Global Voices teny Malagasy » Hong Kong (China)

Shina: Mpianatra ao Beijing manohitra ny hanao famerenana mitabe

Jentilisa — Tue, 22 Sep 2009 07:29:33 +0000

MpanoratraAndy Yee · Nandika Jentilisa · vakio ato ny lahatsoratra nadika

Satria moa efa mihamanakaiky ny 1 Oktobra hankalazana ny faha-60 taonan'ny Repoblika entim-bahoakan'i Shina, dia netsehina hanao mitabe ho amin'izany fotoan-dehibe izany ny mpianatra avy amin'ny lisea sy ny Anjerimanontolo mihoatra ny iray hetsy ao Beijing. Misy ny mpianatra tsy faly loatra satria tsy maintsy manao mitabe avokoa ny mpianatra rehetra.

Notaterin'ny gazety Apple Daily, avy ao Hong Kong, tamin'ny 18 Septambra 2009 fa misy ny mpianatra sasantsasany no leo noho ny tsy maintsy hanaovana famerenana hatrany ity mitabe ity efa hatramin'ny vakansin'ny fahavaratra [ilabolantany avaratra] teo. Satria moa manelingelina ny fotoam-pianaran'ny mpianatra taorian'ny fidiran'ny taom-pianarana vaovao dia nisy ireo nanao hetsika fanoherana ny fandaminana tsy mitombina loatra ity:

有北京大學生不滿當局的安排，在網上發起罷練行動的同時，公然焚燒訓練服抵制演練。事件引起當局極度緊張，除封鎖消息外，還派人嚴控大專院校及嚴懲涉事學生。

Misy ny mpianatra amin'ny anjerimanontolo ao Beijing no tsy faly amin'ny fitondrana. Natombony tamin'ny alalan'ny fanentanana hitokona tsy hanao famerenana an-tserasera izany aloha. Nisy aza moa ny nandoro ampahibemaso ny akanjony fanaovany mitabe. Tsy nataon'ny fitondrana ho kivazivazy mihitsy izany fihetsiky ny mpianatra izany. Ankoatra ny nanakanana ny fitateram-baovao tsy hivoaka dia nalefa ny solontena hanaramaso sy hanafay ny mpianatra nanao izany fihetsika izany.

Koa satria moa voarara ny miady hevitra sy ny mitatitra ireny hetsi-panoherana ireny any amin'ny Tanibe ao Shina, dia any ampitan-dranomasina sy any Hong Kong no mandeha ny resaka.

Toy izao no hita ao amin'ny dinika ao amin'ny vavahadin-tserasera ho an'ny Shinoa Kanadiana:

waves 2009-09-18 12:30: 學生真可憐，思想被奴化，肉體也被奴役，怪不得那麼多人爭破頭也要出國留學。

Hoy i Waves : Mahantra loatra ny mpianatra. Tsy ara-tsaina intsony ny fanandevozana fa ara-batana ihany koa. Tsy isalasalana raha maro ny te-hianatra ampitandranomasina.

食量就是力量 2009-09-18 16:25: 就不明白, 為什麼不低調點, 悄悄過了就算了, 現在花了那麼多錢, 勞了那麼多民, 簡直就是壹場煙火, 看過了就算。

Hoy i 食量就是力量 : Tsy azoko hoe fa maninona raha somary kobokobonina kokoa ny fankalazana. Be loatra ny fandaniana sy ny fanelingelenana ny olo-tsotra. Nefa ho ana afomanga fotsiny izany rehetra izany, ho an'ny fahafinaretan'ny maso.

Ao amin'ny One-forum any Hong Kong:

qingqing 2009-09-18 03:22: 讀大學了，還可以任由校外的“上級指示”的，到底是不是大學生呢？讀大學了，還要被迫去玩這樣的小兒科遊戲，不是侮辱了你作為大學生的尊嚴嗎？這樣也不敢抗議，杯葛，到時不合作演出，故意破壞演出，故意出錯，你們還是大學生嗎？

Hoy i Qingqing: Raha mankatò tsy afa-mampiasa ny sainy ny baikon'ny mpitondra ny mpianatra, moa ve tena mpianatry ny Anjerimanontolo tokoa izany? Raha terena handray anjara amin'ity karazana kisangisangy ity ny mpianatra amin'ny Anjerimanontolo, moa tsy fanivaivana azy ireny ve izany ? Raha tsy manohitra, mitokona, na tsy mety miara-mientana na minia manao fahadisoana ry zareo dia tsy mendrika ny atao hoe mpianatry ny Anjerimanontolo.

