amin´ny teny malagasy » Youth

Madagasikara: Varojanaka ho vadin'olona, trangam-pahantrana lalina

Jentilisa — Thu, 20 Nov 2008 20:17:01 +0000

Amin'ny maha olompirenena Malagasy mpampita vaovao ahy dia ezahiko mandrakariva ny manambara ny fandrosoana eo amin'ny lafim-piaraha-monina sy toe-karena vitan'i Madagasikara. ny anton'izany ezaka izany moa dia noho ny finoana ao amiko fa tsy mivoitra ho hitan'ny besinimaro tsara ny ezaka ataon'ny tsirairay ho fampivoarana ny tontolony.

Sarotra ihany anefa matetika ny mijery lafitsaran-javatra manoloana ny fahasarotam-piainana mitambesatra. Tsy afa-nidify ny adihevitra momba ny fahantrana lalina manjo ny ankamaroan'ny Malagasy ny mpamaham-bolongana malagasy tamin'iny herinandro lasa iny. Indreto ohatra vitsivitsy ampitonantonanan-dRafahantrana an-dRaolombelona amin'ny fanapahan-keviny any anivon'ny fiarahamonina any.

Patricia, Mpamaham-bolongan'ny Foko izay afaka snitondra hafatra nandritra ny andron'ny fifampiankinana tany Bruxelles, no nitatitra ny nivarotan'ny ray aman-dreniny ny zazavavy iray (fr)

Pour certains, les parents et la jeune fille se mettent d’accord pour la personne qui va acheter la jeune fille et pour la somme ou le cadeau en échange. Il faut préciser que la personne qui achète n’est pas forcement un étranger mais c’est seulement ce qui se présente dans la plupart des cas. Pour d’autres, cela se présente sous forme d’ordre, les parents ordonnent et la jeune fille obéit!
Le dernier cas qui a été publie est celui d’une jeune mineure de 15 ans qui a été offerte a un étranger pour 200.000 Ariary. Il lui a meme promis le mariage, mais après avoir ete avec elle une nuit et l’avoir deviergee, il lui a remise entre les mains de son pere.
Cette histoire n’est qu’une parmi les cas identiques qui se présentent dans l’île.

Ho an'ny sasany moa dia mifanaraka amin'ny ray aman-dreniny sy ny zanany vavy ny olona iray hividy an-drazazavavy amin'ny alalan'ny fanomezana na ny vola ho takalony. Tsara ny manamarika fa tsy voatery ho vahiny ilay mpividy fa amin'ny ankapobeny ihany izany tranga izany. Ho an'ny sasany indray moa dia endrika baiko no isehoany, mibaiko ny ray aman-dreny ary mankatò kosa ny zanany vavy! Ny tranga farany izay nivoaka an-gazety moa dia mikasika zazavavy iray 15 taona izay namidy 200 000 ariary(tokotokony ho $107 USD eo ho eo). Nanome toky moa izy fa haka vady azy saingy rehefa niara-nandany ny alina iray ry zareo ka nahafa-boninahitra an-dRazazavavy dia nampodiany tany amin-drainy iny avy eo. Tranga iray amin'ny mpiseho eto amin'ny nosy ihany izany tantara izany.

Nanamarina i News2dago fa niakatra ho avo dia avo ny tahan'ny nofinofyhanambady vazaha(mg):

Tonga eto Madagasikara ireo mpanera vazaha ka nampiantso ireo malagasy te hanambady vazaha. Gaga fotsiny aho nahita ity tatitra an-gazety fa mahery ny 4.000 izy ireo no milingilingy te hanambady vazaha. Ary voalaza fa arahan-dranomaso mihitsy oe ireo izay tsy lany. Indrisy tokoa fa dia hitomaniana ankehitriny ny hanambady vazaha.

Maro moa no naneho ny heviny tamin'ity lahatsoratra iray ity. Nomarihin'i Tritriva fa tsy ny ehiavy ihany nomitady hanambady vazaha. Sylvie indray miteny fa tsy ratsy tsy akory ny manambady vazaha aoka fotsiny hatoky tsara fa tsy nananjanaka ilay vazaha tamin'ny fanambadiany teo aloha fa tsy hanaja anao velively ireo ary hitongilana amin'ny zanany hatrany ny vadinareo. Mandresy lahatra kosa i Maintikely mba tsy hitsara befahatany fa hanaja ny safidin'ny vehivavy. Nampitandremany moa fa tsy voatery ho tsara araka ny iheverana azy tsy akory ny fiainana ampitan-dranomasina.

