Global Voices teny Malagasy » China

Sina: Ny haintany sy ny tohodranon'i Three Gorges

candy — Thu, 19 Nov 2009 07:07:13 +0000

MpanoratraAndy-yee · Nandika candy · vakio ato ny lahatsoratra nadika

Nanomboka tamin'ny Septambra tamin'ity taona ity, ny tohodranon'i Three Gorges any Sina, ny tobin'herinaratra azo avy amin'ny rano lehibe indrindra eran-tany, dia nanomboka tetikasa famenoana mba hanatrarana ny fetran'ny tahiriny, 175 metatra. Tamin'ny Oktobra, nisy haintany mahery vaika tany amin'ny faritanin'i Hunan sy Jiangxi tamin'ireo faritra antonontonony sy iva miohatra amin'ny renirano Yangtze. Tamin'ny 25 Oktobra, nanambara ny ‘orinasa three Gorges' any Sina fa tsy misy ifandraisany mihitsy ny haintany sy ny tetikasan'ny Three Gorges :

Zheng Shouren, Injeniera mpifehy ao amin'ny komity mitantana ireo Loharanon-dranon'ny renirano Yangtze, dia niteny fa ireo izay manilika ny andraikitra momba ny haintany any Hunan sy Jiangxi samirery amin'ny tetikasa Three Gorges dia mijery mitongilana. “Ny tena niteraka io haintany any Hunan sy Jiangxi io dia ny tsy fahampian'ny rotsak'orana any an-toerana ampian'ny fiakaran'ny maripàna tsy ankiato nanomboka tamin'ny Septambra,” hoy Zheng, izay mpikambana ao amin'ny Akademia Sinoa momba ny Injeniora.

Tamin'iny andro iny ihany, nasondrotra ny taham-pamatsian-drano mba hampalefaka ny haintany amin'ny faritra iva. Ny 28 Oktobra, nitatitra ny CCTV fa nisondrotra bebe kokoa ny famatsian-drano. Niaiky ireo tompon'andraikitra fa tsy ho tratra amin'ity taona ity ny tahiry mirefy 175 metatra nokendrena, nefa nanisika fa tsy misy fifandraisany amin'ny tetikasa Three Gorges mihitsy ny haintany.

Nandray anjara tamin'ny adihevitra i Qian Gang (钱钢), mpanao gazety sinoa fanta-daza. Tanaty lahatsoratra ho an'ny 1bao (壹报) tamin'ny 2 Novambra dia niteny izy fa:

旱灾通常由气候变化引致。今年夏秋，包括广东在内的诸多省份少雨干旱。但长江流域广大地区今次大旱情，却与三峡有关。据报道，三峡水库水位由9月15日的近148米上升到10月24日的170米，截留之水形成前所未有的巨大人工湖。

Matetika ny haintany dia noho ny fiovaovan'ny toetr'andro. Faritany vitsivitsy, isan'izany Guangdong, dia nandalo haintany nandritra ity fahavaratra sy fararano ity. Nefa ny faritra midadasika tratran'ny haintany manodidina ny renirano Yangtze dia noho ny tetikasa Three Gorges. Araka ireo tatitra, niainga tamin'ny 148m ny hahavon'ny tahirin-dranon'ny Three Gorges ny 15 Septambra ka tonga 170m tamin'ny 24 Oktobra. Namorona renirano goavana sy tsy manam-paharoa vitan'olombelona izany.

而与此同时，湖南各条长江支流水位迅速下降，洞庭湖水位降至60年来同期最低值。渔民无鱼可捕，枯水影响航运，长沙等城市食水供应告急。江西境内的4条大河逼近或低于历史同期最低水位。鄱阳湖比正常年份提前40天进入枯水期。

Mandritra izay dia nihena haingana ny haavon'ny rano any amin'ireo loharano any amin'ny faritanin'i Hunan. Nahatratra ny ha-iva ambany indrindra tao anatin'ny 60 taona ny renirano Dongting . Voadona mafy tamin'izany ireo mpanjono sy ny fitaterana an-drenirano. Miatrika tsy fahampian-drano ireo tanàna toa an'i Changsha. Efa saika nahatratra ny ha-iva manan-tantara ireo renirano lehibe efatra any amin'ny faritanin'i Jiangxi. Ritra 40 andro mialoha noho ny mahazatra ny renirano Poyang.

Lasa nitsikera ireo tompon'andraikitra izy:

长江水利委员会的专家把华中干旱的原因归咎于天气，称三峡蓄水是为了抗旱，蓄至高水位，才能在来年苦水季给下游补水。

Manameloka ny toetr'andro ny komity mitantana ireo Loharanon-dranon'ny renirano Yangtze. Niteny ny komity fa mifototra amin'ny tanjona fisorohana ny haintany amin'ny taona ho avy ny tetikasa Three Gorges. Tsy misy afa-tsy ny fitahirizana rano be dia be no vahaolana hamatsiana rano mandritra ny vanim-potoana maina amin'ny herintaona.

这是对公众极不负责的态度，好比一个人先劫掠，再施舍，然后以扶困救难的善士自居。请不要再欺骗老百姓，请解释：明知夏秋之际中国中部、南部少雨干旱，为什么还启动风险如此巨大的三峡蓄水计划？

Tsy fihetsika mpandray andraikitra izany. Toy ny mandroba olona ary avy eo manampy azy indray amin'ny fihantsaram-belatsihy. Azafady, aza mandainga amin'ireo olom-pirenena intsony. Mba hazavao azafady: raha fantatra fa ho vanim-potoanan'ny haintany ny fahavaratra sy fararano ho an'ny Sina afovoany, maninona no mbola manao tetikasa mety hitera-bokatra ratsy goavana ihany?

为什么在今秋急急上马175米高程蓄水？有关部门宣称“将兼顾上、下游需求，正确处理防洪、发电、航运和供水之间的关系”，但一个月来长江中下游航运淤滞、供水告急的事实，证明这完全是一句假话。能源部门这个央企巨无霸，真正追求的东西只有一个——钱。

Fa maninona no nandray fanapahan-kevitra maimaika ny hanatratra ny hahavon'ny tahiry ho 175 metatra? Nanambara ireo tompon'andraikitra fa “handamina ny fifandajana ao amin'ny resaka fisorohana tondra-drano, famokarana herinaratra, fifamoivoizana an-drenirano ary ny famatsian-drano. Nefa nandiso izany fanambaràna izany ny fitohanan'ny fifamoivoizana sy ny haintany tamin'ny volana lasa teo. Ny departemanta miandraikitra ny angovo, orinasam-panjakana goavam-be iray, dia tsy mitady afa-tsy zavatra iray ihany: vola.

Toa manako ao amina hevitra iray ao anatin'ny gazety mpivoaka isanandro ao Hong Kong izany:

區內雨量大幅減少確實是洞庭、鄱陽兩湖乾涸的主要原因。但兩湖水位急降，跟三峽工程也有關係。三峽水庫九月中啟動一百七十五米蓄水計劃後，長江中下游開始水位急降，本來儲存長江來水的洞庭及鄱陽，倒過來向長江輸水。

Tena anton'ny fidinan'ny hahavon'ireo renirano Dongting sy Poyang ny fihenan'ny rotsak'orana. Nefa misy idiran'ny tetikasa Three Gorges koa izany. Nanomboka tamin'ilay fampihàrana ilay tetikasa hitahiry tamin'ny Septambra, nidina haingana be ny hahavon'ny Yangtze amin'ireo faritra iva. Dongting sy Poyang, izay niasa ho toy ny tahirin-drano miditra tany am-boalohany, dia lasa loharanon-drano ho an'i Yangtze.

巨大的三峽水庫本可調節長江水量：雨季時截住洪水…枯水時增加排水量…可惜，這幅理想圖像與現實的利益存在衝突，很難實現，因為三峽工程已成為利益集團的禁臠和生財工具。

Azo ampiasaina handrindràna ny fizotry ny rano ilay tetik'asa goavan'ny Three Gorges: ny fanakanana ny rano mandritra ny fotoan'ny orana ary famatsiana rano rehefa fotoan'ny haintany… Indrisy, tsy ho tanteraka izany sary lafatra izany, satria zara lasa antontan'entan'ireo mahita tombontsoa aminy ilay tetikasa.

