Scilla Alecci

Raha nianjera ilay fiaramanidina mpampitohy mahazatra niala tao Tehran ho any Yerevan taorian’ny niaingany omaly, namoizana ireo olona 168 tao anatiny, dia maro ny tany Armenia sy ny Diaspora avy any no ory, indrindra indrindra noho ny fisian'ny Armeniana 40 tamin’ireo maty ireo. Manazava ny ao ambadiky ny anton'ny fahatohinana mafy nahazo ireo Armeniana i Ianyan .

Nianjera tao Irana ny fiaramanidina iray vita Rosiana, an’ny Caspian Airlines, hisidina ho any Yerevan any Armenia, ny Alarobia taorian’ny nirehetany teny am-panidinana ary namono ireo olona 168 tao anatiny rehefa nitontona tany an-tsaha akaikin’ny tanànan’i Qazvin, 16 minitra monja taorian’ny fiaingana.

Tanora valo mpikambana ao amin'ny  ekipa Iraniana mpanao judo sy Armeniana maromaro no isan'ireo namoy ny ainy, ka ny roa tamin’izany dia anisan’ny mpiandraikitra ilay fiaramanidina. Eo amin’ny Armeniana 100 000 eo no mipetraka any Irana izay mivezivezy matetika eo anelanelan’ireo firenena roa ireo mba mitsidika havana.

Maro ireo antsipiriany voafantina avy amin’ny tati-baovao any an-toerana sy maneran-tany no naparitaka haingana tamin’ny Twitter sy Facebook, iray amin'ireo tena miparitaka be ny @unzippedblog.

Ny maro tamin’ireo tsikera tamin’ny vohikala sosialy sy lahatsoratra tanaty  blaogy tao amin’ilay vondrom-piarahamonina fitorahana blaogy LiveJournal momba ilay fianjerana tany Armenia dia saiky mifototra amin'ireo vaovao azo avy amina masoivohom-baovao  sy haino aman-jery hafa.

Ilay blaogy Iraniana-Armeniana ՏՐԱՄԱԳԻԾ [AM] kosa dia tsy hoe namoaka sarin’ilay voina fotsiny fa sady nanome dikantenin’ireo tatitry ny TV-mpanjakana Iraniana amin'ny teny Armeniana.

Niainga teo amin’ny seranam-piaramanidina iraisam-pirenenan’i Tehran ilay fiaramanidina “Tupalov” ary nianjera  tany akaikin’ny faritra Khazin 16 minitra taorian'izay. […] Vao niteny teo ny Filohan’ny Repoblika Ahmadinejad, naneho ny fiaraha-miory ary niteny ireo tompon’andraikitra mba hanao fanadihadiana lalina, mba hanao izay tokony atao, hitady ny anton’ity fianjerana ity ary hitatitra izany araka izay haingana  azo atao.

Any anatina lahatsoratra hafa, nitatitra tamin’ny antsipiriany mombana Armeniana iray, Harutyun Khalghatian, izay tsy nahatratra ny fiaingan'ny fiaramanidina ilay mpitoraka blaogy.

Harutyun Khalghatian, 44 taona, nanao fitsidinana arahan'asa  tany Tehran no sady nitsidika an'i Tehran dia avotra tamin'ny fomba tsy takatry ny saina. Tanatina fanadihadiana natao tamin'ny naman’i Khalghatian iray …. nahita izahay fa nanao fety izy ny alina talohan’iny, ka nahatonga azy tara fifohazana ka tsy nahatratra ilay sidina.

Լճակ [RU] dia nanome rohy sy fanampim-baovao momba ilay fianjerana, ary ilay mpanao gazety-mpitoraka blaogy mpanohitra Mark Grigorian kosa dia nanome ny heviny manokana tamin’ny fampiasana fiaramanidina efa antitra.

“Fotoana fanovàna ireny fiaramanidina vita sovietika  ireny ho korontam-by izao, ” hoy izy,  nanampy tao amin’ny faritra natokana ho an'ny tsikera:

Indrisy fa efa tonta, tsy ara-batana ihany fa ara-moraly koa, ireny fiaramanidina sovietika ireny. Mieritreritra aho fa isan’izay antitra ara-moraly izay ity iray ity.

