Global Voices amin´ny teny malagasy » U.S.A.

Etazonia : Mitoraka blaogy mba handraisan'ny Anglikana ireo Pretra sy Eveka LGBT

Pissoa — Thu, 14 Aug 2008 18:52:36 +0000

Tamin'ny tapaky ny volana Jolay no natao tao amin'ilay katedraly manan-tantara ao Canterbury, ao Angletera ny fivoriam-ben'i Lambeth. Isaky ny folo taona moa no tanterahina ity fivoriam-be ity, izay hihaonan'ireo Eveka sy Arseveka manodidina ny 650 mitantana ny mpino Anglikana manodidina ny 80 tapitrisa maneran-tany.

Farafahakely dia fito ny fikambanana LGBT (Lesbian, Gay, Bisexual and Transgender) Anglikana (Amerikana amin'ny ankapobeny) nanatrika io fivoriana io mba hanohana ny fandraisana ireo LGBT ho ao amin'ny Fiangonana Anglikana. Nanohitra mafy izany fihetsika izany ireo Eveka te hitahiry ny lalana efa misy, ary nandrahona fa hovakiany ny fiangonana. Araka ny nolazain'ny Economist dia tsy nety nanatrika ny fihaonana ireo ny Eveka avy ao Nizeria, Oganda, Kenya ary Roanda izay ahitana fiangonana mpanindraindra ny fomba taloha maro.

Isan'ny tena nahagaga indrindra i Gene Robinso, 66 taona, Evekan'i New Hampshire any Amerika, izay manaiky ampahibemaso ny maha-”gay” tsy tokan-tena azy. Tsy navela nanatrika ny fivoriam-be ao Lambeth moa io izy, nefa na izany aza dia nanokatra blaogy mirakitra horonan-tsary mikasika izany. The Gene Pool no anaran'ny blaoginy ary mila ho isan'andro izy no mametraka ny heviny amin'ny horonan-tsary.

Misy horonan-tsary iray mirakitra ny teny fanantenana sy faherezana nataony ho an'ny LGBT Anglikana.

Maro ny hevitra hita amin'ireo horonan-tsary asehony no mahaliana na dia eo aza ny tsy fitovian-kevitra.

Hoy i Una tamin'ny hevitra navelany.

Thank you Gene. I am a straight believer in God's love for ALL people, irrespective of race, religion, sex, gender. I too pray that those of us who live in countries where hush-hush is the order of the day can stand with you in open honesty about who we are as Christians in our own cultures. Like you, I continue to hope, though I am not an optimist in regard to the Lambeth outcome.

Misaotra an'i Gene. Izaho dia mino fa tian'Andriamanitra ny olona REHETRA, tsy miankina amin'ny fiaviany, ny finoana, na ny maha-lahy na vavy azy. Mivavaka koa aho mba ho afaka mitsotra tahaka anao izahay mbola voatery miafinafina aty amin'ny firenena misy anay, noho ny mahaKristianina manana ny kolontsainay anay. Tahaka anao dia manantena ihany aho, saingy tsy betsaka ny fanantenako raha mikasika ny vokatry ny fivoriam-be ao Lambeth manokana.

Nanao izay vitany kosa i Rowan Williams, Arsevekan'i Canterbury, mba hitandroana ny firaisan'ny fiangonana. Tsy nanao fanambarana mivantana izy hanohanana ny LGBT na dia fantatra aza fa mivelatra kokoa ny fomba fijeriny. Ny fiezahan'i Rowan William mijoro eo anelanelan'ireo mpanindraindra ny lalana misy sy ireo mitaky fiovana no resahin'i Gene Robinson amin'ny lahatsoratra iray amin'ny blaoginy iray Canterbury Tales from the Fringe :

The morning we left Edinburgh, the headlines in the London Times announced the publication of letters sent by +Rowan Williams several years ago, in response to a conservative evangelical, in which he says that after many years of study and prayer, he has concluded that faithful, life-long-intentioned, monogamous love between two people of the same sex is NOT prohibited by scripture — and that scripture simply does not address this new phenomenon. Precisely what I and others have been saying all along.

