Namintina ny resaka nifanaovana tamin'iny mponin'i Seragoon ny Minisitry ny raharaham-bahiny ao amin'ny A Writer's Blog:

It was lucky that the dialogue session was already scheduled. Many residents spoke up, some with great passion. As expected, the principal concern was security. The already difficult traffic flow would also be aggravated. It was good that everyone acknowledged the contributions of foreign workers to our economy.

Saingy feon-dakolosy hafa kosa no nanehoan'i Gerald Giam ao amin'ny Singapore Patriot ilay fihaonana. Nosoratany anaty lisitra avokoa ny tsikera tena henjana nataon'ny mponina.

They don't want “half-naked men” hanging around their neighbourhood;
The neighbourhood will become unsafe for old people;
Parents will worry about leaving their young children and aged parents at home when they go to work;
Traffic congestion by lorries ferrying workers;
The estimated 1,400 properties worth over $1 million each would see a drop in asset value.

Notohizan'i Giam ny resaka:

Many of us fear that foreign workers will be a source of social problems. Let's put it this way: If you were earning $500 a month with an extended family of 12 back home depending on you, would you risk your livelihood by committing some silly crime and getting jailed, caned and deported? Foreign workers litter and dirty the place? Who are the ones who clear our rubbish, pick up our litter and sweep our roads?

Maro ny mpamaham-bolongana nomanoratra fa any amin'ny sehatra avoavo kokoa eo amin'ny fifandraisan'ny Singapore amin'ny vahiny no tena itoeran'ny olana. Niteraka adihevitra lehibe (ihany koa) ny lahatsary iray mampiseho ny manodidina ny zaridainan'i Serangoon sy ny sekoly iray tsy misy mampiasa intsony havadika (ho toeram-pandraisana ny vahiny). Esoesoin'ny mpamaham-bolongan-dresaka henoina ao amin'ny mrbrownshow ihany koa ny tahotra “alien” Bengala ao amin'ny mponina.

Ng E-Jay ao amin'ny Sgpolitics.net kosa indray miteny fa tsy resaka fitsarana ivelany mialoha izy ity. Tsikerainy ny goverinemanta ho tsy niomana mialoha tamin'ny fandraisana ireo mpiasa ahiny nantsoina hiasa any amin-dry zareo:

If the Government wants to import a large number of foreign workers to build our casinos and all the mega projects that are supposed to spur our economy on, ample preparations first have to be made to house them properly. That means providing living quarters for foreign workers in locations that would inconvenience local residents the least.

Voalaza ao amin'ny gazety the Straits Times (amin'ny alalan'ny AsiaOne) moa fa miantso ny hamoram-pon'ny mponina voatery hitoetra akaikin'ny mpikarama avy any India, Thailandy ary Bangladesh ny fitondrana. Saingy nolazain'i George Yeo fa efa mieritreritra ny hanangana tanàna mitokana hitelina ny fiavian'ireo mpikarama be dia be ankehitriny ny goverinemanta.

Toherin'i Flying Low — mpamaham-bolongana tsy mitonona anarana, fa milaza ho mpiasam-panjakana -  ity hevitra ity :

Isn’t there some HDB [Housing Development Board] race quota implemented so that there will be no racial enclaves in Singapore? But it is ok to build a foreign worker enclave. Yes, isolate these foreign workers from Singaporeans. This is the obviously best way to encourage “Singaporeans [to] open their hearts to them“.

mr wang dia maneho mazava tsara ny resaka éthique ao anatin’ilay resaka:

“Ny tsindrian’ny éthique dia hoe ny varotra taova dia mety hitondra amin’ny fanararaotana ny mahantra sy hanimba ireo malala-tànana tsy dia mànana ny ampy loatra ara-tsosialy ary tsy manam-pidiny amin'ny fahafantarany an’izany.”

Mitàna ny laharana fahadimy eran-tany amin’ny vokatry ny aretin’ny voa (insuffisance rénale) i Singapour. Raha araka ny famakafakana iray, 3,500 raha kely ny olona tratry ny aretin’ny voa ao ; 600 amin’ireo ny ao anatin’ny lisitra famindrana taova. Nefa tsy maintsy miandry hatramin’ny sivy taona any ry zareo ireo mba hahazo avy amin’ireo mpanolotra aorian’ny fahafatesana.

