Global Voices teny Malagasy » Colombia

Kôlômbia: Aiza no ahitana ny Buñuelo tsara indrindra

miora — Tue, 29 Sep 2009 06:33:53 +0000

MpanoratraEduardo Avila · Nandika miora · vakio ato ny lahatsoratra nadika

Ny buñuelo dia sakafo tena Kolombiana izay mahanoana na maheno ny anarany fotsiny aza. Izay no nitranga tamina vondrona Kolombiana mpampiasa twitter, izay nisafidy ny hiresaka momba ny toerana tiany fividianan-dry zareo ny buñuelo, toy ireo sakafo mampiavaka an-dry zareo manokana.

Vita avy amin'ny lafarinina sy fromazy, avy eo natao boribory, ny buñuelo dia nendasina ary hita eny amin'ireny mpivarotra amoron-dàlana ireny na koa eny amin'ny toeram-pivarotana hafa ho an'ireo mpanjifa noana. Na dia miovaova araka ireo firenena any Amerika Latina aza ny buñuelo, ny buñuelo Kolombiana dia amin'ny fotoampialan-tsasatra no tena hanina, nefa misy mihinana azy ihany koa mandavan-taona.

Buñuelo avy amin'i MundoNeko ary nampiasàna ny Creative Commons. http://www.flickr.com/photos/36303292@N00/212493296/

Camilo García ao amin'ny blaogy Hyperconectado [es] nanangona ireo valinteny tamin'ny fanontaniana napetraka tamin'ireo mpampiasa twitter toa azy tao amin'ny renivohitr'i Bogotá. Aiza no ahitana ny buñuelo tsara indrindra? Manoratra izy:

El buñuelo es rico. Punto. Tostadito y esponjadito, grande o chiquito, no importa… es simplemente rico. Por esta razón y gracias a la colaboración de Twitters colombianos se crea La Ruta del Buñuelo en Bogotá que busca ubicar y destacar los mejores buñuelos de la ciudad.

Matsiro ny buñuelo. Teboka famaranana. Mikarepoka sy toy ny spaonjy, lehibe na kely, tsy olana… matsiro fotsiny izao izy. Noho izany sy noho ny fiaraha-miasan'ireo Kolombiana mampiasa twitter no namoronana ny làlan'ny Buñuelo any Bogotá, mba hahitàna sy hanomezan-danja ireo buñuelos tsara indrindra ao amin'ny tanana.

Mpampiasa twitter maro, ohatra ry Catalina Alba, Victor Solano sy Hector Linares no namaly ny antso. Nampahafantarin'izy ireo ny toerana matotra misy ireo buñuelos tsara indrindra ao an-tanàna.

Ny resaka anaty aterineto momba ny toerana ahitàna ny vaovao tsara farany dia nitarika ho an'ny fomba fihinanana buñuelo tsara indrindra sy ny fifampizaràna tantara mahaliana. Manoratra i José Carlos García R :

Como comer #buñuelo: Yo lo muerdo a la redonda, lo dejo como manzana mordida de caricatura y luego me como los polos.

Ahoana ny fomba fihinanana ny #buñuelo: haniko ilay bolongana boribory, ataoko toy ny fanaovana paoma kakerina, avy eo haniko ny ambiny.

Sarin'ny buñuelos endasina any Colombia avy amin'i Cirofono ary ampiasàna ny Creative Commons : http://www.flickr.com/photos/ciroduran/83584367/

Nahatsiaro tantara iray hafahafa koa izy :

Recuerdo una noticia de una imagen de la virgen que apareció en un #buñuelo Orad antes de morder tu #buñuelo, hermanos. Josecarlos 2:12

Tsaroako ho naheno tantara izay aho hoe nipotra avy tao anatina #bunuelo ny sarin'i Masina Maria. Mivavaha alohan'ny ihinananareo #buñuelo, ranadahy sy ranabavy. Josecarlos 2:12

Ny firesahana momba ny buñuelo dia nahatonga ny sasany hirohotra hividy sy hihinana iray, nefa nisy vokany somary ratsy izany. Any Bogotá, @korsario manoratra:

hay boronas de #buñuelo en el teclado……. todo por culpa de twitter

Misy potipotika #buñuelo eo amin'ny clavier…. Fahadisoan'ny Twitter daholo izany.

Amerika: Valin-kafatry ny faritra manoloana ny otrik'aretina H1N1

avylavitra — Wed, 06 May 2009 17:16:40 +0000

MpanoratraEduardo Avila · Nandika avylavitra · vakio ato ny lahatsoratra nadika

Na dia tany Meksika aza no nisy ny foiben’ny fihanahan’ny otrik’aretina H1N1 , mitady làlana hisorohana sy hanoherana azy ireo firenena hafa manodidina. Mijery akaiky amin’izay ataon’ny governemanta any aminy ireo mpitoraka blaogy ny amin’ny fomba hanalan’izy ireo ny tahotra, sa kosa vao mainka manampy trotraka. Ireo mpitoraka blaogy hafa avy any Amerika Latina koa dia mandinika ny fitondran-tenan’ireo olom-pirenena namany, indraindray miaraka amina fampihomehezana kely mba hisian’ny fitonitoniana.

Noho io valan’aretina io dia betsaka ny hetsika sy laminasa, izay heverina hisintona vahoaka maro, no nofoanana na no nahemotra, toy izany ny Hetsiky ny Rivo-Baovao nomanina hatao ny 23 aprily hatramin’ny 3 may tany amin’ilay tanàna meksikana Ecatepec. Ilay mpitoraka blaogy avy any Goatemala, Alan Mills ao amin’ny Revólver [es] dia nila nitady tetikasa hafa, satria efa niomana ny hanatrika io hetsika io izy.

