amin´ny teny malagasy » Music

Rosia: Nodimandry ilay Miozolmana Magomayev, Superstar Sovietika

Jentilisa — Sat, 01 Nov 2008 09:32:10 +0000

Manome voninahitra ilay Miozolmana Magomayev ny bolongan'ny fikambanana politikan'ny raharaham-bahiny Russia, “ilay sovietika tsy misy fangarony malaza sy mamirapiratra” izay “manana taleta sy nahavita zavatra maro: olona mendri-piderana tokoa nefa artista anisambahoakan'ny Firaisana Sovietika; Mpampianatra opera mahay ny tendrin'i Sinatra; taranaka fianakaviana artista sy mpitsoka mozika avy amin'ny sarangan'ireo tsy noheverina loatra; mpivezivezy any amin'ny toerana maro ary efa nisoho sehatra tao amin'ny La Scala ary nahalany tapakila sy nahafeno an'i Paris Olympia nefa tsy nivena tamin'ny fizakany ny zom-pirenena Sovietika ary niverina nody mandrakariva; ; ‘Harem-pirenena’ niakatra tsikelikely anivon'ny fiaraha-monina any Moskoa, nefa tsy nanapaka mihitsy ny fifamatorany akaiky amin'ny Bakò niaviany.”

Nikaragoà: Tarika tsy mijoro ara-dalàna mahazo fanohanana ara-bola

Jentilisa — Wed, 01 Oct 2008 22:10:19 +0000

Ampangain'ilay mpamaham-bolongana Nikaragoana Ingrid Bergman ny tarika (mpihira) maromaro tsy manana fijoroana ara-panjakana nefa dia tsy manana olana amin'ny fahazoana fanohanana ara-bola mihoa-mpampana. Ao amin'ny bolongana Sweet Orchid (voninkazo mamy) no anondroan'ny mpanoratra fa mahazo fanohanana ara-bola avy any ivelany saingy antsoiny fa “fanasana vola azo tamin'ny tsy rariny” ny tarika toa an'i Milly Majuc , Carga Cerrada ary División Urbana .

Kiobà: zato taona ny namorona ny hira “Guantanamera”

Jentilisa — Sat, 06 Sep 2008 20:15:00 +0000

Teraka 100 taona katroka izay ilay namorona ny hira Kiobana malaza indrindra “Guantanamera” nosoratan'i Joseíto Fernández, ary nanoratra ny hira nandritra ny faha-20 ny taonany, hoy ny nosoratan'i VivirLatino.

Shina: Ankizivavy tonga lafatra tamin'ny fanokafana ny lalao olaimpika?

Jentilisa — Tue, 12 Aug 2008 04:53:19 +0000

Nadikan'ny China Digital Times ho amin'ny teny angilisy ny resadresaka nifanaovany tamin'i Chen Qigang, mpandrindra ankapobeny ny hira nandritra ny fotoam-panokafana ny lalao olaimpika, ary nanambaran'ity farany fa feon'ankizy hafa efa noraisimpeo mialoha ny feo henon'ny rehetra nandritra io lanonampanokafana io.[avy amin'ny mpandika teny: tsikaritro iny ka! nisy manko fotoana bitika dia bitika hitako tsy nifanandrify tsara feo sy ny sary, ankoatra ny tsy fiezahan'ilay zaza hihira mafy nefa mafy anie izany feo izany e!]

Koety : Notafiana ny “Hard Candy”-n'i Madonna

Tomavana — Thu, 26 Jun 2008 00:30:17 +0000

Moey no mitatitra fa notafian'ny sampan-draharahan'ny Ministry ny Fampahalalam-baovao an-keriny ny sarin'i Madonna amin'ny raki-kira vaovao “Hard Candy” any Koety :

Madonna’s album is being raped by Kuwaiti MOI [Ministry of Information], they basically forced leggings on her and took all the pictures off her CD booklet, it is a cover only no inlay pages

“Naolan'ny sampan-draharahan'ny Ministry ny Fampahalalam-baovao [MOI, Ministry of Information] an-keriny tsotr'izao ny raki-kiran'i Madonna [vaovao “Hard Candy”], nampanaovin-dry zareo ba-tongotra an-keriny izy sady nofoanana avokoa ireo sary tao anaty bokikely mandravaka izany raki-kira izany, fonony fotsiny sisa fa tsy misy pejy hafa anatiny intsony”

Vanessa Worou, mpihira vavy Tôgôley vao misondrotra

Tomavana — Wed, 25 Jun 2008 11:04:10 +0000

Kangi Alem no mitatitra mikasika an'i Vanessa Worou, mpihira vavy Tôgôley vao misondrotra :

Un petit air de Kidjo, par endroit, mais dans l’ensemble une assurance dans le chant et une orchestration simple, efficace

“tsindraindray ohatry ny mampahatsiahy an'i [Angelique] Kidjo izany, kanefa rehefa aravona dia, fahatokisana amin'ny fomba fihirana ravahina rafi-java-maneno tsotra anefa mahomby.”

