Eo anivon’ny ady hevitra no misy fifanazavana hoe tokony hitohy ve ny fombafomba litorjika tarihin’ny pretra Indianina ao amin’ny Tempoly lehibe sa tokony handray an-tanana amin'izay ny pretra Nepale.

Tempoly Pashupatinath. Nalain'ny mpampiasa Flickr wonker, ampiasain'ny Creative Commons license
Milazalaza amintsika ny tantara navelan'ny ny pretra (mpisorona) Indiana ao amin'ny Pashupatinath sy ny anjara asan'ny Fanjakam-panjaka Nepale i India-Server :

Ho fialana amin'ny fombafomba naharitra 300 taona dia hotarihin’ny Pretra Nepale ny fombafombam-pivavahana amin'ny Ivavahana fa tsy hotarihin'ireo pretra mpifanolobodirindrina indianina. Hatramin’ny taona 1747 no nanomezan'ny Mpanjaka andraikitra ireo pretra indianina tatsimo, izay fantatra amin’ny maha ortodoksa (tsy fivilian-dalany) azy sy tamin’ny fahaizany ihany koa ny fombafomba Hindu.

Teo aloha no Mpiahy ny fampandrosoana finoana an-tempoly ny mpanjaka ka ny mpanjakavavy kosa no sefony. Kanefa, rehefa tsy nahomby tamin'ny fitazonana ny fahefana feno sy ny vokatry ny hetsika miraika amin’ny demokrasia ny mpanjaka Gyanendra dia niorina ny governemanta vaovao tarihan’ny mpitarika Maoista tao Nepal.”

Ho fanapahana ny fomba nentin-drazana dia efa voatendry izao ny mpisorona Nepale. Saingy tsy ny rehetra no faly amin'izany. Mipoaka etsy sy eroa ny fanoherana ny fanapahan-kevitra.

Asehon'i Singapore Star ny sarin'ny tsy fahafaliana mitranga any an-drenivohitra New Delhi:

Maro ireo mihetsiketsika manoloana ny masoivohon'i Nepal tamin'ny alahady ho fanoherana ny mpisorona Indiana ao amin'ny tempoly malazan'i Pashupatinath.

Nanangana teny filamatra hanoherana ny praiministra Nepale Pushpa Kamal Dahal Prachanda ireo mpanohitra efa mafana fo. Nodoran’izy ireo ihany koa ny sarin'i Prachanda. Ampangain'ny mpanao fihetsiketsehana ho manome fanafintohinana ny Hindu tamin’ny nanendrena pretra Nepale ao an-toerana ireto ho tonga pretran’ny tempoly fahagola ny fitondrana Nepale.

Voaramaso amin'ny antsipiriany ihany koa anjara toeran'ny mpitondra Maoista tamin'ny fanapahan-kevitra hanolo ireo pretra indianina.

Lazain'ny “ United We Blog” anefa fa mihoam-pampana ny filazana ny ny tanjon’ny Maoista sy ny adihevitra momba ny zom-pirenenan’ny pretra :

“Nametraka pretra Nepale ho solon’ireo indianina tao amin’ny tempoly lehiben’ny Nepal ireo Maoista mpitondra governemanta tamin’ny baiko mivantana nomen’ny piraiministra. Nanohitra ny fanesorana ny sasany ary samy manana ny tombotsoany manokana avy amin'izany. Tsy misy tokony ilana ny tomany akory manoloana ny fanendrena. Raha ny marina dia hetaheta efa ela ny fanatsoahana ireo pretra indianina sy ny fanendrena Nepale. Efa nolotoin'ny pretra indianina tanteraka aza ny tempoly sady nisy tosika ay tamin'ny fitondram-panjaka izany. Mila miova izany rehetra izany ho fanatsarana ny Tempoly.’’

Efa eny amin'ny Fitsarana an-Tampony Nepale moa ankehitriny ny raharaha

Nilaza ny Antoko mpampandroso ny finoana ao amin'ny Pashupatinath izay mitantana ny andro alahady fa mbola nisy indray ny fanendrena pretra vaovao nepale anankiroa hanampy ireo pretra tranainy Nepale. Ny fanendrena dia nitranga tamin’ny andro izay nandraisan’ny vondrona sy Kiranti (Gopal Kiranti dia Minisitry ny kolotsaina sy ny fanajariana Maoista) ny baiko avy amin’ny fitsarana faratampony Nepale izay miteny azy ireo hampiato ny fanendrena pretra sy hanomezan’izy ireo alalana ny pretra teo aloha hanohy ny asany mandra-pivaha ny olana.”

Miditra an-tsehatra amin'ny alalan'ny gazety kosa ny Maoista amin'izao fotoana izao.

“Manome toky ny mpitondra ambony Indianina ny praiministra Prachanda fa hanaiky ny didim-panjakana havoakan’ny fitsarana faratampon’ny firenena ny mpitondra fanjakana Maoista ary hanome alalana “hanatanteraka ny andraikitra” ao amin’ny Tempoly Pashupatinath ho azy ireo.”

