Juliana Rincón Parra

Nisy doro tanety nitranga tany avaratra atsinanan'i Attica any Grèce ny zoma alina lasa teo, ary avy hatrany dia nandrava ala maro sy tanin'olona maro. Tao anatin'ny 2 andro monja dia nahazo ny faritra avaratra indrindra any Athènes ny afo, mampahatsiahy ny fahasimbana goavana nateraky ny doro tanety tamin'ny lohantaona 2007.

Naka sary teny an-davarangana ilay mpitoraka bilaogy grika mindstripper tamin'ny alin'ny asabotsy 22 aogositra ary navoakany tao amin'ny bilaoginy izany.

‘Ωρα Αθήνας 8μμ

Κι εγώ θέλω να φύγω από το σπίτι μου.

Ny ampitso, mpaka sary antsoina hoe mlazopoulou no nandefa sary nalaina avy eny ambony fiaramanidina:

Hoy izy, “Tys hitako izay teny hamaritana ny zavatra hitako…”

Afo mivantana

Ny alahady alina dia nisy webcam napetraka tao amin'ny alan'i Shinias ary nahazoana sary teo afovoan'ny afo, mandrapijanon'ilay fakan-tsary mihetsika (efa miasa izy izao).

Schinias webcam image on Aug 24 at 1:53 AM in Greece

Ny New Athenian no mitantara ny zava-nitranga ny alahady maraina, raha nahazo an'i Pendeli ambanivohitry Athènes ny afo:

Olona maro no tsy natory fa niezaka niaro ny trano fonenany tamin'ny afo. Ny alahady maraina dia mbola nanao izay ho afany hamonoana ny afo manodidina ny tranony ny olona, tamin'ny alalan'ny fampiasana ratsan-kazo ôliva sy lapela, na ny fanaovana tohy vakana mitatitra rano amin'ny siny sy mampiasa tuyau fanondrahana zaridaina. Maintin'ny setroka ny rivotra, saronana amin'ny akanjo ny tarehy, na amin'ny mosoara na amin'ny serveta mba hahafahana miasa. [..]

Niandry ny fotoana farany ireo mponina tao Pendeli vao niala ny trano fonenany. Feno fiara mijanona eny an-dalana. maro no niandry teny anoloan'ny tranony, misaron-tava, ny alika mandehandeha eny akaiky eny. Mivoaka ny setroka mainty rehefa misy zavatra mipoaka. Angamba gazy na fiara nipoaka.

Ao amin'ny twitter dia nanome rohy manokana mankany amin'ny sarintany maneho ny doro tanety namboarina tao amin'ny Google Map (FIRMS) ireo mpikirakira internet mba hanarahana ny afo. Ny arofanina #grifes no ampiasaina satria io no mora ahazoana hafatra manoloana ity doro tanety ity ao amin'ny twitter. Mamaly ny vaovao alefan'ny fahitalavitra, na ny vaovao amin'ny internet, na ny fanakianana ny fanjakana ireny hafatra ireny, fa vitsy kosa no tena manome vaovao vao mafana mikasika ny afo.

Ilay mpikirakira twitter @savvakos no mampita ny vaovao ara-potoana mikasika ny fozotry ny afo, ary ampiarahany amin'izany koa ny sary ao amin'ny Google Map:

Ενεργό μέτωπο της φωτιάς στην Σταμάτα, λίγο πριν από την πλατεία #grfires http://bit.ly/t38Z5 http://twitpic.com/ezarv

Ao amin'ny twitter ihany, @kyanoun no mamoaka sary mihetsika ara-potoana mampiasa ny using Qik avy anaty fiarany raha iny izy nidina ny lalana manivaka mankany Attica iny, lalana difotry ny afo.

