Global Voices teny Malagasy » Mexico

Horonantsary: Atsaharo ny herisetra atao amin'ireo vehivavy maneran-tany

candy — Tue, 01 Dec 2009 06:23:22 +0000

MpanoratraJuliana Rincón Parra · Nandika candy · vakio ato ny lahatsoratra nadika

Anio, faha-25 Novambra no andro iraisam-pirenena Iadiana amin'ny Herisetra Atao amin'ny Vehivavy, ary amin'ny alalan'ny horonantsary no anehoan'ny olona maro sy fikambanana maneran-tany ny fanirian'izy ireo hampiatoana ny herisetra ary koa ny ezaka entin'izy ireo hanamafisana fa manana tontolo afaka iainana am-piadanana ny vehivavy.

Sary avy amin'i circo_de_invierno, tao amin'ny Flickr mampiasa ny CC BY 2.0.

ny teny momba ny herisetra dia tsy maintsy hanafoana ny FAHANGINANA

http://www.flickr.com/photos/circo_de_invierno/ / CC BY 2.0

UNIFEM, ao amin'ny Manaova Tsia amin'ny Herisetra ao amin'ny Youtube dia efa nanao fanadihadiana ny sasany amin'ireo fanapahan-kevitra raisina maneran-tany mba hampiatoana ny fanaovana herisetra noho ny tsy fitoviana. Ny horonantsary voalohany dia mampiseho ny Lisean-jazavavy Ngara ao Nairobi, Kenya, izay andrisihana ireo tovovavy hanao Tsia amin'ny Herisetra, hijoro hitaky ny zon'izy ireo ary koa ny fomba hiadiana amin'ny fanolanana, fanafihana, fandrahonana ary ireo endrika hafa hisehoan'ny herisetra noho ny tsy fitoviana:

Any Kenya koa, manana Toeram-Panarenana ireo niharan'ny Herisetra ny tobim-pitsaboana nasionalin'ny Kenyatta, izay azon'ireo vehivavy sy ny zanany andehanana ary hikarakarana azy ireo noho ny herisetra nahazo azy ireo. Ato amin'ity horonantsary manaraka ity, mitantara ny fiainana ao amin'ilay toeram-pitsaboana izy ireo, ny tontolo iainana misy azy ireo, ary maneho hevitra koa ireo vehivavy niharan'ny herisetra:

Any Peru, eo am-pikarakarana fihetsiketsehana sy fanangonam-bahoaka ny fikambanana Flora Tristan ho ana endrika hafa inoany fa mety hiteraka herisetra: ny fandàvana ny fahazoana maimaim-poana ireo fomba fanabeazana aizana sy ny lalàna vaovao nanapaka fa ny pilin'ny ampitso (fanabeazana aizana vonjimaika) dia tsy tokony hozaraina maimaim-poana. Hanao fanentanana ho fanabeazana izy ireo any amina toeram-pitsangatsanganana any Lima ka hanome fanampim-panazavàna momba ny fanabeazana aizana, ary koa hizara pilin'ny ampitso sy fitaovana fanabeazana aizana ho mariky ny fanoherana:

Raha ny momba ny Amerika Latina sy ny Karaiba indray, nandefa ity horonantsary ity ny UN-INSTRAW ho ampahany amin'ny fanentanana fisarihan-tsaina :

Latinoamérica y el Caribe es un lugar peligroso para las mujeres. Más de 50 por ciento de las mujeres de la región han sido objetos de agresiones. En la República Dominicana, por ejemplo, 1,453 mujeres fueron asesinadas entre los años 2000 y 2008. En el marco del Día Internacional para la Eliminación de la Violencia Contra la Mujer, UN-INSTRAW lanza un nuevo video sobre la seguridad de las mujeres latinas y caribeñas.

Toerana mampidi-doza ho an'ny vehivavy i Amerika Latina sy Karaiba. Maherin'ny 50 isan-jaton'ny vehivavy any an-toerana no iharan'ny herisetra. Any amin'ny Repoblika Dominikana ohatra, vehivavy 1 453 no novonoina teo anelanelan'ny taona 2000 sy ny taona 2008. Ho an'ny Andro Iraisam-pirenena Iadiana amin'ny Herisetra Atao amin'ny Vehivavy dia nandefa horonantsary momba ny fandriampahaleman'ireo vehivavy Latina sy Karibeana ny UN-INSTRAW .

Any Espana, nandray anjara tamin'ny seminera faha-dimy momba ny Fiarovan-tena amin'ny herisetra ireo vehivavy, ka tamin'izay no nanoroana azy ireo ny fomba hiarovany tena raha miatrika toe-javatra mampidi-doza ry zareo. Ny kendrena amin'io fanofanana io dia ny hahafahan'izy ireo mampalemy mandritra ny fotoana fohy ilay mpanao herisetra mba hahafahan'izy ireo mandositra ny loza.

Ary avy any Chile, ilay mpanao Hip Hop COFLA dia namoaka hira mitondra ny lohateny hoe Femicide. Raha eritreretina hampirisika ny herisetra atao amin'ny vehivavy ny tononkira hip hop matetika, ity mpanakanto ity kosa namoaka hira manameloka ny fomban'ireo lehilahy manomboka amin'ny fanomezana tokim-pitiavana sy fiarovana ary tonga amin'ny herisetra, daroka na famonoana mihitsy aza:

Nisy ezaka toy izany ve tany amin'ny faritra na firenena misy anao? Mba ampafantaro anay amina fandefasan-kevitra ny fihetsiketsehana ataon'ny fiaraha-moninao mba hanakanana ny herisetra atao amin'ny vehivavy!

Etazonia, Meksika: Mi-tweet avy eny an'habakabaka ilay mpanamory sambondanitra José Hernández

candy — Mon, 07 Sep 2009 06:24:35 +0000

MpanoratraEduardo Avila · Nandika candy · vakio ato ny lahatsoratra nadika

Eo am-piodinana manodidina ny tany izao ilay mpanamory sambondanitra José Hernández ao anatin”ilay iraka ataon'ny sambondanitra ho eny amin'ny Toby an'habakabaka iraisampirenena, ary mi-tweet izy mandritra ity iraka 13 andro ataony ity.

Amin'ny maha zanaka Meksikana mpifindra monina azy teraka tany U.S.A, tany an-tanindrazan'ny ray aman-dreniny no nandaniany ny antsasaky ny fiainany ary ny ambiny sisa tany Etazonia. Araka an'i Mexico Reporter, mahery fo nasionaly any Meksika izy ary aingam-panahy ho an'ny olona maro any amin'ireo firenena roa ireo ny tantaram-piainany. Mpiasa mpifindra monina i Hernández taloha, niasa tao amin'ilay saha teo anilan'ireo ray aman-dreniny, ary izao no fivahinianany voalohany any an'habakabaka.

Ny mpanamory sambondanitra José Hernández, avy amin'ny Wikimedia Commons

Ny kaonty twitter-ny amin'ny tenim-pirenena roa dia nanome fanampim-baovao foana nandritra ny fanomanana ny fandefasana azy, izay tokony ho tamin'ny 25 Aogositra. Noho ny olana ara-mekanika anefa dia nahemotra andro maromaro izany. Taoriana kely dia lasa fahatsapana tsy vaovao intsony ny fiaingana tsy tena izy sy ny raharaha fanomanana miverimberina:

Ndeha hihazakazaka kely aloha. Toa tsa ho an'ny fiaingana rahalina amin'ny 1:10 izany toetr'andro androany izany! Ohatran'ny Andron'ny ‘Ground Hog'!

