Nangataka tamiko ity mpihira Indie vaovao Yuna ity ny anabaviko. Taitra aho raha nahalala fa hay Maley izy io. (Tsy hoe mpanavakavaka ara-pirazanana aho akory) Eny e, tsy azoko lavina fa manana feo miavaka tokoa ikala na dia tsy izy aza no tena manja indrindra eto amin'ny tanàna ary tsy araka izay nieritreretako azy velively. Raha ny hevitro manokana, mila mpihira tahaka azy ny sehatry ny mozika anatiny eto amintsika.

Toy ny areti-mifindra ny hirany ka nahatonga mpitoraka blaogy maro hanapa-kevitra hampiasa azy ho mozika lafika mba handrotsirotsiana ny mpamaky azy ireo. Hoy ny nosoratan'i Boundless Promise:

Fantatrao va re ny hira henonao eto amin'ny blaogiko izao e?.  Deeper Conversation no lohateniny ary sanganasan'i YUNA, Indie iray mpihira. Tena marina mafy e!, manan-talenta izy ary ny hirany rehetra sy ny feony dia samy FATRATRA avokoa!!! Ary dia izy daholo ihany no sady  manoratra no mandrindra azy rehetra. 22 taona izy ary mitafy  tudung ary mihira any Londona ankehitriny.

Mba hisy va re indray andro any fotoana hiresahan'ny olona ny mozikan'i Yuna fotsiny, fa tsy ny sariny e?

Tokony hiandràndra fiovàna ara-politika tampoka amin’ny fitondràna malezianina ve isika? Tsy hoe mandray fotsiny ireo haitaom-bahoaka amin'ny aterineto mba handrisihana ny fandraisan’anjaran'ny olom-pirenena i Najib Razak, mijery ny toerana izay mbola tsy nalehan’ireo nialoha làlana azy koa izy mba hametraka rafitra fanalalahàna araham-pantina, anatin’ny sehatra fitantanam-bola sy ny tolotr'asa tato ho ato. Tonga hatrany amin'ny fanafoanana ny fetra 30% ho an’ny Bumiputra (Foko Malais) ao anatin’ireo sehatra ireo izany mba hisian'ny fifaninanana bebe kokoa. Fotoana izao handalinanan'ny mpamakafaka rehetra ny amin'ity fiovana tsy nisy toa azy ity sady mangetaheta ny mponina te-hahalala hoe htraiza ny fidonan'ny fanovàna nandrasana teo amin'ny teokarena.

Tony Fernandes dia miaiky fa izy ity dia tokony ho fiandohàna mankany aminà fiovàna goavana:

Ny fanafoanana ireo fepetra takian'ny NEP¹ ao amin'ireo seha-pihariana madinika 27 dia fanombohana iray goavana. […] Saingy manantena indriindra indrindra aho mba ho ny fitambaramben’ny toekarem-pirenena manontolo no hasiam-panavaozana. […] Faniriako raha i Datuk Seri Najib no ho lasa Margaret Thatcher vaovao. Amin'izao fotoana, be loatra ireo zo azo, ireo fifandroritan'ny tombontsoa sy ny vesatra ara-taratasy mamono ny famoronana, mampivalaketraka ny fikarohana sy tsy dia mandrisika loatra ireo mpandraharaha hanorina sy hampivoatra orinasa.

M. Bakri Musa dia manolotra tsoa-kevitra mitovitovy amin'izay, hoe fanombohana fotsiny iny fa tsy vahaolana feno, toy izao no fijeriny:

Mba hahazoan’i Najib vaha-olana tsara sy feno, mila mijery ny olana madinidinika sarotra noho izay nahatonga ny fametrahana fetra [fatra] […]. Avoatra ireo dia ho afaka hanalalaka, tsy ny seha-pihariana madinika monja ihany fa ny toekarena manontolo rehetra i Najib, raha tsy ny endri-piainana maleziana rehetra mihitsy aza. Amin'izay, tena tsy ho lavitra ny nofinofiny “1Malaysia” izy.