[sary : www.1bao.org]

Sina: Ranomandry vita sinoa

candy — Fri, 13 Nov 2009 02:50:46 +0000

MpanoratraMichael Kan · Nandika candy · vakio ato ny lahatsoratra nadika

Tamin'ny Alahady 1 Novambra lasa teo, nahita ny firotsahan'ny ranomandry lasa aloha indrindra tao anatin'ny 22 taona i Beijing. Ny fiovàn'ny toetr'andro tampoka, izay nandrakotra ranomandry ny tanàna manontolo, dia nahazendana mponina maro. Nefa taoriana kely dia nitatitra ny haino aman-jery fa ny birao mpanova toetr'andro ao an-toerana no nanao an'iny fandrotsahana ranomandry iny.

Noho ny haintany iainan'i Beijing no anton'izany filatsahana noterena izany. Ny alina talohan'ny firotsahana ranomandry, nanapoaka ‘iodure d'argent' tany an'habakabaka tany ny governemanta. Niteraka ny fisondrotan'ny habetsahan'ny ranomandry hatramin'ny 16 tapitrisa taonina izany.

“Hoararaotinay ny fotoana rehetra azo hanaovana rotsak'orana artifisialy raha toa i Beijing mbola ampijalian'ny haintany maharitra,” hoy Zhang Qiang, lehiben'ny birao mpanova toetr'andro, tamin'ny haino aman-jerim-panjakana.

Manan-tantara amin'ny fandrotsahana orana artifisialy i Sina, ampiasaina matetika hanakanana ny haintany. Indraindray kosa, mampihena ny rotsak'orana ny birao mpanova toetr'andro mba hampisava ny lanitra, ohatra hoe mandritra ny fetim-pirenena ny Oktobera na ny Lalao Olaimpikan'i Beijing.

Nizarazara ny hevitr'ireo mponin'ny aterineto momba iny ranomandry vitan'olombelona tamin'ny faran'ny herinandro lasa iny. Ny sasany dia nanoratra am-pifaliana ny hatsaràny, toa ilay mpitoraka blaogy, 鱼干儿.

北京的天气，总是这么让人匪夷所思。毫无预兆的就下了场雪，而且还一发不可收拾。听说是人工催下来的，管他呢，我们就爱这样的天气。

Tsy takatry ny saina ny hatsaràn'ny toetr'andron'i Beijing. Tsy nisy fampafantarana fa tonga dia nanomboka nilatsaka ny ranomandry. Sady irony karazan-dranomandry saro-diovina sy alamina irony. Reko fa toa vitan'olombelona ilay ranomandry. Nefa tsy raharahako. Tianay izao karazana toetr'andro izao.

Ny sasany anefa sosotra. Nanoratra i 小米：

回来才听说这是场人工降雪，是谁这么主观的断定这是下雪的好时机呢？？到处都是措手不及的冷，电力、交通、供暖等都遇到很棘手的问题。

Taorian'ny nandrenesako fa vitan'olombelona iny, tsy maintsy nanontany tena aho hoe mba karazan'olona inona loatra no nieritrerira fa fotoana tsara hirotsahan'ny ranomandry izao? Na aiza na aiza ny olona dia tratran'ny hatsiaka sy ny olana mifandraika amin'ny herin'aratra, ny fifamoivoizana ary ny fanafanàna.

Tao amina forum iray amin'ny aterineto, nitaraina ny mpampiasa iray fa tokony nampiomana ny mponina mialoha ny governemanta, nanampy fa tsy maintsy nahemotra ny ankamaroan'ny sidina tao amin'ny seranam-piaramanidina.

要我说，这种人定胜天的精神是好的，虽然北京人都“被冬天”了，如果真能解除北方旱情也算是功德一桩。就是没通知大家的气象局太不地道。

Raha ny fijeriko azy dia tsara ilay karazam-panahin' ‘olombelona afaka mibaiko ny zava-boary’, na dia ‘nivaingana' aza ireo mponin'i Beijing. Raha ohatra ka tena afaka mamaha ny olana ateraky ny haintany ry zareo dia tena mendrika tokoa. Nefa toa tsy dia rariny loatra ny tsy nampilazan'ny birao mpanova toetr'andro na iza na iza mialoha ny fotoana.

Nisy lahatsoratra vitsivitsy tamin'ny aterineto koa naneho tahotra noho ny mety ho vokatr'izany ranomandry tsy tena izy izany amin'ny tontolo iainana. Mpitoraka blaogy iray, 天边的云, nanontany tena raha misy olona manan-jo hanovaova ny toetr'andro.

但是，在我们还不能完全掌握天气变化的规律时，就盲目改变局部的天气，是否会对整个环境造成更大的不利影响呢？比如，这次因为北京缺水，就让原本要下到山东（假设而已）的雪在北京下了，会不会造成山东更缺水呢？

Nefa raha manovaova am-jambany fotsiny ny toetr'andro isika nefa tsy mahafehy ny lalànany akory, tsy vao mainka ve izany hanimba be ny tontolo iainana? Ohatra, ny rotsa-dranomandry tamin'iny fotoana iny dia noho ny fijalian'i Beijing amin'ny haintany. Ahoana raha tokony tany Shandong iny ranomandry iny no nirotsaka tamin'ny voalohany (ndeha ataontsika hoe izany aloha), fa tsy tany Beijing. Hiteraka haintany bebe kokoa any Shandong ve izany?

Alex Pasternack, mpitoraka blaogy no sady mpanao gazety any Beijing, dia nanoratra lahatsoratra tao amin'ny Tree Hugger mamelabelatra ireo mety ho vokatry ny rotsak'orana vitan'olombelona.

Nahatratra 800 000 hektara ny saha tratry ny haintany tamin'ny faran'ny volana oktobra, araka ireo tombatombana ofisialy, ary voalaza fa tena nilain'ireo tantsaha teny an-toerana tokoa iny rahon-dranomandry iny.

Nefa tsy ireo tantsaha rehetra tany an-toerana no nahazo tombon-tsoa. Mety ho voka-dratsy iray amin'ny fanovàna toetr'andro ny fanosehany ny rotsak'orana amin'ireo faritra mila izany koa, mba hanaovana rahona lehibebe kokoa amina faritra voakendry.

Nanao hanihany tamin'ity ranomandry ity ireo mpampiasa aterineto hafa. Nanoratra i Elizabeth Kain tao amin'ny blaoginy:

Ny ranomandry nirotsaka omaly no nirotsaka aloha indrindra tao anatin'ny folo taona. Azoko antoka fa ny reniko, izay nipetraka tao amin'ny seranam-piaramanidin'i Beijing nandritra ny adiny fito noho ny fikorontanana na fampiatoana ireo sidina rehetra mivoaka sy miditra ny tanàna, dia mety ho faly satria ho an'ny firenena no nisian'iny olany iny.

Nisy hevitra iray hafa momba ilay ranomandry koa nanao fanamarihana mahatsikaiky:

Martin M. November 2, 2009 3:30 pm

Vita sinoa daholo ny zava-drehetra, na ny ranomandry aza.

Shina: Fanavaozam-pifidianana

Jentilisa — Mon, 02 Nov 2009 10:17:22 +0000

· Nandika Jentilisa · vakio ato ny lahatsoratra nadika

Nanomboka niady hevitra ny amin'ny drafi-panavaozana ny lalam-pifidianana, mba hampitovy lanja ny vaton'ny any an-tanandehibe ny vaton'ny any ambanivohitra ny mpanao lalàna faratampony any Shina, ny Antenimieram-Pirenena entim-Bahoaka. Voapetraka hovakiana voalohany nandritra ny fivoriana fanao isan-droavolana faha-11 teo anivon'ny vaomiera maharitra tamin'ny herinandro teo ity volavolan-dalàna ity, izay mametraka fa “mitovy araka ny isan'ny mponina isoloany tena ny isan'ny solombavam- bahoaka avy any an-tanandebibe sy ny avy any ambanivohitra amin'ny fifidianana solombavam-bahoaka ho ao amin'ny Antenimieram-pirenena entim-bahoaka”.

Amin'ny lalàna misy ankehitriny manko, ny solombavam-bahoaka avy any ambanivohitra dia misolo olona mampitombo in'efatra noho ireo avy any an-tanan-dehibe. Ny dikan'izany dia hoe ny solombavam-bahoaka avy any ambanivohitra dia misolo tena olona 960 000, raha misolo tena olona 240 000 kosa ireo avy an-tanan-dehibe. Lazain'ny manampahaizana momba ny lalàna fa mampitaratra ny [fiovana tskelikelin'ny] fiaraha-monina an-tanan-dehibe sy ambanivohitra Shinoa io volavola io. Nanomboka tamin'ny taona 1953 taona nandaniana voalohany io lalàna io ny fitongilanana misy ankehitriny. Tamin'izany fotoana izany manko dia maro dia maro noho ny avy any an-tanan-dehibe ny isan'ny mponina any ambanivohitra. Ny nokendrena tamin'izany fotoana izany dia ny tsy hahamaro isa loatra ny solombavam-bahoaka avy any an-tanan-dehibe.