(…) he has steadfastly done what he has said he would do: set his own personal understandings aside and take a centrist stance “for the good of the whole Church.” This is not news, folks! But it is indeed sad.

Tamin'ny maraina nialanay tao Edingubrh dia voalaza tao amin'ny London Times fa ho avoaka ny taratasy nosoratan'i +Rowan Williams taona maro lasa izay, fony izy namaly ireo [conservative evangelical]. Ao amin'io taratasy io dia nilaza izy fa rehefa nandinika sy nivavaka nandritra ny taona maro dia mihevitra fa ny fiarahan'ny lehilahy roa na vehivavy roa, tsy misy fampirafesana ary katsahiny haharitra mandra-pahafatiny dia TSY voararan'ny Soratra Masina - ary tsy voaresaka ao amin'ny Soratra Masina ity zavatra ity. Izay mihitsy no nolazainay hatramin'izay.

(…) Nataony tokoa izay nolazainy hoe ho ataony : navelany ny heviny manokana ary mirotsaka ho mpanelanelana izy “ho an'ny Fiangonana iray manontolo”. Tsy zava-baovao mihitsy izany. Fa mampalahelo fotsiny.

Misy blaogy hafa nosokafan'ireo mpandray anjara Liberal ao amin'ity fivoriam-be any Lambeth ity koa, tahaka ny Lambeth Conference LGBT Anglican Portal, Walking with Integrity, ary ny Lambeth News Blog.

Ao amin'ny firaketana ofisialy mikatsika ity fivoriana ity, izay hita ao amin'ny Episcopal Life Online, no ahitana ny nolazain'i Susan Russell, filohan'ny Integrity USA, ary pretra ao Los Angeles :

“…in spite of extraordinary pressure to do otherwise, the Archbishop of Canterbury has managed to achieve his stated goal of a Lambeth Conference of reflection rather than resolutions.

“The long predicted coup d'état that was going to emerge from this Lambeth Conference and vote the Americans and Canadians out of the Anglican Communion failed to materialize. There is much to be grateful for in that.”

” … na dia teo aza ny “fanerana” azy, dia vitan'ny Arsevekan'i Canturbery ny nametraka ny fandinihana ho tanjon'ny fihaonam-ben'i Lambeth fa tsy famahana olana.

“Tsy tanteraka ny faniriana hanilika ny Amerikana sy Kanadiana izay efa nisy nanomana hatry ny ela fa ho atao tamin'ity fivoriam-ben'i Lambeth ity. Betsaka no tokony hankasitrahana azy amin'izay.”

Nanao ity tahirin-tsary mahaliana ity koa i Susan Russel,mampiseho ny faharisian'ireo nikarakara ny fifandraisana sy ireo olona niasa nahatontosa ity fivoriam-be ity.

Sary nalaina tao amin'ny blaogin'i Susan Russell, Lambeth Conference Photo.

Nampiasa ny “Fijoroana vavolombelon'ny tsirairay” [Citizen Media koa ny Integrity USA ao amin'ny The Lambeth Witness mba hanaovana “vavolombelon'ny Fitiavan'Andriamanitra ny Fiangonana Anglikana, sy ny LGBT”. Niaraka tamin'ny Inclusive Church Network moa izy ireo namoaka lahatsoratra isan'andro mikasika io fivoriam-be natao tao Canturbery io.

Ilay sary ery amin'ny voalohany io dia maneho ny Katedralin'i Canterbury, nalain'i Sarah Hecht, ary ampiasaina miaraka amin'ny fepetran'ny Creative Commons.