Bhumika Ghimire

Ny mpitoraka blaogy avy any  Guyana dia nanao “meme” amin'ny hoe “Tsy Krisimasy ny Krisimasy rehefa tsy misy …” Ho an'ny Signifyin' Guyana, izay nanomboka an'ilay “meme”, dia hoe “ny nofon-kenan-kisoa nataon'i dadanay” sy “filalaovana lalao iraisana miaraka amin'ny fianakaviako rehefa avy nihinana sy ny sisa.” Guyana 911 dia maneho ny heviny (indraindray amin'ny fomba mandranitra) amin'ity lisitra manaraka ity:

- Fanadiovan-trano mandritry ny Noely
Oay le.. Fa nisy inona tato amin'ity trano ity? Hifindra trano angaha ianareo?

- Pepper Pot.
Ny fotoana, sy ny fankalazana ny tsingerin-taona nahaterahan'i Jesosy dia mandeha alohan'ny pepper pot. Tsy miodina intsony ve ny tany raha tsy manao pepper pot ianareo?

- Mofomamy misy voankazo maina.

- Hazo noely.
Tapaho daholo ireo, fa aza anaovana karatra firarian-tsoa ho an'ny Noely. Tsia… Aleo hanaovana fanaka. Hevitra mitondra fiovana tanteraka izany izao. Fanaka… zavatra izay azon'ny olon-drehetra ampiasaina amin'izao fotoana izao.

- Dokambarotry ny marika Singer.

- Fandokoana trano sy izay zavatra hafa azo lokoina.

- Fandefasam-bola.

Raptus8 dia mieritreritra fa ny fanolorana fanomezana dia tsy afa-misaraka amin'ny Noely (raha ohatra ka izy no hotolorana ilay fanomezana):

Efa miresaka fanomezana ihany isika dia te-hiteny amin'ny namako sy ny fianankaviako aho, fantatrareo fa tiako be ianareo fa amin'ity taona ity dia aza manantena afa-tsy karatra firarian-tsoa ho an'ny Noely avy amiko azafady.

Tsy manam-bola aho; eny tsy misy saosy mihitsy aho… inona? Nahazo fisondrotana moa izaho tamin'ny farany teo? Ie nefa tsy manan-karena aho ary te-hanan-karena, noho izany dia tehiriziko ny volako. Manantena aho fa azonareo ny toerana misy ahy ary koa tsy hahasakana anareo hividy an'ilay zavatra manokana efa fantatrareo izay misy ny anarako eo amboniny…

Any Jamaika, Iriegal dia miteny fa na dia midika hoe miaraka amin'ny fianakaviana aza ny Krismasy, ny fahasahiranana ara-bola eran-tany dia misy fiantraikany eo amin'ny fandefasam-bola sy ny fanomezana alefan'ny diaspora ho aty Jamaika:

Fantatsika fa fotoanan'ny Krismasy any Jamaika rehefa manomboka mihodina ny barika.

somary “nasira” kely ny toe-javatra tamin'ity taona ity. Nataon'ny toe-karena ho tsy dia fahita intsony ny ankabeazan'ny entana ary ny saram-pandefasan-javatra dia tsy mitsahatra ny misondrotra. Ankehitriny dia “karatra firarian-tsoa” no alefan'ny olona..

Izy koa dia manamarika fa ity fihisaran'ny toe-karena ity dia mampiova ny fahatsapana an'ity Noely ity:

Ny Krisimasy dia tsy Krisimasy rehefa tsy misy deh white dem. (Toaka fotsy Jamaikana). Ampiasainay anaovana “sorrel” io, Mofomamy amin'ny Noely, “Pudding” amin'ny Noely sy ny sisa. Noho izany maninona ny tompon'ny Wray and Nephew no nandroaka ny mpiasa alohan'ny Krisimasy? Tsy mandrora mitsilany ve izany?

Ny fahatapahana dia miparitaka eran'ny nosy, ohatran'ny any amin'ny toeran-kafa eran-tany. Ny fihisaran'ny toe-karena izay manjo ny USA dia eran-tany. Toa mikororosy daholo ny zava-drehetra. Ny mampalahelo dia hoe ireo nosy kely no tena mahita faisana bebe kokoa amin'izany . Raha tsy manao n'inon'inona ianao, tsy mahazo n'inon'inona ary ny vahoaka dia miezaka manala an'io “n'inon'inona” io lavitra anao, mahatohina izany.

Aleon'ny Abeng News Magazine mamerina an-tsaina ny lasa, mijery ny Krisimasy tamin'ny “Jamaika fahiny” ato sy ato.

Ny The Devil Island.com-n'ny Bermudes dia nahafantatra ny hoe Krisimasy izay rehefa nihira ny Feliz Navidad i Jose Feliciano, ary miteny hoe:

Miniana aho, fa tsisy hira krisimasy tsara indrindra sy mampifalifaly toy iny.

