Global Voices teny Malagasy » Podcasts

Caucasus: Resadresaka niaraka tamin'i Micael Bogar

candy — Fri, 14 Aug 2009 17:18:41 +0000

MpanoratraOnnik Krikorian · Nandika candy · vakio ato ny lahatsoratra nadika

Taorian’ireo disadisa telo tsy nahitam-bahaolana sy olana ara-poko maro dia toa tsy dia hita taratra loatra ny fandriampahalemana sy fitoniana any atsimon’I Caucasus Taorian’ny nipetrahany sy niasany tany an-toerana nandritra ny taona maro, talen'ny Tetikasa Center for Social Media ao amin’ny anjerimanontolon’I Amerika izao i Micael Bogar ary miresaka amin’i Global Voices Online momba ny tanjaky ny fitaovana haino aman-jery vaovao hisorohana disadisa sy hamerenana ny fifandraisana eo amin’ireo firenena mifanditra.

Tale-na Tetikasa miasa miaraka amin’i Center for Social Media i Micael. Talohan’ny nanombohany niasa tao amin’ny CSM, nody avy any Repoblikan'i Goergia izay nahazoany vatsimpianarana avy amin'ny Fulbright i Micael sy niasany niaraka tamin'ny mpanakanto avy any Georgia, Azerbaijan, Armenia ary Turkey mba hamoronana fikambanana iombonan'ny mpanakanto any Caucasus. Nanomboka tamin'ny taona 2003 ny niasany voalohany tany Caucasus tahaka ny mpirotsaka an-tsitrapo avy amin'ny ‘Peace Corps' tany Azerbaijan. Taorian'ny nahazoany ‘maitrise' tamin'ny taranja Anglisy tao amin'ny Anjerimanontolon'i Willamette tamin'ny 2003, niasa mba hametraka fifandraisana eo amin'ireo fiaraha-monina ara-javakanto eo amin'ny sehatra iraisam-pirenena sy ao an-toerana i Micael. Amin'izao fotoana izao i Micael dia manomana ny ‘Master'-ny any amin'ny Sekoly Amerikana momba ny fifandraisana iraisam-pirenena amin'ny taranja Fandriampahalemana iraisam-pirenena sy ny famahana olana.

Satria tapaka ny fifandraisana an-tariby eo amin'ny Armenia sy Azerbaijan, ireo firenena ireo dia hitohana eo amina olana tsy voavaha mikasika ny Nagorno Karabakh , ilay resadresaka dia miteny koa momba ilay nifanaovana tamin'i Arzu Geybullayeva ary mitanisa koa ny nanjo an'i Adnan Hajizade sy Emin Milli vao haingana teo, mpitoraka blaogy an-tsarimihetsika voasambotra tany Baku tsy ela akory izay, sy momba ny ezaka fametrahana fandriampahalemana sy famahàna olana any Caucasus atsimo. Azo henoina ato ilay resadresaka.

Podcast: Alefaso amina fafana vaovao| Sintony

Armenia: Resadresaka nifanaovana tamin'i Liana Aghajanian

miora — Thu, 30 Jul 2009 02:39:20 +0000

MpanoratraOnnik Krikorian · Nandika miora · vakio ato ny lahatsoratra nadika

Teraka tany Iran, fa nitombo sy mipetrakat any Etazonia ankehitriny, I Liana Aghajanian dia mpanoratra ary vaovao eo amin’ny tontolon’ny blaogy Armenianina. Na dia mitoraka blaogy ao amin’ny vohikalany manokana aza izy, I Aghajanian dia efa nanana ny nampiavaka azy manokana tany aloha tany ho an’ireo feo hafa sy ny haino aman-jery miahy tena any Armenia ary koa ny Diaspora miaraka amin’ny e-zine Ianyan mampiasa ny Wordpress .

Tonga soa ato amin’ny ianyan magazine, ny famoahana miahy tena Armenianinao voalohany. Voalohany indindra, Ianyan dia nanomboka toy ny hevitra izay toa natoritory tao ao an'eritreritra sy ny ati-fanahinareo nandritry ny taona maro. Sahala amin'ireo zavatra tsara rehetra , dia tanteraka ihany ity hevitra ity. Ny tanjonay eto amin’ny ianyan dia ny hanome anareo izay tsy vitan’ireo famoahana Armenianina hafa: vaovao tsy mitanila, ireo toetoetra sy ireo tantara izay ankafizinao. Tsy ny gazety “medzbaba”-nao izy ity. Tsy misy fampielezan-kevitra eto. Tsy ny mitady ny marina sy ny milaza izany ihany no ataonay, fa manome ny vaovao Armenianina maneran-tany koa, ho an'ny tanora sy ny antitra ary koa ireo namanao tsy Armenianina.

