Eo am-piodinana manodidina ny tany izao ilay mpanamory sambondanitra José Hernández ao anatin”ilay iraka ataon'ny sambondanitra ho eny  amin'ny Toby an'habakabaka iraisampirenena, ary mi-tweet  izy mandritra ity iraka 13 andro ataony ity.

Amin'ny maha zanaka Meksikana mpifindra monina azy teraka tany U.S.A, tany an-tanindrazan'ny ray aman-dreniny no nandaniany ny antsasaky ny fiainany ary ny ambiny sisa tany Etazonia. Araka an'i Mexico Reporter, mahery fo nasionaly any Meksika izy ary aingam-panahy ho an'ny olona maro any amin'ireo firenena roa ireo ny tantaram-piainany. Mpiasa mpifindra monina i Hernández taloha, niasa tao amin'ilay saha teo anilan'ireo ray aman-dreniny, ary izao  no fivahinianany voalohany any an'habakabaka.

Ny kaonty  twitter-ny amin'ny tenim-pirenena roa dia nanome fanampim-baovao foana nandritra ny fanomanana ny fandefasana azy, izay tokony ho tamin'ny 25 Aogositra. Noho ny olana ara-mekanika anefa dia nahemotra andro maromaro izany. Taoriana kely dia lasa fahatsapana tsy vaovao intsony ny fiaingana tsy tena izy sy ny raharaha fanomanana miverimberina:

Ndeha hihazakazaka kely aloha. Toa tsa ho an'ny fiaingana rahalina amin'ny 1:10 izany toetr'andro androany izany! Ohatran'ny Andron'ny ‘Ground Hog'!

Nandritra ireny fanomanana ireny no niresahan'i Hernández an-tariby tamin'ny filoha Meksikana Felipe Calderón.

Tonga ihany ilay andro nony farany, ary nalefa hiodidina ny tany ilay sambondanitra tamin'ny 28 Aogositra. Vao tonga tany an'habakabaka  i Hernández dia nizara ny eritreriny momba ny androny voalohany any an'habakabaka any:

Mipetraka aho ary manatanteraka ny nofiko… Milay be ny ‘Micro G'. Avy nandrindra ny solosainako ka ndeha hatory aho! Tsy mila ondana!

Ho an'ireo roa herinandro manaraka, hanome fanampim-baovao momba ireo asa atao amin'ny iraka sy ireo asa manaraka i Hernández:

#onorbit Vita ny sidin'ny andro faha-3 ary efa tonga aty amin'ny toby aho. Nifankahita tamin'ireo mpiray vodirindrina 6 ary mahafinaritra be ry zareo  ireo! Tena mahafinaritra loatra ka dia ho entinay mody ny iray amin'izy ireo!

Araho ny tweet-ny momba ny andro sisa amin'ilay iraka ao amin'ny @Astro_Jose

Herintaona lasa izay dia nifanandrify tamin'ny lalao olaimpika tany Beijing 2008 ny adin'i Rosia sy Georgia, takon'io lalao ara-panatajahantena mitandro ny fandriampahalemana io. Ilay mpampiasa ny LJ/Twitter/Facebook cyxymu mipetraka any Tbilisi kosa indray no tena nokendrena, nahatonga ny fanembatsembanana goavana nahazo ny LiveJournal, Twitter ary Facebook tamin'ity herinandro ity, nanampy trotraka ny fitantarana ny fahatsiarovana ny tsingerintaona voalohany ny ady sady nampitodika ny saina hjery any aza.

Tsy niharihary ny fifandraisany tamin'ny adin'i Rosia sy Georgia tamin'ny voalohany. Tamin'ny 6 aogositra dia namoaka ity naoty (ENG) ity ny mpampiasa LJ mhwest tao amin'ny lj_maintenance vondrona LJ, milaza fa “tratran'ny fanafihana” ity sehatra famahanam-bolongana ity:

Tontolo mahasondrianan'ny DDoS

Araka izay efa fantatry ny sasany aminareo dia nisy nanafika an-tserasera ny LiveJournal nanaomboka androany maraina tamin'ny 6:00 maraina PST mandra-paha??? Efa nandray andraikitra izahay hahalefy ny DDoS saingy mety mbola tratran'ny olana eo amin'ny fiseraserana ny sasany. […]

Nihoatra ny 250 ny fanehoan-kevitra tamin'ity lahatsoratra ity fa azo nisaina tamin'ny rantsan-tanana ny nampifandray ny fahasimbana tamin'ny antony jeopolitika. Indreto ny ohatra:

lavvyan - Aog. 6:

Ho avy ny Rosiana!