Somary nifararemotra kokoa ny mpiserasera raha nahita ny lohatenin-gazety tantanin'ny fanjakana manao hoe “Zorina mankamin'ny fampitovian-jo politika sy fari-piainana an-tanan-dehibe sy ambanivohitra ny lalàna shinoa” sy ny hoe “Dingana manakaiky kokoa ny fitovian-danja”.

Manontany ny fahazoa-mitoky sy ny famerana ny fandraisana anjaran'ny mponina any Shina amin'ny fifidianana ny mpiserasera avy amin'ny nfdaily.cn:

1 # 网友 2009-10-28 10:18:40: 当某一权利仅仅是纸面权利，而不被坐实时，大家都不重视它就在所难免。而不重视的结果是，让这一权利更加流于形式. 这么多年在外面遇见很多黎民百姓，问过很多人，结果都和我一样从来不曾有用过一次选举权的事。一切还是务实点好。许多空话对百姓又有什么意义。

Raha an-taratasy ihany fa tsy mihatra akory ny fananan-jò, dia tsy raharahian'ny olona. Ny vokany lasa fombafomba fotsiny ilay zo. Maro ny olona nanontaniako nandritra ny taona maro. Maro, ary anisany aho, no tsy afa-nifidy mihitsy hatramin'izay. Teny tsy misy dikany ireny amin'ny sarambambem-bahoaka.

6 # 网友 2009-10-29 23:47:33: 选举制度无论怎样改，内定人选早就安排好了

Na inona na inona fanavaozana eo, efa voalahatra mialoha hatrany ny kandidà tiana apetraka.

Vao haingana izay fa tamin'ny volana septambra, dia nisy lahatsoratra tao amin'ny Southern Metropolitan Weekend momba ny fanavaozana tahaka izao nahazoana fanehoan-kevitra:

Mameng 2009-09-17: 其实现在就算这四分之一的选举权都没有充分的给农民行使啊.很多农民这一辈子都没亲眼见过“人大代表”为何方神圣

Raha ny marina, tsy nanam-pahafahana hampihatra ny “ampahaefatry ny zony” hifidy akory taloha ny tantsaha. Maro no tsy mbola nahita solombavam-bahoaka akory nandritra ny androm-piainany.

Misy ireo manontany ny ilàna voalohany ny fampitovitoviana lanja ny mponina ambanivohitra sy andrenivohitra:

foxhtj 2009-09-18: 如果构成人民的主体是农民，为什么人代会不能成为农民大会，何况是在没有农会的情况下，难道仅仅是因为按马教教义，工人阶级是统治阶级，高人一等？那又何必上山下乡呢

Nahoana kosa moa raha mba ny tantsaha no maro an'isa ao amin'ny Antenimiera raha ny tantsaha no maro an'isan'ny mponina? Satria ve noho ny Marksisma-Leninisma nilaza hoe ny ny sarangan'ny mpiasa no saranga tokony hitondra? Koa raha izany, inona no ilàna ny hetsika “Mankany ambanivohitra”?

Miharihary fa adihevitra maro no milafika ao ambadiky ny fanavaozana. nanome ny fanadihadiany i 孫嘉業 avy ao Mingpao any Hong Kong:

不過，雖然近幾屆全國人大農村代表比例增加，但真正的農民代表人數與毛澤東時代相較卻不增反減。在3000多名代表中，真正的農民僅百名左右，很多農村人大代表是鄉鎮幹部。即使在毛澤東時代，農村選出的人大代表又能在多大程度上代表農民利益，頗成疑問。在國家工業化的進程中，農民的利益總是最先被犧牲掉的。

Na dia mitombo isa aza ny solontenan'ny avy any ambanivohitra dia nihena ihany raha oharina ny tamin'ny andron'i Mao. Manodidina ny zato monja miohatra amin'ny solombavam-bahoaka 3 000 no tena tantsaha. Ny ankamaroan'ny solontenan'ny tantsaha dia mpiasam-panjakana ihany. Na dia tamin'ny andron'i Mao aza dia efa nampanontany tena ny fiarovan'ny solontenan'ny tantsaha ny tombotsoany. Ny tantsaha hatrany no sorona voalohany rehefa mizotra ny fanapariahana ny indostria.

真正增加農民在國家政治生活中的話語權，單靠增加農民選出的人大代表的數量是不足夠的。正如現今的工人代表亦未能充分代表工人利益一樣，要徹底改革人大代表産生方法，就應落實人民的選舉權和被選舉權，擴大選舉競爭性，打破身分職業的界限，做實地域代表制，如此，「幾分之一」的困擾，亦隨之化為無形。

Tsy ampy ny mampitombo ny isan'ny solontena fidian'ny tantsaha raha tiana ny hampitomboana ny solontenan'ny tantsaha eo amin'ny sehatra nasionaly. Tahaka izany koa, tsy tafitan'ny solontenan'ny mpiasa loatra ny zon'ny mpiasa eto Shina amin'izao fotoana izao. Raha tiana hisy fiovana ifotony ny fandrafetana ny solontena ao amin'ny Antenimieram-pirenena entim- bahoaka dia mila hatsarain'i Shina ny zon'ny olona ho afaka mifidy sy ho afaka fidiana, Ampitomboina ny fifaninanana eo amin'ny fifidianana, ravàna ny famerana mifototra amin'ny fonenana [occupation] sy ny fiaviana [identity], ary omena vahana ny fitsinjarana ara-drariny ny solontena isam-paritra. Raha efa izay, dia mety ho voavaha ny adihevitra momba ny zo hifidy “mitsipotipotika”.

Andy Yee

Sina: Fibahànana ireo rindrambaiko natao ho an'ny sarambabe ao amin'ny Twitter

avylavitra — Thu, 15 Oct 2009 06:35:52 +0000

MpanoratraOiwan Lam · Nandika avylavitra · vakio ato ny lahatsoratra nadika

Tanatin'ny andro maromaro izao, nitatitra ireo Sinoa mpampiasa twitter fa nobahanan'ny sivana Sinoa ny ankamaroan'ireo rindrambaiko natao ho an'ny sarambabe ao amin'ny Twitter.

Hatrany amin'ny fiandohan'ity taona ity izay nandidiana ny hanakatonana ny Fanfou, vohikala Sinoa fitorahana bolongana, maro tamin'ireo mpitoraka blaogy no nikisaka nankany amin'ny Twitter mba hanapariaka ny heviny. Mafàna fo maro amin'ny sehatry ny aterineto no nino fa sarotra ny hanàkana ny Twitter noho ny fisian'ireo rindrambaiko maro natao ho an'ny sarambabe hahafahan'ny mpampiasa azy mamaky na mandefa hafatra tsy ilàna akory miditra amin'ny tranonkala. Na izany aza, tsy ela akory nanomboka tamin'ity herinandro ity, Sinoa maro mpampiasa twitter no nitatitra fa ireo rindrambaiko natao ho an'ny sarambabe be mpampiasa toy ny twitpic, itweet, twitese, twittergadget dia voasàkana daholo ary voatery mikisaka mampiasa fitaovana hafa ry zareo.

Raha mitady ny #fuckgfw ao amin'ny twitter ianao, dia hahita ny fanampim-baovao rehetra momba ny tatitra amin'ilay fibahànana. Eto ambany ny fantina amin'ireo tatitra tao anatin'ny andro vitsy lasa:

Tamin'ny Alatsinainy, 12 Oktobra 2009

(trans) jason5ng32: bit.ly sy twitpic dia samy GFWed. [avy amin'ny mpandika: fanafohezan-teny manokana fampiasan-dry zareo angamba izy ity hilazana ny sivana]

(trans) saytesnake: j.mp koa maty

Ny Talata, 13 Oktobra 2009

Hafidxu Tsy afaka manokatra ny http://bit.ly avy any Chine! #FuckGFW

(trans) binky2008: twitese.appspot.com dia GFWed.

(trans) guoxintao #fuckGFW Tamin'ity tolakandro ity (Talata): dabr.co.uk sy itweet dia samy GFWed. Miha-avo dia avo hatrany ny rindrina.

Androany, Alarobia,14 Oktobra 2009

weelingsoh Tsy afaka miditra Twitter mandalo amin'ny Twitzap na TwitterGadget intsony. #fuckgfw dia miha-saro-bahàna isan-andro. NGHNGH !