Ny mpitoraka blaogy avy any Trinidad This Beach Called Life dia manamafy, ary miantso azy ho “hira Krisimasy tsara indrindra amin'izay rehetra misy” ary dia nandefa horonan-tsarin'i Feliciano mihira ny hira nahafantarana azy. Manazava izy:

Jose Feliciano dia mpitendry gitara tafita ary mihira amin'ny “style” sy feo miavaka. Lasa hira Noely “classique” i Feliz Navidad ary ankehitriny dia tsy azo sarahina amin'ny fotoanan'ny Krisimasy izy. Feliz Navidad dia iray amin'ireo hira Krisimasy 25 hiraina sy raketina  be indrindra eran-tany.

Na izany aza, mpitoraka blaogy avy any Trinidad sy Tobago Coffeewallah dia mahita hoe sarotra ny manakatra ny fanahin'ity vanim-potoana ity:

Matetika aho no maheno olona miresaka momba ny finoana ‘Kristianina'. Mampiomehy ahy foana fa ireny milaza ho mpino Kristianina ireny indrindra no tena manome lamosina rehefa misy fanentanana amin'ny fanangonana “kapoaka” na hafa. Ireny olona ireny ihany izay tonga manentana anao foana foana, mba handray anjara amin'ny “loterie”-n-janany na tsy haiko hoe inona koa, rehefa anontaniana ry zareo, ny valinteny mazàna dia hoe, Efa nanome tamin-javatra hafa aho roa volana lasa izay. Tsy maintsy mahatadidy an'ity iray ity aho amin'ny manaraka. Tonga hatraty ny fitondran-tena Grinch.

Nefa ny fototry ny Krisimasin'i Trinidad sy Tobago dia ao anatin'n'ny toe-po tsara sy mendrika:

Namelana ny pointsettias, ny raviny menamena sy matsilo dia manome famirapiratana ny toerana izay maizina amin'ny ankapobeny. Na dia nanorana aza ny andro, nafana ny tany anatinay, niaraka tamin'ny ponche de creme nanafana anay, sy  hira Krisimasy vitsivitsy hiraina… dia manja foana ihany.

Efa miresaka ny fototry ny Krisimasy ihany, Simply Trini Cooking dia manome voninahitra an'ilay desera malaza avy any Inde andrefana, Black Cake, ary nanome ny “zavatra rehetra ilaina” sao misy te-hanandrana hanao.

Barbados Underground dia mandefa fampatsiahivana momba ny anton'ny fety ary maneho ny fanahiany amin'ny fivoizana ny resaka varotra mandritry ny fialan-tsasatra:

Ny Krisimasy 2008 dia hankalazaina ao anatin'ny tontolo maloky ny toe-karena nefa ho an'ny Barbadianina dia toa ny fitondran-tenany tamin'ny taona lasa ihany no arahany…izay mahita fa ny ankabeazan'ny mponina dia marisika ny hankalaza ny Noely noho ny antony ara-barotra.

Mahita akony koa izay fanahian'i BU izay ao amin'ny Dominica Weekly, izay mieritreritra momba ny tena dikan'ny Noely ary lasa lavitra amin'ny fanontanian-tena ny amin'ny mety ho eritreretin'Andriamanitra momba ny fankalazan'ny andro maoderina.

Ny fankalazana ny Noely any amin'ny Karaiba frantsay, amin'ny lafiny iray, dia toa tafalatsaka ao amin'ny fomban-drazana. Efa manakaiky haingana ny 25 Desambra, ny departemanta frantsain'ny Outre Mer ao Guadeloupe, Martinique sy Guyane dia ampangovirin'ny feon'ny zava-maneno nentin-drazana toy ny ka (amponga lehibe)[Fr] sy ti-bwa (vatam-bararata be roa)[Fr] sy ny hira Krisimasy. Tongasoa eto amin'ny tontolon'ny “Chanté Nwel” (hira ho an'ny Krisimasy)!

Ao amin'ny blaogy Sous le Soleil de Guadeloupe [Fr], Pat sy Jac dia manoritsoritra ny toerana saro-takarina misy ny nosy, izay sondriana amin'ny Noely nefa koa ao anatin'ny krizin'ny solika. [En].

Na eo aza izany rehetra izany, misy zavatra iray izay maharitra ao amin'ny fankalazana amina'ny fomba nentin-drazana ny Noely any Guadeloupe ary izy io dia ny “Chanté Nwel”. Teny Creole [En] entina milaza ny “Fihirana ho an'ny Krismasy” na “Mihira Krismasy (hira)”, io no mariky ny Noely any amin'ireo faritra frantsay ireo. “Chanté Nwel” dia fanararaotan'ny fianakaviana manontolo mba hitsidihana ny mpiray vodirindrina sy mihira hira Krisimasy miaraka aminy amin'ny feon'ny “ka” sy ny “ti-bwa”. Tamin'izany fotoana izany, mbola am-pilaminana no andehanan'ny olona miala lavitra ny  tanàny amin'ny alina.

