Anankiray amin'ireo mpitoraka bilaogy vao vaovaon'ny Global Voices aty amin'ny faritra atsimon'i Sahara i Haute Haiku. Miresaka momba ny vavy tia vavy na lahy tia lahy, ny samy tiana na lahy na vavy ary ny miova fitaovam-pananahana (LGBT) ao amin'ny tontolon'ny bilaogy aty Afrika izy, tafiditra am'izany koa ny fifindran'ny tsimok'aretina VIH ao amin'ireo lahy miray amin'ny lahy, ary ny fomba ifandraisan'ny hafa azy ireo any amin'ny faritra andrefan'i Afrika. Mitoraka bilaogy amin'ny maha lahy tia lahy azy aty Afrika koa i Haute ao amin'ny bilaoginy manokana, Single gay life in Kenya (fiainan'ny pelaka mpitovo any Kenya).

Rebekah Heacock

Haute Haiku

Any amin'ny faritra maro aty Afrika atsimon'i Sahara dia heloka mahavoasazy ny homosexualité (mahapelaka) ka miainga amin'ny fandoavana lamandy ka hatramin'ny figadrana an-taonany maro na mandrapahafaty. Araka ny voalazan'ny International Gay & Human Rights Council(Fikambanana iraisam-pirenena miaro ny zon'olombelona sy lahy miray amin'ny lehilahy) dia 2/3 ny firenena afrikana no mametraka lalàna manameloka ny firaisan'ny mitovy taovam-pananahana, ary iharan'ny herisetra sy ny fanavakavahana ny olona tahaka izany manerana ny kaontinanta manontolo.

Na dia mihamalalaka ho an'ny pelaka aza ny miaina any Kenya araka ny tatitra dia misy ihany lalàna milaza fa ny pelaka lehilahy (fa tsy vehivavy) dia azo gadraina hatramin'ny 14 taona. Any amin'ny firenena toa an'i Kenya, Uganda, na Tanzania dia efa hatramin'ny andron'ny fanjanahan-tany no nisy izany lalàna izany, raha toa kosa ka vao tamin'ny volana aprily tamin'ity taona ity no natao ny lalàna manasazy ny pelaka tany Burundi.

Vokatr'izany dia pelaka maro manerana an'i Afrika no miaina anatin'ny tahotra sao dia tratra ny maha pelaka azy. Vitsy ihany ireo mampiasa ny bilaogy miezaka mampiely ny tokony hahazakan'ny rehetra ny pelaka sy ny maha-izy azy ireo.

Ahoana ny nanombohanao nanoratra ho an'ny Global Voices?

Nahazo mailaka avy amin'i Ndesanjo Macha ilay mpanoratra aty amin'ny faritra atsimon'i Sahara nanontany aho raha afaka miresaka ny momba ny LGBT aho, rehefa nieritreritra aho dia hoy aho hoe maninona moa? Tsy narisika ihany aho tamin'ny voalohany nieritreritra fotsiny hoe mpanoratra mahay firy no efa nandà talohan'ny niantsoany ahy.

Inona no nahatonga anao hirona amin'ny fanoratana ny momba ny LGBT?

Mahazatra ahy ny mamaky ny bilaogin'ny olona an-dalana hianatra rehefa tratran'ny fitohanan'ny fiara. Hoy aho hoe: izaho koa mahavita toy izao. Amin'ny ankapobeny dia tiako ny mihaona amin'ny olona tiako halaina tahaka, ary rehefa nanomboka nanoratra aho dia nivoady tsy hanoratra resaka fankahalana, tahotra, na zon'ny pelaka. Fa ny fiainan'ny pelaka amin'ny ankapobeny ihany; ny antony maha irery anay, ny fifanaovana fotoana sy ny sisa. Fanakianana mankahala pelaka nataon'ireo lehibe ao amin'ny fanjakana no nahatonga izany rehetra izany. Nanapan-kevitra aho hoe tsy ekeko intsony ny tsy fahalalàna ny tia mitovy taovam-pananahana aminy.

Azonao atao ve ny mampiavaka ny tontolon'ny bilaogin'ny LGBT afrikana?

Mihamivoatra. Isan'andro dia misy karazan'olona maro mipoitra: tanora, antitra, mifangaro. Misy karazana bilaogy hafahafa efa ho 20 eto Kenya ary maro amin'izy ireo no velona tsara. Samy manana ny finoany ny tsirairay. Misy ny mino fa tena “gene” no mahatonga ny fisian'ny LGBT ny sasany, Misy ny mitety ny hetsika rehetra misy fitakian-jo ataon'ny pelaka… Ao koa ireo mihevitra fa tsy voatery ho sarimbavy akory izy ireo vao mety ho pelaka. karazana fahasamihafana daholo izany.

Inona no olan'ny LGBT afrikana tianao ampitaina ho an'izao tontolo izao?

Ny mariazin'ny pelaka aloha etsy andaniny, azoko ambara fa fananahana voaaro sy mirindra. Hatramin'ny nisian'ny fironam-piraisana ara-nofo samihafa ka misy mpitondra afrikana sasany tsy manaiky an'izany, dia tokony asiana ny fanentanana hiarovana ny (lehilahy manambady lehilahy). Zavatra mampalahelo ny tsy fanekeny io rehefa hodian-tsy hita izany, dia hiharihary eo anoloan'ny masony ihany. Akaton'izy ireo ny toeram-pitsaboana sasany, ary izay mbola misokatra tsy azon'ny pelaka idirana. Te hanampy ny mpiasa, kanefa lazain'ireo mpanao politika fa tsy misy toerana ho an'ny pelaka aty Afrika.

