Global Voices teny Malagasy » Video

Horonantsary: Atsaharo ny herisetra atao amin'ireo vehivavy maneran-tany

candy — Tue, 01 Dec 2009 06:23:22 +0000

MpanoratraJuliana Rincón Parra · Nandika candy · vakio ato ny lahatsoratra nadika

Anio, faha-25 Novambra no andro iraisam-pirenena Iadiana amin'ny Herisetra Atao amin'ny Vehivavy, ary amin'ny alalan'ny horonantsary no anehoan'ny olona maro sy fikambanana maneran-tany ny fanirian'izy ireo hampiatoana ny herisetra ary koa ny ezaka entin'izy ireo hanamafisana fa manana tontolo afaka iainana am-piadanana ny vehivavy.

Sary avy amin'i circo_de_invierno, tao amin'ny Flickr mampiasa ny CC BY 2.0.

ny teny momba ny herisetra dia tsy maintsy hanafoana ny FAHANGINANA

http://www.flickr.com/photos/circo_de_invierno/ / CC BY 2.0

UNIFEM, ao amin'ny Manaova Tsia amin'ny Herisetra ao amin'ny Youtube dia efa nanao fanadihadiana ny sasany amin'ireo fanapahan-kevitra raisina maneran-tany mba hampiatoana ny fanaovana herisetra noho ny tsy fitoviana. Ny horonantsary voalohany dia mampiseho ny Lisean-jazavavy Ngara ao Nairobi, Kenya, izay andrisihana ireo tovovavy hanao Tsia amin'ny Herisetra, hijoro hitaky ny zon'izy ireo ary koa ny fomba hiadiana amin'ny fanolanana, fanafihana, fandrahonana ary ireo endrika hafa hisehoan'ny herisetra noho ny tsy fitoviana:

Any Kenya koa, manana Toeram-Panarenana ireo niharan'ny Herisetra ny tobim-pitsaboana nasionalin'ny Kenyatta, izay azon'ireo vehivavy sy ny zanany andehanana ary hikarakarana azy ireo noho ny herisetra nahazo azy ireo. Ato amin'ity horonantsary manaraka ity, mitantara ny fiainana ao amin'ilay toeram-pitsaboana izy ireo, ny tontolo iainana misy azy ireo, ary maneho hevitra koa ireo vehivavy niharan'ny herisetra:

Any Peru, eo am-pikarakarana fihetsiketsehana sy fanangonam-bahoaka ny fikambanana Flora Tristan ho ana endrika hafa inoany fa mety hiteraka herisetra: ny fandàvana ny fahazoana maimaim-poana ireo fomba fanabeazana aizana sy ny lalàna vaovao nanapaka fa ny pilin'ny ampitso (fanabeazana aizana vonjimaika) dia tsy tokony hozaraina maimaim-poana. Hanao fanentanana ho fanabeazana izy ireo any amina toeram-pitsangatsanganana any Lima ka hanome fanampim-panazavàna momba ny fanabeazana aizana, ary koa hizara pilin'ny ampitso sy fitaovana fanabeazana aizana ho mariky ny fanoherana:

Raha ny momba ny Amerika Latina sy ny Karaiba indray, nandefa ity horonantsary ity ny UN-INSTRAW ho ampahany amin'ny fanentanana fisarihan-tsaina :

Latinoamérica y el Caribe es un lugar peligroso para las mujeres. Más de 50 por ciento de las mujeres de la región han sido objetos de agresiones. En la República Dominicana, por ejemplo, 1,453 mujeres fueron asesinadas entre los años 2000 y 2008. En el marco del Día Internacional para la Eliminación de la Violencia Contra la Mujer, UN-INSTRAW lanza un nuevo video sobre la seguridad de las mujeres latinas y caribeñas.

Toerana mampidi-doza ho an'ny vehivavy i Amerika Latina sy Karaiba. Maherin'ny 50 isan-jaton'ny vehivavy any an-toerana no iharan'ny herisetra. Any amin'ny Repoblika Dominikana ohatra, vehivavy 1 453 no novonoina teo anelanelan'ny taona 2000 sy ny taona 2008. Ho an'ny Andro Iraisam-pirenena Iadiana amin'ny Herisetra Atao amin'ny Vehivavy dia nandefa horonantsary momba ny fandriampahaleman'ireo vehivavy Latina sy Karibeana ny UN-INSTRAW .

Any Espana, nandray anjara tamin'ny seminera faha-dimy momba ny Fiarovan-tena amin'ny herisetra ireo vehivavy, ka tamin'izay no nanoroana azy ireo ny fomba hiarovany tena raha miatrika toe-javatra mampidi-doza ry zareo. Ny kendrena amin'io fanofanana io dia ny hahafahan'izy ireo mampalemy mandritra ny fotoana fohy ilay mpanao herisetra mba hahafahan'izy ireo mandositra ny loza.

Ary avy any Chile, ilay mpanao Hip Hop COFLA dia namoaka hira mitondra ny lohateny hoe Femicide. Raha eritreretina hampirisika ny herisetra atao amin'ny vehivavy ny tononkira hip hop matetika, ity mpanakanto ity kosa namoaka hira manameloka ny fomban'ireo lehilahy manomboka amin'ny fanomezana tokim-pitiavana sy fiarovana ary tonga amin'ny herisetra, daroka na famonoana mihitsy aza:

Nisy ezaka toy izany ve tany amin'ny faritra na firenena misy anao? Mba ampafantaro anay amina fandefasan-kevitra ny fihetsiketsehana ataon'ny fiaraha-moninao mba hanakanana ny herisetra atao amin'ny vehivavy!

Puerto Rico: Kiaka manohitra herisetra

avylavitra — Sun, 29 Nov 2009 08:36:33 +0000

MpanoratraFiruzeh Shokooh Valle · Nandika avylavitra · vakio ato ny lahatsoratra nadika

Mitana toerana be lavitra noho ny isa fotsiny izy ireo. Izy ireo dia endrika, fiainana, nofinofy ary fanantenana. Izy ireo dia reny, zanaka vavy, anabavy, renibe, nenitoa, zanaky ny mpiray tampo, namana, mpiasa, mpanao politika, mpisolo vava, mpikambana amin'ny akademia, mpitolona, mpianatra, ireo olon-droa manaraka ny fitsipiky ny natiora na ireo mitovy nefa mifanambady [straight, gay]. Ny herisetra dia mamakivaky tsy ankifidy sarangam-piarahamonina , volonkoditra, foko, sisintany, lahy na vavy, ary firehana manokana momba ny filàna ara-nofo.

Ao Puerto Rico, araka ny tatitra ofisialy nangonin'ny Birao mpiaro ny vehivavy, dia vehivavy 178 no novonoin'ireo olona niaraka niaina taminy teo anelanelan'ny 2001 sy 2008. Tamin'ity taona ity, efa vehivavy 16 sahady no maty noho ny herisetra an-tokantrano tao amina nosy kely ahitàna olona eo amin'ny 4 tapitrisa eo ho eo. Ny salanisan'ny tranga-na herisetra an-tokantrano notaterin'ny mpitandro filaminana dia 20,000 isan-taona. Sasantsasany amin'ireny ihany no naharaisana tatitra. Tamin'ny fanadihadian'izy ireo farany (2007), ny Foibe natokana ho an'ireo Niharan'ny Fanolanana najoron'ny governemanta dia nikajy fa olona 18,000, vehivavy sy ankizivavy ny ankamaroany, no tratry ny herisetry ny filan'ny nofo isan-taona.

Maro ary amin'ny endrika samihafa no isehoan'ny herisetra, tsy fitovian'ny fahafahana mahazo fikarakarana ara-pahasalamana sy fanabeazana, ny fankahalàna ary ny fanavakavaham-bolonkoditra.

Sary lehibe, Diabe ho fanoherana ny herisetra, tao amin'ny Anjerimanontolon'i Puerto Rico. Navoaka rehefa nahazoana alàlana tamin'ny mpikarakara.