Na dia tsy toy ny taloha intsony aza ny fankalazàna ny Chanté Nwel, mbola mahatsapa ny filàna mihira miaraka ny hiran'ny Krisimasy ihany ny mponina ary amin'ny fomba tena vokatry ny tany. Tsy nankalaza ny Krismasy ianao raha tsy tany amin'ny “Chanté Nwel”! Toa ohatran'ny fomban-drazana tena manaitra izy ity hany ka na ny diaspora avy any Inde andrefana aza te-hankalaza azy. Ao amin'ny blaoginy Risbomontréal [Fr], mpianatra izay eny amin'ny anjerimanontolo any Guadeloupe no manoritsoritra ny hafaliany nahazo fanasana ho hanatrika  “Chanté Nwel”:

Quelle bonne nouvelle que j'ai eu ce matin en ouvrant mon p'tit mac ! La news lettre de ces types super cool de Tropikal97 où ils invitent à participer à une super soirée diner/Chanté Noël + Boite de nuit à l'antillaise et tout ^^ !!!

Toa miparitaka any amin'ny toerana rehetra misy Indiana Tandrefana frantsay ny tazon'ny Chanté Nwel : porofon'izany ity fanasana ho an'ny Chanté Nwel ity tany Cergy, faritra ambanivohitry Paris, navoakana andiana Indiana tandrefana ao amin'ny blaogy Carrefour du Soleil [Fr]. Na henoy Cactus, tarika mpihira vakodrazana avy any Guadeloupe izay mampahafantatra ny Chanté Nwel ao amina blaogy antsoina hoe Cactus Chanté Nwel [Fr]. Ahitana horonan-tsarin‘ny Cactus mihira hira Krisimasy koa ao, amin'ny teny créole (kiriolona) .

Tsy afaka mankany amin'ny Caraibe amin'ity Noely ity? Aza matahotra - Ny hafanan'ny Indiana Tandrefana dia tsy voasakan'ny elanelan-tany noho ny feon'ny mpitoraka blaogy izay nizara ny tantaran'ny Krismasiny tany Cuba, St. Vincent sy ny Grenadines, ny nosin'i Cayman , ary Puerto Rico. Sasany amin'ireo “afatra ireo dia manana fijery miabo kokoa noho ny hafa, misy fihetseham-po azo tsapain-tanana tamin'ity vanim-potoana: ny Fanantenana.

Raha araka an'i Womanish Words mpitoraka blaogy iray avy any Bahama dia :

Tampoka teo, antoko mpihira. Mihira ny Deck the Halls ry . Hita avy eo ambadikin'ny haizin'ny varavaran-kelin'ny efitrano fandraisam-bahiny. Mahafinaritra ny hirany.

Mety ho tiako ny naheno mpihira “cantique” na iza izy na izy, na dia ny  mikiakiaka, noraisiko am-pifaliana izy amin'izao andro sarotra izao. Na inona na inona vondron'olona misokatra, tia mamorona, mahay miara-miasa sy mifandray,  manana fanahy ampy hifanohana sy hifameno ary hihira ny Noely ho an'ny hafa fiaviana, tsy maintsy tiako ry zareo ireny.  Indrindra indrindra ankehitriny, rehefa kely ny vola, ary ny “fondamentalisme” dia mampisarantsaraka ny fiarahamonina noho ny fankahalana, ary mailo amin'ny herisetra daholo ny rehetra. Nanokatra varavarana izahay, nampirehitra jiro, ary nanome fanomezana. Nanao satroka dadabe Noely daholo izy rehetra. Toa mpihira avy tao anatin'ny bokin'i Dickens . Rindram-poe kanto, beso manaka-danitra. Nanontany ny zanakay, “Mihira hoantsika ve ry zareo?” Ie, mihira ho antsika ry zareo.

Tamiko iny fotoana iny dia toy ny tsy roa aman-tany , marika iray sy vetso iray, hafatra avy any amin'ny tontolon'ny Fanahy. Raha tsorina ny resaka, ‘ndeha àry haingoy ny tranonareo, miezaha mba ho faly, mankalazà, manoméza. Ataovy izany mba hanoherana ny tahotra, mba hanovàna izany fiainan-tsambatra .

Ny sary rehetra  janinephoto; dia nahazoana alalana avokoa.

Fanampin'izany dia misy fikambanana mpamaham-bolongana Islamista antsoina hoe Paygahe Blogeraye Arzeshi [Fa] (midika hoe fototry ny soatoavina mpamaham-bolongana mirona) nahangona rohy 500 amin'ny lahatsoratra miompana amin'izany. Iranian FarsNews [Fa], vohikala mpandala ny nentin-drazana sady ofisialy ihany amin'ny ampahany, no mitsikera ny mpamaham-bolongana Islamista noho ny fahanginany manoloana ny olana mianjady amin'ny olona any amin'ny tehezan-tanin'i Gaza.