Tsia, andraso aloha…

[…]

nysidra - Aog. 7:

Tadidiko fa nahita ityhevitra ity aho omaly.

Mba mampahafantatra anao fotsiny hoe marina ny anao. ^_^

Twitter's Meltdown: Blame the Russians (miampanga ny Rosiana ny siokan'i Meltdown)

Tamin'ny 7 Aog tokoa i Eternal Remont no nanatsonga fehezanteny avy tamin'ny BBC (ENG), hanazavana ny raharaha:

Omaly, raha latsaka avy an-danitra ny ra, nangotraka ny ranomasina ary nitresaka ny Tany fa tratran'ny Denial of Service (mandà tsy mety hiasa) ny Google, ny Twitter ary ny Facebook (“OMG, Tsy afa-nisioka (tweet) aho satria tsy nandeha ny Twitter!) efa nieritreritra ity mety ho nitranga ity aho: tafiditra amin'ity raharaha ity ve i Rosia?

Angamba. Ny fahatapahan'ny serasera ara-tsosialy rehetra nanerana ny tany dia nikendrena olona iray:

BBC: “Olona iray, mpamaham-bolongana manohana ny Georgiana antsoina hoe Cyxymu, no nokendrena ka nahatonga ny fanafihana voarindra nahazo ny Google, Facebook ary Twitter… mpamaham-bolongana mazoto io olona io ary nisy botnet iray ‘nitifitifitra' hatrany ny pejiny ka nahatratra ny an'ireo mpampiasa hafa izany.” […]

Ary amin'izao ankatoky ny tsingerintaona voalohany ny ady izao, dia lasa nalaza ho azy ny mpampiasa LJ cyxymu - izay nalaina avy amin'ny fanonona Rosiana natao endri-tsoratra latina ny anarana Sukhumi, renivohitr'i Abkhazia.

Nitatitra [amin'ny teny rosiana] ny mpampiasa amin'ny endri-tsoratra Sirilika ao amin'ny LJ toa an'i - diana-ledi, taki-net, markgrigorian sy ny hafa tsy tambo isaina - fa tsy tsy mety mivoaka ny lahatsoratra rehefa mametraka ny anaram-bositra cyxymu ry zareo.

Na ny bolongana LJ fototra na ireo roa hafa fanao tahiry - cyxymu1 sy cyxymu2 - dia samy tsy mety mipoitra avokoa (nefa efa nadikan'ny mpanoratra ato amin'ny Global Voices dia i Lyndon ny sasany aminn'y lahatsorany toy ny tamin'ny Oktobra 2007 sy jolay 2008: Ady tao Abkhazia - Mahatsiaro i ‘Cyxymu', sy Abkhazia, Georgia: “Tonga.”)

Manana Bolongana Blogger, Twitter, takelaka Facebook ho an'ny daholobe, ary vondrona Facebook manana mpikambana mihoatra ny 750, izay natsangan'olo-kafa hanohanana azy i Cyxymu.

Evgeny Morozov misahana ny politika ivelany ao amin'ny bolongana Net.Effect no manoratra (ENG) fa efa “nantsoina izy volana maromaro lasa izay hijery ny olana mahazo an'i CYXYMU, fa tsynahita na inona na inona izy.” Toy izao ny hevitr'i Evgeny tamin'ity fanafihana an-tserasera ity:

[…] Raha fehezina dia tanjona iray no kendren'ity fanafihana ankehitriny ity: Mampiseho ry zalahy be sandry an-tserasera tanjaky ny mpanenjika an'i CYXYMU tamin'ny (fanembatsembanana) ny vohikala malaza indrindra amin'ny aterineto. Aoka tsy ho diso hevitra: TSY natao hampangina azy na hanakanana azy hamoaka vaovao mety henelingelina an'i Kremlin ny nahazo an'i Twitter sy Facebook. […]

Raha mandinika tsara izay voasoratr'i CYXYMU ao amin'ny Twitter (amin'ny teny Rosiana ny ankamaroany), dia hahatsikaritra fa TSY ahitanao resaka na sompirana politika velively ao. Hatramin'ny desambra 2008 no nisiahany, 41 ny isam-baovao, ary tsy misy idiran'ny resaka politika ny maro amin'izy ireo (jereo ny sasany: “Tsara ny fahavaratra!”, “Mahafinaritra ny fiainana! nahatsiaro ny hatsikana rehetra mikasika ny rafozana aho”, “Oadray ireto mpiasa am-birao”).