Fitenim-pirenena firy no hainao? Inona no nahatonga anao hitoraka bilaogy amin'ny teny anglisy?

Anankiroa: Anglisy sy Swahili, ary angamba telo miaraka amin'ny fitenin-dreniko. Heveriko fa olona maro no mitoraka bilaogy amin'ny teny anglisy aty Afrika andrefana, ary mahazo mpamaky betsaka izy ireo vokatr'izany.

Inona no ataonao rehefa tsy mitoraka bilaogy? Inona no zavatra tianao na fialambolinao?

Mbola mianatra aho, mianatra momba ny fitantanana. Ny zavatra tena tiako dia ny mampiasa ny slam, miteny amin'ny fiteny poetika.

Afaka jerenao eto ny soratra rehetra nosoratan'i Haute ho an'ny Global Voices .

Rebekah Heacock

Rezwan

Tamin'ny volana Janoary dia tolotra maherin'ny 270 avy amin'ireo mpikatroka mafana fo, mpitoraka blaogy, ary ONG [Fikambanana tsy miankina]  no voarainay, izay samy maniry mafy ny hampiasa ny fitaovam-pampitàna vaovaom-bahoaka hampahafantarany ireo vondron'olona - nataon'ireo mpampita vaovao tranainy sy vaovao ankilabao hatry ny ela - mba ho eo amin'ny tranonkalan-tserasera azo ifanakalozan-kevitra. Ity no tolotra maro isa indrindra voarain'ny  Rising Voices teo amin'ny tantarany tao anatin'izay roa taona nisiany sy  nanohanany ny ezaka ho fanapariahana ny fampahalalam-baovaom-bahoaka izay. Ny firongatry ny fampiasàn'ny olon-tsotra ny fampahalalam-baovaom-bahoaka dia maneho fa miatrika fiovàna goavana marina tokoa isika amin'ny fomba fikarohantsika vaovao mikasika ny tontolo hafa sy ny hoe iza no afaka manome izay vaovao izay.

Tanatin'ireo tolotra 270 ireo, ireto dimy ireto no tena nahasarika manokana raha ny zava-baovao, ny faharisihana ary ny firotsahana mivantana entiny ka nahatonga ny  Rising Voices   hitondra fanampiana.

Abidjan Blog Camps

Théophile Kouamouo dia iray amin'ireo mpitoraka blaogy be mpahalàla hatry ny ela any amin'ireo tany Afrikana miteny sy mampiasa ny teny frantsay. Monina any Abidjan, Côte d'Ivoire, Kouamouo , iray amin'ireo nanangana ny  Ivoire Blog network ary koa nanomboka  ny fandefàsana ny hafatra be mpanaraka indrindra hoe “Inona no antony itorahako blaogy momba an'i Afrika? - Why I Blog About Africa -.” (Elia Varela Serra no mamintina ny sasantsasany amin'ireo valinteny ho anaty  andian-dahatsoratra roa ao amin'ny Global Voices.) Ankehitriny i Kouamouo dia miezaka ny mampiditra ireo mpiray tanindrazana aminy [na lahy na vavy] ho ao anatin'ny tontolon'ny fitorahana blaogy amin'ny alàlan'ny fikarakaràna  “atrikasa momba ny blog ” manerana an'i Abidjan ka ao anatin'izany dia azon'ireo Ivoariana efa mpitoraka blaogy atao ny mifanakalo hevitra momba izay efa niainany sy mizara amin'ireo mpitoraka blaogy vaovao hoe fomba ahoana no atao mba hanatevenan-dahàrana an-dry zareo. Tany amin'ny volana Aogositra tany no efa natsidik'i Kouamouo ity hevitra ity tao anatin'ny blaoginy, izay nahazoany fanamarihana maro naneho fandrisihana. Ireo Blog Camps maro dia nànana tantara lava tokoa tamin'ny fisarihana ny olon-tsotra ho amin'ny fampiasàna aterineto mandray andraikitra. Maro tamin'ireo blog camps no nisy natao tany  India, nahitàna ny  Chennai tamin'ny 2006 ary, vao haingana teo, tany Mumbai. Ny Blogcamp CEE tamin'ny volana Oktobra lasa teo dia nahitàna fandraisana anjara vaovao maro avy amin'ny tontolon'ny fitorahana blaogy miteny Rosiana. Fa amin'ny ampahany betsaka, na izany aza, i Afrika Andrefana,  (ary indrindra fa i Afrika Andrefana miteny frantsay) dia adino ao anatin'io firongatry ny tontolon'ny blaogy maneran-tany io. Manomboka miova izany ankehitriny. Panos Afrika Andrefana, ao anatin'ny fiaraha-miasa amin'ny  Highway Africa sy ny  Global Voices, dia nanambàra tsy ela akory izay ny anaran'ireo nivoaka ho mpandresy tamin'ny Waxal - Blogging Africa Awards. Manantena hahita Ivoariana bebe kokoa isika amin'ny taona ho avy ao anatin'ity lisitra nataon'i Théophile Kouamouo ho fanomànana seho samihafa hitondrana Ivoariana ampolony, raha tsy ho anjatony aza, ho ao anatin'ny tontolon'ny fitorahana blaogy ity . Ny Abidjan Blog Camps dia hanosika ihany koa ny fampifandraisana eran'ny Afrika eo anivon'ny aterineto ireo blog camp efa misy toy ny any  Madagasikara, Kenya, Oganda, Nosy Maorisy, ary Afrika Atsimo.

