Global Voices teny Malagasy » Hehy

Kazakhstan: Lenin. Mbola velona lavitra noho ny fahavelony

miora — Thu, 17 Sep 2009 11:22:02 +0000

MpanoratraAdil Nurmakov · Nandika miora · vakio ato ny lahatsoratra nadika

Hafatra roa mitovy no nisy nandefa tao amin'ny tontolon'ny blaogy Kazakh avy amin'ny lafintany roan'ny firenena. Samy miresaka momba ny fitsanganana tamin'ny matin'ny sary famantarana vanimpotoana iray taloha tany izy roa: ny loha sy ny sandrin'ny tsangambaton'i Lenin. Inona no manosika ireo olona hitodika mankany amin'ny sarin'ny lehiben'ny tolon'ny mpiasa eran-tany? Ny fahatsiarovana ny taloha angamba? Tormozz dia vavolombelona [ru] tamina tranga mahazendana tamin'ny namakivakiany an'i Kazakhstan, izay nitsidihany ny tanànan'i Aralsk, tamina tobin-tsolika iray manokana, ary teo…

“Toy izao i Vladimir Ilyich, mihantona amina tady vavarana!

Raha ny fantatra dia hitan'ireo tompon'ity tobin-tsolika ity teo akaikin'ny Tranoben'ny Kolontsaina tao an-toerana ity sarivongana ity. Novidin'izy ireo 1000 tenge ary dia napetrany eo anoloan'ny fivarotany. Tamin'ny fotoana izay naha-seriny an-dry zareo indrindra no nahitako azy ireo .

Avy eo nosasan'ilay ramatoabe tamina rano mafana tamim-pahamalinana tokoa ilay loha sola *manankasina* . Teo ampisarahanay dia notoroako hevitra izy ireo mba hametaka soratra milaza hoe, “Tobin-soliky ny Saina Mena ho fahatsiarovana an'i V.I. Lenin” .

Ny andro manaraka, teny an-dàlana hody, dia mbola nandalo teo izahay. Nisy mpanao sary sokitra iray efa niasa teo amin'ilay sarivongana, mba hamerina ny orony amin'ny endriny tena izy.

Toy ny lohatenin'ny lahatsorany, pycm ao amin'ny Karaganda dia nampiasa ilay fehezanteny sovietika malaza, izay heverina fa noventesin'ny tsirairay tamin-kafanam-po sy fanandratana tokoa: “Efa nahita an'i Lenin aho!” [ru]:

Fahiny, nisy tranom-panjakana tao aorian'ilay tamboho mivolom-batolalaka. Rehefa kelikely, dia hisy toeram-pamarotana fiara hisokatra eto. Misintona asam-barotra hafa eo an-toerana koa ireo mpandraharaha. Amin'izao dia misy toeram-pivarotana sy fisotroana café eo amin'ilay toerana. Mitirintirina eo ambony tohana eo afovoana tsilalaon-drano kely iray Ilyich, voahodidina voninkazo. Tena mahafinaritra. Ny anaran'ny tompon'ilay trano dia Volodya (fanafohezana ny Vladimir).

Hita any amin'ny neweurasia ihany koa.

Tontolo arabo: tonga soa ny ramadan

Lila — Sat, 05 Sep 2009 14:27:04 +0000

MpanoratraAmira Al Hussaini · Nandika Lila · vakio ato ny lahatsoratra nadika

Volana manana ny lanjany eo amin'ny tetiandron'ny silamo ny volana masin'ny ramadan. Kendrena mandritra ny volana ny mampianatra ny mpino ara-panahy hahatsapa ny fangirifirian'ireo tsy mitovy saranga aminy, ka tsy mihinan-kanina ny silamo amin'io, tsy misotro, tsy mifoka ary tsy manao firaisana ara-nofo ny maraina vao miposaka mandrapilentiky ny masoandro, mandany andro mivavaka sy mangataka amin'Andriamanitra ny hamelana ny fahotany tamin'ny lasa. Mankalaza ity volana ity koa ny mpitoraka bilaogy manoratra amin'ny teny arabo, ka efa tamin'ny herinandro niandohany, tao amin'ity lahatsoratra ity, no nizaranay ny famoronana ara-javakanto sasantsasany niarahabana ny mpamaky nahatratra ny volana.