Tsy misy zavatra tokony atahoran'i Kremlin mihitsy amin'izany rehetra izany. […] Famoaham-baovao goavana ihany koa ny bolongany: Mahatalanjona ny asa nataony hitazonany ny mpamaky azy aminn'y fitantarany izay mitranga any Abkhazia sy Georgia, faritra roa izay tsy manintona loatra ny media (eny fa na any Rosia aza). TSY tahaka an'i Anna Politkovskaia izy eo amin'ny totolom-bolongana; ny heviny sy ny lazany - fa tsy izay tantarainy - no nahatonga azy ho lasibatra lehibe.

Avy amin'izay no ieritreretako fa ny tanjon'ny mpanafika dia fampahamenarana fa tsy fanivanana (na izany aza tafiditra ihany ny resaka sivana). Ny tanjona faharoa dia ny hivoahan'ny lohateny lehibe, miharo hagagana, mikasika ny tanjak'i Rosia an-tserasera manerana ny tranonkala iray manontolo; tsy misy fomba tsara hafahafa kooka hanehoana izany afa-tsy ny tsy fampandehanana ny Twitter mandritra ny ora vitsy. […]

Ostap Karmodi no manoratra (RUS, rohin'ny mpampiasa LJ drugoi) fa tokony hieritreritra tsara ny “mpanafika” mialoha ny hanaovana zavatra tahaka ireny fa raha mba fantatr'izy ireny mialoha manko ny vokatry ny nataony:

Ny vokatry ny fanembatsembanana omaly dia lasa malaza manerantany i cyxymu, izay halan'ny jiolahy an-tserasera sasany koa. Nanoratra ny momba azy avokoa na ny Espaniola El Pais, ny Frantsay Liberation, ny Alemana Spiegel, ny Anglisy Guardian, ny Amerikana Washington Post, ary ny Japoney Yomiuri. Izany hoe ny gazety malaza manerantany. y sasany amin'izy ireo aza moa dia niresadresaka fohifohy tamin'i cyxymu. Manomboka izao raha vaky indray ny ady eo amin'i Rosia sy Georgia, dia ho fantatry ny gazety manerantany hoe amin'iza izy ireo no manatona.

Manomboka izao dia hahaliana an'izao tontolo izao ny hevitr'i cyxymu momba ny politika Rosiana - hahaliana mandrakariva izany hevitr'olona niteraka fahasimbana fidirana mpikambana [na fanisana] (compte) vohikalan'olona anjatony arivoarivo izany.

Afak'omaly dia tsy nihoatra ny iray alina no nahalala an'i cyxymu. Androany dia fantatry ny olona mahatratra - firy moa ny isan'ny mpanaraka ny media manerantany? 500 000 000? 1 000 000 000? Ary hirona hanakany aminy ny ankamaroan'izy ireo - tia mirona amin'ny iharan'ny fanenjehana manko ny olona. […]

Eto indray misy petra-kevitr'i Evgeny Morozov amin'izay mety nihavian'ny fanafihana:

[…] Iray amin'izay mahasarika ao amin'ny tontolon'ny virtoaly ny fampitiavana ny ady an-tserasera ary mahatafiditra an'i Rosia avokoa ny fanafihana an-tserasera rehetra faramparany teo; mety ho efa fomba fiasan'i Kremlin ny manapariaka na “crowdsource” ny fiarovany sy ny fanafihany amina vondrona nasionalista, tsy amin'ny sehatra an-tserasera irery ihany. Misy moa ny vaovao mitatitra fa hanangona tanora manana olana 100 000 ny Nashi, sampan'ny tanoran'i Kremlin hanofana azy ireo ho milisy mitam-piadiana hanara-maso ny arabe. Mety hisy dikany raha hametraka “vondrona an-tserasera” izy ireo, indrindra moa fa miha-mahazo vahana eo amin'ny fiainana andavanandro ao Rosia ny aterineto. […]

Ary mahatsapa ihany koa ny mpampiasa LJ olboeb fa, mety ho loharano iray ihany no nihavian'ny “fanapahan-kevitra farany teo hanangana ‘vondrona milisy' an-dalambe eto Rosia” sy ny hevitra hanafihana ny bolongan'i cyxymu. Nosoratany fa (RUS):