Chua Soi Lek dia miaiky fa hetsika mampandroso izy ity ary ny Foko Malays dia tsy tokony hieritreritra fa hoe voatohintohina ny zon'izy ireo:

Mino aho fa hisintona fampiasam-bola bebe kokoa sy hisarika ireo matihanina sy ny haitao vaovao ho tonga eto amin'ny firenena ny fanavaozana, ary antenaina fa ho hery manosika ny sehatry ny tolotr'asa izy ity. […] Voarakitra ao anaty lalampanorenana ny zo fototry ny Bumiputra.Tsy misy na iza na iza afaka hanàla izany. Amin'izay, ny fanavaozana ny NEP dia tsy tokony horaisin'ireo Bumiputra ho toy ny fametraham-panontaniana momba ny zo manokana azy ireo, satria efa miraikitra ao anaty lalampanorenana izany.

Malaysia-Finance dia milaza ilay fanovana ho tena mendri-piderana tokoa ary hisarika mpampiasa vola vahiny mivantana (FDI) ho ao anatin'ireo seha-piharian'ny tolotr'asa:

Na dia tsy mbola hitan’ny firenena mivantana aza ireo tombontsoa, ny fitambatambaran'ireo laza tsara dia efa antoka sahady ho aminà tontolom-pihariana azon'ny fifaninanana ivelarana ao Malezia hisarihana ireo fampiasam-bola avy any ivelany. […] Tena ilaina ny fiovàna raha ny fahitàna hoe ho tonga hatramin'ny 60% fara faha-keliny ny fiankinantsika amin’ireo seha-pihariana ireo, izay hampihena ny fiankinantsika amin’ny fanondranana ireo kojakoja elektronika sy ireo akora fototra.

Nefa, ny hevitra hoe ny fanavaozana dia hitondra fiovàna goavana amin’ireo politika efa misy dia tsy iraisan'ny maro. Mihevitra i Tony Pua fa tsy misy na inona na inona afa-tsy ny filazana ofisialy ny amin’ireo politika efa mipetraka ary miahiahy ny amin'izay lazaina fa hoe fiantraikany:

Ny (Depiote)-Minisitrin’ny Varotra Iraisam-pirenena sy ny Indostria (MITI), Datuk Mukhriz Mahathir, niteny ampahi-bemaso fa resaka fotsiny izany fanavaozana izany, tsy ampiana tsy analàna. […] Mukhriz dia tsy hoe nanambara fotsiny ny fikasany hiaro sy hanapariaka ny Pôlitika Ara-toekarena Vaovao (N.P.E), fa niteny koa izy fa ireo fepetra fanalalahana natao vao haingana, nambaran’i Najib, dia fepetra noraisina hifandrindran-daàlana amin'ny zavatra efa misy ao amin’ireo indostrian'ny tolotr'asa. […] Ireny rehetra ireny izany dia fampandriana adrisa fotsiny. Raha ny tena marina, ireo sehatra ireo efa afaka tamin’ireo gejan'ny fmaritana ny fari-panànana. Araka izany, ireo nambaran’i Najib dia tsy hisy fiatraikany loatra amin’ny asa ataon'ny indostria, na tena tsy hisy mihitsy.

Straight Talk dia nanamafy izay fomba fijery izay miaraka amin'ity filazany ity:

Efa niteny aho fa ny sasany amin’ireo fanehoan-kevitra tany am-piandohana no diso nentin'ny fo loatra sy nandeha ho azy. Maro tamin’ireo sehatra ireo no efa nisokatra, talohan’ny fanalalahana. Raiso ho ohatra ny informatika sy ireo tolotr'asa miaraka aminy, ity sampan'asa ity dia tena efa nalalaka tamin'ny ny nametrahana ny MSC². […] Nefa toy ny mahazatra, antoko pôlitika vitsivitsy, manam-pahaizana sy tompona petra-bola vitsivitsy no midera sy manasohaso ny fanavaozana nataon'ny Praiminisitra.

Raha ny haavon’ny fijery miiba sy ny fijery ankapobeny no zohiana dia be no mbola tokony hatao, mbola mila fotoana be i Najib mba hanaporofoany fa izy tokoa ny lehilahin’ny fanavaozana.