Sarin’ny ‘metro’ meksikana nalain’i Eneas ary nampiasana ny Creative Commons license http://www.flickr.com/photos/eneas/3471986083/

Olom-pirenena maro no mandalina ny fanapahan-kevitra noraisin’ny governemantany manoloana ny fahatsiarovan-tenan’ny mponina amin’ny mety hahatongavan’ny otrik’aretina ao amin’ny fireneny. Any Costa Rica, izay firenena faharoa tao an-toerana nitatitra tranga, dia manoratra i Hazel Feigenblatt avy ao amin’ny Quien Paga Manda [es] fa hoe ny Minisitry ny fahasalamana dia manasazy ireo fivarotam-panafody izay mitady hanararaotra amin’ny fanamboarana fanafody sy vaksiny sandoka. Manontany tena momba ilay fividianana Tamiflu 150,000 fatra nataona firenena izay mbola tsy nahita akory ilay otrik’aretina ilay mpitoraka blaogy Ekoatoriana avy ao amin’ny Dejálo Ser [es] ary koa raha hoe hoverivery fotsiny ilay vola raha tsy ho ampiasaina akory ireo fanafody ka havela ho lany andro ao fotsiny.

I Luis Aguirre avy ao amin’ny Bloodyhell [es] dia mitsikera ny fihetsiky ny Minisitry ny fahasalamana peroviana, izay nilaza fa nisy teratany avy any Arzantina mitondra ny otrik’aretina H1N1 niditra tao amin’ny fireneny, nefa taorian’ny fitsirihana dia voaporofo fa diso izany [es]. Na izany aza, fahafaham-baraka toa rano raraka tsy azo raofina satria efa navoakan’ny governemanta koa ny anaran’ilay olona nahiana hitondra ny otrik’aretina [es], izay zavatra tsy fanao any amin’ny firenena hafa.

Sarina mpizahatany tao Cancún nalain’i El Enigma ary nampiasana ny Creative Commons http://www.flickr.com/photos/marca-pasos/3494017972/

Resahina matetika any anaty blaogy koa ny fihetsiky ny olona manodidina azy ireo. Any Bolivia, vao haingana i Azael avy ao Abre Los Ojos [es] no nifanena tamina fiara nitondra olona efatra nanao sarom-bava tany amin’ny tanànan’i La Paz. Raha ny fantatra dia tsy mbola tonga any Bolivia ny otrik’aretina, nefa manamarika izy fa tsy nanao zavatra hafa tena tsotra ireo olona ireo mba hisorohana loza hafa, “Ny tena zava-tsarotra dia ny mitady olona mamatotra ny fehikibo fiarovany any anaty fiarany.”

Mitantara andro iray izay tena nandreraka lany tany anaty fitanteram-bahoaka i Velvet avy ao amin’ny Piso Tres [es]any Medellín, Kolombia, noho ny fihetsiky ny olona nanodidina azy.

Resulta que soy alérgico a los olores fuertes. Percibo un aroma de prefume muy concentrado e inmediatamente suelto el estornudo. Un estornudo de los clásicos, de los que no matan sino que te dejan aliviado y con sensación de placer. No tiene nada que ver con la gripa de los marranos. Claro, eso no lo saben los que viajan conmigo en el metro.

Hoy estornudé por culpa de un perfume malísimo que olí en el metro. Un señor del frente me miró con rabia asesina. Un niño miro a su mamá con mirada de mártir y abrazó su pierna. La señora me miró como diciéndome “¡homicida”! y se fue. La joven a mi lado -entre otras cosas la culplable de mi delicioso estornudo- se paró y se cambió de vagón. Otro señor cerquita sacó un pañuelo del bolsillo trasero y se tapó la nariz y la boca. En unos treinta segundos se formo un círculo imaginario a mi alrededor y sentí lo que debe sentir un leproso o un paria hindú.

Izaho mantsy tsy mahazaka fofona mahery. Raha mifoaka fofon-dranomanitra mahery be aho dia mievina avy hatrany. Evina tahaka ny evina rehetra, tsy mahafaty, fa manamaivana sy mamela fahafinaretana. Tsy misy hidirany amin’ny gripan-kisoa mihitsy. Mazava ho azy fa tsy mahafantatra izany ireo tafara-dàlana tamiko tao amin’ny “metro”.
Tsy maintsy nievina aho androany noho ny fofon-dranomanitra ratsy be nofohako tao amin’ny ‘métro’. Nijery ahy tamin-katezerana fatratra ilay rangahy teo anoloako. Nisy zazakely iray nijery ny reniny toy ireny fikerin’ny maritiora ireny ary namihina ny tongony. Dia nijery ahy ilay ramatoa, tahaka ny te-hiantsoantso hoe “mpamono olona!” ireny ary avy eo izy nandeha. Nitsangana ilay tovovavy teo anilako – izy no tompon’andraikitra tamin’ilay eviko tsara be teo – ary nifindra fiara. Nisy rangahy hafa koa naka mosoara tany am-paosy aorinany dia nanapina ny orony sy ny vavany. Tao anatin’ny 30 segondra, nisy faribolana tsy hita maso niforona nanodidina ahy ary nahatsapa ny tsapan’ny boka na Indiana pariah aho.

Ny sasany indray dia miezaka mampiasa fampihomehezana mba hanamaivanana ny tahotra. Nanoratra momba ny ‘sary vaovaon’ny fahafatesana’ i Gandica avy any Venezoela ary maka sary an-tsaina ny mety ho endriky ny fanadihadiana any an-danitra momba ny antony nahafaty ny tena [es]:

- ¿Y usted de qué murió?
Entonces la respuesta correcta debe ser:
- De la gripe AH1N1.

No vaya pues a cometer el garrafal error de mencionar que murió de influenza o gripe porcina -ya sabe AH1N1-nueva-gripe / H1N1- porque la industria-de-alimentos-carne-de-cerdo está muy sensible y pidió el cambio de nombre.

Joder. Como si el nombre gripal tuviera mucha importancia en estos momentos sobre lo que se nos viene encima.
¡Son pues vainas de nosotros los humanos, siempre tan cuidadosos con la imagen-relaciones-públicas!

- Ary inona no nahafaty anao?
Ity no mety ho valiny marina:
- noho ny otrik’aretina AH1N1
Tandremo ny manao fahadisoana goavana amin’ny fitenenana hoe gripa na gripan-kisoa – efa fantatrao ny AH1N1 – gripa vaovao / H1N1 – satria mora tohina ny orinasa momba ny kisoa ary nangataka ny mba hanovàna ny anarana.

‘Lety eee. Ohatran’ny dia efa hoe manan-danja be ireny ny anaran’ilay gripa amin’izao fotoana izao. Izany no hadalàn’ny olombelona, miasa saina foana amin’ny endrika ivelan’ny tena sy ny fifandraisana aman’olona!

