Global Voices teny Malagasy » Media

Filipina: Dokambarotra kandidà ho filoham-pirenena amin'ny fahitalavitra

Lila — Tue, 24 Nov 2009 18:17:02 +0000

MpanoratraMong Palatino · Nandika Lila · vakio ato ny lahatsoratra nadika

Hisy fifidianana filoham-pirenena any Filipina amin'ny taona ho avy. Efa nanomboka ny fotoan'ny fifidianana amin'ny famenoana ireo antontan- taratasy filatsahana any amin'ireo biraom-panjakana manerana ny firenena.

Ho fanairana sy fampahafantarana ny mpifidy mikasika ny firotsahana ho fidiana manao fandaharana sy mandoa ny vola mifandraika amin'izany ireo mpifaninana ho filoham-pirenena. Sarimihetsika maro momba ireo mpilatsaka ho fidiana ireo no efa nandeha tamin'ny fahitalavitra nandritra ny volana vitsivitsy izay. Efa tafiditra ao amin'ny YouTube avokoa ireny fandaharana ireny.

Pinoy Picks! no namoaka ny lisitr'ireo mpilatsaka ho fidiana. Tsy afa-po amin'ny fanangonana ireo anarana ireo ny bilaogin'i Shalapog:

Rehefa mifoha ianao amin'ny maraina dia tsapanao fa mihamanakaiky ny fotoana. Hitanao izany eny an-dalana rehetra eny, amin'ny hirahira ao amin'ny radio, ny fahasahiranan'ny olona mijery ny lisitra sy mampiditra izany amin'ny dokam-barotra ao amin'ny fahitalavitra. Hita eo ireo… azo fidiana ho filoham-pirenena!

Fifidianana 2010, tsy dia mamparisika ahy loatra satria tsy mahafa-po ahy ireo mpilatsaka ho fidiana sy ny laharany ao amin'ny rejistra. Tsy dia mahay politika aho, na dia nianatra siansa politika aza tany am-pianarana. Na izany aza fantatro hoe hanao ahoana ny firenena miaraka amin'izay ho filoha manaraka eo.

Indreto ny fandaharana mikasika ireo mpilatsaka ho fidiana:

Manindry mafy ny amin'ny fanombohany amm-panetren-tena ny loholona Manny Villar :

Manao izay hampalaza azy ny loholona Chiz Escudero

Mila fahaiza-manao sy fahaizana ny governemanta hoy ny sekreteran'ny fiarovana, kandidan'ny fitantanana Gilbert Teodoro

Ny loholona Noynoy Aquino, zanaka lahin'ny filoha, no manao sary mihetsika miaraka amin'ny mozika tsara indrindra

Ny filoha teo aloha Joseph Estrada milatsaka ho fidiana indray ao ambadiky ny fivarotana fanafody artrita

Scholar Danny Arao no mandinika ireo fandaharana ireo:

Mody jerena matanjaka ara-batana izy ireo kanjo tsy ampy hery. Na dia manan-kevitra tsara ny hanova zavatra aza izy ireo dia tsy hahavita izany ao anatin'ny fotoana raha ny zava-misy amin'izao fotoana izao.

Misy koa ireo milaza fa miezaka manao izay hampalaza ny tenany fotsiny ireo mpilatsaka ho fidiana ireo, kanefa tsy ho mora leo aza ve ny olona raha izao sahady izy ireo dia miresaka olana manokana tahaka ny hoe fanitsakitsahana zon'olombelona sy ny tsy fahampian'ny fanovana?

Barrio Siete tsy tia politika

Halako ny resaka politika. Raha ny hevitro dia fandaniam-bola fotsiny izany. Tiako izay kandida mandany ny volana amin'ny zavatra ilain'ny tsy manana.

Hatramin'izao aloha dia tsy mbola manana kandida tohanana aho. Mbola sahirana mijery izay kandida mifanaraka amin'ny eritreretiko aho. Alefa ny fandaharana politika, miaraka amin'ny tarigetrany mampahafantatra izay hofidiana, raha misy anankiray fotsiny, kanefa ny endriny sy ny tarigetrany dia ny hampahafantatra ny tenany fotsiny hoe milatsaka ho fidiana, ataoko fa tsy mety izany.

Mong Palatino

Alzeria sy Ejipta: Efa tsy resaka baolina fandaka intsony

Jentilisa — Sun, 22 Nov 2009 21:42:04 +0000

MpanoratraTarek Amr · Nandika Jentilisa · vakio ato ny lahatsoratra nadika

Iza moa no mba nino fa niteraka romoromo amina firenena roa tahaka izao ny lalao baolina fandaka iray? Saingy ny marina dia tafakatra hatrany amin'ny dingana tsy nampoizina ny fifanenjanana teo amin'i Ejipta sy Alzeria. Maro ny mpamaham-bolongana no mihevitra fa tsy misy ifandraisany ilay lalao sy ny gidragidra misy eny an-dalambe, ary maro ihany koa no tahaka ahy no tohina tanteraka fa misy ireo fampahalalam-baovao malaza no tsy mahatakatra akory ny fandehan'ny tantara iray manontolo - Mbola mino ihany ireo fampahalalam-baovao ireo fa fihetsiketsehana sy gidragidra eo amin'ny samy mpanohana ny ekipam-pireneny noho ny vokatry ny lalao no misy. Toy izao ary ny antsipirian'ny fivoaran'ny toe-draharaha - araka ny nosoratan'ny mpamaham-bolongana.
Taorian'ny lalao natao tany Ejipta dia nilaza ny gazety Alzeriana fa nisy ny Alzeriana no maty (saingy nolavin'ny ambasadera Alzeriana any Le Caire izany vaovao izany). Niteraka fanafihana ny fonenana sy toeram-piasana Ejipsiana tany Alzeria izany tsaho izany; Potika ny masoivohon'ny Egypt Air. Notaterina ihany koa fa mpiasa Ejipsiana mihoatra ny 1500 no voatafika sy voatakalon'aina tao anatin'ny rotaka; Voatery narovan'ny mpitandro ny filaminana Alzeriana ihany koa ny Ambasady Ejipsiana.

Manoratra ireny tsahotsaho ireny ao amin'ny bolongany El Journaljy i Ihab Omar:

ثم اتت الطامة الكبرى، حينما رأى الاعلام الجزائري ان الادعاء بوجود وفيات في المبارة سوف يدعم الموقف الجزائري بطلب اعادة المباراة، خاصة ان ملف المباراة تحت التحقيق بالفعل في الفيفا، و هكذا خرجت الصحف الجزائرية تتحدث عن نعوش جزائرية وصلت الي مطار الجزائر قادمة من مصر، جثث المشجعين الجزائريين المساكين الذين طاردهم المصريين الهمج في كل شوارع مصر

Tonga ny tsy nampoizina, rehefa nilaza ny fampahalalam-baovao Alzeriana fa nisy ny mpanohana ny ekipan-dry zareo no maty. Noheverin-dry zareo fa raha manao izany ry zareo dia afa-mangataka fanafoanana ny lalao, indrindra moa fa hoe eo ambany fiahian'ny FIFA io lalao io. Avy eo dia nanambara ireo gazety Alzeriana ireo fa nisy vatampaty avy any Ejipta tonga tany amin'ny seranam-piaramanidin'izy ireo. Mitondra ny vatamangatsiakan'ireo mpanohana Alzeriana notafihan'ny barbariana Ejipsiana nanerana ny lalamben'i Ejipta ireo vatapaty ireo araka ny filazany.

Taorian'izany dia nandà ny fisian'izany ny Ambasadera Alzeriana ka nilaza fa tsy nisy Alzeriana maty izany tany Ejipta. Saingy araka ny nosoratan'i Inferad ao amin'ny bolongany, dia tsy nahasakana ny fielezan'ny tsaho sy ny herisetra niaraka taminy io fanambarana io.