[…] Nahoana no hampijaly tena ny fitondrana, miezaka ny hametraka lalàna manenjika ny aterineto, tahaka ny nataon'ny Kazakhs tsotrabe sy ny Lamaody shinoa taloha, raha efa misy andian-jatovo mihevi-tena ho tia tanindrazana eo am-pelantanana, vonona ny hamotika [izay rehetra ibaikoana azy (na tsy ibaikoana azy akory koa aza)]. […]

Nametraka lahatsoratra maneso fohy dia fohy somary miova fitàna kely ny mpampiasa LJ drugoi (RUS):

Fiangaviana

Kamarady [manamboninahitra], Nanoratra lahatsoratra momba ny The Beatles aho. Avelanareo hamoaka azy io ve aho? Tsy misy resaka momba an'i Georgia mihitsy ao. Mba afaka mamono dimy minitra monja ny milina fanaraha-maso ve ianareo aza fady?

(ato ny lahatsoratra momba an'i The Beatles (RUS) , fa eo ihany isika - fahatsiarovana ny tsingerintaona faha-40 ny sarin'ny lalàna malaza Abbey Road izy io.)

Veronica Khokhlova

Koa satria moa mbola mitarazoka ny krizy politika eto Madagasikara saingy efa tsy dia liana amin'ny toe-draharaha loatra intsony ny iraisam-pirenena dia nihaona hiresaka momba ny fanangonana sy ny fitateram-baovao nandritra ny fotoanan'ny krizy ireo ao avy amin'ny fanapariaham-baovao mahazatra sy ireo amin'ny endriny vao haingana (sao miverina matetika loatra ny teny hoe vaovao).

Naresaka tokoa ny fotoana noho ireo fifanakalozan-kevitra, fijoroana vavolombelon'ny tsirairay ary ny hatsaran'ny fandraisam-pitenenan'ny tsirairay ka ireo no nampisongadina fa nilaina ny fiezahana miara-miasa ahafahana mitatitra vaovao feno sy voamarina ny fisiany na dia sarotra aza ny asa.

Tontosa ity fihaonana ity noho ny mpikarakara sy noho ireo mpandray anjara tamin'ny Barcamp Malagasy voalohany tamin'ny Oktobra 2008.

Ny zavatra iray tena voamarika dia ny fahamaroan'ny mpanatrika na dia teo aza ny filazana nataon'ny Reporters Sans Frontières (niniana najanona ho teny frantsay na dia azo nadika hoe Mpitati-baovao tsy voasakan-Tsisitany aza) sy ny Komitim-piarovana ny mpanao gazety fa mpanao gazety sy mpamaham-bolongana maro na amin'ny ankohonany no nahazo fandrahonana nandritra ny krizy. Nijoro ho amin'ny fahalalaham-pitenenana ny mpandray anjara na dia fantatr'izy ireo tsara aza fa ho fanta-bahoaka amin'izay ny anarana sy ny endrik'izy ireo sady nisy manam-pahefana avy amin'ny fitondrana teo aloha sy ankehitriny aza tamin'ny mpanatrika.

Nilaina indrindra ny resadresaka satria sarobidy loatra ny mihaino ampahibemaso na mandrakitra ny fitantaran'ny tsirairay izay niainany tsy nijerena fironana politika.

Toy izao manaraka izao ny ambangovangon'ny fotoana:

Teo ho eo amin'ny 80 na 90 avy amin'ny faritra 5 (eto Madagasikara) sy avy amin'ny firenena 4 samihafa no tonga nanatrika.

Alain Andriamiandravola, mpanao gazety teo aloha fa liana kosa amin'ny media vaovao, no nanokatra ny fivoriana izay niofo ho fotoana nitenenana malalaka nahitana hevitra mifanipaka sy nahatsapana ihany fa manana ny heriny ny fahalalam-baovao sy ny fanaovan-gazety.

Nosafoiko vetivety ny fiaraha-miasan'ny fampitam-baovao mahazatra sy vao haingana manerana izao tontolo izao, sy ny fiantraikany goavana nandritra ny krizy ary manantena fa hitera-bokatsoa koa ny thaka izany eto Madagasikara. Nisy zaikakely fanaon'ny Foiben-kolontsaina Amerikana antsoina hoe “Friday talk” (resadresaka isan-joma) nifanatrehan'ny mpamaham-bolongana sy ny manao gazety izay nampiseho fa mbola misy ny toerana ho amin'ny fiaraha-miasa sy fifanabeazana eo amin'ny roa tonta.

