Miroborobo ny fampisehoana mozika tsy miankina ao Malezia. Taona vitsivitsy lasa  izay, dia miha-maro ireo mpanakanto mamelon-tena sy ireo tarika  mahazo fankasitrahana avy amin’ireo tranonkalam-pifandraisana  toy ny YouTube sy ny MySpace.

Fantaro i Yuna. Mety hihevitra ianao fa tanora Maleziana toy ny rehetra ihany i Yuna, nefa raha manopy maso ny boky firaketany  (na ny mombamomba azy ao anatin’ny MySpace calendar?), dia manana lisitr’ireo fampisehoana miandry azy atsy ho atsy sy efa manomboka ny fandraisam-peo voalohany (EP) hanaovany dokam-barotra izy , izay  ny trano fandraisam-peo Yuna azy tenany ihany no mamokatra azy. Resahana betsaka eo amin'ny tontolon'ny fitorahana blaogy izy, tsy noho ny famokarany mozika goavana ihany fa noho ny sariny  mahafatifaty indrindra koa.   Manaitra izy, amin’ny saina madio,  teo amin’ny sehatry ny mozika indie noho ny fiakanjoany ny tundung, sy saly  afatotra amina loha izay fanaon’ny vehivavy any Malezia. Manarona ny loha izy ity fa tsy ny tarehy. Toy ny hijab izy io, fitondran'ny  vehivavy silamo any amin'ny faritra hafa, indrindra fa ry zareo avy any Afovoany Atsinanana.

Omen’i Nat Nat ny  fivoaran’ny fiakaran'ny lazan'i Yuna:

Tsy dia  mbola fanta-daza loatra izy tany am-boalohany, nefa nahasarika ny maro tamin’ny alalan’ny hira andrana voalohany nataony, nandeha tamin’ny iray amin’ireo fampielezampeo sangany tao Malezia ny  Dan Sebenarnya. Fotoana fohy tato aoriana, maro tamin'ireo fampielezam-peo no nanomboka nandefa ny hirany. Nanjary fandre matetika tamin'ny fomba ofisialy izy.

Miezaka manome ny fomba fijeriny tsy mitongilana momba ny  mozikan’i Yuna i Lin Loves:

Mpihira goavana izy, na dia ilay zalahy teo amin’ny fandoavam-bola aza dia nilaza toy izany, ary tsara vintana tokoa aho nahazo ny rakikira farany tao am-pivarotana. Ambarako aminao fa raha vao nandre voalohany azy aho dia vaky volana hoe: “Dray!  tena mahay mihira mihitsy izany tovovavy izany, tiako be ny feony sy ny mozikany.” Avy eo anefa somary naka bahana kely aho hisaintsaina hoe  sao dia mitsara azy ivelany fotsiny noho ny fisalorany  hijab aho, ary tsapako fa mety hampitongilana ihany ny fijeriko izany. Noho izany dia niezaka ny tsy hitongilana araka izay tratrako aho ary nihevitra fa tena goavana tokoa izy.

Zendana tamin'ny  sarin’i Yuna i Indra saingy tiany kosa ny feon’i Yuna izay toy ny an'i Norah Jones:

Nijery ny mikasika azy tao amin’ny MySpace aho ary ny nanaitra ahy dia izy miakanjo  tudung! Fatratra tokoa izy, amin'io feony mitovy amin'ny an'i Norah Jones io dia tena ho lasa lavitra mihitsy izy  (araka ny fahaizako azy, tsapako any anatiko any fotsiny izany). Milantolanto malefaka, izany ny hiran’i Yuna. Andramo dia henoy anie ny hirany e, tsy mitovy ny lantom-peony  rehefa mihira sy miresaka amin'ny teny anglisy izy. Raha miresaka izy, miteny toy ny Maleziana, saingy rehefa mihira ka mampiakatra ny lantom-peony, eo indrindra ny feony no maneno  toy ny feona vehivavy Anglisy.