I Blinkymummy dia mankasitraka ny fankatoavana ny varotra taova:

“Izaho manokana dia resy lahatra fa tsy dia misy antony loatra hanakànana ny varotra taova, raha toa ka tanterahana ao anaty fifanarahana voafaritra mazava tsara ny fifampiraharahana. Nahoana no amelana ho faty olona iray ao anatin’ny lisitry ny famindràna taova satria hoe ny fiankaviany na ny namany dia tsy misy manana voa mifanaraka amin’ny azy?

“Ny ambony indrindra ho an’ny mpividy sy ny mpivarotra, tokony hahafantatra tsara mihitsy ny zavatra mety hiseho ny roa tonta. Ary ny tsara toerana indrindra hitàna ny toeran’ny mpitsara dia ny fanjakàna. Satria izy faran’izay handaitra sy ho tsara amin’ny fanatanterahana antsakany sy andavany izay fepetra ilaina. “

Nefa nanana fomba fijery hafa kosa ny mpamaky iray:

“Tena ho mpitsara marina tokoa ve aloha ny fanjakàna? Eny, raha any amin’ny firenena filamatra. Fa raha mbola tsy misy ny firenena filamatra, tsy mihevitra aho fa hoe ny famelàna ny fanjakana hanao ny asan’ny mpitsara dia tsy hitera-doza.

“Ao anatin’ny fivarotana taova, ny mahantra dia tsy ho afaka velively hanam-bintana higoka fiainan-tsambatra ho azy manokana, fa dia fotsiny hoe afaka nisintona ny ankohonany hiala ao anaty fahantràna. Tsy everiko mihitsy hoe ny fanjakana no ho hanana fahafahana ara-moraly hitànana io toeran’ny mpitsara ny ho làlam-piainana io.”

Nametraka lahatsoratr'i Jennifer Yeo& Madan Mohan i Singapore Law Watch . Resy lahatra ireo mpanoratra fa ahazoana tombony ny varotra taova:

“Ny fanolorana taova, na dia hisy takalony aza, dia mety hahatsaratsara ny fiainan’ny andaniny sy ny ankilany izay samy tsy mahita làlan-kivoahana amin’ny olan’ny fahasalamana na ny fahantrana. Raha toa ny fanjakana – sy ireo tia manampy ny mpiara-belona aminy – tsy afaka manampy ireo mahantra mba hisedra ny olany, tsy tokony mihitsy hanangana sakana hafa indray ho azy ireny.

“Afaka mijoro ho mpitarika i Singapore sady manome ohatra tsara ho fiandohana ho an’ny fikambanam-be iraisam-pirenena mba hankato ny varotra taova. Manana ny fotodrafitrasa rehetra ilaina hanamoràna izany fandraharahàna izany ny Repoblika.

“Hevitra iray ny hametrahana rejisitry ny aretin’ny voa mba hanangonana sy hitiliana ireo mpanolotra sy ny mpila mba hahazoana antoka fa tsy nisy ny faneriterena, na fanararaotana. Fikambanana iray mpanao asa soa na fitantanana tsy miankina no afaka handray an-tanana izany sy ny rehetra manodidina azy toy ny fanekena an-tsitrapo mazava tsara, ny fiarovana ny tsiambaratelon’ny mpanome sy mpanolotra, ny filàna, ny momba ny fandaniana ara-pitsaboana, ny fiantohana, ny fanomezana tamby sy tombontsoa ireo mpanome, ny fianakaviany sy ny hafa aorian’ny famindràna”

Maro tamin’ireo soso-kevitry ny mpanoratra no nanana ny akony teo amin’ireo minisitra ao amin’ny governemanta izay nandefa tsilian-tsofina fa amin’ny hoavy dia hisy fepetra haroso mba hahafahana manao ny varotra taova. Carpe Deim-Seize the day koa dia mino fa:

“ Afaka mijoro ho mpitarika i Singapour amin’ny fandinihana sy fametrahana rafitra afaka miantoka ny varotra taova ka hisian’ny fifandanjàna eo amin’ny filàn’ny isam-batan’olona sy ny sarambabem-bahoaka.”