Nandritra ireny fanomanana ireny no niresahan'i Hernández an-tariby tamin'ny filoha Meksikana Felipe Calderón.

Tonga ihany ilay andro nony farany, ary nalefa hiodidina ny tany ilay sambondanitra tamin'ny 28 Aogositra. Vao tonga tany an'habakabaka i Hernández dia nizara ny eritreriny momba ny androny voalohany any an'habakabaka any:

Mipetraka aho ary manatanteraka ny nofiko… Milay be ny ‘Micro G'. Avy nandrindra ny solosainako ka ndeha hatory aho! Tsy mila ondana!

Ho an'ireo roa herinandro manaraka, hanome fanampim-baovao momba ireo asa atao amin'ny iraka sy ireo asa manaraka i Hernández:

#onorbit Vita ny sidin'ny andro faha-3 ary efa tonga aty amin'ny toby aho. Nifankahita tamin'ireo mpiray vodirindrina 6 ary mahafinaritra be ry zareo ireo! Tena mahafinaritra loatra ka dia ho entinay mody ny iray amin'izy ireo!

Araho ny tweet-ny momba ny andro sisa amin'ilay iraka ao amin'ny @Astro_Jose

Meksika: Tsy fahampian-drano mahakasika mponina hatramin’ny 2 tapitrisa

avylavitra — Tue, 14 Jul 2009 13:09:37 +0000

MpanoratraIssa Villarreal · Nandika avylavitra · vakio ato ny lahatsoratra nadika

Efa ho 2 tapitrisa izao ny olona voakasik’ilay fihenan’ny famatsian-drano tsy ela akory izay tao amin’ny lemak’i Meksika. Araka ny gazety Meksikana El Universal [es], ny Cutzamala System, izay mandrindra ny 20% amin’ny rano fisotro madio ho an’ilay lemaka, dia tsy miasa araka ny tokony ho izy ary tsy afaka mamatsy ny faritra misy azy: distrika 10 ao amin’ny Distrika Federaly ary fiadidiana tanàna 13 ao amin’ny Firenen’i Meksika.

Mba hisorohana ny haintany sy ireo olana hafa mafy kokoa, nandritra ny Herinandro Masina no nanapahana ny hetsika fandraràna voalohany, ary nahakasika olona 7 hetsy. Nampiasa ny rano fampiasa ho an’ny raharaha an-trano taterin’ireo fiarabe mpitatitra rano mandalo matetika isaky ny fokontany ireo olona mijaly noho ny fahatapahan-drano ireo, hoy ny blaogy Vivir México [es]. Tamin’ny Mey, efa nahatratra hatramin’ny 25%-n’ny rano no nahena nandritra ny faran’ny herinandro [es], ary hijanona amin’io mandra-pisian'ny fiovàna.
Na izany aza, raha amin’izao fiharatsian’ny toe-draharaha izao noho ny fahavakisan’ny fantson-drano tany amin’ny firenen’i Meksika [es] dia nahena 50% ny famatsian-drano tany amina faritra maromaro nandritra ny 48 ora tamin’ny faran’ny volana Mey.

Sary nalaina tao amin’ny Flickr-an’i Wonderlane ary ampiasàna ny Creative Commons license, ao amin’ny http://www.flickr.com/photos/wonderlane/3388022312/

Jessica Uribe, ao amin’ny blaogy Vivir México [es], dia manoratra momba ny tsy fahamatoran’ny fanapaha-kevitry ny governemanta manoloana ny olan’ny rano:

A pesar de todas estas afectaciones y de que es obvio que se necesita el gobierno federal no ha podido dar una respuesta al gobierno capitalino sobre la inversión que necesita el Sistema Cutzamala para ser rehabilitado y modernizado en su totalidad, esperemos que sea pronto cuando decidan el futuro del más importante sistema de abastecimiento de agua de la Ciudad de México, pues cada vez son más los problemas que tiene y más tiempo el que se tardan en solucionarlos.

Na dia efa hita izao aza ireo vokatra sy ny mampitombona ny hoe tsy nahavita namaly ireo Fiadidiana ny tanàna ny governemanta federaly momba ny fandraisana anjara ilaina mba hanamboarana tsara ny Cutzamala System, ndeha hanantena ihany fa handray fanapahan-kevitra momba ny hoavin’ny fotodrafitrasa momba ny rano izay manan-danja tokoa ao an-tanànan’i Meksika izy ireo, satria miha-mitombo ihany ny olana ary ela izy ireny vao voavaha.

Lesley Tellez, mpanoratra ilay blaogy The Mija Chronicles dia mizara ny zava-niainany tamin’ny andro voalohany teo amin’ny fiainany tsy nisian’ny rano tamin’ny volana Aprily:

Ary androany, vao nifoha izahay dia nahita fa tsy nisy rano. Olana zakain’ny fokontaninay iray manontolo izany. Na dia tsy nitsahatra ny niezaka ho ilay vehivavy madio indrindra eto Meksika aza aho, nisasa tamin’ny fomba ntaolo ihany anefa aho, nanafana rano teo am-patana aho ary nentiko tany amin’ny trano fidiovako tamin’ny kovetako lehibe indrindra. Tsy dia naninona ihany raha ny tena marina. Toa misy zavatra miteny amiko hoe tsy hahafinaritra toy izany ny rahampitso.

Na dia eo aza ny fahasahiranan’ireo mpifanolo-bodirindrina noho ny rano tsy misy, misy mieritreritra ireo olona fa tsy izany no vahaolana tsara indrindra. Ilay mpitoraka blaogy Daniel Hernández dia mitanisa ampahany amin’ireo tsy fitovian’ny tsy fahampian-drano, ao amin’ny blaoginy Intersections:

12 andro nisian’ny rano tapatapaka sy kely fandeha teo amin’ny fantsakana izao ho an’ny tsy haiko na olona firy na firy tapitrisa. Ary tsy fisian-drano — tsisy — ho an’ny tapitrisa maro fanampiny. Izay midika fa tsy mandeha ny kabone, tsy misy mandro, maina ny voninkazo. Tsy dia voakitika loatra ireo mpifanolobodirindrina sasany sy ireo fokontany voafantina (fantaro hoe iza avy), ary ny sasany kosa tena mizaka ny mafy (fantaro indray hoe iza).

(…) Fotoana fanaovana sorona matotra ho an’i [andriamanitra ‘prehispanic’] Tlaloc ve izao?

Ao amin’ny blaoginy manokana, maneho ny heviny i Jesús Chaírez momba ilay fifanoheran’ny tsy fahampian-drano sy ny fomba fanadiovana an-tanan-dehibe ataon’ny governemanta:

Avy eo, tahaka ny isa-maraina, nitazana teo am-baravarankely aho – tamim-pahagagàna kosa tamin’ity: na teo aza ireo adihevitra maro momba ny tsy fahampian-drano aty Meksika, nitazana teo am-baravarankely aho ary nahita andiam-pamafa làlana nanadio ny sisin-dàlana manodidina ny toeram-pitsangatsanganana tery ampitan’ny arabe Alameda Santa Maria la Ribera, tsy tamin’ny kofafa fa tamin’ny RANO! Mampiasa rano sarobidy ny governemantan’ny tanànan’i Meksika mba hanadiovany sisin-dàlana. Zavatra tsy misy fotony izany, nefa izany no Meksika.