وأشار السفير حجار إلى أن ما أشاعته صحيفة “الشروق” الجزائرية يوم الأحد عن مصرع سبعة جزائريين بالقاهرة عقب المباراة عار تماما من الصحة، مؤكدا أن هذا الأمر لا يمكن أن يحدث دون علم السفارة، منوها في الوقت ذاته بوجود إصابات بين عدد من الجزائريين نتيجة للتدافع أثناء خروجهم من استاد القاهرة عقب المباراة
يأتي ذلك في الوقت الذي أكدت فيه الخارجية المصرية تعرض العاملين في عدة شركات مصرية بالجزائر لإصابات واعتداءات جماهير جزائرية تقدر بالآلاف، جراء الإشاعات التي روجت لها الصحف الجزائرية لها عقب المباراة

Nanambara moa Atoa Hajjar, Ambasadera Alzeriana any Ejipta, fa tsy misy fahamarinany mihitsy ny navoakan'ny “El Chorouk” milaza ny fahafatesana mpanohana Alzeriana fito tany Le Caire. Nampiany moa fa tsy misy zavatra tahaka izany ka tsy fantatry ny masoivoho, na izany aza dia maromaro ny naratra noho ny firohotana nivoaka ny kianjan'i Le Caire.
Taorian'izany moa dia nanambara ny minisitry ny raharaham-bahiny Ejipsiana fa maro amin'ny Ejipsiana miasa any Alzeria no notafihan'ny Alzeriana anarivony notarihin'ireny tsahotsaho ireny, izay niely tamin'ny alalan'ny gazety Alzeriana.

Nandritra sy taorian'ny lalao tany Ejipta moa dia mbola nilamina ny tontolom-bolongana Ejipsiana. Nanoratra ny mpamaham-bolongana tahaka an'i Nile Wise fa lalao baolina fandaka fotsiny iny ka tsy tokony hanao zavatra mihoam-pampana ny olona:

مباراة كرة القدم بين الفريق المصرى والجزائرى تحولت وبشكل سخيف الى مايشبه اعلان الحرب بين الدولتين ,فالمباراة مهما كانت اهميتها للفريقين فانها فى النهاية مجرد مباراة نعلم جميعا أن مصر لم تتأهل لكأس العالم من 20 عام والجزائرلم تتأهل منذ 24 عام

Niofo ho fihantsiana ady teo amin'i Ejipta sy Alzeria ny lalao baolina fandaka nisy teo amin'ny roa tonta. Lalao baolina fandaka tsotra iny raha tsy jerena ny lanjany eo amin'ny ekipa tsirairay avy, indrindra moa rehefa fantatsika rehetra fa tsy tafita amin'ny dingan'ny famaranana eo amin'ny fiadiana ho tompondaka erantany i Ejipta tao anatin'ny 20 taona izay, raha 24 taona kosa izany ho an'i Alzeria.

Nanambara ny bolongana tahaka an'i Inferad fa ny fampahalalam- baovao eo amin'ny firenena roa tonta no mendrika hotreronina. Niangavy ny olona eo amin'ny firenena roa tonta izy tsy hinohino fahatany izay vakìny sy henony:

لا تصدق كل مايقال لك عن اعمال عنف ضد المصريين فى الجزائر ولا عن قتل الجزائريين فى شوارع القاهرة ..نعم هناك حالة احتقان يفتعلها الاعلام المتطرف بمساندة حكومات فاسدة وفاشلة هنا وهناك ..حكومات لا تعبر عن الشعوب بل استولت على السلطة بالقوة وتحاول الهاء الشعوب بمباريات الكرة والافلام العارية والصحافة الداعرة

Aza mino izay rehetra voasoratra amin'izany hoe Ejipsiana notafihina tany Alzeria na Alzeriana nisy namono tany Le Caire izany. Eny, misy ny faka mangidy (lonilony) foronin'ny fampahalalam-baovao ary ankasitrahan'ny governemanta mpanao kolikoly andaniny sy ankilany - governemanta nahazo fahefana tamin'ny alalan'ny hery, ary te-hisarika ny fifantohan'ny olona amin'ny baolina fandaka, fiboridanana, ary amin'ny gazety tia fanafintohinana (horikorika na journaux à scandales).

Misy ihany koa ny mpamaham-bolongana hafa tahaka an'i Al Journaljy, no manaiky ny fisian'ny herisetra nisy eo amin'ny firenena tsirairay natao tamin'ny mpankasitraka ny hafa:

في مباراة الذهاب التى اقيمت بين مصر و الجزائر هنالك في التصفيات الجارية حالياً، تم قذف اتوبيس المنتخب بالحجارة في شوارع الجزائر

Nandritra ny lalao natao tany Alzeria dia voatora-bato teny an-dalana ny fiara nitatitra ny ekipa ejipsiana.

Ary dia nanohy izy:

سهر الجماهير محدثين أكبر قدر من الضجيج و العربدة اسفل نوافذ اللاعبيين المصريين حتى لا ينعمون بالراحة والنوم لمباراة اليوم التالى

Nandany ny alina hitabataba teny akaikin'ny trano natorian'ny mpilalao Ejipsiana ny mpanohana an'i Alzeria mba tsy hahafahan'ireo mpilalao ireo miala sasatra sy matory.

Nanaiky ihany koa izy fa tsy tsara tahaka ny mpanohana an'i Ejipta ny mpanohana an'i Alzeria, ary samy nanao ny hadalany ry zareo talohan'ny lalao natao tany Le Caire.

و لنصل الي المحطة الاخيرة، الي مباراة السبت الماضى، بالطبع كان هنالك تجاوزات جرت من الطرف المصرى

Ary nitranga izany nandritra ny lalaon'ny sabotsy, azo itokisana fa nisy ny fihoaram-pefy nataon'ny andaniny Ejipsiana.

Ary izao ihany koa no nanoratan'i Daily Barid avy hatrany:

هناك أمر مؤكد بشأن أعمال الشغب من الجانبين المصري و الجزائري فهم ليسوا ملائكة والكل يعلم هذا ,ولكن من يفصل في هذه الأعمال هي السلطات وليس أحد آخر و يجب أن تتحمل السلطات مسؤولياتها الكاملة إذا كان هناك وفيات كما أشيع ولا أتمنى ذلك فالوحيد المسئول عن هذا الأمر هو القضاء و التعامل يكون كالتعامل مع أي قضية إجرامية ودون التوسع إلى أمور أخرى يجب على السلطات في كلى البلدين محاسبة جميع الوسائل الإعلامية غير النزيهة و التي ساهمت بشكل فاضح و شرير في إلهاب مشاعر الحقد بين أفراد الشعب ين

Azo itokisana fa samy nanao herisetra na ny Ejipsiana na ny Alzeriana. Tsy olo-masina ireo, ary samy mahalala izany ny rehetra. Fa ny governemanta (roa tonta) no tompoon'andraikitra nifampiraharaha tamin'ireo nanao action fa tsy tamin'ny hafa. Raha nisy ny fifamonoana, manantena aho fa ny rafi-pitsarana no miditra an-tsehatra, ary tokony ho raharahan-keloka ihany. Tokony hanasazy ny fampahalalam-baovao tsy nanaja ny etikany niteraka savorovoro teo amin'ny vahoaka roa tonta ny governemanta roa tonta.

Raha ny marina ireo zava-nitranga notantaraina tetsy ambony ireo dia azo heverina ho fampidirana ny zava-nitranga tamin'ny alarobia teo tany Soudan. Toy ny manao famaranana na ny Ejipsiana na ny Alzeriana mba ahafahana mahafantatra izay hiakatra amin'ny dingana famaranana hotontosaina any Afrika Atsimo amin'ny herintaona.

Misy ny mpamaham-bolongana manahy fa hisy herisetra hihatra amin'ny mpijery baolina Ejipsiana any Soudan. Izany no nahatonga an'i Lokmet Eish miantso ny mpitandro ny filaminana hiaro ny mpanohana sy ny mpilalao Ejipsiana any:

بعد أخبار صحيفة الخبر الجزائرية المفبركة والكاذبة
مطلوب حماية أمنية خاصة للفريق القومى المصرى،وللجماهير المصرية المرافقة

Taorian'ny vaovao tsy marina navoakan'ny gazety Alzeriana, Al Khabar, dia nisy ny mpitandro ny filaminana manokana nangonina hiaro ny mpanohana sy ny mpilalao Ejipsiana.