Mbola misy maro ihany koa ny vehivavy , ny lehilahy, manohitra ny herisetra amin'ny fomba vaovao sy maro tsy tambo isaina. Androany, 25 Novambra, ao anatin'ny fankalazana ny Andro maneran-tany natao hamongorana ny herisetra atao amin'ny vehivavy, izay manamarika ihany koa ny andro voalohany maneran-tany amin'ny hetsika 16 andro hanoherana ny herisetra [16 Days of Activism Against Gender Violence], dia vehivavy mpitoraka blaogy avy ao Puerto Rico no nanoratra lahatsoratra momba ny herisetra miantraika amin'ny fiainan'izy ireo, amin'ny fianakaviany ary amin'ny fiarahamonin-dry zareo.

Nanoratra tononkalo ry zareo, fanadihadiana lalina, sy fampieritreretana ihany koa. Nanoratra izy ireo momba ny herisetra ara-drafitra, amin'ny teny ifanaovana, ao an-tokantrano sy ny herisetra amin'ny fanolanana. Nanoratra izy ireo mikasika ny tsy fitoviana eo amin'ny lanjan'ny fifandraisana ankapobeny, ny politikan'ny mponina, ny lalàna, ny fahantrana, ny demaokrasia, ny toekarena, ary hatramin'ny herisetra atao amin'ny vehivavy any anatin'ireny horonantsary ireny. ‘Ndao mba hojerentsika ny endrik'izy ireo, hovakiantsika ny lahatsorany, ary hohenointsika ny feony.

Ao amin'ny blaoginy Mujeres en Puerto Rico [ES], Verónica, vehivavy mpisolo vava dia mahatsiaro ny vesatra nentin'ny herisetra nianjady tamin'ireo vehivavy nifanerasera taminy, na nalàna tanatin'izany, teo amin'ny fiainany manokana hatrany amin'ny fahazazàny:

En mi temprana adolescencia, convencí a mi madre para que me permitiera hacerme mi primera manicura. En cuanto obtuve la ansiada autorización, corrí a un salón de belleza y allí conocí a Ada, la dueña del lugar. Simpática, agradable, sonriente, siempre trabajadora, Ada. Su socio era también su esposo, así que lo recuerdo a él también, entrando y saliendo del salón, mientras Ada trabajaba con mis manos. Un día, de repente, el salón de belleza amaneció cerrado. Ada había sido asesinada por su esposo. Se abrió la caja de pandora. Por primera vez, en mi vida escuché de primera mano sobre cómo la distorsión de lo que es una relación amorosa puede terminar en muerte. Perdí la inocencia.

Tany amin'ny fahatanorako, nandresy lahatra an-dreniko aho mba hahazo mandeha mikojakoja ny tanako amin'izay, sambako io. Vantany vao azo ny fahazoan-dàlana avy aminy, niolomay namonjy ny trano mpikojakoja hatsaran-tarehy aho, ary tany no nifankahalalako tamin'i Ada, tompon'ny toerana. Tsotra sy tsara fanahy izy. Sady nitsiky foana izy no nanohy miasa hatrany. Ny vadiny ihany no mpiara-miombon'antoka aminy amin'io asany io, tadidiko tsara koa izy mivoaka sy miditra ny efitrano mandritra ny fikarakaran'i Ada ny tanako. Indray andro, tampoka teo, nikatona ilay trano fikojakojana hatsaran-tarehy. Ho ahy, nisokatra ny boatin'i Pandora. Voalohany teo amin'ny fiainako no nahatsapako fa hoe mety hiafara amin'ny fahafatesana ny fitiavana lalina. Veriko ny maha-tsy manantsiny ahy.

Amárilis Pagán, vehivavy mafana fo, dia niampanga ao amin'ny Brujas y Rebeldes [ES] ireo endrika maro isehoan'ny herisetra izay ny Fanjakana no tomponandraikitra amin'izany.

Estamos de pie ante un sistema de gobierno que se ha convertido en el principal agresor de las mujeres en Puerto Rico. De pie y resistiendo por nosotras y por otras poblaciones que son igualmente vulnerables. De la misma manera en que la violencia doméstica se trata de una cuestión de poder y control, la violencia actual del Estado en contra de las mujeres de la Isla es un asunto de poder y control matizado por una perspectiva acartonada de lo que son- y deben ser- las mujeres a la luz de una concepción judeo-cristiana de corte fundamentalista que se ha entronizado en la esfera gubernamental. Este 25 de noviembre, Día Internacional de No Más Violencia Hacia las Mujeres, es obligatorio hablar de la violencia hacia las nosotras en sus expresiones más amplias y profundas. Esa violencia no se limita a la violencia en relaciones de pareja (violencia doméstica) y es, en realidad, una violencia que se ha filtrado a través de muchas otras facetas de la vida de las mujeres. Pensar que la violencia doméstica es el único tipo de violencia que se inflige a las mujeres de la Isla es simplificar un asunto mucho más complejo.

Manohitra ny rafitra iray an'ny governemanta izahay, izay lasa voalohany amin'ny fampiharana herisetra amin'ny vehivavy eto Puerto Rico. Manohitra izahay mba ho fiarovan-tenanay sy ireo tsy manan-kianteherana eo anivon'ny fiarahamonina. Toy ny amin'ny herisetra ao an-tokantrano ihany dia olana momba ny resaka fahefana sy fifehezana ihany koa ny olan'ny herisetra ataon'ny Fanjakana amin'ny vehivavy. Amin'io tranga io, izy dia voafaritry ny fomba fijery ny vehivavy, sy izay eritreretina fa tokony ho toeran'izy ireo araka ny foto-pinoana Judeo-Christian izay mahavonto ny governemanta. Amin'ity 25 Novambra ity, andro maneran-tany hamongorana ny herisetra atao amin'ny Vehivavy, tena ilaina mihitsy ny miresaka momba ny endrika rehetra sy ny halalin'ny fomba fanaovana herisetra amintsika. Io herisetra io tsy voafetra fotsiny hoe nataon'ireo olona akaiky indrindra antsika (herisetra an-tokantrano). Endrika maro samihafa no isehoan'ny herisetra eo amin'ny fiainan'ny vehivavy. Ny finoana fa hoe ny herisetra ao an-tokantrano ihany no hany karazana endrika herisetra mianjady amin'ny vehivavy dia toa fanatsotsorana ihany ny olana izay tena saro-bahana tokoa.

Performance hamotsipotsirana ny herisetra atao amin'ny vehivavy ao Puerto Rico. Video an'ny Insula TV.

Nahomi Galindo-Malavé, vehivavy mafana fo, dia manadihady lalina ny endrika marolafin'ny herisetra noho ny tsy fitoviana [of gender violence] ao amin'ny Poder, Cuerpo y Género [ES]:

En el mes de No más violencia hacia las mujeres, es importante recordar que todo acto de violencia encarna una red de relaciones de poder: en este caso, relaciones de género. Es por ello, que el objeto o “víctima” de la violencia de género no necesariamente es siempre una “mujer”. Un ejemplo reciente de ello es violento asesinato del hombre gay de 19 años, Jorge Steven López. Para comprender este suceso como crimen de odio y como violencia de género, es importante entender cómo se despliegan a través de él las relaciones de poder y la construcción de las masculinidades… La violencia contra las mujeres es producto de las relaciones de poder que existen en nuestra sociedad. Se trata por tanto de una de las manifestaciones de la violencia de género, que se dirige contra todo aquello que no es inteligible, que rompe, que no se subordina, a las normas de lo masculino y lo femenino. Diferentes formas de violencia de género son las violencias domésticas, la violencia económica, los feminicidios y los crímenes de odio.

Nandritry ny iray volan'ny ‘Aoka izay ny herisetra atao amin'ny vehivavy' [No More Violence Against Women] tsara ny mampahafantatra fa ny herisetra tsirairay dia mifanindran-dàlana amina tambajotra-na fahefana ara-pifandraisana. Amin'io tranga io, ireo fifandraisan'ny lahy sy ny vavy. Izany no mahatonga hoe ireo izay voakasika na “niharan'ny” herisetra noho ny tsy fitoviana dia tsy voatery ho vehivavy foana akory. Ohatra iray tsy ela akory ny herisetra namonoana an'i Jorge Steven López, 19 taona, lehilahy tia lehilahy. Mba hahafahana manakatra io vono-olona io ho toy ny habibiana nateraky ny fankahalana sy herisetra noho ny tsy fitoviana, ilaina dia ilaina tokoa ny mahafantatra hoe manao ahoana ny fahefana ara-pifandraisana ary ny fomba fiorenan'ny fahefan-dehilahy … Vokatry ny fahefana ara-pifandraisana ny herisetra atao amin'ny vehivavy ao amin'ny fiarahamonina misy antsika. Ankoatr'izay, endrika iray isehoan'ny herisetra noho ny tsy fitoviana ateraky ny zavatra azo takarina tsara izay mampihataka sy tsy mifanojo mihitsy amin'ny lamina maha-lahy na maha-vavy mipetraka. Ny heloka ao an-tokantrano, ara-toekarena, famonoana vehivavy sy ny fankahalàna dia endrika samihafa isehoan'ny herisetra noho ny tsy fitoviana daholo.