Mamoaka karazan-torohevitra nofinofyCiencia Ficción [es] any Costa Rican mamaly ireo mpamaky voakasiky ny otrik’aretina.

“¿Usted cree que me muera?” Anónimo, San José.
R/: De la gripe no, en un asalto en San José sí.

Mieritreritra ve ianao fa ho faty aho? Tsy mitonona anarana, San José (renivohitra)
Valiny/: Noho ny gripa, tsia…noho ny fanafihana mitam-piadina any San José, eny.

Kolombia: Fitantarana ny fiainana eny ambony kamiao

avylavitra — Sat, 02 May 2009 14:33:51 +0000

MpanoratraJuliana Rincón Parra · Nandika avylavitra · vakio ato ny lahatsoratra nadika

8ruedas logo

Toy ny ahoana ny fiainana rehefa saika eny amin’ny làlam-be foana ny tena? Nanapa-kevitra ny hanao ity andrana ity ilay mpitoraka blaogy Francisco Cárdenas, fanta-daza amin’ny blaoginy Cine al Oído, ary zarainy “en ligne” ao amin’ny 8ruedas. Hitaingina ny kamiaon’i Juan Camilo miaraka amina mpaka sary namany izy mba hijery ny làlana kolombiana sy hamantatra ireo tsiambaratelony, tantara ary “trangam-piainana” mpitondra kamiao mba hamoaka azy ireo amin’ny fotoana tena itrangàny amin’ny alalan’ny horonan-tsary, hafatra twitter sy fampiakarana sary.

Toda la vida, todos los días, hay experiencias que quisieramos asumir como propias. Esta es una de esas. Salir en un camión, agarrar carretera y echarse la vida sobre las 8 ruedas del vehículo al lado de conocidos o desconocidos. Un viaje de una semana larga, por carreteras colombianas, entregando pedidos de cartón (lo que el camionero lleva de carga), emitiendo vía streaming video en tiempo real en una o dos ocasiones por día y recopilando material a ser publicado en diferido cada noche a través de la red. Esa es la intención, simple, arriesgada (?) y sin ningún propósito diferente a pasarla bueno, documentando regiones del país que ninguno tiene por qué conocer de esta manera.

Mandritra ny fiainanay, isan'andro, misy foana ny fanandramana izay tianay ho toy ny hoe anay mihitsy. Iray amin’izany ity. Mitaingina kamiao, mandeha amin’ny làlana ary miaina ny fiainana anatina “cabine”-n’ny fiara valo kodiarana, mipetraka eo akaikin’ny olona fantatra sy tsy fantatra. Dia maharitra herinandro amin’ireo làlam-be Kôlombiana, manatitra baoritra (fa izany no taterin’ity fiarabe ity), aseho amin’ny horonan-tsary in-dray na in-droa isan’andro sady mivingitra fitaovana hahafahana mamoaka amin’ny aterineto isaky ny hariva. Izay no fikasanay, tsotra, feno fahasahiana (?) ary tsy misy tanjona hafa afa-tsy ny hahazo fahafinaretana, mitatitra momba ny faritra izay tsy mbola fantatray tahaka izao.

Ampahany amina stratejia “en ligne” ho an’ny fanombohan-dry zareo”, nullun, ity tetik’asa ity, ary ankoatra an’i Pacho, izay fantatra amin’ny solon’anarana hoe Francisco, nisy olon-kafa koa nanome tànana hanatanteraka ity “aventure” ity. Nanomboka omaly ny andrana, nefa noho ny zavatra tsy nampoizina mahakasika ny asan'ireo mpitatitra dia mbola tsy nanomboka ny diany ry zareo. Mbola miandry ny fiantsoana hiditra sy ny fahavononan’ny kamiao hanao ny fitaterana ry zareo. Nalefa avy any amin’ny toerana nipetrahan’ny mpamily fiara, niandrasany sy nilalaovany karatra ity horonan-sary manaraka ity:

Nampihetsi-po mpitoraka blaogy kolombiana hafa ny andrana. Mitantara ny diany farany niaraka tamin’ny rainy, mpitondra kamiao maty teny an-dàlana indray 15 Martsa fito taona lasa izay, i Jorge Montoya of Fábrica de Cosas :

De Medellín salimos con un cargamento de insumos para una panadería en Sincelejo, y otras cuantas cosas para Barranquilla, pasando por Cartagena. De Barranquilla, parando en Fundación para comernos un platano con queso, fuimos a Valledupar por mangos. Pero a Valledupar también fuimos porque allí se haría la imagen mental que más resalta cuando recuerdo a mi papá: un par de hamacas colgadas debajo del camión parqueado en una estación de servicio, con la brisa del Valle, una botella de ron y un par de tabacos que amenizaban el silencio entre dos personas con la misma sangre pero con poco que contarse. Recuerdos de empatía y vallenato. El ambiente impregnado de vallenato era la regla.

Nanomboka tany Medellín izahay nitatitra fitaovana ho ana fanaova-mofo any Sincelejo, ary zavatra vitsivitsy hafa ho aterina any Barranquilla, mandalo an’i Cartagena. Avy any Barranquilla, nijanona teo amin’ny Fundación mba hihinana “plantain” sy fromazy, dia avy eo izahay nandeha tany Valledupar haka manga. Fa ny antony nandehananay tany dia satria be ny fahatsiarovana mampatsiahy ahy ny raiko: “hamac” roa mihantona ao ambany kamiao, mijanona ao amina tobin-dasantsy, ny rivotry ny sahabe midadasika, tavoahangina “rhum” sy sigara roa izay nanova ho nahafinaritra ny fahanginana teo amina olona roa iray rà nefa tsy dia manan-javatra hifampitantaràna. Fahatsiarovana “empathy” sy vallenato. Ny rivotra rakotry ny vallenato no toa tao tsara amin'ny tokony ho izy.

Toa lasa mahazatra io elanelana eo amin’ny mpamily kamiao sy ny fianakaviany io. Mitantara ny fivahavahan’ny fifandraisan’izy sy ny rainy I Carolina, zanakavavin’i Juan Camilo, ato anatin’ity horonan-tsary manaraka ity. Mifampiarahaba am-pitiavana ry zareo, nefa mbola tsy nifampizara tsiambaratelo mihitsy, resaka mitokana na irony fotoana miavaka..