Ao amin’ilay blaogy The Mex Files, miteny ireo mpanoratra fa ny firongatry ny fihenan’ny famatsian-drano any an-tanànan’i Meksika dia tokony ho raisina ho fampitandremana ho an’ireo tanàna mitombo malaky nefa tsy mijery akory ireo filàna fototra tena ilaina:

Mazava ho azy, “¡Como México no hay dos!” rehefa miresaka momba ny ‘fanamby ara-jeografika’ sy ‘ara-jeolojika’, sy ny fanerena eo amin’ny famatsian-drano ho an'ny tanàna iray izay nitombo haingana dia haingana nandritra ny 25 taona farany teo, ampiana an’izay noheverina ho fampiharana ny fahaiza-manao avo lenta nandritra ny 500 taona teo (fitarihan-drano avy amin'ny reniranon’i Tezcoco), dia nahatonga ny fotodrafitrasa momba ny ranon’i Meksika halemy kokoa manoloana ny olana lehibe raha mihoatra amin’ny tanàna hafa.

(…)

Tokony ho antso famohazana mba hanombohana handalina ireo filàna fototra, nefa miheritreritra aho fa hifoha any Chicago na New York na London isika indray maraina, tohina, tohina satria nijanona tsy niasa intsony ireo fotodrafitrasan-TSIKA ary tsy ho fantatsika akory hoe inona no nahatonga izany. Tahaka ny fomba fitrangany any an-tanànan’i Meksika. Noho ny tsy fandalinana ny lalàna fototry ny fiainana.

Nanambara tao amin’ny gazety El Universal [es] ireo mpiasa ao amin’ny Comisión Nacional del Agua (Conagua, Komisionam-pirenena momba ny rano) fa tokony ho hiverina tsikelikely ny laoniny ny Cutzamala System amin’ny fanamboarana ireo tohodrano maromaro izay nanomboka tamin’ny volana Aprily.

Amerika: Valin-kafatry ny faritra manoloana ny otrik'aretina H1N1

avylavitra — Wed, 06 May 2009 17:16:40 +0000

MpanoratraEduardo Avila · Nandika avylavitra · vakio ato ny lahatsoratra nadika

Na dia tany Meksika aza no nisy ny foiben’ny fihanahan’ny otrik’aretina H1N1 , mitady làlana hisorohana sy hanoherana azy ireo firenena hafa manodidina. Mijery akaiky amin’izay ataon’ny governemanta any aminy ireo mpitoraka blaogy ny amin’ny fomba hanalan’izy ireo ny tahotra, sa kosa vao mainka manampy trotraka. Ireo mpitoraka blaogy hafa avy any Amerika Latina koa dia mandinika ny fitondran-tenan’ireo olom-pirenena namany, indraindray miaraka amina fampihomehezana kely mba hisian’ny fitonitoniana.

Noho io valan’aretina io dia betsaka ny hetsika sy laminasa, izay heverina hisintona vahoaka maro, no nofoanana na no nahemotra, toy izany ny Hetsiky ny Rivo-Baovao nomanina hatao ny 23 aprily hatramin’ny 3 may tany amin’ilay tanàna meksikana Ecatepec. Ilay mpitoraka blaogy avy any Goatemala, Alan Mills ao amin’ny Revólver [es] dia nila nitady tetikasa hafa, satria efa niomana ny hanatrika io hetsika io izy.

Sarin’ny ‘metro’ meksikana nalain’i Eneas ary nampiasana ny Creative Commons license http://www.flickr.com/photos/eneas/3471986083/

Olom-pirenena maro no mandalina ny fanapahan-kevitra noraisin’ny governemantany manoloana ny fahatsiarovan-tenan’ny mponina amin’ny mety hahatongavan’ny otrik’aretina ao amin’ny fireneny. Any Costa Rica, izay firenena faharoa tao an-toerana nitatitra tranga, dia manoratra i Hazel Feigenblatt avy ao amin’ny Quien Paga Manda [es] fa hoe ny Minisitry ny fahasalamana dia manasazy ireo fivarotam-panafody izay mitady hanararaotra amin’ny fanamboarana fanafody sy vaksiny sandoka. Manontany tena momba ilay fividianana Tamiflu 150,000 fatra nataona firenena izay mbola tsy nahita akory ilay otrik’aretina ilay mpitoraka blaogy Ekoatoriana avy ao amin’ny Dejálo Ser [es] ary koa raha hoe hoverivery fotsiny ilay vola raha tsy ho ampiasaina akory ireo fanafody ka havela ho lany andro ao fotsiny.

I Luis Aguirre avy ao amin’ny Bloodyhell [es] dia mitsikera ny fihetsiky ny Minisitry ny fahasalamana peroviana, izay nilaza fa nisy teratany avy any Arzantina mitondra ny otrik’aretina H1N1 niditra tao amin’ny fireneny, nefa taorian’ny fitsirihana dia voaporofo fa diso izany [es]. Na izany aza, fahafaham-baraka toa rano raraka tsy azo raofina satria efa navoakan’ny governemanta koa ny anaran’ilay olona nahiana hitondra ny otrik’aretina [es], izay zavatra tsy fanao any amin’ny firenena hafa.

Sarina mpizahatany tao Cancún nalain’i El Enigma ary nampiasana ny Creative Commons http://www.flickr.com/photos/marca-pasos/3494017972/

Resahina matetika any anaty blaogy koa ny fihetsiky ny olona manodidina azy ireo. Any Bolivia, vao haingana i Azael avy ao Abre Los Ojos [es] no nifanena tamina fiara nitondra olona efatra nanao sarom-bava tany amin’ny tanànan’i La Paz. Raha ny fantatra dia tsy mbola tonga any Bolivia ny otrik’aretina, nefa manamarika izy fa tsy nanao zavatra hafa tena tsotra ireo olona ireo mba hisorohana loza hafa, “Ny tena zava-tsarotra dia ny mitady olona mamatotra ny fehikibo fiarovany any anaty fiarany.”

Mitantara andro iray izay tena nandreraka lany tany anaty fitanteram-bahoaka i Velvet avy ao amin’ny Piso Tres [es]any Medellín, Kolombia, noho ny fihetsiky ny olona nanodidina azy.

Resulta que soy alérgico a los olores fuertes. Percibo un aroma de prefume muy concentrado e inmediatamente suelto el estornudo. Un estornudo de los clásicos, de los que no matan sino que te dejan aliviado y con sensación de placer. No tiene nada que ver con la gripa de los marranos. Claro, eso no lo saben los que viajan conmigo en el metro.

Hoy estornudé por culpa de un perfume malísimo que olí en el metro. Un señor del frente me miró con rabia asesina. Un niño miro a su mamá con mirada de mártir y abrazó su pierna. La señora me miró como diciéndome “¡homicida”! y se fue. La joven a mi lado -entre otras cosas la culplable de mi delicioso estornudo- se paró y se cambió de vagón. Otro señor cerquita sacó un pañuelo del bolsillo trasero y se tapó la nariz y la boca. En unos treinta segundos se formo un círculo imaginario a mi alrededor y sentí lo que debe sentir un leproso o un paria hindú.