Ao amin'ny El rincón de la cinefilia [ES], RDLC, izay mamariparitra ny tenany ihany ho lehilahy mpandala ny zon'ny vehivavy, dia mitondra tsikera momba ny horonantsary “What's Love Got to Do with It?” “Inona koa no hidiran'ny fitiavana amin'izay?” sy ny “North Country” “Firenena Avaratra”. Mamintina izy fa:

La violencia en contra de la mujer, ya sea en el ámbito íntimo del hogar o en donde trabaja, está mal. Podríamos pensar que luego de años y años de concienciación a la sociedad esta enfermedad hubiera culminado. Sin embargo, aquí estamos: año 2009 y las estadísticas sobre actos violentos en contra de féminas siguen más altas de lo que quisiéramos. Por ello, les recomiendo ambas películas basadas en hechos reales donde féminas (famosas y no famosas) luego de ser confrontadas con la violencia, supieron sobrepasar dignamente el epíteto “víctima”, convertirse en heroínas y llevar un mensaje claro: no más violencia contra las mujeres. PUNTO.

Aretina ny herisetra atao amin'ny vehivavy, na izany any anatin'ny fiainan-tokantrano manokana na any anivon'ny toeram-piasàna. Te-hino izahay fa taorian'izay taona maro nanaovana fampahatsiarovan-tena izay, efa tokony ho fongotra io aretina io. Saingy, eto indrindra isika, anatin'ny taona 2009, ny antontan'isan'ny herisetra atao amin'ny vehivavy dia vao mainka nisondrotra be tsy araka ny niheverana azy. Izany indrindra no mahatonga ahy manolotra ireto video miainga avy amin'ny zava-marina ireto, ahitàna vehivavy, malaza na tsia, nandao ny toerana naha “mpizaka ankaso” [victims] azy ireo ho amin'ny toeran'ny Be herim-po. Hafatra mazava no ampitain'izy ireo: aoka izay ny herisetra atao amin'ny vehivavy. TEBOKA.

Mariana Iriarte, vehivavy mafana fo mpianatra lalàna dia miresaka momba ny herisetra atao amin'ny alalan'ny teny sy fihetsika ao amin'ny Con otro y otras en el mundo [ES]:

Importante es entonces ser conscientes y concientizar a otras mujeres que la violencia física siempre es antecedida por la violencia simbólica, que antes de agredirte física o sexualmente, preparará el terreno discursivamente para que te sientas acorralada y sin salida, que anterior al golpe te hará sentir que no eres humana, que no vales nada, que eres un apéndice de él y más que su compañera eres su pertenencia. Reconocer que los roles que se te han asignado como mujer fueron construidos por los hombres para garantizar su dominio sobre las mujeres y que, sobre todo, nada de eso es normal. Por eso, hoy y siempre di no a la violencia contra las mujeres y sábete libre para hacer de tu identidad lo que te dé la gana.

Tena zava-dehibe, na izany aza, ny mahatsiaro saina sy misarika ny sain'ny vehivavy hafa ihany koa fa mazàna ny herisetra ara-batana dia ialohavan'ny herisetra amin'ny alalan'ny fihetsika. Fa alohan'ny haha-voadaroka na haha-voaolana anao mivantana mihitsy, dia efa nomanina miandalana teny ny kianja mba hahatonga anao ho toy ny voageja, tsy misy lalan-kivoahana intsony. Fa alohan'ny hipetahan'ny totohondriny dia ataony izay hiheveranao fa tsy isan'ny olona ianao, tsy misy lanjany, ary miankina aminy ny fiainanao, fananany ianao. Tsara ny hiaikena fa tsy araka ny tokony ho izy izany, ary ireo fepetra apetraka aminao ireo dia ny lehilahy no namorona azy mba ho antoka amin'ny fanandevozana ny vehivavy. Izany indrindra, ankehitriny, no itenenana hoe aoka izay ny herisetra atao amin'ny vehivavy ary sahia manangana [mamorona] indray ny maha-ianao anao vaovao araka izay tianao.

Movimiento Amplio de Mujeres de Puerto Rico.

Ao amin'ny Poder, espacio y ambiente [ES] Erika Fontánez, mpandàla ny tontolo iainana sy vehivavy mpampianatra lalàna dia manadihady ireo endrika maro samihafa isehoan'ny herisetra avy amin'ny rafi-pitantanana atao amin'ny vahivavy:

Exigimos que se atienda la violencia, las violencias todas, las violencias de esta sociedad directas e indirectas, las obvias y las estructurales, contra las mujeres. Exigimos el cese de políticas excluyentes que tienen el impacto de fomentar nuestra exclusión y perpetuar la violencia, las violencias. No bastan las ‘palabras de hombre', no las queremos, queremos el reconocimiento en igualdad de condiciones y en igualdad de poder. Exijamos nuevas relaciones de poder en todas las cotidianidades que rompan con los ciclos de las violencias. No más violencia institucional ni de ningún tipo contra las mujeres.

Takianay ny handinihana ny herisetra: ny endrika herisetra rehetra mahazo ny vehivavy, mivantana na ankolaka, ny mivandravandra sy ny anaty rafitra. Takianay ny hanafoanana ny politika manome vahana ny fanilikilihana sy ny fampiharana herisetra: ny endrika herisetra rehetra. Tsy ampy ‘Ireo fampanantenan'ny lehilahy sy ny lokalokany' (fanentanana iray nadika avy any ivelany napariaky ny governemanta ao Puerto Rico). Tsy ilainay ireny. Mila fitoviana eo amin'ny fahefana ara-pifandraisana izahay ary eo amin'ny tontolom-piainana. Avelao izahay hitaky fahefana ara-pifandraisana hafa kokoa mba handrodanana ny faribolan'ny herisetra. Atsaharo ny herisetra atao amin'ny vehivavy avy amin'ny rafi-pitantanana.

Ao amin'ny El diario de El Curio [ES], Yolanda Velázquez dia nandefa tononkalo. Ny blaogin'ny fifanatonana Movimiento Amplio de Mujeres [ES] dia manam-baovao momba ny hetsiky ny vehivavy tao Puerto Rico.

USA: Mampivoitra manokana ireo Silamo ao amin'ny tafika ilay vono-olona tao Fort Hood

candy — Fri, 27 Nov 2009 05:42:40 +0000

MpanoratraBhumika Ghimire · Nandika candy · vakio ato ny lahatsoratra nadika

Nahatonga ireo Silamo any Amerika ho eo ambanin'ny jirobe mpanazava indray, indrindra fa ireo ao anatin'ny tafika ilay Tifitra variraraka iray nataon'i Nidal Malik Hasan, manamboninahitry ny tafika Amerikana, nahafatesana 13 sy naharatrana 31 tao Fort hood, Texas.

Fotoana vitsy taorian'ny nilazana fa ny Manamboninahitra Hasan no voatondro ho ilay mpitifitra, nahitàna fahasahiranana lalina teo amin'ireo mpanolotra vaovao sy mpanadihady ny amin'ny fiaviany ara-poko sy ara-pinoana. Notaterina betsaka ihany koa fa matetika no iharan'ny antsojay avy amin'ireo olona avy ao anatin'ny antokon-tafika misy azy ihany ireo Silamo.