Lomelle, Mpamaham-bolongana ay amin'ny foko-Mahajanga, koa no nanatri-maso endri-pahantrana hafa. Hoy izy (fr):

On avait été contacté pour faire un reportage à Andralanitra. Rondro et moi y sommes allé sans trop savoir ce qui nous attendait sur place. Tout ce qu’on savait c’est que c’était un reportage sur les ordures [..] Un camion à ordure roulait devant notre voiture au moment où on s’est rapproché de l’endroit. Arrivé à sa destination il a renversé toutes les ordures et à ce moment là une quelque trentaines de personnes se sont ruées sur les ordures [..] Ecœurement, c’est le seul mot qui puisse définir ce que j’ai ressenti à ce moment là. Ecœurement pour toute ces personnes qui n’ont que les ordures pour vivre [..] Ecoeurement pour l’attitude répulsive que j’avais adopté à ce moment là. Je me suis cru être une fille ouverte d’esprit,n’ayant ni préjugé, ni jugement. Pourtant devant ce spectacle je n’avais qu’une seule envie, me tirer de là et me detacher de ces gens.”

Nisy niantso moa izahay mba hanao fanadihadiana eny Andralanitra. Nankany tsy nahalala izay miandry anay ary izaho sy i Rondro. Ny hany fantatra dia hoe mikasika ny fako no hatao eny [..] Nisy fiarabe nitondra fako nirimorimo teo alohanay rehefa nanakaiky ny toerana izahay. Rehefa tonga teny an-toerana io dia nanary ny fako nentiny ary tsitapitapitr'izay indreny olona tokony hotelopolo teo ho eo nifandrobaka ho eny amin'ny fako. Naloiloy, izay no teny tokana azo amaritana ny tsapako tamin'io fotoana io. Nankaloiloy ahy ireo olona tsy manana afa-tsy fako mba hivelomana. Nankaloiloy ahy ihany koa fihetsika rikoriko nasehoko tamin'io fotoana io. Mba nihevitra ny tenako ho sipa manana fivelarantsaina,tsy tia mitsaratsara olona sy tsy manameloka be fahatany ihany manko aho. Nefa tamin'io fotoana io dia tokana ihany ny tanjoko nanoloana izao endri-pahantrana izao, mihataka lavitra mandositra ireto olona ireto.

Nanana fomba fijery hafa momba ny fahantrana kosa i Micramia. Nohazavainy ary fa tsy aretina tsy azo sitranina tsy akory ny fahantrana(fr):

Si vous arrivez encore à manger normalement chaque jour, vous n’êtes pas pauvre. Mais la pauvreté est curable. À mon avis la pauvreté est en faite due au manque d’intelligence. Seul les gens qui n’utilisent pas leur coco n’arrivent pas aller loin. Il sont pauvre intellectuellement et si on n’a rien dans la tête, comment avoir de l’argent pour acheter de quoi manger [..] la solution c’est de se cultiver, augmenter ces connaissances.

Tsy mahantra ianao raha mbola afaka mihinana ara-dalàna ihany isan'andro. Nefa azo sitranina ny fahantrana. Araka ny hevitro dia vokatry ny tsy faharanitan-tsaina loatra no mahatonga ny fahantrana. Izay tsy mampiasa nylohany ihany no tsy lasa lavitra. Ny toe-tsaina nomahantra ka rehefa tsy misy na inona na inona moa ao, amin'ny fomba ahoana no hahazoam-bola hividianana izay hohanina? [..] ny vahaolana dia ny mikolokolo ny sainy, manitatra ny fahalalany.

Tanzania : Narahin-dranomaso ny Eid

Pissoa — Wed, 08 Oct 2008 22:15:16 +0000

Inona no eritreretr'ireo mpitoraka blaogy Swahili avy ao Tanzania manoloana ny loza nitranga tamin'ny fankalazana ny Eid Al Fitr ? Olona 20 mantsy no maty tamin'ny fankalazana ny Eid Al Fitre tao amin'ny toeram-pikoranana natokana ho an'ny tanora ao Tabora, afovoan'i Tanzania. Raha ny tombatombana dia tanora 7 ka hatramin'ny 18 taona miisa 400 be izao no nivory tamin'io lanonana io raha ny antsasak'izay no tokony ho zakan'ny trano.