Ethiopia : Nolavina ny fangatahana famoahana tam-ponja vonjimaika an'i Teddy Afro

Tomavana — Fri, 09 May 2008 13:40:21 +0000

Nazret no mandrohy any amin'ny lahatsoratra mikasika ny mpanakanto fanata-daza Teddy Afro any Ethiopia :

The Federal High Court of Ethiopia has this morning denied bail for the release of Tewodros Kassahun (Teddy Afro). The 30-year-old sensational singer, who is accused of a hit and run homicide, will spend the duration of his trial in prison.

“Nolavin'ny fitsarana avon'i Ethiopia io maraina io ny fangatahana famotsorana tam-ponja vonjimaika omban-takalo, an'i Théodoros Kassahun (Teddy Afro). Ity mpihira malaza izay 30 taona ity dia voapanga ho nandona sy nahafaty olona ary nandositra, any am-pigadrana izy no hiatrehany ny fiandrasany ny fotoana hitsarana azy.”

Zimbaboe : Fihaonambe Iraisam-pirenena hoan'ny kolotsaina any Harare

Tomavana — Tue, 06 May 2008 12:22:46 +0000

Natasha Msonza no manoratra ao amin'ny blaogin'ny kubatana.net momba ny fihaonan'ny poeta [Poetry Café] any Harare, Zimbaboe :

At the HIVOS Poetry Café on May Day poetry lovers were fed with combinations of humor, political satire and protest music and poetry.

“Ireo mpiangaly poezia dia vokin'ny hatsikana sy vazivazy pôlitika, sy fanoherana, sy mozika ary poezia nandritra ny HIVOS Poetry Café na fihaonan'ny poeta manodidina ny fisotroana kafé [amin'ny toerana iray] izay notanterahina ny voalohan'ny volana May [May Day].”

Ethiopia : Mpihira kalaza tohanan'ny mpiblaogy nohon'ny fisamborana azy

Tomavana — Tue, 29 Apr 2008 11:28:03 +0000

Nirongatra ny hanohana ny mpihira Teddy Afro izay kalaza indrindra any aminy ireo mpiblaogy Ethiopiana, taorian'ny nampiakarana azy fampanoavana nohon'ny fahafatesan'ny zatovo iray izay voadonan'ny fiarakodia izay nandositra tany an-drenivohitra Addis-Abeba.

Ny ankamaroan'ireo mpiblaogy dia mihevitra fa nararaotin'ny fitondrana hiampangana an'i Afro fotsiny izany, nohon'ny fankahalany ny halehiben'ny lazany sy ireo tononkirany izay mitsikera ambadika ny fitondrana.

Tamin'ny volana Novambra 2006 no nanontanian'ny Pôlisy voalohany i Afro, taorian'ny fahafatesan'ny 4-mi iray 18 taona izay nodonin'ny fiarakodia tany afovoan'ny tanànan'i Addis-Abeba. Nisy mpitandro ny filaminana izay nanatintrantitra fa tsikaritry ny mpamily fiarakaretsaka [taxi] iray tany an-toeran ny fiara BMW-n'i Afro.

Nanaitra ireo mpankafy azy tokoa ny fisamborana an'i Afro tamin'ny herinandro lasa, saika roa taona taorian'ny nitrangan'ny voina. Ny ankamaroan'ireo fantsna fampahalalam-baovao vaventy any an-toerana (toy ny BBC sy ny Addis Fortune) dia nitatitra ny hetsika nataon'ireo mpanakfy mpomba azy teo ivelan'ny lapan'ny fitsarana izay nandraisan'ny mpitsara fanapahan-kevitra ny hanemorana ny famoahana izay didim-pitsarana mikasika ny lamandy tokony ho takalon'ny famoahana azy tam-ponja.