Ny resadresaka feno [amin'ny fiteny vahiny] dia azo henoina eto ambany.

Podcast: Jerena naty fàfana iray vaovao
| Alaina ho an'ny tena

Meksika: Notsongaina handray anjara amin’ny mozika Orkestra YouTube ny mpitendry anankiroa.

koloina — Sun, 08 Mar 2009 07:37:03 +0000

MpanoratraIssa Villarreal · Nandika koloina · vakio ato ny lahatsoratra nadika

Tetika fiaraha-miasa ampiasaina ny gazety ara-tsosialy amin’ny alalan’ny haino an-tsofinan’ny horonantsary YouTube ilay mozika Orkestra YouTube, izany dia sivanin’ny mpitsara ireo mpilalao mozika sy ny mpikirakira hafan’ny YouTube. Ao anatin’ny mozika orkestra natao ho an’ity tetik’asa ity dia vao haingana no notsiponina ireo mandray anjara izay hilalao sombim-peo noforonin’I Tan Dun, mpamorom-peo Sinoa, ary namorona ny feon-kiran’ny horonantsary toy Crouching Tiger, Hidden Dragon sy Hero (ilay tigra mandady, ilay Dragona miafina sy Ilay Mahery fo), mbola izy ihany koa no loharanon’ny kanto-mozika Anterineto N*1 “Eroica” mba ho lalaovin’ny mpitendry mozika miisa 90 avy amin’ny firenena isankarazany, ireo matihanina sy zandriny, any Carnegie Hall ao New York.
Notsongaina ireto mpitendry feo Meksikana handray anjara amin’ny orkestra iraisam-pirenena araka ny voalazan’ny bolongan’I Vivir Mexico [es]. Mpitendry lokanga antsoina hoe Manuel Zogbi ny iray amin’izy ireo avy any an-drenivohitra avaratry Saltillo. Araka ny feon’ny boky mpiseho isan’andro (magazine) antsoina hoe El Manana [es], dia ny iray amin’ny nofinofiny amin’ny mahampitendry mozika azy ny hilalao ao anatin’ny Carnegie Hall:

….Nanomboka tamin’ny faha-10 taonako teo ho eo dia fanaoko ny miresaka hoe: Ho hitanao, fa rehefa lehibe aho dia tiako ny hilalao ao amin’ny Carnegie Hall. Rehefa nandeha ny fotoana, dia toa nanjavona ireo nofinofy, ary ankehitriny dia tsapako fa , ooo oai! Tena afaka niverina ireo nofinofiko taloha ary tanteraka izy ireo ankehitriny.

Entina hankalazana ny fifidianana azy dia handray anjara amin’ny konseritra (concert) ao Monterry, ilay renivohitra onenany ankehitriny I Zogbi.

Kely dia kely ihany ny fantatra momba ilay mpitendry mozika anankiray hafa. Intisamente no anarana entiny amin’ny YouTube, ary araka ny feon’ny boky mpiseho isan’andro El Manana, dia avy any Veracruz hono izy.

Kanefa aloha, tsy sakana velively ho an’ny mpikirakira Meksikana hifandray sy hiarahaba azy amin’ny alalan’ny YouTube ny tsy fisian’ny fomba amantarana mikasika ny mpitendry lokanga. Mitsikera ao anatin’ny fantsona misy azy [es] ny mpikirakira SAME860331:

Fahagagana mahafinaritra tokoa ny ahy rehefa namaky ny gazety fa hoe Meksikana roa no tafiditra ao anatin’ny mozika orkestra YouTube!!! Ny fihetsem-poko voalohany dia ny hafaliako, koa satria afaka mampifandray antsika ny aterineto dia tsara ihany ny miarahaba anareo n’aiza n’aiza misy antsika.