“Ny lehibe indrindra eo amin'ny tantaran'i Tanzania” sy “ny loza ratsy indrindra nitranga tamin'ny Eid al-Fitr” no nilazan'ny mpanao gazety iny loza iny.

Naato noho ny fanadihadiana moa ny mpikarakara ity toeram-pikoranana natokana ho an'ny tanora, malaza amin'ny anarana hoe “Toto disco” ity.

Hita an-tsary ao amin'ny Faustine's Baraza sy Issa Michuzi ilay toeram-pikoranana sy ny nofo mangatsiakan'ireo tanora.

Nanentana ny olona hitandrina bebe kokoa amin'ny lafiny ara-pahasalamana ny mpamaky :

TUWEKE MBELE HEALTH AND SAFETY PRACTICES. TOTALLY UNNECESSARY AND AVOIDABLE DEATHS. SIJUI LINI TUTAJIFUNZA!!

‘NDEHA HATAONTSIKA LAHARAM-PAHAMEHANA NY FAHASALAMANA REHEFA MANAO ZAVATRA. TSY ILAINA MIHITSY ARY AZO NIALANA INY FAHAFATESANA INY. TSY HAIKO NA RAHOVIANA ISIKA VAO MBA HIANATRA !!

Hoy kosa ny mpamaky sasany :

Tukio kama hili linahitaji Rais Jakaya kwenda kutoa pole, hasa inapozingatiwa kwamba huwa anahudhuria ajali za watu ambao huwa wanamajina pale Muhimbili. Hili ni swala kubwa na sio kumtuma Mh. Kapuya.
Anatakiwa kuwasili katika eneo la tukio na kukagua , kutoa pole na pia kuhutubia wananchi.
Pia ni wakati wa TZ, hasa Fire marshal kuanza kuangalia uwezo wa sehemu za disco kuchukua kiasi fulani cha watu na njia za tahadhari (Exit)kama hali kama hii ikitikoea.Ikiwa ni pamoja na kuwa na Genereta, na wasaidiza wa haraka.

Tokony mandehana maneho ny fiaraha-miory amin'ny fianankaviana ny filoha Jakaya, indrindra izy mamangy ireo olo-malaza matetika rehefa misy loza mahazo azy ireo. Tsy ny minisitra Kapuya [Minisitry ny Asa sy ny Fampandrosoana ny Tanora ao Tanzania] no tokony irahina amin'ny zava-dehibe tahaka izao.
Tokony mandeha any amin'ny toerana nitrangan'ny loza izy, manao ny fanadihadiana ary mitatitra amin'ny vahoaka. Fotoana koa angamba izao mba hanaovan'ireo [fire marshals] fandihadiana amin'ny isan'ny olona tokony ho zakan'ireny toeram-pikoranana ireny sy ny fivoahana raha misy loza tahaka izao. Isan'izany ny fananana milina mamokatra herin'aratra sy olona antsoina raha misy vonjy taitra.

Araka ny voalazan'i Msimbe ao amin'ny Lukwangule Entertainment dia olona roa, ankoatra ireo mpikarakara, no efa nahato sy hadihadiana amin'izao, dia ny mpitantana ny One Ten Disco sy ny Bubbles Night Club

Voalaza ao amin'ny lahatsoratra iray amin'ireo lahatsoratra maro ao amin'ny Issa Michuzi mikasika ity loza ity fa nampanao fanadihadiana mikasika ny nahatonga ity voina nahafaty olona maro ity ny filoham-pirenena tanzaniana.

Efa nanangana sampana hiandraikitra ny fanadihadiana ny manam-pahefana any any Tabora. Araka ny hevitry ny mpamaky sasany dia isan'ny antony nahatonga ny loza ny manam-pahefana any an-toerana ary izy ireo no melohiny voalohany indrindra :

Maeneo ya Wazi ya wapi mjini Tabora?Je,kuna uwanja wa mabembea na michezo ya watoto japo mmoja tu katika mji mzima wa Tabora?Kosa la nani?Asitafutwe mchawi hapa au kurushiana lawama.Poor Leadership in Government Institutions is the cause of all this. Mpaka watoto zetu wafe ndipo viongozi wakurupuke na kujifanya wanahusika kwelikweli kumbe usanii tu!What a Pity?Viwanja vyao vya michezo vingekuwepo mtoto gani angefikiria aende disco aache mabembea?too much politicking!Nothing Doing,eti tuna Doctorate Degrees!Za kubandika ukutani?