Avy any Ejipta i Ahmed El Gamil no nandefa ity sary ity, izay nirariany ny mpamaky hahazo volana feno fitahiana:

Kuwaitism kosa nankalaza ny volana ka nandefa ity sary ity, sary maneho mpiasa vahiny any Kuwait:

Nanoratra koa izy:

مبارك عليكم الشهر
و أحب أزف أطيب التهاني و التبريكات لكل الفراشين اللي يشتغلون بمطابخ الشركات بمناسبة الإجازة أو الراحة من هالمعازيب الحنة بالدوام! ماكو “راجو جيب قهوة” … “راجو جيب شاي”!
و عسا كل أيامكم أفراح و سعادة جميعا

Arahabaina nahatratra ny volana!

Arahabaiko eto ny mpiasa rehetra, izay miasa any an-dakozian'ny orinasa satria nahazo fialan-tsasatra sy fakan-drivotra, niala tamin'ny antsoantson'ny mpiasa tsy an-kijanona hoe “itondray kafe”, sy ny hoe “itondray dite!”.

Mirary fahafinaretana ho anareo aho.

I Ba7rani87 koa amin'ny teny Barhain mankalaza ny ramadan ary nandefa ity soratra natao tanana ity izay milaza an'i Allah na Andriamanitra:

Allah

Amira Al Hussaini

Very ny maso havian'ny biby famantarana tsy ofisialin'ny Global Voices

Jentilisa — Sat, 15 Aug 2009 07:05:46 +0000

MpanoratraAllen Smithee · Nandika Jentilisa · vakio ato ny lahatsoratra nadika

Very nandritra ny ady nifanaovany tamina saka iray tamin'ny alin'ny alarobia teo tany Boston ny maso havian'ny biby famantarana tsy ofisialin'ny mpamaham-bolongan'ny Global Voices fantatra amin'ny anarana hoe “GV Ferret”. Toy izao ny endrik'i voloina, zavatra mavomavo nitampina bandy ny ilamasony sy ny tenany tao amin'ny Facebook taoriana kelin'izany.

“Iza no namono ny jiro ô?” hoy Ferret (Vontsira)

Nisioka an-tserasera @gvferret tamin'ny zoma hoe “Halako ny saka,” mbola nahararin'ny ratra nahazo azy sy eo ampieritreretana hoe oviana indray izy no ho afaka mitsangatsangana sy hamaky ny vohikala ankafiziny.

Teny an-toerana nanaovan'ilay saka ny fanafihana indrindra ny mpamaham- bolongana ka nahafahany naka ity sary manaraka ity. Araka ny tsahotsaho dia voalaza fa toa i Jillian C. York, mpamaham-bolongana mazoto ato amin'ny Global Voices, hono, no tompon'ilay saka.

“Nieritreritra aho fa namako ianao,” hoy ny hiakan'i Ferret (vontsira na fandaibe).

Niainga tao Miami hitety izao tontolo izao

Niditra ny tokonam-baravaran'ny Global Voices voalohany i GV Ferret tany Miami tamin'ny fiandohan'ity taona ity. Niatrika valandresaka antsoina hoe WeMedia ny solontenan'ny mpamaham-bolongana tamin'ny vola febroary, ary nandany ny androny nampianatra ilay zavatra voloina ny fomba hamahanam-bolongana, fakana sary nomerika, ary misioka an-tserasera.

Mora mahay

Vetivety izy dia nitsidka ireo mpamaham-bolongana tany Guatemala, Japana, Ezypta, Thailandy, Holandy, ary New York. Niditra tao amin'ny Dopplr aza izy mba ahafahan'ny namany manerantany manara-dia azy (an-tserasera daholo izany).