@Unzippedblog dia nandefa tweet ny fanontaniana ao an-tsain’ny rehetra hoe:

Fa maninona no #Iran irery eto ambonin'ny tany  no mbola mampiasa iny fiaramanidina Rosiana TY-154 antitra be iny! Tokony ho ariana ireny. #armenia #yerevan.

Nanome valin-teny tamina tweet iray hafa izy taorian’izay.

Nanamafy ny BBC http://bit.ly/BpFW9 fa noho ny sazy nomen’ny Etazonia no mahatonga izao tsy filaminana eo amin’ny sehatra sidina any #Iran izao. #armenia #yerevan

Если бы можно было жить в море… [RU] dia mameloka ny ankivy nataon’ny Etazonia tamin’ny Iran noho ny fianjerana.

Andriamanitra anie hanome fiadanana ny fanahin’izy ireo… nisy ankizy roa tamin’ireo. Miteny ry zareo fa matetika no misy loza any Iran, noho ny fandraràna izay tsy mamela azy ireo hanavao ireo fiaramanidina ary ny fiaramanidina TU sy Amerikana no tena ananan-dry zareo.

Ireo hafa toa an-dry Words Blog dia mitantara ny fomba nahafantaran’ny havany  an’ireo maty.

“Nisy teknisiana fifamoivoizana an'habakabaka  roa izay niasa tao amin’ny Caspian tao anatin’ilay fiaramanidina. Izaho tsy nahafantatra azy ireo, fa ny reniko sy ny nenitoako no niara-niasa tamin’izy ireo.”

“Tany amin’ny seranam-piaramanidina aho androany… mampalahelo…” hoy 517 Design nanoratra [RU], mpitoraka blaogy sy mpaka sary avy tany amin’ny seranam-piaramanidin’i Yerevan niaraka tamin’ny sary.

© Sarin'ny PanARMENIAN / Sedrak Mkrtchyan

Betsaka vondrona teratany niasa tany ivelany ary nody an-tanindrazana ao Bangladesh ka maro amin’izy ireny no miasa an-tsitrapo na mikarama amin’ireny fikambanana maro tsy miankina amin’ny fanjakana ireny. Tsy vitsy amin’izy ireny koa no mitoraka blaogy sy mizara ny zavatra niainany izay sady zava-marina loatra no voaporofo, fa tsy mba toy izay ambaran’ireo mpampahalala vaovao iraisam-pirenena momba an’i Bangladesh. Ireny fomba fijery ireny dia tena ilaina tokoa ho an’ireo tonga hitsidika an’i Bangladesh ary koa ho an’ireo Bangladeshis (ilazàna ny olona avy any Bangladesh). Anatin’ny hafatra voalohany amin’ity andiany ity dia asiako fanamarihana manokana ny amin’ireo teratany nody an-tanindrazana ka mitoraka blaogy, sy izay resaka ambaran’izy ireny

Nikkibomb ao amin’ny Amar Bangla Na dia nandeha tany amin’ny Tangoron-tendrombohitr’i Chittagong ary manoratra fa:

Ireo Tangoron-tendrombohitr’i Chittagong dia maitso màvana mandrakariva. Na aiza na aiza jerenao, marevaka ery ny lokony toy izay tian-dry zareo Bangladeshis entina rahateo.

Estelle Visagie koa dia tany amin’ny Havoana tao Rangamati izay nifanenany tamina vehivavy bodista telo (nonnes) ka nanomezan’izy ireo azy ny Anarana Chakma.

Sara, izay mianatra sy manao fikarohana, tohanan’ny Fulbright, dia namoaka sary maro sy ny zava-niainany tamin’ny fifangaroana tamin’ireo Bangladeshis.

Natiora any Bangladesa; Durgapur, Netrokona, avy amin’i Ariful Haque Bhuiyan (http://www.flickr.com/photos/arifbd111/3401682813/),mampiasa ny Creative Commons license

Amy Moyer izay nandositra ny fiainana feno tebitebin’ny renivohitra no manoratra:

Nofarananay tamin'ny fitsidihana tanàna iray mpanamboatra fitafiana Jamdani norariana tamin'ny tànana ny dianay. Tena manify ny Jamdani, lamba tena maivana izay fahaizana manokana mampiavaka an'i Bangladesh. Raha ny tantara momba ny akanjo  Jamdani sari, izay mirefy tokony ho 13 metatra eo ho eo, dia tokony ho afaka aforitra hitovy habe amin'ny tranon’afokasoka izy. Tsara fanahy sy falifaly ery ireo mponina namela anay nandray anjara tamin’ny rary. Tena tsy azo veroka mihitsy,  ary ny tsininy dia ry zareo tsy nandray karatra Visa.