Gaza Google bomb no miteny:

You, oppressed people of Gaza know that we Muslims of Iran and all over the world haven't forgotten you and will not cease until complete breaking of the surrounding of your city. In the path along freedom of Gaza and our common value which is the freedom of Palestine, we will not cease and will go on.

Muslim Bloggers Association [Fa] indray namoaka fanambarana mikasika ny krizy mihatra any Gaza:

این روز ها که در سایه سکوت مجامع جهانی و مدعیان حقوق بشر، غزه به عیان ترین مصداق نقض حقوق اولیه انسانی تبدیل گشته است… اخبار کشته شدن مردمانش بوسیله دشمن صهیونیستی به خبر عادی تلکس های خبری مبدل گردیده

Yadshthyeh Tanhayi [Fa] (izay midika hoe Naoty Manirery) manoratra fa:

اینبار هم مینویسم برای تو و کودکان داغدارت برای تو و مردان و زنان رنج دیده ات کمی صبور باش ، آری صبور باش غزه به خدا سوگند آفتاب مهر و عدالت طلوع خواهد کرد. دلم می سوزد برای تو و مردمانت برای مظلومیت بیت المقدست

Hamid Tehrani

Nirotsaka ihany tamin'ity herinandro ity ny oram-batravatran'ny ririnina taorian'ny fiandrasana azy am-bolana maro lasa izay ka nahatonga an'i Isiraely hisento.

Yaakov Kirschen, mpanoratra sy mpandravaka antsary ao amin'ny The Dry Bones Blog, no nandray penina:

“Nandray fiarakaretsaka aho omaly, feno eritreritra momba ny fampihorohoroana tany Mumbai (Bombay), ny tifitra balafomanga avy any Gaza, ny heloka iraisana tsikombakomba, ny fifidianana ho avy, [ny Praiminisitra Ehud] Olmert, ary ny fitotongan'ny toekarena manerantany aho no nanontany ny mpanamory “Ahoana ny eritreritrao amin'izao toe-draharaha izao?”

Hoy izy “Mbola tsy mety avy ny orana. Efa voalohan'ny volana Desambra izao nefa tsy mbola avy ny orana!”

Azoko avy hatrany nytiany lazaina. Efa leo miresaka amin'ny toe-draharaha ankehitriny izy.”

Porofon'ny filazana fa sarotra vao miova ny toe-draharaha aty Azia Andrefana, efa namoaka izao “Tsy   Tontan'ny Ela” izao i Kirschen 20 taona lasa izay.

[Raha tsy misy ny intifada, ny mpanao politika baombina, ny niharam-boinan'ny horohorontany, Koor sy ny fiakaran'ny tahan'ny tsy fananan'asa, dia inona moa izany no resahintsika? Ny tsy fahampian'ny orana… resa-kabary ilay teo ka]

Tao amin'ny lahatsoratra mitondra ny lohateny hoe “Anjara Mifaningotra,” no nanoratan'i Lirun ao amin'ny  East Med Sea Peace hoe:

“Maina ankehitriny ny andro eto Isiraely sy Palestina.. Efa nandalo ririnina roa maina dia maina isika ary managasanga eto amin'ny faritra koa ny fahamainana fahatelo.. mianjady amin'ny rehetra izany.. tratran'ny tsy fahampiana avokoa ny olon-drehetra.”

Nahamarika i Lirun fa nahatonga ny olona hivondrom-bavaka hiavian'ny orana ny tsy fisian'ny orana, ary dia nasongadiny tamin'ny lahatsary iray izany fihaonana izany.

Etsy andanin'izany, Nicky Blackburn ao amin'ny Israelity no mampahatsiahy ny fihodinana am-bisikileta ny farihin'i Kinneret (na Ranomasin'i Galilia) ka nahatonga azy hahatsikaritra fa ambany loatra mampanahy ny haavon'ny rano. Ny Kinneret manko no rano fisotron'Isiraely lehibe indrindra. Hoy Blackburn :

“Fa lasa aiza ny rano? Ary tsy mahita mariky ny fihavian'ny ririnina manorana mihitsy isika. Fa  mitovy amin'ny any amin'ny tanihay (dezera) aza ny toetr'andro eto Isiraely amin'izao fotoana izao… Ka izany no mahatonga an'i Rabbi Shlomo Didi avy any amin'ny lemaky Jordana, Ian Clark - pretran'ny fiangonana Ekôsey, ary Muhammad Dahamshe, Imam avy ao Kfar Kana, nivory mba hampahalefaka ny toe-draharaha tamin'ny alalan'ny vavaka miara-dalana.”

Nanatsonga ny tenin'i Shimon Kipnis, talen'ny trano fandraisam-bahiny iray ao an-toerana , nilaza izao i Blackburn :

“Hitantsika fa efa mahatratra ny fetran'ny tsipika mainty (henjana noho ny tsipika mena ve?)  ny haavon'ny rano. Ny tanjon'ity hetsika ity dia ny hampiray ny fivavahana rehetra ary ny hanao vavaka iraisana amin'ny Nahary Izao Tontolo Izao, hitahy antsika hisian'ny fotoanan'ny orana.”