Tokyo: Eddie, Yazan, Hanako, Chris, Jannie, GV Ferret, Rafik

New York: Juhie, Solana, Jillian, Anas, Lova

Cairo: Ndesanjo

Amsterdam: Jeremy, GV Ferret, Percy

Mbola matanjaka tsara

“Voina kely no nahazo ahy. Ao tsara aho, fa mba mitampina bandy kely (bandy no manampina kely fa tsy hoe tampenana bandy kely) tahaka an'i @ethanz aloha aho,” sioka an-tseraseran'i GV Ferret tamin'ny zoma miteny ny kisendrasendra mahavariana fa mbole eo am-pitsaboana ny masony koa ny mpiara-nanorina ny Global Voices Ethan Zuckerman.

Tsikaritra fa tsy mbola namoaka vaovao farany tao amin'ny kaonty Dopplr i GV Ferret, ka midika izany fa tsy mbola holazainy ny toerana isehoany sehatra indray.

Fisoloantena'

Allen Smithee

Hongrie : Mihetsika ho an’i Irana, ho an’ny rehetra, na oviana na oviana

miora — Tue, 28 Jul 2009 06:31:11 +0000

MpanoratraMarietta Le · Nandika miora · vakio ato ny lahatsoratra nadika

Mety tsy dia nilamin-tsaina loatra ireo tany Hongrie tato anatin'ny herinandro vitsivitsy lasa izao satria fomba maro samihafa no nampiasan'ireo mponina ny fanaovana fihetsiketsehana ho fitaovana amin’ny demokrasia.

Ny 19 Jona, mpianatra Iranianina manodidina ny zato mianatra any Hungary no nanao fotoam-pahatsiarovana tanaty fahanginana tao amin'ny Kianjan'ny Mahery-fo tao Budapest, renivohitr'i Hongrie. Tamin'ny alalan'ny Facebook no nikarakarana ity fotoana ity. Ny hetsika faharoa, nataon’ireo Hongrois mpanohana, dia natao teo anoloan’ny Masoivoho Iranianina tao Budapest tamin’ny 21 Jona: nitondra ny anarana hoe Hetsika-Tselatra Maitso [Green Flashmob].

Ny hetsika fahatelo “ho an’ny demokrasia sy ny zon’olombelona” tany Iran dia natao tamin’ny 26 Jona, mbola teo anoloan’ny masoivoho Iranianina ihany. Ao amin’ny vohikala Lehet Más a Világ! (”Mety hiova [ho hafa] ny tontolo!”), Redjade dia nizara vaovao sy sary momba ny hetsi-panoherana tamin’ny 21 Jona ary nanoratra ity momba ny tamin’ny 26 Jona:

[…] Nisy fahasamihafany be tamin’ny fihetsiketsehana farany natao tamin’ny Alahady farany teo izay tsy nahitana polisy mihitsy. Tamin’ity tsy vitany hoe nisy sakana fotsiny (nindramina tamin’ny Parlemanta?) fa mbola nisy policy am-polony mahery niaraka tamina fiarana polisy efatra sy fiara 6 hafa. Nefa na dia izany aza ny fivoriana dia nizotra tamim-pirahalahiana sy am-pilaminana. Fa manontany tena aho raha vokatry ny tsindry alokin’ny polisy no nahatonga ny havitsian'ireo mpianatra nandray anjara. […]

Ireo mpampita vaovao ao Hongrie dia nilaza ny fihaonan’ny sekreteram-panjakana misahana ny raharaham-bahiny Gábor Iklódy sy ny masoivoho Iranianina Ali Reza Irvas, ka taorian’io no nanambaran’ny tompon’andraikitra ao Hongrie fa manana zo hanao fihetsiketsehana am-pilaminana ireo Iranianina mpanohitra ary i Hongrie dia mandinika akaiky ny sakantsakana napetraka tamin' ireo fampitam-baovao any Iran.