Ceasefire Liberia

Any andrefan'i Côte d'Ivoire no misy an'i  Liberia sy ny mponiny mahatratra hatrany amin'ny 3.5 tapitrisa any. Najoron'ireo olona nandevozina nahazo famotsorana avy any Etazonia tamin'ny taonjato faha-19, rendrika tao anatin'ny ady an-trano sy tsy fandriampahalemana nandritry ny 14 taona i  Liberia izay tonga hatramin'ny fametrahana ny  ECOWAS sy ny an'ny Firenena Mikambana tamin'ny taona 2003. Ankehitriny dia miarin-doha tsikelikely i Liberia na dia mahantra kely aza ny foto-drafitrasa, ary manodidina ny 80% ny tsy fanànana asa, ary ireo mpiady fahiny (maro amin'ireo no tsy ampy taona)  izay tsy maintsy ezahana ny hamerenana azy ao anatin'ny fiaraha-monina indray. Maro amin'ireo Liberiana tsy an'asa no mametraka ny fanantenany amin'ireo namana na havan-dry zareo monina any ivelany any Etazonia. Na izany aza, misy ihany ny tsy fahampian'ny serasera sy tsy fitovian-kevitra eo amin'ireo Liberiana ao an-toerana sy ireo monina any ivelany. Amin'ny alalan'ny fiaraha-miasa amin'ny African Refuge - foibe iray fandraisana an-tànana ireo tanora any amin'ny faritra andrefan'i Afrika - sy ny  Century Dance Complex ao Park Hill, Staten Island (izay ivondronan'ireo Liberiana maro indrindra monina any ivelan'i Afrika), sy  Amnesty International ao Monrovia, i Ruthie Ackerman mpanao gazety mahaleotena dia mihevitra ny hanampy azy ireo hametraka tontolo-na mpitoraka blaogy Liberiana ivondronan'ny lafiny roa amin'ny Ranomasimbe Atlantika .

Ireo Liberiana rehetra niaina ny ady — na miaramila izy ireo na tsia — dia samy nizàka tebiteby anaty sy tratry ny famidràn-toerana. Amin'ny fananganana vondrona sy fizaràna izay niainana amin'ny hafa, dia ho afaka hànana vina sy fomba fijery midadasika kokoa noho izay efa nahazatra azy ireny tanora ireny. Hitera-bokatsoa ho an”ilay vondrom-piarahamonina izany ( amin'ny lafiny roa amin'ny Oseana) , amin'ny sehatra maro: ireo Liberiana, izay maro amin'izy ireo no misedra olana amin'ny fandrindràna ny fiainana any Amerika, dia afaka mifandray amin'ireo fianakaviany sy mitondra fanazavana momba ny nofinofy hoe toy inona izany fiainana any Etazonia izany. Mbola misy koa anefa disadisa navelan'ny fotoanan'ny ady, izay mety hipongatra eny antsefantsefan'ny resaka atsangan'ireo vondrom-piarahamonina ireo.

Ny tena niainana ny fotoan'andron'ny Digital - Sina

View Larger Map

Shenyang, midika ara-bakiteny hoe “ilay tanàna ao avaratry ny reniranon'i Shen” ary renivohitry ny faritanin'i Liaoning, dia milaza tena ho ny  “toerana fanaovana fizahantany manaraka” any Sina. Saingy rehefa mitsidika ny Pagodes rakitry ny ela ao amin'ny  Tanàna Fahiny na ny “Faritra Fampiroboroboana ny Haitao Avo Lenta” dia tsy ahitànao resaka momba ireo mpiasa lahy sy vavy ao amin'ilay tanàna, izay matetika no avy amin'ireo vondrom-piarahamonina tambanivohitra mahantra mikatsaka fiainana tsaratsara kokoa any andrenivohitra, ao anatin'ny boky kely fampahafantarana ho an'ny mpizahatany. Ao anatin'ny fiaraha-miasa amin'ny  Foibe ho an'ny Fahasalamana sy ny Fanabeazana ao Ai Zhi Yuan Zhu i  Wei Zhang mpamokatra horonantsary fanadihadiana dia mampianatra ireo mpiasa lahy sy vavy izay mampiasa ny Foibe  AZYZ ny fomba fanaovana blaogy sy fampiakarana ampahan-tsary fanadihadiana mba hifampizaràn'izy ireo ny traikefany, ny fomba fijeriny, ary ny ahiahiny mba hisian'ny fahaiza-manakatra bebe  kokoa ny mahazo ireo mpivaro-tena eo amin'ny faritra [region's sex worker].