(trans) bleutee RT @iGFW itweet、twitzap、tweetree、twitterfeed sy rindrambaiko maro hafa natao ho an'ny sarambabe ao amin'ny Twitter no maty #GFW #FuckGFW

(trans) kavenyan: ‘zao vao nahita fa tsy afaka mampiasa itweet.net sy twitter gadget avy ao amin'ny Gmail intsony. Mitrona ny GFW. #fuckgfw

(trans) amoiist: any Plurk, misy olona nitatitra hoe: “ Vaovao farany, ny sehatra fitorahana blaogy any Taiwan http://buboo.tw dia tsy azo tsidihana intsony any PRC!!! [Repoblika Entim-bahoakan'i Sina]”. Noho izany dia voabahana ve i Buboo? #fuckGFW

Ankoatry ny fanehoan-dry zareo ny fahasorenany noho ny GFW, mpampiasa twitter maro koa no mizara ny heviny momba izay handingànana ilay Rindrina.

amoiist RT @williamlong: ampanaraho ny toetr'andro ny twhirl: manokàfa kaonty, fidio ny laconi.ca, ampidiro: “ny kaonty twitter-nao”@twitter-proxy.appospot.com, ny tenimiafinao tany amin'ny twitter ihany no tenimiafina. Dia vita. #fuckGFW

Mpitoraka blaogy Sinoa maro sy mafàna fo amin'ny aterineto no indray nino fa aorian'ny faha-60 taonan'ny PRC, mba hanalefaka ny vahohony ampihariny amin'ny aterineto ny governemanta. Ankehitriny dia toa mahavery fanahy mbola velona ny zava-misy.

Sina: te-ho lasa “mpiasam-panjakana voatsolotra” ny zazavavy kely mpianatra

Tahina — Tue, 22 Sep 2009 13:39:16 +0000

MpanoratraAndy Yee · Nandika Tahina · vakio ato ny lahatsoratra nadika

Nanadihady ny mpianatra madinika ao amin'ny sekoly ambaratonga voalohany ny amin'ny tanjon'izy ireo eo amin'ny fiainana ny Gazety mpivoaka isan'andro Southern Metropolitana any Guangzhou ny andro voalohan'ny taom-pianarana vaovao any Sina (1 Septambra), Southern Metropolitan Daily.Nilaza tamin'ny mpanao gazety ny iray amin'izy ireo fa ny nofiny dia ny ho”lasa mpiasam-panjakana”. Raha nanontany azy ny mpanao gazety hoe mpiasam-panjakana inona no tianao, dia namaly izy hoe ” ho lasa mpiasam-panjakana voatsolotra”.Manana tombontsoa betsaka ny mpiasam-panjakana voatsolotra.”

Efa mandeha amin'ny youtube izao ilay horonantsary, notakonana ny endrik'ilay zazavavy kely:

Niely nanerana ny haino aman-jery sy ny blaogy Sinoa ity valinteny ity. Mihevitra ny sasany hoe fanamarihana kisendrasendra ihany ny an'ity zaza, fa maro kosa no nitazona ny heviny fa fitaratry ny tena zava-misy eo amin'ny fiaraha-monina izany. Naneho karazana fanamarihana vitsivitsy ny resaka ao amin'ny ifeng :

rviflss 2009-9-4 14:16: 童言无忌

Tsy tokony ho raisintsika matotra ny tenin-jaza.

joanna-jin 2009-9-4 12:46: 可悲可恨啊，越长大越了解社会的黑暗

Mampalahelo sy mahatezitra izany, miha mahafantatra ny lafy ratsin'ny fiaraha-monina ianao rehefa miha-lehibe.

上來看看的 2009-9-4 13:20 : 我倒是觉现在的孩子才叫懂得什么叫现实，学校教的那一套就如同走过场一样，如果按照学校教的走向社会，那你只能回家了

mino aho fa efa fantatry ny ankizy amin'izao fotoana izao ny tena zava-misy marina. Tsy misy intsony ny soatoavina ampianarina any an-tsekoly. Raha manaraka ny fitsipika ianarana any an-tsekoly ianao ary miezaka ny hiaina izany ao anatin'ny fiaraha-monina, ny sisa anjaranao dia ny mody any an-trano.

toplong6450 2009-9-4 16:26: 只是说出了实话啊！！！！大人应该好好检讨我难过啊

Miteny ho azy ny marina! Tokony handini-tena ny olon-dehibe. Mampalahelo ahy izany.

wangbaozhu 2009-9-8 21:21: 皇帝的新装，只有孩子才说句实话。老师们，不要自欺欺人了，从小学做起，教他们学做贪官和奸商吧。

Ao anatin'ny tantaran'ny Akanjo Vaovaon'ny Amperora, zaza iray ihany no milaza ny marina. Ry mpanabe, aza mandainga amin'ny tenanareo intsony. Nanomboka tany amin'ny sekoly ambaratonga fototra ianareo no nampianatra ny ankizy ho lasa mpiasam-panjakana voatsolotra sy ho mpanao afera.

Ny mpanoratra mavitrika ato amin'ny serasera i Shihua (施化),tao amin'ny lahatsoratra vao haingana, dia nanamarika ny momba ny valintenin'ilay zazavavy mpianatra , ary nanome anarana ny fipariahan'ny trangan-javatry ny kolikoly any Sina ho ny hoe ” fahefam-bahoaka nasionaly” tsy misy fetrany:

这个六岁小女孩说出了成年人心里想说又不敢说的话。这句话里有两个事实，一个是，只有官才能贪，贪腐依靠权力，只听说过贪官，没听说过贪民的；一个是，要想有很多东西，在中国别无它径，最好是做官。

Ity zaza enin-taona no nahasahy nilaza ny zavatra tsy sahin'ny olon-dehibe lazaina. Zavatra roa no asehon'izay. Voalohany, ny mpiasa-panjakana ihany no manana fahefana ny hanao kolikoly (tsolotra); ny mpiasam-panjakana voatsolotra ihany no misy fa tsy misy ny hoe vahoaka voatsolotra. Faharoa, raha te hankafy zavatra tsara ianao any Sina, ny làlana tsara indrindra dia ny lasa mpiasam-panjakana.

贪污必须先做官，也就是行使国家公权力。但是，国家公权力（National Public Power）指的是公共权力，而不是国家机构自己的权力。也就是说，公权力强调的不是国家行政对社会、对人民的“管理”，而是对人民神圣不可侵犯的私有权力的保护。

Mila lasa mpiasam-mpanjakana aloha ianao raha te hiditra hanao kolikoly, izany hoe, ny fanatanterahana ny ” fahefam-bahoaka nasionaly” . Nefa midika hoe fahefan'ny vahoaka maro ny ” fahefam-bahoaka nasionaly” , fa tsy hoe fahefan'ny rafitry ny governemanta. Tsy fanaraha-maso ataon'ny governemanta amin'ny vahoaka sy ny mponina akory ny ” fahefam-bahoaka nasionaly” , fa fiarovana ny fahefan'ireo tsy miankina.

由于中国长期实行单一的公有制和计划经济，不可能自发产生私法观念和私权观念，所形成的唯一只有公法、公权观念…… 人民和企业的一切行为都须得到国家的许可，国家拥有绝对不受限制的权力。这样一来，本来应当保护私人的公权力就开始向私人领域伸出贪婪的手。

Tsy afaka mivelatra ho azy amin'izao ny fananana tsy miankina amin'ny fanjakana satria efa ela i Sina no nampiasa ny drafitra ara-toekarena voafaritra sy ara-tsosialy. Ny fahefam-bahoaka sy ny fitsipika no fanehoana mibahan-toerana… Mila eken'ny fanjakana avokoa ny hetsika rehetra ataon'ny mponina sy ny mpanao afera; manana fahefana tsy misy fetrany ny fanjakana. Na izany aza, ny ” fahefam-bahoaka nasionaly” , izay natao hiaro ny zon'ny tsy miankina tany am-boalohany, dia nanitatra ny hatendàny sy ny kolikoly ho amin'ny tontolon'ny tsy miankina.

一旦公共权力的形成，不是由全民经由民主方式，而是由某个独大的政党采取的强制方式，公权力在一夜之间就被偷换。腐败是和过度使用的公权力并存的，但不常存在于私权力。

Diso avy hatrany ny fandikàna ny ” fahefam-bahoaka nasionaly” raha tsy nalaina avy amin'ny dingana ara-demokratika izy, fa nofehezin'ny antoko politika tokana mavesa-danja. Miara mitoetra amin'ny fanatanterahana mihoampampana ny ” fahefam-bahoaka nasionaly” ny kolikoly, fa havitsiana amin'ny fahefan'ny tsy miankina.