“Nisy… orana ihany!” hoy ny hiakan'i Israeli Mom omaly.

“Tamin'ity maraina ity, tena finaritra ny tena mahita ny rahona matroka tanteraka nameno ny lanitra. Tsy dia mamirifiry loatra, fa mangatsika mahafinaritra, ary toa miemboky ny fofon'orana madinika avokoa ny rehetra. Erika ihany ilay izy, ary dia nampiditra kiraro aho hihazakazaka hitsinjaky ny hafalian'ny loko sy ny voninkazo mandritra ny atsasak'adiny, eny fa na dia ny tany mena ambadiky ny arabe aza. Mahafinaritra.”

Tsy misy zavatra mampiray sy mampahatsiahy antsika ny mahaolombelona antsika ankoatra ny Reny Natiora. Mahatsiaro feno fankalazana isika noho ny fitahian'ny fisian'ny orana amin'izao tany maina izao.

Maya Norton

Eo ampanamarihana ny Eid Al Adha, amin'izao fotoana izao ny Miozolomana manerantany, fetim-pivavahana izay manamarika ny faneken'i Abrahama hanao sorona ny zanany (naotin'ny mpandika teny malagasy: Ismaela io ho an'ny Silamo fa Isàka kosa ho an'ny Jiosy sy ny Kristiana) sy ny famaranana ny fivahiniana masina atao any Lameka ( Hajj) . Miray saina kosa mandritra izany ny mpamaham-bolongana fa tsy ao amin'izany mihitsy ny fo amam-panahiny.

Irakiana Layla Anwar miteny fa tsy hitany mihitsy izay antony hifalifaliana. Hoy ny sorany:

You know something, I have stopped celebrating holidays, special occasions and the rest…
What I mean is that my festivities are kept to a strict minimum.
I don't do anything for the Eid, neither for Christmas. However, my family keeps the Eid tradition alive and I comply.

Mivoaka sy miverivezy manodidina ary manome ny vaovao farany momba ny Eid any Baghdad i Baghdad Dentist , ary dia manoratra momba ny fifamangian'ny fianakaviana sy ny fanatrehana mariazy, izay voaelingelina noho ny fisian'ny ady manodidina. Nampiany ary:

.at about 6p.m. i went to the wedding party of our neighbour. it was a nice one.every one was dancing and laughing. i saw many boys and girls who grew up. my sister's family stayed,the next day we went to manny neighborhoods in baghdad just hanging over. at night we went to Al-Rubei'y street. i like it because the shops are great and its the only one without concrete barriers on pavements and the people their are more motivated than other where you find trush,concrete barriers,just like chaos!!.there were horrible traffic jams everywhere bcoz of the checkpoints.

Mpamaham-bolongana hafa Faiza Al Arji no miresaka ny dika ara-panahin'ny Eid. Hoy izy:

Iraqi Signor, izay miaina any Londres, kosa dia sahirana mitady fifaliana amin'ny fotoam-pankalazana. Miresaka amintsika ny niainany nandritra ny Eid fahazaza izy nanao hoe:

This was how I celebrated Eid more than a decade ago. Today, as hard as I try and as desperately as I search, I cannot find much happiness in such communal festivities. People always asked me why I never look happy whenever there's something to celebrate; my robotic response is something along the lines of “Who said I'm not happy? I am, but I'm not going to dance about it, am I?”

Nampiany moa hoe:

Eid is embarrassing; Christmas is cold and birthdays are, well, check the archive. True happiness needs no occasion and we should be forever grateful to be alive and to have one another.

Ho avy faingana ve ny hankalazan'ny Irakiana Eid isan'andro?

Amira Al Hussaini

Maya Norton

Ny mamaham-bolongana Ezypsiana Asmaa Yasser - Dawn - eto no manoratra ny zavatra niainany tao amin'ny famakiam-bokin'i Mubarak ho an'ny daholobe:

Fa arakaraky ny nanombohako namaky ireo boky ireo koa no nananako fahatsapana hafa. Ary izany fahatsapana izany dia iraisana amin'ireo asa ara-kolontsaina izay aobndrana eto amintsika avy any amin'ny tandrefana sady eo ambany fanaraha-masony rahateo.
…
Manana haja sy fahendrena tokoa ireo boky ireo, saingy izy rehetra ireo dia tsy mifanaraka amin'ny fomba fisainana silamo. Tsy nahitako na dia iray aza nanandratra ny amin'ny famelan-keloka ohatra ho an'ny finoantsika sy ny lova napetraky ny kolontsaintsika. Normal ihany izany satria tsy Silamo tsinona ny mpanoratra ary izay no tena mahaliana ahy - ary miala tsiny aho amin'ity ahiahy amin'ny fisiana famelezana ambadika ity - fa natao hanasaraka ny haja sy ny fomba fisainantsika amin'ny finoana silamo ananantsika ireo boky ireo.