Aiza ny toerana natao hialana voly eto Tabora ? Misy toerana natokana ho an'ny ankizy ve, ahitana savily, na dia iray aza eto Tabora ? Iza no diso ? Tsy tahaka ny fatadiavana mpanosavy akory, na hifanitso-keloka. Ny tsy fahaiza-mitondra avy amin'ny fitondram-panjakana isan-tsokajiny no mahatonga izao. Rehefa maty ny zanatsika vao miseho fa tena miraharaha tokoa ny mpitondra, tena mpanakanto mihitsy ! Mampalahelo ! Raha nisy toerana hilalaovan'ny ankizy, ankizy iza no handao ny savily ka handeha ho any amin'ny toeram-pikoranana ? Be politika loatra ! Mirentireny ery amin'ny Doctorat nefa tsy manao na inona na inona akory ! Ahantona amin'ny rindrina fotsiny ?

Raha fiaraha-miory no nentin'ireo mpamaky ho an'ny fianankavian'ireo nodimandry, dia tsikera kosa no azon'ny mpitondra fanjakana any an-toerana :

Nawapa pole wafiwa na wanatabora wote kwa janga hili la kitaifa. Tunajifunza nini kwa hili?
1. Maafa na ajali zinazomaliza maelfu ya watanzania ni vitu vya mpito tu na serikali haitilii maanani kuyapunguza. Ripoti za chang'ombe, Kisutu, muhimbili zimefanya nini kupunguza majanga haya?
2. Tutaunda tume 100 lakini hazisaidii kumaliza majanga kwa sababu ya kutokuwa makini na kujali maisha ya watu wa kawaida.
3. Kama watoto hawatakiwi kwenda disco, je serikali mkoani tabora hawakuona hilo?
4. Kama wanaruhusiwa kwa masharti, basi NSSF (mmiliki), Mpiga Disco (mkaribishaji)na Manispaa (dhamana ya ukaguzi) wawajibishwe kikamilifu.
Watanzania mliopo nyumbani wakumbusheni viongozi majukumu yao kwa kupinga haya mambo. Wanasheria wasaidieni waathirika na hakikisheni wanapata “fair and adequate compensation” na iwe fundisho kwa wengine.

Maneho ny fiaraha-miory amin'ny fianankaviana voakasika mivantana amin'izao sy ny mponina eto Tabora. Rahoviana isika vao hianatra ?

1. An'arivony ny olona maty noho ny loza isan-karazany, fa tsy mbola matotra ihany ny fandraisan'ny fitondram-panjakana azy. Inona no nataon'ny chang'ombe, na Kisutu na Muhimbili Reports mba hampihena ny loza tahaka izao ?

2. Na hanangana sampana 100 aza isika dia tsy hampihena ny isan'ny maty izany satria tsy ataontsika matotra ary tsy rarahintsika ny ain'ny olon-tsotra.

3. Raha tsy mahazo mandeha any amin'ireny toeram-pikoranana ireny ny ankizy, tsy hitan'ny manam-pahefana eto Tabora ve izany ?

4. Raha mahazo mandeha any izy ireo, manaraka fepetra isan-karazany, dia tompon'andraikitra feno ny NSSF (tompon'ny trano), ny tompon'ny toerana nanaovana ny lanonana (ny mpampiantrano) ary ny ao amin'ny firaisana (mpanara-maso).
Ampatsiahivo ny mpitondra antsika, ry tanzaniana any an-toerana, ny andraikitr'izy ireo. Ho an'ny mpahay lalana : ampio ireo tra-boina mba hahazo onitra araka ny rariny izy ireo ary tokony ho lesona ho an'ny hafa izao.

