amin´ny teny malagasy » Technology

Madagasikara : Rindrankajy mpitsara tsipelina Malagasy

Tomavana — Thu, 06 Nov 2008 23:07:33 +0000

Ny namana Dotmg no nanolotra ny vaovao fa efa mihodina tanteraka ankehitriny ary amin'ny fomba maimaim-poana ilay rindrankajy mpitsara tsipelina Malagasy izay novoizina ary nampahalalainy nandritra ny Barcamp farany tany Antananarivo :

Ny rindrankajy mpitsara tsipelina malagasy dia tsy inona fa pejy iray amin’ny internet ahafahana mametraka lahatsoratra amin’ny teny malagasy. Rehefa avy tsindrianao ilay bokotra hoe Alefa dia asehony ireo teny mety ho diso tsipelina tao amin’ny lahatsoratra natsofokao. Tsy mbola afaka manome soson-kevitra momba ny tsipelina tokony ho nampiasaina io rindrankajy io […]

raha mety mahaliana anao dia azo alaina ny source nanamboarana azy. Azonao hatsaraina sy ovaina ary aparitaka ihany koa […]

Dia antenaina fa afaka hanampy antsika mpiangaly lahatsoratra amin’ny fiteny malagasy ity fitaovana iray ity.

Raha tsy diso aho dia ity no voalohany indrindra amin'izay Rindrankajy manatanteraka izany ary azo vangiana mivantana ao amin'ny vohikala dotmg.net/spell.

Rosia: Bolongana LJ ampolony naato fa tafaverina avy eo

Jentilisa — Thu, 23 Oct 2008 02:27:09 +0000

Bolongana Rosiana LJ (LiveJournal) ampolony maromaro - ary tafiditra amin'izany ireo efa malaza sy be mpanaraka - no nikatona tsy misy antony mazava halina, niteraka tabataba tamin'ny LJ izany. Ny mpampiasa LJ tarlith-history aza moa dia namoaka ny lisitr'ireo bolongana tratran'ny fiatoana ireo (RUS), ka miantso ity raharaha ity ho “Blogocaust Night (alina nentina namonoana bolongana).” ny mpampiasa LJ oleg-kozyrev kosa niantso azy ho (RUS) “blogocide (fandripaham-bolongana).” ny mampiasa ny LJ dolboeb indray nanoratra (RUS) fa nitranga izy ity noho ny fisovohana (piraty) nahazo ny fandrindrana ny LiveJournal. Tafaverina soa aman-tsara ihany moa ireo bolongana ireo ora vitsivitsy taty aoriana.

Afrika: ny lalàna 7-n'ny fihavaozana

Jentilisa — Thu, 23 Oct 2008 01:54:20 +0000

White African no manoratra ny lalàna 7-n'ny fihavaozana nosoratan'i Ethan : “Namoaka sombin-dahatsoratra nahatalanjona iray hafa indray i Ethan Zuckerman. Tamin'ity indray mitoraka ity dia ny fitondrana zava-baovao eto Afrika no resahiny sy ny fomba nitondrana azy noho ny fahavitsian'ny akora ampiasaina.”

Ginea Bisao: Mihamalaza hatrany ny finday

Jentilisa — Thu, 23 Oct 2008 01:54:15 +0000

Jorge Rosmaninho no manoratra ao amin'ny gazety antserasera mpiteny pôrtigey O Patifundio [pt] fa miroborobo fatratra ny finday any Ginea Bisao. “Tsy misy mpampianatra izay tsy mitaraina fa, isaky ny fanombohan'ny lesona, dia mandany folo minitra aloha ny mpianatra miady izay tokony hamahana herinaratra voalohany ny findainy amin'ny prizy (tsaidrianaratra) tokana ao an-dakilasy”.

Okraina: BlogCamp Eoropa afovoany sy atsinanana 2008

Jentilisa — Tue, 21 Oct 2008 09:15:43 +0000

Michelle Knisley ao amin'ny Greetings from Kyiv (arahaba avy aty Kiev) no mamelabelatra ny heviny amin'ny BlogCamp 2008 ho an'i Eoropa atsinanana sy afovoany izay tontosaina ao Kiev any Okraina amin'izao fotoana izao.

Madagasikara : BarCamp tany Madagasikara

Tomavana — Fri, 10 Oct 2008 01:00:20 +0000

Mitatitra ny BarCamp tany Madagasikara izay natrehiny ny namana Sixthman izay monina any Madagasikara rahateo :

A lot of people attended the barcamp and most of them were … bloggers. This was an opportunity for me to see some of them that I only knew by pictures through blogs like avylavitra, DotMg or Jentilisa - who talked about the Global Voices Online and released a book containing what he’s been writing as a blogger since 2006.