Tsy dia fantatra loatra hatramin'izao ny manjo ireo takalon'aina nandritra ny fanafihana ny Ivotoerana Jiosy Chabad ao Mumbai. Chabad moa dia iray amin'ireo antokom-pinoana jiosy Ôrthôdôksa Hasidika mipariaka indrindra. Miahy ivotoerana anarivony manerantany izy, manampy ny ivontoerana jiosy, synagoga ary sekoly  - manolotra asam-panabeazana ho an'ny Jiosy manerantany. Malaza tokoa ry zareo ho an'ny Isiraeliana mpandehandeha, izay zatra mandeha any amin'ireny ivotoerana ireny rehefa mamita ny iraka ara-miaramila ataony.

Tsy mandeha noho ny fametrahana rindrambaiko napetrany manokana antsoina hoe Saturday Guard izay  manakana ny mpampiasa azy tsy hahita na inona na inona ao mandritra ny andro Shabata moa  ny vohikala'ny Chabad. Na izany aza dia azo jerena ao amin'ny vohikala fitaratrany ny vaovao farany mikasika izany. Ny vaovao tena farany indrindra re mikasika ireo takalon'aina jiosy dimy voatazona tao moa dia ny fahafatesan'izy ireo:

tamin'ny 06:22 - Niditra tao amin'ny trano mifanila amin'ny trano Chabad ny komandô iray. Mpampihorohoro iray no maty.
tamin'ny 07:01 - Mbola atao fahirano hatramin'izao ny trano Chabad.
tamin'ny 07:17 - Notaterin'ny CNN fa navotsotra avy ao amin'ny trano Chabad ny reny iray miaraka amin'ny zanany izay samy mitomany. Tsy mazava loatra raha ny fianakavian'ny Raby Holtzberg ireo na tsia.
tamin'ny 07:43 - notaterin'ny mpitandro ny filaminana fa dimy raha vitsy indrindra ny mpampihorohoro ao anatin'ny trano Chabad.
tamin'ny 08:05 - Tafatsoaka ny trano Chabad ny mpitondra teniny, ny raby Menahem Brod: vehivavy iray miaraka amin'ny zanany
tamin'ny 08:19 - Mpitaiza zaza ilay vehivavy tafatsoaka avy tao amin'ny trano Chabad niaraka tamin'ny zanaky ny Iraka. Mbola babo ao ry zareo.
tamin'ny 08:24 - Nantsoina hivavaka eny amin'ny rindrin'ny fitomaniana ao Jerosalema ho amin'ny fahaveloman'ny Iraka ny Chabad Hasidika
tamin'ny 08:34 - ny vavolombelona no niteny fa navotsotra ny zanaky ny Iraka sy ilay mpitaiza ny zaza. Fa mbola ao an-trano ihany ry zareo.
tamin'ny  08:36 - Radio Isiraeliana:  nolazain'ilay vehivavy noafahana fa tsy mahatsiaro tena ny Iraka sy ny vadiny.
tamin'ny 08:55 - Radio Isiraeliana: nentina tany amin'ny paositry ny polisy ny zanaky ny Iraka sy ilay mpitaiza. Tsy mbola fantatra kosa ny manjo ny ray aman-dreniny.
tamin'ny 09:03 - ny renin'ny iraka ao amin'ny ynet: “Reko fa velona izy ireo”
tamin'ny 09:23 - Mpitandro ny filaminana Karana: mety ho efa lany bala ireo mpampihorohoro ireo.
tamin'ny 11:23 - vao heno nisy nipoapoaka tao an-trano Chabad tao. Heverina fa manafika ny toerana ny mpitandro ny filaminana.
tamin'ny 12:03 - Hotontosaina amin'ny telo ora tolakandro ny fiaraha-mivavaka ho an'ny takalon'aina eo amin'ny rindrin'ny fitomaniana.
tamin'ny 13:51 - Niangavy hisian'ny vavaka manerana an'Isiraely avy hatrany ny sampan'ny tanora ao amin'ny Chabad.
tamin'ny 14:31 - Mitady ny hisian'ny fifampiraharahana amin'ny fanafahana ny takalon'aina ao amin'ny trano Chabad ny mpampihorohoro.
tamin'ny 17:31 - Minisiteran'ny raharaham-bahiny: mampanahy fatratra ny ain'ireo takalon'aina ao amin'ny trano Chabad.
tamin'ny 19:44 - misy loharanom-baovao ambadika milaza navotsotra ny sasany amin'ireo takalon'aina.
tamin'ny 20:11 - Minisitry ny raharaham-bahiny Isiraeliana: “tsy misy fototra ahafaha-manamarina fa navotsotra ireo isiraeliana. Tsy Manam-baovao firy izahay ka mampanahy izany”
tamin'ny 21:41 - ilay mpitaiza niaraka tami'nny zanaky ny iraka tao amin'ny resadresaka manokana: “mitady ny ray aman-dreniny foana izy”