Afaka manaraka io andrana io ianao ao amin’ny tranonkalan’ny 8ruedas, amin’ny fametrahana ny @cinealoido, na fanarahana ny tagy #8ruedas ao amin’ny twitter, amin’ny fisoratana amin’ny Ustream video channel, na amin’ny qik. Efa misy Flickr koa nosokafana mba hahitàna ny sarin’ny dian-dry zareo, tahaka ity sarin’i Felipe Taborda ity, mpamily kamiao antsoin’ny namany hoe “Internet” satria fantany daholo ny zava-drehetra.

Sarin’i Felipe Taborda –solon’anarana “internet”, nalaina tao amin’ny Cinealoido

Colombia: Tratra ny fitsikilovana ara-pifandraisana tsy manara-dalana

koloina — Thu, 26 Feb 2009 12:56:14 +0000

MpanoratraJulián Ortega Martínez · Nandika koloina · vakio ato ny lahatsoratra nadika

Tamin’ny herinandro lasa teo, nabaribari n’ny Semana news magazine fa ireo mpiasa sasany tao amin’ny birao misahana ny fiarovana (DAS ny raikipohy amin’ny teny Espaniola), « polisy miafina » an’i Colombia, dia efa nihaino tsy manara-dalana mpanao politika, mpanao gazety, mpitsara, manampahaizana, ary – tamin’ity indray toraka ity – dia ny mpiandraikitra ao amin’ny governemanta mihitsy izay tena akaiky an’i Filoha Alvaro Uribe, koa anisan’izany koa ny Sekreterany manokana ara-dalana sy ny mpiandraikitra avy ao amin’ny birao misahana ny fiambenana azy manokana. Ny ratsy indrindra, araka ny voalaza ao amin’ny boky mpiseho isan’andro (magasine), dia toa hoe namidin’ireto polisy sasantsasany tamin’ny « mpanera govana » dia ny mpiady anatu akata mpiantafika na mpandraharahan'ny rongony, ireo loharanom-baovao azo avy tamin’ny horonam-peo an-telefonina tsy ara-dalana. Teo anelanelan’ny 19 -21 Janoary dia nopotehina[es] ny ankamaroan’ireo horonam-peo araka ny feon’ity vaovao mpiseho isan’andro (magazine) ity. Nanakoako tokoa ny tantara ny Asabotsy vao maraina tamin’ny alalan’ny fampielezam-baovao hafa raha vao nitotona teny an-tsena ireto magazine ireto.

Tamin’ny Alahady, nanao fisavana ny ivo-toeran’ny DAS ireo mpiandraikitra avy ao amin’ny Hery Fitsirihana ara-teknika (CTI ny raikipohy amin’ny teny Espaniola), nahatonga fifandirana [es] teo amin’ny vondrona roa tonta izany. Taty aoriana, nesorina tamin’ny toerany ny mpitondra voalohany ambony grady indrindra tao amin’ny DAS. Nandefa filazana [es] mitaky ny valin-teny avy amin’ny Mpisolo Vava Ambony ny Fitsarna Ambony. Nanome tsiny ny governemanta ny mpanohitra tamin’ireo horonam-peo. Nambara [es]fa tsy nisy akory ny toe-javatra ao ambadiky ny mailaka anterineto ka mahakasika ity fitsirihana ity. Tsy nanaiky izany ny Filoha Uribe, milaza izy fa anisan’ny “tratra”n’izany ihany koa azy izy, ary manameloka izanyho an’ny “jiolahy mafia” avy ao anatin’ny DAS. Milaza kosa ny minisitry ny fiarovam-pirenena Juan Manuel Santos fa tiany hosarahana ny birao fitsikilovana, fa ny governemant ihany no mitsipaka ilay heviny.

Tsy vaovao ny fandraisam-peo amina horonana (fantatra amin’ny teny hoe “chuzadas” amin’ny teny Espaniola avy ao Colombia) ao amin’ny fitondran’I Filoha Uribe. Tamin’ny volana Mey 2007, namoaka ankarihary horonam-peon’ireo sefon’ny mpiantafika izay tao am-ponja miresaka famonona, ary taorian’izay dia hita fa maro ireo horonam-peo tsy ara-dalana karakarain’ny antoko mpitsikilon’ny polisy ikoizana iray. Vokatr’izany, nesorin’I Uribe ny mpitondra polisy miisa 14, ary nametraka an’I jeneraly Oscar Naranjo ho talen’ny polisy nasionaly vaovao sy amperin’asa izy. Tamin’ny faran’ny 2008, nanambara ny Senatera sisa tavela Gustavo Petro (mpiady tamin’ny M-19 guerilla teo aloha) fa izy sy ny antokony dia efa nanjakain’ny olona avy amin’ny DAS nanomboka tamin’ny volana Aogostra ary efa namoaka ankarihary ireo resaka fifandraisana anaty anankiroa nomen’ny sefon’ny DAS. Nitsoaka an-daharana anefa ny tale sy ny mpitondra ambany grady, mpanafatra ity “farany” ity. Ao anatin’ireo toe-javatra roa ireo, dia manda tanteraka ny fidirana an-tsehatra ny governemanta.
Manoratra momba ny tenin’I Uribe I Sentido Cumun sy Charly mikasika ity savorovoro. Miahiahy ny fandriam-pahaleman’ny firenena I Sentido Común [es]

Raha teraka ny teoria mizirizirin’I Uribe mikasika ny fisian’ny mafia ao anatin’ny governemanta, dia hibaribary avy hatrany ny mahakely ny hery ahafahan’ny governemanta manampy ny fanaraha-maso ao anatin’ny birao miafin’ny firenena, tarehin-javatra izay mety hampiseho ny tsy fisian’ny fiarovana mahakasika indrindra ny fandriampahalemana amin’ny lafiny maro izany; tsy ho resahina ny voka-dratsy goavana ateraky ny firaisana miaraka amin’ny fikambanana mafia, izay efa tafiditra ao anatin’ny governemanta.