Dominika sy USA: Politika sy Olona

Jentilisa — Thu, 31 Jul 2008 21:28:39 +0000

“Liana dia liana amin'ny fizotry ny fifidianana Amerikana i Chris ao amin'ny Dominica Weekly , ary mitarika azyizany hitodika amin'ny toetoetran'ny politika ao an-tanindrazany: “Angamba ny zavatra mahomby indrindra azontsika atao dia ny milaza ny marina amin'ny manampahefana, midradradradra izay ilaintsika, mitaky ny zo sasantsasany, tahaka ny fitsaboana, fahampiantsakafo, ary fialofana ho an'ny rehetra.”

Ukraine: Fanazarantenan'ny manampahaizana Irakiana

Jentilisa — Tue, 29 Jul 2008 07:57:55 +0000

Chernobyl and Eastern Europe no nanoratra fa “Mpampianatra 3 avy any Texas sy mpianatra Irakiana 27 no manao fanazarantena amin'ny fomba fanadiovana manala sisantaratra mampididoza” nandritra ny volana jona lasa teo tany Pripyat (Ukraine): “Eny, zavatra mahaliana azo atao amin'i Pripyat - ny fanazarana ny Irakiana ny tekinikam-panadiovana ny tanàna izay tsy vitan'ny mpitondra tanteraka nandritra ny 23 taona lasa izao. Fa raha tsy izany, efa hitan'ny Irakiana aloha hoe ahoana moa no mety hahazo ny tanànany aoriana kely ao [raha tsy ampy ny fitandremana].”

Rosia: Golàgy aseho an-tserasera

Jentilisa — Fri, 25 Jul 2008 01:02:39 +0000

Robert Amsterdam no manintona ny fampirantiana an-tserasera ny fomba fiasan'ny Golàgy nandritra ny fitondrana Sovietika - natsangan'ny ivon-toerana momba ny tantaram-pirenena sy ny New Media [haino amanjery vaovao] ao amin'ny Anjerimanontolon'i George Mason ary iarahany miasa amin'ny mpandala ny zon'olombelona Rosiana “Memorial” - ka asehony an-dahatsary ao fomba fisamboran'olona nandritra ny andron'i Stalina.

Azerbaijan: Valandresaka momba ny fifidianana any Etazonia

Jentilisa — Thu, 24 Jul 2008 23:35:11 +0000

Michael J. Totten's Middle East Journal no mitatitra fa hitsidika an'i Azerbaijan amin'ny volana ambony hanatrika valandresaka momba ny fifidianana any Etazonia sy izay zavatra mifandraika aminy any an-toerana. Mitady fanontaniana azo apetraka hoan'ny mpitondra fanjakana any (Azerbaijan) sy mpitondra fivavahana ary ny mpandraharaha avy amin'ny mpamaky azy ny bolongana.

Repobilika Tsheky: Fifanarahana momba ny radara

Jentilisa — Wed, 09 Jul 2008 03:30:51 +0000

The Reference Frame no manoratra ny soniam-pifanarahana misy eo amin'i Etazonia sy ny Repobilika Tsheky momba ny hametrahana radara any - ary manamarika fa “ao amin'ny mpampiasa aterineto , 3/5 amin'ny olona nomanaiky ny hisian'ny radara.”

Global Lives Project: Fandraisan-dahatsarin'ny fiainan'ny olona 10 mandritra ny 1 andro

Jentilisa — Mon, 07 Jul 2008 20:37:14 +0000

http://globalvoicesonline.org/wp-content/uploads/2008/07/global-lives.jpg

Natsangana hampisehoana fiainan'olona folo samihafa avy amin'ny lafivalon'izao tontolo izao amin'ny fanarahana azy ireo sy handraisandahatsary azy ireo mandritra ny 24 ora ny Global Lives Project. Miaraka alefa amin'ny fotoana mitovy anatina toerana voaorina iray ahafahan'ny tsirairay mivezivezy mitsidika efitra 10 samihafa handefasana ny lahatsarin'ny andavanandrom-piainan-dry zareo nofantenana tsirairay ny 240 ora voangona. Manaraka izany, ny famahavahany ny fenitra takariny, ny ataony hanatrarany izany fenitra izany sy fanazavana fanampiny momba ny tetikasa:

Ny tanjona kendrena dia ny hampivoitra ny fahasamihafana eto amin'ny pilaneta, ahafahana maneho amin'ny tsirairay ny fombam-piainan'ny hafa, tsy noforonina na namboamborina. Tsy hoe mandritra ny fampirantiana ihany no ahazoana mijery ireo fa mbola ampidiriana amin'ny tahalan-tserasera ihany koa izy ireo, ho karazana raki-pahalalan'ny traikefan'olombelona.