Miarahaba ny sarin’i Yuna i The Baju Kurung Adventure ary azo alaina ho fakàna tsirin-kevitra ho an’ny maro:

[Yuna] dia Mpihira/mpamoron-kira  indie  izay namoaka EP iray monja. Ambarako anao marina fa tena avo lenta daholo ny hirany. Tsy mbola nanatrika ny seho an-tsehatra  nataony aho , fa efa nisintona kosa ny hirany sy nijery azy tao amin’ny YouTube, ary ny nampivanitika  ahy dia izy niakanjo hijab, izay tsy mahazatra loatra ny tovovavy indie, tsirin-kevitra iray io. Andanin'izay, na hijab na tsia,  manan-talenta ikala. Izay no tena zava-dehibe.

Ankafizin'ireo hafa firazanana ao amin'ny firenena ihany koa i Yuna. Taitra i Tragic. Fairy. Tales. raha  nahalala  ny firazanan’i Yuna:

11 raha kely indrindra no maty ary 30 no maratra nandritra ny fampisehoana an-kira notontosaina tao Rabat, renivohitra maraokana tamin'ny Asabotsy alina 23 May, fampisehoana ao anatin'ny Fetiben'ny  mozika Mawazine.

Efa hifarana indrindra ny fampisehoana no nitranga ity toe-javatra nampalahelo ity fa nianjera nankao amin'ny kianja  Hay Nahda hipooky ny mpijery mihoatra ny 70 000 “grillage” tamin'io andron'ny sabotsy io.

Notaterin'nyThe View From Fez sy ny mpamaham-bolongana Taha Balafrej izay malahelo tokoa amin'izao trangan-javatra izao moa ity voina ity:

D’autant plus […] que le festival Mawazine, aujourd’hui endeuillé, s’est imposé par sa programmation, par l’engouement du public, par la qualité des prestations et des moyens techniques, comme l’évènement populaire et culturel par excellence de la capitale, du Maroc et peut-être même du continent.

Azonao jerena eto amin'ny Global Voices Online:
Morocco: When Arabs Rock

Hisham

Tsy ialam-pahasarotana ny fiainan'ny olona manan-kilema sy maleny any amin'ny Repoblika Demaokratikan'i Kôngô. Maro ny fahasahiranana atrehin'ny kilemaina noho ny fahabangan'ny fanohanan'ny fanjakana sy ny fahavitsian'ny asa.

Miezaka ny mitatitra matetika ny fiainan'ny kilemaina sy ny malemy ao amin'ny fienena misy azy ny mpanao gazety kôngôley sady miandraikitra ny Congoblog “Ba Leki” Atoa Cédric Kalonji, tsy noho ny fanamby atrehin'izy ireo ihany fa hanasongadinana ihany koa ny fikirizana sy ny fandraisana andraikitra ataon'izy ireo miatrika ny fahasahiranana.

Taterin'ny Congoblog tahatahaka izao ny mombamomba an'i Mariam Mapoyi, vehivavy malemy avy ao Lubanga:

“Je fais tout ce que je peux pour assurer le minimum pour mes enfants mais ce n’est pas évident … Je me lève tous les matins vers 6 heures et je prends la pirogue pour traverser de ce côté (rive droite du fleuve) pour mendier auprès de commerçants, hommes d’affaires ou autres autorités politiques. Mes enfants m’accompagnent parce qu’ils doivent pousser mon vélo et manger avec moi ce qu’on me donne”

Nampian'ny Congoblog ny fitantarany :

Ce que cette dame ne dit pas, c’est qu’aucun de ses trois enfants ne va à l’école. Ils ne savent ni lire ni écrire. Elle a bien conscience du fait qu’un avenir sombre les attend mais elle sait aussi qu’elle n’a aucune marge de manœuvre dans ce pays où les parents doivent payer les études de leurs enfants, l’état ayant démissionné de cette charge depuis des décennies. Et pourtant, les textes de la Constitution de notre chère république stipulent que l’école primaire est gratuite et obligatoire.