Nomad Green - Mongolia

Ireo tompon'andraikitrin'ny tontolo iainana any amin'ireo firenena avaratra-atsinanan'i Azia  dia nihaona tany Ulaanbaatar tamin'iny herinandro lasa iny izay niresahana voalohany indrindra ny fiovan'ny toetr'andro ary ny fitantànana ny angovo ao amin'ny faritra. Ny renivohitr'i Mongolia no toerana nety indrindra nandraisana ny fihaonana noho ny fihazakazahan'ny fahasimban'ny tontolo iainana tao amin'ity firenena ity tao ho ato vokatry ny fanitàrana haingana ny tanàn-dehibe, ny fisandrahan'ny orinasa vaventy, ary ny fitomboan'ny fanjifàna  arina”.  Matetika rakotry ny zavona noho ny fahalotoan'ny tontolo i Ulaanbaatar:

Ny fitàran'ny tany hay nateraky ny fiovan'ny toetr'andro dia loza mitatao ho an'ny antom-piveloman'ireo mponina Mongolianina mpifindrafindra toerana ary ny antilope-n'i saiga [biby mampiavaka ilay firenena] izay voalaza fa karazana antilope tena tandindomin-doza indrindra any Azia. Vaovao ratsy nahatonga an'i  Portnoy Zheng, miaraka  amin'ny  Mongolian and Tibetan Foundation sy ny Mongolian Green Party, hanentana ny vahoaka  Mangolianina amin'ny fomba fanapariahana fampitandremana [fampahatsiarovan-tena] - sady ho an'ny eo an-toerana no ho an'izay any ivelany koa - mikasika ny olan'ny firenen-dry zareo amin'ny lafiny tontolo iainana. Maniry indrindra i Nomad Green mba  1.) hanazatra ireo olon-tsotra mpampita vaovao hampiasa blaogy, ampahantsary  digital, podcasts, ary sarintany amin'ny aterineto mba hitaterana vaovao momba ny tontolo iainana, 2.) hamorona tambajotran-tserasera sy vondrom-piarahamonina iarahan'ireo mpandàla tontolo iainana ka hanapariaka ny fahalalàna momba ny loza efa tsinjo, ny vahaolana ary ny tranga rehetra sy 3.) handika ny votoatin-javatra ho amin'ny teny Sinoa sy Anglisy mba hanentanana kokoa ny fiaraha-miasam-paritra sy maneran-tany hiatrehana ny fanàmby ataon'i Mongolia amin'ny resaka tontolo iainana.

Tosika ho an'ireo Vehivavy Mafana Fo amin'ny fahaiza-manaon'ny Fampitam-baovao - Yemen

Amin'ny fandrakofana ny faritra Moyen Orient mifantoka betsaka kokoa amin'ny fifandonan'i  Israely sy Palestina, ny ady ao Iraka, ny tetikasa nokleary ao Iran ary ny tsenam-bola ao amin'ireo  Firenena Gôlfa Persika, dia kely sy bitika no mba atokana hijerena an'i Yemen, iray amin'ireo firenena isan'ny mahantra indrindra aty amin'ny faritra. Ireo  sombim-baovao manify eny anivon'ny fampitam-baovao momba an'i  Yemen tao anatin'ny taona vitsy nifandimby dia mifandray amin'ny tahotra ho fisian'ny vondrona al-Qaida.

Amin'ny alalàn'ny fiaraha-miasa amin'ny Hand in Hand Initiative, ny Ghaida'a al-Absi dia hikarakara fanofanana momba ny fampiasana ny fampitam-baovao ‘vaovao' ho an'ireo andriambavilanitra mpanao pôlitika, ireo mafana fo, ary ireo miasa amin'ny sehatra fiarovana ny zon'olombelona mba ho fitondràna ainga vao ho an'ny tontolon'ny fitorahana blaogy mampiasa teny Arabo sy hanangànana tambajotra Yemenita mpiaro ny zom-behivavy. Tena ao tsara raha androany, amin'ny fankalazàna ny faha 98 taonan'nyAndro iraisam-pirenena natokana ho an'ny vehivavy, no anambarànay ny fandraisan'andraikitra nataon'i al-Absi hitondra tenim-behivavy maro be ho aty amin'ny aterineto. Ny fiharatsian'ny fanajàna ny zom-behivavy ao Yemen dia mazàna no  voatatitra sy voaresaka, nefa zara raha misy ry zareo vehivavy no mirotsaka mandray anjara amin'ireny fifanakalozan-kevitra ireny. Amin'ny fampihaonana [fampivondronana] ireo ONG sy antoko pôlitika manerana an'i Yemen dia manantena ny hiovàn'izany i  al-Absi.

Manainga anao hiara-dàlana amiko amin'ny fanehoam-pankasitrahana sy fiarahabana tonga soa ato anatin'ny fianakaviambentsika ireo tetikasa vaovao dimy nahazo ny loka.

jmc strategies no niteny fa “Tafapetraka amin'ny fomba ofisialy ho Piraiminisitra Haisiana hajaina izao i Michèle Pierre-Louis…Hanokatra Toko amin'ny fanamby lehibe indrindra hatrehin'i Haiti amin'ity taompolo ity :Ny fanorenana indray taorian'ny fandravana nisesy nataon'ireo rivodoza Fay, Gustav, Hanna ary Ike.”

Tamin'ny tapaky ny volana Jolay no natao tao amin'ilay katedraly manan-tantara ao Canterbury, ao Angletera ny fivoriam-ben'i Lambeth. Isaky ny folo taona moa no tanterahina ity fivoriam-be ity, izay hihaonan'ireo Eveka sy Arseveka manodidina ny 650 mitantana ny mpino Anglikana manodidina ny 80 tapitrisa maneran-tany.