Tamin’ny fampisehoana farany teo (Southeast Asia: Newsmakers of 2008)” no nanoratako ny momba ireo zava-nitranga manandanja lehibe indrindra izay niseho tao Asia atsimo-atsinanana. Amin’ity lahatsoratra ity kosa no hanasongadianako tantara hafa nahatonga fifandirana. Tanjona hafa ny hanangonana sy hanasokajiana ny lahatsora-mpifandraisana mipetraka eo an-kavanan’ny Global Voices, izay mikasika ny faritra

Andao ary isika hiresaka momba ireo lohateny nifandirana: Fitaovam-pananahana. Tafiditra tao anatin’ny korotana ara-pitondra-tena ny mpanao politika Malezianina: mpanao politika iray nanao firaisana tao an-trano fandraisam-bahiny no voaray tao anaty horonan-tsary; ary ministry ny cabinetra teo aloha no voapanga nanolana vehivavy iray.

Nanoratra momba ny olana amin’ny fanampiasana ny fivaviana sy ny vehivavy entina hampisongadinana ny dokam-barotra eo amin’ny Televizionina ny mpanoratra Tharum an’ny GV avy ao Cambodia. Nangataka ny fialan-tsiny avy amin'ny BBC ny mpanao lalana Filipianina iray mikasika ny fandaharana tora-kehy(fampihomehezana) izay nampiseho vehivavy mpiasa an-trano filipianina “ho toy ny fitaovana fampimehezana ara-pitondratena.” Hita ihany koa tao Filipina fa tratra nivanitika tao an-tranom-padidiana ireo dokotera nandritra ny fotoana nanesorana ilay tavoahangin-dranomanitra tafiditra tao anatin’ny vodin'ilay marary (fitombenana).

Nisy ihany koa ny olana ara-panambadiana. Namaritra tsikera momba ny filazana ny fihenam-bidim-bodiondry (vidin’ny vehivay ho vadiana)ny lahatsoratra nivoaka tao Singaporo. Najanon’I Cambodia ny fanamboarana ny taratasim-pisoratam-panambadian'ireo olom-pireneny amin'ny vahiny mba hampihenana ny fanodikodinan’olona mety hitranga

Nanome lalana ny mpanolotsaim-pirenenana Fatwa an’I Malaysia izay milaza fa ny endrika ivelan'ny taranja yoga dia ekena fa ny singa ara-panahy entiny kosa no rarana. Nanao fiantsina fihetsiketsehana ao indonezia momba ny “hafatra entina manohitra ny silamo.” ny horonantsarin’ny Geert Wilders, Fitna

Mikasika ny fampandrosoana ny renivohitra dia mihevitra ny mpitoraka blaogy fa betsaka loatra ny toera-pilokana (casino) ao an-drenivohitry Cambodia. Mibosesika ny mpivarotra an-dalambe mamboka eny amin’ny lalam-ben’I Hanoi. Miresaka ny fanoheran’ireo tompon-trano Singaporo ny mba hananganan’izy ireo trano fatorian'ny mpiasa vahiny ny mpanoratra GV Angshah.

Nanoratra momba ny korontana vokatr’ireo boky fanomezana very tao amin’ny faritanin’ny Filipina I Karlo, mpanoratr’I GV. Milaza ankarihary ny lalana vaovao sy ny hetra-tsigaran’I Singaporo ny resaka sasany tao anatin’ny Blogosphere. Nisy fifanoherana hafa ihany koa ny momba ireo tolo-kevitra mety ahazahoan-dalana ara-panjakana izay mahakasika ny fivarotana taova eo amin’ny firenena.

Niaina tao anaty tahotra I Singaporo rehefa vakin'ny mpampihoroho iray ny fonja avo lenta. Nahatsiaro ny taloha I Indonezia rehefa nananteraka ny famonoana ireo mpandatsaka baomban'ny Bali. Nandritra io fotoan io izay tamin’ity taona ity no nitondrana tatitra tao Myanmar ireo baomba niparitaka

Faharavan'ny sambo mpitatitra no voalaza fa nisy tao Filipina. Mihoatra ny 700 ny olona maty rehefa niondrana an-dranomasina ny sambo iray tao Filipina afovoany tamin’ny volana Jona farany teo. Mpifindra monina Myanmar maro dia maro no novonoina tao anaty fiara rehefa niditra antsokosoko tao Thailand atsimo izy ireo ny volana Aprily teo. Mponina mihoatra ny 3000 no tsy nanan-kialofana noho hain-trano tao Yangon sy tao Mandalay ny volana Febroary lasa teo.

lelafo tao amin’ny tsena YadanarPon an’ny Mandalay tao Myanmar. Sary avy tamin’ny blaogin'i Aung Chan Lin.