tamin'ny 23:00 - CNN-IBN: fipoahana miezinezina re avy tao amin'ny trano Chabad tao Mumbai.
tamin'ny 23:51 - nanambara ny minisitry ny raharaham-bahiny Isiraeliana fa na dia teo aza ny fiezahana hifampiresaka dia tsy mbola nisy ny takalon'aina navotsotra tao amin'ny Chabad tao Mumbai. Hanadihady miaraka amin'nympitondro ny filaminana ao Mumbai ny minisitera nyamin'izay antony fipoahana miezinezina tao an-trano. Ny tatitra vao haingana no nilaza fa nisy olona valo nitsoaka ny Chabad, ny loharanom-baovao diplaomatika kosa milaza fa avy amin'ny trano teo anilany ireo.
tamin'ny 01:35 - Niala ny tranony any Crown Heights (etazonia) hamonjy an'isiraely ny raby Nachman Holzberg sy ny vadiny. Ny fianakaviana: Mahare vaovao mifanohitra izahay.
tamin'ny  02:44 - CNN: fipoahana fahatelo re nandritra ny alina raha nisy “mananasy” natsipy avy tao amin'ny trano natoraka ny mpitandro ny filaminana Karana manodidina ny toerana.
tamin'ny 02:46 - efa an-dalana ny solontena Isiraeliana hanampy amin'ny famonjena ireo takalon'ana tavela ao amin'ny trano Chabad.
tamin'ny 03:47 - Nitifitra ny trano Chabad ny mpitandro ny filaminana Karana. Tsymazava hoe hiditra ny trano ve izy ireo.
tamin'ny 03:50 - masoivombaovao politika: Efatra ny maty ao amin'ny trano Chabad; Livni (lehiben'ny antoko Kadima): Matroka ny toe-draharaha.
tamin'ny 04:20 - feom-basy fifampitifirana tao an-trano Chabad.
tamin'ny 05:05 - nisy saina fotsy nitsangana tanyamin'nyrihana fahaefatry ny trano Chabad.
tamin'ny 06:46 - Mpitati-baoaon'ny NDTV eo anoloan'ny trano Chabad: lasa naharitra kokoa noho ny noheverina ny fanafihana satria voatazona mbola velona ny Raby sy ny vadiny.
tamin'ny 07:12 - Raby Grossman ao amin'ny televiziona Isiraeliana fantsona faharoa: Tonga any Mumbai ny ray aman-drenin'ny Iraka ary hikarakara ny zafikeliny izay hankalaza ny faharoa taonany androany.
tamin'ny 08:05 - manamboninahitra polisy aoamin'ny vaovaon'ny Sky: Misy takalon'aina dimy na enina mbola velona ao an-trano Chabad.
tamin'ny 08:41 - Fifampitifirana mavesabesatra tao an-trano Chabad. Hatreny ambony (angidim-by sa voromby) no anafihan'ny komandô.
tamin'ny 08:52 - tatitra avy any Mumbai: fipoahana 3 re teny akaikin'ny trano Chabad
tamin'ny 09:25 - Manamboninahitra Karana iray no maminavina fa mbola haharitra ora maromaro ny fanafihana.
tamin'ny 10:25 - Manamboninahitra Isiraeliana iray no miteny fa efa mihazo ny rihana itazonana ny Iraka ny vondro-tafika manokana izao.
tamin'ny 10:51 - TV Britanika Sky: fipoahana sy feom-basy re manodidina ny trano Chabad any Mumbai.
tamin'ny 10:52 - CNN India no mitatitra fa efa azo ny rihana fahadimy sy fahaefatry trano Chabad.
tamin'ny 11:33 - efa saiky voafehin'ny komandôn'ny mpitandro ny filaminana avokoa ny rihana rehetra. Heno manako hatrany kosa ny fipoahana baomba.
tamin'ny 12:10 - radio Isiraeliana: Milaza ny fampahalalam-baovao Karana fa mbola velona ny iraky ny Chabad ka tokony hitandrina fatratra ny hery mpitandrony filaminana.
tamin'ny 14:01 - Niteny tamin'ny mpanampy an-tsitrapo ny raby fa mahazoalalana hiasa amin'ity Shabata ity izy ireo, izay hanomboka ao anatin'ny 15 minitra izany any India.
tamin'ny 14:44 - Fipoahana miezinezina namotika tamin'ny ampahany ny trano Chabad. Polisy: mbola misy mpampihorohoro telo ao.
tamin'ny 14:55 - Hora-pifaliana teo akaikin'ny trano Chabad. CNN: voafehin'ny mpitandro ny filaminana ny mampihorohoro. Mbola tsy fantatra kosa ny manjo ny iraka sy ny vadiny.
tamin'ny 15:48 - hita faty tao an-trano Chabad ny dimy amin'ireo jiosy.