Farafahakely dia fito ny fikambanana LGBT (Lesbian, Gay, Bisexual and Transgender) Anglikana (Amerikana amin'ny ankapobeny) nanatrika io fivoriana io mba hanohana ny fandraisana ireo LGBT ho ao amin'ny Fiangonana Anglikana. Nanohitra mafy izany fihetsika izany ireo Eveka te hitahiry ny lalana efa misy, ary nandrahona fa hovakiany ny fiangonana. Araka ny nolazain'ny Economist dia tsy nety nanatrika ny fihaonana ireo ny Eveka avy ao Nizeria, Oganda, Kenya ary Roanda izay ahitana fiangonana mpanindraindra ny fomba taloha maro.

Isan'ny tena nahagaga indrindra i Gene Robinso, 66 taona, Evekan'i New Hampshire any Amerika, izay manaiky ampahibemaso ny maha-”gay” tsy tokan-tena azy. Tsy navela nanatrika ny fivoriam-be ao Lambeth moa io izy, nefa na izany aza dia nanokatra blaogy mirakitra horonan-tsary mikasika izany. The Gene Pool no anaran'ny blaoginy ary mila ho isan'andro izy no mametraka ny heviny amin'ny horonan-tsary.

Misy horonan-tsary iray mirakitra ny teny fanantenana sy faherezana nataony ho an'ny LGBT Anglikana.

Maro ny hevitra hita amin'ireo horonan-tsary asehony no mahaliana na dia eo aza ny tsy fitovian-kevitra.

Hoy i Una tamin'ny hevitra navelany.

Thank you Gene. I am a straight believer in God's love for ALL people, irrespective of race, religion, sex, gender. I too pray that those of us who live in countries where hush-hush is the order of the day can stand with you in open honesty about who we are as Christians in our own cultures. Like you, I continue to hope, though I am not an optimist in regard to the Lambeth outcome.

Nanao izay vitany kosa i Rowan Williams, Arsevekan'i Canterbury, mba hitandroana ny firaisan'ny fiangonana. Tsy nanao fanambarana mivantana izy hanohanana ny LGBT na dia fantatra aza fa mivelatra kokoa ny fomba fijeriny. Ny fiezahan'i Rowan William mijoro eo anelanelan'ireo mpanindraindra ny lalana misy sy ireo mitaky fiovana no resahin'i Gene Robinson amin'ny lahatsoratra iray amin'ny blaoginy iray Canterbury Tales from the Fringe :

The morning we left Edinburgh, the headlines in the London Times announced the publication of letters sent by +Rowan Williams several years ago, in response to a conservative evangelical, in which he says that after many years of study and prayer, he has concluded that faithful, life-long-intentioned, monogamous love between two people of the same sex is NOT prohibited by scripture — and that scripture simply does not address this new phenomenon. Precisely what I and others have been saying all along.

(…) he has steadfastly done what he has said he would do: set his own personal understandings aside and take a centrist stance “for the good of the whole Church.” This is not news, folks! But it is indeed sad.

Misy blaogy hafa nosokafan'ireo mpandray anjara Liberal ao amin'ity fivoriam-be any Lambeth ity koa, tahaka ny Lambeth Conference LGBT Anglican Portal, Walking with Integrity, ary ny Lambeth News Blog.

Ao amin'ny firaketana ofisialy mikatsika ity fivoriana ity, izay hita ao amin'ny Episcopal Life Online, no ahitana ny nolazain'i Susan Russell, filohan'ny Integrity USA, ary pretra ao Los Angeles :

“…in spite of extraordinary pressure to do otherwise, the Archbishop of Canterbury has managed to achieve his stated goal of a Lambeth Conference of reflection rather than resolutions.

“The long predicted coup d'état that was going to emerge from this Lambeth Conference and vote the Americans and Canadians out of the Anglican Communion failed to materialize. There is much to be grateful for in that.”

Nanao ity tahirin-tsary mahaliana ity koa i Susan Russel,mampiseho ny faharisian'ireo nikarakara ny fifandraisana sy ireo olona niasa nahatontosa ity fivoriam-be ity.

Sary nalaina tao amin'ny blaogin'i Susan Russell, Lambeth Conference Photo.

Nampiasa ny “Fijoroana vavolombelon'ny tsirairay” [Citizen Media koa ny Integrity USA ao amin'ny The Lambeth Witness mba hanaovana “vavolombelon'ny Fitiavan'Andriamanitra ny Fiangonana Anglikana, sy ny LGBT”. Niaraka tamin'ny Inclusive Church Network moa izy ireo namoaka lahatsoratra isan'andro mikasika io fivoriam-be natao tao Canturbery io.

Ilay sary ery amin'ny voalohany io dia maneho ny Katedralin'i Canterbury, nalain'i Sarah Hecht, ary ampiasaina miaraka amin'ny fepetran'ny Creative Commons.

Nifarana tamin'ny 8 aogositra 2008 teo ny fihaonana momba ny SIDA 2008 (IAC) notontosaina tao Mexico. “Universal action now” na asa iarahan'ny rehetra manerantany atao izao no lohahevitra nobanjinin'ny fihaonana ary raha heverina ny fanatrehan'ny avy amin'ny vazantany efatra, ny fifantohana tamin'ireo vondron'olona nailakilaka ary ny fivoahan'ny gazety isan'andro natsaoina hoe “Global Voice”, dia tratra ny tanjona. Indro ary ny fijoroana vavolombelona avy amin'ny mpandray anjara Afirikana nandray anjara tao amin'ny fihaonana, ny fomba fijeriny nandritra ny 6 andro nisian'ny vovonana ary ny lohahevitra tiany hobanjinina amin'ny manaraka.