Any amin'ny dinika hafa avy ao Hong Kong, Civilian Gunner:

louisli 2009-09-18 10:57: 係唔係要練到同北韓睇齊？

Manontany i Louisli: Fa te-haka tahaka ny Koreana Tavaratra angaha isika?

seamoncheng 2009-09-18 19:33: 大陸到而家都重係死要面…成班官都係無腦架..係到勞民傷財

Miteny i Seamoncheng: Mbola manjaka any amin'ny tanibe ny [fisehosehoana ivelany] hita maso… Adala ny mpitondra… mampandany vola sy hery olo-tsotra

Andy 2009-09-18 19:38: 佢地先有腦, 搞埋呢D面子工程, 攞正牌搵銀

Manebaka i Andy: Tena mahay mihitsy ny mpitondra fanjakana ka… ny karazana hetsika tahaka itony ange no tena fanararaotra hampidiram-bola be e!

[Saripika notsongoina tao amin'ny Apple Daily]

Andy Yee

Sina sy Hong Kong: sary amin'ny T-shirt ho fahatsiarovana ny hetsika 4 Jona.

koloina — Sat, 30 May 2009 14:02:51 +0000

MpanoratraOiwan Lam · Nandika koloina · vakio ato ny lahatsoratra nadika

Isan-taona, mialoha ny fahatsiarovana ny 4 Jona( Kianjan'i Tianamen , 1989), no tian'ny mponina ao Hong Kong hanaovana fihetsiketsehana hitadiavana ny rariny. Amin’ity taona ity dia ny andron’ny 31 May no anaovana ny fihaonambe ho fahatsiarovana ny faha-20 taonan’izany. Ankoatra izany dia hisy ny fitondrana labozia amin'ny alin’ny 4 Jona izay hiarahan’ny vahoaka mientana ho fahatsiarovana ireo izay namoy ny ainy ho an’ny demokrasia. Araka ny mahazatra dia ny mpikarakarara, antsoina hoe Hong Kong Alliance in Support of Patriotic Democratic Movement in China(Ny firaisan’ny Hong Kong manohana ny hetsika fitiavan-tanindrazana ara-demokratika ao Sina), no miangaly ny hakanton'ny T-shirt ho an’ity hetsika ity; amin’ity taona ity, dia misy ny fiovana hafakely satria efa niangaly ny endri-tsary tiany hatao amin'ny T-shirt ny mpiserasera ary misy ny mizara ny vitany amin’ny alalan’ny aterineto: toy ny Foncept. Hita eto ambany ny sombiny amin’ireo haikanton'ny T-shirt entina hahatsiarovana ny 4 Jona nataon'ny mpiserasera:

I Kar Chum no namorona ny famantarana (logo):

Mampiseho ny Lapa Tianamen ny sary eo amin’ny tapany ambony misy ny soratra 1989. Milaza ny fotoana sy ny toerana nisian'ny hotakotaka. I Tiananmen kosa araka ny soratra anankiroa mijadona etsy ambany, dia milaza ny tarehi-marika “enina”, ny tapany ambany dia milaza ny tarehi-marika “efatra”, ary izy ireo mitambatra kosa no manome an-tsary ny endri-tsoratra Sinoa fahagola “冏”. Eo amin’ny aterineto ankehitrio, ny endri-tsoratra “冏” dia midika hoe fanajàna, tsiahy sy alahelo, fa ny dikany tany am-piandohana izay hita mifanohitra amin’izany kosa anefa dia midika hoe”fahazavàna”. Milaza hafatra ity sary ity fa “na dia tsy nahomby aza ny zava-nitranga tamin’ny 4 Jona, dia nanjary ho famantarana ho an’ny tanora vao misandratra izy io mba handrosoana amin’ny ho avy ao anaty fahazavana sy ara-demokratika hatrany. Manan-danja lehibe ho amin’ny fampandrosoana ny demokrasian’I Sina ity hetsika ity.

Ireo endri-tsoratra Sinoa efatra dia midika hoe: “valifaty” sy “manombotomboka hatramin'ny fahafatesana”, hoy ny mpahay kanto egg sandwich:

八九民運六四事件當中最為無情的最為觸目的應該是一部一部的坦克車轆死中國人。

Nandritra ny hetsika ho amin'ny demokrasia 1989 sy izay nitranga tamin'ny 4 Jona, ny sary nahatsiravina indrindra dia ny nanosihosen'ny fiara mifono vy ny vahoaka Sinoa.