Nanao izay ho afany ihany ny Sodaney hifehezana ny kianja tamin'ny nandefasana miaramila miisa 15 000. Saingy efa nivadika moa ny toe-draharaha ka na dia maro tahaka izany aza tsy mbola ampy hahafehy ny raharaha. Nosoratan'i Zeinobia ao amin'ny bolongany izay nitranga:

Natory tamin'alahelo ny ankamaroan'ny Ejipsiana halina taorian'ny faharesena teo anatrehan'i Alzeria, lalao io ary samy mahafantatra fa mety ho resy izahay ary tsy izay akory no farandro saingy mbola niari-tory ihany ny maro amin'ny Ejipsiana manerantany hatramin'ny maraimbe fa hazain'ny jiolahimboto Alzeriana romotra hoe, raha izay no ilazako azy, ny mpanohana antsika nandritra ny alina.
Ejipsiana anarivony no nandany ny alina tany ampiafenana na izany tany amin'ny trano fandriambahiny na trano fisakafoanana na tany amin'ny orinasa Ejipsiana HQ ao Khartoum ary misy aza miafina any an-tranon'ny Sodaney noho ny tahotra sao dia tratra ka voadaroky ny jiolahimboto Alzeriana entin'ny voromby Alzeriana.
Araka ny filazan'ny nanatri-maso tao amin'ny kianja Sodaney dia tsy ireo mpanohana Alzeriana mahazatra ireo tonga tany ireo, tsy nohirainy akory manko ny hira malaza ahafantarana azy ireo manao hoe “1,2,3 Algerie”. Jiolahy efa zatra ady namotsy ny tsenan'i Um Darman tao anatin'ny telo andro katroka tamin'ny alalan'ny kalaza, antsy, sabatra ry zalahy ireo. Mazava loatra fa efa nampitandremana izahay fa tsy noeritreretinay ho tahaka izany ny fandehany indrindra moa efa fantatra fa resy isika. Teny ampividianana tapakila aza dia efa maro ny Ejipsiana tsy nandeha tany noho ny tahotra hisian-javatra tahaka izao indrindra.
Nihaza ny fiarakodianay sy ny fiarabenay tamin'ny vato sy tavoahangy ireo jiolahy Alzeriana ireo, ary maro mihitsy ny Ejipsiana no naratra. Ny seranam-piaramanidin'i Khartoum moa dia tahaka ny tsy haiko ny milaza azy,mety hoe mahantra noho ny toe-karena fa tena hipoka, tena hipoka mihitsy.
Nandritra ny alina manontolo ny firenena no mahare antsom-pihorohoroana avy any Soudan ataon'ny olo-malaza, mpanao gazety, solombavambahoaka sy mpanohana mahazatra izay voafandrika any an-dalamben'i Khartoum any mandritra ny ora ary tsy mahafantatra izay lalan-kodiavina.

Nanoratra momba ny mpankasitraka Ejipsiana iray poa-maso noho ity raharaha ihany koa izy, ary mampitaha izay nitranga ihany koa 20 taona lasa izay raha nanapoaka masona mpankasitraka Ejipsiana iray ihany koa ny mpankasitraka Alzeriana iray:

Aoka ho fantatrao fa olo-pirenena Ejipsiana iray antsoina hoe Marwa Abdel Karim ihany koa no poa-maso, tahaka ny hoe misy fifandraisany fa nanao toy izany tamina olo-pirenena Ejipsiana hafa ihany koa 20 taona lasa izay i Baloumi tamin'ny 1989.

Eto ihany koa dia nanoratra izay nitranga tany Soudan i Bani Adam Maa Waqf El Tanfeez. Nosoratany ny lahatsary iray nivoaka an-tserasera nampitandrina ny Ejipsiana tsy hankany, ary misy ahitana ireo mpankasitraka Alzeriana mitondra antsy eny an-tanany:

أولا أعتذر عن سوء فهمي للموضوع و قيامي بمبادرة تعمل على نبذ التعصب و للأسف كتبت عنها الجرائد الجزائرية .. مما يجعلني أشعر بالعار الآن
لا أعرف كيف لم أصدق كلامهم .. فقد شاهدت بعيني فيديو أسمه ( تحذير لكل مصري ) يقول فيه كل ما سوف يحدث و أنهم سوف يرسلون بلطجيه و لصوص و مسجلين خطر للانتقام من المصريين
بعد فهمي للموضوع أري أن الحكومة الجزائرية و سفيرها في مصر مشارك في المجزرة التي حدثت

Tena miala tsiny indrindra aho, noho ny tsy fahazoako ny resaka iray manontolo ary niantso fandraisana andraikitra hampitsahatra ny herisetra misy eo amintsika sy ny gazety Alzeriana nanoratra momba an'io. Tena manao azafady indrindra noho izany aho ankehitriny.
Tsy fantatro hoe naninona no tsy ninoako izay nambaran-dry zareo. Nahita ny lahatsary iray navoakan'izy ireo aho [tao amin'ny YouTube] izay “Nampitandrina ny Ejipsiana rehetra”, izay efa nilazan-dry zareo ny hitranga ary efa nanampikasana ny handefa mpamono olona mitondra fitaovam-piadiana hamaly faty ny Ejipsiana.
Ankehitriny hitako fa nandray anajara tamin'ity famonoana ity ny governemanta Alzeriana sy ny ambasaderany.

Ary dia notohizany ny resaka:

أرسلت مصر خير أبنائها لمشاهدة المباراة لإضفاء نوعا من السلام و الحب ..
فمن في الوطن العربي كله ؟ لا يسمع محمد فؤاد ؟؟ من في الوطن العربي كله لا يحترم الفنانة فردوس عبد الحميد . من الوطن العربي كله لم يضحك على كوميديا الفنان احمد بدير ؟؟ و غيرهم و غيرهم
أنهم رموز مصر و رموز الوطن العربي كله
بينما أرسلت الجزائر أبنائها من قاطعين الطرق و مسجلين الخطر و غيرهم و نقلتهم على قواتها الحربية ؟؟ كما أكدت وسائل الإعلام أمس أن الجزائر كانت تستخدم الطائرات الحربية ؟؟؟
أذن الجزائر تكره مصر ؟؟
نعم
الجزائر تكره مصر …. الجزائر أعلنت الحرب و نحن كنا نقول وردة لكل جزائري
هل رأيتم شعب يتصرف بساذجة مثلا !! بالطبع

Nandefa ny vato nasondrotry ny tany avy amin'ny fiaraha-moniny tany i Ejipta hijery ny lalao, mba ho mariky ny fitiavana sy ny fandriampahalemana.
Iza tamin'ny tontolo arabo moa no tsy efa nihaino an'i Muhammad Fouad [mpihira ejipsiana], na efa nanaja an'i Fardous Abdel Hameed [mpanao tantara tsangana Ejipsiana], na efa nihomehy tamin'ny hatsikan'i Ahmed Bedeir. Ary ireo hafa ihany koa.
Olomangan'ny Arabo ireo.
Nefa etsy ankilan'izany kosa i Alzeria dia ireo mpisetrasetra sy mpamono olona no notaterin'ny voromby maro an'ny miaramila.
Koa mazava ankehitriny fa mankahala an'i Ejipta i Alzeria. Eny, halan'i Alzeria i Egypt, ary efa nihantsy ady tamintsika, raha mbola teo ampiresahana raozy ho an'i Alzeriana tsirairay isika.
Efa nahita vendrana tahaka antsika tahaka izao ve isika taloha? Tena tsia mihitsy.

Ary dia hita ampahibemaso izany ankehitriny, vonton'alahelo (adala) noho izay nitranga tany Soudan na ny fampahalalam-baovao, na ny vahoaka eny an-dalambe, na ny fitondrana Ejipsiana.

Manoratra ato izay nolazain'ny manam-pahefana Ejipsiana i Zeinobia:

Nampiantso ny Ambasadera Ejipsiana (hody) i Ejipta tao anatin'ny fotoana efa naharatsy ny fifandraisantsika ka vao maika nanampy trotraka ny faharisarisam- pifandraisana tamin'i Alzeria izany
Efa tsy hita eto Ejipta intsony ny Ambasadera Alzeriana, mino aho fa mangoron'entana izy izay.
Efa mifaninana amin'ny fepetram-piarovana ny ambasadin'i Etazonia, i Isiraely ary i Danemarka ny fiarovana any ambasady alzeriana ao amin'ny lalana Brezila any Zamalek.
Nisy fifampiantsoana hanafika ny ambasady manko hatramin'ny maraimbe tany amin'ny takelaka facebook
Nanao fanambarana ofisialy mitsipaka sy manameloka ny fanafihana ny mpanohana antsika ny federasiona Ejipsiana , antenaina fa hotaterintsika any amin'ny FIFA izany
Niala tao amin'ny federasiona baolina fandaka Afrika avaratra ny federasiona Ejipsiana
Nanambara ny orinasa mpamokatra lahatsary tantara (tantara an-tsarimihetsika) Ejipsiana “ orinasa Arabo mpamokatra sy mpampiely lahatsary tantara” fa hanao ankivy ny hetsika Alzeriana.