Izaho mantsy tsy mahazaka fofona mahery. Raha mifoaka fofon-dranomanitra mahery be aho dia mievina avy hatrany. Evina tahaka ny evina rehetra, tsy mahafaty, fa manamaivana sy mamela fahafinaretana. Tsy misy hidirany amin’ny gripan-kisoa mihitsy. Mazava ho azy fa tsy mahafantatra izany ireo tafara-dàlana tamiko tao amin’ny “metro”.
Tsy maintsy nievina aho androany noho ny fofon-dranomanitra ratsy be nofohako tao amin’ny ‘métro’. Nijery ahy tamin-katezerana fatratra ilay rangahy teo anoloako. Nisy zazakely iray nijery ny reniny toy ireny fikerin’ny maritiora ireny ary namihina ny tongony. Dia nijery ahy ilay ramatoa, tahaka ny te-hiantsoantso hoe “mpamono olona!” ireny ary avy eo izy nandeha. Nitsangana ilay tovovavy teo anilako – izy no tompon’andraikitra tamin’ilay eviko tsara be teo – ary nifindra fiara. Nisy rangahy hafa koa naka mosoara tany am-paosy aorinany dia nanapina ny orony sy ny vavany. Tao anatin’ny 30 segondra, nisy faribolana tsy hita maso niforona nanodidina ahy ary nahatsapa ny tsapan’ny boka na Indiana pariah aho.

Ny sasany indray dia miezaka mampiasa fampihomehezana mba hanamaivanana ny tahotra. Nanoratra momba ny ‘sary vaovaon’ny fahafatesana’ i Gandica avy any Venezoela ary maka sary an-tsaina ny mety ho endriky ny fanadihadiana any an-danitra momba ny antony nahafaty ny tena [es]:

- ¿Y usted de qué murió?
Entonces la respuesta correcta debe ser:
- De la gripe AH1N1.

No vaya pues a cometer el garrafal error de mencionar que murió de influenza o gripe porcina -ya sabe AH1N1-nueva-gripe / H1N1- porque la industria-de-alimentos-carne-de-cerdo está muy sensible y pidió el cambio de nombre.

Joder. Como si el nombre gripal tuviera mucha importancia en estos momentos sobre lo que se nos viene encima.
¡Son pues vainas de nosotros los humanos, siempre tan cuidadosos con la imagen-relaciones-públicas!

- Ary inona no nahafaty anao?
Ity no mety ho valiny marina:
- noho ny otrik’aretina AH1N1
Tandremo ny manao fahadisoana goavana amin’ny fitenenana hoe gripa na gripan-kisoa – efa fantatrao ny AH1N1 – gripa vaovao / H1N1 – satria mora tohina ny orinasa momba ny kisoa ary nangataka ny mba hanovàna ny anarana.

‘Lety eee. Ohatran’ny dia efa hoe manan-danja be ireny ny anaran’ilay gripa amin’izao fotoana izao. Izany no hadalàn’ny olombelona, miasa saina foana amin’ny endrika ivelan’ny tena sy ny fifandraisana aman’olona!

Mamoaka karazan-torohevitra nofinofyCiencia Ficción [es] any Costa Rican mamaly ireo mpamaky voakasiky ny otrik’aretina.

“¿Usted cree que me muera?” Anónimo, San José.
R/: De la gripe no, en un asalto en San José sí.

Mieritreritra ve ianao fa ho faty aho? Tsy mitonona anarana, San José (renivohitra)
Valiny/: Noho ny gripa, tsia…noho ny fanafihana mitam-piadina any San José, eny.

Shina: Ny fanokana-monina ny Meksikana rehetra

Jentilisa — Sun, 03 May 2009 20:25:40 +0000

MpanoratraJohn Kennedy · Nandika Jentilisa · vakio ato ny lahatsoratra nadika

Be loatra angamba ny lahatsoratr'i Michelle Malkin novakian'ny tompon'andraiki-panjakana Shinoa misahana ny fahasalamana tao ho ao; raha nofoanany avokoa ny zotram-piaramanidina avy any Meksika rehetra, ary nahavory Meksikana 41 raha vitsy indrindra tany Beijing, Shanghai ary Guangzhou ny fanjakana, handroaka azy ireo hiala an'i Meksika, nefa fantatra fa tsy hita ho mitondra ny soritr'aretina H1N1 velively izy ireo.

Vao nitatitra ny fivoaran'ny aretina mieli-patrana manerantany moa ny vavahadin-tserasera tahaka an'i Global Times; tao amin'ny tantaran'ny “tsy fahafaliana” nasehon'ny masoivoho Meksikana any Shina, Jorge Guajardo— izay nanolo-kevitra vao haingana izay fa avy any Eorazia no niandohan'ny H1N1 — raha mijery ny fanilihana ny Meksikana, dia nanoratra toy izao ny mpamaky:

自己生病的时候本就应该为了别人的健康老实在家里待着养病而不是到处传播病毒。谁又没请你们来，不来正好。

Raha misy ny marary, tsy miraharaha ny fahasalaman'ny hafa dia tokony hijaona any an-trano fotsiny izy ary hikarakara ny kisoany, fa tsy mivezivezy manodidina mamindra otrik'aretina. Dia tsy misy ny olona hanasa any, fa tsaratsara kokoa raha tsy mankaty ianao.

对于这种程度的传染病，我们就是要怀疑一个，隔离一个。怀疑一堆，隔离一群。为了13亿人口密度。我一百个赞成。

Tokony atoka-monina avokoa izay rehetra mampiahiahy noho ny aretina mora mifindra amin'izao endriny izao. Raha misy ny vondrona mampiahiahy dia atoka-monina avokoa izy rehetra. Heveriko fa tsara ny manoka-monina ny zato amin'izy ireo amin'ny habetsaky ny mponina mahatratra 1,3 arivo arivo arivo.

唉，别说了啊，他想要我们国家大乱啊，把我们国家搞垮啊，他们真是居心叵测

Kay kay kay, aoka izay. Te-hankaty an-tanindrazantsika hanakorontana fotsiny izy ireo, handrebireby ny firenentsika, tena biby mitòrina.

对于对中国如此敌视和不友好的国家，我们为什么要帮它？！我们的外交人员究竟是干什么吃的？为什么不能把所驻在国对我国的真正的态度反馈回来？看来，我们政府这次五百万美元算是白花了。应该追究我们的外派外交人员的失职！

Nahoana isika no hanampy ireny firenena mankahala sy masiaka amin'i Shina ireny?! Eritrereto fotsiny izay heverin'ny diplaomatintsika amin'izay ataony? Nahoana no tsy lazainy amintsika ny fihevitry ny any ampita momba an'i Shina? Raha jerena avy amin'izao hita izao dia vola fafikatrana fotsiny ny 5 arivo arivo USD. Tokony takiantsika ny fialan'ny mpiasan'ny diplaomasiantsika any ampita!