Howard M. Friedman, mpampianatra lalàna fanta-daza ao amin'ny Anjerimanontolon'i Toledo, dia milaza ao amin'ny blaoginy ReligionClause:

“Ny tafika dia nanao fandraisana Silamo noho ny fananana traikefa amin'ny tenim-pirenena sy ny kolontsaina ilaina hiatrehana ny adin'i Iraka sy Afganistana. Na izany aza anefa dia misedra ny fiahiahian'ireo manamboninahitra mpifehy azy ireo Silamo. “

Na izany aza anefa, ny fiahiahiana ireo Silamo mpikambana ao anatin'ny antokon-tafika dia efa nisy talohan'ny nitrangan'ny tifitra, fa ny tena atahoran'ny tsirairay izao dia ny ho fitomboan'ireny noho ny vono-olona tao Fort Hood. Mipoitra ny fanontaniana sao ny Major Hasan ka isan'ireo henjam-pihetsika izay manao fanafihana mifototra amin'ny resa-pinoana irony, na koa marary saina tsotra izao fotsiny.

Any Canada, ny mpanoratra Gwynne Dyer, ao amin'ny gazety maimaim-poana mpivoaka isan-kerinandro any Vancouver Straight.com, dia manoritra fa mamohafoha zavatra maro saro-pady ny fanondroana ny foto-pinoan'ilay mpamono:

“Andro vitsy taty aoriana, raha mbola nihazohazo ny fanadihadiana nanoloana ny fahasamihafan'ireo fitantarana, ny mpampahalala vaovao dia efa nametraka ny fanazavana hoe resa-poko/ fihodirana/ finoana no nahatonga ny hadalan'i Nidal. Ireo olona ratsy manao zavatra tsy mifanaraka amin'ny maha-Amerikana no tomponandraikitra voalohany indrindra amin'ilay zava-doza, ary misy misy farany io.

Ny fanazavana iray tsy naroso dia ny hoe ireo ady ataon'ny Amerika any amin'ireo tany Silamo ampitan-dranomasina any dia vao mainka manamafy fo ireo Silamo ao aminy. Tsy miraharaha hoe ireo mpampihorohoro Silamo ao an-toerana izay nanafika ny rafi-pitateran'ny Londres tamin'ny 2005, na ireo mpiray tsikombakomba Silamo isan-karazany izay voasambotra tany amina firenena Tandrefana samihafa talohan'ny hahatanterahan'ny tetik'izy ireo dia saika nanameloka ny fananiham-bohitry ny Tandrefana any amin'ny tany silamo avokoa ka vao mainka manamafy ny fon'izy ireo. Tsy miraharaha, indrindra indrindra, hoe ny tena vao mainka nanamafy fo azy ireo dia ny tsy fisian'ny fifandraisan'ireny fananiham-bohitra ireny amin'ny resaka fandriampahaleman'ny Tandrefana akory”

Ny Fox News, voatsikera matetika noho ny fitsaratsaràna ataony momba ireo olana mifandraika amin'ny fifindra-monina sy ny pôlitikan'ny fikombonana [conservative], dia voalaza fa nanao antso avo ho an'ny “fitiliana ireo Silamo” ao amin'ny tafika. Ao amin'ny vohikala Veterans Today, manamboninahitra taloha iray tao amin'ny Mpiambina ny morontsirak'i Amerika, Tom Barnes, dia miteny fa mamoromporona hevitra hambolena fifandroritana tsisy fotony “isika mifanandrina amin-dry zareo” ilay fantsom-baovao:

“… raha fintinina dia “tsy misy ilàna azy” ilay fantsom-baovao, raha ny filazana tsy dia masosotra tany amboalohany azy ity no hivadika ho tafika masin'ny Fox Channel mifanandrina amin-dry “zareo” atsy ho atsy ity fanontaniana azo leferina ity atsy ho atsy. Tsy hoe lasa mitarazoka ihany ity zavatra ity, fa sady mampidi-doza ihany koa. Eto ny tantara.

Araka ny efa nolazaiko tery aloha, efa nitranga taloha tao amin'ny Tafika Amerikana ny tranga toy izao. Efa leon'ny Fox News manondro amiko hoe iza avy no fahavaloko aho. Isaky ny mihetsika. Tsy ankijanona. Tsy azoko veroka mihitsy fa be loatra ilay “ry zareo” eny rehetra eny!”

Maromaro izao ireo gazety mandinika ny hoe ahoana ny fiantraikan'ny fihetsik'i Major Hasan amin'ireo Silamo miasa amin'ny tafika Amerikana, sy ireo Silamo monina manodidina an'i Fort Hood.

Ity misy video notaterin'i euroamericannews tao amin'ny YouTube momba ny fomba fijeren'ireo Silamo monina any Fort Hood ireo zava-tranga.

Satria mbola mitohy ny fanadihadiana momba ilay vonoolona, mbola hitohy hibanjina an'ireo Silamo miasa ho an'ny tafika koa ny mason'ny rehetra.

Filipina: Dokambarotra kandidà ho filoham-pirenena amin'ny fahitalavitra

Lila — Tue, 24 Nov 2009 18:17:02 +0000

MpanoratraMong Palatino · Nandika Lila · vakio ato ny lahatsoratra nadika

Hisy fifidianana filoham-pirenena any Filipina amin'ny taona ho avy. Efa nanomboka ny fotoan'ny fifidianana amin'ny famenoana ireo antontan- taratasy filatsahana any amin'ireo biraom-panjakana manerana ny firenena.

Ho fanairana sy fampahafantarana ny mpifidy mikasika ny firotsahana ho fidiana manao fandaharana sy mandoa ny vola mifandraika amin'izany ireo mpifaninana ho filoham-pirenena. Sarimihetsika maro momba ireo mpilatsaka ho fidiana ireo no efa nandeha tamin'ny fahitalavitra nandritra ny volana vitsivitsy izay. Efa tafiditra ao amin'ny YouTube avokoa ireny fandaharana ireny.

Pinoy Picks! no namoaka ny lisitr'ireo mpilatsaka ho fidiana. Tsy afa-po amin'ny fanangonana ireo anarana ireo ny bilaogin'i Shalapog:

Rehefa mifoha ianao amin'ny maraina dia tsapanao fa mihamanakaiky ny fotoana. Hitanao izany eny an-dalana rehetra eny, amin'ny hirahira ao amin'ny radio, ny fahasahiranan'ny olona mijery ny lisitra sy mampiditra izany amin'ny dokam-barotra ao amin'ny fahitalavitra. Hita eo ireo… azo fidiana ho filoham-pirenena!

Fifidianana 2010, tsy dia mamparisika ahy loatra satria tsy mahafa-po ahy ireo mpilatsaka ho fidiana sy ny laharany ao amin'ny rejistra. Tsy dia mahay politika aho, na dia nianatra siansa politika aza tany am-pianarana. Na izany aza fantatro hoe hanao ahoana ny firenena miaraka amin'izay ho filoha manaraka eo.

Indreto ny fandaharana mikasika ireo mpilatsaka ho fidiana:

Manindry mafy ny amin'ny fanombohany amm-panetren-tena ny loholona Manny Villar :

Manao izay hampalaza azy ny loholona Chiz Escudero

Mila fahaiza-manao sy fahaizana ny governemanta hoy ny sekreteran'ny fiarovana, kandidan'ny fitantanana Gilbert Teodoro

Ny loholona Noynoy Aquino, zanaka lahin'ny filoha, no manao sary mihetsika miaraka amin'ny mozika tsara indrindra

Ny filoha teo aloha Joseph Estrada milatsaka ho fidiana indray ao ambadiky ny fivarotana fanafody artrita

Scholar Danny Arao no mandinika ireo fandaharana ireo:

Mody jerena matanjaka ara-batana izy ireo kanjo tsy ampy hery. Na dia manan-kevitra tsara ny hanova zavatra aza izy ireo dia tsy hahavita izany ao anatin'ny fotoana raha ny zava-misy amin'izao fotoana izao.

Misy koa ireo milaza fa miezaka manao izay hampalaza ny tenany fotsiny ireo mpilatsaka ho fidiana ireo, kanefa tsy ho mora leo aza ve ny olona raha izao sahady izy ireo dia miresaka olana manokana tahaka ny hoe fanitsakitsahana zon'olombelona sy ny tsy fahampian'ny fanovana?

Barrio Siete tsy tia politika

Halako ny resaka politika. Raha ny hevitro dia fandaniam-bola fotsiny izany. Tiako izay kandida mandany ny volana amin'ny zavatra ilain'ny tsy manana.