Afo manjelatra amin'ny maizina

Ny filentehan'ny masoandro no fotoana mampatahotra indrindra rehefa misy doro tanety tahaka izao, satria tsy maintsy mijanona ireo fiaramanidina ary efa mihareraka ireo mpamono afo. Milaza izany fotoana mangidy izany i Eric Parks ao amin'ny twitter:

@erictparks: milentika ny masoandro dia indreo ny fiaramanidina mandefa ny rano farany ao amin'ny tahiriny amin'ny jiro mitsilopy. Indreo koa mazavan'ny afo ny faritra an-jatony eny an-tendrombohitra ao anaty alina.

Grika mpanao sary Dimitrios Doukoglou no nandefa ity sary ity ao amin'ny Twitpic ny 23 aogositra:

Tazana avy eny an-tafontranoko, omaly alina #grfires

Olona maro no mandefa sary nalaina tamin'ny finday ao amin'ny twitter mampiasa ny Twitpic, ary manampahaizana grika amin'ny web no mamoaka ireny sary ireny, mampiasa ny rohy#grfires.

Politika sy ny afo

Teacher Dude, mpanao gazety mpaka sary monina any Thessaloniki mitodika bebe kokoa amin'ny politika ka mampifandray ny fifidianana nasionaly amin'ny doro tanety:

Na dia iharan'ny doro tanety matetika aza i Grèce dia nisy ny fanadihadihana nataon'ny toeram-pampianarana ekonomia any Athènes namoaka fa misy fifandraisany mivantana ny doro tanety sy ny fifidianana. Araka ny voalazan'i Spyros sy Niko Christodulakis dia ny an-tsasaky ny ala may tany Grèce tato aantin'ny 54 taona dia potika nandritra ny fifidianana in-16 tany an-toerana.

Niseho herinandro vitsy monja talohan'ny fifidianana solombavambahoaka tany Grèce ilay doro tanety nahatsiravina niseho tamin'ny taona 2007 iny ary maro amin'ireo mpandinika politika no milaza fa ny fanomanana ny fifidianana atsy ho asty dia tsy azo ialana.

Teacher Dude no milaza ao amin'ny twitter ny fahatsiarovany ny ady tamin'ny afo nandraisany anjara:

Mbola tadidiko foana ny zava-nitranga tany Salonique tamin'ny 1997. Nilatsaka an-tsitrapo namono afo aho tamin'izay. Tena nampatahotra ny nahita ny fandroson'ny afo.

… nanao fanamarihana somary nisangisangy koa izy:

Nahazo dikany vaovao ny sary famantarana vaovaon'ny antoko demokraty (antokon'ny fitondrana) ankehitriny. http://tinyurl.com/m4mafa #grfires

Asteris Masouras

Betsaka vondrona teratany niasa tany ivelany ary nody an-tanindrazana ao Bangladesh ka maro amin’izy ireny no miasa an-tsitrapo na mikarama amin’ireny fikambanana maro tsy miankina amin’ny fanjakana ireny. Tsy vitsy amin’izy ireny koa no mitoraka blaogy sy mizara ny zavatra niainany izay sady zava-marina loatra no voaporofo, fa tsy mba toy izay ambaran’ireo mpampahalala vaovao iraisam-pirenena momba an’i Bangladesh. Ireny fomba fijery ireny dia tena ilaina tokoa ho an’ireo tonga hitsidika an’i Bangladesh ary koa ho an’ireo Bangladeshis (ilazàna ny olona avy any Bangladesh). Anatin’ny hafatra voalohany amin’ity andiany ity dia asiako fanamarihana manokana ny amin’ireo teratany nody an-tanindrazana ka mitoraka blaogy, sy izay resaka ambaran’izy ireny

Nikkibomb ao amin’ny Amar Bangla Na dia nandeha tany amin’ny Tangoron-tendrombohitr’i Chittagong ary manoratra fa:

Ireo Tangoron-tendrombohitr’i Chittagong dia maitso màvana mandrakariva. Na aiza na aiza jerenao, marevaka ery ny lokony toy izay tian-dry zareo Bangladeshis entina rahateo.

Estelle Visagie koa dia tany amin’ny Havoana tao Rangamati izay nifanenany tamina vehivavy bodista telo (nonnes) ka nanomezan’izy ireo azy ny Anarana Chakma.