倒是理解墨外交人员的“不满”，可这种不满对保护人民生命安全丝毫起不到作用，墨西哥几天内如此大规模的扩散已经说明他们政府的措施不得利。

Hitako ny “tsy fahafalian'ny” diplaomaty Meksikana, saingy tsy misy dikany mihitsy ireny miohatra amin'ny fitandrovana ny ain'ny olona. Niely haingana dia haingana tao anatin'ny andro vitsivitsy monja ny H1N1 hanehoana fa tsy nahomby ny fepetra noraisin'ny fitondram-panjakana any amin-dry zareo.

撤换该大使

Tifiro any io masoivoho io dia mandraisa iray hafa

做的好，必须考虑到我们人民群众的生命安全，如果病毒扩散到我们全国，那西方政客会帮我们么？不要指望他们，暂时停止航班是真确的。政府这次做的非常对，全力支持

Ekeko e, tsy maintsy arovana ny aina sy ny fahasalaman'ny olona e! Angaha hanampy antsika ireo mpanao politika tandrefana ireo raha miely eto amintsika ny valan'aretina? Aza miraharaha azy. Mety tokoa ny mampiato ny zotram-piaramanidina. Tena mety ny nataon'ny fanjakana tamin'ity indray mitoraka ity, ka tohanako amin'ny foko manontolo.

全部送回去最好，赞成隔离，不愿意回去呗，万一传染了怎么办？这个时候，应该为大多数人民的利益着想，隔离了还送东西给他们，吃力不讨好

Ny mampody any an-tanindrazany no tena mety, fa tohanako ny manoka-monina azy ireo. Fa raha tsy mety mody ry zareo, inona no hitranga raha miely ny (aretina)? Amin'izay fotoana izao, tsy maintsy eritreretina ny tombotsoan'ny besinimaro. Raha mbola manoka-monina azy ireo isika dia mbola mikarakara azy izany, nefa dia tsy misy fankasitrahana avy amin'izany

滚回墨西哥去！
流感也是有潜伏期的，我们自己人都隔离，你们凭什么有特权？！况且，中国境内的首例病例就是你们墨西哥人！如果你们不来，中国的感染和疑似病例仍然为0!!!!!

Modia any Meksika e!
Misy fotoana iotrehany io valan'aretina io, ary raha mitoka-monina aza ny vahoakantsika, inona moa no tena mba manavaka anao?! inona koa, ny iray aminareo Meksikana no nahitana ny trangan'aretina voalohany! Raha tsy nankaty ianareo dia tokony ho mbola zero ny tranga ahiahiana taty Shina!!!!!

为了大家安全有什么不对？非常时期是哪里人不重要，中国人倒霉与病人乘了同一架飞机也被隔离呀！被病毒感染了吧这位？

Inona ny fahadisoana raha ny rehetra no arovana? Tsy atao ho zava-dehibe ny fiavian'ny olona amin'ny fotoana tahaka izao. Misy koa ny Shinoa ratsy vintana niray fiaramanidina tamin'ny olona tratran'ny aretina ka natoka-monina ihany koa!! Tsy tratran'ny aretina ianao, sa tsy izay?!

Misy tantara hafa ihany koa ao amin'ny Global Times nosoratana mpiserasera tezitra ka namaly ny fampitandremana nataon'ny Minisitry ny raharaham-bahiny Meksikana mandrisika ny mponina ao aminy tsy hankany Shina; indreto koa ary misy fanehoan-kevitra hafa:

所有网民们:你们好
现在你是代表全中国人吗?你们对中国的现实有多少知道?”墨外长“别赴中国旅游”言论引发中国网民愤怒”这个中国一字是可以让人去用的吗?我也是一个网民,可是你说的是在我还没看到.请问环球网

Ry Mpiserasera rehetra: Arahaba.
Misolo tena ny vahoaka Shioa manontolo ve ianao izao? Tahaka ny ahoana moa ny fahalalanao ny zava-misy eto Shina? Mba nahita nanoratra tahaka ny hoe “Minisiteran'ny raharaham-bahiny Meksikana: ‘toroan-kevitra ny mpizaha tany tsy hankany Shina', romotra ny mpisarasera Shinoa” ve ianao? Mpiserasera aho, fa tsy mbola nahita ny zavatra nolazainareo. Miteny fotsiny aho ry Global Times…………….

紧急情况下别管人家咋说，只要国民安全，个人意见

Tsy misy antony izay tenenin'ny olona amin'ny fotoam-pahamaizana. Ny fiarovana ny aim-bahoaka ihany no zava-dehibe. Izay no hevitro.

Tao amin'ny NetEase, dia naharay hevitra mihoatra ny arivo ny vaovao mikasika ny fifindran'ny aretina H1N1 avy amin'ny olona mankany amn'ny kisoa nitranga tany Canada andrefana ; ireto no tena niavaka tamin'izay novakiana:

乱了乱了,到底是猪不对还是人不对啊

Mahakivy, fa olana amin'ny kisoa izy ity sa amin'ny olona e?

全世界的猪都在恐怖：“人流感来了

Mihorohoro ny tontolon'ny kisoa “tonga ny gripan'olona”

以前我好像看过，如果传到猪身上它就会变异，加拿大遭殃了

Mieritreritra aho eto ampamakiana raha mbola miova indray izy rehefa mifndra any amin'ny kisoa. Mikorontana i Canada.

原来还是猪的错

Ah, fahadisoan'ny kisoa ve izany?

说猪不能得此病的专家估计跟猪有血缘关系,
否则他怎么了解得如此清楚!

Ny manampahaizana manokana miteny fa tsy maintsy manana fifandraisan-dra amin'ilay kisoa ny kisoa hafa matoa tsy tratran'ilay otrik'aretina, izany hoe tsy mazava tahaka izany ry zareo amin'ity resaka ity!

Manavaka ny mpamaky ny NetEase ny mananihany, ireto fanehoan-kevitra manaraka ireto dia maka tahaka ny fomba filazan'ny tompon'andraikitry ny fahasalamana voasoratra etsy ambony, asongadin'ny iray ary fa tsy mifanalavitra ny karazan'ny H1N1 eo amin'ny olombelona sy ny kisoa:

猪和人是近亲！所以两者的病容易互传！专家这个难道不说吗？想隐瞒大家？我这个不是专业的人都知道，你们专家为什么不说？是不是不敢说？

Misy ifandraisany betsaka ny olona sy ny kisoa! Izany no mahatonga ny roa tonta hifamindra! Moa tsy izany no lazain'ny manam-pahaizana? Sa misy zavatra afenin-dry zareo amin'ny rehetra? Na ny tsy manam-pahaizana amin'ity raharaha ity tahaka ahy aza mahafantatra izany, Nahoana noho izany no tsy lazainao manam-pahaizana manokana ny momba azy ity? Sa misy ny zava-mampatahotra?

猪和人是血亲！所以两者的病容易互传！专家这个难道不说吗？想隐瞒大家？我这个不是专业的人都知道，你们专家为什么不说？是不是不敢说？

Misy ifandraisany ny ran'ny kisoa sy ny ran'ny olona! Izany no mahatonga ny roa tonta hifamindra! Moa tsy izany no lazain'ny manam-pahaizana? Sa misy zavatra afenin-dry zareo amin'ny rehetra? Na ny tsy manam-pahaizana amin'ity raharaha ity tahaka ahy aza mahafantatra izany, Nahoana noho izany no tsy lazainao manam-pahaizana manokana ny momba azy ity? Sa misy ny zava-mampatahotra?