Naneho ny hafaliany noho ny fahitany ny ezaka ataon'ny mpikarakara ny hetsika ho fanohanana ireo vondron'olona voailakilaka (makorelina, pelaka, ary ny vahoaka indizeny)[miala tsiny ny mpandika teny raha mivantana toy izany ny dika satria efa mahalaza azy ireo teny ireo na dia ezahina fatratra aza ny hanamboaramboarana ny teny “hahamasina” ny fanaony] ny Dr. Nabulo Mabaso, tale lehiben'ny fiandraiketana ny fahasalamana ao amin'ny AIDS Healthcare Foundation toeram-pitsaboana ny SIDA antsoina hoe “Fanantenan'ny Vahoaka” ao Ithembalabantu any Durban. Na izany aza dia nohazavainy fa tokony itarina amin'ireo vondron'olona hafa voailakilaka ny banjina ary maninona moa raha hatramin'ny firenena mitoka-monina ankehitriny mihitsy aza:

“There is still limited access to treatment. For example, my neighboring country, Zimbabwe, it might be politically unstable, but there are people on the ground who are suffering and because of sanctions that are being imposed funders are not going to Zimbabwe. At the end of the day, it's the lives of individuals and I hope the theme of universal access is really put into practice”.

Monina any Bujumbura i George Kanuma ary mpikatroka ao amin'ny fikambanana miorina any Firantsa antsoina hoe Africa Gay sady mpikambana ihany koa ao amin'ny ANSS (Fikambanan'ireo mitondra ny tsimok'aretina VIH sy mararin'ny SIDA ao Burundi). Faly amin'ny nampivoitra ny lohahevitra momba ny MSM (Men having Sex with Men na lehilahy miray amin'ny lehilahy) sy ireo manao manao ho anton'asa ny fananahany tamin'ny fihaonana izy (fr) [dia lazao foana fa ny teny gasy hatrany no lava mandreraka]:

Na izany aza dia nohazavainy fa mbola matanjaka dia matanjaka ny fanavakavahana any amin'ny Firenena Afirikana miteny Firantsay, hoy ny fanazavany hoe (fr):

“Il y a certain pays comme le Cameroun ou le Sénégal qui criminalise encore l’homosexualité [..] Il y a des cas aussi comme au Ruanda, la présidente de l’association gay et lesbienne au Ruanda ne peut toujours pas quitté son pays, parce que la police de l’immigration a pris son passeport.”

Misy ny firenena tahaka an'i Kamerona sy Senegaly no mbola mametraka ny homosexualité (mahapelaka) ho heloka bevava. [..] Misy ary moa ny tranga toy ny any Rwanda tsy afa-nivoaka ny firenena nisy azy ny filohan'ny pelaka lahy sy vavy satria notazonin'ny polisy misahana ny fifindra-monina ny pasipaorony.

Iray amin'ireo nahazo ny lokan'ny fehimenan'ny ONUSIDA 2008 ny Tetikasa Fimizore eto Madagasikara. Balou, iray amin'ireo sarimbavy “tena izy” sady manao ho anton'asa “ny fananahany” (aiza kosa?) sy i Jeannie mpiara-miasa aminy dia samy mpikambana ao amin'ny tetikasa ary samy nilaza ny ahiahiny sy ny fanantenany amin'ity fihaonana ity. Tahaka an'i Kanuma, dia navoitran'izy ireo ny tokony hamaranana hatreo ny fanilikilihana ny manasokajy ny fananahany ho fanaovana anton'asa raha tiantsika tokoa ny hiady amin'ny VIH/SIDA (mg):

“Ny fanilikilihana indrindra no manakana ny MSM sy ny TDS hikarakara ny fahasalamany […] Io moa dia eo ihany ny fomba-drazana antsika malagasy, raha ohatra hoe msm dia tsy tafiditra am-pasan-drazana. Raha amin’ny autorites dia mahafa-po fa raha amin’ny societe civile, mbola mila fivoarana.”

Farany, tsy vokatry ny tsy fahazakan'ny fiarahamonina ny fisiany sy ny fandaharanasa politika ihany ny fisian'ny vondron'olona voailikilika hiady amin'ny VIH/SIDA. Ao ihany koa ny fahasarotam-piainana sy ny halavirantany. Ao amin'ity lahatsary The Hub ity, ny Dr. Phillip Njemanze, any amin'ny fanjakana Imo, Nigeria, no manazava ny tolona atrehin'ny olona mitondra ny otrikaretina VIH any ambanivohitra mba hampaherezana ny hery fiarovana ao aminy:

“In rural areas in Imo State, CD4 testing is non-existent. This means for 3.5 million people you have only two centers that can measure CD4 count in the whole state [..] The most important thing would be, to be able to move around with the test and go where the patients are.”