Sara, izay mianatra sy manao fikarohana, tohanan’ny Fulbright, dia namoaka sary maro sy ny zava-niainany tamin’ny fifangaroana tamin’ireo Bangladeshis.

Natiora any Bangladesa; Durgapur, Netrokona, avy amin’i Ariful Haque Bhuiyan (http://www.flickr.com/photos/arifbd111/3401682813/),mampiasa ny Creative Commons license

Amy Moyer izay nandositra ny fiainana feno tebitebin’ny renivohitra no manoratra:

Nofarananay tamin'ny fitsidihana tanàna iray mpanamboatra fitafiana Jamdani norariana tamin'ny tànana ny dianay. Tena manify ny Jamdani, lamba tena maivana izay fahaizana manokana mampiavaka an'i Bangladesh. Raha ny tantara momba ny akanjo  Jamdani sari, izay mirefy tokony ho 13 metatra eo ho eo, dia tokony ho afaka aforitra hitovy habe amin'ny tranon’afokasoka izy. Tsara fanahy sy falifaly ery ireo mponina namela anay nandray anjara tamin’ny rary. Tena tsy azo veroka mihitsy,  ary ny tsininy dia ry zareo tsy nandray karatra Visa.

Meandering Memos izay nitsidika toeram-pamokarana asa tànana iray  tany Narayanganj, akaikin'i Dhaka izay ahitàna vehivavy 26000 miasa dia manoratra hoe:

Sary manaingo ny akanjo Sari – Tsy nieritreritra mihitsy aho hoe ireo haingon’akanjo rehetra ireo dia natao tànana daholo! Tena asa mila fotoana be tokoa. Ireo loko ampiasain-dry zareo dia avy amin’ny akora voajanahary avokoa.

Jacob and Sanna's blog dia midera ny ‘Bangla', tarika Bengali mpiangaly ny gadona ankehitriny:

Hafa ity vondrona ity — hain-dry zareo tsara ery ny manome kalitao lafatra ny fanafangaroana ny gitara tandrefana & gitara beso sy ny amponga ary ireo gadona malàza, vokatry ny tany,  izay laroin’ny feo mahagagan’ny mpihira fototra ao aminy, Anusheh.

Valerie ao amin’ny from Spa-Ha to Bangla dia roa volana izao no eto an-tanindrazana mba hamangy ny vadiny. Nandany andro iray manontolo mihitsy izy mba hitàna ny toeran'ny vady ao an-tokantrano any Bangladesh  renivohitra  Dhaka ary manamarika hoe:

Ity no iray amin'ireo andro mora indrindra hatramin’izay namoahako vola. Ny fitambaran’ny fikarakaram-bàtana tany amin’ny spa dia 600 taka, latsaky ny $10. Nomenay karama betsabetsaka ihany ny mpamily sy ny mpikarakara ny ao an-trano ary dia nolazaina fa adala mihitsy izahay tamin'izany, ary dia mahazo $4.30  sy $7 isan’andro tsirairay avy izy ireo.  $1/ora no hofan'ny kianja filalaovana Tennis. Tena varo-boba raha ny vidin-tsakafo hany ka mahamenatra na dia ny hitaky famerim-bola aza.

Sonargaon, renivohitr’i Bengal taloha. Sary avy amin’ny Flickr an’i Shubho Salateen (http://www.flickr.com/photos/shubho/242268273/) ampiasana ny  creative commons license

Bernie Allen ao amin’ny Life and Work in Dhaka city dia nitsidika an’i Sonargaon, iray amin’ireo renivohitra ntaolon’i Bengal. Manoratra izy:

Ny Fitehirizam-bakoka momba ny fomban-dràzana, izay isan'ny anton-diako, dia ahitàna ireo zavatra rehetra maneho ny endrika ara-kolontsain'ny firenena, ary ny zaridaina ao dia tena mahafinaritra tokoa.