Ity iray ity indray izay namboarin’ny Tai Creative Design, dia mampitambatra ny soratra hoe “4 Jona” miaraka amin’ny teny hoe “Fandriampahalemana”.

Etsy ankilany dia maneho endri-tsoratra mivadika “4 Jona” I Egg ho mariky ny “fampiononana”.

Ampiasain’I Zi Sun ny soritsoritra famantarana ny “Andriamani-bavin'ny Demokrasia” , izay niarahan'ny mpianatra zavakanto tao Beijing namorona, tamin’ny taona 1989.

Samy ampiasain’I Joel sy Z!NG avokoa ny sary manohina ny fo arahana famantarana izay mampiseho ny olona iray ao Beijing miezaka manakana fiara mifono vy an-tanam-polo tsy hiditra ny Kianja Tiananmen

Ny mpahay Sary antsoina hoe Vicky dia manazava fa voasoritry ny sary ny hoe “mpianatra”, “boky mena”, “fahafatesana” ary ny “4 Jona”.

Hong Kong: Donald Tsang, aza fady matesa!

Jentilisa — Mon, 18 May 2009 12:45:41 +0000

MpanoratraOiwan Lam · Nandika Jentilisa · vakio ato ny lahatsoratra nadika

Tezitra tamin'ny fanamarihan'i Donald Tsang Lehiben'ny mpanatanteraka niresaka momba ilay indray 4 jona nandritra ny kabary nataony teo anoloan'ny Mpanao lalàna tamin'ny herinandro (13 mey) ny olona. Hoy ny navaliny raha nanontaniana ny heviny manokana mikasika ny hetsika fitakiana nataon'ny mpianatra tamin'ny 4 jona izy:

I understand Hong Kong people’s feelings about June 4, but the incident happened many years ago. The country’s development in many areas has since achieved tremendous results and brought economic prosperity to Hong Kong. I believe Hong Kong people will make an objective assessment of the nation’s development.

Azoko ny fahatsapan'ny mponin'i Hong Kong raha ny 4 jona no resahina, saingy toe-javatra efa nitranga taona maro lasa anie iny e! Efa nahitam-bokatra goavana ankehitriny sy nitondra ho any amin'ny fampivoarana ny toe-karen'i Hong Kong ny fampandrosoana ny firenena any amin'ny faritra (sehatra) maro. Mino aho fa hahay hijery ny fandrosoan'ny firenena ny vahoakan'i Hong Kong

Avy eo dia nambarany fa mahasolo ny hevitry ny olona amin'ny ankapobeny izany fomba fijeriny izany, ary io no tena niteraka ny tsikera fa tsy nofidian'ny vahoakan'i Hong Kong izy. Nandika (ho amin'ny teny anglisy) ny valin'ny fitsapan-kevitra avy ao amin'ny HKU ny vohikala ESWN ary dia navoakan'ny 58%n'ny fanehoan-kevitra fa diso ny fitondrana shinoa tamin'ny famoretana nataony tamin'ny 4 jona, na izany aza dia matoky ny ankamaroan'ny olona fa nisy fivoarana ny fanajana ny zon'olombelona nandritra ny telo taona farany. (ao amin'ny ESWN ny antsipirian'ny tatitra sy ny valin'ny fanatsafana ny hevitry ny olona)

Tahaka ny ahoana moa ny fahatezeran'ny olona tamin'ny fanehoan'i Donald Tsang ny heviny? Mampiharihary ny fihetseham-pon'ny olona izay nahazo mpijery mihoatra ny 30 000 nandritra ny faran'ny herinandro monja ity raki-kira an-tsary mitondra ny lohateny hoe Donald Tsang, Please Die,(Donald Tsang, aza fady matesa) ity:

Donald Tsang, please die
我哋實上街 (translation: we will definitely take on the street to protest)
Donald Tsang, please die
When will you be fired?

Donald Tsang, aza fady matesa
我哋實上街 (dika: tapakevitra izahay hidina an-dalambe)
Donald Tsang, aza fady matesa
Oviana ianao no ho voaroaka?

假設donald今日你俾人斬左隻手
二十年後嗰個人發咗達又做埋特首
你會否因為佢嘅成就
然後叫自己不要追究？

Hevero ry Donald ny tananao nisy nanapaka tarangana
Roapolo taona taty aoriana dia lasa filohan'ny mpanatanteraka ny olona iray
Hitsahatra tsy hitady ny rariny ve ianao noho ny zava-bitany?
Ka izany no hijanonanao tsy hitory hanjakan'ny fahamarinana?