Na izany aza dia tsy very fanantenana i Mariam sy ireo mitovitovy fahavoazana aminy, ka miditra dingana hialana amin'ny ranomodin'ny fangatahana izy ireo mba hahazaka tena. Nisoratra anarana tao amina tobim-panofanana iray izy hianatra hanjaitra. Mbola mangataka izy mandritra ny fotoana ianarany saingy manatena fa hahay hampiasa milina fanjairana izy rehefa vita avokoa ny lesona ianarana, dia hahavita tena ka mety hanana ambim-bava aza handefasana ny zanany hianatra.

Amina firenena voafetra moa ny tolotr'asa farafahatsarany, -ary tsy manery ny hidirana amina birao na sampan-draharaham-panjakana ny lalàna, izay mampihena ny fahafahan'ny olona tahaka an'i Mariam manao zavatra,- dia ny mianatra manjaitra na manao asa-tanana hafa no fomba ataon'ny kilemaina Kôngôley manana fahaleovantena tsy mandalo amin'ny fitseran'ny hafa.

Vao tsy ela akory izay tamin'ity taona ity no namoahan'ny ITNewsAfrica ny antsipirian'ny fahombiazana azon'ny vondrona vehivavy kilemaina nanangana fandraharahana misahana ny zavakanto sy asatanana, izay nantsoiny hoe Asatanana Shona.

Najoro tao Goma niaraka tamin'ny fanampian'ilay Amerikana Dawn Hurley ny Asatanana Shona, ary hatramin'izay dia nitombo sy nihanitombina ny fidiram-bolan'ireo vehivavy tao anatiny.
Namorona sy nivarotra tamin'ny alalan'ny vohikalany karazan'akanjo, poketra, harona ary kanonkanona nataon-tanana ireto vehivavy ireto. Nahita fahombiazana avy hatrany tany USA, fa nahavarotra vokatra nihoatra ny 100 tamin'ny alalan'ny ebay fotsiny, ny vokatr'izy ireo izay aoka holazana fa lasan-dry zareo manontolo ny tombom-barotra avy amin'izany. Izao fahombiazana izao no ohatra mivaingana amin'ny vokatsoa azo avy amin'ny aterineto mampifandray miantana ny kaontinanta samihafa.

Taona vitsivitsy izay dia maro ny ezaka fananganana toeram-panofanana sy fanabeazana tahatahaka ny an'i Asatanana Shona izao. Tamin'ny volana Aogositra 2008, no nananganana toeram-panofanana voalohany ho an'ny moana marenina, nantsoina hoe Espoir des sourds (Fanantenan'ny marenina) tany Kisangani. Nanome fanofanana fanjairana sy fandrafetana ho an'ny moana marenina monina any Kisangani ny toeram-panofanana, ary nampidiriny ho ao anatin'ny taranja ianarana ihany koa ny fampiasana solosaina (mpanoabaiko).
Manome fitaovana ho an'izay manantalenta moa ny toeram-panofanana tahaka itony mba hahafahan'izy ireny ho tafiditra tsara ao anatin'ny fiaraha-monina. Ary izany dia mba tsy hijerena azy ireo ho vesatra, mpitranga matetika, araka izay voalazan'i Ernst Mukuli, mitatitra ao amin'ny Syfia-Grands-Lacs,

le regard de la société change depuis qu'ils apprennent un métier.

Voatatitra fa nanao izay tratran'ny ainy tamin'ny fampiasana aterineto tany amin'ny cybercafé tany Kisangany tokoa ny mpianatra ao amin'ny Espoir des sourds hahafahany mifandray amin'ny fikambanan'ny moana marenina sy ireo moana marenina hafa ary ireo fikambanana mpanohana manerana ny tany.

Tamin'ny volana marsa 2009 dia nahazo vola manakaiky ny £500 000 ny Handicap International UK hananganana tetikasam-panabeazana any RDC. Telo taona no hampiasana ity tetikasa ity hampidirana ireo ankizy manan-kilema any amin'ny fanabeazana fototra. Atao amin'ny alalan'ny fampidirana ireo ankizy manan-kilema any amin'ny sekolim-panjakana sy fampiofanana ny mpampianatra ny fomba vaovao mifandraika amin'ny fampianarana ireo ankizy manan-kilema ireo. Ny tanjon'ny Handicap International UK koa dia ny hampidirana politikam-pampianarana telo vaovao mifandraika amin'ny zon'ny ankizy manan-kilema any amin'ny minisiteran'ny fampianarana.