Saingy manohitra ny varotra taova ny Fikambanana ara-pahasalamana ao Singapour. Kianin’i Angry Doctor io fomba fijery io :

“I Angry Doc dia mahatsapa fa rehefa tompon’antoka amin’ny ara-moraliny manokana ireo mpitsabo, ary amin’ny maha-asa azy, ny éthique-ntsika dia mamela antsika hisafidy ny handray anjara na hisintaka amin’izay mety ho endrika iray fandraisana anjara amin’ny traitement, toy ny maha-mpiaro ny mararintsika, ny anjara andraikitsika rehefa sendra olana ara-pitsaboana dia tokony ho fandraisana anjara mavitrika amin’ny fampianarana sy fanomezam-baovao. Tsy tokony hanandrana handositra andraikitra isika amin’ny fampiasana ny resaka moralin’ny mpitsabo sasany ho fanilihana (fialàna bala). “

Ireo mpitoraka blaogy avy amin’ny finoana Katolika dia mitsipaka ny varotra taova. A quiet moment dia nizara santionana vinavina avy amin’ny katolika :

“Ny taova iray nomena dia mety hanavotra aina iray nefa iza no handoa be? Mety ho voatampi-maso ny olona iray, voatery, voatsindry, naharay fandraviravizana na koa mety mihitsy novonoina mba hahazoana maka ny taovany, ho an’ilay mila izany.

“Mety hahazo ny fanazavana marim-pototra ve ilay marary, ary afaka hahatakatra hoe hanao ahoana ny ho fiainana aorian’ny fandidiana famindràna toy izay hiaina fiainana anaty nenina avy amin’ny rarin-tsaina (depression) sy aretina fahita aorian’ny fandidiana famindràna .”

Tsikerain’i Sze Zeng ny fivarotana izay rehetra mikasika ny aina:

“Ao amin’ny varotra taova, ny famaritana hoe ‘mpanome taova’ dia toa fifanoheran-kevitra iray eo amin’ny sehatry ny varotra tsy misy fifamenoana fa sandaina vola, ary tsy misy hoe mpanome fa tompony fotsiny izao, tsy hita taratra ao anatin’ilay fifandraisana ny fitiavana hanampy ny toa azy fa tena raharaham-barotra tsotra izao fotsiny. Ny mahasarika ho amin’ny fankatoavana ny varotra taova dia fitàran’ny fifampivarotana amin’ny ankapobeny manerana ny sehatra rehetra iainana andavanandro.”

Mampitandrina i Javert's World fa ny dikan’ny varotra taova dia ho “lasa haraton’aina ho an’ny mpanana ary ho fandripahana ny mahantra.” Mpitoraka blaogy iray hafa no manamarika ny varotra taova dia tsy hanafoana ny tsenan’ny voa any amin’ny varo-maizina:

“Hanapa-kevitra hankato ny varotra taova ny governemanta ary hametraka rafitra feno sy manaraka lamina manaraka fomba fiasa lasitra, nefa tsy antoka hanafoana tanteraka ny varo-maizina izany. Sahala amin’ny mbola hisian’ny mpampanjana-bola na feno banky aza manodidina, na ahoana ireny filokana eny anelakelan-trano ireny no mbola miroborobo mifanindran-dàlana amin’ny filokana eken’ny lalàna.”

Nefa i CTW dia manazava fa :

“Ny fanànana fepetra fanaraha-maso maromaro momba ny varotra taova dia ahafahana misoroka ny mpanera tsy hanararaotra ireo lazaina ho mpanome. Tsy te-hilaza aho hoe zavatra tsotra kely izany fa ireo tomponandraikitra ao Singapour no tena fatsora mahay mitady làlan-kidifiana.

Mampitandrina ny amin’ny mety ho fandaniana volavolan-dalàna mikendry ny hanararaotana ireo firenena mahantra mifanolo-bodirindrina amin’i Singapour koa i Anders Brink:

“Rafitra araky ny lalàna manao akory moa ity, izay hananàn’i Singapour lalàna hankatoavana ny fanararaotana ny mponin’ireo firenena mahantra manakaiky azy? Karazana hafatra toy inona no alefantsika ho an’ireo mpifanolo-bodirindrina amintsika? Raha ny foto-dresaka, eo amin’io toerana io i Singapour satria manan-karena izy, raha mahantra kosa ireo eo akaikiny. Raha rehefa manan-karena ianao, dia hiseho amin’ny hafa ho afaka manolotra lalàna fanararaotana (famoretana), mba ahoana no tianao hitondrana anao raha mahantra kosa ianao?