Meandering Memos izay nitsidika toeram-pamokarana asa tànana iray  tany Narayanganj, akaikin'i Dhaka izay ahitàna vehivavy 26000 miasa dia manoratra hoe:

Sary manaingo ny akanjo Sari – Tsy nieritreritra mihitsy aho hoe ireo haingon’akanjo rehetra ireo dia natao tànana daholo! Tena asa mila fotoana be tokoa. Ireo loko ampiasain-dry zareo dia avy amin’ny akora voajanahary avokoa.

Jacob and Sanna's blog dia midera ny ‘Bangla', tarika Bengali mpiangaly ny gadona ankehitriny:

Hafa ity vondrona ity — hain-dry zareo tsara ery ny manome kalitao lafatra ny fanafangaroana ny gitara tandrefana & gitara beso sy ny amponga ary ireo gadona malàza, vokatry ny tany,  izay laroin’ny feo mahagagan’ny mpihira fototra ao aminy, Anusheh.

Valerie ao amin’ny from Spa-Ha to Bangla dia roa volana izao no eto an-tanindrazana mba hamangy ny vadiny. Nandany andro iray manontolo mihitsy izy mba hitàna ny toeran'ny vady ao an-tokantrano any Bangladesh  renivohitra  Dhaka ary manamarika hoe:

Ity no iray amin'ireo andro mora indrindra hatramin’izay namoahako vola. Ny fitambaran’ny fikarakaram-bàtana tany amin’ny spa dia 600 taka, latsaky ny $10. Nomenay karama betsabetsaka ihany ny mpamily sy ny mpikarakara ny ao an-trano ary dia nolazaina fa adala mihitsy izahay tamin'izany, ary dia mahazo $4.30  sy $7 isan’andro tsirairay avy izy ireo.  $1/ora no hofan'ny kianja filalaovana Tennis. Tena varo-boba raha ny vidin-tsakafo hany ka mahamenatra na dia ny hitaky famerim-bola aza.

Sonargaon, renivohitr’i Bengal taloha. Sary avy amin’ny Flickr an’i Shubho Salateen (http://www.flickr.com/photos/shubho/242268273/) ampiasana ny  creative commons license

Bernie Allen ao amin’ny Life and Work in Dhaka city dia nitsidika an’i Sonargaon, iray amin’ireo renivohitra ntaolon’i Bengal. Manoratra izy:

Ny Fitehirizam-bakoka momba ny fomban-dràzana, izay isan'ny anton-diako, dia ahitàna ireo zavatra rehetra maneho ny endrika ara-kolontsain'ny firenena, ary ny zaridaina ao dia tena mahafinaritra tokoa.

Niampita ny reniranon’i Buriganga, izay mikoriana ao akaikin'i  Dhaka koa izy. Mieritreritra izy fa tandindonin'ny loto io renirano io ary “tsy dia isan'andro no ahitana tsy fitohanana na fihontsonkontsonana eo, toy ireny làlana any an-tànan-dehibe ireny ihany!”

Heather ao amin’ny A Bangladesh Adventure dia namoaka sary vitsivitsy maneho ireo fiara samihafa ao an-tanànan'i Dhaka.

Ary farany nefa tsy ny kely indrindra, Caroline ao amin’ny Burkhas, Bibles and Bangladesh dia manome lisitra ahitàna ireo zavatra 20 mety ho efa fantatrao na tsia momba an’i Bangladesh.

Tamin'ny 4 Jona, mpanao gazety amerikana roa no notsaraina tany amin'ny Repoblika Demokratika Entim-bahoakan'i Korea (Korea Avaratra) noho ny fidiràna an-tsokosoko tao amin'ity firenena ity.  Vehivavy roa,  Laura Ling sy Euna Lee, izay samy mpanao gazety teratany avy ao Azia mizaka ny zom-pirenena  Amerikana miasa ho an'ny Current TV, voatazona tamin'ny 17  Martsa, saingy na teo aza ny lazan'ny rahavavin'i  Ling (Lisa Ling, iraka manokan'ny ‘ the National Geographic Channel' , Oprah, ary CNN), tsy dia nisy niraika firy tamin'ny nahazo ireo vehivavy roa ireo ny mpampita vaovao nentim-paharazana rehetra, izay amin'ny ampahany dia  vokatry ny toe-draharaha ara-diplaomatika efa tsy mari-toerana loatra.