Shina: Mpianatra ao Beijing manohitra ny hanao famerenana mitabe

Jentilisa — Tue, 22 Sep 2009 07:29:33 +0000

MpanoratraAndy Yee · Nandika Jentilisa · vakio ato ny lahatsoratra nadika

Satria moa efa mihamanakaiky ny 1 Oktobra hankalazana ny faha-60 taonan'ny Repoblika entim-bahoakan'i Shina, dia netsehina hanao mitabe ho amin'izany fotoan-dehibe izany ny mpianatra avy amin'ny lisea sy ny Anjerimanontolo mihoatra ny iray hetsy ao Beijing. Misy ny mpianatra tsy faly loatra satria tsy maintsy manao mitabe avokoa ny mpianatra rehetra.

Notaterin'ny gazety Apple Daily, avy ao Hong Kong, tamin'ny 18 Septambra 2009 fa misy ny mpianatra sasantsasany no leo noho ny tsy maintsy hanaovana famerenana hatrany ity mitabe ity efa hatramin'ny vakansin'ny fahavaratra [ilabolantany avaratra] teo. Satria moa manelingelina ny fotoam-pianaran'ny mpianatra taorian'ny fidiran'ny taom-pianarana vaovao dia nisy ireo nanao hetsika fanoherana ny fandaminana tsy mitombina loatra ity:

有北京大學生不滿當局的安排，在網上發起罷練行動的同時，公然焚燒訓練服抵制演練。事件引起當局極度緊張，除封鎖消息外，還派人嚴控大專院校及嚴懲涉事學生。

Misy ny mpianatra amin'ny anjerimanontolo ao Beijing no tsy faly amin'ny fitondrana. Natombony tamin'ny alalan'ny fanentanana hitokona tsy hanao famerenana an-tserasera izany aloha. Nisy aza moa ny nandoro ampahibemaso ny akanjony fanaovany mitabe. Tsy nataon'ny fitondrana ho kivazivazy mihitsy izany fihetsiky ny mpianatra izany. Ankoatra ny nanakanana ny fitateram-baovao tsy hivoaka dia nalefa ny solontena hanaramaso sy hanafay ny mpianatra nanao izany fihetsika izany.

Koa satria moa voarara ny miady hevitra sy ny mitatitra ireny hetsi-panoherana ireny any amin'ny Tanibe ao Shina, dia any ampitan-dranomasina sy any Hong Kong no mandeha ny resaka.

Toy izao no hita ao amin'ny dinika ao amin'ny vavahadin-tserasera ho an'ny Shinoa Kanadiana:

waves 2009-09-18 12:30: 學生真可憐，思想被奴化，肉體也被奴役，怪不得那麼多人爭破頭也要出國留學。

Hoy i Waves : Mahantra loatra ny mpianatra. Tsy ara-tsaina intsony ny fanandevozana fa ara-batana ihany koa. Tsy isalasalana raha maro ny te-hianatra ampitandranomasina.

食量就是力量 2009-09-18 16:25: 就不明白, 為什麼不低調點, 悄悄過了就算了, 現在花了那麼多錢, 勞了那麼多民, 簡直就是壹場煙火, 看過了就算。

Hoy i 食量就是力量 : Tsy azoko hoe fa maninona raha somary kobokobonina kokoa ny fankalazana. Be loatra ny fandaniana sy ny fanelingelenana ny olo-tsotra. Nefa ho ana afomanga fotsiny izany rehetra izany, ho an'ny fahafinaretan'ny maso.

Ao amin'ny One-forum any Hong Kong:

qingqing 2009-09-18 03:22: 讀大學了，還可以任由校外的“上級指示”的，到底是不是大學生呢？讀大學了，還要被迫去玩這樣的小兒科遊戲，不是侮辱了你作為大學生的尊嚴嗎？這樣也不敢抗議，杯葛，到時不合作演出，故意破壞演出，故意出錯，你們還是大學生嗎？

Hoy i Qingqing: Raha mankatò tsy afa-mampiasa ny sainy ny baikon'ny mpitondra ny mpianatra, moa ve tena mpianatry ny Anjerimanontolo tokoa izany? Raha terena handray anjara amin'ity karazana kisangisangy ity ny mpianatra amin'ny Anjerimanontolo, moa tsy fanivaivana azy ireny ve izany ? Raha tsy manohitra, mitokona, na tsy mety miara-mientana na minia manao fahadisoana ry zareo dia tsy mendrika ny atao hoe mpianatry ny Anjerimanontolo.

Any amin'ny dinika hafa avy ao Hong Kong, Civilian Gunner:

louisli 2009-09-18 10:57: 係唔係要練到同北韓睇齊？

Manontany i Louisli: Fa te-haka tahaka ny Koreana Tavaratra angaha isika?

seamoncheng 2009-09-18 19:33: 大陸到而家都重係死要面…成班官都係無腦架..係到勞民傷財

Miteny i Seamoncheng: Mbola manjaka any amin'ny tanibe ny [fisehosehoana ivelany] hita maso… Adala ny mpitondra… mampandany vola sy hery olo-tsotra

Andy 2009-09-18 19:38: 佢地先有腦, 搞埋呢D面子工程, 攞正牌搵銀

Manebaka i Andy: Tena mahay mihitsy ny mpitondra fanjakana ka… ny karazana hetsika tahaka itony ange no tena fanararaotra hampidiram-bola be e!

[Saripika notsongoina tao amin'ny Apple Daily]

Andy Yee

Sina: Fanomezan-danja ny fitiavan-tanindrazana Han

Tahina — Tue, 22 Sep 2009 03:57:24 +0000

MpanoratraJohn Kennedy · Nandika Tahina · vakio ato ny lahatsoratra nadika

Mbola voarara dia voarara tokoa ny miresaka ilay adim-poko ka tsy voaresaka mivantana loatra na an-tserasera na ivelan'ny serasera ny any Xinjiang. Raha halalinina ny fandikana ny herisetra eo amin'ny Oigoro sy ny Sinoa Han any Ürümqi ary raha jerena koa fa i Mongolia mpifanila vodirindrina aminy dia misy maha-neo-nazis azy, dia inona no tsoa-kevitra azo resahina tamin'ny herisetra avy amin'ny roa tonta?

Hu Ping tonian'ny Beijing Spring no namoaka tao amin'ny lahatsorany faramparany ho an'ny Radio Free Asia, raha mifandraika amin'ny politikan'ny governemanta eo an-toerana ny hatezeran'ny Oigoro, ka nitanisany ny antony maromaro manamarina izany, sady nampiasany ny fomba fiteny hoe fitiavan-tanindrazana Han. Toy izao no famaritana ny fitiavan- tanindrazana Han hita ao amin'ny Wikipedia:

“ilazàna ny hevitra manandratra ny fiaviany izay manome tombony ho an'ny Sinoa Han, vondrom-poko maro an'isa any Sina raha miohatra amin'ny vondrom-poko hafa vitsy an'isa, izay matetika dia aseho amin'ny fanamboniana kolontsaina. […] Fihoaram-pefy eo amin'ny Repoblika Entim-bahoakan'i Sina ny manao asa na miresaka izay manandratra foko sy foto-kevitra maneho fitiavan-tanindrazana Han (sy ny teny fankahalàna vitsy an'isa).”

Niteraka fanamarihana maro ny lahatsoratr'i Hu:

08/31: 本人是汉人，去过东突厥斯坦维吾尔地区。胡平先生所说的情况完全属实。该地区的大部分区域目前的汉化状况十分严重，并不断有大量的汉族移民，维族完全被边缘化。

Sinoa Han ny tenako ary efa tany amin'ny faritra atsinanan'i Turkistan misy ny Oigoro aho. Marina avokoa ny zavatra rehetra voalazan'i Hu Ping. Henjana ny politikam-pitelemana ho Han amin'ny faritra maro, ary maro ny ao amin'ny foko Han no mifindra monina any, lasa voahilikilika tanteraka ny Oigoro.

09/01: 如果是这样的话，那美国是不是也在搞英语同化政策呢讲印第安语言的人你在美国可以畅行无阻吗？共产党的干部队伍里不但是少数民族广大汉族也一样被剥夺了宗教信仰的权利啊！维吾尔人可以不受限制地生儿育女，而当地的汉族人却被国家的计划生育政策严格限制哦！作为在中国生长的汉族人，我们真的没有感到所谓的大汉族主义！

Raha toy izay ny fijerinao azy, dia tsy toy ny tamin'i Amerika nitondra ny politikan'ny fampiasana ny teny Anglisy ve? Tsy mihevitra ve ianao fa tsy manana olana amin'izany koa ny olona miteny Indiana-Amerikana [sic] ? Tao anatin'ny Fandaharan'asan'ny antoko komionista sinoa, tsy ny foko vitsy an'isa ihany no tsy nanana zo ara-pivavahana fa ny avy amin'ny maro an'isa Han koa aza! Tsy noferana ny isan'ny zaza ateraky ny Oigoro, fa ny Han kosa dia voafehin'ny politikan'ny fanjakana amin'ny famerana ny zaza teraka! Amin'ny maha teraka Han sy nanalehibiazana ahy teto Sina, tsy mahita izany antsoina hoe fitiavan-tanindrazana mihoam-pampana Han izany izahay!