Tamin’ny 21 Jona ihany koa, nisy hetsika iray hafa natao tany Budapest: ireo mpikambana sy ireo mpomba ny Antokon’ny alika manan-drambo roa [Two-Tailed Dog Party] (HUN) dia nanao Hetsika Goavana manohitra ireo zavatra rehetra tsy mitondra mankaiza. Ny Antokon’ny alika manan-drambo roa [Two-Tailed Dog Party] dia antoko politika hosoka fantatra amin’ny fitsikerany ny politika any Hongrie. Olona 200 ka hatramin’ny

Rosia: “Mpamaham-bolongana malaza”

Jentilisa — Mon, 25 May 2009 08:52:50 +0000

MpanoratraVeronica Khokhlova · Nandika Jentilisa · vakio ato ny lahatsoratra nadika

Any amin'ny tontolon'ny endri-tsoratra Sirilika (grika sy rosiana) ao amin'ny LiveJournal dia ny isan'ny mpamaky - “namana” -misoratra ao amin'ny bolongana iray no iray amin'ny fepetra mamaritra ny laza (na “hery”) ananany. Ny mpamaham-bolongana manana “namana” arivo raha vitsy indrindra dia antsoina hoe tysyachniki (avy amin'ny voambolana rosiana hoe tysyacha, “arivo”), ary, miankina amin'ny kalitaon'ny votoatin'ny bolongana kosa indray dia mety ho mahafinaritra io ho an'ny sasany ary mety ho manalasala kosa ho an'ny hafa, satria maro ny fomba azo atao entina manabontsina ny isan'ny “namana”.

Samy manome filaharana bolongana araka ny lazany tsirairay avy ny LiveJournal.com sy ny Blogs.Yandex.ru ka ao anatin'ny fepetra fandaharana azy ny isan'ny rohy miampita mankany amin'ilay bolongana na ny fakana azy ho loharanom-baovao sy ny isan'ny hevitra mivoaka amina lahatsoratra ao amin'ilay bolongana na ny isan'ny “namana” tsotra izao. Samihafa ny vokatry ny filaharana rehefa avy eo : LJ drugoi, ohatra, no mitana ny lohalaharna eo amin'ny roa tonta, saingy raha manome isan'ny mpamandrika miisa 32 682 azy ny LiveJournal ascribes dia manome lisitra azy 31 834 kosa ny Yandex. Ny mpampiasa LJ e_grishkovets (mpanoratra Rosiana Evgeny Grishkovets) dia mahazo filaharana fahatelo ao amin'ny LiveJournal ranking, nefa kosa filaharana faha-12 ao amin'ny Yandex, raha jerenao ny isan'ny mpamaky; nefa, raha jerenao kosa indray ny filaharan'ny “heriny” dia any amin'ny laharana faha-106 no ahitana ny mpampiasa LJ e_grishkovets.

Eo ihany ny fahasarotana araka ny habetsahany, fa samy manana ny andraisany azy ho malaza ihany koa ny tsirairay, na any amin'ny famahanam-bolongana na amin'ny fiainana andavanandro tsotra. Eto ambany eto misy hatsikana (mety tsy mampihomehy antsika mihitsy) fohy (RUS) raha ny famaritana ny atao hoe mpamaham-bolongana “malaza” no resahina, navoakan'ny mpampiasa LJ burtin - izay manana namana miisa 815, saingy noho ny antony maro dia tsy voalahatra mihitsy ao amin'ny filaharana notantaraina etsy ambony:

- Mpamaham-bolongana malaza, hono, ianao? - hoy ny namako [mpampiasa ny LJ] dochka_rosy.
- Ye, izany mihitsy aho, - hoy aho namaly niraondraona hafaliana.
- Anontanio azy ary [mpamaky/”namana”] sao mba misy mivarotra[Beskid] ski ry zareo[”Fitaovana mavesatra fitondran'ny mpizahatany Rosiana an-tendrombohitra namboarina tany Mukacheve,” Okraina]?

Izay ihany no nahatongavako eto, hanontany izay.

Veronica Khokhlova

Korea: Zavatra maro mety hanaitra anao any Amerika Avaratra

avylavitra — Thu, 07 May 2009 19:45:12 +0000

MpanoratraHyejin Kim · Nandika avylavitra · vakio ato ny lahatsoratra nadika

Namoaka hafatra mavesa-danja ny mpikirakira aterineto iray momba ireo zavatra 22 manaitra avy hatrany rahal’ho any Etazonia. Mahaliana ihany ny mahita hoe nahona ireo zavatra izay heverina no voajanahary ao anatina firenena iray no manjary toa mahaliana sy manan-danja any an-kafa any.