Ny SIDA, syndrome immunodéficitaire acquis mahafaty, dia tsy firesaka any amin'ny tontolo Arabo. Saika ity teny mampivarahontsana ity anefa no novoizin'ireo blaogy maro tamin'ity herinandro ity – avy any Jordana, Iraka, Palestina, Bahran sy Yemena.
Hareega, jordaniana mpitoraka blaogy, izay mpitsabo no anton'asany, dia mitatitra ‘resaka manafintohina nifanaovany tamin'olom-pantany iray momba ny asany ao amin'ny toeram-pitsaboana miady amin'ny VIH:

Nanontany ny namana iray, ” Nanao ahoana ny asanao tamin'ity volana ity “
” Tsara, in-telo isan-kerinandro aho no nisahana ny VIH “
” VIH? SIDA izany?”
“Eny”
“Tandremo”
“Tandremo amin'ny ahoana?”
Toy ny adala no fijeriny ahy, ” Mitandrema amin'ity VIH ity”
” Nahoana aho no tokony hitandrina?”
“ie, tandremo, VIH anie io e, SIDA”
“Ka maninona aho no tsy maintsy mitandrina e? Tsy niara-nandry tamin'ireo marariko aho tao amin'ny toeram-pitsaboana “
” Fantatro izany ry ilay adalabe ity a, nefa tandremo ihany, Sida anie io e “
“Tsy hoe niara-nitsindrona zava-mahadomelina tamin'ny iray tamin'izy ireo aho “
” Fantatro fantatro, nefa tandremo ihany e”
” Amin'ny inona e?”
“Henoy, tsy lalim-pahaizana amin'ny resaka siansa aho (mazava be izany), nefa tokony mba hitandrina ihany ianao , na izaho no tsy maintsy hitandrina noho ny aminao “

Hareega no manohy:

Hatramin'ny 1 janoary 2008, tranga VIH vaovao miisa 22 no tsikaritra teto Jordana. Ny fahalalàn’ny olona momba ny VIH eo amin’ny Jordaniana, indrindra fa ireo “nahazo fahaizana”: Aotra, miiba aza.

Ilay irakiana Layla Anwar koa dia tezitra mafy tamin'ny fomba nentina namboraka ity lohahevitra ity teo amin'ny tontolo Arabo – na dia hita aza ny fihombon'ny aretina ao anatin'ny faritra. Teo ampijerena fandaharana iray momba izany tao amin'ny fahitalavitra, dia izao no tsapan'ny mpitoraka blaogy:

Volana maro lasa, izay nijery fandaharana tao amin'ny Al-Jazeerah momba ny VIH sy aretina hafa azo avy amin'ny firaisana aty amin'ny tontolo Arabo. Tamim-pahamalinana tokoa no niezahan'ny mpamokatra ilay fandaharana nitondràna ity resaka 'saro-pady sy mahamenatra’ ity, ka nanolorany azy ho toy ny fandaharana ara-pinoana sy nanasàny mpanolotra ivelany izay manampahaizana manokana amin'ny resaka fahasalamana sy ny fandalinam-pinoana, dia ny théologie islamique.

Manazava i Layla:

Mitombo ireo mitondra ny otrik'aretina VIH aty amin'ny tontolo Arabo. Tsy misy mino izany ny olona nefa izany no zava-misy. Haintsika rehetra ny fomba fifindran'ny VIH sady fantatsika fa ny firaisana azo antoka sy ny sivana amin'ny toby fitehirizana ra dia adidy.
Tsy dia izay loatra no tena nanintona ny fifantohan-tsaiko tao amin'ilay fandaharana. Ny tena nahasarika ny saiko dia hoe ny VIH sy ny areti-mifindra azo avy amin'ny firaisana dia mirongatra koa eny anivon'ireo fanambadiana lahy sy vavy (hétérosexuels) aty amin'ny tany Arabo fa tsy mijanona fotsiny eny anivon'ireo mitovy nefa mifanambady (homosexuals).
Manampahaizana manokana momba ny aretin-koditra sy ny aretina mirongatra ilay nasaina. Ary ao anatin'ny sehatry ny asany dia mahita tranga maro be izy (izay tsy voalaza any anatin'ny antontan'isa ho an'ny daholobe) mahakasika olon-droa izay ny ankamaroany dia mpivady ara-dalàna, voan'ny aretina azo avy amin'ny firaisana ary indrindra fa ny VIH. Amin'ny 99%- ny tranga dia avy amin-dralehilahy vadiny no nahavoa an'ilay ramatoa. Vady izay tsy niaro tena nandritry ny firaisana ara-nofo ivelan'ny tokantrano, tamin'ny vehivavy hafa ary indraindray aza dia tamin'ny lehilahy hafa. Amin'ny 99%-ny tranga, ny lehilahy izay mihevitra azy ho matanjaka no mandà ny hevitra fiarovan-tena, izany hoe ny fampiasàna fimailo (préservatifs).
Noho izany , rehefa nody Ing.Lavatongotra, tonga avy nanao raharaham-barotra, na avy any amin'ny fitsangatsanganany nandritry ny alina dia nanolotra oroka mahafaty ho am-badiny/na izay olona miaraka aminy.