Saingy andro iray talohan'ny fitsarana azy ireo, nirehidrehitra ny fanehoan-kevitra teo amin'ny tontolon'ny fitorahana  blaogy momba izay hoavin'ireo mpanao gazety. Ilay mpitoraka blaogy avy  any  Etazonia, Angry Asian Man, no loharano nahitàna hoe aiza no ahafàhana manovo vaovao maro momba an'i  Ling sy Lee:

Tsy asiana andraso andraso fa androany no fotoana, tena faran'izay lehibe inddrindra ny hanairana ny vahoaka momba ny zava-mahazo an'i  Euna Lee sy Laura Ling. Ho fampahafantarana bebe kokoa, tsidiho ity vondrona Facebook ity, izay ahitàna fanavaozana matetika miaraka  amin'ny fanampim-baovao ahafahanao mitondra fanampiana. Tairo  izao tontolo izao. Afaho ry Euna sy Laura!

Brenna Hamilton, mitoraka blaogy ao amin'ny  The Art School Girl of Doom Rides Again, dia mangataka miaraka amin'ny mpamaky ny mba hanehoana fanohanana an'i  Ling syLee:

o maneho ny fanohanako aho amin'ny maha-naman'ny fianakaviana ahy efa hatry ny ela tokoa, miangavy anao aho hiara-dàlana amiko amin'ny ezaka ataoko ho fiantohana ny  hanafàhana an'i  Laura sy Euna tsy misy  hatak'andro. Noho ny fifamatorana ara-diplaomatika somary mifangidotra be ihany, nisafidy ny tsy haneho hevitra imasom-bahoaka momba ny raharaha ny fianakaviana.

Namoaka ny lisitr'ireo fomba samihafa azo andraisana anjara ilay mpitoraka blaogy, ary nanampy hoe:

Na inona na inona ataonareo, iangaviana indrindra mba ataovy fanehoana fanohanana amin'ny fomba miabo. Tsy hanampy velively ny ezaka ho an'i  Laura sy Euna ny fanaovana kabary na asa miiba, noho izany tsy hamorona kisarisarin'i  L'il Kim™ sy/na hanao ireo fanovàna endrika mahamenatra  amin'ny Photoshop intsony koa aho.  Ny tanjona tokan'ny  tsirairay mandray anjara dia  ny famerenana avy hatrany sy tsy misy rahoraho ho an'ireo mpanao gazety roa tena tsaroana ho banga ny toerany.

Iray amin'ireo mpitoraka  blaogy maro ao amin'ny vondrona blaogy Koreana-Amerikana  Kimchi Mamas no naneho ny eritreriny momba ny antony tsy dia nampiraika loatra ny mpampita vaovao nentim-paharazana tamin'ny  tantaran'ireto mpanao gazety ireto:

Fantatro fa maro amintsika no manaraka akaiky ny vaovao hatramin'ny nisamborana an'i   Euna Lee sy Laura Ling, manontany tena momba ny tsy fisian'ny vaovao firy  manodidina  ny  fitànana azy ireo. Eny, nahatsapa izahay fa raharaha  ilàna fahamalinana lalina izy ity, tsy taitairina izay i Korea Avaratra ary inoana mihitsy fa misy ezaka misoko mangiana any ambadiky ny sehatra any. Saingy rehefa mitatitra ny momba ny sambo amerikana iray nalain'ny jiolahin-tsambo ary avy eo navotana tamin'ny fomba nampivanaka ny fampahalalam-baovao, ary vao tsy ela akory izay ny firaradraraky ny vaovao samihafa manodidina ny raharahan'i   Roxana Saber, ny fitsaràna, ny fampiakarana fitsarana ambony sy ny fanafahana azy, dia toa mitambesatra mafy ao an-tsaiko kosa ny fahanginana manodidina ny tranga  Euna sy Laura.