1. 하이웨이 차선

위 사진의 차선의 힌선과 흰선이 연결되는 중간을 자세히 보시면(빨강 화살표) 볼록한 징 같은것이 박혀있죠..[…] 첨에..전 이거 뭐야~ 싶었는데…현지인 왈 “그거 졸음 운전할때 정말 좋아요… 차선을 밟으면…다다다다다다다…소리가 나니까..잠이 확깨죠.”그 말 듣고보니…놀라왔습니다. 비용도 많이 드는 작업이라고 하는데, 자동차 문화 선진국답단 생각이 많이 들더군요.

1.Ireo làlam-be migodana mitandahatra.

Eny anelanelan'ireo tsipika fotsy, misy faritra navoitra araka ny ahitànao azy etsy ambony […] Nanontany tena aho aloha hoe inona ireny … Ireo mponina autochtonei no nilaza tamiko fa « Tsara ireny indrindra raha sendra resin-tory eo am-pamiliana fiara. Raha manitsaka ilay tsipikany fiaranao, miteraka feo sy hovitrovitra iny ary dia izay no manaitra anao ». Nahazendana ahy izany. Lafo ny fametrahana azy nefa izany ihany koa no nahitako lafiny iray amin'ny hoe firenena mandroso.

2. 한국산 차

공항에서 내려..렌트하고 이동할때, 맨처음 방문한 방문자라면, 고속도로를 달리면서 종종 눈에보이는 한국차들에 깜짝 놀라고, 그렇게 반가울 수가 없습니다. 제경우는 10년도 넘었지만.. 요즘에는 더 많이 보이겠지요? 하지만…대부분 일본차들이 점령을 하고 있습니다. 요즘 미국 자동차 업계가 타격이니 만큼, 판도는 어케되었는지 모르겠지만, 여전히 일본차가 압도적일겁니다.

2. Fiara vita koreana

Taorian'ny nahatongavako teo amin'ny seranam-piaramanidina, dia fiara nofaina no nivezivezeko. Raha fitsidihana voalohany ao Amerika avaratra no ataonao, dia inoana fa ho faly tokoa ianao mahita fiara vita koreana vitsivitsy. Nefa,ny maro dia fiara vita avy any Japana. Misedra olana ny orinasa mpanao fiara amerikana teo aloha kely teo ary tsy maintsy ho antony izay mahamaro ireo fiara vita avy any Japana.

3. 쌍둥이 오토바이

[…]한차선 안에서, 옆에 나란하게 붙어 달리는경우는 상당히 놀랄법한 모습입니다.

3. ireo Moto mikambana.
[…] Hafahafa be ny mahita moto roa ao anaty zotran-dàlana iray.

4. 모터싸이클 그룹 - 히피?

ㅎㅎ…모터사이클 그룹들을 간혹 장거리 여행을 하다보면..만나게 됩니다. 왠지..영화속에서 섬찟햇던 이미지들이 겹쳐져서.. 일순간 놀래고, 긴장을 하지만.. 그렇게 위험하거나 그렇진 않더군요.[…]

4. Vondrona mpitaingina moto – hippies ? Raha sendra tsy maintsy handeha lalan-davitra amin'ny fiara ianao dia hifanena matetika amina vondrona mpitaongina moto maromaro. Mampitamberina tsy nahy fahatsiarovana mampihoron-koditra ireny sary anaty sarimihetsika ireny izany. Mazava hoa azy fa taitra sy velon'ahiahy ianao. Nefa dia tsy olona atahorana akory ry zareo.

5. 히치 하이킹

이 나라는…차가 없으면 기본적인 생활을 못합니다. 그래서 그런지는 몰라도…고속도로에 가끔…국도에는 꽤 자주..히치하이커들이 눈에 띕니다. 간혹 정차하고 있으면.. 다가와서 문을 쿵쿵 치기도 하죠. 전 첨에 깜짝놀래서 안열어줬습니다..ㅋㅋ 실제 첨 겪으면..좀 당혹스럽기도 합니다.
현지 친구들에게 물어보면… “잘 안태웠다” 라고 말해주는 사람들이 의외로 많습니다. 이것도 한국에서는 거의 볼수 없는 장면같습니다.