Ny tena nahaliana nandritra ny fihaonana moa dia rehefa nifandimby niteny avokoa ireo olom-pirenena avy amin'ny vazantany efatra teto an-toerana nilaza ny fomba nizarany tamin'ny takelakany tsirairay avy izay zavatra hitany sy ny sandan'izany avy eo. Nilaza ny fitiavany hanangom-baovao mivantana i Andry ka nahatonga azy ho ao anaty kianja mihitsy. I Jentilisa indray nitantara zavatra hafahafa nandritra ny Alatsinainy maizina (26 Janoary) fa miresaka sahady ny fahamaizan'ny trano iray mbola tsy nirehitra akory ny olona izay mahatonga ny eritreritra fa efa voaomana iny toe-draharaha iny fa tsy kisendrasendram-pihetsiky ny mpitokona. Nitantara ny tahony i Avylavitra raha nisy miaramila iray nanambana basy azy sy nitaky ny fakantsariny. Jaona avy any Fianarantsoa nitantara fa notondroina ampahibemaso ho mpanakorontam-bahoaka any an-toerana ny bolongany ka tokony akatona. Maro ny mpamaham-bolongana/mpisioka (twitterers) nizara tantara mitovitovy amin'izany nandritra ny fotoan-tsarotry ny krizy.

Thierry Andriamirado indray nanazava ny anjara asan'ny tambajotran- tserasera ifampizarana mihamahazo vahana rehefa hifanakalo vaovao momba ny krizy. Thierry no voalohany nitantara mivantana an-tsioka (tweet) ny fotoana nampivarahontsana voalohany indrindra tamin'ny krizy, “Alatsinainy Maizina,” ary nanazavany fa tery izy hitantara eo no ho eo ny toe-draharaha hitany.

Nanitrikitrika avy eo ny minisitry ny kolontsaina sy ny serasera teo aloha Tsilavina Ralaindimby fa asa mahamendrika ny olompirenena ny fijoroana vavolombelona sy ny fikirizana hitantara tahaka izao ka mendrika ny arovana eo amin'ny seha-panjakana.

Barijaona Ramaholimiaso indray nandresy lahatra fa mitaky ny hanehoana ny tena anarany ny etika maha-mpamaham-bolongana azy nefa navoitrany fa misy ihany koa ny karazana endrika faneriterena hafa eto Madagasikara, ny fanerena ara-tsosialy izay mahatonga ny olona tsy ho afaka milaza araka izay tena ao an-tsainy.

Christie Turner sy Affick Gassard indray namahavaha ny ho fampiroboroboana ny “radio communautaire” eto Madagasikara. Nisy ny toerana ambanivohitra vitsivitsy naharaka tsara ny toe-draharaha noho ny serasera sy antso am-pinday ho an'ny tontolo ambanivohitra.

Claire Ulrich indray nitatitra feno ny momba ny sivana an-tserasera manerantany ka nakany ho ohatra ny any Iran sy Shina ka nanasongadinany ny mahavaindohan-draharaha ny fiarovana ny ain'ny mpanao gazety sy mpamaham-bolongana. Nampitandremany ny mpanatrika hahay hijery tsara hatramin'ny andinin-dalàna bitika indrindra amin'ny lalàna mifehy ny fampitam-baovao an-tserasera hampiharina eto Madagasikara. Navoitrany ihany koa fa tokony hotsarovan'ny roa tonta (mahazatra sy vao haingana) mandrakariva ireo mpanao gazety maty nandritra ny krizy toa an' i Ando sy ny hafa.

Farany, nanazava ny sehatra Ushahidi-n'i Foko i Harinjaka sy i Arinaina ary i Tahina ary nanazava ny nahatonga azy ho nampiasana azy, ny fampiasana SMS-n'ny finday iray hitateram-baovao, sy ho azo ampiasaina ihany koa ho raha sanatria misy ny voina fa azo itaterana voka-pifidianana ihany koa.