Etsy andaniny, manjary tsy ananan’I Charly [es]firy intsony ny fahatokisana ho an’ny governemanta ary manontany izy hoe fa iza no ao ambadik’izao rehetra izao:

Izaho kosa aloha tsy andeha hividy ireo tantara milaza fa ny mpitondra ambany avy amin’ny DAS dia miasa irery ary governemanta no lasibatry ny ketrika natao. Manoloana ny savorovoro goavana isika, izay misy ifandraisany amin’ny toe-draharahan’I [Jorge] Norguera [talen’nyDAS teo aloha voalaza fa niray tsikombakomba tamin’ny mpiantafika] ary asehon’ny DIPOL [ilay birao polisy fitsirihana] (izay nahatonga ny tsy fahaiza-mitondran’ireoJeneraly maro) fa rariny ny mety hisian’ny krizina demokrasia, izay ady manohitra ny fomba fijery sy ny fahalalahana ao Kolombia.

Mametraka fanontaniana [es]ao amin’ny Realidades Colombianas I Valentina Diaz:

Milaza ny fiadidiana sy ny DAS fa tsy nanao izany. Tsy nisy na dia iray tao amin’ny mpitodra ambony na tao amin’ny sampan-draharaha miafina no nibaiko mba hanao fihainoana antsokosoko ny vondron’olona voafantina izay manohitra ny governemanta. Fanontaniana: Moa ve ny olona tsirairay ao amin’ny governemanta dia manao izay saim-pantany? Misy ve ireo olona manao zavatra diso tafahoatra loatra? “araka ny feo nomen-dry zareo ahy, dia nisy fifampiresana tany, ary tena govana mihintsy izany,”hoy ny tenin’ny sefon’ny DAS. Amin’ny fomba firesaka hafa, betsaka no mahafantatra momba ny horanam-peo an-telefonina, sehatra itoeran’ny vahoaka io, fa ny Filoha sy ilay sefo no mody tsy mahafantatra izany.

Arabirabin’I Carmen Posada ny “korontana” misy ao anatin’I Filoha Uribe [es]:

Araka ny tatitry Orwell: mijery antsika foana anie Ra- ZokiBe (Big Brother) e. Tsy avelany mangetotra intsony izao isika raha tsy misy ny toromarika avy amin’I Uribe, tsy avela handefa vaovaom-pianakaviana ho an’ny olon-tiany intsony izao ireo izay mampiasa ny tranok’ala satria mino mihintsy ity tsy valahara ity fa mitetika saritsarina fampihorohorona amin’ny alalan’ny hafatra vita raikipohy isika (codifiee). Tsy mino ny teny tapany voalazan’I Uribe aho izay mahakasika ny olana mihaino resak’olona an-telefonina. Tsy mino aho hoe tsy nanome ny baiko izy, n’inona n’inona milaza dia tsy nahitana porofo na dia iray aza izany, ary tsy mino azy ihany koa aho satria ny olona hany tokana voakasiky ny fanarahana ny lalan’ireo mpanohitra dia ny tenany, izay ikoizana amin’ny fanaovana paik’ady, ary ankoatr’izay dia olona taitaitra/be fialonana be ihany.

Manome fanamarinana ny fangoronam-peo kosa anefa ny mpanao gazety Jaime Restrepo, ao amin’ny Atrabilioso [es] satria ny antony dia ny fifandirana mitam-pitaovam-piadiana anaty, ary manitsy ny fivarotan-gazety Mpampiely ireo tantara miresaka ity horonam-peo an-telefonina ity izy.

Eo afovoan’ny fifandirana anaty toy ity mitranga ao Colombia ity, dia laharana faharoa ihany no ipetrahan’ny marika entina amantarana ireo mpanao politika mpanohitra, ireo mpanao gazety, na ireo mpahay lalana, satria ao anatin’ny tarehin-javatra maro dia rindrina ivelany entina hanakonana ny asa famonoana manohitra ny firenena izy ireo, ary marina fa manohitra ny fitondrana izay mitarika ny iray amin’ireo lafin-kery ho any amin’ny fifandirana.
Raha izay ny fandehan-javatra, dia ho diso ny governemanta raha hampitsoaka andaharana ny fahefana manara-dalana mba ahafahana manadihady ireo olom-pirenena heverina ho mpanakorotana ny firenena tamin’ny alalan’ny fanohanana na fampiasana loharanom-baovao ho tombotsoan’ny andafiny izay miezaka ny handrodana ny filaminana ary handrombaka ny hery amin’ny alalan’ny fomba hafa noho ny fomba ara-demokratika.

Misy hevitra lalina indray ato: ao Colombia dia ireo mahazo ny tombotsoa avy amin’ny horonam-peo an-telefoniana dia ny gazety: anisan’ireo mpitarika tao amin’ny fampielezana savorovoro momba ny fandraisam-peo azo avy amin’ny alalan’ny horonam-peo tsy ara-dalana I Noticias uno [fandaharana: ny alin’ny faran’ny herinandro alefa an-televiziona) sy Semana, ary ireo hafa miaraka aminy.

Manontany tena i Mr Restrepo ny amin’ny fomba entin’ny Semana ka ahazahoany ireo loharanom-baovao avy amin’ny mpiasa ao amin’ny DAS sasany ho eo am-pelatanany, amin’ny fomba ahoana no ahatokisan’ny boky mpiseho isan’andro azy ireo raha toa ka porofo vitsy na tsisy akory aza no miaraka aminy, eny fa na dia ny mikasika ireo fanambarana hita ao anatin’ny andalana aza. Mino izy fa ahitana ahiahy ao anatiny ary mety ho lahatsoratra “natao tsara rindra” entina manohitra ny governemanta ihany izy ity.