Mahagaga

Niresaka ny toe-javatra ahatahorana (fianianana) eo amin’ny foko Penan ny mpanoratra mahain’I GV Daniel. Nofinganiny tsy hitohy ihany koa ny finoanonam-poana mikasika ny ala mikitrok'i Malaysia. Nanoratra koa izy momba ny Pontianak mampatahotra.

Lasa malaza eran’izao tontolo izao ny trano fidiovan'ny pelaka (sarim-bavy tena izy) Thailand. Niatrika ny rotsa-panala voalohany teo amin’ny tantara ihany koa I Thailand. Tanteraka antsakany sy andavany ny Bangkok Freeze sy Singapore Freeze

Miditra ao anatin’ny sehatra politika ny maha-izy azy ny ranty ao Indonezia. Noho ny fahalafosan’ny menaka dia lasa malaza indray ny menaka buffaloes ao amin’ny sahan’ny Laos sy Thailand.

Misy programan’asa manampy amin'ny fampianarana ny ankizy amoron-dalan'i Laos ho tonga mpahandro sakafo ao Vietnam . Araka ny fantatra, dia niditra an-dalana ao amin’ny vohitry Vietnam ny “mpandroba, feather-boa bicycle”

video ny Singapore freeze

Ady eo amin’ny Gazety sy ny governemanta

Voatatitra teny amin’ny faritra ireo toe-javatra maro mikasika ny fandikana ny fahafahan’ny mpanao Gazety. Voalazan’ I Caroline mpanoratry GV ny mikasika ny fisamborana ireo mpanao gazety roa tao Vietnam, ny helon’izy ireo tamin’izany dia ny fampisehoana ireo risoriso misy eo amin’ny masoivohon’ny governemanta. Ohatra iray hafa: nofohanan’ny fitondra-panjakana ny tatitra voatokan’ny mpahay toe-karena.

Vaovao etsy sy eroa:nofihinina tao Cambodia ny taratasin’ny The Burma Daily. Tsy mbola mijanona ny fampitahorana ireo mpanao Gazety ao Cambodia. Voahosoka i Irrawaddy, tranok’alan’ny gazety lehibe sady mahaleo tena.

Misedra fandoavan-ketra hosoka ny mpihetsika toraka blaogy Vietnamianina. Nosamborina ny mpitoraka Singaporo mpanohitra. betsaka ny tranok'ala notapahan’I Indonezia.

Gazetim-pirenena

Lasa mpanao politika ny mpitoraka blaogy teratany Malaysian; lasa mpanao blaogy koa ny mpanao politika Malaysian. Efa nomena fampitandremana ny mety ho fikasana hamorona rotaka monohitra ny politika maloton’ny Malaysia ny mpitoraka blaogy. Niteny ny govenemanta fa tiany ny hinamanana amin'ny mpitoraka blaogy noho ny herin’ny toraka blaogy misy.

Nanohana ny andro fankalazana ny hetsika blaogy 2008 hiadiana amin’ny fahantrana ny mpitoraka blaogy Filipianina. Nitory teny tao amin'ny YouTube ny eveka Katolika tao Filipina. Nanangana blaogy ny vondron’ny mpifindra monina filipianiana mba hanerena ny govenemanta hanadihady ny antony nahafaty ny mpiasa Filipianina iray. Miraika amin’ny fandefasana hafatra anapitrisa mankany amin’ny Aung San Suu Kyi ao Myanmar ny programan’asan-gazety mpandray anjara The Twitter Suu, “mba ampahafantarana azy fa manana fanohanana maneran’izao tontolo izao izy”. Nitoraka blaogy ny tsy fankasitrahana manohitra ny orinasa mpanjifa Malaysianina ny be antitra teratany iray.