Teddy Afro, izay anaram-bosotry Tewodros Kassahun, dia tena malaza tokoa amin'ny Ethiopiana na any an-toerana na amin'ireo zanaka ampielezana. Ny sangankirany mitondra ny lohateny hoe Yasteseryal (jereo ato amin'ny vohikalany teddyafro.com) izay heverin'ny sasany ho tsikera antokon'olona eo amin'ny fitondrana ankehitriny isan'izany ny Praiministra Meles Zenawi, dia noraràna tsy halefa amin'ny radiom-pirenena.

Merkato no manapariaka ao amin'ny blaogy Ethiopia - “Ny Kianjan'ny Firasiankinako” hoan'i Teddy Afro - Maherifo Ethiopiana iray sady Nogadraina nohon'ny ny [fanapariahany] ireo heviny :

This advocate of justice for our people; this voice for the voiceless; this champion of the oppressed; this ultimate entertainer could have lived in luxury abroad and enjoyed life as most of us do, but knowing the risk to his own life, he returned home to continue the mission he has set for himself! Today he sits in the notorious Kaliti Prison, precisely because of what he does for his down-trodden compatriots! The humiliation he has suffered so far and will continue to suffer hence will be the most poignant symbol of our peoples' suffering for the last two decades!

“Ity mpisolovava mikatsaka izay rariny hoan'ny vahoaka ity; ity feo hoan'ireo tsy am-peo ity; ity mpandresin'ireo iharan'ny tsindry hazolena ity; ity mpampirevy izay tena lafatra ity dia afaky ny niaina tanivon'ny harena tany ivelany [an-dafy] sy mankafy ny fiainana toy izay nety ho nataon'ny ankamaroantsika, na dia fantany aza fa misy mifofo ny ainy, dia niverina tany an-tanindrazany izy mba hanohy ny tanjona izay efa napetrany ! Ankehitriny izy dia nogadraina ao amin'ny figadrana malaza antsoina hoe Kaliti, ny antony dia noho izay efa nataony ho fanampiana ireo mpiray tanindrazana aminy izay voahitsakitsaka ! Ny fanalam-baraka izay efa nofidiany hosedraina sy mbola hosedrainy dia tena taratry ny fijalian'ny vahoaka nandritra izay roampolo taona lasa farany izay tokoa !”

Debteraw Blog kosa dia mitanisa ny anaran'i Afro ao anatin'ny lisitr'ireo “gadra politika” ao amin'ny lahatsorany “Tensae Le-Ethiopia.”

Toy izao no nosoratan'i Addis Tibeb ao amin'ny lahatsoratra “naiditra am-ponja i Teddy Afro” :

Many fans believe that Teddy is set up for the charge by the government that is supposed to resent Teddy’s public acceptance in his political reprimands by some of his songs

“Mpankafy maro no mihevitra fa voan'ny fiampangana namboarin'ny fanjakana i Teddy izay heverin'ny ho tsy mahatanty intsony ireo tsikera izay apariaky Teddy ao amin'ny tononkirany sasany”

Arefe kosa nitsahatra tsy hanolotra intsony izay heviny ao amin'ny Addis Journal mikasika ity raharaha ity, saingy mitatitra izay hetsika hitany tao ivelan'ny lapan'ny fitsarana tao amin'ny lahatsoratra “Ahemotra ny datim-pitsarana an'i Teddy” :

hundreds of cheering and chanting fans had greeted Teddy's arrival. Wearing a T-shirt and sunglasses, Teddy waved as he slowly made his way into the courthouse. As he left the court, the ‘free him' shout became more intense and police surrounded and arrested some of them. A journalist for Hamrawai magazine and another newspaper reporter were among the arrested. It's unclear why police arrested them. It was said they are all detained in the police station in front of the court…
Teddy's arrest weeks ago has generated much interest and anxiety in the city and his songs have enjoyed sudden popularity in the bars, taxis and public places.

“mpankafy aman-jatony no nitsena ny fahatongavan'i Teddy tamin-kira sy horakoraka. Nianakanjo T-shirt sy nitondra solomaso aro-masoandro i Teddy, no nanofahofa ny tanany raha nizotra miadana hamonjy ny varavaran'ny fitsarana. Rehefa nandao ny fitsarana indray izy, dia ireo hiakiaka hoe “avotsory izy” no tena nibahana ireo hiaka hafa ary dia nohodidinin'ny mpitandro ny filaminana ireo mpankafy izay nosamborina ny ampahany. Isan'ireo voasambotra ny mpanao gazety mitatitra hoan'ny Hamrawai sy mpanao gazety hafa iray. Tsy mbola mazava izay fiampangana fototry ny fisamborana azy ireo. Heno fa ao amin'ny paositry ny Pôlisy eo ampitan'ny Lapan'ny Fitsarana no ihazonana azy rehetra ireo …
Ny fisamborana an'i Teddy tamin'ny herinandro lasa dia nahasarika ny sain'ny maro sady niteraka fanahiana tao an-tanàna ary dia nitombo tampoka ny lazan'ireo hirany tany amin'ireo Bar, fiarakaretsaka [taxi] sy toerana hafa”