Venezoelà: Kiraron'ny tanora sosialisitra toa efa mahazatra

Jentilisa — Mon, 06 Oct 2008 09:37:50 +0000

Simón Bécquer avy ao amin'ny Alternative Reality blog ao amin'ny lahatsorany mitondra ny lohateny hoe Ny kiraro Converse ho an'ny tanora Sosialisitra [teny esipaniolona] no mampiseho antsika sary fanentanana ny tanora venezoeliana, izay ahitantsika tanora ampanaovina kiraro sosialisitra. Na izany aza, hita ho manana endrika mahazatra hafahafa ihany ilay kiraro nasehon'ny filoha Chávez tenany: Manana ny loko menan'ny marika avy any Etazonia (US) Converse Chuck Taylor All Stars, misy ny sary famantaran'ny PSUV misolo ny loko mena sy kintana manga mahazatra ireo kiraro ireo. Manontany tena ny amin'izay toerana nividianana ireto kiraro Venezoeliana “original” ireto ny mpanoratra.

Chili: Mpianatra namoaka lahatsary fohy momba ny “fitandrohana”

Jentilisa — Mon, 06 Oct 2008 06:29:30 +0000

Namoaka andian-dahatsary fohy ny mpianatra avy amin'ny sekoly Shiliana lahy Las Cumbres; ary tafiditra amin'izany ny resaka fitandrohana (herisetra) sy famonoantenan'ny tanora izay mifarana amin'izao filazana izao:

This is a phenomenon that is taking place in our country and the rest of the world. You can't know what another person is thinking, or how your jokes may affect them. Let's avoid the hindering of future talents due to the immaturity of some.

Toe-javatra mihaohao eto amin'ny firenentsika sy manerantany izy ity. Tsy fantatrao izay eritreretin'ny olona iray, na ny fanafintohinana ao anatiny noho ny kivazivazy ratsinao. Mba ialao re ny hanohintohina ny manantalenta rahampitso noho ny tsy fahamatoran'ny sasany.

Betsaka hetsi-batana sy hetsi-tava ny lahatsary fohy “Bullying”(Mitandroka) ka na dia navoaka tamin'ny teny Esipaniolona izay mety tsy ho fiteninao aza izy io dia tafita tsara ny hafatra: (Ao amin'ny lahatsoratra nadika no misy ny lahatsary koa)

Jamaika:Fisaonam-pirenena

avylavitra — Sun, 05 Oct 2008 13:11:59 +0000

Iray volana sy tapany lasa izay dia firenena ravo sy tretrika i Jamaika raha nankalaza ny fandresena azon’ireo mahery fo Olaimpikany. Tamin’ity herinandro ity, dia firenena iray fanina no nisaona tamin’ny nahitàna ny vatana tsy nisy lohan’ilay tovovavy kely Ananda Dean novinavinaina ho eo amin’ny 11 taona eo efa ho herinandro vitsy taty aorian’ny nakana azy an-keriny.
Ity fiafaràna mangidy tamin’ny fitadiavana an’i Dean ity dia tena nampisahotaka tokoa, indrindra fa hoe maherin’ny dimampolo ny ankizy nisy namono tao Jamaika hatramin’ny fiandohan’ny taona, isan’ireny i Aakim Scott, izay hita voatetitetika natao tanaty gony ny vatany. Adolantsento iray no voampanga tamin’ity vono olona mahatsiravina ity
Tohina mafy tokoa toy ireo vahoaka maro ireo mpamaham-bolongana Jamaikana, ka dia nanandratra ny feony ho ré ho fijerena ifotony ny antony mampirongatra be ny herisetra atao amin’ny ankizy tsy ampy taona toy izao. Eny fa na dia talohan’ny nitaterana ny fahitana ny vatana mangatsiakan’i Dean aza, i Kadene Porter tao amin’ny Abeng News Magazine dia nanara-maso akaiky tokoa ny fivoaran’ny raharaha:

25 Septambra, valo andro taorian’ny nanjavonan’i Ananda “Passion” Dean, iraika ambinifolo taona, tao Kingston tanàna fonenany, vondrom-piaraha-monina ao Jamaika. Nitohy ny fikarohana làlina momba azy, andro maromaro taorian’ny nahitàn’ny mpandalo iray ireo fitaovam-pianarany vaovao nariana teo amin’ny Pembroke Hall Avenue, toerana maresaka ao an-drenivohitry ny firenena. Mazava ho azy, niatrika tahotra tsy nisy toy izany izay tsy zakan’ny sain’ny raiamandreny maro ireo raiamandreniny, nefa toa zary lasa zava-mahazatra eran’i Jamaika, manaraka ny sakany sy ny lavany, ny hoe misy ankizy avy mianatra ka tsy mody an-trano amin’ny ora mahazatra. Ny fanjavonan’i Ananda dia isan’izay tena nampitaintaina sy nampivarahontsana indrindra tao amin’ny distrika kely milamina ao Sandside, St Mary, toerana nahitàna ny vatana mangatsiaka voatetitetika an’ankizy 11 taona iray hafa tao anaty harona fanariam-pako.
Ny olana dia izao, manaraka mora foana ireo olona itokiany ny ankizy. Maro amin’ireo mponina efa ho telo tapitrisa eto amin’ny nosy no midradradradra noho ity sangy mihoatra ny loha taterina mazàna saiky isan’andro amin’ny gazetin-dry zareo ity. Mihorohoro izy ireo, tsy mahalala hoe rahoviana no idonan’ity resaka “lian-drà” ity amin’ity ireo, sady tezitra mafy ihany koa amin’ny fahalemen’ny fanjakana, na tsy fandraisana andraikitra hoy ny sasany, mba ho fiarovana azy ireo. Lasa fitaovana fototra ho vonjy aina ho an’ny lehibe sy ny ankizy ny fitondràna fitaovam-piadiana afenina sy izay azo faritana ho toy izany, na eny an-dàlam-ben’ny tanàn-dehibe io na hatrany amin’ireny fonenana manamorona ny làlan-tany mamovoka eny ambanivohitra ireny, ny fahatapahan-kevitry ny olona hanao fitsaram-bahoaka avy hatrany.

Vantany vao hita ilay vatana mangatsiaka (izay noheverina fa ny an’i Dean), dia nanoratra i Porter :

Tatitra vaovao tamin’ireo gazety mpiseho isan’andro eto amin’ny nosy no nitondra antsipirihany ny zava-doza nitranga sy ny nandraisan’ny fianakaviana aryireo vavolombelona izany, ary koa tatitra momba ny antso an-telefaona voarain’ireo raiamandreny avy amin’ireo tsy mataho-tody mananihany mangataka takalo, na manome indice tsy mitondra mankaiza akory. Na dia efa dimampolo aza ireo ankizy no nisy namono hatramin’ny niandohan’ny taona, dia nilazàna ny rain’ny zaza fony izy nilàza ny tsy nahitàna azy, fa mila miandry 24 ora ny mpitandro filaminana alohan’ny hahafàhana milàza fa tena tsy hita tokoa izy sy handraisana ny andraikitra tandrify an’izay. Raha izao fironana amin’ny famonoana izao, dia tena maneho tsy firaharahàna mivandravandra mihitsy ity tsy fanatanterahana asa avy hatrany nataon’ny mpitandro filaminana ity, ho an’ny andro manaraka, efa nadio ny rano nitàn’ireo naka azy an-keriny.
Fahoriana tsy hay lazaina no hololohavin’ny fianakavian’i Ananda mandritry ny volana maro ho avy, nefa indrisy, ho an’ireo vahoaka notefen’ny andro sy fotoana hanamafy fo hiatrika ny vokatry ny horohoro, afaka andro vitsy dia hiverina amin’ny nahazatra ho toy ny tsy nisy izany, mandra-pisian’izay sento iraisan’ny mpiara-monina indray ateraky ny setrasetra tsy hay faritana.

I Yawd From Abroad dia niezaka namehy ny fihetseham-pony teo am-pandrenesana ireo vaovao:

Ranomaso no nameno ny masoko teo ampijerena ny sarin’i Nordia Campbell, renin’i Ananda Dean 11 taona, tanatin’izay hoe tena tebiteby làlina. Angamba vao avy nijery maso ny sisa tamin’ny zanany vavy nampakarina avy any anaty hantsana izy ary tena tsy hay nampiononina. Iza no tsy ho toy izany? Tsy ho adinoko mandrakizay izay sary izay, izay hirifiry izay.
Toa tsy misy fiafaràna tsinjo mihitsy ity firongatry ny herisetra ifanaovantsika samy olombelona ity. Hanàisotra ny ain’ankizy iray tsy manantsiny ho takalon’ny karatra hamahànana telefona? Andriamanitra ô! Tena efa lavitry ny mampalahelo sy ny mahaketraka. Isan’ireo zavatra tena tokony hijoroan’ny governemanta itony ary tsy ho fanehoan-kevitra fotsiny fa tena firotsàhana manao asa mihitsy. Inona no andrasana hitranga vao handray fepetra hitondra fiovana goavana?