Ny fitorahana blaogy ao Vietnam dia fantatra fa fitaovana matanjaka ahafahana milaza hevitra. Mpitoraka blaogy Cambodianina no nankasitrahana ho mpahay raha eo amin'ny vaovaom-pirenena. Tao Myanmar, nisy mpanao gazety zokiolona nitsikera ny fihetsik'ireo mpitoraka blaogy maro. Mpitoraka blaogy Australian iray no lasa nalaza/nitodra ady hevitra tao Filipina rehefa nampiseho ireo hetsika mahamoafadin’ilay namany, mpanan-karena tao Manila.

Voninahitra no omena ireto mpikaraka ny fotoana ireto: Sabah Bloggers Gathering 2008, Mindanao Bloggers Summit, Twitter Saigon, Philippine Blog Awards, Pesta Blogger, BarCamp Malaysia, BarCamp Cambodia, Wordcamp Philippines.

Ho an’ireo mpanoratra rehetra, ekipan’ny Southeast Asia ny Global Voices, Arabaina ny tsirairay tratra ny taona vaovao!

Matin'ny fijanonan'ny fo iray volana lasa izay ny mpanao gazety sady mpikatroka Syukree Hussain avy ao Malezia. 28 taona izy izao lasa izao. Niatrika mandrakariva ny fihetsiketsehana aseho amin'ny alalan'ny famelomana labozia fanao isan-kerinandro any Malezia i Syukree. Mahafantatra azy avokoa ny rehetra noho ny fanaovany sarontava. Nanaitra ny namany mpamaham-bolonfana sy mpitolona izao fahafatesany tampoka izao.

Nihaona tamin'i Syukree nandritra ny fihetsiketsehana fanao isan-kerinandro ho fanoherana ny lalàna momba ny fiarovana anatiny any Malezia i Anilnetto :

“Tsy dia mahalala zavatra maro momba azy manokana aho, misarontava matetika manko i Syukree. Eny, sarontava fanao amin'ny Halloween ireny. Nifantoka tany aminy ny fifantohan'ny maro tamin'ny alahady farany noho ny maha-hafahafa azy. Mivezivezy manodidina sy mifangaro anaty vahoaka izy ary manao ny fihetsika mampihomehy nefa mamoaka ny ao ampony. Kisendrasendra, raha mbola niteny i Zorro dia nipetraka teo anila ankavanan'i Zorro nikabary izy. Tamin'io fotoana io no nampahafantaran'i Zorro voalohany sy farany indrisy an'i Syukree tamin'ny vahoaka.”

Nampahatsiahy an'i Syukree i Estrelita :

“Hatokana hoan'i Syukree Hussain ny fijoroana (mitandabozia) halina. Hisy ny hanararaotra hilazalaza zavatra fohy aminy. Hafahafa ilay vavolombelon'ny fahatsapana ho very namana. Tsy fantatro izy. Fa tsy hoe tokony ho fantatro koa. Ny hany zavatra henoko nolazaina tamiko dia hoe “special” izy. Nijoro teo amin'izay inoany izy ary niaina araka ny fomba nokarohiny hiainana. Tsy maro amintsika no hahasahy hanao izany - 100% - fa farafaharatsiny amin'ny fomba hanaovan'i Syukree azy! Amin'iny lafiny iny, tsy nandainga tamin'ny tenany i Syukree ary tsy malahelo loatra aho raha maty tanora izy. Niaina tamin'ny fiainana manontolo izy ary  tsy nisy very ny fiainany isan–segondra nandritra ny faha-28 taona niainany! Hotsarovana izy. Namela marika teto amin'ity tany ity ny tenany.”

Nanomana ny  fihetsiketsehana hoe “Nono fa tsy baomba” tany Kuala Lumpur i Syukree. ireto avy ny bolongany: Seruan Keadilanon, sy Kuala Terengganu Untuk Pakatan Rakyat. Jereo ihany koa ny takelaka Flickr sy ny mombamomba azy ao amin'ny Facebook.

Ao ao amin'ny bolongan'i  zorro-unmasked

Malay Mail mankalaza an'i Syukree ho olona nanam-pahasahiana:

“Ny tena mahavariana ahy, amin'ny mpisoratra anarana rehetra, dia tena niainany tanteraka ny fiainana “surrealiste”(tafahoatra ny zavamisy) ninoany. Maro ireo hafa niteny fa finoan'izy ireo ihany koa izany, saingy i Syukree no “sahisahy” kokoa amin'ny fomba tsy mahazatra nitondrany azy ireo.”