Tarek Amr

Polona: mpitoraka blaogy tsy mitonona anarana manoratra momba ny Tabloid andavanandro

miora — Sun, 22 Nov 2009 15:13:44 +0000

MpanoratraJakub Gornicki · Nandika miora · vakio ato ny lahatsoratra nadika

Mpanao gazety iray tsy mitonona izay efa niasa tamina tabloid Poloney iray mpivoaka mpiseho isanandro antsoina hoe Fakt, an'i Axel Springer AG, dia nanao blaogy vaovao, BrukowiecStory” (”TabloidStory” amin'ny teny Englisy), izay tiany hilazana ny tena fandehan-javatra marina any amin'ireo trano fikirakirana vaovao sy ny trano famoahana.

Wiadomości24.pl, vavahadin'ny fanaovan-gazetim-bahoaka Poloney, manoratra (POL) fa, araka ny voalazan'ilay mpitoraka blaogy, ny fahatomombanan'ny Fakt teo amin'ny tsena Poloney dia saiky niankina betsaka tamin'ny fandinganana ireo fitsipiky ny fanaovan-gazety avokoa.

Ity misy sombintsombiny amin'ny iray amin'ireo lahatsoratra voalohany (POL) ao amin'ny BrukowiecStory:

Mieritreritra aho fa ny famoronana ny Fakt no tena dona lehibe indrindra tamin'ny fahalalahan'ny media Poloney hatramin'ny [1989]. Talohan'ny 2003, tsy nisy afa-tsy Super Express, tabloid tsotra, mazava ary mahafinaritra. Nisy tombony iray izy ity – nanoratra ny marina foana ry zareo. Amin'ny fomba tabloid, nefa mbola afaka nilaza izany ho fanaovan-gazety ihany ny olona. Ary nijanona ho toy izany foana ny toe-javatra talohan'ny nidiran'ny Fakt teo amin'ny tsena.

Voalohany eo amin'ny tantaran'ny media Poloney, no nahitanay fomba vaovao – ny famoronana ny marina. “Tsy misy zava-mitranga? Raha izany forony ny zava-miseho,” ny tonian'ny famoahana dia tokony hikendry foana izay tokony hihetsehan'ireo mpanao gazety. […]

Ny mpitoraka blaogy koa dia nilaza fa te hanangana fikambanana ho an'ireo olona izay voa tamin'iny Fakt iny, ary milaza ihany koa fa misy fanomanana hetsi-bahoaka goavana. Hatreto aloha, mbola tsy namoaka lahatsoratra mikasika mazava ny fandikan-dalàna nataon'ny mpiandraikitra ny gazety izy.

Iran: zavakanto manohitra

Jentilisa — Tue, 17 Nov 2009 09:13:09 +0000

MpanoratraHamid Tehrani · Nandika Jentilisa · vakio ato ny lahatsoratra nadika

Mir Hussein Mousavi, iray amin'ny mpitarika mpanohitra Iraniana no nanamarika vao haingana nandritra ny resadresaka tanaty lahatsary fa tsy manam-paharoa eo amin'ny tantaran'i Iran ny famoronana artistika nananan'ny hetsi-panoherana ‘maitso' hatramin'ny fifidianana ho filoham-pirenena tamin'ny 12 Jona lasa teo. Nahazo aingam-panahy tamin'ny hetsika maitso nataon'ny Iraniana ny mpanakanto Iraniana sy ny tsy Iraniana haneho ny talentany hamorona haikanto (designs), afisy, sary ahetsiketsika ary lahatsary an-kira hanehoany ny fanantenany sy ny fahatezerany.

Indro misy angona hosodoko miompana amin'ny hetsika “maitso” noforonin'i Soheil Tavakoli, mpanakanto Iraniana monina any Etazonia:

Namorona sombin-kanto hafa i Hamed Pourabedin ao amin'ny takelaka Facebook-ny : Oksizena ho an'i Iran

Ary satria moa miomana amina fihetsiketsehana hafa indray ny mpanohitra Iraniana amin'ny 4 Desambra ho avy izao, Andron'ny Mpianatra Anjerimanontolo (faha-16 Azar), dia efa nanomana afisy ampolony indray ry zareo.

“Amin'ny faha-16 Azar, haverintsika i Iran”

Azonao jerena ihany koa ny tantara hafa ato amin'ny Global Voices:

Iran: Zavakanto manampy ny fanoherana
Iran: Manome aingam-panahy ara-javakanto ny hetsi-panoherana

Hamid Tehrani

Syria: Ny lahatsoratra tsara indrindra sa ny faran'izay ratsy e?

avylavitra — Wed, 04 Nov 2009 07:49:41 +0000

MpanoratraJillian C York · Nandika avylavitra · vakio ato ny lahatsoratra nadika

Iray amin'ireo takela-by any Syria maneho ny Filoha Bashar al-Assad (sary an'i jilliancyork)

Matetika ireo mpitoraka blaogy Siriana no manakiana lahatsoratry ny mpivahiny momba ny firenen-dry zareo - mazàna izy ireny no “stereotypical” loatra, indraindray moa dia diso tanteraka. Ary ho an'ny firenena izay tondroina ho “nitoka-monina” ela, fara-faharatsiny avy any Etazonia, tena mankarary manokana ny saina ny mahita ny lahatsoratra toy izany ka asandratra ho toy ny zava-marina. Kanefa, nony nahatsikaritra lahatsoratra iray nivoaka tamin'ny National Geographic noheveriny fa “ny tsara indrindra amin'ny lahatsoratra miresaka an'i Syria tanatin'ireo folotaona farany,” i Sasa, Siriana mpitoraka blaogy be mpahalala , mpamahana ny blaogy Syria News Wire, dia zavatra tsotra no azony nolazaina:

Ny tena Syria marina no lazain'ity lahatsoratra ity. Mampibaribary ireo teboka maro efa fantatry ny Siriana mikasika ny fireneny, saingy hodian'ireo mpanao gazety vahiny tsy hita (na dinganina), noho ny fahamaizan'izy ireny hanamafy fotsiny ny stereotypes-ny.

Tsy atao mahagaga, matetika ao anaty firenena voasamatsamaka, tsy ny olona rehetra no homba ny fandalinan'i Sasa ilay lahatsoratra. Imad Moustapha, Masoivoho Siriana any Etazonia (sady mpitoraka blaogy rahateo) dia nandefa taratasy ho an'ny tonian-dahatsoratry ny National Geographic izay nivoaka koa tao amin'ny blaogy Syria Comment, miantso ny lahatsoratry ny National Geographic ho “fanehoana diso momba an'i Syria izay tany niaviako.” Tsy dia nanao fanamarihana loatra momba ilay lahatsoratra tao amin'ny Syria Comment i Joshua Landis, ny hafatra nalefany dia naharaisana fanamarihana efa ho valopolo any ho any sy adihevitra mivaivay.

Ny mpametraka fanamarihana, Alex avy amin'ny Creative Syria dia nanakiana ilay lahatsoratry ny National Geographic , amin'ny filazana hoe:

Tsy dia asiako olana loatra ny ankabeazan'izay voasoratra .. fa manana olana aho amin'ny fananako fahatsapana fa ny 90% amin'ilay lahatsoratra dia ny zavatra miiba no resahany … Tsy mieritreritra aho hoe Amerikana mpamaky iray no hanisy fisalasalàna hanafoana ny fialantsasatra efa nomaniny mialoha hatao any Syria. Iza no hahalatsa-kanina ao Bab Touma raha misy Siriana mahantra mitolona ho an'ny demaokrasia ampijaliana ao ambadiky ny varavaran'i Bab Touma ao?

Mpametraka fanamarihana hafa indray, Ghassan, nankafia ilay lahatsoratra:

tena mifototra amin'ny zava-misy ilay lahatsoratra, araka ny tokony ho izy, ary tsy iadian-kevitra. Manohana ny NG aho, ary ny fampitam-baovao sy fitenenana malalaka izay tsy misy ao Syria.

Norman, dia nametraka fanamarihana ihany koa tamin'ny lahatsoratr'i Landis, ka nanamarika fa:

Mahaliana ny hoe ahoana no tsy hiombon-kevitra amin'ity lahatsoratra ity i Syria tia ny Siriana rehetra.