Fa manana ny anjara toerany ihany koa ny mpanao gazety. Randy Donny, mpanao gazety sady mpiaro ny fanaovan-gazetin'olo-tsotra no nandresy lahatra fa tsy misy fahasamihafana izany eo amin'ny roa tonta eto Madagasikara. Tamin'ny zavatra rehetra nambarany dia nolazainy fa ny olo-tsotra no tsara fitatitra vaovao kokoa satria tsy misy ny faneriterena avy amin'ny fitondrana nifandimby.

Ny marimaritra niraisana tany amin'ny faran'ny fihaonana dia hoe tena nisy fiantraikany lehibe tamin'ny habetsaky ny vaovao ny krizy. Nifanaiky ny tao amin'ny tontolon'ny fampitam-baovao fa tokony hiezaka tsara ny rehetra hiadiana amin'ny sivana sy ho afa-mamoaka vaovao tsy misy faneriteren'ny governemanta. Fotoana nanararaotan'ny mpanara-baovaon'ny bolongana samihafa ihany koa ity fotoana ity hihaonany mivantana amin'ny mpitatitra vaovao ho azy. Ohatra amin'izany i Jacqueline, anisan'ny mpanatrika, faly tokoa niara-nitafa tamin'ny mpamaham-bolongana Jentilisa. Hoy izy hoe

:” I read his blog everyday since January. It is just awesome to put a face and a personality on such remarkable people. “

Henoy mandrakariva ary ny toetran'ny fampitam-baovao misy eto Madagasikara.

Indreto tatitra fanampiny momba ny fihaonana:

Ariniana:
Tahina:
Avylavitra
Harinjaka:
sixthman:
sary
Madagascar matin ( an-taratasy ihany)

Nahantona hatramin'ny faha-8 jolay lasa teo ny Fanfou izay shinoa mpifaninana amin'ny Twitter. Hatramin'izao fotoana ny hany nolazain'i Wang Xing mpanangana ny Fanfou dia hoe noho ny antony “fikojakojana” io fa tsy misy resaka fahazoan-dalana hanao tolotra aterineto (ICP). Saingy noho ny fotoana fampiatoana azy nifanjohy tamin'ny rotaka tao Xinjiang sy ny tsy mbola nilazan'i Fanfou.com ampahibemaso tamin'ny mpampiasa azy hoe rahoviana moa no hiverina ny tolotra ataony dia maro no nino fa nahitsy (voasivana ho an'izay efa maharaka na harmonisé amin'ny teny frantsay) noho ny antony politika ny vohikala.

Ny dikan'ny Fanfou（飯否）amin'ny teny shinoa dia hoe : Efa nihinam-bary ve ianao? Izany no fomba fiarahaba shinoa iraisana indrindra manerantany. Ankehitriny moa dia izy no iray amin'ny vohikala be mpampiasa indrindra amin'ny sehatry ny famahanam-bolongana madinika any Shina. Mitovy amin'ny tava ahafantarana ny Twitter ity vohikala nipoitra tamin'ny 2008 ity. Mitovy rahateo ny API (Application programming interface) ampiasainy sy ampiasain'ny Twitter. Ankoatra izany dia matanjaka kokoa noho ny Twitter izy satria afa-mifandray amin'ny finday ao an-toerana sy ny fanaovana karajia shinoa QQ.

Diso fanantenana tanteraka ny mpampiasa ny Fanfou. Manontany i Cynthia :

誰告訴我究竟是怎麼了？前天晚上，忽然飯否全站不能發言，昨天就開始連頁面都打不開，所有工具的不行了，一直到今天都還沒好。…到底在搞什麼啊？唉~，發現了，我已經開始依賴飯否了，忽然沒有了飯否，那個難過啊，那個空虛啊。一大堆廢話沒處說，真的是好難受。

Niandry ny fiverenan'ny tolotra ihany koa i Andro mangatsiatsiaka anaty fahavaratra, saingy manontany tena ny mpamaham-bolongana raha hitohy mandrakizay ny fikojakojana:

那個陪伴我們度過每一段時光的飯否。

現在想想。依然會覺得心痛。

突然之間就這樣消失不見。連句最後得再見。都沒有說。

八號的時候飯否上還顯示著：系統維護。十日恢復。

那時還竊喜。十號正好趕上我們考完試。它的系統也恢復了。多好啊。

沒想到這一維護。是永遠的消失。

Te-hahazo ny anjara- “vary”-ny i Meredith Yan :