Hatramin'izao aloha dia tsy mbola manana kandida tohanana aho. Mbola sahirana mijery izay kandida mifanaraka amin'ny eritreretiko aho. Alefa ny fandaharana politika, miaraka amin'ny tarigetrany mampahafantatra izay hofidiana, raha misy anankiray fotsiny, kanefa ny endriny sy ny tarigetrany dia ny hampahafantatra ny tenany fotsiny hoe milatsaka ho fidiana, ataoko fa tsy mety izany.

Mong Palatino

Iran: Nihaika ny fitondrana indray ny Hetsika Maitso

Jentilisa — Thu, 05 Nov 2009 21:39:26 +0000

MpanoratraHamid Tehrani · Nandika Jentilisa · vakio ato ny lahatsoratra nadika

Nanomana fidinana an-dalambe ho fanoherana ny fiaraha-mientan'ny mpanohitra Hetsika Maitso ny faha-4 ny volana Novambra (faha-13 Aban), fa nanararaotra ny fihaonana nokarakarain'ny mpitondra fanjakana tamin'io andro io hanamarihana ny faha-30 taona nananihana ny Ambasadin'i Etazonia ao Teheran. Nahery vaika ny nandravan'ny mpitandro ny filaminana ity fihetsiketsehan'ny mpanohitra ity.

Araka ny efa nantenaina, dia nandrakitra ny Iranian citizen media recorded “tantara” tamin'ny finday ny olo-tsotra nitati-baovao.

Manitsaka ny sarin'ny Mpitarika Faratampon'ny firenena, Ayatollah Ali Khamenei, ny mpanao fihetsiketseha-panoherana tao Teheran, fihetsika izay tsy azo nosainina akory volana vitsy lasa izay.

Hafatra ho an'i Obama: Na ianao miaraka aminay na amindry zareo.

Mehdi Karoubi, mpitarika mpanohitra, miaraka amin'ny vahoaka.

Manafika ny mpanao fihetsiketsehana ny mpitandro ny filaminana

Hamid Tehrani

Repoblika Dominikana: Hetsika fampahalalana ny homamiadana

Lila — Wed, 28 Oct 2009 19:53:31 +0000

MpanoratraRocio Diaz · Nandika Lila · vakio ato ny lahatsoratra nadika

Volan'ny fisorohana ny homamiadan'ny nono any amin'ny firenena maro ny volana oktobra, fotoana ankalazain'ny vohikala manandaza, fandaharana manokana amin'ny fahitalavitra, famakian-teny, valandresaka ara-medikaly ary ny fizarana boky kely sy trakitra misy izay tsara ho fantatra. Ireny rehetra ireny dia manindry manokana ny amin'ny fizahana ataon'ny tsirairay sy ny mampiahiahy tokony hoheverina.

Tany amin'ny Repoblika Dominikana dia nisy ny ezaka fampahafantarana mikasika ity aretina ity. Nanomboka tamin'ny volana oktobra 2006 dia lasa lehibe mpitondra teny amin'ny fanentanana momba ny homamiadan'ny nono fanao isan-taona avy amin'ny “Office of the First Lady [es]” (Biraon'ny Vadin'ny Filoha) antsoina hoe “Anio no andro mety” ny Dokotera Margarita Cedeno. Ity fanentanana ity dia mitaona ny vehivavy hikarakara ny toe-pahasalamany ka eo ny fanaovana valandresaka sy vakinteny atao manerana ny firenena. Fanampin'izany dia izarana boky kely ny vehivavy ary maimaim-poana ny fitiliana ny nono.

Sarin'ny fanokafana ny fampahafantarana. Nahazoana alalana avy amin'ny Biraon'ny Vadin'ny Filoha.

Nahatratra ny faratampony tamin'ny alalan'ny fampisehoan-damaody nataon'ny mpanao haikanto Rtoa Carolina Herrera ity fanentanana ity, Herrera izay nankasitraka ny finiavan'ny Vadin'ny Filoha ary nanohana fa ny hetsika “Anio no andro mety” no lasa hiakam-pamantarana hanairana ny momba ity aretina ity. Tao amin'ny valan-dresaka nataony ho an'ny mpanao gazety no niantsoan'i Herrera, izay anisan'ny ao anatin'ny fandraisana andraikitra iraisam-pirenena SER, mpanohana ny fanentanana eo amin'ny sehatra manerantany, ny rehetra hanambatra ho iray ny fanentanana isan-karazany atao manerana ny tany.

Misy koa ny fampahafantarana hafa natao hampahafantarana ny karazana homamiadana rehetra, anankiray amin'ireny ny “Caminantes por La Vida” (Diabe ho an'ny Fiainana) izay diabe hatao manerana ny làlana rehetra ao Saint Domingue renivohitra, ary andiany fahaefatra no hatao ankehitriny. Finiavana natomboky MercaSID izy ity, MercaSID mikarakara momba ny sakafo sy izay mahasoa ny fianakaviana, izay manangom-bola hanampiana ireo mpilatsaka an-tsitrapo sy ireo toeram-pitsaboana ary ireo fikambanana miady amin'ny homamiadana. Tamin'ity taona ity dia nantsoina hoe “Esta Va por Todos” (Ho an'ny rehetra izy ity) ny hetsika.

Sarimihetsika mialoha ny diabe tamin'ny 2008 nalefan'i Jorge Valdez.

Zava-dehibe ny fampahafantarana tahaka izao ho an'ny Dominikana miaina miaraka amin'ny homamiadana. Ilay mpitoraka bilaogy Principe Mestizo nanana olona akaiky azy tratry ny homamiadana no nilaza fa tena ilaina ny fampahafantarana:

Mi tío Juan, prominente abogado de aproximadamente 32 años , cayo victima de un cáncer en el área del estomago que se expandió a varios órganos y que finalmente hizo que Juan dejara este plano, dejándome múltiples enseñanzas, valorando y admirando a mi familia que en un momento de una crisis de esa magnitud, se unió como un solo cuerpo para ayudar a salir adelante al Benjamín de los hermanos de mi padre, y para el (mi papa) otro hijo mas.

Años después, otro hermano de mi Papa caia victima de la enfermedad (Tio Chichi) y de nuevo me toco ver….ya mas adulto otra cara de la enfermedad.

Lo Primero que hay que aclarar es que cuando en una familia alguien tiene Cáncer, toda la familia por defecto esta con Cáncer.

Ny dadatoako, Juan, mpahay lalàna nisongadina, 32 taona, no voan'ny homamiadan'ny vavony, izay niparitaka tamin'ny taovany hafa ary ny niafarany dia nandaozany ny tany, navelany ho irery teto aho niaraka tamin'ny lesona maro, mijery sy mankasitraka ny fianakaviako satria hatramin'izay dia niray hina tsara izahay rehetra nanampy ireo zanany mbola kely, izay nanjary tahaka ny zanaka lahy ho an'ny raiko aza.Taona maro taty aoriana dia anankiray amin'ireo rahalahan-draiko (dadatoa Chihchi) no voalaza fa voan'ny homamiadana koa ka nampahatsiahy indray ny fotoana niainana taloha. Nahita endrika hafa momba ity aretina ity aho.

Ny tena zavatra tsapa sy mazava dia hoe rehefa misy olona iray voan'ny homamiadana ao amin'ny fianakaviana dia ohatry ny hoe voa tsy fidiny izany daholo ny rehetra.

Rocio Diaz

Israely: Horonantsary maneho ny olan'ny fanakatonana ireo sisintanin'i Gaza

miora — Wed, 28 Oct 2009 08:19:45 +0000

MpanoratraMaya Norton · Nandika miora · vakio ato ny lahatsoratra nadika

Eo amin'ny tontolon'ny blaogy Israeliana, tsy dia tsapantsika loatra hoe misy mihaino na dia tsy misy miteny aza, izay no nitranga tamin'ny fanombohan'ny sarimihetsika fohy antsoina hoe “Closed Zone.” Sarimihetsika maharitra 90 segondra momba ireo faritra fivezivezena nohidiana any Gaza, “Closed Zone” izay efa in-31.600 nojerena ary ahitana tsikera 200 ao amin'ny YouTube, ka mbola mitohy mitombo hatrany.

Cinemascopian, Israelity Bites, One Jerusalem, sy ny Promised Land samy mampiseho ilay vidéo sy ny hafatra tiany ampitaina, fa tsy mitsikera.