Niampita ny reniranon’i Buriganga, izay mikoriana ao akaikin'i  Dhaka koa izy. Mieritreritra izy fa tandindonin'ny loto io renirano io ary “tsy dia isan'andro no ahitana tsy fitohanana na fihontsonkontsonana eo, toy ireny làlana any an-tànan-dehibe ireny ihany!”

Heather ao amin’ny A Bangladesh Adventure dia namoaka sary vitsivitsy maneho ireo fiara samihafa ao an-tanànan'i Dhaka.

Ary farany nefa tsy ny kely indrindra, Caroline ao amin’ny Burkhas, Bibles and Bangladesh dia manome lisitra ahitàna ireo zavatra 20 mety ho efa fantatrao na tsia momba an’i Bangladesh.

Mpanohitra maro manerana an'i ’Iran no nanohy ny fanehoan-kery nataon'izy ireo ho fanoherana ny vokatry ny fifidianana izay ho filoham-pirenena tamin’ny 12 Jona, izay nanambarana  fa i Mahmoud Ahmadinejad no nandresy. Ireo mpomba ny mpifaninana amin’i Ahmadinejad, Mir Hussein Mousavi, ary ireo Iranianina maro izay nino ny  amin’ny hisian'ny “fiovana” dia manohy mampiasa ny loko maitso ho mariky ny hetsika ataony.  Mr. Moussavi sy Mehdi Karoubi, ilay reformista iray hafa  mpirotsaka  ho fidiana, dia nangataka ny vahoaka mba hilamina ary hanao ny hetsika am-pilaminana. Raha tsy mamoaka sary momba ny  fihetsiketsehana ny fahitalavi-panjakana, ireo fanapariaham-baovao avy amin'olon-tsotra kosa, dia feno sary mahafinaritra.  Naneho sary maro momba ny hetsika tamin’ny Alarobia tao amin'ny kianjan'i Hafte tir any Téhéran i Hamed Saber . Maneho ny antom-pisian'ny hetsika fanoherana Iranianina ireo sary ireo:

Fahanginana maitso na fanoherana mangina

Tsy misy fotoana ipetrapetrahana

Fahaiza-mamorona

Vahoaka be

i Che nihaona tamin'i Mousavi

Namoaka ireo sarin’ny diabe tao Téhéran izay nahitàna an’i Mir Hussein Moussavi sy Mehdi Karoubi koa i Kosoof, :

Hetsi-bahoaka

Mir Hussein Moussavi teo afovoan’ireo vahoaka

Mehdi Karoubi miarahaba ny vahoaka

Tamin’ny Alakamisy, M. Moussavi nanao fanambarana teo amin’ny kianjan’ny Imam Khomeni ao Téhéran. Ny vadiny, Zaha Rahnavard, niaraka taminy, dia hita eo amin’ity sary manaraka  ity.

Ny Fifidianana izay ho filoham-pirenena iraniana dia hatao ny faha 12 Jona. Natokana fotsiny ho an'ny lehilahy, efatra monja tao anatin'ny  400 mahery, lahy sy vavy mifangaro, nisora-tena, no nomen'ny manam-pahefana fankatoavana ny firotsahany hoy ny  Mpiaro ny tolom-piavotana [Guardian Council]. Ny maso matsilon'ireo mpakasary-mpitoraka blaogy dia mamandrika sary momba izay vanim-potoana izay eny an-dalamben'i Iran eny izay ahitàna ireo mpanohana miezaka mandresy lahatra ho an'ireo mpirotsaka tohanan'izy ireo sy ireo fitakiana ara-pôlitikany.

Maryam Majd dia namoaka sary maro ao amin'ny Feminist School momba ny  “fisiana tsy miankin'ireo vehivavy eo amin'ny fari-pifidianana.”