Donald Tsang, please die
我哋實上街 (translation: we will definitely take on the street to protest)
Donald Tsang, please die
We’re all poor guys

Donald Tsang, aza fady matesa
我哋實上街 (dika: tapakevitra izahay hidina an-dalambe)
Donald Tsang, aza fady matesa
fadiranovana avokoa izahay rehetra

董建華雖然做野係渣
但係良心都唔會好似你咁差
你任內最驕人既成就
就係強化市民對民主嘅要求

Tsy dia nahavita azy i Tung Chee Hwa (Lehiben'ny mpanatanteraka teo aloha)
Saingy manam-panahy kokoa noho ianao.
Inona ny vitanao nandritra ny fitondranao
Moa ve ny fanamafisana ny demaokrasia tadiavin'ny olona.

Donald Tsang, please die
When will you die?
Donald Tsang, please die…
When will you be fired?

Donald Tsang, aza fady matesa
Oviana ianao no ho faty
Donald Tsang, aza fady matesa
Oviana ianao no ho voaroaka?

Nosoratan'i Ah P avy amin'ny tarika antsoina hoe “my little airport” ity hira ity.

Oiwan Lam

Hong Kong: Miaro ny fahalalaham-pitenenana

Jentilisa — Wed, 25 Feb 2009 08:22:23 +0000

MpanoratraWinglok Hung · Nandika Jentilisa · vakio ato ny lahatsoratra nadika

Mihoatra ny zato ny mpoina ao Hong Kong no nidina an-dalambe hanambara amin'ny hafa fa mihemotra ny fahalalaham-pitenenana any aminy tamin'ny 22 Febroary 09 lasa teo. Ny Citizens’ Radio no namolavola ny fihetsiketsehana ary notohanan'ny fikambanana mpiaro ny demaokrasia sahala amin'ny Save RTHK Campaign (fanentanana hiarovana ny Radio Televiziona Hong Kong), Hong Kong Human Right Monitors (na mpanentana momba ny zon'olombelona any Hong Kong) ary ny firaisan'antoko demaokratika any Hong Kong.

“Supporting Citizens’ Radio” (Fiarovana na fanohanana ny fampielezam-peon'olom-pirenena) sy “Supporting RTHK” (Fiarovana na fanohanana ny RTHK) moa no tarigetra miverimberin'ny mpanao fihetsiketsehana indrindra. Tsy faly tamin'ny fanivanana ireo nasaina hiresadresaka tao amin'ny Citizens’ Radio ny mpanao fihetsiketsehana ary tratran'izany Atoa Szeto Wah, 78 taona fantadaza ho manohana ny demaokrasia sady efa filoha teo aloha tao amin'ny fikambanana mpanohitra ny Kaominista, Firaisankinan'i Hong Kong manohana ny hetsika demaokratika any Shina. Mahatezitra ny mpitokona ihany koa ny fandavana ny fanovana ny RTHK miankina amin'ny fanjakana amin'ny ampahany betsaka nefa mpitsikera ny governemanta ho fampielezam-peo (sy sary) tsy miankina.

Nihaika moa Atoa Szeto Wah fa tsy matahotra ny handany ny andro sisa iainany any amponja izy hiarovana ny mahafaritra afaka (malalaka) an'i Hong Kong! Nanoratra tao amin'ny bolongany ny iray amin'ny mpikarakara ny lanonana Angel Lee fa :

本身我都很少參與遊行, 今次站出來是因為重視言論自由, 香港這個國際大都會絕對有能力容納到不同發聲的平台, 讓市民可以多個選擇, 這樣香港這美麗之都才得以發展。

Indraindray ihany aho no mba manao fihetsiketsehana. Niditra an-tsehatra kosa aho tamin'ity indray mitoraka ity hiarovana ny fahalalaham-pitenenana . Amin'ny maha-tanàna iraisam-pirenena an'i Hong Kong dia afa-mandray ny hevitra samihafa izy, avelao ny olona hanan-tsafidy sy hahatonga an'i Hong Kong ho vonona ho amin'ny fampandrosoana.

Mpandray anjara hafa XOX vonona hiaro ny fahalalaham-pitenenana any Hong Kong:

Still a bit tired after yesterday march. But it is worth it. The selective persecution in the People Readio so bloody unfair. […].So, freedom! Kind of touched when the uncle Wah (Szeto Wah) said he rather go to jail. I really really don't want him to go to jail, considering his age and everything.