Vondrona  Facebook maro no miantso fanohanana an'i  Laura Ling sy Euna Lee

Ho fanampin'ireo hafatra tanaty blaogy, vondrona maro no niforona tao amin'ny  Facebook ho fanehoana firaisankina amin'i  Ling sy Lee, isan'ireny  ity iray ity sy ity.  Nisy  fanangonan-tsonia iray napetraka  ihany koa .

Na eo aza ny hamaroan'ny fanohanana tonga, ny fampitam-baovao dia maminavina fa toa hahazo sazy henjana tokoa i  Lee sy Ling.  The New York Times dia milaza fa mety hanao asa an-terivozona an-taona maro izy roavavy; ny LA Times no mandroso fa mety ho tonga hatramin'ny 15 taona ny sazy.

Raha te-hahazo vaovao misimisy sy manaraka ny fivoaran'ny toe-draharaha momba an'i  Euna Lee sy Laura Ling, tsidiho ny  Komity ho fiarovana ny mpanao gazety, fa ao, anatinà lahatsoratra iray vao avy navaozina, olona iray tohina amin'ity raharaha ity no nilaza ny antony maha-tena zava-dehibe ny fanehoana fanohanana ho an'ireo mpanao gazety roavavy:

Mazava loatra fa ny fanaovan-gazety feno risika [avy amin'ny mpandika: mijabaka amin'ny raharaha mafana] dia miteraka fiantraikany mafana. Ary izany indrindra aza no antony tokony hanohanantsika an-dry Ms.Ling sy Ms.Lee, ary ireo mpanao gazety hafa koa izay mandray risika be tokoa hanomezana vaovao ny sarambabem-bahoaka.

Maro ny feon'ireo mafàna fo sy mpanoratra no misandratra avy ao anatin'ny fireneny ao. Maro koa ireo mpanao gazety iraisam-pirenena izay mitondra ny vaovao hanerana izao tontolo izao. Ireo sokajy roa ireo dia samy tokony harovantsika izay migalabona anaty fahafenoana, fandriampahalemana sy filaminana.

8ruedas logo

Toy ny ahoana ny fiainana rehefa saika eny amin’ny làlam-be foana ny tena? Nanapa-kevitra ny hanao ity andrana ity ilay mpitoraka blaogy Francisco Cárdenas, fanta-daza amin’ny blaoginy Cine al Oído, ary zarainy “en ligne” ao amin’ny 8ruedas. Hitaingina ny kamiaon’i Juan Camilo miaraka amina mpaka sary namany izy mba hijery ny làlana kolombiana sy hamantatra ireo tsiambaratelony, tantara ary “trangam-piainana” mpitondra kamiao mba hamoaka azy ireo amin’ny fotoana tena itrangàny amin’ny alalan’ny horonan-tsary, hafatra twitter sy fampiakarana sary.

Toda la vida, todos los días, hay experiencias que quisieramos asumir como propias. Esta es una de esas. Salir en un camión, agarrar carretera y echarse la vida sobre las 8 ruedas del vehículo al lado de conocidos o desconocidos. Un viaje de una semana larga, por carreteras colombianas, entregando pedidos de cartón (lo que el camionero lleva de carga), emitiendo vía streaming video en tiempo real en una o dos ocasiones por día y recopilando material a ser publicado en diferido cada noche a través de la red. Esa es la intención, simple, arriesgada (?) y sin ningún propósito diferente a pasarla bueno, documentando regiones del país que ninguno tiene por qué conocer de esta manera.

Ampahany amina stratejia “en ligne” ho an’ny fanombohan-dry zareo”, nullun, ity tetik’asa ity, ary ankoatra an’i Pacho, izay fantatra amin’ny solon’anarana hoe Francisco, nisy olon-kafa koa nanome tànana hanatanteraka ity “aventure” ity. Nanomboka omaly ny andrana, nefa noho ny zavatra tsy nampoizina mahakasika ny asan'ireo mpitatitra dia mbola tsy nanomboka ny diany ry zareo. Mbola miandry ny fiantsoana hiditra sy ny fahavononan’ny kamiao hanao ny fitaterana ry zareo. Nalefa avy any amin’ny toerana nipetrahan’ny mpamily fiara, niandrasany sy nilalaovany karatra ity horonan-sary manaraka ity:

Nampihetsi-po mpitoraka blaogy kolombiana hafa ny andrana. Mitantara ny diany farany niaraka tamin’ny rainy, mpitondra kamiao maty teny an-dàlana indray 15 Martsa fito taona lasa izay, i Jorge Montoya of Fábrica de Cosas :