09/01: 同化、融合是社会的进步，拒绝融合是没有出路的，就想在美国不会说英语还有机会进入主流社会吗？陈破空在美国不也只是一个社会的边缘人。

Ny fitelemana, ny fisisihana hiaraka amin'ny maro, maneho fivoarana eo amin'ny fiaraha-monina izany; tsy misy azo antenaina amin'ny fandàvana hiaraka amin'ny maro. Mihevitra ve ianao fa ny olona tsy mahay miteny Anglisy dia ho tafiditra anaty fiaraha-monina any Etazonia? Moa ve tsy lasa olona voahilika hafa koa any Etazonia i Chen Pokong?

09/02: 维吾尔人或图博人（Tibetan）在自己的土地上说自己的语言应该是畅行无阻，这应该就是当地主流社会的语言。

Tsy tokony hisy faneriterena amin'ny fampiasan'ny Oigoro sy ny Tibetana ny teniny eo amin'ny taniny, sady io rahateo no teny fampiasan'ny fiaraha-monina amin'ny ankapobeny.

09/02: 真会胡扯！在台湾原著民还不是要说汉语.写汉字！

Tena zavatra tsy misy fotony! Na ny tompon-tany any Taiwan aza tsy maintsy miteny sy manoratra teny Sinoa!

09/02: 真是胡评了，别忘了汉人到新疆的时间比维吾尔早

O ry Hu Ping a! aza adinoina fa ny Han anie no tonga talohan'ny Oigoro tao Xinjiang e!

09/03: 我没去过新疆，但是在我的家乡湖南，最起码我读书的两个城市：永州，长沙。还有现在在的这个城市：深圳。维族人跟我们（汉族人）比起来权利是大很多的—— 他们可以强买强卖，他们卖的价格非常高，而且看了东西一定要买，这个我们一点办法都没有的。警察可以骑在我们头上，对他们是一点办法都没有的，就是犯了事也很快出来！

Mbola tsy tao Xinjiang aho, fa raha nody tany Hunan aho dia nianatra farafahakeliny tamin'ny tanàna roa, Yongzhou sy Changsha. Izao aho eto Shenzhen. Manan-jò kokoa ny Oigoro raha oharina aminay (Han): mahazo fikarakarana kokoa ry zareo amin'ny varotra, afaka mametraka vidin'entana lafo kokoa ry zareo, ary raha mijanona ianao mijery izay amidiny, dia tsy maintsy mividy, ary tsy misy zavatra hafa azonao atao ankoatra izany. Afaka midaroka anao ny polisy nefa tsy afaka manao na inona na inona amin'izy ireo, ary raha mandika lalàna izy ireo dia vetivety dia votsotra!

09/04: 对待伊斯兰，必须大棒和胡萝卜政策同时实施，目前来看应该大棒为主。伊斯兰需要改良、进步才有出路。目前它就是反人类的宗教。

Tsy maintsy ampiasaina miaraka ny fikan'ny karaoty sy ny kibay rehefa miaraka amin'ny silamo, fa ankehitriny ny politikan'ny kibay aloha no mandeha. Mila mivoatra mihitsy aloha ny Silamo alohan'ny hisian'ny fihatsaran-javatra. Amin'izao fotoana zao aloha izy dia mbola fivavahana tsy manaja ny maha-olombelona.

09/05: 维族被边缘化.这个基本是事实

Nahataka ny Oigoro, izay aloha ny zava-misy.

Io lahatsoratr'i Hu io dia navoaka ihany koa tao amin'ny UighurBiz, naorin'ilay mpahay toe-karena sy mpiserasera avy amin'ny foko Oigoro Ilham Tohti; Nigadra i Tohti ny volana Jolay ary navotsotra ny faran'ny volana Aogositra, ary niteraka resabe an-tserasera tato anatin'ny herinandro ny filazany ny fanohanany ny fomba fitondràna henjana ataon'ny mpitondra vaovaon'ny antoko ao Xinjiang, Zhu Hailun (manadaboka ny politikan'ny ‘tsy misambotra olona araka izay azo atao, mampihena ny famonoana, mamindra fo kokoa) manoloana heloka be vava. Ireto misy sombiny amin'ny fanamarihana voaray androany teo amin'ny vohikalan'ny UighurBiz :

*两少一宽应该取消*
伊力哈木还对乌鲁木齐刚刚上任的市委书记朱海仑宣布取消“两少一宽”(少捕少杀，一般从宽)的少数民族政策表示赞同。他认为，法律面前应该人人平等。他说，这个政策确实让少数民族中的犯罪分子获利，同时导致了汉族人的不满。

人都是一样的汉族人被针扎了才想起要王LQ下台,维吾尔人安全受到威胁了才想起取消两少一宽.还能想起自己曾经的态度吗?

伊力哈木算是维族人里面少数能够讲的通道理的人物，对民族和国家有着比较清醒的认识。不象其他在这的一群维族小喽罗根本就是屁也不懂，还去指责汉人的FF，其实也都是五十步笑百步。好好和你们老师学一学。

“Mila foanana ny politikan'ny “Roa fihenana, iray famindram-po”

Naneho ny fanohanany ny fanapahan-kevitry ny filohan'ny Antoko Ürümqi vaovao Zhu Hailun i Ilham ny amin'ny hanafoanana ny politikan'ny foko “Roa fihenana, iray famindram-po” (mihena ny fisamborana olona sy ny fampiharan-tsazy, mitombo ny famindram-po). Nahatsapa i Ilham fa tokony hitovy avokoa ny olona rehetra eo anatrehan'ny lalàna, raha lazaina fa nanararaotra io politika io ny avy amin'ny foko vitsy an'isa, nefa eo andanin'izany dia mampiteraka tsi-fahafaliana eo amin'ny Han izy io.

Izany ny olona; tsy nitaky ny fialàn'i Wang Lequan ny Han raha tsy efa nanomboka ren-dry zareo tsindron-tavim-panindronana (seraingy);tsy nitaky ny fanalàna ny ‘Roa fihenana, iray famindram-po' ny Oigoro raha tsy nanomboka nahita fa tandindonin-doza ny fandriampahalemana. Mihevitra ve ianao fa mbola mety hiverina amin'ny heviny izy ireo?

Anisan'ny olom-bitsy Oigoro mba manao resaka misy heviny i Ilham, ary mahita mazava tsara ny fahasamihafana eo amin'ny fanjakana sy ny foko. Tsy mitovy amin'irony olona manana asa zara raha asa irony izay tsy mandray ny zavatra rehetra am-pahamatorana, manao ny Han [famaritana ara-toerana] ho tsy ara-dalàna, mandray azy ireo ho toy ny vazivazy. Faly afaka nianatra zavatra avy aminao.

伊力哈木算是维族人里面少数能够讲的通道理的人物

汉族里有多少个对维族没有歧视的？

其实，新疆的很多当地汉人对维吾尔族不仅歧视而且不当人看，举个例子，6年前我在新疆出差，在乌鲁木齐延安南路路边打出租车，比我后来一个维族女孩也站在我旁边打车，冬天在乌鲁木齐往往打车需要很长时间，冻得不行了，好不容易一辆空车来了，根本没在女孩旁边停，直接停我面前了，我还好奇，上车后问司机什么不拉女孩，汉族司机说：我们不愿拉这些皮帽子（维族人）。问问什么？他说有次拉了个维族给的是假钱，我问有没有碰到汉族乘客给假钱的？他说也有。我说如果你们这样对待维族，你们不担心将来维汉矛盾越来越深吗？司机答：他们不敢，我们有枪。我再也没说话。出差3天，每次打车我都问司机愿不愿意拉维族，都是众口一词，什么维族人脾气大、不讲理、不愿意拉之类的话。后来问了当地一个维族人才知道乌鲁木齐全市有近六千俩出租车，由于维族乘客屡遭拒载，终于让200 多辆维族司机开出租，满足不了需求，没办法，很多维族人就做黑车生意了，二道桥一带的夏利基本上都是黑车。了解了情况后我心想这样的地方将来一定会出事！

没有无缘无故的爱和恨，就像一面镜子，你如何对待他人，他们也会如何对待你。不反思一下自己的所作所为，动不动给一个民族去贴标签，对一个世世代代在此繁衍的原住民族带上歧视的有色眼镜，新疆怎能不乱？

Anisan'ny olom-bitsy Oigoro mba manao resaka misy heviny i Ilham

Ary mba firy moa ny Han tsy manavakavaka ny Oigoro?