我可愛的飯否啊，你什麼時候回來啊？？唉~~

飯被和諧了好多天 說好十号晚上開的 昨天晚上大家都在刷飯否

我連曾哥的演唱都沒好好聽 但是終究沒盼開我的飯

還有很多飯桶都和我一樣在等着吧

想念我的話癆朋友们 連死人一樣被庄主注水的飯否扣扣機器人也不亮了

我 要 開 飯

Nasongadin'i Tumblelogs fa voatery hampakatra ny fahaizany ny haitaony ny maro amin'ny mpiserasera Shinoa mba ahafaha-mihoatra ilay Rindrimbe Aroafo (Great Fire Wall):

總的來看，自從飯否變成廚餘之後，大宗用戶除流向嘀咕、嘰歪之外，Twitter 和 Plurk 也多出了不少簡體字內容，顯見「翻牆」已然成為新一代的中國國技 ^^

Oiwan Lam

Any amin'ny tontolon'ny endri-tsoratra Sirilika (grika sy rosiana) ao amin'ny LiveJournal dia ny isan'ny mpamaky  - “namana” -misoratra ao amin'ny bolongana iray no iray amin'ny fepetra mamaritra ny laza (na “hery”) ananany. Ny mpamaham-bolongana manana “namana” arivo raha vitsy indrindra dia antsoina hoe tysyachniki (avy amin'ny voambolana rosiana hoe tysyacha, “arivo”), ary, miankina amin'ny kalitaon'ny votoatin'ny bolongana kosa indray dia mety ho mahafinaritra io ho an'ny sasany ary mety ho manalasala kosa ho an'ny hafa, satria maro ny fomba azo atao entina manabontsina ny isan'ny  “namana”.

Samy manome filaharana bolongana araka ny lazany tsirairay avy ny LiveJournal.com sy ny Blogs.Yandex.ru ka ao anatin'ny fepetra fandaharana azy ny isan'ny rohy miampita mankany amin'ilay bolongana na ny fakana azy ho loharanom-baovao sy ny isan'ny hevitra mivoaka amina lahatsoratra ao amin'ilay bolongana na ny isan'ny “namana” tsotra izao. Samihafa ny vokatry ny filaharana rehefa avy eo : LJ drugoi, ohatra, no mitana ny lohalaharna eo amin'ny roa tonta, saingy raha manome isan'ny mpamandrika miisa 32 682 azy ny LiveJournal ascribes dia manome lisitra azy 31 834 kosa ny Yandex. Ny mpampiasa LJ e_grishkovets (mpanoratra Rosiana Evgeny Grishkovets) dia mahazo filaharana fahatelo ao amin'ny LiveJournal ranking, nefa kosa filaharana faha-12 ao amin'ny Yandex, raha jerenao ny isan'ny mpamaky; nefa, raha jerenao kosa indray ny filaharan'ny “heriny” dia any amin'ny laharana faha-106 no ahitana ny mpampiasa LJ e_grishkovets.

Eo ihany ny fahasarotana araka ny habetsahany, fa samy manana ny andraisany azy ho malaza ihany koa ny tsirairay, na any amin'ny famahanam-bolongana na amin'ny fiainana andavanandro tsotra. Eto ambany eto misy hatsikana (mety tsy mampihomehy antsika mihitsy) fohy (RUS) raha ny famaritana ny atao hoe mpamaham-bolongana “malaza” no resahina, navoakan'ny mpampiasa LJ burtin - izay manana namana miisa 815, saingy noho ny antony maro dia tsy voalahatra mihitsy ao amin'ny filaharana notantaraina etsy ambony:

- Mpamaham-bolongana malaza, hono, ianao? - hoy ny namako  [mpampiasa ny LJ] dochka_rosy.
- Ye, izany mihitsy aho, - hoy aho namaly niraondraona hafaliana.
- Anontanio azy ary [mpamaky/”namana”] sao mba misy mivarotra[Beskid] ski ry zareo[”Fitaovana mavesatra fitondran'ny mpizahatany Rosiana an-tendrombohitra namboarina tany Mukacheve,” Okraina]?

Izay ihany no nahatongavako eto, hanontany izay.