Mpitoraka blaogy maro hafa ivelan'i Syria no nihetsi-po mafy tamin'ilay lahatsoratry ny National Geographic. Evan Hill, manoratra ao amin'ny blaogy iraisana The Majlis, dia nahatsapa fa mametraka an'i Syria ho toy ny tavela aoriana (taraiky tsy maharaka toetr'andro) ilay lahatsoratra, ka manamarika fa:

Isika dia tavela miaraka amina Syria mihisatra, ara-toekarena sy ara-politika, amina toe-tsaina antitra be efa ho 40 taona be izao raha kely indrindra. Ny Talen'ny orinasam-panjakana iray mpamboly hasy, manadino na manafina fotsiny izao ny fahalalàny ny loza rehetra manodidina ny tontolon'ny asa any an-toerana any, dia miondrikondrika be ihany sy toa sahirankirana rehefa nanontaniana raha toa nahazo ny tombontsoany hatramin'izay. Ireo eny amin'ny Anjerimanontolo sy ireo mafàna fo dia samy mbola raiki-tahotra amin'ny asan'ny sampam-pitsikilovana natsangan'ny rain'i Assad taona maro lasa izay mba hamotehana ny fanoherana rehefa tsy nandeha ny tetikady politikany.

Rehefa avy namaky ny fanakianana rehetra, ny Syria News Wire dia nanainga ireo mpamaky mba hamaky ny lahatsoratra fototra sy ny fanakianan'i Imad Moustapha alohan'ny handraisan'izy ireo fanapahan-kevitra.

India: Mpanao gazety mpitoraka bilaogy nanelanelana hanavotana polisy takalon'aina

Lila — Wed, 28 Oct 2009 20:18:03 +0000

MpanoratraRezwan · Nandika Lila · vakio ato ny lahatsoratra nadika

Tao amin'ny fanjakan'i Bengal andrefana dia nisy ady nifanandrinan'ny mpioko maoista(Naxalites) sy ny miaramilam-pirenena. Noraran'ny fitondrana tamin'ny volana jona lasa teo ny Antoko Komonista Indiana (Maoista), antoko miafina sady tsy manana solontena ao amin'ny antenimiera, noho ny lalàna mandrara ny hetsika tsy manara-dalàna ka nanondroany io antoko io ho fikambanana mpampihorohoro.

Aradhana Jhunjhunwala ao amin'ny OpenIndia no manazava ny fototry ny fifandonana.

Ny 20 oktobra lasa teo dia maoista 12 no nanafika ny biraon'ny polisy tao Sankrail any Midnapore Andrefana ka lasany tamin'izany ny basy 10 sy bala maro tao amin'ny trano fitehirizana. Polisy 2 no maty ary inspektera iray antsoina hoe Atindranath Dutta no nalaina an-keriny.

India under attack and other musings!! (Inda ao anatin'ny fanafihana sy ny nofy hafa koa) no namariparitra ny toe-draharaha izay nahombiazan'ny mpanafika:

Polisy 13, mpiambina 5, mpilatsaka an-tsitrapo 3 ary inspektera lefitra 3 no tao amin'ity paositry ny polisy ity raha nanafika tao ny maoista. Tsy nisy nitondra fiadiana ireto polisy na dia iray aza. Ny antony, ny fanao aty dia hidiana any amin'ny kôfra ny fitaovam-piadiana [..]

Nahoana? Milaza ireto polisy fa ny antony iray dia mifanentana amin'izay ampiasain'ny Naxals ny fitaovam-piadiany - noho izany naleo nohidiana izy ireny ho “azo antoka”

Nalain'ireo maoista ho takalon'aina ny polisy manam-boninahitra iray ary ho takalony dia takian'izy ireo ny hamotsorana ireo vehivavy 14 avy ao amin'ny fokony nosamborina satria noahiahiana ho mpikambana ao amin'ny antoko miafina maoista.

Sans Serif no nitatitra fa omaly dia mpanao gazetin'ny BBC roa mpitoraka bilaogy ao amin'ny Subir Bhowmik “no nanampy tamin'ny famahana ny olana teo amin'ny fanjakana sy ireo maoista, mandrapaha-afak'i Atoa Dutta. Ny tohiny dia ny famoahan'ny fitsarana didy manafaka ireo vehivavy 14 tany am-ponja tamin'ny alalan'ny fandoavana caution.

Araka ny voalazan'ny mpanao gazety iray ao amin'ny Times of India, dia “nanelanelana sy nampifandray ny mpioko sy ny fanjakana” ireto mpanao gazetin'ny BBC ireto satria ny lehiben'ny maoista, Koteshwara Rao antsoina hoe koa Kishenji, dia nanda tsy nety niresaka mivantana tamin'ireo solon-tenam-panjakana.

Mampitaha ity zava-nisy ity amin'ny efa niseho taloha ny mpitoraka bilaogy, zava-nisy izay nahitana mpanao gazety mandray andraikitra mamaha olana.

Dr. Ujjal K. Pal no mampahatsiahy antsika:

Tsara fiafarana iny fakana an-keriny iny.

Na izany aza dia tsy mitsahatra akory ny raho-mitatao satria polisy 2 hafa, Kanchan Garai sySabir Ali avy ao amin'ny tobin'ny Bengale andrefana ihany, no nisy naka an-keriny 3 volana lasa izay ary tsy mba nanam-bitana tahaka an'i Mr Dutty. Tsy misy mahalala izay misy azy ireo ankehitriny ary tsy misy mahafantatra na mbola velona izy ireo na efa maty. Angamba tsy mieritreritra ny hitady azy ireo intsony ny fanjakana.

Nirmalya Nag avy any Kolkata no nanasongadina ny fototry ny olana:

Misaotra ny fanjakana mamela ny polisy hisambotra anjambany izay noheverina ho maoista izy ary mamela ireto polisy koa hitsikaraka samy irery izay ho fiarovan-tenany, misaotra ny mpanohitra tsy nanameloka ny vono olona nataon'ny maoista, misaotra ny mpiaro ny zon'olombelona izay manameloka ny fanafoanana ny maoista kanefa mangina rehefa mamono olona izy ireo.

Ankehitriny dia andrasantsika indray ny fakana an-keriny manaraka.

Rezwan

Isiraely: “fanavakavahana tsotsotra” amin'ny fitateram-baovao

Jentilisa — Tue, 27 Oct 2009 07:43:59 +0000

MpanoratraAyesha Saldanha · Nandika Jentilisa · vakio ato ny lahatsoratra nadika

Eo ho eo amin'ny 20%-n'ny mponina, ireo Palestiniana mizaka ny zom-pirenena Isiraeliana (antsoina ihany koa hoe Arabo Isiraeliana) no milaza fa voavakavaka amin'ny sehatra maro eo amin'ny andaanandrom-piainana. Nanery am-panahy mpamaham-bolongana Palestiana iray any Isiraely ny fomba fitantaran'ny haino aman-jery lozam-piarakodia niseho vao haingana.

Ny mpamahana ny bolongana The Other Door [ny varavarana hafa] no mitantara ny momba ilay fampitam-baovao izay nanaovany lohateny hoe “Fanavakavahana tena tsotsotra”:

عنصرية عادية جداً
حادث طرق عادي جداً, سيارة عادية جداً انحرفت عن مسارها بشكل عادي جداً, واصطدمت بشكل عادي جداً بسيارة تاكسي , عادية جداً.
سائق السيارة الخصوصية يهودي عادي جداً وصديقه العربي, العادي جداً, قتلا في الحادث بشكل عادي جداً, 5 من راكبي التاكسي اصيبوا بجراح متوسطة بشكل عادي جدا وأخرى اصيبت اصابات بالغة بصورة عادية جداً, ركاب التاكسي ممثلي مسرح يهود, عاديون جداً.
بعد تنظيف الشارع من الدم بشكل عادي جدا, أنتشر الخبر في جميع وسائل الاعلام بشكل عادي جداً.
فعلى سبيل المثال في نشرة اخبارقناة 10 الاسرائيلية, تم بث تقرير عن الحادث مدته 7:34 د, منها 1:08 د عن السائق اليهودي وعائلته,
والباقي عن الممثلة الاسرائيلية واصدقائها , اما القتيل العربي فأكتفوا بذكر اسمه وانه محامي يسكن في كريات شمونة , ولقطة قصيرة جداً لصورة بورتريت, وليس صدفة انني نسيت اسمه فور انتهاء التقرير…