Hoy i Layla momba ilay zava-pady mahamenatra:

Mazava ho azy fa fantatrao hoe tena zava-pady mahamenatra tokoa ho an'ny tontolo Arabo ny amin'io resaka iray io. Betsaka ny finiavana mody tsy hijery azy ity ary maro ny ezaka ho fanamarinana azy, ka manjary toy ny hoe ” ny fiaraha-monintsika silamo dia tsy itrangan-javatra toy izany”,” fafao dia asitriho any ambany tsihy any, ary aza avela ho fantatry ny mpifanolo-bodi-rindrina akory” - no mety hosainin'ny olona.. etc. Matevina loatra ny rindrin'ny fomban-drazana sy ny kolontsaina ka mampanano-sarotra ny firesahana ity zavatra iray ity eny imasom-bahoaka izay lazaina mihitsy fa “resaky ny mitongilana, vetaveta sy tsy ara-moraly”…
Mandritra izay fotoana izay, maty an-katakonana sy mangingiana any ireo voan'ny SIDA, ahiboka anaty efitra feno henatra sy fahatsiarovan-tena ho olon-doza.

Amal A., avy any Palestina, dia manindry mafy ny resaka SIDA, raha milaza ny loniloniny amin'ny nataon'ny fitsarana tamin'ny tranga iray tany Egypta, raha hoy ity procureur iray nilaza tamin'ny olona iray isan'ny tafiditra amin'ny raharaha, raha nilaza taminy ilehio fa mitondra ny otrikaretina VIH : ” Mendrika hodoroana velona ny olona tahaka anareo. Tsy mendrika ny hiaina ianareo.”

Mila manana fonja maro i Egypta raha handefa any am-ponja ireo lehilahy Egyptiana manambady lehilahy rehetra,. (…) Ny fanaovana ny SIDA ho toy heloka bevava mira fahapotehana!!! Ny fanaovana zanak'Ikalahafa sy fijerena ireo mitondra ny otrikaretina VIH sy voan'ny SIDA ho toy ny demony dia tsy hanampy ny fiarovana ny Egyptiana. Saingy eto tsy resaka hoe fiarovana ny Egyptiana tsy ankanavaka, fa momba ny mpisolo vaika ny fitondrana malemy hanamafy ny fahefany amin’izao rehetra .

Saingy efa manomboka miova miandàlana ny zava-drehetra ary efa mba tsara aloha izay. Hankany Le Caire i Butterfly avy any Barhain atsy ho atsy hanatrika ny “Mpanakanto mahaleotena/Mpitoraka blaogy mandinika ny SIDA any amin'ny faritra Arabo” (Independent Artists/Bloggers Responding to AIDS in the Arab Region).

وستضم الورشة مجموعة من المدونين والمبدعين العرب في مجال التصوير وصناعة الافلام السينمائية وغيرها من الفنون الإعلامية.
هذه هي المرة الأولى التي سيتسنى لي فيها حضور فعالية تخص برنامج الامم المتحدة الانمائي في البحرين، كما ستكون المرة الأولى ايضا التي ستتاح لي فيها فرصة اللقاء بالمدونين والمبدعين العرب من مختلف الاقطار العربية. وسأشارككم بالطبع بما سأكتشفه من اسرار ودهاليز تتعلق بهذا المرض المخيف الذي لايزال الحديث عنه محظورا في معظم دولنا العربية.

Ny atrikasa dia hitarihana ny mpitoraka blaogy sy ireo Arabo mpamorona amin'ny tontolon'ny sary, fanatontosana sarimihetsika sy fomba fampitam-baovao hafa manana endrika ara-taokanto.. Voalohany izao no mba hanatrehako hetsika karakarain'ny UNDP Sampan'asan'ny Firenena Mikambana momba ny Fampandrosoana any Bahrain sy hihaonana amin'ireo mpitoraka blaogy ary mpanakanto maro avy amin'ny tany Arabo. Ho zaraiko aminareo izay zava-miafina azoko any momba ity aretina mampivarahontsana ity na dia voarara aza ny miresaka momba azy ity amin'ny ankamaroan'ny firenena Arabo.

Ary farany nefa tsy izay maivan-danja indrindra, Armies of Liberation, manome rohy mankany amin'ny loharanom-baovao momba ny zava-tsy mampino hitsaboana ny Sida amin'ny zava-maniry, hita tany Yemena izay ambara fa manana ny fanàfana amin'ity virus mahafaty ity.

Le Blog de Moi avy any Martinika no mivaky fa tsy fantany intsony raha tokony handoa nohon'ny rikoriko izy na ho toran'ny hehy raha namaky ireo hafatra sasany napetraky ny mpamaky taorian'ny fanapahan-kevitry ny Fitsarana Erôpeana momba ny zon'olombelona izay manameloka an'i Frantsa noho ny fandavany ny zo fananganan-jaza hoan'ireo mpiaraka mitovy fananahana :

Vous vous rendez compte !? Le risque de prosélytisme et de contamination est… énorme ! Déja qu’il y en a de plus en plus alors qu’ils sont sensés ne pas se reproduire …

“Mba alivo sary an-tsaina ange !? Tena mitombo mihitsy ireo loza mitataon'ny … fifindran'io “aretina” io ! Tsy tambo aza ny fihanak'izy ireo, amin'izay noheverina fa tsy hanananaka izy ireo … ” [maneso]

Andrew Heavens no manolotra resaka mikasika ny firaisan'izay mitovy fananahana any Afrika:

Amazing. The debate about homosexuality in Africa that started on Meskel Square almost three years ago is still going strong.

“Mahatsikaiky. Ny adihevitra mikasika ny firaisan'izay mitovy fananahana, izay natomboka teo amin'ny vohikala Meskel Square, efa ho telo taona lasa izao dia mbola tena “henjana hatrany”.”