Ankoatra ny fanohizana ny fampianarana sy ny fampiofanana, dia maro amin'ny manan-kilema Kôngôley no mahita fomba fitadiavam-bola tsy miankina amin'ny fangatahana.
Hatramin'ny taona 1970 moa dia tsy mandoa hetra ny manan-kilema any RDC. Io no mahatonga ireo kilemaina Kôngôley mitady fomba marosamihafa amin'ny fampiasana ny seza misy kodiarana fitondrany. Congoblog no mitatitra :

Leur activité consiste à prendre sur leurs chaises roulantes des marchandises (farine, huile, poissons ou viande) et de les faire traverser de part et d’autre. Les commerçants privilégient les handicapés pour faire traverser leurs marchandises parce que ces derniers ne paient pas de taxes. Leurs effets ne sont pas fouillés et ils n’ont besoin d’aucun document pour traverser la frontière.

Kely kokoa noho izay tokony aloany no omen'ny mpivarotra amin'ny fitondran'ny kilemaina ny entany, ary dia afa-miasa malalaka, sady mahazo karama azoazo ihany ry zareo amin'izany.

Nanampy i Congoblog:

Manque à gagner pour le trésor public mais moyen de survie pour les handicapés qui trouvent dans cette activité les revenus leur permettant de subvenir à leur besoins. « Nous préférons venir travailler ici plutôt que d’aller passer nos journées à quémander en ville », lâche fièrement Patrick. Ses compères et lui-même ont bien compris qu’il valait mieux se débrouiller, plutôt que d’attendre un hypothétique redressement de la situation politique et économique du pays.

Ireo mirahalahy zokiny indrindra ao amin'ny tarika kôngôley manan-kilema mpihira avy ao Kinshasa Staff Benda Bilili, moa dia nifanena tamin'ny alalan'itony fampitana entana mampitohy an'i Kinshasa sy Brazzaville itony.

Nasongadin'ny bolongan-kira avy ao Marseille KoToNTeeJ moa ny votoatin-kiran'izy ireo:

Coco Ngambali, l’auteur principal du groupe et champion de bras de fer, explique qu’à travers leurs chansons, ils jouent le rôle de journalistes, parlent à ceux qui vivent et dorment dans la rue sur des cartons.

Mamerin-kira any amin'ny zaridaina fijerena biby any Kinshasa ny Staff Benda Bilili ary mihira any amin'ny bars sy toeram-pihaonan'ny vazaha any, manana ny letan'ny “success story” na tantaram-pahombiazana tokoa ny ataon'izy ireo. Voadingan'izy ireo avokoa ny karazan-tsakasakana rehetra ary mitarika amin'ny filaharana ao amin'ny World Music Chart any Eoropa amin'izao fotoana izao. Nanao soniam-piaraha-miasa amin'ny Crammed Discs moa ny Staff Benda Bilili ary miomana ny hitety an'i Eoropa.

Raha porofon'ny fiasana mafy sy fiasana tsara ary ny fahavononana moa ny fahombiazan'ny Asatanana Shona sy ny Staff Benda Bilili, dia nanam-bintana ihany koa ny famoronana nataon'izy ireo. Tsy tokony hohadinoina fa na dia eo aza ny ezaka dia hatrehina hatrany ny kilema sy ny fiainana sarotra.

Araka ny fanamarihan'i Congoblog:

Si déjà la vie est dure pour les personnes valides, pas besoin de s’interroger longtemps sur le sort de ceux qui vivent avec un handicap. Et bien sûr, on ne peut rien demander à l’état, absent, démissionnaire et irresponsable.