Lozam-piarakodia tena tsotsotra iray: fiara tena tsotsotra iray no nivoaka ny lalany tamin'ny fomba tena tsotsotra, ary dia namantana tamin'ny fomba tsotsotra tamina taxi iray.
Maty nandritra ity lozam-piarakodia tsotsotra tamin'ny fomba tena tsotsotra ity ny lehilahy Jiosy tena tsotsotra iray, nanamory ny fiara, sy ny namany Arabo tena tsotsotra. Naratra eo ho eo ihany tamin'ny fomba tsotsotra kosa ny mpandeha dimy tamin'ilay taxi, fa naratra mafy tamin'ny fomba tsotsotra kosa ny hafa. Jiosy tena tsotsotra mpilalao tantara tsangana ny efatra amin'ireo mandeha taxi.
Rehefa voasasa nanalana ny ra tamin'ny fomba tsotsotra ny arabe, dia niely tamin'ny hano aman-jery tamin'ny fomba tsotsotra amin'izay ny vaovao.
Ohatra, tao amin'ny vaovaon'ny Channel 10 Isiraeliana, dia naharitra 7:34 minitra ny nitaterana ity lozam-piarakodia ity, 1:08 minitra no lany tamin'ny filazalazana ilay mpanamory fiarakodia Jiosy syny fianakaviany, ary ny ambiny kosa niresahana momba ireo mpanao tantara tsangana sy ny namany. Fa ho an'ilay Arabo izay maty kosa dia nionona tamin'ny fanononana ny anarany sy ny filazana fa mpahay lalàna izy ary monina any Kiryat Shmona fotsiny ry zareo, dia namoaka ny sariny tao anatin'ny indray mi-pimaso fotsiny. Tsy kisendrasendra raha nanadino ny anarany avy hatrany aho vantany vao tapitra ilay fitateram-baovao…

Fanamarihana: ny teny hoe tsotsotra rehetra dia azo adika ihany koa hoe mahazatra avokoa

Ayesha Saldanha

Arzantina: Lany ny lalàna vaovao hifehy ny Media

avylavitra — Tue, 20 Oct 2009 07:10:07 +0000

MpanoratraJorge Gobbi · Nandika avylavitra · vakio ato ny lahatsoratra nadika

Nolanian'ny Loholona Arzantina ny lalàna vaovao hifehy ny media mampiasa haino aman-jery, izay ahitàna fepetra vaovao maromaro momba ny Onjam-peo, ny cable, ny fampielezam-peo sy fahitalavitra avy amin'ny zanabolana. Fanampin'izay, mametraka fatra farany ambany amin'ny fandefàsana hira sy horonantsary vokatry ny tany ihany koa izy io. Ny lalàna teo aloha izay nifehy ity tsena ity hatrany amin'ny fotoan'ny jadona tao Arzantina dia nofoanana.

Sarin'ireo mpanohana ilay lalàna vaovao hifehy ny media, avy amin'i Beatrice Murch ary nampiasàna ny Creative Commons license.

Nandritra ny fifanakalozan-kevitra momba ilay lalàna, maro ireo fanakianana nivoaka tamin'ireo foibe fampielezam-peo sy fahitalavitra maro. Ny vondrona media malaza ao amin'ny firenena, Clarin, izay tsy maintsy hamotsotra ny sasany amin'ireo fantsona fahitalavitra, fampielezam-peo sy ampahany amin'ny mpanjifany nisoratra anarana hampiasa cable, dia nandrakotra tamin'ny lafiny miiba [nanakiana] ilay lalàna ary nanao toy izany koa ny media sasany. Kanefa, na dia teo aza ny adihevitra teny anivon'ny media, tsy nisy kosa ny fanoherana goavana natao teny an-dalambe, izay zavatra nitranga nandritry ny adihevitra tamina'ny 2008 momba ny fampakàrana ny haba aloa amin'ny vokatry ny fambolena. Fehiny, fandresena azo mora ny an'ny governemanta nanoloana ny Loholona. Aorian'ny 10 Desambra, havaozina ny Kaongresy ary ho very seza ao amin'ireo Sampana roan'ny Kaongresy ireo ny Sampana mpanatanteraka amin'izao fotoana.

Ao amin'ny blaogy Aristotelizar [es], mifantoka betsaka amin'ny fomba nandaniana ilay lalàna tao amin'ny Kaongresy ry zareo:

El tratamiento de la ley de medios arroja nuevas luces sobre el modo de gobernar del matrimonio presidencial que continúa erosionando la ya escasa credibilidad de las instituciones. Esta es una ley arcaica que se nutre del ideario del primer peronismo, a pesar de que el mundo ha cambiado y mucho, desde entonces.

Ny fomba nikirakiràna ilay lalàna hifehy ny media dia maneho ny fomba fitondràn'ny filoham-pirenena mivady ny tany sy fanjakana, izay vao mainka mikiky ny fitokisana efa manify an'ireo sampan-draharaham-panjakana. Lalàna efa nilaozan'ny vaninandro izy ity ary mamoky firehana Peronism, na dia efa hita izao aza fa niova ny tontolo hatramin'izay no mankaty.

Ao amin'ny blaogy Nanopoder [es] , dia efa maminany ny fiantraikany hanao tohivakana ry zalahy, ratsy daholo, amin'ny fampihàrana ilay lalàna. Feno fomba fijery miiba ihany koa momba ilay lalàna hifehy ny media ( na ny fomba nandaniana azy tao amin'ny Kaongresy, fara faharatsiny) ao amin'ny Un Alumno Diferente [es], El Atrilero [es], sy El Observatorio Político [es].

Avy amin'ny lafiny ahitàna ireo mahita ny fahalanian'ity lalàna vaovao ity ho zavatra miabo, dia manambara i Al Centro y Adentro [es] :

La instalación del debate sobre una nueva ley de medios audiovisuales en el parlamento tuvo otro efecto en la población. Las franjas más progresistas de la población acompañaron, militándolo, el proyecto de ley que envió el Poder Ejecutivo al Legislativo. Esta vez la centroizquierda y casi todo el campo popular apoyaron la iniciativa del Gobierno (…). Las élites dominantes no pudieron imponer sus intereses particulares (…) en contra de la voluntad general.

Vokatra hafa mihitsy no nentin'ny fametrahana ny adihevitra mikasika ilay lalàna vaovao mifehy ny media mampiasa ny haino amanjery teo anivon'ny Parlemanta teny anivon'ny sarambabem-bahoaka. Ny ankabeazan'ireo olona any amin'ny lafy mpikatsaka fivoarana dia nanohana, mavitrika, ilay volavolan-dalàna nalefan'ny Mpanatanteraka tany amin'ny Sampana mpanao lalàna. Tamin'ity fotoana ity dia ny Afovoany Ankavia [left center] sy ny ankamaroan'ny sarangam-piarahamonina rehetra no indray nanohana ny fanapahan-kevitry ny governemanta (…). Ireo Sangany mitàna toerana betsaka dia tsy nisy afaka nametraka ny momba ny tombontsoan'izy ireo manokana (…) hisedra ny filàn'ny besinimaro.

Lahatsoratra maro hafa mankasitraka ity lalàna ity no azo jerena ao amin'ny Francisco José Bessone's blog [es], Arte y Brujería [es], Sin Zonceras [es], sy Fin del Capitalismo ¿Salvaje? [es].

Nisy fifanakalozana fomba fijery lava be tokoa tao amin'ny Twitter, izay azo aràhana amin'ny alàlan'ny teny fototra #leydemedios [es] sy #leymedios [es] (lalànan'ny media).

Ginea: miaramila nijoro vavolombelona tamin'ny famonoana ny 28 septambra tao Conakry

Jentilisa — Fri, 16 Oct 2009 00:06:21 +0000

MpanoratraClaire Ulrich · Nandika Jentilisa · vakio ato ny lahatsoratra nadika

Ity resadresaka teto ambany ity dia fijoroana vavolombelona nataona miaramila Gineana iray nandray anjara tamin'ny famoretana ny fihetsiketsehana nataon'ny mpanohitra tany Conakry, any Ginea, tamin'ny 28 Septambra 2009. Noraisimpeo tamin'ny alalan'ny antso an-tsofindavitra ary navoakan'ilay mpanao gazety frantsay Olivier Rogez tao amin'ny Radio France Internationale tamin'ny voalohany Oktobra 2009, roa andro taorian'ny fandripahana tao Conakry, ary mivoaka amin'ny teny frantsay tao amin'ny vohikan'ny RFI.

Nijoro vavolombelona rehefa tsy lazaina ny anarany ity miaramila ity, saingy fantatra sy iantohan'ny solontenan'ny RFI any Afrika Andrefana kosa ny anarana sy ny asany. Hatramin'izay dia nohamarinin'ny loharanombaovao maro sy fijoroana vavolombelona ny fisian'ny famoretana sy ny fanolanana faobe. Na eo aza izany dia vaovao mivaingana maneho ny toeran'ny tafika Gineana, ny fisian'ny miaramila vahiny ao anatiny ity fijoroana vavolombelona iray ity, ary efa nahatsinjo ihany koa ny adim-pahefana tao anatin'ny tafika Gineana izay nipongatra tamin'ny 7 Oktobra [fr].

