Tantara mikasika ny Tanora tamin'ny Marsa, 2012
Nikaragoa: Horonantsary Momba Ny Vokatry Ny Lahatsarim-betaveta An-tsokosoko Mitady Fanohanana Ara-bola
Andianà mpamokatra sy mpilalao sarimihetsika efa nahazo loka no tonga niaraka tany ambanivohitr'i Nikaragoa mba hamokatra horonantsary momba ny fiantraikan'ny fanodinana an-tsokosoko lahatsarim-betaveta ataon'ireo tanora izay lasa hitan'ny sarambabem-bahoaka aty aoriana noho ny tsy fitandremana. Mitady tohana ara-bola fanampiny ry zareo mba hamenoana ny saran'ny fipetrahany ao Matagalpa, Nikaragoa, ary ny vola rehetra voaangona dia holaniana ao an-toerana ihany
India: Tovovavy Mianatra Mikasika Ny Lahatsary Firotsahana An-Tsehatra
Vondrom-behivavy iray avy ao Hyderabad, faritra mahantra any India, no mianatra ny fomba famokarana lahatsary mba hanovàna ny vondrom-piarahamonina misy azy ireo, ary ao anatin'ity lahatsary manaraka ity ilay vondron-tovovavy dia manazava izay nianaran-dry zareo sy ny fomba hanampian-dry zareo ny vondrom-piarahamoniny sy ny tenany amin'ny alàlan'ny zava-bitan-dry zareo.
BarCamp Angkor Voalohany ao Kambodza
Nanomboka tamin'ny taona 2008, tao Phnom Penh no nokarakaraina ny BarCamps ao Kambodza. Saingy tamin'ity taona ity, tao amin'ny tanàna faritanin'i Siem Reap indray no nanaovana ny BarCamp, ao amin'ny vavahady fidirana amin'ny tranoben'ny fiangonana Angkor izay fanta-daza manerantany. Tao amin'ny “Build Bright University” ao amin'ny faritanin'i Siem Reap no toerana nanaovana ny hetsika. Tahaka ny BarCamps rehetra...
Honduras : Ao Sabanagrande, Vazivazy Tsy Fanao Intsony Ny Fanabarabaràna Polisy
Teo anivon'ny fiampangana maro nahazo ny polisy mikasika ny kolikoly ataon'izy ireo ao Honduras, hetsika ara-kolotoraly nentim-paharazana fanao isan-taona ao an-tananàn'i Sabanagrande,no nampiakatra ny fahatezerana teo amin'ireo olon-tsotra sy ny polisy. Antokonà mponina maro no namaly ny famoretana tsy misy antony nataon'ireo polisy tamin'ny alalan'ny fananganana Komity Miaro ny Zon'olombelona voalohany tao an-tananàn'i Sabanagrande. Ilay bilaogera sady poeta Fabricio Estrada dia nizara ilay tantara tao amin'ny bilaoginy.
Meksika: Tezitra Tamin'ny Kandidà Vázquez Ny Mpianatry ny Oniversite
Tokony hitandrina amin'ny fomba fiteniny amin'ny vahoaka ny kandidà hirotsaka hofidiana filoham-pirenena ankehitriny ao Meksika, farafaharatsiny hatramin'ny volana Jolay 2012, hanatontosana ny fifidianana filoham-pirenena. Fahadisoana kely na fanambarana diso fandray dia mety hampihemotra ny mpifidy amin'ity taom-pifidianana ity. Josefina Vázquez Mota, kandidà vehivavy tokana nirotsaka hofidiana, no tratran'ny tsy fifankahazoan-dresaka...
RD an'i Congo: Lahatsary Nanampy Handetehana An'i Thomas Lubanga Aminà Heloka An'ady
Ny 14 Martsa 2012 ny Fitsaràna Iraisampirenena Momba ny Heloka Bevava dia nahatratra an'i Thomas Lubanga, mpitarika mpihoko fahiny tao atsinanan'i Congo, voaheloka ho nampiasa ankizy tamin'ny ady mitam-piadiana. Nolazain'ny mpitsara fa ny fanadihadiana natao tamin'ny alalan'ny lahatsary an'ireo ankizy miaramila fahiny dia tonga ampaham-porofo nanampy tamin'ny fandresena lahatra ny fitsaràna.
Etazonia: Tranganà Mpianatra Kolombiana Iray Mamelona Indray Ny Adihevitra Momba Ny Fifindrà-monina
Kolombiana mpianatra monina any Miami i Daniela Peláez izay niseho taminà lohateny vaventy tato ho ato amin'ny maha-tranga iray hafa ny azy amin'ireo mpianatra manana hoavy mamiratra, saingy tsy manana taratasy ara-dalàna ao Etazonia. Ny tranga mahazo an'i Peláez dia mankina amin'ilay rafitra izay efa mahabe resaka ao Etazonia momba ny fifindrà-monina.
Rosia: Firaisana ara-nofo, Vehivavy, Putin ary ny Lahatsary
Toa nanjavona ireo tovovavy niantso sy nanentana mba hiboridana ho an'i Putin tamin'ny fahavaratra lasa teo. Koa satria efa hifarana ny fotoam-pifidianana any Rosia, ndeha asiana topi-maso kely ny fomba nivoaran'izany fihetsiketsehana izany, sy ny fomba nampirisihany ireo vehivavy hafa - na manohitra an'i Putin na momba azy - hanana saina mpamorona.
Lahatsary: Fifaninanana Plural + 2012 Ho An'ny Tanora
Mpandresy telo eo amin'ny 9 ka hatramin'ny 25 taona eo no hahazo fitsidihana ny tanànan'i New York mba hampahafantatra ny sanganasany momba ny Fifindra-monina, Fampidirana eo anivon'ny fiarahamonina ary ny Fahasamihafana mandritra ny Fifaninanana Plural+ 2012 karakarain'ny Firenena Mikambana Misahana ny Sivilizasiona sy ny Fikambanana Iraisam-pirenena Misahana ny Fifindra-monina. Afaka mandray anjara amin'ny...
Puerto Rico: Fanentanana Ety Anaty Aterinto Ho Fanatsaharana Ny Césarienne tsy misy ilàna azy
"Césarienne tsy misy ilàna azy" no anarana nomena ilay fanentanana natomboka tamin'ny herinandro voalohany amin'ity volana Martsa ity tao Puerto Rico, hikendrena indrindra ny mba hampihenana ny taha ambony loatran'ny fiterahana ampiasnana ny fandidina "césarienne" ao amin'ity firenena ity : maro amin'izy ireny no zavatra efa nomanina, atao hoe "C-sections" izay tsy manara-penitra ara-pahasalamana akory.