Tezitra tamin'ny fanamarihan'i Donald Tsang Lehiben'ny mpanatanteraka niresaka momba ilay indray 4 jona nandritra ny kabary nataony teo anoloan'ny Mpanao lalàna tamin'ny herinandro (13 mey) ny olona. Hoy ny navaliny raha nanontaniana ny heviny manokana mikasika ny hetsika fitakiana nataon'ny mpianatra tamin'ny 4 jona izy:

I understand Hong Kong people’s feelings about June 4, but the incident happened many years ago. The country’s development in many areas has since achieved tremendous results and brought economic prosperity to Hong Kong. I believe Hong Kong people will make an objective assessment of the nation’s development.

Avy eo dia nambarany fa mahasolo ny hevitry ny olona amin'ny ankapobeny izany fomba fijeriny izany, ary io no tena niteraka ny tsikera fa tsy nofidian'ny vahoakan'i Hong Kong izy. Nandika (ho amin'ny teny anglisy) ny valin'ny fitsapan-kevitra avy ao amin'ny HKU ny vohikala ESWN ary dia navoakan'ny 58%n'ny fanehoan-kevitra fa diso ny fitondrana shinoa tamin'ny famoretana nataony tamin'ny 4 jona, na izany aza dia matoky ny ankamaroan'ny olona fa nisy fivoarana ny fanajana ny zon'olombelona nandritra ny telo taona farany. (ao amin'ny ESWN ny antsipirian'ny tatitra sy ny valin'ny fanatsafana ny hevitry ny olona)

Tahaka ny ahoana moa ny fahatezeran'ny olona tamin'ny fanehoan'i Donald Tsang ny heviny? Mampiharihary ny fihetseham-pon'ny olona izay nahazo mpijery mihoatra ny 30 000 nandritra ny faran'ny herinandro monja ity raki-kira an-tsary mitondra ny lohateny hoe Donald Tsang, Please Die,(Donald Tsang, aza fady matesa) ity:

Donald Tsang, please die
我哋實上街 (translation: we will definitely take on the street to protest)
Donald Tsang, please die
When will you be fired?

假設donald今日你俾人斬左隻手
二十年後嗰個人發咗達又做埋特首
你會否因為佢嘅成就
然後叫自己不要追究？

Donald Tsang, please die
我哋實上街 (translation: we will definitely take on the street to protest)
Donald Tsang, please die
We’re all poor guys

董建華雖然做野係渣
但係良心都唔會好似你咁差
你任內最驕人既成就
就係強化市民對民主嘅要求

Donald Tsang, please die
When will you die?
Donald Tsang, please die…
When will you be fired?

Nosoratan'i Ah P avy amin'ny tarika antsoina hoe “my little airport” ity hira ity.

Kanefa dia nampisy fifandirana ihany koa ny hira nampidirin’ny Rosia ankehitriny. Manazava I Andy manoratra ny ny Siberian Light:

Ahitan'ny mpahita petrakevitra momba ny tsikombakomba ambadika sy ny mpamaham-bolongana fanazavana avokoa ny zavatra rehetra, notsongaina hisolo tena an'i Rosia amin'ity taona ity ny  Mam [o] izay nataon’ny Anastasia .

Fifandirana hoe? Izao e, okrainiana i Prikhodko, ary hiraina ampahany amin'ny teny rosiana sy ampahany miroky teny okrainiana ny hira antsoina hoe Mamo. Marina fa lany tamin’ny fifaninana tany Rosia i Prikhodko rehefa hita fa tsy tafiditra handray anjara any Okraina […]

Izao no hevitr'i Andy eo amin’ny sehatra jeopolitika tamin'ny fidiran'i Rosia eo amin'ity sehatra ity:

[…]n’inona n’inona aloha, amiko manokana dia hitako fa misy tsipaka ataon'i Rosia ilay izy e. Tsy vitan’ny hoe efa resiny sy nohitsakitsahiny i Georgia, izay nampiditra hira mahasorena milaza ny tsy itiavan’izy ireo an’I Putin – fa dia lazain’izy ireo fa tsy misy afatsy miresaka fahandriampahalemana sy fifampitsinjonvana eo amin’ny mpiara-monina any Rosia. Ary tena tian’izy ireo ny Okrainiana an.