Ricecooker mahatsiaro koa an'i Syukree:

“Mahafantatra avokoa an'i Syukree ho ilay bandy tsy misaraka amin'ny solosaina findainy avokoa isika, ary raha manam-potoana izy dia miserasera avy hatrany, manao izay rehetra tiany atao, ary anisan'izany ny fanehoan-keviny any amin'ny takelaky ny hafa, mahafinaritra avokoa fa maro ireo voalaza ho manelingelina sy maharomotra.

“Fa efa voadaroka ihany koa tapabolana lasa izay i Syukree. mahatsiaro ilay zava-nitranga nahasosotra tany Teratak Dangdut gig taona maro lasa izay avokoa izahay rehetra, raha nivalandrano nifananatrika tamin'ny vondron'ny hardôsy (hardcore) niandry ny fanombohan'ny fampisehoana ireo! Efa voakomondry tao amin'ny Bau-Bau Cafe koa izy indray maka.”

Mino i E Contrario fa manana fiainana marevaka sy mamokatra i Syukree :

“Nitolona niatrika fanamby eo amin'ny lalamben'ny vanim-potoana iainantsika maro ny zatovolahy. Tsapako fa niezaka ny hampifandrindra zavatra mifanohitra amin'ny fiainana izy. Asehon'ny asasorany ny adin-tsaina nanjaka teo aminy teoamin'ny adihevitra lehibe tahaka ny fivavahana, politika, filozofia, sns. Feno sahan'adintsaina ny lohany.

“Niaina tao amin'ny fiainana maroloko sy namokatra i Sukyree — ary azo itokiana marimarina tokoa fa namela tsiaro lehibe teo amin'ny namany izy. Nanetsi-po antsika ihany koa ny fahoriany sy ny adin-tsainy. Ny kiakany mangina mahatonga antsika hijery izay ao am-pon'ny taranaka miady saina. Mampahatsiahy zavatra ihany koa ny fahalasanany: hay mora vaky ihany koa ny fiainan' (ny tanora) mailaka sy kinga.”

Andramo jerena ity rakikira an-tsarin'i Syukree ao amin'i Youtube ity:

Mong Palatino

Ampangaina noho ny fanendrikendrehana famonoana olona ilay mpamaham-bolongana Malaysiana malaza Raja Petra Kamarudin. I Benstakes no mampahafantatra antsika ny fifandraisan'io fiampangana io amin'ny “fanendrikendrehan'ny ” mpamaham-bolongana ny vadin'ny Praiminisitra ho tafiditra tamin'ny famonoana ilay mpilatro Môngôla.

Noho ny fidangan’ny vidin-tsolika, maro ireo firenena avy any Azia Atsimo-Atsinanana no nanamafy ny ezaka ho fitrandràhana loharanon’angovo hafa ho fanolo. Eny fa na dia ireo firenena mpamokatra solitany toa an’i Malezia, Indonezia sy Brunei aza dia samy mampiasa vola hitrandraka angovo azo avaozina avokoa.

Tena andrandraina sy ilaina ny fampiasàna angovo fanolo. Niteraka hetsi-panoherana goavana tany Malezia sy Indonezia ireo fisondrotan’ny vidin-tsolika vao haingana teo Mitàna toerana lehibe eo amin’ny hamafin’ny olana ara-toekarena any amin’iny faritra iny, izay efa tandindonin’ny fiakaran’ny vidin-tsakafo sahady, ny fidangan’ny vidin’ny solika.

Miova ny fomba fiainana satria efa tonga saina amin’ny olana mikasika ny solika ny rehetra. I Tree Maple dia milaza fa hisy vondrona goavana mandàla ny tontolo iainana hijoro ao Singapour ato ho ato. Hampiasa betsaka ny loharanon’angovo azo avaozina izy io. i Tumelor kosa dia mamaritra ny tetikasan’ny fari-piadidian’i Bangkok hampiasa ny angovo azo amin’ny rivotra mba hamatsiana ny fanazavàna ireo vàla iraisan’ny daholobe (parcs publics).