“Sesehena ireo olona izay tonga nandray anjara tamin'ny Barcamp ary ny ankamaroan'ireo mpanatrika ireo dia … mpiblaogy avokoa. Io fotoana io izany no nahazahoako nanararaotra ny hahita maso ireo izay fantatro fotsiny tamin'ny alalan'ny saron-tsaritava sy ny blaoginy tsirairay toa an-dry avylavitra, sy DotMg na koa ry Jentilisa - izay nanazavazava ny mikasika ny vohikala “Global Voices Online” sady namadika ho boky ireo lahatsoratra rehetra izay nosoratany tao amin'ny blaoginy hatramin'ny taona 2006.”

Seychelles : Nanaiky ny handray anjara amin'ny rohin-tseratsera Aterineto Pan-Afrikana

Tomavana — Fri, 10 Oct 2008 00:30:29 +0000

Gervais J. Henrie avy any Seychelles no mitatitra fa :

Seychelles is the second African country, after Senegal to join the $1 billion pan-African e-network project initiated by the Indian government

“Taorian'i Senegaly dia i Seychelles no firenena Afrikana faharoa izay nanaiky ny handray anjara amin'ny fananganana rohin-tseratsera Aterineto Pan-Afrikana izay mitentina 1 tapitrisa dôlara, tetikasa izay ambany fivoizan'ny fitondrana Indiana”

Liberia : Fanarenana ireo fantsona fampahalalam-baovaom-pirenena

Tomavana — Fri, 10 Oct 2008 00:15:10 +0000

Mitohy ny dian'i David Sasaki, any Monrôvia, ary mitatitra mikasika ny fanarenana ireo fantsona fampahalalam-baovaom-pirenena any Liberia izy :

Developing Liberia’s national media is key to 1.) promoting democracy, 2.) promoting national identity, and 3.) fighting corruption. We have been visiting all the different players involved in Liberia’s media development. First stop was the Minister of Information, Culture, and Tourism (giving a new meaning to ICT).

“Ny fampivoarana ireo fantsona fampahalalam-baovaom-pirenena any Liberia no fanalahidy ahafahana 1.) Mivoy ny demôkrasia, sy 2.) Mivoy ny maha-Liberiana, ary 3.) Enti-miady amin'ny fanaovana kolikoly. Novangianay avokoa ireo olona izay manana ny maha-izy azy amin'ny fampivoarana ireo fantsona fampahalalam-baovao any Liberia. Ny Ministry ny Fampahalalam-baovao sy ny Kolontsaina ary ny Fifandraisanano notsidihinay voalohany (nanome dikany hafa vaovao ny Teknolojia Fampahalalam-baovao).”

Madagasikara : Tatitra avy any an-kodahoda

Tomavana — Thu, 09 Oct 2008 14:27:50 +0000

Ny mpiblaogy fantadaza Ethan Zuckerman no mandinika izay tatitra avy any an-kodahoda any Afrika :

How do we get stories from places like Ilakaka, remote locations in Africa with no permanent press presence? Historically, we’d have to wait for something bad to happen - a mining disaster, an outbreak of disease. I see the photos in the Globe as evidence of what might be a healthier form of storytelling - a picture of a place that’s fascinating, whether or not it’s especially “newsworthy” today. The gembloggers are an interesting complement to this sort of reporting.

“Amin'ny fotoana manao ahoana no mba andrenesantsika vaovao avy amin'ireny toerana an-kodahoda toy an'Ilakaka, sy toerana dezaka hafa any Afrika ireny, izay tsy mba misy mpanao gazety afaka hitatitra mandrakariva ? Araky ny iarahantsika mahalala dia nila ho niandry izay hitrangan'ny loza isika - lozam-pihadiana vatosoa mahatsiravina izany [tany mihotsaka], na koa ny fihanaky ny otrik'aretina izay mandripaka aina maro. Ny nahitako Ireo sary napariaky Globe dia nandresy lahatra ahy ny izay mety ho endriky ny fomba fitantarana mendrika - sarina toerana mahaliana n'aiza n'aiza izany ary na dia “tsy dia maresaka firy” aza ankehitriny. Ary vao mainka hahaliana mihitsy aza raha misy mpihady vatosoa miblaogy [mitantara ny andavan'androny] hanatevenana izay tatitra an-tsary toy izao.”

Liberia : Tantara fohin'i Liberia

Tomavana — Thu, 09 Oct 2008 13:30:47 +0000

Amin'ny famangian'i David Sasaki, an'i Monrôvia, any Liberia izay hampianarany ireo Liberiana izay fomba fanaovana blaogy. Nanoratra fohy ny tantaran'i Liberia izy :

Liberia’s history - and specifically its relationship with the United States - is fascinating. The country was founded and colonized in 1847 by freed Black slaves from the United States. By 1867 more than 13,000 Black Americans moved to independent Liberia.

“Mahaliana ny tantaran'i Liberia, indrindra izay fifandraisany tamin'ny Amerika. Niorina tamin'ny taona 1847, ary nozanahin'ny andevo mainty novotsorana avy any Amerika i Liberia. Tamin'ny taona 1867 dia mihoatry ny 13′000 ireo Amerikana mainty fihodirana izay nifindra tany amin'ny Liberia izay tanim-pahafahana.”