Ao amin'ny blaogy Checkpoint Jerusalem, Dion Nissenbaum manome ny foto-dresaka sy ny mombamomba ilay sarimihetsika, manazava fa ny “Closed Zone” dia natao ho an'ny Gisha, ONG Israeliana tsy mpitady tombontsoa , izay miasa ho fiarovana ny fahalalaha-mihetsik'ireo mponina 1.4 tapitrisa ao amin'ny faritr'i Gaza.

Ao amin'ny fanambaràny momba ny fikatonan'ireo faritra fivezivezena any Gaza, izay efa nampiharina nandritra ny 18 volana, dia manoratra i Gisha:

Raha ny hevitr'i Gisha dia tsy ara-dalàna ny fanakatonana satria manasazy ireo mponin'ny faritr'i Gaza amin'ny zavatra tsy nataony sy noho ny tranga ara-politika tsy miankina amin'izy ireo. Ity fikatonana ity dia misy fiantraikany eo amin'ireo mponina sivily sy ireo sampan-draharaha noho ny fandraràna ny fidiran'ny kojakoja ilaina amin'ny fahasalamana, amin'ny fiainana andavanandro, ary ny ara-toekarena.

Ny nanao ny “Closed Zone” dia i Yoni Goodman. I Goodman dia malaza manokana amin'ny naha Talen'ny Fanentanana azy tao amin'ny “Waltz with Bashir,” nandresy tamin'ny Sarimihetsika Vahiny Tsara indrindra tamin'ny Golden Globes Award ary amin'ny fitsarana ankapobeny ihany koa dia mbola isan'ireo tsara toerana tamin'ny sokajy nisy azy tamin'ny Academy Awards 2009. (Ilay sarimihetsika Zapone “Departures” no nibata ny fandresena.)

Tao amina resadresaka iray niarahana tamin'ny Jerusalem Post tamin'ny fotoana namoahana ny “Closed Zone” dia nanazava i Goodman:

“Halako Hamas. Mitady hamono anay izy ireo. Mazava ho azy fa fahavaloko izy ireo. Miala tsiny amin'ireo vahoaka Palestiniana izay te hiaina ny fiainan'izy ireo aho… Ny olona tsy te-handre hoe tena olona tokoa anie ireo Palestiniana. Aleon'ny olona mieritreritra azy ireo toy ny hoe devoly, sady Hamas daholo ry zareo. Mora ny miteny hoe: ‘sazio ry zareo, na koa vonoy ry zareo.' Sarotra be ny mijery azy ireo ho toy ny olon-tsotra te-handry fahalemana.

Anaty video fanampiny “Closed Zones: Any ambadiky ny sehatra,” manindry mafy i Goodman:

Nahatonga ity tetikasa ity hanjary andraikitro manokana ny ady. Ny mpandray anjara eto dia zazalahy kely, sady ankizy izy no olon-dehibe, sady arabo no Jiosy, zavatra iray azon'ny tsirairay hakàna taratra. Tsy tsara loatra ny hamadihana azy ity ho sarimihetsika stereotype [

Tao amin'ny fetiben'ny mpamaham-bolongana indoneziana

Jentilisa — Tue, 27 Oct 2009 19:18:32 +0000

MpanoratraPreetam Rai · Nandika Jentilisa · vakio ato ny lahatsoratra nadika

Nanana sehatra fanafamafisan'orina ny fiaraha-mientana hamaham- bolongana i Indonezia. Nahasarika mpamaham-bolongana sy mpitia teknolojia avy amin'ny vazantany efatr'ity firenena midadasika ity ny fetiben'ny mpamaham-bolongana (Pestablogger) fanao isan-taona any Indonezia.

Fahatongavana maro hanatrika ny fetiben'ny mpamaham-bolongana Indonezia

Sehatra hita tamin'ny fetiben'ny mpamaham-bolongana.

Fanintelony izao no nanatontosana ity hetsika fanao isan-taona ity ary mahafinaritra ny mahita ny fitomboan'isan'ny mpandray anjara isan-taona.

Tsy vitan'ny mitsinjara eo amin'ny lefiny jeografika ihany ny mpamaham- bolongana Indoneziana fa eo amin'ny fahasamihafan-taona sy asa fanao ihany koa.

Fotoana iray niresahana ny etikan'ny famahanam- bolongana

Fotoana iray niresahana ny fampitam-baovao ataon'olo-tsotra

Olom-pirenena mampita vaovao iray mizara ny traikefany amin'ny mpamaham- bolongana

Fotoana iray fampifandraisan-tanana an'i indonezia misaratsaraka amin'ny alalan'ny famahanam- bolongana. Niresaka ny fomba iseraseran'i Indonezia amin'izao tontolo izao [zary] ivelany amin'ny alalan'ny bolongana ihany koa ny mpandray anjara.

Tristam(misolo tena ny fikambanana mpanohana), Chip (mpankafy teknolojia avy any Vietnam) ary Retty (mpamaham-bolongana Indoneziana) eo am-piresahana. Tsy dia ahitana loatra ny fandraisana anjaran'ny vahiny tahaka ny mpitranga any amin'ny hetsika Kambojiana na thailandey ny hetsika Indoneziana. Mbola misy ihany ny olona liana tsiraidraika mitsiritsirika ary manantena izahay fa ho maro kokoa amin'ny manaraka ny olona avy amin'ny faritra atsimo atsinanan'i Azia no ho tonga.

Mpanakanto batik eo am-panamboarana ny t-shirt-n'ny fetiben'ny mpamaham-bolongana.

Mpamaham-bolongana maka rivotra avy amin'ny fiadian-kevitra ka mankafy mihira.

Preetam Rai

Fitondrana vohoka sy ny fonja: Ny fahasalamana sy ny zon'ny vehivavy voafonja

Jentilisa — Mon, 26 Oct 2009 21:24:17 +0000

MpanoratraJuliana Rincón Parra · Nandika Jentilisa · vakio ato ny lahatsoratra nadika

Manana ny zony feno ve ny vehivavy bevohoka rehetra, sa tsy manan-jò intsony rehefa voafonja?

Izany no fanontaniana tonga ao amin'ny tena rehefa mieritreritra ny zon'ny vehivavy bevohoka voafonja hamelona sy hitaiza ny zanany raha voaheloka amin'ny heloka sasantsasany izy:

Tahaka ny ahoana moa amin'izy ireo izany hoe bevohoka na mananjanaka [mbola kely] nefa voafonja izany?
Tsy maintsy hoe laharam-pahamehana ve izy ireo raha misy ny vehivavy hafa tsy voafonja tsy mahazo fanaraha-maso ara-pahasalamana?
Ny maha-reny ve no mandrava ny lalàna hafa rehetra mba iantohana ny zon'ny vehivavy bevohoka?

Etazonia: Tsy azo ekena intsony ny fametahana menôty eo ampiterahana.

Azonao eritreretina ve izany vehivavy hiteraka izany ka voapetaka menôty arakitra amin'ny fandrianany ny tanany sy ny tongony? Miteny amintsika amin'ity fomba fanao any Etazonia hatramin'izao fotoana izao ity i Malika Saada Saar, mpanorina sy tale mpanatanteraka ny Tetikasa Rebecca miaro ny zon'olombelona, fa efa fahazarana any amin'ny toera-pamonjana sasantsasany any Etazonia ny mametaka menôty ny vehivavy bevohoka mandritra ny fisafoana sy ny fiterahana, na dia mety hitera-doza amin'ny fahasalaman'ny reny sy ny zaza aza izany. Manaraka etoana ny lahatsary fanadihadiana miaraka amin'ny lahatsoratra ho an'ny RH Reality Check, tambajotran-tserasera iray miresaka sy manadihady ny zo sy ny fahasalamana ara-pananahana:

Inona no mitranga ho an'ny zanaka voafonja rehefa teraka?