Ao amin'ny  Feminist School dia azontsika vakiana ao fa hoe “Tajrish sq. Emamzadeh Saleh (toerana masina iray any avaratr'i Tehran) sy ny tsenabe manan-tantara ao Tajrish dia samy ambohimpihaonan'ireo mpitolona an-tsitrapo mpikambana ao amin'ny  “Farimbon'ny hetsiky ny vehivavy [Coalition of Women’s Movement]”. Mitaky mafy izy ireo ny hisian'ny fanatrehana tsy miankin'ny vehivavy ao amin'ny fari-pifidianana ao an-tanàna. Ny teny fanevan'izy ireo dia hoe : “Mifidy ho an'ny zon'ny vehivavy izahay.” Ny fanirian'izy ireo dia ny hampitsaharan'ny manam-pahefana iraniana ny lalàna mifono endri-panavahana rehetra momba ny vehivavy.

Saba Vasefi koa dia naka sary ity hetsika ity ao amin'ny  Feminist School.

Ao amin'ny  blaogin-tsary Zoherpix isika no  mahita ny fomba fanindrahindran'ireo mpomba an'i Mahmoud Ahmadinejad sy Mir Hussein Mousavi ny sarin'ireo olona tohanany:

Hopitalim-biby any Fez, Maraoka, izay nitsàngana tamin'ny 1920 ny American Fondouk novatsian'ny Sosaity any Massachusetts ho  fisorohana ny herisetra atao amin'ny Biby [Massachusetts Society for the Prevention of Cruelty to Animals](MSPCA). Ilay hopitaly, izay mikarakàra ny biby lehibe sy kely, dia ahitàna voalohany indrindra mpitsabo biby sy mpiandraikitra Maraokana, na izany aza, vao haingana izy no tafàkatra teo amin'ny tontolon'ny fitoraham-blaogy noho ny ezaka fitoraham-blaogy nataona mpitsabo biby vahiny, Dr. Dan Biros avy any Boston. Dr. Biros, izay mpitsabo manokana momba ny mason'ny biby, dia nandràkitra an-tsoratra ny asany tao amin'ny Fondouk tao amina blaogy ofisialy.  Tsy ela akory izay dia namaofivaofy tao amina lahatsoratra iray ny olana misy eo amin'ny biby any Maraoka izy:

Tsy dia mazava amiko loatra hoe hatraiza ny fahaizan'ireo Marokana manana biby fiompy  mikarakàra tsara ireo bibiny. Manerana ny tany ny fifandraisan'ny biby sy ny olombelona, nefa misy fahasamihafàna ara-kolotsaina raha ny momba ny fikarakaràn'ny tsirairay ny biby fiompiny. Hita n'aiza n'aiza ny herisetra atao amin'ny biby ary izany no antony nanangànana ny American Fondouk efa ho maherin'ny 80 taona lasa izay. Resy làhatra aho fa tsy mitsahatra ny manampy ny vahoaka eo an-toerana ny mpiasan'ny Fondouk mba hahafantàrany ny tokony hatao hikarakaràna ny biby amin'ny fotoana rehetra. Tsy asa mora izany. Miasa manome ohatra ry zareo. Mahavelom-bolo ny mahita izany isaky ny maha-eto ahy.

Tamin'ny alina farany nijanonan'i Dr. Biros tany Maraoka dia nanoratra izy:

Amiko, ny paradisa dia tsy ny mahatanteraka ny faniriana sy manàla ny zava-dratsy rehetra ho anà olona iray; fa ny fanomezana sy ny fandraisana, ny fifanakalozana fanomezana na bitika izany na goavana. Ny paradisa dia ny fanamarinantsika fa mpandray anjara mavitrika isika, amin'ny fara-herintsika, eto amin'ity tany toa adaladala ity ary milona tanteraka ao anatin'izany amin'ny làlana rehetra diavina. Na ahoana na ahoana no famaritan'ny olona ny paradisa, tsapako fa ny ampahany amin'izany famaritana izany dia faniriana ny haharetan'io paradisa io.