Raha ny tena marina aloha dia tsara  ilay hira – tsy tena goavana, kanefa azo antoka kosa fa tsy hitsanga-menatra I Rosia amin’ny volana May […]

Nanoratra ny mikasika ity hira nampidirin’ny Rosia ity - sy ilay nampidirin'i Okraina - I Vasyl of uaMuzik:

Andao isika hijery ifotony ato amin’ny sehatry ny WMSC (World Mudslinging Song Contest) mba hihainoana ny kabarim-panokafana. “Eo amin’ny zoro havanana ny mpisolo tena ny firenena Rosia, ilay nandresy tamin'ny herintaona tamin'ny Eurovision, ny antsika avy teto Iokraina Anastasia Prykhodko , hanao ny hira mitondra ny lohanteny hoe Mamo. Ny mpifaninana aminy eo amin'ny zoro havia, mpihira taloha tao amin'ny Via Gra, tao amin’ny tetik’asa T&A an’I Rosia ho an’ny taonjato faha 21, dia I Svitlana Loboda!”

Raha jerena amin'ny fo tsy miangatra dia izay no mahatonga  izao toe-javatra izao. Ny marina dia misy ny Rosiana tezitra fa Okrainiana no hisolotena azy ireo ao amin'ny ESC amin’ity taona ity ary tsy hatao amin’ny teny Rosiana madiorano na teny anglisy ilay hira, fa misy voarara, miteny amin'ny teny Okrainiana tsy manana dikany amin'ny teny rosiana ireo mpiara-mihira aminy[…]

Raha misy moa ny resaka vato mihodikodina alatsaka ho an’I Anastasia Prykhodko, dia tsy ho olan’ny Rosianina irery izany. Manoratra izany I Belgraded – teo amin’ny fanitsiana ny “ireo Degany tamin’ny HiraEropa Balkana 2009” (Balkan Eurosong Losers of 2009) mahakasika ireo hira nandresy:

[…]fifandraisan’ny olon-tsotra amin’ny fanisana ny latsa-bato dia zava-dehibe foana eo amin’ny fiadina ny famaranana Balkaniana, ary ny fifaninana ao an-toerana amin’ity taona ity dia tsy hisy fanavahana. Ho hita eo hoe iza no manana ny fifandraisana tsara sy/na mahay mandrindra ny fanakaramana ny mpitsara, jereo ny antonta Balkana[..]

Tokony ho marihana tsara fa tsy dia manana zotom-po ny antonta Balkana (Balkan file) mahakasika ny “fanantenana ananan’ny Eurovision”, avy amin’ny “Yogoslavia teo aloha, sy Albaina”

Hiverina eny amin’ny taniny ve ny Eurovision amin’ny herintaona tao aorian’ny fotoana fohy nisian’izany tao Rosia? Angamba tsia [..]

Andao hiverina ato amin’ireo “Degany” (olon-dresy) ankehitriny isika, ity no voasoratry Belgraded mahakasika Serbiana iray:

Ny Serbiana degany (olo-dresy) indrindra nananantsika nandritra taona maro – ananan’izy ireo daholo ny karazany maro: ireo kidaladala mpanao hatsikana, ireo pelaka tia fiarahana amina mpisorona na miaramila ambony grady, ireo vehivavy jila komonista, ary ireo mozika marisidrisika sy milanto. Eny, fantatro fa efa noteneninko ny mozika marisidrisika sy milanto. Ny olona sasany milaza fa naheno ny feon-kira an’I “Bohemian Rhapsody” sy ny hoe “ You’ll never walk alone” (tsy andeha irery intsony ianao) teny ho eny kanefa tsy ho vitako kosa aloha ny manara-maso ny misy azy ireny e. [….]

Ity ny horonantsarin’ireo mpandray anjary voalaza etsy ambony:

Nanoratra I Sajkaca ao amin’ny tsikera ho an’ity lahatsoratra ity:

Aleo isika ho mari-toetra, raha toa ka hoe hira kanto manaraka ny fomba efa mahazatra no hita ao dia tsy hisy olona hanatrika ny fifaninana Eurovision akory eo. Misy ny hery misarika satria fantatrao fa mety ahamenatra ilay izy! [….]