Nanaiky ny handikan'ny Global Voices ny voasoratra sy ny famoahana ity resadresaka manan-tompo [copyright] ity ny Radio France Internationale ho antontan-taratasy hiarovana ny zon'olombelona ary hamoaka ny dikany amin'ny teny anglisy eo amin'ny vohikalany [ka azo avoaka teny malagasy ve?].

Olivier Rogez (Radio France Internationale): Miaramila avy amin'ny BATA ianao, vondro-tafika mpilatsaka an'elon'aina, ary anisan'ireo miaramila nandrava ny fihetsiketsehana tamin'ny 28 septambra.

Miaramila : Voalazanao, anisan'ireo nandrava ny fihetsiketsehana nisiana ra mandriaka tao amin'ny kianjan'ny 28 Septambra aho;

RFI : Ny tiako anontaniana anao voalohany, araka ny vaovao niely nandritra andro vitsivitsy izao, nanatri-maso ny tifitra tamin'ny bala tena izy ve ianao sy ny fanolanana vehivavy araka ny fijoroana vavolombelona maro? Nanao izany zaatra izany tokoa ve ny mpiray tafika aminao avy ao amin'ny BATA?

Manamarina aho fanisy tokoa ny fanolanana sy ny tifitra tamin'ny bala tena izy.

Ny marainan'io andro [28 Sept] io, efa nahazo baiko manokana ve ianareo rehefa hanakana ny fihetsiketsehan'ny mpanohitra teo an-kianja?

Ny zandary aloha no niandraikitra azy, fa rehefa tsy nifanaraka tamin'ny mpanohitra ry zareo dia nahazo baiko izahay hanafay ny mpanohitra, izay lazain'ny lehibenay ho tsy voafehy. Dia nandeha tany izahay. Izaho koa izay anisan'ny miaramila. Tsy afa-mandà ny baiko hanaparitaka ny mpanohitra izahay, mba ho azon'izy ireo fa tokana ny fahefana misy eto Ginea ary manome lesona azy ireo. Maro loatra ny isan'ny faty ka tsy tambo isaina. Narary ny lohako, lazaiko anao fa tena fanina aho. Tany ho any amin'ny 160 na 180 tany ny isan'ny maty… Na izaho aza tsy afa-milaza aminao ny isany. Ary fantatro ihany koa fa nasaina naka ny faty izahay ny alin'ny alatsinainy [28 Sept]. 47 ny isan'ny nafenina, fa tsy azoko lazaina anao hoe taiza marina izany.

Nandray anajara tamin'ny fakana ny faty tany amin'ny tranoim-paty ve ianao?

Mpiasam-panjakana aho.

Noterena ve ianao hanangona ny razana?

Tsy misy afa-mandà. Izay mandà dia maty.

Maty ve ianao raha vao mandà?

Izay indrindra.

Nizarana basy sy bala izany ianareo?

Efa herinandro nialoha izahay no nizarana basy sy bala ary efa niatrana.

Herinandro ianareo no efa niatrana?

Eny.

Rehefa nialazana ianareo hanaparitaka sy hanome lesona ny mpanohitra, nahazo baiko hamono ny mpanao fihetsiketsehana sy ny mpitarika politika ve ianareo?

Tsia, tsy misy baiko hamono ny mpanohitra. Fa tsy maintsy manome lesona. Raha miteny aho hoe “manome lesona”, amin'ny fiteny miaramila dia fantatrao ny dikany!

Azonao azavaina bebe kokoa ve?

Manafay no dikan'izany fa tsy manao izay mahafaty, fa hampisehoana amin'izy ireo fa misy mitondra ny firenena. Izay no nolazaina anay.

Betsaka no nilaza taminay fa nisy ny fiaraha-nanao fanolanana faobe, ny daroka sy ny fanaovana an-keriny ny vehivavy tamin'ny basy. Azonao nofantarina ve ny vondro-tafika nisy ireo miaramila nanao izany?

Ry zalahy mpiambina ny filoha, rehefa somary nihemotra taoriandriana kokoa ny zandary. Tsy tamin'ny basy ihany, fa nisy tamin'ny vatan-kazo. Izay azo noraisina rehetra. Nisy aza tamin'ny alalan'ny daka!

ilaza ianao teo fa tsy afa-mandà hanaparitaka ny mpanohitra. Ahoana ny fihetse-ponao amin'izao fotoana izao [1 Okt]?

Tsy nahita tory aho hatry ny alatsinainy. tsy mety mahita tory aho. Mitamberina amiko hatrany ireo sary mampihoron-koditra, tifitra bala tena izy atohoka eo amin'ny… tsy mampahita tory. Manonofy ratsy aho. tsy mety mahita tory. (sento).

Namono daholo ve?

Izay no baiko andriamatoa : na mamono na vonoina.

Ianao koa, tsy maintsy namono ve ianao?

(fanginana) Sarotra ho ahy nyhamaly izany fanontaniana izany. Efa nilaza taminao aho fa na mamono na vonoina.

Avy any amin'ny ambaratongam-pahefana izany ny baiko?

Tsoriko aminao fa tsy misy ambaratongam-pahefana izany ao amin'ny tafika. Mandray ny baiko avy amin'ny rehetra ianao. Manome baiko avokoa ny rehetra, manome baiko avokoa. Tsy misy ambaratongam-pahefana eo amin'ny tafika Gineana. Manjaka ny korontana. Tahaka ny milisy voalamina. Efa ela izahay no tao amin'ny tafika fa mikorontana e! Raha tsy mamonjy anay ny fianakaviambe iraisam-pirenena dia manhy ny ho amin'ity firenena ity aho.

Lazaina betsaka ny fikorontanana misy eo amin'ny tafika. Azonao lazaina e ny momba izany? Ahoana ny fomba fiasan'ny BATA amin'izao fotoana izao? Nisy fandraisana zazavao e teo aloha teo? Misy milisy ve ao amin'ny BATA?

Eny, manamarina aho fa misy milisy ao anatin'ny BATA. Misy ny olona tonga tao. Misy aza milisy avy any Liberia no tafiditra ao anatin'ny tafika Gineana, ao anatin'ny BATA, tsy manana toe-tsaina miaramila, tsy nofanina ho amin'izany. Tena mpampono olona mihitsy ireo noraisina ireo. Lazaiko fa miaramila aho, miaramila aho fa manahy ny amin'ity firenena ity. Tsy amin'ny fisainana tahaka izao mihitsy no nandraisana ny fahefana. Noraisinay ny fahefana tsy hampivakivaky ny firenena, hanaovana azy ho andrin'ny demokrasia. Saingy tsy izany ankehitriny no mitranga eo amin'ny tafika Gineana. Tena mankaloiloy, manahy mihitsy aho. matahotra na dia izahay miaramila aza. 600 ankehitriny no nampidirna tao amin'ny tafika, misy ny avy any an'ala, misy ny avy any Liberia. Ahiana hatamin'ny valifaty.

Hatramin'ny oviana ianao no miaramila?

Hatramin'ny 2002.

Hatramin'ny nahatafiditra anao tao amin'ny tafika, tao amin'ny BATA, nahita ny fitotongan'ny toe-draharaha ve ianao?

Miharatsy isan'andro isan'nadro ny toe-draharaha.

Mahazo fitaovam-piadiana ve ny zazavao? Nahazo fitaovam-piadiana vaovao ve ianareo? Betsaka ve ny fitaovam-piadiana nozaraina any an-toby?