Samy manana ny lalàny avy ny isam-pirenena momba ireny zaza teraka tany am-pamonjana ireny. Any Arzantina, ohatra, araka ny lazain'ny Ajintem, fampahalalam-baovao an-tserasera mampahafantatra ny momba ny fifindra-monina, dia nisy lalàna manokana ho an'ny vehivavy bevohoka voafonja nolaniana tamin'ny herintaona, izay mametraka fa mahazo mamita ny saziny any amin'ny fonenany saingy mahazo alalana vao mahazo mivoaka sady arahi-maso ny vehivavy manan-janaka latsaky ny dimy taona na manana zaza sembana. Mahasoa tsy ny reny ihany izany lalàna izany, satria tsy hahazo fikarakarana ara-pahasalamana azo antoka ho azy izy mandritra ny fotoana itondrany vohoka, fa ny zaza ihany koa, izay mety ho notezaina tao anatin'ny tontolo tsy misy fahafahana sady tsizarizary ny sakafo sy ny fanaraha-maso ara-pahasalamana, na mety hotezaina lavitra an-dreniny, izay mety hiteraka olana maro isan-karazany ihany koa. Na izany aza dia hafatra ampitaina amin'ny Mpitsara io hanarahany ny hevitry ny lalàna sy hanomezany alalana ireo vehivavy tsy tafiditra amina heloka miharo herisetra, ary hanomezana toky ihany koa ny mponina sivily fa tsy lalana malalaka ivoahana ny fonja tsy akory ny fitondrana vohoka.

Any amin'ny nosy Canary indray, araka ny filazan'ny bolongana Prisiones y Penas, izay miresaka ny momba sy ny lohahevitra mahakasika ny toera-pamonjana, dia mahazo alalana hitazona ny zanany hatramin'ny faha-3 taonany hiray efitra aminy ao am-ponja ny vehivavy, saingy miaraka amin'ireo vehivavy hafa miara-voafonja aminy ihany koa, izay tsy ny tontolo tsara indrindra. Avy amin'izany dia efa nilazana ny vehivavy bevohoka na manana zaza latsaky ny 3 taona hiditra ny fonja fa tsy mahasoa ny zaza ny mitombo any ambadiky ny fefy vy, ka omena safidy izy ireo ny hamoaka ny zanany ho any amin'ny fianakaviana. Tahaka izany ihany koa no mitranga any Peru sy Rosia. Any Etazonia dia toera-pamonjana roa ihany no manome alalana tahaka izany, any New York sy any Nebraska, araka izay nolazain'ilay mpaka sary malaza Jane Evelyn Atwood ao amin'ny sary fanadihadiana misy fizarana 3 nataony ho an'ny Amnesty International, antsoiny hoe Too Much Time[na: Ela loatra], izay nitsidihany toera-pamonjana ampolony manerantany sy nandraketany sy nanangonany fanadihadiana ny fiainan'ny voafonja.

Nahoana moa ny rafi-piarenana [fandraharahana ny fonja] any Etazonia amin'ny ankapobeny no mtsy mamela ny vehivavy hitazona ny zanany hiaraka aminy? Nohazavain'i Atwood fa tsy navela natao izany noho ny mety hisiana fanaovana takalon' aina. Ao amin'ny Prison Photography Blog no hanaovan'izy ireo izao filazana izao:

Tsy mahazo miditra ny fonja afa-tsy amin'ny toerana roa ny kilonga any Etazonia. Eo amin'ny fiarovana no ambara fa anton'izany: aina marefo lalandava sy mety ho lasa takalon'ania mandrakariva izany kilonga any am-ponja izany. Mihanjahanja izany fanambarana izany rehefa itodihana ny rafi-piarenan'ny firenen-kafa.

Ny ango-panadihadian'i Atwood ao amin'ny songadin'ny vohikalan'ny Amnesty International no ilazany izany miteraka mipetaka menôty izany araka izay efa navoakan'i Vanessa's Baby sy ny momba ny rafi-piarenana sy ny fiainana maha-reny, omban'ny sary mandritra ny hamakiany ny lahatsoratra miresaka ny zavatra hitany tany am-pitsidihana fonja isan-karazany sy nakany saripika.

Entina mifampiraharaha ve ny fitondrana vohoka?

Nahoana no mampiroanahana tahaka izany ny zon'ny vehivavy bevohoka voafonja? Ao amin'ny Russia Today, televiziona Rosiana iray, dia voatonona ity lohahevitra ity rehefa noresahina ny momba ny zaza teraka sy nobeazina tany amin'ny rafi-piarenana rosiana:

Misy ny mihevitra fa manao izay hahabevohoka azy fotsiny ny reny sasantsasany hahamora kokoa ny fiainany any am-pamonjana. Miaina any amin'ny Hopitaly, manana fotoana be dia be voarafitra ahafahana miaraka amin'ny kilonga – tsara kokoa izany rehetra izany noho ny mipetraka anaty tranovato, hoy ny filazan'izy ireo.

Ary misy ny vehivavy taratra ihany fa ny fitondrana vohoka no lalana tokana ahafahana miala amin'ny fanefana sazy, tahaka izay nitranga tamin'ny volana jona teo, raha nogadraina sy nohelohina ho faty ny vehivavy anglisy iray tany Laos noho ny raharaha zavamahadomelina fa bevohoka tany am-pigadrana izy, rehefa tsy mamono ho faty ny vehivavy bevohoka ny fitondrana any Laos. Ny filazana nataon'ny Daily Express, gazety anglisy iray, no nahafantarana fa natsaika tamin'ny fomba artifisialy ravehivavy mba hanavotana azy.

Mitantara ny amin'ny zanany sy ny fiainana voafonja araka ny fiteniny ny vehivavy

Geraldin Rodríguez, Arzantiniana voafonja any Ekoatera noho ny fanondranana zava-mahadomelina no niresaka tamin'i Marcos Brugiati, mpanoratra sady nampiroborobo tamin'ny famoahana an-tserasera ny resaka zavakanto Plastica-Argentina, ny tantaran'ny fanaovana teathra any am-pigadrana, izany bevohoka any am-ponja ary ny nananany zaza. Nahazo alalana ny hitazona ny zanany hiaraka aminy izy saingy naleony mihalehibe any ampahalalahana ny zanany:

“Decidí que salga para vivir, tenía miedo que sufra de grande los traumas que hoy tengo. Se lo llevó al año mi hermano quien se hice cargo con su esposa”.

Nanapa-kevitra aho fa aleoko mandeha izy mba hiaina, matahotra aho fandrao miaina ny takaitra izay iainako ihany koa izy. Herintaona taoriana dia nalain'ny anadahiko sy ny vadiny izy hotezainy.

Migadra any amin'ny fonja Espaniola i Juvinete, ary bevohoka rehefa nohidiana noho ny resaka fanondranana zava-mahadomelina. Nitantara ny fiainany tamina gazetim-paritra NorteCastilla izy. Telo taona taorian'ny niterahany ny zanany tany am-ponja dia tsy maintsy nosarahina taminy ny zaza, ary nalefa tany amin'ny fianakaviana vonon-kandray ny zaza. Mifankahita amin-janany vavy isaky ny 15 andro i Juvinete ary mahazo alalana hivoaka 2 herinandro hiara-miaina aminy isaky ny roa volana. Saingy mety tsy hihatsara ny toe-draharaha: Mety halefa any amin'ny firenena niaviany any Brezila manko i Juvinete, ary manahy ny mety ho fiantraikan'izany fiovana izany amin-janany. Ary dia nanome soso-kevitra ho an'ny vehivavy rehetra mihevitra ny hitondra vohoka any am-ponja izy:

-Intento convencerlas para que no se queden en estado dentro porque ver a un niño privado de libertad es muy duro, es irresponsable. Ellos no tienen que pagar nuestros errores.

Miezaka aho ny mandresy lahatra azy ireo tsy ho bevohoka am-ponja izany fa manohina tokoa ny mahita ny kilonga tsy manam-pahafahana, maneho tsy fahaiza-mandray andraikitra izany. Tsy tokony hosaziana noho ny fahadisoantsika izy ireny.