Farany, manoratra momba ny zava-niainany nandritra ny alina farany nijanonany tany Fez ny Dr. Biros:

Nasaina fianakaviana ‘berber' iray hisakafo hariva sy hiaraka amin-dry zareo izaho sy Alicia androany hariva. Rangahy mpivarotra karipetra, vahiny tanteraka aminay  vao nifankahita taminay ny omalin'iny tany Medina, no nanàsa anay hihinana akoho nokarakaraina miaraka amin'ny couscous [chicken couscous], hisotro  dite ary hiresadresaka. Teo ny vadiny sy ny zanany vavy roa ary nasian'ilay zokiny indrindra sarina ‘henna' ny sandry sy ny tànan'i Alicia. Ny Henna dia sarisary fanaingoana fanao any India sy Arabia efa an-taonjato maro. Niresadresaka momba ny fianakaviana sy ny asa izahay, ary niara-sakafo tanaty vilia baolina lehibe tokana tahàka ny efa fomba fanao tany Maraoka, hatrizay, samy nampiasa ny sotrony avy izahay.

Tsotsotra ilay efitrano nefa nisy izay ilaina rehetra, lakozia, efi-trano fandraisam-bahiny ary efi-trano fandriana. Ahafàhana mahita tsara an'i Medina koa ny ‘terrasse'-ny, ka rehefa eny ianao dia toy ireny tantely kely anaty tohotra [avy amin'ny mpandika: ny tohotra dia tranon-tantely] lehibe ireny.  Satria izahay nijery ny ivelan'ilay tanàna dia nahatsapa  tokoa fa tena tongasoa izahay ety ary tsapanay koa fa tena lavitra ny tranonay izahay. Im-piry ny zavatra toy izao no hiseho any Boston? Mampidonàka ny takariva manontolo aty, sady mahafanina no mitondra fahatoniana ihany koa. Izany ka paradisa.

Mandra-panoratra indray,
M’a ssalama (fandriampahalemana ary veloma)

Dr. Biros

Hosodoko tao amin'ny American Fondouk

Ny mpitoraka ao ambadiky ny Près du Puits koa dia tsy ela akory izay no nanoratra momba ny Fondouk, izay nitondràny ireo sàkany hatao vaksiny. Miteny izy:

Misy toerana mahafinaritra, majika mihitsy aza, any Fez. Ny American Fondouk io, hopitalim-biby natsàngan'i Sidney Haines Coleman, izay mikarakàra ara-pahasalamana ireo biby miasa any Maraoka. Efa ho 100 taona lasa izay, ny Fondouk - izay midika hoe ‘hotely' amin'ny teny Arabo - dia mbola mikarakàra maimaim-poana biby an'arivony isan-taona. Maro amin'ireo biby miasa - soavaly vavy sy boriky -, nefa koa ny sàka sy ny alika (na dia mieritreritra aza aho fa tsy mbola nikarakàra betsaka tamin'ireo ry zareo nandritra ny taona 1920).

Nizara sary maro momba ny Fondouk sy ireo tsaboiny koa izy:

Biby tsaboina ao amin'ny American Fondouk

Mankalaza ny faha-150 taonany mandritra ny telo andro manomboka amin'ny 14 ka hatramin'ny 16 mey i Mandalay, renivohitry ny fitondram-panjaka farany.

Fankalazana ny faha-150 taona an'i Mandalay

Renivohitry ny faritanin'i Mandalay i Mandalay (he!he!) sady tanàna faharoa lehibe indrindra any Myanmar.

Nosoratan'i Ye Lwin Oo tao amin'ny bolongany ny tantara nahatonga ny fanorenana an'i Mandalay:

Manana lovan-kolontsaina betsaka i Mandalay fantatra ihany koa amin'ny anarana hoe Yadanabon, ary araka ny tantara dia naorin'ny Mpanjaka Mindon tamin'ny taona 1857, ary mijoro ho renivohitra farany tamin'ny fotoanan'ny faha-mpanjakan'i Myanmar.

Naorina tamin'ny toerana foana i Mandalay tamin'ny taona 1857, satria, araka ny voalazan'ny faminaniana fahagola, eo amin'io toerana io indrindra dia hsy tanàna hitsangana mandritra ny jobily faha-2 400 taonan'ny Boddhisma.