Mivezivezy any an-toby isan'andro ny fitaovam-piadiana. Mahazo fitaovam-piadiana ireo vao zazavao. Omena azy ny rehetra: grenady, basy, bala. Tsy heverina ny andro nampidirana azy ireo (ao amin'ny tafika). Nozarina fotsiny dia aseho azy ny lalan'ny ady, izay ihany. Misy ny tanora vonona, ary tsoina fa ny hiaro ny fitondrana mijoro ihany no ataony, tsy manana fiofanana ara-miaramila. Mitady y fomba ijanonana eo amin'ny fitondrana ny ekipa misy ankehitriny. Tsy te-hiala teo amin'ny fitondrana izy. Tahaka ny filoha Conté. Ankehitriny vao tena miseho endrika izany sefo izany. Izahay koa dia voahilikilika ao amin'ny tafika. Feno tahotra, tsy afa-miteny. Lazaiko anao ny zavamisy ao amin'ny tafika amin'izao fotoana izao: Baranahiny tanteraka, baranahiny tanteraka, baranahiny tanteraka! Tsy misy mifankafantatra intsony ny ao ami'nny tafika ankehitriny. Tsy misy mahalala hoe iza no komandà ary iza no kaporaly. Nidaroka ny Jeneraly Toto ry zalahy tao amin'ny mpiambina ny filoha. Kaporaly ry zalahy ireo. Tsy misy fitsipi-pifehezana ao amin'ny tafika Gineana. Ao amin'io tafika io, rehefa tsy misy ny “hery vonjy taitra” dia lazaiko anao fa ho fanjakan'i baroa tanteraka i Ginea, ary ho avy amin'ny tobin'i Alpha Yaya (tobin'ny Kapiteny Camara) ihany no iavian'izany. Efa feno avokoa ny fepetra rehetra hisian'ny gidraka, akaiky dia akaiky, ao amin'ny tobin'i Alpha Yaya [ihany]. Tsoriko fa manahy indrindra ny ho amin'ity firenena ity aho.

Copyright : resadresak'i Olivier Rogez, Radio France Internationale

Claire Ulrich

Rosia: Filazana ny fihaonambe ho fahatsiarovana an'i Anna Politkovskaya

candy — Wed, 14 Oct 2009 08:34:45 +0000

MpanoratraVeronica Khokhlova · Nandika candy · vakio ato ny lahatsoratra nadika

Ilay mpanao gazety Anna Politkovskaya dia nisy namono tamin'ny 7 Oktobra 2006. Amin'ny Alarobia ho avy izao, hisy fihaonambe ho fahatsiarovana azy nomanina hatao eo ivelan'ny metro Chistyye Prudy any Moscou.

(lahatsoratra GV momba ny famonoana an'i Anna Politkovskaya tamin'ny 2006 - ato sy ato; 2007 - ato; 2008 - ato.)

Nisy lahatsoratra fohy (RUS) milaza ilay fihaonambe ho fahatsiarovana navoaka voalohany tao amin'ilay vohikalan'ny Novaya Gazeta, gazety nanoratan'i Anna Politkovskaya:

Telo taona izay no lasa taorian'ny andro namonoana an'i Anna Politkovskaya; mbola mandehandeha eny ireo nibaiko sy nanatontosa izany famonoana izany.

[…]

Handray anjara amin'ilay fihaonambe ireto olona ireto:

Aleksey Simonov [filohan'ny Glasnost Defense Foundation], Ilya Politkovsky [zanakalahin'i Anna Politkovskaya], Dmitry Muratov [Talen'ny famoahan'ny Novaya Gazeta], [vehivavy mpilalao sarimihetsika Liya Akhedzhakova], Grigory Chkhartishvili [mpanoratra, solonanarana: Boris Akunin], [mafana fo mpiaro ny zon'olombelona Lyudmila Alekseyeva], [mpanao pôlitika Grigory Yavlinsky], [mpanao pôlitika Boris Nemtsov], [vehivavy mpilalao sarimihetika Chulpan Khamatova], [mpanao pôlitika Mikhail Kasyanov], [mpanoratra sariitatra Victor Shenderovich], [mpanao gazety] Yulia Kalinina, sy maro hafa.

Hanomboka amin'ny 4:03 ora hariva tsy diso ny fihaonambe.

Nahazo alalana tamin'ireo manam-pahefana ao an-tanànan'i Moscou ilay fihaonambe.

Miaraka amin'ilay lahatsoratra fohy ny sarin'i Anna Politkovskaya:

ANNA - 7 Okt. 2006: Mbola mandehandeha any ireo mpamono.

Ary misy koa sarina mpanao gazety sy mafana fo maro hafa izay “namoy ny ainy teo am-panatanterahana ny asany” tany Russia, nanomboka tamin'ny 2000 hatramin'ny 2009 - Telman Alishaev; Anastasiya Baburova and Stanislav Markelov; Magomed-Zagid Varisov; Igor Domnikov; Magomed Yevloyev; Valery Ivanov and Aleksei Sidorov; Vagif Kochetkov; Pavel Makeev; Maksim Maksimov; Eduard Markevich; Ivan Safronov; Natalya Skryl; Paul Klebnikov; Yuri Shchekochikhin; Natalya Estemirova; Vladimir Yatsina:

Hatramin'izao dia mbola hevitra efatra ihany no naterak'ity antso avo ity:

konoplyov:

Dia iza no mpamono dia iza no nibaiko izany? Mety tsy efa maty ve izy?

gerantidi:

Mbola velona tsara tokoa izy. [Berezovsky no anarany.]

miksread:

Kiriko aho mahita ity iconostase saro-takarina ity. Kiriko aho mieritreritra ny hoe farafaharatsiny ny isan'ireo handray anjara amin'ilay fihaonambe dia tsy ho latsaka [amin'ny isan'ireo olona amin'ilay peta-drindrina]. Maty tamin'ny tsy antony ve izy ireny? Toa sahala amin'izany an.

igel_68:

Tsy maintsy handray andraikitra amin'ity i [Putin] indray andro any. Mpanao gazety roa isan-taona eo no maty novonoina raha ny salanisa. Indrindra ireo mitatitra ny tena zava-misy any Rosia. Ireo izay nifidy ny tsy hanasoaso ny fitondràna. Sady azo atao koa ny miresaka momba-na famonoana iniana atao. Famonoana mifototra amin'ny asa. […]

viking_nord, mpampiasa LJ dia iray amin'ireo mpitoraka blaogy ampolony vitsivitsy izay namerina namoaka ilay filazana (RUS) tao amin'ny blaoginy. Ny lohatenin'ilay lahatsoratra dia “Ho any aho.” Somary maina ihany ny hevitra voalohany napetraka tamin'io:

vzzhbzl:

“Ho any aho.” Any amin'ny misy an'i Politkovskaya ankehitriny ve? Aza maika amin'izany. Tsy maintsy ho any daholo isika indray andro any.

Ity ny tohin'ny resaka:

viking_nord:

Ilay fihaonambe no tiako resahana.

vzzhbzl:

Inona ary no handanianao andro amin'izany? Hanandratra tabataba kely fotsiny ianareo dia avy eo hiparitaka - hanova zavatra ve izany?

viking_nord:

Kanefa raha tsy manao tabataba mihitsy izahay, izay vao tena tsy hisy mihitsy ny fiovàna.

andrei_naliotov, mpampiasa LJ dia namerina namoaka ilay filazana (RUS) tao amin'ny vondrona LJ ru_politics (mpikambana 8 722). Toa miavaka ny resaka misy ao amin'ny fametrahan-kevitra amin'izao fotoana izao - feno faharatsiam-panahy miharihary sy zara raha misy alahelo na vaovao marina bitika dia bitika:

kidman_moscow:

*manoaka*
Aza adino ny mamoaka sary.

***

fetisoff:

Ie, tia mandehandeha any amin'ny Chistoprudnyi aho [ Lalambe migodana, toerana hanaovana ilay fihaonambe sy nanaovan'ny antoko mpanohitra fihaonambe maro taloha]. Nefa izao aho tsy maintsy mijery aterineto alohan'ny handehanana, hijery raha misy [adala] mitady hanao fihaonambe eny (na dia ireo ihany aza no manohitra eny isaky ny mihetsika).

***

bobrok_gso:

[Haha], fa maninona no nosoratanao hoe mpanao gazety i Stasik Markelov? Fa angaha izy tsy mpisolo vava? Sa azo aseho eny daholo [na iza na iza]?

***

atollos:

Mitovy fiafaràna daholo ireo Mazepas rehetra. [araka ny anaran'i Cossack Hetman Ivan Mazepa - sy ny anaran-jazavavin'i Anna Politkovskaya, Anna Mazepa.]

***

knpnk:

Hm… Eo amin'ilay peta-drindrina misy ireo mpanao gazety dia misy toerana banga eo amin'ny laharana farany… Tsy maintsy misy antony ao…

***

vitaly:

Sipakelin'ireo be volombava. [milaza ankolaka an'i Anna Politkovskaya sy ireo mafana fo Chechen.]

***

salnikov_vova:

Koa tsy ‘ndeha sambory àry ry zareo [ireo namono an'i Anna Politkovskaya]! Raha mbola olona miriaria izy ireo, maninona ianareo no tsy misambotra azy ireo na manome ny mombamomba azy ireo any amin'ny mpitandro filaminana!