Tetika fiaraha-miasa ampiasaina ny gazety ara-tsosialy amin’ny alalan’ny haino an-tsofinan’ny horonantsary YouTube ilay mozika Orkestra YouTube, izany dia sivanin’ny mpitsara ireo mpilalao mozika sy ny mpikirakira hafan’ny YouTube. Ao anatin’ny mozika orkestra natao ho an’ity tetik’asa ity dia vao haingana no notsiponina ireo mandray anjara izay hilalao sombim-peo noforonin’I Tan Dun, mpamorom-peo Sinoa, ary namorona ny feon-kiran’ny horonantsary toy Crouching Tiger, Hidden Dragon sy Hero (ilay tigra mandady, ilay Dragona miafina sy Ilay Mahery fo), mbola izy ihany koa no loharanon’ny kanto-mozika Anterineto N*1 “Eroica” mba ho lalaovin’ny mpitendry mozika miisa 90 avy amin’ny firenena isankarazany, ireo matihanina sy zandriny, any Carnegie Hall ao New York.
Notsongaina ireto mpitendry feo Meksikana handray anjara amin’ny orkestra iraisam-pirenena araka ny voalazan’ny bolongan’I Vivir Mexico [es]. Mpitendry lokanga antsoina hoe Manuel Zogbi ny iray amin’izy ireo avy any an-drenivohitra avaratry Saltillo. Araka ny feon’ny boky mpiseho isan’andro (magazine) antsoina hoe El Manana [es], dia ny iray amin’ny nofinofiny amin’ny mahampitendry mozika azy ny hilalao ao anatin’ny Carnegie Hall:

Entina hankalazana ny fifidianana azy dia handray anjara amin’ny konseritra (concert) ao Monterry, ilay renivohitra onenany ankehitriny I Zogbi.

Kely dia kely ihany ny fantatra momba ilay mpitendry mozika anankiray hafa. Intisamente no anarana entiny amin’ny YouTube, ary araka ny feon’ny boky mpiseho isan’andro El Manana, dia avy any Veracruz hono izy.

Kanefa aloha, tsy sakana velively ho an’ny mpikirakira Meksikana hifandray sy hiarahaba azy amin’ny alalan’ny YouTube ny tsy fisian’ny fomba amantarana mikasika ny mpitendry lokanga. Mitsikera ao anatin’ny fantsona misy azy [es] ny mpikirakira SAME860331:

Miaraka ireo Meksikana, dia ao koa ny mpitendry mozika avy any Brezil sy ny anankiray avy any Kolombia handray anjara ao amin’ny Mozika Orkestra youTube..

Raha vao nikatona ny fifidiana nananerana ny Bolivia izay nentina nanaovana fitsampan-kevi-bahoaka ho fanovana ny lalampanorenana , betsaka tamin’ireo firenena isankarazany izay mpampiasa ny twitter no niasa mafy nandefa ny hafatr’izy ireo momba ny traikefa hananan’izy ireo avy amin’ny toerana misy azy ireo.Araka ny fandaminana mba ahafahana mametraka eo ampivoany ny vaovao avy amin’izy ireo dia mampiasa ny famantarana #referendum.

Maro ireo nitantara anaty twitter rehefa niverina avy amin’ny toeram-pifidianana nisy azy avy izy ireo ary nitatitra ny fizotran’ny asa teny. Soratan’i Rolando Espinoza (@darkho) ny momba ny vondrona tanora mpanohitraany ao Cochabamba, izay anisan’ny tonga teny amin’ny sekoly nandehanany nifidy:

Mantanoratra I InLa Paz, Eliana Quiroz (@e_liana) hoe firy izao ireo nandany ny tontolo androny taorian’ny fanatanterahany ny andraikitra amin’ny maha-olom-pirenena azy

Nalefany an-tsary toa amin’ny Twitpic ny fanondrony misy ranomaintsy izay milaza fa avy nanatanteraka ny adidy amin’ny fifidianana izy.

Mahatsiaro tena hoe lavitry ny fonenany ny mpifidy sasany. Mifanipaka be ihany ny misy an’I Mario César Señoranis (@mariocesar_bo) avy any Santa Cruz sy ny misy ny renivohitra La Paz, ary miezaka ny mitady hevitra izy raha toa ka afaka mifidy;

Namorona kaonty manokana Twitter antsoina hoe @referendum_bo ny tranok’ala Al Minuto [es] mba entina hizarana zotra-pifandraisana (lien) ho an’ny vaovao izay manokatra ankariary ny toe-javatra, nametraka ihany koa ny varavarankely ifaneraserana entina ivohizana ny resadresaka mivantana anterineto sy ny fampielezana indray ny kirioka sasany (tweets).