猪和人血浓于水！所以两者的病容易互传！专家这个难道不说吗？想隐瞒大家？我这个不是专业的人都知道，你们专家为什么不说？是不是不敢说？

Madity noho ny rano ny ran-kisoa sy ny ran'olona! Izany no mahatonga ny roa tonta hifamindra! Moa tsy izany no lazain'ny manam-pahaizana? Sa misy zavatra afenin-dry zareo amin'ny rehetra? Na ny tsy manam-pahaizana amin'ity raharaha ity tahaka ahy aza mahafantatra izany, Nahoana noho izany no tsy lazainao manam-pahaizana manokana ny momba azy ity? Sa misy ny zava-mampatahotra?

猪都是人民的公仆！所以两者的病容易互传！专家这个难道不说吗？想隐瞒大家？我这个不是专业的人都知道，你们专家为什么不说？是不是不敢说？

Mpanompon'ny olona ampahibemaso ny kisoa! Izany no mahatonga ny roa tonta hifamindra! Moa tsy izany no lazain'ny manam-pahaizana? Sa misy zavatra afenin-dry zareo amin'ny rehetra? Na ny tsy manam-pahaizana amin'ity raharaha ity tahaka ahy aza mahafantatra izany, Nahoana noho izany no tsy lazainao manam-pahaizana manokana ny momba azy ity? Sa misy ny zava-mampatahotra?

猪都为人民服务！所以两者的病容易互传！专家这个难道不说吗？想隐瞒大家？我这个不是专业的人都知道，你们专家为什么不说？是不是不敢说？

Mikarakara olona ny kisoa! Izany no mahatonga ny roa tonta hifamindra! Moa tsy izany no lazain'ny manam-pahaizana? Sa misy zavatra afenin-dry zareo amin'ny rehetra? Na ny tsy manam-pahaizana amin'ity raharaha ity tahaka ahy aza mahafantatra izany, Nahoana noho izany no tsy lazainao manam-pahaizana manokana ny momba azy ity? Sa misy ny zava-mampatahotra?

John Kennedy

Meksika: Notsongaina handray anjara amin’ny mozika Orkestra YouTube ny mpitendry anankiroa.

koloina — Sun, 08 Mar 2009 07:37:03 +0000

MpanoratraIssa Villarreal · Nandika koloina · vakio ato ny lahatsoratra nadika

Tetika fiaraha-miasa ampiasaina ny gazety ara-tsosialy amin’ny alalan’ny haino an-tsofinan’ny horonantsary YouTube ilay mozika Orkestra YouTube, izany dia sivanin’ny mpitsara ireo mpilalao mozika sy ny mpikirakira hafan’ny YouTube. Ao anatin’ny mozika orkestra natao ho an’ity tetik’asa ity dia vao haingana no notsiponina ireo mandray anjara izay hilalao sombim-peo noforonin’I Tan Dun, mpamorom-peo Sinoa, ary namorona ny feon-kiran’ny horonantsary toy Crouching Tiger, Hidden Dragon sy Hero (ilay tigra mandady, ilay Dragona miafina sy Ilay Mahery fo), mbola izy ihany koa no loharanon’ny kanto-mozika Anterineto N*1 “Eroica” mba ho lalaovin’ny mpitendry mozika miisa 90 avy amin’ny firenena isankarazany, ireo matihanina sy zandriny, any Carnegie Hall ao New York.
Notsongaina ireto mpitendry feo Meksikana handray anjara amin’ny orkestra iraisam-pirenena araka ny voalazan’ny bolongan’I Vivir Mexico [es]. Mpitendry lokanga antsoina hoe Manuel Zogbi ny iray amin’izy ireo avy any an-drenivohitra avaratry Saltillo. Araka ny feon’ny boky mpiseho isan’andro (magazine) antsoina hoe El Manana [es], dia ny iray amin’ny nofinofiny amin’ny mahampitendry mozika azy ny hilalao ao anatin’ny Carnegie Hall:

….Nanomboka tamin’ny faha-10 taonako teo ho eo dia fanaoko ny miresaka hoe: Ho hitanao, fa rehefa lehibe aho dia tiako ny hilalao ao amin’ny Carnegie Hall. Rehefa nandeha ny fotoana, dia toa nanjavona ireo nofinofy, ary ankehitriny dia tsapako fa , ooo oai! Tena afaka niverina ireo nofinofiko taloha ary tanteraka izy ireo ankehitriny.

Entina hankalazana ny fifidianana azy dia handray anjara amin’ny konseritra (concert) ao Monterry, ilay renivohitra onenany ankehitriny I Zogbi.

Kely dia kely ihany ny fantatra momba ilay mpitendry mozika anankiray hafa. Intisamente no anarana entiny amin’ny YouTube, ary araka ny feon’ny boky mpiseho isan’andro El Manana, dia avy any Veracruz hono izy.

Kanefa aloha, tsy sakana velively ho an’ny mpikirakira Meksikana hifandray sy hiarahaba azy amin’ny alalan’ny YouTube ny tsy fisian’ny fomba amantarana mikasika ny mpitendry lokanga. Mitsikera ao anatin’ny fantsona misy azy [es] ny mpikirakira SAME860331:

Fahagagana mahafinaritra tokoa ny ahy rehefa namaky ny gazety fa hoe Meksikana roa no tafiditra ao anatin’ny mozika orkestra YouTube!!! Ny fihetsem-poko voalohany dia ny hafaliako, koa satria afaka mampifandray antsika ny aterineto dia tsara ihany ny miarahaba anareo n’aiza n’aiza misy antsika.

Miaraka ireo Meksikana, dia ao koa ny mpitendry mozika avy any Brezil sy ny anankiray avy any Kolombia handray anjara ao amin’ny Mozika Orkestra youTube..

Meksika: Manam-pahaizana manokana momba ny ady amin'ny fakana an-keriny nisy naka an-keriny

Jentilisa — Thu, 18 Dec 2008 20:52:17 +0000

· Nandika Jentilisa · vakio ato ny lahatsoratra nadika

Miroborobo ny heloka bevava any Meksika, ka samy tratran'ny fakana an-keriny avokoa na tompontany na vahiny (vazaha). Vao nisy tany Saltillo, Coahuila, raha nentin'olona mitam-piadiana misarontava ny manam-pahaizana manokana momba ny ady amin'ny fakana an-keriny Amerikana Félix Batista. Tonga eto moa i Batista mba hanao seminera amin'ny maha-filan-kevitra avy amin'ny orinasam-piambenana miorina any Texas antsoina hoe ASI Global LLC azy. Tadiavin'ny vondrona (orinasa na fikambanana…) noho ny fahazarana nananany manerana an'i Amerika latina izy amin'ny tetika ialana amin'ity karazan-keloka ity. Na izany aza dia manaporofo izao tranga izao fa mety ho tratrany avokoa na iza na iza.

Latsa-panontaniana amin'izao trangam-pakana an-keriny izao i The Mex Files :

If Batista was an expert, how did he get himself kidnapped?

Batista was an employee of a Houston Texas “security consulting” firm called ASI Global. He reportedly was in Saltillo on personal business, but who
was he working for?

