozina akory ny solika, ary raha tsy vitantsika ny mitsitsy angovo, dia ho voafandrika ihany isika. Tsy hoe dia efa saro-tahotra diso tafahoatra aho fa tokony mba hanova fomba fisaina isika ary mandinika fa efa tamin’ny andro fahiny izany solika natao fafy kàtrana izany. Efa iadiana izao ny fitrandrahana solika (na entona) tsy dia manao ahoana, ary ny loharanon-tsika amin’ny ho avy dia ho avy any anaty rano lalina any.

Jotman no nanangona sy mitanisa ireo fanambara tamin'ny fomba ofisialy izay nataon'ireo firenena samihafa manoloana ny raharaha any Tibet.

Richard Barrow no manala sarona hoan'ireo mpankafy toerana ahitana Fiaradalamby mandeha amin'ny entona any Bangkok :

If you are a steam enthusiast then you will love this place. In the sheds were five steam trains that looked in good working order. I wandered around taking some pictures.

“Raha mpankafy ireo fiaradalamby mandeha amin'ny entona ianareo dia hankafy koa io toerana io. Fiaradalamby dimy (be izao) izay toa mbola afaka mandeha tsara (daholo) no indray hitako tao amin'ny trano fitehirizana. Niodikondina teo aho naka sary vitsivitsy.”

Bangkok Pundit eto no mamoaka tsikelikely sy mamakafaka ny valim-pifidianana izay vao novitaina teo. Ny PPP (People's Power Party na antokon'ny fahefam-bahoaka), izay noheverin'ny maro fa antoko nipoitra avy amin'ilay antoko nofoanana  Thai Rak Thai no mitana ny laharana voalohany amin'ny fahazoana seza amin'izany.

Preetam Rai

Ny mpiblaogy Pisanu monina any Bali, Indonezia dia mitatitra ao amin'ny blaogy Bisean mikasika ireo tetezana lava indrindra any Azia Atsimo Atsinanana :

« Southeast Asia is home to some of the world’s longest bridges. In our attempt to speed up economic advancements, bridges also narrowed the gaps of cultural differences between our peoples. I dream of a Southeast Asia connected by bridges where I can drive from Burma to the Philippines, from Indonesia to Vietnam. »

« I Azia Atsimo Atsinanana dia ahitana ireo tetezana isan'ny lava indrindra eran-tany. Tamin'ny fiezahantsika hanafaingana ny fandroson'ny toekarena, ireo tetezana dia nampifandray ireo kolo-tsain'ny firenentsika nisarantsaraka taloha. Nofiko indray andro any ny hamakivaky an'ny Azia Atsimo Atsinanana izay norohin'ny tetezana manontolo, ahafahako mandeha fiarakodia avy any Myanmar ka hatrany Filipina, avy any Indonezia ka hatrany Vietnama. »

Preetam Rai

Manoratra momba ilay fiaramanidina nianjera tao amin'ny seranan'i Phuket androany tolakandro ny mpitoraka blaogin'i Thailand. Phuket dia toerana fizahantany be olona tokoa ary tian'ny mpizahatany na avy any ivelany na avy ao an-toerana amin'ny moron-dranomasiny. Tonga avy any Bangkok ity zotra OG269, izay tantanan'ny budget airline, ity ary nitondra mpandeha Thai sy vahiny. Ny vaovao farany dia nilaza fa nisy hatramin'ny 88 ireo namoy ny ainy.

Toa izao no nanoratan'i The Lost Boy izay avy ao Phuket azy tao amin'ny about the cause of the crash.

At about 3.45 pm, the pilot attempted to land the plane but got into difficulties due to strong winds. The plane began to loose control and the pilot tried to take off again.

Already out of control and travelling with insufficient speed to lift the plane off the ground, the aircraft skidded off the runway, crashed into walls and trees and broke in two.

Teo amin'ny tamin'ny 4 ora latsaka fahefany tolakandro dia nanandrana nampidina ilay fiaramanidina ny mpanamory saingy tojo olana noho ny rivotra nifofo mafy loatra. Tsy tafatombina araka ny tokony ho izy nefa izany ka niezaka niakatra indray ilay mpanamory.

Koa satria efa tsy voafehy tsara intsony ary tsy ampy koa ny hafainganam-pandeha ilaina hampiainga ny milina dia nibolisatra nivoaka ny seranana ilay fiaramanidina ka nidona tamin'ny hazo sy ny rindrina nanodidina teo ary nizara roa.

Nisy ihany koa lahatsoratra izay nosoratan'i The Lost Boys izay maneho ny toerana nitrangan'ny loza tao amin'ny seranam-piaramanidin'i Phuket

Bangkok Pundit moa dia manavao hatrany ny blaoginy mitantara ny vaovao farany.
Naneho ny fiaraha-miory ho an'ny fianakavian'ny mpandeha sy ny mponin'i Phuket i Lilian:

My heart goes out to the passengers, the families. But also to the hospital staff, police, rescue workers etc have had their more than their share, of injuries and deaths to deal with all after all they went through after the tsunami…

Mahatsiaro manokana ny mpandeha, sy ny fianakaviany aho. Fa indrindra koa ireo mpiara-miasan'ny hopitaly, ny polisy, ny mpamonjy aina sns izay nanao mihoatra izay zakany tokoa ho an'ireo naratra sy namoy ny ainy efa hatramin'izay nisian'ny tsunami…

Namoaka ny lisitry ny laharan'ny azo antsoina moa ny takelaky ny tompon'ny zotra ho an'izay hanadihady bebe kokoa momba ny loza:

Please temporarily contact the following numbers (in addition to 1126) for any inqueires regarding the accident of OG/OX269 at Phuket
085-155-4622
085-911-5092
085-918-3422
02-535-7662
02-504-3227
02-504-3641

Azo antsoina ireto laharana ambany ireto (ankoatry ny 1126) ho an'ireo izay mila fanazavana kokoa momba ny loza nitranga tamin'ny OG/OX269 tao Phuket

085-155-4622
085-911-5092
085-918-3422
02-535-7662
02-504-3227
02-504-3641

(Ny code hiantsoana an'i Thailand dia 66)

Preetam Rai