Manao ny fampitahana ny savorovoro tao Colombia amin’ny toe-draharaha Frantsa sy Francois Mitterand tamin’ny taonan’ny 1990 ny mpanao gazety Frantsay Jacques Thomet , sefon’ny fandrindrana tao amin’ny AFP:

Toy ireo olona tao Frantsa izay milaza ny fitondrana ao Bogota ho “Jadona” dia mahatsikaritra fa ny fanaovan-gazety ao Colombia dia manana ny fahalalahana misimisy kokoa noho ny anankiray izay nahery vaika …tao frantsa.
Teo ambanin’ny fitondrana sosialita nentin’ny Francois Mitterand, dia nentin’ny efitra miady amin’ny fampihorohoroana izay noforonin’ny Filoha tao Elyse tao amin’ny fireneko ny horonam-peo antelefonina tsy manara-dalana maherin’ny 3000 manohitra ny mpanao gazety sy ny sokajin’olona hafa teo anelanelan’ny taona 1983 sy 1986! Inona ny vokany? Ny feon-gazety ihany no nilaza ny olana tamin’ny taona 1993, noroahin’I Mitterand ny mpanao gazety Belzika anankitelo izay nanontany azy, dia tsy naninona akory ny olo-meloka. […] Ny repoblika akondroakondro, ao Paris ve no ahitana izany sa any Bogota?

Tamin’ny farany, tao amin’ity Tweet [es] ity no namehezan’ny @EIReticente tamina ahiahy, fandisoam-panantenana ary hatezerana:

Tsisy zavatra mahamenatra an’I JMS [Juan Manuel Santos]. [zotra, vao nohavaozina, ho loharanom-baovao mahakasika ny fanantenany hanasarahana an’i DAS] Tsy misy menatra na miotakotaka izany eo e. L*L*Na, firenena vendrana.

Ary, ankoatry ny fanesorana sasany sy ny fihetsika tsy voahevitry ny fanaovan-gazety tahaka ny ao anatin’ny savorovoro hafa ihany dia tsy hisy zava-mitranga izany afaka andro vitsivitsy na afaka herinadro, na dia hoe mampitaha ny olana nisy tamin’ny andron’ny fitondran’I Alberto Fujimon tao Pero tamin’ny taona 1990 aza ny olona sasany . Savorovoro hafa, fanafihana hafa, famonoan’olona hafa, fifanolanana hafa idirana’i Uribe, FARC, ny mpanohitra, na n’iza n’iza lazaina eo, dia hisongadiana ho lohateny lehibe sy resabe ao Colombia.

Kolombia: Mpilalao golf lasa reharehan'ankizy

Jentilisa — Mon, 06 Oct 2008 04:10:02 +0000

· Nandika Jentilisa · vakio ato ny lahatsoratra nadika

Ao amin'ny Good Times in Medellin (fotoana mahafinaritra ao Medellin), no anoratan'i Medellin Travel fa manana olona vaovao azo atao fitaratra ny ankizy Kolombiana: 26 taona ilay mpilalao star Camilo Villegas, izay nahazo ny matoam-baovaon'ny haino aman-jery raha nandrombaka ny BMW Championship PGA Golf Tour tamin'ny volana lasa, izay vao sambany ho an'ny Kolombiana.

Kôlômbia: Diam-pahafahana manerantany

Jentilisa — Sat, 04 Oct 2008 20:33:29 +0000

· Nandika Jentilisa · vakio ato ny lahatsoratra nadika

Avy ao andrenivohitry Kolombia, Bogota, ny mpanao gazety Víctor Solano no nametraka antserasera lahatsary iray ahitana ny filaharan'ny olona maro, ary nahitana tampoka ihany koa ilay biby ankafizin'ny ankizy manerantany [ao anatin'izany ve ny malagasy?]. Misy sary sy lahatsary hafa ihany koa ao amin'ny bolongany [nohony tsy hfahazakan'ny milin'ny mpandika teny na ny sary na ny lahatsary dia tsara indrindra raha mba jerena ao amin'ny lahatsoratra nadika izany].

Samy milaza ny heviny handray anaja rana tsia amin'ny fihetsiketsehana avokoa ny mpamaham-bolongana Kolombiana.

Mauricio Duque Arrubla ohatra ny manazava tsara ny heviny:

Caminando, se cura la herida…

Mety ho sitrana ny ratra eny ampandehanana…

Naka sary nampitondrainy ny lohateny hoe “Flags” ihany koa ny vadiny.

Dianacats izay monina any amin'ny tanandehibe hafa ao Kolombia, Medellin, indray mijery ilay lafiny varotra tamin'ilay diabe ary gaga ihany raha nahazo dokambarotra avy amina mpivarotra pizza tonga tao amin'ny imailakany, ary mieritreritra fa lasa lavitra ihany ny mahita haivarotra na pizza miaraka amina diaben'ny fahafahana sy fahaleovantena izany. [nt: ny telma sy ny Kaominina Antananarivo koa ary mba toy izany koa]

Avy any amorontsiraky Kolombia ao Barranquilla i El Gerente no mamoaka ny sary nalainy nandritra ny andron'ny diabe nataony.

Ny mpamaham-bolongana Arlovich Correa Manchola indray dia nanoratra ny hevitry ny teny hoe Firenena, ary nasehony fa nanakona ny famonoana ireo saindikalista eo ampelatanan'ny fitondrana ny fanantenana nateraky ny diabe.

La patria olvidará mañana al sindicalista del Polo que se entierra hoy, detenido y desaparecido por fuerzas oficiales, según éste comunicado. Guillermo Rivera llevó a su hija a la ruta del colegio y luego desapareció, después de ser abordado en plena vía pública de Bogotá, por sujetos que a la postre lo torturaron y asesinaron.

La patria ha asesinado a 29 sindicalistas como Rivera, en lo que va corrido del año.

La patria mata 5 sindicalistas al mes.

La patria mata un sindicalista a la semana.

La PATRIA está ensangrentada, tiene las manos y la boca y el alma sedienta de sangre.

Al final del día la patria reza el rosario. Y se lava las manos.

Rahampitso dia ho adinon'ny Firenena ny fandevenana natao androany ilay mpitolona saindikalisitra avy amin'ny antoko mpanohitra nosamborin'ny hery vondrotafiky ny fitondrana ary nanjavona, araka ny filazana ofisialy. Teny ampanaterana ny zanany vavy ho any an-tsekoly i Guillermo Rivera no nisy andian'olona nanakana azy teo andalamben'i Bogota, ka nidarodaroka sy namono azy.
Namono saindikalisitra 29 tahaka an'i Rivera ny Firenena tamin'ity taona ity fotsiny.
Namono saindikalisitra 5 isam-bolana ny Firenena.
Namono saindikalisitra iray isan-kerinandro ny Firenena.
Mandrika ny rà eto amin'ny FIRENENA, liandrà ,ny tanany sy ny molony ary ny fanahiny.
Rehefa mifarana ny andro dia mivavaka miaraka amin'ny rozery (vakana itanisana vavaka) ny firenena. Ary hanasa ny tanany.