De Medellín salimos con un cargamento de insumos para una panadería en Sincelejo, y otras cuantas cosas para Barranquilla, pasando por Cartagena. De Barranquilla, parando en Fundación para comernos un platano con queso, fuimos a Valledupar por mangos. Pero a Valledupar también fuimos porque allí se haría la imagen mental que más resalta cuando recuerdo a mi papá: un par de hamacas colgadas debajo del camión parqueado en una estación de servicio, con la brisa del Valle, una botella de ron y un par de tabacos que amenizaban el silencio entre dos personas con la misma sangre pero con poco que contarse. Recuerdos de empatía y vallenato. El ambiente impregnado de vallenato era la regla.

Toa lasa mahazatra io elanelana eo amin’ny mpamily kamiao sy ny fianakaviany io. Mitantara ny fivahavahan’ny fifandraisan’izy sy ny rainy I Carolina, zanakavavin’i Juan Camilo, ato anatin’ity horonan-tsary manaraka ity. Mifampiarahaba am-pitiavana ry zareo, nefa mbola tsy nifampizara tsiambaratelo mihitsy, resaka mitokana na irony fotoana miavaka..

Afaka manaraka io andrana io ianao ao amin’ny tranonkalan’ny 8ruedas, amin’ny fametrahana ny @cinealoido, na fanarahana ny tagy #8ruedas ao amin’ny twitter, amin’ny fisoratana amin’ny Ustream video channel, na amin’ny qik. Efa misy Flickr koa nosokafana mba hahitàna ny sarin’ny dian-dry zareo,  tahaka ity sarin’i Felipe Taborda ity, mpamily kamiao antsoin’ny namany hoe “Internet” satria fantany daholo ny zava-drehetra.

Sarin’i Felipe Taborda –solon’anarana “internet”, nalaina tao amin’ny Cinealoido

Amin'izao andro fahatsiarovana ny andro nahaterahan'ny Mpaminany Mohamed izao dia manentana ny olona rehetra i Dalia Ziada hanery an'i Arabie Saoudite hampitsahatra ny fanavakavahana atao amin'ny vehivavy Silamo manerana ny tany!

Nanomboka tamin'ny firesahana ity andro fankalazana ity tany Ejipta i Dalia:

Androany, Ejipta-ary Ejipta irery- no nankalaza ny andro masina nahaterahan'ny mpaminany Muhammad. Izahay Ejiptiana no miantso azy ity hoe “Mawlid Elnaby”. Amin'ity andro ity dia mividy tsindrin-tsakafo miavaka izahay (halawet elmwalid), mifamangy ny samy mpihavanasy ny olom-pantatra, ary ambonin'izany rehetra izany ny fankalazana fahatsiarovana ny mpaminany Muhammad.

Izao no antiny nahatonga ny fanentanany:

Taorian'ny vavaka mitataovovonana dia tonga tao an-tsaiko ny hevitra handeha hanao fivahinianana masina any La Mecque hamangy ny fasan'ny mpaminany.

Nahatezitra azy ny vokatr'izay:

Tsy nahazo nanatanteraka “O'mra!” aho [ny fanao farany kely indrindra any La Mecque] Nahoana? Satria aho tanora zazavavy latsaky ny 45 taona! Ny vahaolana tokana azoko atao hahazoako miditra ny tanin'ny mpaminany mamiko dia ny hoe tsy maintsy miaraka amina mpiaro lehilahy aho. Mbola tsy ampy taona ko any reniko!!! Fantatrao moa hoe iza izany mpiaro lehilahy izany? Ny havana lehilahy akaiky anao indrindra: ray, anadahy, vady, na zanaka lahy! Misalasala be aho noho izany. Efa maty ny raiko, tsy dia taitra amin'izany loatra ny anadahiko anankiroa ary tsy afaka miantoka ny saran-dalany manaraka ahy aho, mbola tsy manam-bady aho ary mazava ho azy fa tsy manana zanaka lahy!! Dia inona izany no hataoko?!

Fa ny tena nahatezitra ity tanora ity:

Nandeha lavitra be aho vao tonga aty Arabie Saoudite. Tena irery aho! Tsy nanao zavatra tsy nety aho ary tsy mbola niharan'ny zavatra tsy nety nandritra ny fivahinianana nataoko tany am-pitan-dranomasina!!