Ao amin'ny Woman and Prison,[ny vehivavy sy ny fonja] vohikala natao hanairana ny mhatra amin'ny vehivavy any amin'ny toera-piarenana, no iresahan'i Kebby Warner ny nitondrany vohoka tany amin'ny fonja amerikana, nitantarany ny nanaovana azy nandritra ny nitondrany vohokan niterahany sy ny taorian'izany, rehefa nalaina taminy ny zanany. Toy izao ny notsongaina tamin'izay nosoratany teo ampiterahana:

Tsy misy mahazo miditra ao an'efitra mandritra ny fiterahana. Tsy nahalala ny niterahako zazavavy akory ny fianakaviako raha tsy efa nandao ny hopitaly aho. Mipetraka ao an'efitra ny mpiambina nandritra ny telo andro, saingy mimenomenona matetika ry zareo rehefa asain'ny mpitsabo mpanampy hivoaka ny efitra. Efa reko ny tantara mampihorokoditra milaza fa petahina menôty eo am-pandrianany ny vehivavy. Faly tokoa aho fa tsy mba nanaovana izany. Maro tamin'ny mpitsabo mpanampy no nikarakara ahy amin'ny mahaolona fa tsy amin'ny mahavoafonja ahy.

Mbola misy tantara hafa azonao vakiana momba ny fitomboana miaraka amin'ny havana any am-ponja sy ny fiantraikany isan-karazany amin'ny zanaky ny vehivavy voafonja koa ao amin'ny Women and Prison[vehivavy sy ny fonja].

Koa ahoana ary ny eritreritrao? Mahita ireo vehivavy bevohoka manerantany tsy mahazo fikarakarana ara-pahasalamana, mbola tokony hisy ve ny ezaka fanampiny omena ireo vehivavy voafonja? Misy ve ny fahasamihafana eo amin'ny vehivavy mamita sazy sy ireo izay ivelan'izany? Tokony hokarakaraina manokana ve izy ireo?

Ny sary nampiasaina handravaka ny lahatsoratra dia “17 de noviembre” an'i daquella manera.

Juliana Rincón Parra

Porto Rico: Fanadiovan-tsolika nipoaka

Jentilisa — Sun, 25 Oct 2009 12:06:18 +0000

MpanoratraFiruzeh Shokooh Valle · Nandika Jentilisa · vakio ato ny lahatsoratra nadika

Nirefotra tanteraka tamin'ny zoma 23 oktobra teo tamin'ny 12 sy sasany atoandro ny fanadiovan-tsolika an'i Gulf Oil (Caribbean Petroleum Company-CAPECO) ao Bayamón, Porto Rico. Saika ny fitoeran-tsolika 20 no nipoaka avokoa, mbola misy afo mirehitra hatrany na dia efa voafehy aza, ary tsy nitsahatra nandrakotra ny lanitra ny andriafo. Mihoatra ny 1 000 ny olona manodidina no nafindra toeran-kafa, ary nambara ka latsaka an-katerena ny fivondronana dimy manakaiky azy. Samy nanambara ny fiantraikan'ny fahasimban'ny tontolo maitso sy ny aterak'izany eo amin'ny fahasalaman'ny olona amin'ity voina ity avokoa na ny manampahaizana na ny mpikatroka [mpiaro ny tontolo iainana]. Efa an-taonany ihany koa no nampitandreman'ny olomboafidy manodidina ny governemanta ny loza ara-tontolo iainana sy ara-pahasalamana mitatao rehefa mipetraka manodidina toeram-panadiovan-tsolika tahaka itony.

Mbola fantarina amin'izao fotoana izao ny antony niteraka ity fipoahana ity.

Lahatsarin'ny fipoahana nampidirin'i Zuper J tao amin'ny YouTube.

Ao amin'ny Haciendo punto en otro blog [ES], no miresaka ny mpanao gazety sady mpamaham-bolongana Carmel Ruiz:

On Thursday night the Gulf Oil refinery in the nearby town of Cataño blew up. The blast and shock waves were felt twenty miles away. It was a sound like nothing I had ever heard in my life (the shock wave actually opened my bedroom door). In the four or five seconds after the explosion, the fireball was as bright as the three o'clock sun The fire is still burning, the plume of smoke is like nothing ever seen in Puerto Rico.

Nipoaka ny fanadiovan-tsolik'i Gulf Oil mifanila amin'ny tanànan'i Cataño tamin'ny alin'ny alakamisy. Heno hatrany amin'ny 20 maily manodidina ny fipoahana sy ny hovitrovitra niaraka taminy. Feo tsy mbola henoko hatrizay niainako no henoko (ary nahasokatra ny varavaran'ny efitrano fatoriako mihitsy). Efatra na dimy segondra taorian'ny fipoahana dia nanazava tahaka ny masoandro amin'ny telo ora ireny ny tselatr'afo. Mbola mirehitra izy amin'izao ary tsy mbola nahitana setroka tahaka izay mihitsy teto Porto Rico.

Sarin'ny andrisetroka nateraky ny fipoahana. Saripikan'i Alberto Marty.

Tohina tamin'ny fipoahana ny mpahay tantara sy mpamaham-bolongana Ivone Acosta, araka izay nasehony tao amin'ny Sin mordazas [ES]:

No me atrevo salir. Ya dos amigas que conocen mis alergias me llamaron para advertirme eso mismo, que no salga porque el aire contiene demasiados particulados peligrosos y que cierre todas las ventanas. Como quiera, no me interesa ver la histeria de la gente que por menos que eso se paniquean. Ya he visto comentarios en el periódico en línea acusando a “los socialistas de siempre”.

Tsy nahasahy nivoaka aho. Efa namana roa mahalala ny zavatra ny maha-alerjika ahy [tsy zakako] sahady no efa nampitandrina ahy mba tsy hivoaka ny trano satria miaty singa mampidi-doza maro ny rivotra. Nilaza izy ireo ny hanidiako ny varavarankely. Na izany na tsy izany, tsy izaho no tsy miraharaha mahita ny korataba sy ny fikoropahan'ny olona na dia amin'ny zavatra tsy dia manao ahoana aza. Efa nahita sahady ny hevitry ny gazety miampanga “ireo sosialista antitra ihany” ho nahatonga ny fipoahana aho.

Ilaina aloha ny mampahafantatra kely ny zava-misy mba ahazoana ny tian'i Acosta lazaina. Vao tsy ela akory manko izay fa vao tamin'ny 15 Oktobra dia nisy fitokonambe teto Porto Rico. Nampangain'ny mpikambana ao amin'ny Governemanta ho mpampihorohoro moa ny mpanao fihetsiketsehana.

Ao amin'ny Observations from the “Island of Enchantment”, ny mpamaham-bolongana Adriana no mampahatsiaro ny fahatsapany raha vao nahare ny fipoahana izy:

Yesterday, when I woke up, I heard the distant sounds of helicopters flying. I though to myself, well, maybe something's going on in the housing projects (caseríos). A short while later, I found out about the explosion. Although it had occurred in Cataño, which is just outside of San Juan, I saw the black clouds from my house. The magnitude of the explosion registered a 2.8 on the richter scale. Thousands of people had to be evacuated. Law enforcement officials are currently investigating the causes of the explosion. I can't imagine what the environmental, health and economic consequences will amount to. Luckily, no deaths have been reported.

Omaly, teo ampifohazana, no nandrenesako angidimby nanidina tany lavidavitra any. Noeritreretiko fa nisy zava-nitranga angamba tany amin'ny tetikasa fanamboaran-trano. Fotoana fohy taorian'izany vao henoko ny momba izany fipoahana izany. Fa na dia tany Cataño aza no nitranga ny fipoahana, izay vao eo ivelan'i San Juan, dia hita hatraty an-tranoko ny setroka mainty. Nahatratra 2,8 eo amin'ny mari-pandrefesan'i Richter ny heriny. Olona anarivony no tsy maintsy noesorina tamin'ny toerana nipetrahany. Eo ampanaovana ny fanadfihadiana amin'izay antony niteraka ny fipoahana moa ny mpiandraikitra izany. Tsy azo visavisaina ny tetibidin'ny fiantraikan'io eo amin'ny resaka tontolo iainana, fahasalamana ary toe-karena. Soa ihany fa tsy nisy ny maty.

Ny resadresaka momba azy ity ao amin'ny Twitter moa dia hita amin'ny alalan'ny hashtag #explosionpr. Raha hijery sary ianao dia jereo ny El Difusor. Mitantara azy ity isa-minitra ny sosona fampitam-baovao Diálogo sy Prensa Comunitaria, ary ny media be mpanaraka kosa dia ry Primera Hora, El Nuevo Día ary El Vocero.

*Lahatsary voalohan'i Luis Andrei Muñoz nivoaka tao amin'ny Flickr. Navoaka indray fa ambany fiarovan'ny Creative Commons License.