Ao anivon’ny resaka foana i Irana matetika satria izy irery eran-tany no firenena manaiky ny varotra voa (antsoin’ny Iraniana hoe ‘fizaràna taova’).

Fanamarihana iray nentin’ny mpamaky tao amin’ny blaogin’i no maneho mivandravandra teboka iray:

“Heveriko ho zavatra iray lehibe notsinontsinoavina dia ny fiahiana ara-holistique (ny maha iray tsy mivaky ny zavatra iray tsy azo samantsamahana) ireo mpiara-belona amintsika tratry ny aretina mitaiza, ao anatin’izany ny marary tratry ny aretin’ny voa.

“Ireo marary voa manana fahasalamana marefo dia betsaka no avy amin’ny saranga tsy dia mahazo tombontsoa loatra amin’ny resaka sosialy sy toekarena. Amin’ny ankapobeny izy ireny dia manana tosi-drà avo na diabeta, nefa koa tsy afaka hiatrika ny hamafin’ny fikarakarana ara-pahasalamana ilaina mba hisorohana izay fahasarotana mety hitranga. Vokany, haingana sy aloha be ny fahatongavan’izy ireny any amin’ny tsy fahafahan’ny voany miasa ara-dalana intsony, izay ilàna fikarakarana amin’ny alalàn’ny dialyse.

“Ahoana ary no ataontsika hisorohana izany fahavoazana lehibe izany? Tena tsara lavitra ny misoroka noho ny ‘mitsabo', toy ity tranga ity, ny famindrana voa dia tena voafetra, ary indrindra indrindra tsy taka-bidy. Nefa ny fisorohana koa lafo.

“Ny tena tokony ho fanontaniana izany dia hoe, hatraiza no fetra azon’ny governemanta hitondràna fikarakarana ny fahasalamana mora vidy ho an’ireo olona mila izany, nefa tsy afa-manoatra. Raha ny teti-bolam-panjakantsika natokana ho an’ny fahasalamana, tsy dia be loatra izany, raha mitaha amin’ny sehatra hafa toy ny fiarovana”

Raha mila fandalinana misimisy kokoa momba ny varotra taova (na ny fizahantany miharo famindràna) eran-tany, ny OMS dia manana fitaovana ho loharano tsara tokoa.

Tena andrandraina sy ilaina ny fampiasàna angovo fanolo. Niteraka hetsi-panoherana goavana tany Malezia sy Indonezia ireo fisondrotan’ny vidin-tsolika vao haingana teo Mitàna toerana lehibe eo amin’ny hamafin’ny olana ara-toekarena any amin’iny faritra iny, izay efa tandindonin’ny fiakaran’ny vidin-tsakafo sahady, ny fidangan’ny vidin’ny solika.

Miova ny fomba fiainana satria efa tonga saina amin’ny olana mikasika ny solika ny rehetra. I Tree Maple dia milaza fa hisy vondrona goavana mandàla ny tontolo iainana hijoro ao Singapour ato ho ato. Hampiasa betsaka ny loharanon’angovo azo avaozina izy io. i Tumelor kosa dia mamaritra ny tetikasan’ny fari-piadidian’i Bangkok hampiasa ny angovo azo amin’ny rivotra mba hamatsiana ny fanazavàna ireo vàla iraisan’ny daholobe (parcs publics).

Ny mpamokatra goavana indrindra thailandey amin’ireo zavatra fanjifa, Saha Group, dia nandroso drafitra iray ho fanalàna iray isan-jato amin’ny fanjifany solika amin’ity taona ity, amin’ny alàlan’ny fampiasana angovo azo amin’ny masoandro. Ho an’ny Rambling Librarian kosa indray, manantena izy fa indray andro any ny angovo azo amin’ny masoandro (sy ireo vatoaratra arifomba) dia hanome azy ny herinaratra ilainy amin’ny fitaovana fampiàsany ao an-tokantrano.

Ao amin’ny blaogin’i Asiabiofuels , voamarika fa any Indonezia, ireo orinasam-panjakana manana toeram-pambolena midadasika dia nanàngana vondrona mba hanorina ozinina famokarana biodiesel (solika ara-biolojika). Nefa toa miha-mitonbo ny fanoherana ny fampiasàna ny biocarburants manerana ny tany, ny mpitoraka blaogy The Poisoned dia manohana azy ireo. Fa i Orangutan Outreach kosa dia miampanga ny famokarana menaka voanio ao Indonezia, izay miteraka fifandirana anatiny, fifindran-toeran’ny olona manjary lasa tsy manan-kialofana, sy ny maty.