Ambonin'ny fahafantarany ny lalàna fanampiny, dia henony koa fa:

Ny fanerena tahaka izao dia noforonin'i Arabie Saoudite ho azy manokana fa tsy misy ifandraisany amin'ny finoana Silamo! Noho izany, misakana ny 1/3 ny vahoaka Silamo (vehivavy) manerana ny tany ny governemanta any Arabie Saoudite amin'ny fivavahana nandidian'i Allah hotanterahany! Iza no milaza fa ny tenin'ny governemanta any an-toerana no ambony noho ny tenin'i Allah?! Iza no nilaza tamin-dry zareo fa fananany manokana i la Mecque sy ny mpaminany Muhammed ka afaka mamorona lalàna ho azy izy hampitandremana izay rehetra te hamangy any an-toerana?!

mampifandray ny heviny mikasika ny fanavakavahana amin'ny an'ny namany any Arabie Saoudite i Dalia:

Ankehitriny, tsy misy resaka! Arabie Saoudite no mpanao tsinontsinona indrindra ny zon'ny vehivavy aty amin'ny faritra misy antsika. Tsy avelany hampiseho tarehy ny vehivavy, tsy mahazo mitondra fiara, tsy avelany miasa aza ary tsy mahazo mifangaro amin'ny lehilahy! Mampiasa ny anaran'ny Silamo i Arabie Saoudite amin'izany fanitsakitsahana mahatsiravina ny zon'ny vehivavy izany. Ovany ny sarin'ny fivavahantsika feno fandeferana. Kanefa, tsy avy any Arabie Saoudite aho; nahoana no tsy maintsy manaraka izany lalàna izany? Tena tsy rariny!

Andeha hiverenantsika ny nahaterahan'ny mpaminany:

Na eo aza izany rehetra izany dia tsy mankalaza ny andro nahaterahan'ny mpaminany i Arabie Saoudite. tsy mankalaza izay na dia 1) teraka tany an-toerana ny mpaminany Muhammed; 2) Tany an-toerana no nanombohany ny fivavahana Silamo; 3) tany arabie Saoudite no nandaniany ny androny rehetra; 4) noraisin'ny governemanta ho azy ny fananan'ny mpaminany rehetra. Noho izany, nahoana no tsy mankalaza ny andro nahaterahan'ny mpaminany izy? Tsy mahatsiaro akory ity andro ity izy ireo, izahay-Silamo Ejiptiana- ve no manao zavatra mifanohitra amin'ny fivavahana?!!!

Miantso àry i Dalia ny:

Ny vehivavy eran-tany, Silamo mivoatra, ary ireo rehetra manaiky ny zon'ny vehivavy ao amin'ny tontolon'ny fivavahana Silamo mba hanaraka ahyhiady amin'ny governemanta any Arabie Saoudite hahazoako ny zoko (amin'ny maha vehivavy ahy) hahafahako mivavaka ao anatin'ny fiadanana tanteraka, ho afaka amin'ny fangejana ataon'ireo tsy te hahalala sy tery saina tahaka an'i Arabie Saoudite .

Tsy manana “lalàna azy manokana” amin'ny fivavahana Silamo i Arabie Saoudite!

Manenjika ny fomba fitondrana ny vehivavy any Arabie Saoudite ho tahaka ny zaza tsy ampy taona ny Muslimah Media Watch .

Ny mpitondra tenin'ni Arabie Saoudite ao amin'ny Kaomision'ny Zon'Olombelona, Zoheir al-Harithi, no nilaza fa tsy mahakasika ny ezaka hatao hanatsarana ny toe-draharaha izany na dia mifangaro amin'ny pôlitikan'ny fanjakana aza. Miobon-kevitra amin'ny hevitra sasantsasany izahay ary mandinika izany ny governemanta, kanefa kosa tsy miombon-kevitra amin'izy rehetra.”

Afaka alaina ny resaka rehetra, mahakasika ny tsy fanajana ny zon'olombelon'olombelona avy amin'ny mpiantoka lehilahy sy ny fanavakavahana any Arabie Saoudite.

 Nanokatra Facebook ho an'ny fanentanany ataony i Dalia Ziada.

Marwa Rakha