Kolombia: MP3 tsy ara-dalàna ao amin'ny vohikalan'ny polisy

Jentilisa — Sun, 07 Sep 2008 15:21:31 +0000

· Nandika Jentilisa · vakio ato ny lahatsoratra nadika

Camilo Uribe no manoratra momba ny dosie MP3 nosintonina tamin'ny fomba tsy ara-dalàna ao amin'ny vohikalan'ny polisy Kolombiana [es], ary taorian'izay dia nampiasa tenimiafina ry zareo hanaronana izany, fa tsy nesoriny ny dosie. Nitranga izany rehefa namotika dvd piraty 70 000 tao an-tanànan'i Medellin ry zareo.

Niteraka resa-be ilay horonan-tsary nahitana Kolombiana nanafika fianankaviana iray tany Shily

Pissoa — Thu, 14 Aug 2008 21:48:36 +0000

MpanoratraJuliana Rincón Parra · Nandika Pissoa · vakio ato ny lahatsoratra nadika

Voamarina fa mpifindra-monina Kolombiana 10 nanafika fianankaviana avy ao Però avy namonjy fety tao Iquique (any Shily) tamin'ny 3 Aogositra 2008 lasa teo no hita tamin'ny horonan-tsary iray nalaina tamin'ny finday. Araka io horonan-tsary io ihany dia vato sy kibay no nampiasain'izy ireo nidarohana ilay fianankaviana, ary tsy nahatsiaro tena ny maro tamin'ireo notafihina tamin'ny nandaozan'ireto mpanafika. Io horonan-tsary io moa no nampiasain'ny mpahay lalana any an-toerana ka nahafahana nampiato Kolombiana roa voarohirohy, izay navotsotra taoriana kely.

Araka ny nolazain'ireo notafihina, dia noheverin'ireo Kolombiana fa avy ao Shily izy ireo no antony nanafihany azy, ary nilaza ireo mpanafika fa tsy maitsy mahafaty iray izy ireo farafaharatsiny. Nahamenatra Kolombiana maro iny herisetra iny ka niala tsiny noho ny nataon'ireo mpiray tanindrazana aminy izy ireo tao amin'ny fametrahana hevitra. Na izany aza dia hita tao ihany koa ny hevitra mitory fankahalana sy fiantsiana ady.

Nampametra-panontaniana ny mpanoratra ny Ciber America ny namotsorana ireo Kolombiana na dia teo aza ny porofo nomen'ilay horonan-tsary.

La justicia reacciona en forma desconcertante al considerar como riña un episodio que aparece como un ataque a una familia donde todos fueron lesionados.

¿Hubiera sido la misma reacción si las víctimas hubieran sido chilenas?

Mahasorena ihany ny nataon'ny fitsarana manasokajy iny raharaha iny ho fifamaliana fotsiny, nefa efa naratra daholo aza ilay fianankaviana iray manontolo.

Mety ho tahaka izany koa ve no nandraisana azy raha toa ka avy ao Shily ireo olona notafihina ?

Azo jerena ao amin'ny Youtube sy ny Vimeo ilay horonan-tsary.

Niara-niravoravo nohon'ny fahafahan-dRtoa Ingrid Betancourt ny faritry Amerika iray manontolo

Tomavana — Fri, 04 Jul 2008 08:51:11 +0000

MpanoratraEduardo Avila · Nandika Tomavana · vakio ato ny lahatsoratra nadika

Niara-niravoravo tamin'ny vahoaka Kôlômbiana ny faritry Amerika Atsimo [Latina] iray manontolo raha vao nahare ny vaovao fa Rtoa Ingrid Betancourt sy olona 14 hafa izay nalaina sy notazonina an-keriny no avotra. Rtoa Betancourt, teratany Amerikana 3 sy miaramila Kôlômbiana 11 no indray afaka taorian'ny andram-panavotana nampitondraina ny anarana teti-panorona hoe “Jaque.” Mpiblaogy avy amin'ny firenen-drehetra any Amerika Atsimo no indray miara-miravoravosy mizara ireo fihetseham-pony.

Ekoatera - Cronica Cero manoratra ny lafiny fanoharana [icon, icône] mikasika an-dRtoa Betancourt :

LIBRE. Así, con mayúsculas. (…) Betancourt alcanzó una imagen mundial, universal. (…) Abrimos periódico con ella y nos regocijamos con su liberación, nos hermanamos con los colombianos, con aquellos que buscan la paz antes que la confrontación. Betancourt es un ícono de la lucha contra el secuestro. Hoy, Colombia amanece diferente. Creo que el mundo, el que se relacionó y conmovió con su historia, también

AFAKA. Amin'ny sorabaventy ohatr'izao. (…) Nanjary fanoharana manerana izao tontolo izao Rtoa Betancourt. (…) Nosokafanay ny gazety dia hitanay ny fahafahany, miombom-pifaliana amin'ireo rahalahy sy anabavy Kôlômbiana izahay, ireo indrindra izay nikatsaka ny fandriam-pahalemana talohan'ny fifanoherana. Fanoharana mikasika izay ny ady amin'ny fakana olona an-keriny Rtoa Betancourt ankehitriny. Nifoha amin'ny rivotra vaovao ry zareo Kôlômbiana androany. Ary heveriko ho toy izany koa izao tontolo izao, izay nitatitra ny tantarany sy tohin'izany.

