Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Lohahevitra rehetra 

· Jona, 2013

Firenena ao Azia Atsinanana 
Tahiry isam-bolana 

Tantara mikasika ny Azia Atsinanana tamin'ny Jona, 2013

Nametra-pialàna Ilay Biby Famantarana Ny Halemem-panahy Any Singapore

  30 Jona 2013

Singa, ilay liona maha-te ho tia any Singapore ary avy eo biby famantarana ny fahasoavana nanomboka tamin'ny 1982, dia nametra-pialàna. Raha nitaraina noho ny "fiaraha-monina miharatsy sy mahasosotra" izy, nahatsapa ny liona fa fotoana tokony hitsaharana izao. Raha ny fantatra dia nanao taratasy fametraham-pialana tamin'ny Hetsi-Pahasoavana ao Singapore mihitsy i Singa.

Hatezerana Naterak'Ilay Fanafihana Nihatra Tamin'Ireo Mpifindra Monina Tao Malezia

  27 Jona 2013

Toa mihanaka manerana ireo firenena rahavavy ilay herisetra ara-poko tao Myanmar. Misy amin'ireo Bodista Myanmar izay nifindra monina tao Malezia no voatafika tao anatin'izay herinandro maromaro lasa izay, heverin'ny olona maro fa mifandraika amin'ilay disadisa ara-poko sy ara-pivavahana misy ao Myanmar izany. Nahatezitra ny mponina maro ny fihetsiky ny governemanta Myanmar raha vao naheno izany.

‘China Open Mic': Mijery Ny Fitombon'ny Dian-Tongotry Ny Fandrosoan'i Shina Ao Afrika

  26 Jona 2013

Ireo fisamborana sy famotsorana mpitrandraka volamena no zary lasa foto-dresaka voalohany ho an'ilay fifaneraserana ao amin'ny Google an'ny China Open Mic izay nokarakarain'ny China Open Mic ny Alahady 16 Jona 2013.China Open Mic (@ChinaOpenMic) dia vohikala misokatra malalaka mikendry ny hampahafantatra sy hanova ny fomba fisain'ny Shinoa rehetra eo anatrehan'ny fivoarana niomerikaao Shina.

Mitampify Ao Hong Kong i Snowden, Mihetsika Ny Diplomasia Eo Amin'ny Shina- Etazonia

  25 Jona 2013

Raha mitampify ao Hong Kong, ilay mpamoaka tsiambaratelo Amerikana Edward Snowden. Maro ireo onjan-kevitra mikasika ny fitiavan-tanindrazana teo amin'ny tontolon'ny bilaogy tao Shina. Maro ireo mpisera anaty aterneto no nahita izany ho fanararaotra ho an'i Beijing mba hahazoa aisa manoloana ny asa fitsikilovana ataon'ny governemanta Amerikana, ary mamaly bontana sy manohitra ny filazàna matetika fa hoe manao fitsikilovana anaty aterneto i Shina.

Ny Fomba Fampiasàn'Ireo Mpitarika Ao Azia Atsimo Atsinana Ny Twitter

  20 Jona 2013

Tena fitaovana mahomby ho an'ireo mpitondra any Atsimo Atsinanan'i Azia tokoa izao ny Twitter. Ny Filohan'i Indonezia Susilo Bambang Yudhoyono izay 2.4 tapitr'isa ireo mpanaraka azy ao no malaza indrindra amin'ireo mpitondra any amin'ny faritra. Etsy ankilany, ilay Praministra Maleziana Najib Razak,dia mbola malaza be ihany any amin'ny fireneny, ary 1.6 tapitrisa ireo mpanaraka azy. Ny filoha Filipiana Noynoy Aquino kosa no tena mahafatra-po ao amin'ny Twitter ary mahatratra 1.5 tapitrisa ny mpanaraka azy ao.

Fanampiana An-davitrisany Taorian'ny Horohorontany Tao Japana No Tsy Tonga Tany Amin'Ireo Tra-boina

  18 Jona 2013

Gazety lehibe iray ao Japana no namoaka fa yen an-davitrisany natokana ho amin'ny fanampiana ireo olona tra-boina tamin'ilay horohoron-tany mahery vaika izay nitarika ilay tsunami nahazo ny faritra Avatra atsinanan'i Japana ny taona 2011 no nampiasaina taminà tetikasa izay tsy nahazoan'ireo tra-boina ireo tombontsoa mihitsy. Nahatonga resabe teo amin'ireo mpampiasa tambajotra sosialy izany familiana làlana ny vola tokony ho an'ny fanarenana izany.

Ny marik-ity takelaka ity dia efa voapetraka Creative Commons Attribution 3.0 Creative Commons License Zo Sasantsasany Voatokana