Is ASI Global one of the U.S. companies receiving funding for “Plan Merida”… and what does this say about the competence of the trainers?

Raha manam-pahaizana manokana momba ity raharaha ity i Batista, ahoana no mbola mahatonga azy ho tratran'ny fakana an-keriny?Mpiasa tao amin'ny “filan-kevitra momba ny fiambenana (na fiarovana olona)” antsoina hoe ASI Global miorina any Houston Texas i Batista. Araka ny tatitra dia raharahany manokana no nandehanany tany Saltilo, fa iza moa no iasany (amin'io fotoana io)

Moa ve anisan'ny nahazo vatsy momba ny “Plan Merida” ilay orinasa Amerikana ASI Global… Ary ahoana ary ny lazainy amin'ny fahakingan'ny mpanazatra ao aminy izao?

Misy antontan'isa mametraka fa roa isan'andro eo ho eo ny trangana fakana an-keriny mitranga anyindrindra fa any amin'ny tapany avaratry ny firenena manamorona ny sisintany. Meksika no manana ny tahan'ny fakana an-keriny ambony indrindra manerana izao tontolo izao isan'olona. Tena manohina ny namana sy ny havan'ireny tratran'ny fakana an-keriny ireny ity tranga ity, tahaka ny mpamaham-bolongana Tony Scotti, izay naman'i Batista:

I know Felix, and he is a highly competent individual. Felix has more than 20 years of experience in the K&R business. Felix is a high profile guy, often quoted in the newspapers and in fact quoted in this month’s issue of Security Management Magazine. His high profile might have been the catalyst for the abduction. After reading the newspaper accounts it would be my guess that Felix was set up, and set up by someone he trusted.

Fantatro i Felix, ary olona tena kinga sy havanana tokoa izy. Olona manana fahazaran-draharaha 20 taona izy tao amin'ny fandraharahana K&R. Manana laza tsara i Felix, lazain'ny gazety matetika ary raha ny marina dia vao nolazaina tao amin'ny gazetiboky misahana ny fiambenana sy ny fiarovana. Noho izay lazany izay mihitsy no antony niteraka ny fakana an-keriny azy. Taorian'ny famakiako ny filazan'ny gazety di maminavina aho fa nisy nametraka izy (namitaka) ary olona akaiky azy ihany no namitaka azy.

El Nahual ao amin'ny México Para Los Mexicanos [es] dia manahy mafy amin'izay dikan'iy raharah aity hoan'ny hafa etoamin'ny firenena:

Mi primera reacción es de risa, por lo irónico. Mi segunda reacción es de miedo… si un experto ex militar con 24 años en el campo de la seguridad es secuestrado ¿Qué oportunidades le quedan al resto de los mortales de que no seamos secuestrados?

Ny nataoko voalohany indrindra aloha dia ny nihomehy, noho ny endrika maneso ao aminy. ny tao amiko faharoa indray dia ny tahotra… raha miaramila afaka manana fahazaran-draharaha 24 taona eo amin'ny sehatry ny fiarovana no nisy naka an-keriny, dia ahoana izany isika ambiny ireto amin'izy ahatafavoahantsika tsy hisy haka an-keriny?

Eduardo Avila

SIDA: Kamboty, diabe, ary fahatsiarovana

Jentilisa — Wed, 17 Dec 2008 07:51:03 +0000

· Nandika Jentilisa · vakio ato ny lahatsoratra nadika

Ho tohin'ny takelaka manokana momba ny SIDA tahaka ny Fihaonambe 2008 momba ny SIDA sy ny Andro manerantany momba ny SIDA 2008, dia mitondra lahatsary maneho ny fahasahiranana mahazo ny kamboty izay matin'ny SIDA ny ray aman-dreniny, ny andro iadiana amin'ny SIDA any Bangladesh, fampahatsiarovana avy any Meskika avy amin'ny SexualidadIntegral (fandefasampeo sy sary) ary ny fiantraikan'ny tatitra avy any an-drenivohitra Mexico momba ny fahaonambe 2008 momba an'i SIDA izahay.

Panos London moa dia fikambanana manao izay hahenoana ny feon'ny olona voahilikilika sy ny mahantra amin'ny adihevitra iraisam-pirenena. Manana Andian-dahatsoratra manao hoe Growing Pains izay mampiseho ny kamboty vokatry ny SIDA. Ity lahatsary manaraka ity dia novokarina tamin'ny fampiasana ny sarin'ny ankizin'ny fiarahamonina Afrikana Tatsimo, ny fianakavian'izy ireo ary ny fijoroana vavolombelona ataony:

Tany Bangladesh, dia nisy filaharambe sy fampisehoana an-dalambe nanaraka ny andro iadiana amin'ny SIDA 2008. Ity lahatsary manarka ity dia nalain'ibdaids ary azo jerena ao amin'ny vohikalany:

Lahatsary fahatelo izay navoakan'i Sexualidad Integral any Meksika.

Ny tatitry ny SIDA 2008 izay manadihady sy mamakafaka eo amin'ny sehatry fianarana valan'aretina, fikarohana fototra sy lalin'ny fahasalamana, fikarohana ny fisorohana ny aretina (biomedical), fifantohana eo amin'ny faritra sy fanazavana amin'ny fomba hanatsarana ny ady amin'ny valan'aretina SIDA avy amin'ny SIDA 2008 sy ny fihaonambe hafa mikasika ny SIDA. Efa narahintsika ny fizotry ny fihaonambe ao amin'ny takelaka manokana mikasika izany, ary afaka misintona ny tatitra ao amin'ny IAS Website ianao na eto.

Juliana Rincón Parra

Meksika: Mpanadio kiraro mampiasa ny YouTube ho dokambarotra

Jentilisa — Sat, 13 Dec 2008 07:25:05 +0000

· Nandika Jentilisa · vakio ato ny lahatsoratra nadika

Naotin'ny Tonia: Sary nalain'i Issa Villarreal ilay mamafa kiraro iray any Monterrey, Meksika, izay manao dokambarotra ny tenany amin'ny alalan'ny YouTube nivoaka voalohany tao amin'ny bolongana Ocho Cuartos [es]. Nampiditra lahatsoratra tao amin'ny bolongany i Issa [es] izay iresadresahany ilay mpanadio kiraro ny antony nampiasany ny fitaovan-tserasera ampiasain'olo-tsotra hampitomboany ny ambaindain'ny raharahany. Dikanteny nahazoana alalana izany izao aseho anareo izao.

Sary nalan'i Issa Villarreal. Hoy ny vakin'ny teny, “Karohy @ YouTube na Google ilay Manadio kiraro amin'ny borosy roa”

Mora ny manavaka an'i Juan Luna amin'ny mpampamiratra kiraro hafa any afovoan'i Monterrey, Meksika. Ny tranohevany, izay eo amin'ny fihaonan'ny Escobedo sy Padre Mier, dia misy marika manasa ny mpandalo mba hanao fikarohana amin'ny YouTube sy/na amin'ny Google ny lahatsariny mitondra ny lohateny hoe, “Ilay mpampanelatrelatra kiraro amin'ny borosy roa.”

“Hevitra tao amiko iny,” hoy ny fanazavany teo ampanatrehana mpividy iray. “Hevitra hanasongadina ahy hahazoako olona maromaro kokoa. Miala amin'ny fomba mahazatra.”