Nandreraka ihany ilay filaharana notontosaina omaly, famila nataoizy iny. Tsy rariny loatra ny fanivanana natao tao amin'ny radiom-bahoaka.[…] Noho izany, ny Fahafahana! Karazan-javatra izay aleon'i Dadatoa Wah (Szeto Wah) aza idirana am-ponja kokoa. Tsy tiako mihitsy aloha ny idirany amponja na dia noho ny taonany sy zavatra hafa aza.

Ho setrin'ny lahatsoratr'i Donald Tsang momba ny Fahotana Fito Mahafaty, dia nahita i pangtszyin fa,

我覺得現在無論是香港新聞透明及自由度,己大不如前了.

Eo amin'ny fomba fijeriko dia nanana dingam-pahalalahana sy fangaraharahana avo ny fampitam-baovao teto Hong Kong saingy efa vasoka izany ankehitriny.

Misy adihevitra vitsivitsy moa ao amin'ny takela-baovaon'ny facebook ary ny lahatsoratra etsy ambany kosa dia mampiseho rindran-kira notontosaina teo ivelan'ny biraon'ny fanjakana foibe taorian'ny fivoriana:

Winglok Hung

Hong Kong: Nihemotra ny volavolandalàna momba ny fifidianana…………. Resak'alika izany!

koloina — Sun, 15 Feb 2009 20:38:16 +0000

MpanoratraOiwan Lam · Nandika koloina · vakio ato ny lahatsoratra nadika

Tao amin’ny fivoriana momba ny filan-kevi-pifidianana miendrika fanontaniana-sy-valiny dia niteny ny filohan’ny mpanatanteraka Donald Tsang fa hahemotra any amin'ny telovolana fahaefatra ny volavolam-pifanaraham-pifidianana amin'ny taona 2012 hiatrehana ny toekarena sy ny fiainana andavanandron'ny olona.

Nahemotra ny fifidianana.

Raha ny tokony ho izy dia tokony natao tamin’ny voalohandohan’ny taona 2009 ny fivorian'ny parlemantera, nanakiana ny fandaharan'i Donald Tsang hanemotra ny fombafomban'ny manjakavahoaka reehtra ao Hong Kong I Ronny TONG Ka-wah. Namaly I Donald Tsang (araka ny feon-gazety ao an-toerana sy ny blaogin'i plastichk

Ka izahay anie…. Na ny tenako dia tsy te hiditra anaty “adi-hevitr’alika”, izay no voalazan’ny mpahay lalana Ronny Tong, tsy namanantena izany velively aho….

Nanjary lasa fifamaliana an-kabary ny “ny resak’alika”

Ny “resak’alika” amin’ny teny Cantonese dia fomba fiteny madio azo asolo ny “taimbava”. Betsaka ny olona nijery vaovao mivantana no sahirana ny hino fa nisy tokoa ve ireo zavatra izay henony sy mahavalalanina azy ireo izany. Tao aoriana kely, tao amin’ny antontan-taratasin’ny governemant nandritra ny fivorian'ny solombavam-bahoaka ny teny hoe“resak'alika” dia nosoloina hoe “adin-kabary”. Nanjary ho ady hevitra mavesatra ao amin’ny aterineto ny fanononana hoe “alika” na hoe “ady”.

Isaorana ny haitaom-pampitam-baovao, Nampiditra horonantsary kely ny mpiserasera iray mba hanaporofoana ny “resak'alika”n’I Donald Tsang, ity ny anankiray natsofoky aimak:

Ekena fa mahamenatra ho an’ny governemanta ny hanova ny “resak'alika” ho lasa hoe “adin-kabary” ao amin’ny antontan-taratasy ofisialy, raha toa ka ny mpanatanteraka no mampiseho tsy fanajana ny mpanao lalàna Ronny Tong, dia etsy andaniny kosa rehefa avy eo ny fanontanian’I Ronny Tong izay mikasika fifandaminan-kevitra dia tena mahery loatra . Fanampin'izany koa ny fanakianana nataon’I Donald Tsang tamin’ny mpanao lalàna vondron'ny mpandala ny demokrasia ara-tsosialy (ligue de la Democratie Sociale) ka nampiasainy teny tsy misy fiheverana sy tsy nisy fanajana (Tazonin’izy ireo ihany ny fomba filaza hoe “akondro” mba hilazana ny politikany), amin’ny lafiny iray dia be ny fampiasany teny mitovitovy, raha tsy hilaza mihoatra izany, izay maniratsira ireo mpanao lalàna hafa.