Ny mpamokatra goavana indrindra thailandey amin’ireo zavatra fanjifa, Saha Group, dia nandroso drafitra iray ho fanalàna iray isan-jato amin’ny fanjifany solika amin’ity taona ity, amin’ny alàlan’ny fampiasana angovo azo amin’ny masoandro. Ho an’ny Rambling Librarian kosa indray, manantena izy fa indray andro any ny angovo azo amin’ny masoandro (sy ireo vatoaratra arifomba) dia hanome azy ny herinaratra ilainy amin’ny fitaovana fampiàsany ao an-tokantrano.

Ao amin’ny blaogin’i Asiabiofuels , voamarika fa any Indonezia, ireo orinasam-panjakana manana toeram-pambolena midadasika dia nanàngana vondrona mba hanorina ozinina famokarana biodiesel (solika ara-biolojika). Nefa toa miha-mitonbo ny fanoherana ny fampiasàna ny biocarburants manerana ny tany, ny mpitoraka blaogy The Poisoned dia manohana azy ireo. Fa i Orangutan Outreach kosa dia miampanga ny famokarana menaka voanio ao Indonezia, izay miteraka fifandirana anatiny, fifindran-toeran’ny olona manjary lasa tsy manan-kialofana, sy ny maty.

Manana toerana goavana aty amin’ny faritra ny géothermie, indrindra fa any Philippines sy Indonezia. Fanadihadiana iray no manazava fa “ireo firenena roa ireo dia tafiditra ao anatin’ny “ faribolan’ny afon’ ny ” Pacifique, faritra iparitahan’ny volkano etsy sy eroa ary toeram-pitrandrahana goavana indrindra maneran-tany amin’ny resaka géothermie (angovo azo amin’ny hafanan’ny tany ary ve ity?????).”

Mampitandrina antsika ihany anefa i The Asia Tomorrow mikasika ny sàkana mety hosedrain’ny fivoaran’ity géothermie ity :

Sàkana maro no manelingelina ireo tetikasa goavana maro amin’ny faritra hafa. Fandavàhana marobe no tsy maintsy apetraka mba hitrandrahana araka izay tratra ny fanambanin’ny tany ka hanatràrana ny rano mafàna (mivaivay) sy ny entona mafàna ilaina amin’ny fanodinana ireo turbine hamokarana angovon’aratra. Andanin’izany, ny fahazoana-dàlana takiana hahafàhana manangana ireny tetikasa ireny dia efa manataraiky azy. Ireo volkano tsy mbola levona dia manana tahan’asidra avo tokoa, izay mitarika fahalovan’ny fitaovana fitaterana ilaina mba hampiasàna ny géothermie.

Nanamarika kosa anefa ny mpanoratra ity hafatra ity fa ny tambin’ny fitrandrahana ny géothermie dia mora lavitra :

Na dia lafo aza ny fandavàhana sy ny fanangànana loharanon’angovo (générateur) raha ampitahaina amin’ireo fomba hafa entina mamokatra angovo, tsy raisina amin’izany ny fotoana fitiliana, dia ny fikarakarana sy ny fanodinana foibe géothermique iray no mora kokoa. Mila manisa fito na valo taona any ho any manomboka any amin’ny tetikasa géothermique ka hatrany amin’ny tena fanodinana azy. Ny sàndan’ny fanaovan-dàlana any amin’ny faritra mitoka-monina dia efa isan’ny olana. Ny fananam-pitokisana amin’ny « crédits carbone » dia efa mitondra tsirim-panantenana amin’ny fampiasàm-bola amin’ireny tetikasa ireny, ary mety hahafàhana sahady mamatsy amin’ny ampahany ny vola ho enti-miainga.

I Thaïlande, Vietnama ary Indonezia dia samy misaintsaina ny hampiasa angovo nokleary. Misy fiaraha-miasam-paritra iray momba ny olan’ny fahazoana antoka nokleary (sûreté nucléaire) noraisin’ireo firenena ireo tsy ela akory izay, miaraka amin’i Shina, Korea atsino ary Japana. Nefa kosa i nomad4ever dia mitsipaka ny hanangànana foibe nokleary any Indonezia :