Raha mbola tsy nisava tsara akory ny sain’i Stunner mikasika ny zavatra mampihoron-koditra manodidina ity fahafatesan-jaza ity dia efa nahare sombim_baovao ratsy sahady izy:

Tsy nanam-potoana hisentoana sy hakàna aina akory ny firenena alohan’ny dona hafa … ZAZA iray VAO SIVY (9) VOLANA MONJA…no nanaovana herisetra sy novonoina. Ny fieritreretana fotsiny hoe zaza tanora miharitra habibiana toy izany dia efa mampanotika hatrany anaty tsokan-damosiko ary mandrehitra hatezerana ato amiko! Tsy tokony hitranga mihitsy ny fihetsika toy izany! Amin’ny fomba ahoana no hisian’izany aty anatin’ny fiaraha-monintsika e? Ahoana no hamelàn’ny olona ny zavatra toy izany ho vaky masoandro ao ambany tafon-tranony?
Tafakatra ho 57 ankehitriny ny isan’ny ankizy maty nefa ny taona tsy mbola mifàrana … raha io no fototra iaingàna dia afaka manomana sahady ny saintsika isika fa mbola be no ho sisa amin’ny zavatra mahavaky fo tahaka ireny. Toa sahala amin’ny tsy misy na inona na inona atao mba hampitsahàrana ity vono olona ity. Sa kosa tena tsy misy na inona na inona azo atao mihitsy tokoa hampitsaharana azy ity?

Hoy izy manohy:

Mila manamafy kokoa ny fitandremany ny raiamandreny indrindra fa rehefa mikasika ny zanany, ilaina ho mpiaro sy hampianatra ny zanany mba ho mailo manoloana ny vahiny dieny mbola kely izy ireny. Nefa ny raiamandreny tsy ho afaka ny ho eo anilan’ny zanany mandrakariva, ary ny fanomànana sy ny fampianarana raiamandreny iray tsy midika avy hatrany fa ho voaàro ny zaza. Mànana ny anjara toerany ny mpitandro filaminana, ny sekoly mànana ny anjara asany, ny governemanta tokony hametraka izay fanovàn-dalàna tokony hatao sy hampihatra ny lalàna, ary ny fiaraha-monina koa dia tokony hanao andrimaso ireny zanatsika ireny. Mety tsy hanafoana ny zava-doza izay, nefa angamba mba hampihena ny fitrangan’ny famonoana ny tanorantsika.

Iran : Ahmadinejad sy ny Zava-mahadomelina

Pissoa — Sat, 20 Sep 2008 10:32:35 +0000

Araka ny lazain'i Emroozema [Fa], mpitoraka blaogy avy ao Iran dia 600000 ihany no nolazain'ny Filoham-pirenena Iraniana Mahmoud Ahmadineja fa marary noho ny fidorohana zava-mahadomelina ao Iran. Araka ny voalazan'ny tompon'andraikitra hafa nefa, hoy ihany ity mpitoraka blaogy ity dia mananika ny 3 tapitrisa ny isan'ny marary noho ny zava-mahadomelina ary latsaky ny 19 taona ny ampahatelony.

Fifaninanan-dahatsarin'ny Banky mondialy - Traika sosialin'ny fiovaovan'ny toetr'andro.

Jentilisa — Tue, 16 Sep 2008 17:35:40 +0000

Nanao antso ho fanatevenana lahatsary fanadihadiana fanadihadiana 2 - 5 minitra maneho ny karazana sy ny fiantraikan'ny fioavaovan'ny toetr'andro tsy amin'ny fotoany. Amin'ny 24 oktobra 2008 ho avy izao no andro farany hametrahana izany lahatsary fanadihadiana izany. Tsy maintsy avy any amin'ny firenena andalam-pandrosoana (indrindra fa avy amin'ny tanora) izany fanadihadiana izany ary mahasahana ireto sokajy manaraka ireto:

Ady: Amin'ny fomba ahoana moa ny fiovaovan'ny toetr'andro no miteraka fahavitsian'ny akora ilaina tsy mampitombina ny toe-karena sy politika koa amin'ny lafiny sasany, ahoana no mety hahatongavan'izany ho amin'ny fikorontanana ara-tsosialy sy fandraisana fitaovam-piadiana hifanandrinana?