freeteddyafro no namela hafatra ao amin'ny essai izay kianja eto amin'ny Aterineto izay sahanin'ny Fikambanana Iraisam-Pirenen'ny Mpianatra Ethiopiana [Ethiopian Students Association International] :

It is hard to know if Teddy's (imprisonment) is motivated by politics or it is a following judicial process. Teddy is the symbol of Ethiopian new and future generation. He is a bridge for the past, present and future. He is an idol for young generation. Let us bring Teddy to daylight before he disappears forever.

“Sarotra na hahalala raha mirohy amin'ny resaka pôlitika na fizotra mazavan'ny fitsarana no fototry ny fisamborana an'i Teddy. Taratry ny Ethiopia vaovao sy ny taranaka mbola ho avy i Teddy. Izy no tetezana mampifandray ny lasa, ny ankehitriny ary ny hoavy. Andrandrain'ireo tanora ankehitriny izy. Ka aleo ataontsika izay hiverenany anivon'ny hazavana dieny izy tsy manjavona mandrakizay.”

Mbola ao amin'ny esai ihany, Ethiopia dia mihevitra fa tsy manan-keloka i Afro sady manahy koa sao tsy ara-dalàna ny fitsarana izay hatrehiny :

I DONT believe Teddy IS BOTH INHUMAN to leave a dead street kid laying on the ground AND DUMB enough to stay in the country for two years.

“TSY MINO AHO hoe i Teddy dia SADY BIBY ka hamela zatovon'ny arabe hitsitra amin'ny tany eo SADY DONDRONA ka hijanona eto amin'ny firenena mandritra ny roa taona.”

Toa feo tokana very anatin'ireo kotaba ireo ny antson'i Samuel Gebru izay miangavy mba tsy handrohizana ara-pôlitika ny raharaha mikasika an'i Afro ao amin'ny lahatsoratra “Ethiopia : Fisamborana an'i Teddy Afro” :

Some Ethiopians abroad have tried to capitalize his imprisonment, pending a bail hearing, as the Government's bid to silence the iconic singer…there's a long way ahead before the verdict, so whatever is said abroad is mere speculation. Nevertheless, the politicization of his arrest is not only false but unhealthy in our developing political climate in Ethiopia.

“Misy amin'ireo Ethiopiana sasany izay miaina any ivelany no mihevitra fa ny fisamborana sy ny fiandrasana ny fitsarana azy ahalalana na avotsotra mandra-piandry ny fitsarana, ho toy ny fikasan'ny fanjakana hampangina ilay mpihira kalaza … mbola ho lavitra ny làlana mitondra any amin'ny valim-pitsarana, ka na inona na inona ambara any ivelany dia tsy misy fototra marina izany fa vokatry ny faminaiana. Na dia izany aza, ny fanomezana loko pôlitika ny fisamborana azy dia sady fahadisoana no maimbo anivon'ny fivelatry ny toe-draharaha pôlitika misy an'i Ethiopia ankehitriny.”

Zimbaboe : Mofo sy Raozy

Tomavana — Sat, 19 Apr 2008 08:39:20 +0000

Ny namana Fatso [Comrade Fatso] izay mpanakanto miblaogy no manolotra antsika sombiny amin'ny hirany farany Bread and Roses [Mofo sy Raozy], izay mivoaka any Zimbaboe :

The hit song from Comrade Fatso and Chabvondoka's new album, House of Hunger. Sung from the perspective of a vendor during Mugabe's vicious Operation Murambatsvina it is a call for Bread and Roses - Love and Dignity.

“Ity hira mavitrika indrindra notsongaina tamin'ny raki-kiran'i Comrade Fatso sy Chabvondoka, izay mitondrany lohateny hoe “Tranon-kanoanana” [House of Hunger]. Dia tantaran'ny mpivarotra iray mangataka mofo sy raozy - fitiavana sy fanajana ny maha-olombelona [azy], nandritra ny Operation Murambatsvina izay teti-dratsy nataon'i Mugabe.”