Nanapa-kevitra ny hanatontosa io faminaniana io ny Mpanjaka Mindon ary nandritra ny fotoana nanjakany tao amin'ny Fitondrana entim-panjakan'i Amarapura no namoahany ny didin'ny panjaka tamin'ny 13 Janoary 1857 hanaganana fitondrana entim-panjaka vaovao. Nankalazaina tamin'ny volana Jolay 1858 ny fanandratana ny seza fiandrianana. Nofaritana ny faritry ny tanànan'ny mpanjaka sy ny faritry ny fanjakana. Ny tanànan'ny mpanjaka manontolo dia nantsoina hoe Lay Kyun Aung Mye (”Tany Nandresena ny Nosy Efatra”) ary ny lapam-panjakana kosa, Mya Nan San Kyaw (”Lapan'Emeraodan'ny Mpanjaka”). Ny fanjakana dia nantsoina hoe Fanjakan'i Yadanabon, miaraka amin'ny anarana hafa hoe Ratanapura, izay midika hoe “Toerana miravaka vatosoa”. Nantsoina hoe Mandalay taty aoriana noho ny tendrombohitra Mandalay, izay miala 2.5km avaratra atsinanan'ny lapan'ny mpanjaka, ary dia mbola misy io anarana io hatramin'izao. Ny anarana “Mandalay” dia nosintonina avy amin'ny teny Pali “Mandala”, izay midika hoe “tany lemaka”sy avy amin'ny teny Pali iray koa hoe “Mandare”, izay midika hoe “tany manambina”.

Nanintona izay tia jerijery, mpaka sary ary mpamaham-bolongana ity lanoana ity. Nyi Min San, Mpaka sary/mpamaham-bolongana iray no nanoratra tao amin'ny bolongany:

Niainga avy eny an-tetezan'i Mingalar (lalana faha-73) ny matso ary mamakivaky ny lalana faha-26, mandalo ny trano kelikelya manatrika ny MCDC (Vaomieran'ny fampandrosoana ny tanànan'i Mandalay) Lapan'ny tanàna, mandrapahatongan'ny fiolahana akaikin'ny Hotel Sedona. Avy eo ry zareo dia miodina kamiverina mandrapahatonga eny amin'ny Lapan'ny tanàna. Feno mpaka sary teo an-tetezan'i Mingalar Bridge raha nihazo nankeny izahay. Efa an-jatony mihitsy ry zareo no teny. Nankeo amin'ireo mpaka sary ireo izahay dia samy naka sary. Maro amin'izy ireo no nanao akanjo fotsy sy longyi, hany ka raha tazanin-davitra ry zareo dia tena nangoro-potsy mihitsy. Vao nandray ny fakantsariko aho dia tsy nahay niato amin'ny fakana sary…..

Mg Hla, mpamaham-bolongana hafa avy ao Mandalay:

…. (Taloha) Tamin'ny fankalazana ny faha-100 taona dia natao ho fety manerana ny firenena ny korana fa tamin'ity faha-150 taona ity kosa dia natao teo amin'ny sehatry ny faritany ihany ny lanonana. Tsy fantatro ny ora hanombohan'ny fety koa rehefa nanontany ny mpanao gazety aho dia novaliany hoe amin'ny valo ora maraina. Nangataka tapak'andro tsy iasana aho ka nankeny haka sary. Nandritra ny fotoam-pankalazana dia nampiasaina araka ny fanaovana azy fahagola ny soavaly tena izy, fa nosoloina elefanta kyauk-se (saribakolin'elefanta iafenan'olona ao anatiny) kosa ny elefanta. Tamin'nyvoalohany dia nikasa hampiasa elefanta tena izy ry zareo saingy tsy tian'izy ireo fandrao mikorapaky ny tahotra ka mandositra ny elefanta raha mahita ny hamaroan'ny olona, dia izay no nampiasany saribakolin'elefanta.

Nadikan'ny mpanoratra ny lahatsoratra notsongaina avy tamin'iNyi Min San sy Mg Hla. Avy tamin'ny teny Birmana no nandikana ny lahatsoratra.

tan