Kinga an-tanan-droa i Juan: Samyu mitazona borosy ny tanany tsirairay avy ary samy manadio kiraro tsirairay avy ireo. Mihevitra ny tenany ho manantalenta izy ary mivoatra eo amin'ny fomba fiasany: Ampiany ‘teflon' ny fanadiovana mba hampikorisa eo ambonin'ny kiraro fotsiny ny rano sy ny fotaka. Amin'izay fotoana izay dia maharotra tapabolana ny fangilangilatry ny kiraro tahaka ireny tsy nohetsehana ireny.

Ao amin'ny lahatsariny ao amin'ny YouTube no hahitantsika azy ny fampiasany borosy roa, sy izay aingam-panahiny isan'andro: Mpaka sarin'ny ankohonany. Io lahatsary fohy io - izay maharitra iray minitra - dia teo an-tserasera nandritra ny enimbolana ary efa nahazo mpitsidika 4 500 hatramin'ny Mey 2008.

Za-draharaha folo taona teoamin'ny fiborosiana kiraro izy. Volana vitsy lasa izay, no nitady mpanohana (orinasa mpanomana mariazy any Monterrey) izy haka sary sy hamboatra ny lahatsary ahitana azy eo amin'ny trano hevany eo afovoan-tanànany, izay nisy azy herintaona izay.

“Nampirisika ahy ny mpanjifa satria tsy misy mahavita manadio amin'ny borosy roa izany ka kinga an-tanandroa toa ahy (sady kaia ny kavanana). Mba mametraka karazana lahatsary toy ireny koa izahay fa tsy izay fanalan'andro hita ao amin'ny YouTube ihany,” hoy Juan.

“Tonga ny olona satria nahita ahy tamin'ny aterineto,” nohazavainy ny fiantraikan'ny dokambarotra tamin'ny lahatsariny. “Nisy ny nanafatra ny lahatsary ary nisy ny nahita azy kisendrasendra ary dia liana ny hahita azy mivantana.”

“Ny mpiborosy kiraro kinga indrindra manerantany” no teny tarigetran'ny dokambarony. Nilazainy fa miserasera indray na indroa isan-kerinandro izy. Mijery YouTube kosa izy mba hizaha lahatsary mampihomehy.

Tsy menatra i Juan miresaka momba ny paikany sy ny toky apetrany amin'ny haino aman-jery niomerika. “Ny antony iray amin'ny lahatsary dia olona tsy ho hitanao mandrakizay mivantana na hihaonanao manokana izay mipoitra ao amin'ny YouTube,” hoy ny filazany, “fa izaho kosa no tokana azonao ihaonana mivantana sy iresahana tahaka izao.”

Eduardo Avila

Herinandron'ny moana marenina: Mangetaheta fanabeazana mamirapiratra

Jentilisa — Wed, 24 Sep 2008 20:23:54 +0000

· Nandika Jentilisa · vakio ato ny lahatsoratra nadika

Amin'ny fizarana faharoa amin'ity lahatsoratra mikasika ny herinandron'ny moana marenina ity (eto ny fizarana voalohany), dia entinay any amin'ny tontolon'ny fanabeazana ny moana marenina ianareo, sy ny fanamby isan-karazany tsy maintsy atrehiny. Voalohany ny any amin'ny Repobilika afovoan'ny Afrika misy sekoly iray misokatra noho ny fitiavana madiodio rehefa nitsahatra ny fanampiana. Ny faharoa dia avy any Philippines, namorona sy namokatra lahatsary maneho ny tolona iainan'ny maro amin'izy ireo ny moana marenina rehefa vita ny fianarany. Any Venezoelà indray ahitana ny fanazavan'ny mpampianatra ny hasarobidin'ny fananana fiteny roa sy fomba fanabeazana ara-kolontsaina roa. Ary ny farany dia avandravandran'ny lahatsary ny fahasamihafan'ny tenin-tanana avy amin'ny firenena roa.

Ny lahatsary voalohany dia avy any amin'ny repobilikan'ny Afrika afovoany, izay mamboraka ny fahasahiranana atrehin'ny sekoly tokana ho an'ny marenina ao: Eo ambany fifehezan'ny mpampianatra roa monja miasa ampitiavana manokana ryzareo hatramin'ny nahatapahan'ny karaman'izy ireo efa efa-taona izay, ary tena mila boky sy fanampiana (sakafo?) tokoa. Amin'ny tenin-tanana sy arahina soratra teny anglisy moa io lahatsary io (jereo hatrany ny lahatsoratra nadika rehefa toy itony ka tsy eto ilay lahatsary).

Fikambanana tsy mitady tombotsoa ny ekipan'ny “Fiaraha-miasam-pampandrosoana sy mitsinjo ny mahaolona eto amin'ny Repobilikan'ny Afrika afovoany” namokatra sy namoaka ity lahatsary ity. Avoitran'ny ao amin'ny bolongany moa fa ny ilainy araka ny tenin'ny lehibeny dia: karama, fitaovana, fiofanan'ny mpampianatra, fanalan'andro, fanorenana sekoly hafa ho an'ny marenina sy fianarana arakasa ho an'ny mpianatra efa lehibe. Azonao jerena eto moa ny ahafahanao mifandray amin'ny fikambanana raha te-hanampy ny sekoly ianao.

Avy any Philippines kosa dia manazatra ny mpianany hampiasa ny solosaina ny Sekoly Kristiana eto Manila manofana ny moana hampiasa solosaina mba hiomanan'izy ireo amin'ny tsenan'ny asa araka izay azo atao, na dia hita amin'ity lahatsary ity aza fa mety ho kivy noho ny tsy fisian'ny asa ry zareo raha vaomahavita fianarana. Amin'ny tenin-tanana Filipiana miaraka amin'ny soratra teny anglisy moa ny lahatsary:

Manana fandaharam-pianarana manokana ho an'ny moana marenina kosa i Venezoelà, ary amin'ny alalan'ny lahatsary no hanazavan'ny mpandraharahan'ny sekoly ny fanatonany ireo ankizy marenina manana olana eo amin'ny fahazoan-kevitra ao anatin'ny lazainy ho tontolon'ny fiteny roa. Eo dia ampianarina amin'ny hetsiky ny tanana, fiteny voalohany, ny mpianatra sy amin'ny fiteny Esipaniolona no fiteniny faharoa izay ahafahan'izy ireo miditra tsaratsara kokoa anatin'ny fiaraha-monina amin'ny ankapobeny. Manazava moa ny mpampianatra iray fa tsy heveriny ho fahadisoana loatra raha toa misy manao diso teny enti-milaza rehefa manao entimody, fa araraotina kosa ireny hanazavana amin'ny mpianatra fa mampiasa enti-milaza hafa ny olona mandre ka tokony ianarana ny fampitan-dresaka rehefa mifanerasera amin'ny hafa. Amin'ny tenin-tanana Venezoelana sy esipaniolona moa ny lahatsary.

Ary farany, lahatsary fohy avy amin'ny gruposenaslibres any Meksika: Miaraka etoana sipa Meksikana sy dandy Aotirisiana samy manao ny alifabetany, ny fanisana ary ny volanamandritra ny taona amin'nyalalan'ny hetsiky ny tanana.