Fifindramonina: Misy fifandraisany ve ny fiovaovan'ny toetr'andro sy ny fifindra-monin'ny mponina?

Politika sosialy: Ahoana ny paika hahombiazan'ny fiomanan'ny mpitondra fanjakana hiatrika ny fanambin'ny fiovaovan'ny toetr'andro?

Tanihay: Ahoana ny hiatrehan'ny fiaraha-monina hamahana ny olana vokatry ny fiovaovan'ny toetr'andro any amin'ny faritra makiana?

Tontolo an-tanandehibe: inona avy ny fepetra noraisina mifanaraka amin'ny filan'ny olona sahirana an-tanan-dehibe manoloana ny fiovaovan'ny toetr'andro?

Andrim-panjakana (na fikambanana) ambanivohitra: Inona avy ny paika sy ny fitaovana ampiasain'ny solontenam-panjakana any amin'ny fokonolona mpamboly hamehezana ny voka-dratsin'ny fiovaovan'ny toetr'andro?

Fokonolona: Ahoana ny hiatrehan'ny fokonolona sy izarany ny fiovaovan'ny toetr'andro?

Lahy sy ny vavy : inona avy ny fiantraikan'ny fiovaovan'ny toetr'andro eo amin'ny lahy sy eo amin'ny vavy na kely io na lehibe (na samihafa ve ny fiantraikany eo amin'ny lahy sy eo amin'ny vavy?) ary aiza sy amin'ny fomba ahoana no ahitana izany fahasamihafana'ny fiantraikan'ny toetr'andro izany eo amin'ny tsirairay?

Fitantanana: Ahoana no atao handraisan'ny fiaraha-monina andraikitra amin'ny fiovaovan'ny toetr'andro?

Ala: Inona avy ny tahotra sy ny tombotsoa azon'ny fiaraha-monina an-toerana amin'ny ezaka hampihenana ny famotehana ny ala syny fahasimban'ny nofontany?

Zon'olombelona: Aiza ho aiza no mety hampisy fiantraikany eo amin'ny fampanajana ny zon'olombelona ny fiovaovan'ny toetr'andro?

Azonao jerena eto.to ny antsipirian'ny fifaninanana. Ao amin'ny lahatsoratra nadika kosa ny lahatsarin'ny antso ho fandraisana anjara amin'ity fifaninanana ity.

Senegaly : Midina an-dalam-be ny mpianatra noho ny tsy nandoavana ny vatsim-pianarana

Pissoa — Fri, 22 Aug 2008 10:31:07 +0000

Mitokona ny mpianatra ao amin'ny Oniversite any Dakara, Senegal noho tsy ny nandohavan'ny fanjakana ny vatsim-pianarana. “Raha miady mafy any Beijing ireo atleta avy amin'izao tontolo izao mba handresy ny zava-bita tsara indrindra eo amin'ny fanatanjahan-tena, dia miezaka kosa ireo mpianatra ao amin'ny Oniversite Cheikh Anta Diop ho tompon-daka amin'ny fitoraham-bato”, hoy i Seneblog [fr].

Barbada: Tsimokaretina tsy mahatombitsiraka

Jentilisa — Sat, 02 Aug 2008 16:14:40 +0000

Ho tohin'ny ahiahin'ny maro manodidina ilay fahafatesana tsy dia mazava loatra nanjo an'i l'Akobi Tacuma Maloney, Barbados Free Press no nilaza fa: “Sehon'aretina efa mikiky tsikelikely ny fototry ny fiarahamonina mihitsy no nahatonga ny fahafatesan'i I’Akobi - aretin'ny kolikoly zary efa latsa-paka ao anatin'ny kolontsaintsika.”

Bahamas: kolontsaina fimailo

Jentilisa — Wed, 23 Jul 2008 04:37:46 +0000

“Mihanaka aoka izany ny aretina azo avy amin'ny firaisana tsy voaro sy ny tsimok'aretina VIH/SIDA any Bahamas , noho ny fitomboana fatratra ny isan'ireo tanora tratran'izany”: Adrian Gibson ao amin'ny WeblogBahamas moa dia manolo-kevitra hisian'ny fimailo any an-tsekoly.