Manana toerana goavana aty amin’ny faritra ny géothermie, indrindra fa any Philippines sy Indonezia. Fanadihadiana iray no manazava fa “ireo firenena roa ireo dia tafiditra ao anatin’ny “ faribolan’ny afon’ ny ” Pacifique, faritra iparitahan’ny volkano etsy sy eroa ary toeram-pitrandrahana goavana indrindra maneran-tany amin’ny resaka géothermie (angovo azo amin’ny hafanan’ny tany ary ve ity?????).”

Mampitandrina antsika ihany anefa i The Asia Tomorrow mikasika ny sàkana mety hosedrain’ny fivoaran’ity géothermie ity :

Sàkana maro no manelingelina ireo tetikasa goavana maro amin’ny faritra hafa. Fandavàhana marobe no tsy maintsy apetraka mba hitrandrahana araka izay tratra ny fanambanin’ny tany ka hanatràrana ny rano mafàna (mivaivay) sy ny entona mafàna ilaina amin’ny fanodinana ireo turbine hamokarana angovon’aratra. Andanin’izany, ny fahazoana-dàlana takiana hahafàhana manangana ireny tetikasa ireny dia efa manataraiky azy. Ireo volkano tsy mbola levona dia manana tahan’asidra avo tokoa, izay mitarika fahalovan’ny fitaovana fitaterana ilaina mba hampiasàna ny géothermie.

Nanamarika kosa anefa ny mpanoratra ity hafatra ity fa ny tambin’ny fitrandrahana ny géothermie dia mora lavitra :

Na dia lafo aza ny fandavàhana sy ny fanangànana loharanon’angovo (générateur) raha ampitahaina amin’ireo fomba hafa entina mamokatra angovo, tsy raisina amin’izany ny fotoana fitiliana, dia ny fikarakarana sy ny fanodinana foibe géothermique iray no mora kokoa. Mila manisa fito na valo taona any ho any manomboka any amin’ny tetikasa géothermique ka hatrany amin’ny tena fanodinana azy. Ny sàndan’ny fanaovan-dàlana any amin’ny faritra mitoka-monina dia efa isan’ny olana. Ny fananam-pitokisana amin’ny « crédits carbone » dia efa mitondra tsirim-panantenana amin’ny fampiasàm-bola amin’ireny tetikasa ireny, ary mety hahafàhana sahady mamatsy amin’ny ampahany ny vola ho enti-miainga.

I Thaïlande, Vietnama ary Indonezia dia samy misaintsaina ny hampiasa angovo nokleary. Misy fiaraha-miasam-paritra iray momba ny olan’ny fahazoana antoka nokleary (sûreté nucléaire) noraisin’ireo firenena ireo tsy ela akory izay, miaraka amin’i Shina, Korea atsino ary Japana. Nefa kosa i nomad4ever dia mitsipaka ny hanangànana foibe nokleary any Indonezia :

Mba hanohànany ny firoboroboan’ny toekareny, i Indonezia dia maminavina ny hanangana foibe nokleary miisa efatra hatramin’ny taona 2025. Ambara fa ny fanangànana foibe nokleary dia hanàla ny fiankinan-dohan’ny firenena amin’ny angovo azo avy amin’ny fossiles toy ny solika na ny arintany, nefa hahafahàna mamokatra mora foana ny herinaratra ilaina. Fa mitranga ny fanontaniana : nahoana no any amin’ny faritra be volkano sy lasibatry ny horohorontany, tratry ny safo-drano sy ny tsunamis no atsangana ireo foibe nokleary? Tsy nisy safidy hafa mihitsy ve ? Ny géothermie angamba dia safidy iray azo nizorana ary miaro ny tontolo iainana, izay afaka manampy an’i Indonezia hamaly ny filany ara-angovo tsy mitsaha-mitombo sy manatsara ny fijerin’ny hafa azy manoloana ny fiakaran’ny hafanan’ny tany, ivelan’ireo teny nandritry ny fihaonam-be tany Bali.