Miaraka ireo Meksikana, dia ao koa ny mpitendry mozika avy any Brezil sy ny anankiray avy any Kolombia handray anjara ao amin’ny Mozika Orkestra youTube..

Bôtsoana : “Local voices offline”

Tomavana — Tue, 08 Jan 2008 14:08:02 +0000

· Nandika Tomavana · vakio ato ny lahatsoratra nadika

Ny blaogy Koluki ao amin'ny “local voices offline” :

« “Now We’re Talking” is part of a show on Gabz FM by top Botswana radio DJ and comedian extraordinaire Michael “Dignash” Morapedi (read about him here and here). It consists of a delightful series of pranks he plays on unaware, innocent people he manages to get on the phone… »

« “Miresadresaka amin'izay isika izao” dia isan'ny fandaharana faheno ao amin'ny radio Gabz FM tanterahin'ny sangan'ny DJ sy mpivoy fandaharana radio any Bôtsoana radio ary mpilalao sarimihetsika mahatsikaiky Michael “Dignash” Morapedi (vakio ny momba azy eto sy eto). Io fandaharana io dia andiana hatsikana izay resadresaky ifanaovan'ny olona bado, izay lalaoviny, sy olona tsy manam-pò izay nantsoiny an-tariby …»

Ndesanjo Macha

[GV Show Special] Tafatafa miaraka amin'i Wahda Masrya - Tovovavy Egyptiana

Tomavana — Thu, 06 Dec 2007 15:21:04 +0000

· Nandika Tomavana · vakio ato ny lahatsoratra nadika

Nandritra ny fotoam-pamaranana ireo andiam-pivoriana niompana tamin'ireo sehatra vaovao hoan'ny seraseram-pifandraisana izay notarihiko tany Aleksandria, tany Egypta, saika izay rehetra nandray fitenenana dia nidera an-dRamatoa Shahinaz Abdelsalam, izay maro mpahalala anivon'ny Blaogôsfera amin'ny anaram-bosotra hoe Wahda Masrya - tovovavy Egyptiana. Izy irery no mba hany tera-tany avy ao Aleksandria sady isan'ireo vitsy an'isa manana traikefa amin'ny fanaovana blaogy tamin'ny vondrona izay nandray anjara teo, araky ny fijerin'ny maro, i Shahinaz dia vavolombelon'ny herim-pò sy ny fijoroana hiady hoan'ny zon'olombelona sy ny fahalalahana ara-panehoan-kevitra [freedom expression | liberté d’expression].

Araky ny nazavain'i Delphine Nerbollier nandritra ny tafatafa nifanaovany tamin'i Shahinaz [teny Frantsay] ao amin'ny blaogy NewsLab, dieny tamin'ny taona 2005 dia nandao ny fomban-drazana sy ny tanàna nahalehibeazany i Shahinaz, ary dia mitondra fiainana mahaleo-tena ankehitriny any Le Caire. 29 taona izy ankehitriny, ary injeniera miasa anivon'ny orinasan-tserasera Orange, asa izay nipoiran'ny fanontaniana etikà maro ho azy. “Nifindra aty amin'ity firenena ity ny orinasa Orange mba hampiasa injieniera amin'ny karama varimasaka, toheriko izany toe-javatra izany,” hoy izy. “Anefa tsy maintsy mikarama mba ahafahany miaina ny tsirairay, sa ahoana hoy ianao ?” Tsy mba toy ny ankamaroan'ireo vehivavy Silamo any Egypta izy satria tsy mivoaly sady tsy mitondra folarà akory, anefa tsy mihevitra ny hiova hevitra momba izany fomba fiakanjony izany i Shahinaz.

Anivon'ity hetsika manokana Global Voices Show ity, voaboasin'i Shahinaz ho lohahevitra ireo antony manokana nahatonga azy hi-blaogy; ireo loza mitandindona ireo mpiblaogy Egyptiana izay sahy mitsikera ny fitondrana Egyptiana; momba ny namany Kareem, izay naiditra am-pigadrana noho ny blaoginy (nizarany valopy efa nisy hajia avy izahay ary niangaviany mba samy hanoratra ho azy); ary momba ny sehatra fivoizana ny tolona hoan'ny fandalàna zon'olombelona eo anivon'ny blaogosfera Egyptiana:

[display_podcast]

Georgia Popplewell