Manakiana ny foto-kevitra fitan-droa nataon'ny gazety, raha noraisin'ny gazety tao an-toerana roa ny tantaran'ny ‘resak'alika', I Paulymh avy ao amin’ny Immediahk, raha toa ka nijery akaiky ny kiana nataon’ny Donald Tsang momba ny tsy fahaiza-miara-miasa aminy ny ao amin'ny mpanao lalàna LSD ao amin'ny antenimieera.

Lalana fototra faha-79 milaza ny fanipazana ny akondron'ny LSD

Avoitran'i Wong Onyin, manam-pahaizana manokana momba ny lalànan'ny Blaogy , ny paik’adin’ny governemanta, fa ny mamphihatra ny lalana fototra faha-79, andalana faha-7 amin’ny mpanao lalànan'ny LSD ny mpanohana ny fitondrana:

Ny lalana fototra dia miteny fa raha tsy mahay mitondra tena ny mpanao lalàna iray, ka manameloka izany ny ny roa ampahatelon’ny mpikambana ao amin’ny antenimiera, dia mamoaka didy ny filoha manala ny fahefana eo amin’io mpanao lalàna io. Tsy misy anefa ny fanazavana milaza ny fomba entina hanombohana izany, fa kosa araka ny ny fomba fanao izay nisy, dia hoe, raha toa ka efa nahazo fampitandremana in-telo ilay olona dia afaka atomboka avy hatrany ny hetsika manameloka azy.

Efa nampiditra taratasy any amin’ny filohan'ny antenimiera ny Sekretera ambony ao amin’ny fitantanan-draharaha hanoherana ilay fitorahana akondro tamin’ny Oktobra 2008 sy ny teny tsy voahevitra tamin'izany fotoana izany. Efa voarakitra ireo fitarainana roa ireo, koa raha misy ny fitarainana iray fanampiny, dia afaka miangavy ny filohan'ny antenimiera ny governementa mba hampidirana ny fombafombam-panonganana entin’ny mpanao lalànan'ny DAB (antoko mpanohana), manameloka ny mpanao lalàna ay ao amin'ny LSD Wong Yuk Man.

Raha toa ka ny fifanarahana tahaka ny filan-kevitry ny fifidianana no nanjary “resak’alika” eo imason’ny (fitsarana an-tampony), Inona ary izany no ilana ny aomieran'ny fanaovan-dalàna? Eny fa na dia mandravarava aza ny adin’alikan’ireo mpanao lalàna avy ao amin'ny LSD, Mety ho afaka manorina tokoa ve ny adihevitra ao amin'ny vaomieran'ny fanaovan-dalàna raha tsy ao anatin'ny rafitra tsy demokratika?

Oiwan Lam

Sina: Nosakanana an-tserasera ny Lanonan-dohataonan'i Shanzhai

Lila — Fri, 06 Feb 2009 09:21:38 +0000

MpanoratraOiwan Lam · Nandika Lila · vakio ato ny lahatsoratra nadika

Ny alin'ny 25 janoary 2009 dia nijanona tany an-tranony mankafy ny sakafo famaranana miandry ny taona vaovao araka ny fanisanandro manaraka ny volana ny ankamaroan'ny Sinoa any amin'ny tanibe. Mahazatra ny ankamaroan'ny mpianakavy rehefa alina tahaka izao ny mijery ny Lanonan-dohataona alefan'ny fahitalavitra CCTV. Tamin'ity taona ity dia misy ny fandaharana azo isafidianana saingy…

Mpiserasera iray antsoina hoe Lao Meng no nanam-pikasana hikarakara solona lanonan-dohataona an-tserasera nampitondrainy ny anarana hoe “Shanzhai Spring Gala” izay fampisehoana notontosaina tamin'ny volana novambra 2008. (Ny dikan'ny hoe Shanzhai dia trano fototry ny orinasa na tanàna an-tendrombohitra). Nandefa antso fandraisana anjara ho amin'izany izy ary nahazo mpandray anjara 35 be izao. Nokasaina halefa amin'ny internet amin'ny alalan'ny vohikala mpandray lahatsary (video) Tecent sy UUSee, ny fampisehoana , ny alin'ny 25 janoary. Kinanjo tamin'ny fiandohan'ny volana janoary ihany dia namoaka filazana tamin'ny fampahalalam-baovao rehetra ny Biraom-panjakana misahana ny Fampielezam-peo sy ny Fahitalavitra (SARFT) miangavy ny hanajanonana io lanonana atao hoe “Shanzhai Gala” io. Fanampin'izany dia nofoanana noho ny antony tsy fantatra avokoa ny famandrihana rehetra ka nahatery an'i Lao Meng nandrakitra ny fampisehoana ary namadika ilay “lanonana ho an'ny daholobe” ho fivoriana sy fiaraha-mifalin'ny samy mpinamana.