I Bellamy Budiman koa dia manohitra ny fanangànana foibe nokleary, ary manindraindra ny fampiasàna ny angovo entin’ny rivotra ho solon’izany:

Raha tena miasa loha marina momba ny olana ara-angovo ny governemanta, dia tokony mba hanao dingana kely izy mba hampivoàrana ny angovo azo avaozina. Raisintsika ho ohatra ny angovo azo amin’ny rivotra. Manana rivotra betsaka isika eto amin’ny tanintsika. Raha mba manao ezaka mametraka ireny milina mpanome herinaratra avy amin’ny rivotra ireny isaky ny tanàna ny governemanta, dia mino aho fa hisy ampahany amin’ny olana amin’ny famatsiana herinaratra ho foana.
Tena hadalàna ny eritreritra hanangana foibe nokleary eto amin’ny firenena. Satria na dia ny olana tsotra ateraky ny fako sy ny fifamoivoizana aza tsy mbola hay ny mamaha azy, tsy hitako hoe inona no antony hanangànana foibe nokleary. Toa efa azoko an-tsaina sahady ny Tchernobyl amin’ny endrika vaovao, Hiroshima sy Nagasaki. Tsy mampiasa baomba, mazava ho azy. Tsy misy ilàna an’izany akory, satria dia hipoaka ho azy amin’ny tenany eo ilay izy. Na ny firenena vaventy aza efa miala amin’ny nokleary.

Ny Blog of Bobby, ao Brunei, dia mandroso tolo-kevitra :

Vahaolana iray azo irosoana ny fampiasana ny haitao hita anatin’ireny boky mitantara nofinofy ireny (l'utilisation de technologies de romans de science–fiction), izay mbola amin’ny sehatry ny fikarohana, nefa kosa tsy mbola tonga amin’ny fotoana azo amarotana azy (qui sont l'objet de recherches, mais ne sont pas commercialement viables). Isan'ny tena safidko amin’izy ireny ny fusion (fanakambanana) , ny Cold fusion (fanakambanana amin’ny fomba mangatsiaka???), sy ny zero point energy (???). Ny fanakambànana ara-nokleary no tena mpirotsaka antsehatra goavana indrindra, nefa sady mamokatra angovo betsaka izy ny mitroka ihany koa.

I Sarawak Headhunter dia manoratra, mikasika indrindra ny entona voajanahary:

Sarawak dia mahita angovo fanolo goavana azo aroso : ny entona voajanahary. Araka ny Sampan-draharaha momba ny fampandrosoana any Bintulu, dia manana tahirin’entona manodidina ny dimy alina milliards metatra toratelo eo ny firenena rehefa atambatra.

I mogLie's recycled ramblings dia misiisika mafy ny amin’ny maha-zava-dehibe ny fitsitsiana angovo :

Angamba dieny ankehitriny izao dia efa tokony ho haintsika fa tsy angovo azo avaozina akory ny solika, ary raha tsy vitantsika ny mitsitsy angovo, dia ho voafandrika ihany isika. Tsy hoe dia efa saro-tahotra diso tafahoatra aho fa tokony mba hanova fomba fisaina isika ary mandinika fa efa tamin’ny andro fahiny izany solika natao fafy kàtrana izany. Efa iadiana izao ny fitrandrahana solika (na entona) tsy dia manao ahoana, ary ny loharanon-tsika amin’ny ho avy dia ho avy any anaty rano lalina any.

Amazing how this common misconception is so prevalent, even at the USA government level.

“Mahazendana ny fihanaky ity hevi-diso ity, eny hatramin'ny sehatry ny gôvernemanta Amerikana akory aza.”

« Southeast Asia is home to some of the world’s longest bridges. In our attempt to speed up economic advancements, bridges also narrowed the gaps of cultural differences between our peoples. I dream of a Southeast Asia connected by bridges where I can drive from Burma to the Philippines, from Indonesia to Vietnam. »

« I Azia Atsimo Atsinanana dia ahitana ireo tetezana isan'ny lava indrindra eran-tany. Tamin'ny fiezahantsika hanafaingana ny fandroson'ny toekarena, ireo tetezana dia nampifandray ireo kolo-tsain'ny firenentsika nisarantsaraka taloha. Nofiko indray andro any ny hamakivaky an'ny Azia Atsimo Atsinanana izay norohin'ny tetezana manontolo, ahafahako mandeha fiarakodia avy any Myanmar ka hatrany Filipina, avy any Indonezia ka hatrany Vietnama. »

Preetam Rai