Eo ampikarohana mpaka lahatsary any Azia, Eoropa atsinanana ary Afrika indrindra ry zareo amin'izao fotoana izao, sy toeram-pampiratiana maro manana savaivo 20 metatra, mpandika teny ary mpanohana. Raha te-haka ny andinindininy ianao dia azonao jerena ao amin'ny vohikalany izany. (jereo ny lahatsoratra nadika). Efa naka sarina Amerikana mpanamory fiara mandeha amin'ny herinaratra tany San Francisco sy mpihira Breziliana sady mpanaramaso fahazoan-dalana hiditra an-tanàna ry zareo ary efa naka sary tany Malawi sy tany Japana koa.

Libanona: Fitsidihana tampoka nataon’i Condoleezza Rice

avylavitra — Tue, 24 Jun 2008 06:35:55 +0000

Ny Alatsinainy16 jona lasa teo, ny Sekreteram-panjakana Amerikana Condoleezza Rice dia nivahiny tampoka ora dimy tao Libanona. Nanambara izy ny fanohanan’ny governemantany ny filoha Libaney vao lany tsy ela akory izay, sy ny governemanta Libaney, ny mpitondra tenin’ny parlemanta ary ny rafitra demokratika ao amin’ity firenena ity. Nandritry ny ady nifandrotehan’i Israely sy Libanona tamin’ny 2006 izay nahafatesana olona maherin’ny 1.300 no fitsidihana farany nataon’i Rice tany Libanona. Izay olon-tsotra Libaney ny ankamaroany. Ireto ny ampahany vitsivitsy amin’ny akon’ity fitsidihana ity eo anivon’ny fitorahana blaogy Libaney :

Sursock dia nanamarika fa manaraka an’i Rice eny foana ny fahafatesana amin’ny fitsidihana ataony. Somary maneso sy mandratra ny fibangoany ireo tolo-kevitra rehetra mikasika ny fitsabahan’ny Amerikana amin’ny raharaha politika Libaney, na dia taorian’ny nilazany ny fihaonany tamin’ireo mpitarika Libaney aza:

Nilaza ny manampahefana Libaney fa telo raha kely ny olona maty nandritry ny fifandonan’ny mpomba sy ny vondrona mpanohitra ny governemanta tany amin’ireo tanana any atsinanan’i Saadnayel sy Taalbaya… Nitranga ny fifandonana raha iny nanao fitsidihana tampoka an’i Libanona iny i Condi “tahotra ny fahaterahana” Rice. Toy ny manaraka azy foana ny fahafatesana. Araka ny AFP:
Rice dia nilaza fa nanao izao dia [fivahinianana] izao izy “hanehoana ny fanohanan’ny Etazonia ny demokrasia Libaney, sy ny maha-masimandidy ny Libaney.”

Ity fanohanan'i Rice tsy dia mazava loatra ireo mpitarika Libaney sasantsasany ity dia nokianin'i Tantalus sy nametrahany fanontaniana mikasika ny asan'ireo mpitarika ireo izay nolazainy (Rice) fa nohamafisin'ny governemanta Amerikana:

Rice, niresaka tamin'ny mpanao gazety tao Ain al-Tineh hoy ny mpitondra teny Nabih Berri dia nahatsapa fa nakasitrahany ny fanamafisana avy amin'i Etazonia.
Somary mifangaro voraka ihany izany ho an'ireo milaza fa ireo maty eritreritra miaraka amin'i Berri no isan'ny namafy korontana nandritry ny andron'ny 7-21 may. Ireo zanakalahy antsoina hoe Berri-backed Amal sons-of-b*****s dia nitora-bato, nitifitra, nandoro kodiarana, niteny ratsy eran'ny tanana'i Beyrouth. Mbola fanamafisan'i Etazonia koa ve izany? Fa ahoana marina no fomba fiasan'i Etazonia?