Noraketin'i (enregistrer) Lao Meng sy ny namany avokoa ny fampisehoan-talenta tamin'ny 22 janoary. Saingy tsy tafavoaka mihitsy ny sarimihetsika raha anaovana anaram-pamantarana (tag) hoe “Shanzhai Spring gala”. Na dia tsy notagena aza (nasiana anaram-pamantarana ) ireo rakitsary dia tratra eny antenantenam-pandefasana azy. Ny 2 febroary dia nisy mpanao gazety iray avy ao amin'ny Beijing News nilaza fa tsy nahita na dia rakitsary iray aza izy mikasika ny Lanonana Shanzhai tamin'ireo vohikala 56 fijerena lahatsary malaza indrindra any Sina. Nanamarika i lao Meng fa noraran'ny fanjakana ny fampisehoana noho ny antony tsy fankasitrahana ny Smut.

Iza àry no tompon'andraikitra tamin'ity fandrarana ity ? Gowers no nanondro:

可是，为什么视频网站没播呢？没办法，谁让视频网站有着广电总局、文化部这样的BOSS呢？视听许可证是广电总局发的，那是托关系、找人，费了九牛二虎之力才混到的。所以，广电告诉你“不参与、不炒作‘山寨’”，谁敢播？加上近期文化部等又在搞反低俗，要是因为播个山寨春晚就被弄成了低俗，也不值得。

Nahoana no tsy afaka mampiseho ny lanonana ireo vohikalan-dahatsary ireo ? Indrisy moa fa ny lehiben'izy ireny dia ao amin'ny SARFT sy ny sampan-draharahan'ny kolontsaina ihany. Avy amin'ny SARFT ny fahazoan-dàlana mandefa fandaharana, ary ny tranonkala rehetra dia tsy maintsy mahafantatra olona vao mahazo fahazoan-dalana. Noho izany raha vao miteny amin'izy ireo ny SARFT hoe “aza mandray anjara na manaparitaka” ny Shanzhai, iza no mbola sahy handefa izany ihany ? Fanampin'izany dia vao haingana ny sampan-draharahan'ny kolontsaina no naneho ny tsy fankasitrahany ny Smut, raha toa ka sokajiana ho vohikala tsy manam-pahamendrehana izay mandefa ny lanonana Shanzhai dia hovidiny lafo tokoa izany.

Ny foto-kevitra ijoroan'ity lanonana ity moa ny hoe ” Lanonana Lohataona ho an'ny vahoaka, avy amin'ny vahoaka”, ary ny mpandray anjara dia ireo mpiasa avy any ambanivohitra nifindra monina, mpianatra na ireo tany ampielezana tsy nahatratra ny fivoriam-pianakaviana. Soa ihany fa tsapan'ireo ao amin'ny CCTV sy ny departemantan'ny fampielezan-kevitra fa fanamby ho azy ity.

Ao amin'ny 163.com dia efa mihoatra ny 200 ny fanehoan-kevitra momba ny gala ary ny ankamaroany dia fanakianana ny ampihimamban'ny CCTV. Ireto àry misy santionany vitsivitsy :

这分明是个阴谋，偶年三十搜山寨春晚，有关链接全部连不上
cctv真缺德，没本事真刀真枪的干，只能玩阴的
结果今年的春晚办的果然不负众望，还是那么烂！

Misy firaisana tsikombakomba ao, nitady ny lanonana Shanzhai aho tamin'ny alin'ny faran'ny taona kanefa tsy afaka nidirana avokoa ny fifandraisana rehetra. Tsy rariny ny ataon'ny CCTV, tsy sahy miatrika ny fifaninanana izy kanefa mamingamingana any ambany latabatra. Farany moa dia araka izay efa nantenaina ny fampisehoan'ny CCTV, fitsentsefana !

央视真可怜,一个山寨给吓成这样.

Mampalahelo ny CCTV, mora hozongozonin'ny Shanzhai.