Bolivia - Carlos Gustavo Machicado Salas avy ao amin'ny Guccio's kosa mamakafaka ny fanambarana izay nataon-dRtoa Betancourt dieny izy afaka :

para mi lo más importante es el mensaje de amor y perdón que nos dio Ingrid, que rezo por los muertos y por los guerrilleros y además les ofreció su perdón. Después de las penurias y los maltratos que tuvo que vivir uno pensaría que solo tendría odio y rencor en su alma, pero no al contrario irradia una paz espiritual y un apego a Dios increíble. Realmente algo muy lindo y que a todos nos debería hacer reflexionar en relación a cual debe ser nuestra actitud frente a la vida.

raha ny amiko manokana dia ny fitoriana fitiavana sy famelan-keloka nataon'i Ingrid no lehibe indrindra, ny nilazany fa mivavaka hoan'ireo rehetra nodimandry sy ireo mpiada anaty akata izy, sy ny namotsorany sahady ny helok'izy ireo. Taorian'ny fahasarotana sy ny herisetra izay nosedrainy, dia mety ho nihevitra isika fa fankahalàna sy lolom-po no nameno ny fanahiny, mifanohitra tamin'izany anefa, fahatoniana ara-panahy sy fifikirana mafy mahagaga amin'Andriamanitra, no taratra mamiratra avy ao aminy. Tena zavatra mahagaga loatra izay tokony hisarika antsika tsirairay handini-tena mihitsy izao.

Arzantina - Marian B ao amin'ny Miscellaneous, Nonsensical and Unnecessary Ramblings koa dia manindry mikasika ny fanambaran-dRtoaBetancourt :

Estoy escuchando su discurso en el aeropuerto y le tengo envidia a los colombianos por contar nuevamente con una política excelente, excepcional e
increíble como ella. A Colombia le va a ir increíblemente bien si se presenta para las elecciones y la eligen.

Eo am-pihainoana ny kabariny eto amin'ny seranam-piaramanidina aho dia velom-paniriana ireo Kôlômbiana aho ny ahafahany indray miantehitra amina pôlitisiana tsara sy tokana an-tany ary mahatsikaiky toa azy. Tombotsoa lehibe hoan'i Kôlômbia mihitsy raha toa ka mirotsaka ho kandida sy voafidy amin'ny fifidianana filoham-pirenena manaraka izy.

Gatemalà - Prensa Negra ravo satria tsy nisy nidiran'ny filoham-pirenena Venezoelana Hugo Chávez ity fanavotana ity :

Se logro el rescate de Betancourt, sin duda alguna, el secuestro mas controversial de los ultimos años de las FARC, y lo mejor de todo sin la ayuda de Chavez por que si hubiera tenido algo que ver con esto quien le oyera la trompa ahora al pizado!.

Tsy misy fihambahambana fa ny fanavotana an-dRtoa Betancourt, vokatry ny fakana an-keriny nataon'ny mpiady anaty akatan'ny FARC no niteraka adihevitra indrindra nandritra izay taona maro lasa izay. Ary mahafinaritra fa tanteraka tsy nisy nitsofotsofohan'i Hugo Chavez izany, raha tsy izany dia efa nieboebo indray eran'izao tontolo izao ny lehilahy !

Però - Menoscanas mikasika izay mety ho fiantraikan'izany amin'ny vondron-tafika mpiady anaty akatan'ny FARC :

Sonrisas de los ex rehenes evidencian uno de los golpes más duros a las FARC debido a que todos los ojos del mundo se encuentran sobre Colombia en este momento. El caso de Ingrid Betancourt es el más reconocido y las sonrisas y abrazos entre los ex rehenes y el reencuentro con sus seres queridos nos muestra como luego de largas pesadillas, uno puede despertar.

Ny tsikitsiky mandravaka ny tavan'ireo olona nohafahana dia mampiharihary fa isan'izay fahavoazana lehibe indrindra nosedrain'ny vondron-tafika mpiady anaty akata FARC hatramin'izay izy ity nohon'ny mason'izao tontolo izao izay voasarika hijery ny zava-misy any Kôlômbia. Ny ohatry Rtoa Ingrid Betancourt no isan'izay mazava indrindra ary ireo tsikitsiky sy orokoroka izay ifampizaran'ireo olona voatana an-keriny nohafahana sy ireo fianakavian'ny tsirairay dia mampiseho fa afaka taitra amin'ny torimaso ihany, na dia tao aorian'ny nofiratsy maharitra aza.

Diana Zorrilla of Morena Escribe [es] writes:

Ella se convirtió en el ícono del flagelo que han infligido las FARC al pueblo colombiano y su liberación junto con la de los otros catorce es una importante victoria moral para Colombia

Nanjary fanoharana mikasika ny kapoka karavasy izay nataon'ny FARC ny vahoakan'i Kôlômbia Rtoa Ingrid Betancourt, ary ny fanafahana azy sy ireo olona 14 hafa mpiray fakana an-keriny taminy dia fandresena ara-môraly lehibe hoan'i Kôlômbia.

Paragoay — Edwin Britez ao amin'ny Derecho Viejo [es] wrote about Betancourt earlier in December, and returns with the good news spread throughout the country:

Me reconforta saber que hoy mucha gente salió a las calles de Asunción, por lo menos a expresar su contento con bocinazos, por la libertad de Ingrid. Muchas de ellas son mujeres. Hoy, todos somos de alguna manera, un poco más libres que antes.

Nankaheritena ahy ny nahita fa nohon'ny fanafahana an-dRtoa Ingrid Betancourt, dia mponina maro no nivoaka tany an-dalambe mba hanambara ny hafaliany amin'ny alalan'ny fampandrenesan'ny fiarakodia. Vehivavy ny maro tamin'izy ireny. Azo ambara fa androany, dia mihoatra ny omaly ny fahafahantsika tsirairay.

Sary tapaka nindramina tamin'i Pixiduc

Kôlômbia : Hanonerana izay fotoana very izay

Tomavana — Thu, 03 Jul 2008 07:12:50 +0000

MpanoratraEduardo Avila · Nandika Tomavana · vakio ato ny lahatsoratra nadika

Tienen Huevo mankalaza ny fanafahana an-dRamatoa Ingrid Betancourt izay nalain'ny Mpiady anaty akatan'ny FARC ary notazoniny an-keriny [nandritra ny 2318 andro] any Kôlòmbia :

Bienvenida Ingrid… Estamos a la espera de recuperar el tiempo perdido…

“Tongasoa Ingrid… Tsy andrinay ny hanonerana izay fotoana very izay… ”

[FANAMPIM-PANAZAVANA : kandida ho filoham-pirenena, nalain'ny mpiady anaty akatan'ny FARC Tafika Revolisionare Kôlômbiana [Fuerzas armadas revolucionarias de Colombia] tamin'ny 23 Febroary 2002]