Tears for Lebanon no nitatitra ny sasantsasany tamin'ireo fanakianana an'i Rice nataon'ireo mpanao politika vitsivitsy momba ny fandraisany ny “fifanarahan'ny 14 martsa” ho toy ny fianaran'ankizy:

Michel Aoun mpitarika ny Free Patriotic Movement dia nanakiana an'i Condoleezza Rice, sekreteram-panjakana Amerikana noho ny filazany ny fihaonany tamin'ireo mpitarika ny Fifanarahan'ny 14 martsa tamin'ny Talata teo ho toy ny “mpianatra nangonina tanaty efitrano fianarana iray.”

Na izany aza, notsindriany fa “misy resaka iray tsy voafaritra mazava, dia ny resaka fanomezana zom-pirenena ireo Palestiniana any Libanona”

Jnoubiyeh kosa naneho lahatsoratr'i Franklin Lamb izay namakafakany ny fitsidihan'i Rice ka ilazany fa:

Mety ho iny no fitsidihana farany ataon-dramatoa Rice any Libanona, nefa tsy ho ny farany amin'iny faritra iny izay manana salan'isa ankapobeny ho isaky ny 9 herinandro hatramin'ny nandraisany io toerany misy azy ankehitriny io. Rice, toy ireo eo anivon'ny fandraharahana Bush amin'ny ankapobeny ihany, dia mijanona ho isan'ireo tsy tian'ny olona aty Libanona noho ireo fanamarihany tsy voalanjalanja:” Izy ity (ny vono moka ataon'i Israely sy ny zera baomba) dia tahotra ny fahaterahan'ny Moyen-Orient vaovao”, “aloha loatra izao ho an'ny resaka fampitsaharana poa-basy azo tsapain-tanana”, “Israely dia mampihatra fotsiny izao ny zony hiaro tena ary Etazonia dia manohana izany zo izany”, sns. nandritry ny ady 33 andro, jolay 2006 sy ny asany [Rice] hikatsaka fampitsaharana poa-basy nandritry ny fifanandrinana izay nandraisan'ny Libaney anjara sy namoizany aina maherin'ny 1.400, naharatrana 4.500 ary naharavana foto-drafitrasa Libaney marobe hatramin'ny toekareny sy ny tontolo iainany.

Trinite sy Tobago: Onjam-piovana?

Jentilisa — Fri, 13 Jun 2008 08:20:17 +0000

Inoan'ilay mpamaham-bolongana Trinitita Attillah Springer fa hampivoatra zavatra maro ny onjam-piovana entin'i Barack Obama:

“Onjam-piovana iray tiako handom-baravarana aty amintsika izy ity ka hanaisotra amintsika ny fiesonana sy ny fahabangan'ny fototra politika eto amintsika. Eny indrindra, isika koa afa-manova. Afa-manova ny politikantsika isika.”

Puerto Rico, U.S.A.: Mainty & Fotsy

avylavitra — Sun, 08 Jun 2008 06:55:45 +0000

Gil the Jenius dia mihevitra fa tokony haka lesona iray na roa amin’ny zava-bitan’i Barack Obama i Puerto Rico : “Ekena fa misy fanavaham-bolon-koditra ao Puerto Rico. Ekena fa misy fiantraikany eo amin’ny resaka politika izany. Nefa raha hilaza ianao fa tsy mampaninona izany, na hoe tsy misy fotsiny izao, dia ekeo fa isika ihany no mametra ny Maha-isika antsika sy ny Hoavintsika.”