Raha ny zava-misy, amin'ny toerana maro ao Xinjiang, tsy vitan'ny manavakavaka ny Oigoro fotsiny ny Han, fa tsy mandray azy ireo akory ho olombelona. Ohatra, enin-taona lasa izay, nanao afera tany Xinjiang aho. Nizotra ho any amin'ny làlan' i Yan'an Nan any Ürümqi aho ary niezaka ny hahazo fiarakaretsaka, ary iny nisy tovovavy Oigoro iray nanatona ary niezaka ny hahazo fiara karetsaka ihany koa. Tsy maintsy miandry ela foana vao mahazo fiara karetsaka any Ürümqi rehefa ririnina. Nangatsiaka be izahay ary nony farany nisy fiara karetsaka nalalaka nijanona ihany, nisongona ity tovovavy ary nijanona teo anoloako. Hafahafa, hoy ny eritreritro, ary rehefa tafiditra tao anatiny aho dia nanontany ny mpamily fa naninona no tsy nijanona ho an'ilay tovovavy izy. Hoy ilay mpamily (Han): tsy mitondra an'ireny mpisatroka hoditra ireny izahay (Oigoro). Nanotany aho hoe fa maninona. Hoy izy hoe indray andro izay efa nitondra Oigoro aho izay nanome ahy vola sandoka, hany ka nanotany azy aho raha efa mba nisy mpanjifa Han efa nanome azy vola sandoka. Efa nisy hoy izy.

Raha toy izany no anaovanao ny Oigoro hoy aho, tsy manahy ve ianao fa hiharatsy kokoa ny adim-poko? Hoy ilay mpamily, tsy sahy izy ireo, manana fitaovam-piadiana izahay. Hany ka tsy nahita nolazaina intsony aho. Telo andro aho no tany, ary isaky ny mandeha fiarakaretsaka aho dia manontany foana raha manaiky ny mitondra mpandeha Oigoro ry zareo, ary mahazo valin-teny mitovy foana hoe: ratsy toetra ny Oigoro, tsy azo resena lahatra, tsy ijanona ho an-dry zareo izahay, etsetra. Efa fotoana ela taty aoriana aho vao nanotany Oigoro ary nahita fa misy fiarakaretsaka 6,000 any Ürümqi, ary satria efa zatra nolavina foana ny Oigoro dia tamin'ny farany izy ireo nanarama mpamily Oigoro 200, ary rehefa tsy ampy ireo, dia tsy dia misy n'inona n'inona azo atao loatra, noho izany, maro ny Oigoro nanomboka nanao ny fiarakaretsany tsy nahazo fahazoan-dàlana, indrindra ny fiara Xiali izay hitanao manamorona ny tetezan'i Erdao Bridge dia fiarakaretsaka piraty. Raha vao azoko an-tsaina kokoa ny tena fandehan-draharaha, dia nihevitra aho fa tsy maintsy misy zavatra hiseho na ho ela na ho haingana.

Fitiavana na fankahalàna amin'ny tsy antony, toy ny fitaratra. Ny fitondranao ny olona ihany no itondran'ny olona anao ihany koa. Raha tsy mihevitra ny vokatry ny zavatra ataonao ary ianao dia mametraka marika fotsiny ny vondrom-poko sasany, mahita ireo olona maro efa teo an-jatotaona maro niaina ny tsy rariny, ahoana no tsy hisy korontana ao Xinjiang?

汉族里有多少个对维族没有歧视的？
其实，新疆的很多当地汉人对维吾尔族不仅歧视而且不当人看
uighurhr 发表于 2009-9-9 07:41

要让别人把你当人，你首先得表现的有个人样。

多谢党妈妈长久以来对维吾尔人的美化宣传，
以至于我们这些内地人在多次遭遇维式流氓侵害后还是不敢相信自己的眼睛。

Ary mba firy moa ny Han no tsy manavaka ny Oigoro?

Raha ny marina aza, amin'ny toerana maro ao Xinjiang, tsy vitan'ny manavakavaka ny OIgoro fotsiny ny Han fa manao azy ireo ho tsy olombelona mihitsy.

Raha tianao ny hitondrana anao ho toy ny olombelona, voalohany aloha ianao mila mitondra tena toa izany.
Misaotra noho ny fampielezan-kevitra tsara nataon'ny Antoko Foibe an-taonany maro, raha isika tato anatiny niharan'ny tsy rariny avy amin'ny Oigoro , ny hitan'ny masontsika aza tsy ninoantsika.

维族不讲理是惯的，党妈一向对维族的优惠政策，如民族团结最重要，如少数民族优先等等养成了他们越不讲理越能拿到好处然后就变的更加不讲理。

久而久之，汉族们就不喜欢跟你们打交道了。

Toetra nampivaka ny Oigoro ny manao zavatra tsy am-piheverana. Nahazo fiandaniana kokoa avy amin'ny Antoko Foibe izy ireo, ohatra hoe ny fanaovana lohalaharana ny fitambaran'ny foko, izay manome tombony ho an'ny foko vitsy an'isa, etsetra., natao izay mba ho raha miha-tsy misy dikany ny zavatra ataony, miha mahazo tombony izy, ary avy eo izy ireo manjary manao zavatra tsy ampy fiheverana loatra.

希望这个网站不要在天天宣传和蛊惑仇恨的魔鬼。看看吧，这个网站有多少文章在宣传仇恨的魔鬼。

Manantena aho fa ity vohikala ity dia tsy hanohy hampahafantatra sy tsy hamporisika isan'andro ny demonin'ny fankahalàna. Jereo fotsiny, firy amin'ny lahatsoratra eto amin'ity vohikala ity no manome vahana ho amin'ny fankahalàna.

西方人对黄种人，对中国人没有歧视吗？但是和100年前相比，去掉那些意识形态的影响（中国现在还是共产主义国家？），这样的歧视是多了还是少了？从100年前的人见人欺到现在的G2，这样的变化是因为老外道德素质提高了根除了种族歧视？

Koa raha izany, ny tandrefana angaha moa tsy manavaka ny Sinoa sy ny Aziatika hafa? Fa raha mijery ny 100 taona lasa ianao, ny vokatry ny fandaozana ny foto-kevitra (Mbola tany kaominista ve i Sina), nitombo ve sa nihena ny karazana fanavakavahana toy izao? Raha mijery ny aina solon'ny aina tamin'ny 100 taona lasa mandrak'ankehitriny, nisy ve izao fiovana izao satria ny vahiny no nanazava ny saina hiala amin'ny fanavakavahana?the G2

Sina sy Japana: Fanehoan-kevitry ny Sinoa mikasika ny fifidianana Japoney

miora — Wed, 09 Sep 2009 11:18:46 +0000

MpanoratraWinglok Hung · Nandika miora · vakio ato ny lahatsoratra nadika

Nandresy tamin'ny vokatra ankapobeny tamin'ny fifidianan'ny 30 Aogositra ny Antoko Demokratikan'i Japan (DPJ), izay namarana ny 50 taona maherin'ny fitondrana tsy ankizaran'ny Antoko Liberaly Demokraty (LDP) nanomboka tamin'ny 1955. Ny fandresen'i Yukio Hatoyama- mpitarika ny DPJ dia noraisina ho toy ny fiandohana vanimpotoana vaovao amin'ny politika Japoney. Lavitr'izay ho vokatr'izy ity eo amin'ny fifaneraserana Sino-Japoney, mety hahaliana ihany ny mahita ny fanehoan-kevitry ny vahoaka Sinoa manoloana ny fiovana ara-politikan'ny firenena mifanila aminy.

NeiC ao amin’ny forum Tianya dia nampitaha ny mahazo ny LDP amin’ny an'ny Antoko Kaominista Sinoa (CCP):

自民党被赶下台单独成栏的有三
1.“铁饭碗”不复存在
2.老龄化严重
3.住房问题尖锐
50年，不长不短的时间，我党也正好成立60周年。不得不让人不做比较~

(Raha ny voalazan’ireo tsikeram-baovao avy any UK - [ry zareo Anglisy]) Antony telo lehibe no nandakàn'ireo mpifidy ny LDP:
1. Ny “Iron bowl” dia tsy misy intsony
2. Ny olan’ny fahanterana dia miharatsy
3. Ny olan'ny toeram-ponenana manaikitra

50 toana nitondràna tsy tapaka, fotoana izao hanovàna amin’izay, eo amin'ny faha-60 taonany ny antokonay izao. Voasarika hanao fampitahana amin'ireo roa ireo ny vahoaka.