Mba hanohànany ny firoboroboan’ny toekareny, i Indonezia dia maminavina ny hanangana foibe nokleary miisa efatra hatramin’ny taona 2025. Ambara fa ny fanangànana foibe nokleary dia hanàla ny fiankinan-dohan’ny firenena amin’ny angovo azo avy amin’ny fossiles toy ny solika na ny arintany, nefa hahafahàna mamokatra mora foana ny herinaratra ilaina. Fa mitranga ny fanontaniana : nahoana no any amin’ny faritra be volkano sy lasibatry ny horohorontany, tratry ny safo-drano sy ny tsunamis no atsangana ireo foibe nokleary? Tsy nisy safidy hafa mihitsy ve ? Ny géothermie angamba dia safidy iray azo nizorana ary miaro ny tontolo iainana, izay afaka manampy an’i Indonezia hamaly ny filany ara-angovo tsy mitsaha-mitombo sy manatsara ny fijerin’ny hafa azy manoloana ny fiakaran’ny hafanan’ny tany, ivelan’ireo teny nandritry ny fihaonam-be tany Bali.

I Bellamy Budiman koa dia manohitra ny fanangànana foibe nokleary, ary manindraindra ny fampiasàna ny angovo entin’ny rivotra ho solon’izany:

Raha tena miasa loha marina momba ny olana ara-angovo ny governemanta, dia tokony mba hanao dingana kely izy mba hampivoàrana ny angovo azo avaozina. Raisintsika ho ohatra ny angovo azo amin’ny rivotra. Manana rivotra betsaka isika eto amin’ny tanintsika. Raha mba manao ezaka mametraka ireny milina mpanome herinaratra avy amin’ny rivotra ireny isaky ny tanàna ny governemanta, dia mino aho fa hisy ampahany amin’ny olana amin’ny famatsiana herinaratra ho foana.
Tena hadalàna ny eritreritra hanangana foibe nokleary eto amin’ny firenena. Satria na dia ny olana tsotra ateraky ny fako sy ny fifamoivoizana aza tsy mbola hay ny mamaha azy, tsy hitako hoe inona no antony hanangànana foibe nokleary. Toa efa azoko an-tsaina sahady ny Tchernobyl amin’ny endrika vaovao, Hiroshima sy Nagasaki. Tsy mampiasa baomba, mazava ho azy. Tsy misy ilàna an’izany akory, satria dia hipoaka ho azy amin’ny tenany eo ilay izy. Na ny firenena vaventy aza efa miala amin’ny nokleary.

Ny Blog of Bobby, ao Brunei, dia mandroso tolo-kevitra :

Vahaolana iray azo irosoana ny fampiasana ny haitao hita anatin’ireny boky mitantara nofinofy ireny (l'utilisation de technologies de romans de science–fiction), izay mbola amin’ny sehatry ny fikarohana, nefa kosa tsy mbola tonga amin’ny fotoana azo amarotana azy (qui sont l'objet de recherches, mais ne sont pas commercialement viables). Isan'ny tena safidko amin’izy ireny ny fusion (fanakambanana) , ny Cold fusion (fanakambanana amin’ny fomba mangatsiaka???), sy ny zero point energy (???). Ny fanakambànana ara-nokleary no tena mpirotsaka antsehatra goavana indrindra, nefa sady mamokatra angovo betsaka izy ny mitroka ihany koa.

I Sarawak Headhunter dia manoratra, mikasika indrindra ny entona voajanahary:

Sarawak dia mahita angovo fanolo goavana azo aroso : ny entona voajanahary. Araka ny Sampan-draharaha momba ny fampandrosoana any Bintulu, dia manana tahirin’entona manodidina ny dimy alina milliards metatra toratelo eo ny firenena rehefa atambatra.

I mogLie's recycled ramblings dia misiisika mafy ny amin’ny maha-zava-dehibe ny fitsitsiana angovo :

Angamba dieny ankehitriny izao dia efa tokony ho haintsika fa tsy angovo azo avaozina akory ny solika, ary raha tsy vitantsika ny mitsitsy angovo, dia ho voafandrika ihany isika. Tsy hoe dia efa saro-tahotra diso tafahoatra aho fa tokony mba hanova fomba fisaina isika ary mandinika fa efa tamin’ny andro fahiny izany solika natao fafy kàtrana izany. Efa iadiana izao ny fitrandrahana solika (na entona) tsy dia manao ahoana, ary ny loharanon-tsika amin’ny ho avy dia ho avy any anaty rano lalina any.