连一个小小的山寨春晚都无法容忍，更何况别的！中国！终国！

Raha ny firenena iray no tsy mankasitraka ny fandaharana amin'ny internet tahaka ny lanonana Shanzhai, dia efa manakaiky ny fiafarany izany firenena izany.

很央视…很中国…..

Tena CCTV, tena Sina

Afaka mijery ny Shanzhai Spring Festival Gala ianao ao amin'ny youtube (saingy sarotra ny manavaka ny tena asan'i Lao Meng satria maro ny mampiasa ny tagy (anaram-pamantarana) Shanzhai mba hitadiavan-daza amin'ny sarimihetsika). Ho an'ny Sinoa any amin'ny tanibe moa dia afaka miditra amin'ny alalan'ny Proxy sy TOR izy ireo. Ity àry misy fampisehoana iray nataon'ny mpianatry ny Oniversiten'i Hong Kong, mampiasa ny Shanzhai ao amin'ny lohateniny :

Misy fampahafantarana bebe kokoa avy amin'ny DANWEI sy hollywoodreporter.

Efa nivoaka tao amin'ny Globalvoices Advocacy nasiana fanovana ity lahatsoratra ity.

Oiwan Lam

Shina: Ny voasakana sy ny tsy voasakana

Jentilisa — Thu, 07 Aug 2008 03:30:31 +0000

· Nandika Jentilisa · vakio ato ny lahatsoratra nadika

Maro ny vohikala, tahaka ny Radio free Asia (radio afaho i Azia), no lasa azo tsidihina mandritra ity lalao olaimpika ity, na izany aza hoy i Liu Xiaoyuan dia mbola maro ny bolongana voasakana tsy ho azo tsidihina hatrany. Nofantenana hovahana fatotra noho ny fanerena politika ireo vohikala azo tsidihina fa ny tena mitoetra dia ny fanakanana ihany. Mbola mikatona manko hatramin'izao ny fampahalalam-baovaon'olom-pirenena tahaka ny inmediahk.net any Hong Kong.

Madagasikara tamin'i Hong Kong:”Avereno ny Emeraodanay”

Jentilisa — Sat, 02 Aug 2008 16:47:51 +0000

· Nandika Jentilisa · vakio ato ny lahatsoratra nadika

Lova Rabary-Rakotondravony no nanazava fa nandefa solontena efatra tany Hong Kong hanao izay hamerenana ny emeraoda lehibe indrindra sy mavesatra indrindra fantatra ankehitriny [ nomena anarana hoe Fanomezan'ny Lanitra] ary aranty ao amin'ny Baoqu Tang Modern Art Gallery any Honk Kong ny fitondrana Malagasy. Takian'ny fitondrana Malagasy ho anisan'ny fananam-pirenena ny vato izay nahazoan'i Chan SicPo izay aritisita alalana ny hampiranty azy sady nilazany rahateo fa tamin'ny fomba ara-dalàna no nahazoany ny vato izay ana orinasa mpitrandraka vato miorina ao la Reunion antsoina hoe Orgaco .

[naoty avy amin'ny mpandika teny: ao amin'ny rohy dia voalaza fa orinasa Firantsay ity Orgaco ity, ka nahatonga ahy hieritreritra hoe sao dia mbola anisan'ny antony nahatonga ny fandroahana ilay masoivoho Firantsay ihany koa ity vato ity? Niaro ny “azy” manko ny fitsarana Firantsay raha izany]

Hong Kong: Mividy vola

Jentilisa — Thu, 17 Jul 2008 04:04:54 +0000

· Nandika Jentilisa · vakio ato ny lahatsoratra nadika

Namoaka vola taratasy hahatsiarovana ny lalao Olaimpika hotontosaina any Beijing ny Bank of China any Hong Kong. Anarivony no nilahatra telo andro mialoha mba hahazoana izany vola taratasy izany ka niteraka savorovoro. Florence avy amin'ny Over the Rainbow (Ambonin'ny Avana) no voatery niresaka ny vaovao ka nilazalaza fa tsy hifanakalozana eny an-tsena io vola io ary taratasy tsotra fotsiny izao vola vidian'ny olona izao.

Hong Kong : Tanànan'ny mpanjono an-tsary

Tomavana — Thu, 15 May 2008 08:11:51 +0000

MpanoratraOiwan Lam · Nandika Tomavana · vakio ato ny lahatsoratra nadika

Tinyau no manapariaka andian-tsarin'ny tanànan'i Tai O, isan'izay “akanga sisa nanamborana” amin'ireo tanànan'ny mpanjono any Hong Kong.