Vitamin214 dia namerina namoaka tsikera iray avy amin'ny ifeng.com momba ny valin’ny fifidianana tany Japana ao amin’ny forum Tianya. Ny lahatsoratra miteny fa ny fifidianana tany Japana dia itaràfana ny fivoaran’ny politika demokratika liberaly izay mivoatra avy ao anivony ihany. Na dia eo aza izany, ao amin’ny fitsikerana, maro ny tsy nanaiky. Ohatra, guolurens niteny

自我纠正能力？？？

日本经济已经低迷了快20年了，日本也不是觉得民主党怎么样，只是觉得自民党实在没有办法忍受了，就算是民主党上台，日本的问题还是没有办法解决

Afaka ny hiova???
Efa nitambotsotra ny toekarena Japoney tato anatin'ny ny 20 taona teo ho eo. Tsy dia manam-pahatokisana loatra ny ao amin’ny DJP ny Japoney, nasehon'izy ireo fotsiny hoe tsy zakany ny tsy fahombiazam-pitantanan'ny JDP . Nefa kosa, na dia ny Antoko Demokratika aza no eo amin'ny fitantànana, tsy mbola misy vahaolana ny olana any Japana.

Kabaico koa dia niteny,

有区别吗，不过是美国肯尼迪家族和布什家族的翻版而已，这个家族不行就换那个家族，弄来弄去都是那帮大名家族在把持政权，所谓的更换政党也只是两个政党之间重新分配权力吧。

Inona ny fahasamihafany? Mitovy amin’ny fisafidianana iray amin'ny fianakavian’i Kennedy sy Bush izy ity. Raha mikatso ny iray amin’ireo fianakaviana, dia lasan’ny anankiray indray ny fahefana. Ny fahefana dia eo ambany fifehezan'ny iray amin’ireo fianakaviana matanjaka. Ilay ambara ho fiovan’ny Antoko dia tsy inona fa ny fitsinjarana ny fahefana amin’ireo antoko roa lehibe misongadina fotsiny.

Guolurens nanampy,

就好比是在中国电信，中国联通之间选，没有本质的差别

Mitovy amin’ny fisafidianana na ho i China Telecom na China Unicom ity izy, tsy dia misy fahasamihafany be manakory.

Ao amin’ny Qiangguo Luntan, Sinoa mpampiasa aterineto iray mieritreritra fa,,

日本的总统一年一换, 再好的民主制度都是不正常的,也是注定要爆发内乱的.哈哈

Saiky isan-taona no miova ny Praiminisitr’i Japana. Tsy dia manara-penitra loatra ity zavatra ity na dia ao anaty rafitra demokratika lafatra indrindra aza ary amin’ny farany mety hitondra amin’ny fihetsiketsehan'ny olon-tsotra. Haha

Shina: Voakombom-bava ve ireo mpitoraka blaogy Tibetana?

candy — Mon, 31 Aug 2009 08:40:34 +0000

MpanoratraDechen Pemba · Nandika candy · vakio ato ny lahatsoratra nadika

Somary mampatahotra ihany fa ny ankamaroan'ireo vohikala malaza amin'ny teny Tibetana mpampiantrano blaogy (afa-tsy iray ihany) dia tsy azo nidirana efa ho telo herinandro izao.

Na dia efa mahazatra ireo vohikala amin'ny teny Tibetana mpampiantrano blaogy aza ny fiatona (indraindray noho ny “fanamboarana”) mandritra ny fotoana faritan'ireo manampahefana ho saropady (jereo ny ‘Fahanginana tanteraka eo anivon'ny blaogy Tibetana‘), tsy dia misy resaka politika loatra ny tamin'ity volana ity raha ny fahitako azy.

Hafatra fandisoana rehefa miezaka ny miditra ao amin'ny TibetABC

Tafiditra ao amin'ireo vohikala tsy azo idirana amin'izao fotoana izao ireo tena malaza, www.tibettl.com sy www.tibetabc.cn izay mampiantrano ny blaogin'ilay mpanoratra sy mpitoraka blaogy amin'ny teny Tibetana, Jamyang Kyi. Ny vohikala sisa mandeha izao , tsy hita hohazavaina, dia ny ChodMe (Jiron-dibera) http://www.cmbod.cn/index.html

Mbola mandeha tsara i Chodme

Misy resaka mandeha amin'ny vohikalam-blaogy Tibetana fa hoe mifandray amin'ny fisamborana an'ilay mpanoratra Tibetana Tashi (solonanarana, Therang) izao fanakatonana izao. Raha mila fanazavana fanampiny momba an'i Tashi, jereo ny lahatsoratro teo aloha ato amin'ny Global Voices.

Mahagaga fa tamin'ny volana nanombohan'ireo blaogy amin'ny teny Tibetana nikatona no nivoahan'ny People's Daily amin'ny teny Tibetana miaraka amina vohikala eto: http://tibet.people.com.cn/

Famoahana ny People's Daily amin'ny teny Tibetana

Anatina tontolo iainana efa feno faneriterena, zavatra iray tena mampatahotra ny firongatry ny famerana ny tontolon'ny blaogy miahy tena sy ny fipoiran'ireo vohikala tantanina amin'ny fomba ofisialy amin'ny teny Tibetana .

Sina: Tanora iray voadaroka mandra-pahafatiny noho ny fiankinan-doha amin'ny aterineto

avylavitra — Fri, 21 Aug 2009 06:24:03 +0000

MpanoratraOiwan Lam · Nandika avylavitra · vakio ato ny lahatsoratra nadika

Tamin'ny volana ambony, ny Ministera Sinoa momba ny Fahasalamana dia nilaza fa ny fampiasana herinaratra [electroshock treatment] hitsaboana ny “fiankinan-doha amin'ny aterineto” dia tokony hatsahatra. Na izany aza anefa, tsy nidika izany fa ny toeram-pitsaboana mitsabo ny “fiankinan-doha amin'ny aterineto” dia nampitsahatra ny fampiasana fampijaliana.

Vao haingana tamin'ny 03 Aogositra, zazalahy mpianatra iray vao 16 taona, mitondra ny solonanarana Deng, no nodarohana mandra-pahafatiny tao amina “akanin'ny tanora” iray tao Pangyu, Guangzhou. Araka ireo tati-baovao, i Deng dia nalefa sy nohidiana tao amin'ilay akanin'ny tanora ny tolakandron'ny 01 Aogositra. Tokony ho tamin'ny 3 tolakandro, nanambara ny fahafatesany ny tomponandraikitra ara-pahasalamana tao an-toerana. Mpanofana maro tao amin'ilay akanin'ny tanora no nosamborina sy nampangaina noho ny fidarohana nahafaty an'i Deng.

Ny tatitra koa dia nilaza fa ny raiamandrenin'i Deng dia nanome RMB 7000 yuans ho an'ilay akanin'ny tanora mba ho sandan'ny tolotrasa iray volana ho “fanampiana ny zanak'izy ireo hanorina fitokisana sy hanary ny fahazaran-dratsy”, amin'ity tranga ity, ny fiankinan-doha amin'ny aterineto. Mihodina toy ny fiasan'ny fonja ilay akany ary ireo ankizy rehetra ao dia latsaky ny 24 ora daholo ny fanaraha-maso hentitra. Ny fifamatorana [contract] dia nanoritra fa ny akany dia “tsy voarara amin'ny fampiasana fampijaliana sy sazy mba ho fanabeazana ny ankizy. Saingy ny fepetra dia tsy tokony hisy fiantraikany amin'ny fahasalaman'ny ankizy.”

Misy toeram-pitsaboana 300 mahery manerana an'i Sina mitsabo ny fiankinan-doha amin'ny aterineto. Na dia noraràna aza ny fomba tsy manaja ny maha-olona mampiasa herinaratra [ electroshock], dia hisy foana ny endrika fampijaliana hafa “hitsaboana” ny fiankinan-doha amin'ny vohikala [web addiction ], iaraha-mahita rahateo ny fisian'ity “tsena midadasika” ity.

Araka ny antontan'isa, misy 338 tapitrisa ankehitriny ireo mpampiasa aterineto any Sina, ary amin'izy ireo dia 160 tapitrisa no tanora, ary 10% n'io dia voafaritra ho mpiankin-doha amin'ny aterineto.

Lahatsoratra mifandraika amin'ty ao amin'ny GVA.