5. Ireo mpanao Auto-stop.
Tsy azo sainina ny hiaina ara-dàlana tsy misy fiara ao Amerika izany. Izany angamba no isan'ny antony ahitanao tsindraindray mpanao auto-stop eny amin'ireny lalam-be mivoaka ny tanana sy ny arabe ireny. Indraindray raha sendra mijanona fotsiny ny fiaranao, tonga ry zareo mandondona eo amin'ny fitaratra. Natahotra aho aloha ary dia tsy sahy nitondra. Raha tratr'izany koa ianao dia tsy maintsy hatahotrar. Nanontany ireo namako amerikana aho ary maro koa ireo no tsy mitondra. Tsy misy ireny mpanao auto-stop ireny any Korea.

6. 곰과 노루

요즘 포스트들을 통해..로드킬 포스트를 종종 보게됩니다. 한번은 포스트를 보던중…지나가는 동물을 그냥 치고 가야한다..아니다..조심을 더 해야한다..갑론을박하더군요.갑작스런 출현에서 사고가 날경우라면..핸들 함부러 꺾다가..자기가 위험해질 수도 있지만.. 천천히 주의운전하는게 맞겠죠. 미국의 경우…동물출현이 빈번한곳에는..동물 출현 표지판이 보입니다. 저도 킹스캐년 가는동안 노루를 본적 있는데…놀라서, 눈을 의심할 정도로 큰 놈이더군요..

현지인들이 말하길…”속도안줄이고 그냥 달리다가…노루나 곰이랑 부딪히면…차가 반파날 정도”라고 합니다. 애초에 저런 표시보이면..좀 신경쓰고 달려야지..안그러면..렌트카 박살낼수 있습니다.

6. Ours sy cerf.
Matetika aho no mahita hafatra amin'ny aterineto milaza fa misy biby maty eny amin'ny lalam-be eny. Namaky fifanakalozan-kevitry ny samy mpikirakira aterineto aho momba ny fihetsika tokony hatao raha sendra mahadona biby, tokony hijanona ve sa tsia? Ireo biby mipoitra tampoka avy any sy ny fiara mijanona tampoka dia samy mety hitera-doza avokoa. Angamba ny fitondran-tena tokony ho raisina dia ny mandeha mora. Aty da matetika no ahitana ny takela-by milaza toeranaahitana biby betsaka. Nifanena tamina cerf iray koa aho izay tena goavana tokoa. Nilaza ny Amerikana fa raha mandona cerf na ours iray ny fiara entinao dia korontam-by sisa tavela aminy noho ny haben'izy ireny. Rehefa mahita ireny takela-by ireny ianao dia tokony hitandrina mafy eo ampamiliana.

7. 구름만 끼면 헤드라이트

위의 사진은 어느정도 비가온 모습입니다.위의 경우처럼…약간만 비가와도…이친구들은 모든차들이 거의 약속이라도 한듯 라이트를 다 켭니다. 뿐만아니라, 비는 안오는데, 구름속에 해가 들어가서 약간 어두워 지면…동시에 불들을 켭니다. 처음에 이 모습보고…전쟁났나? 싶어서 놀랜 기억이 있습니다.

7. Jiro mirehitra mandritry ny fotoana maha-be zavona.
Rehefa manjavona iny ny andro, dia mandrehitra ny jirony araka ny efa nampiomanana azy ny olona. Ataony koa izany na dia tsy be zavona loatra aza ny andro. Tamin'ny voalohany, noheveriko ho nisy filazana loza nitranga[alerte], ady ohatra.

8. 휴대폰

핸드폰 전자파의 위험성이 경고된 이후로, 요즘은 TV에서도 종종 확인되는 모습입니다. 사진처럼 받을때는 귀에서 멀리 떼고…. 말할때는 핸폰을 보면서 말하죠. 좌우간 얘네들은 건강에 뭐가 해가된다 싶으면..놀라울 정도로 철저합니다.[…]

8. Ny Finday.
Hatramin'ny nielezan'ny vaovao momba ny voka-dratsin'ny onja [ampiasaina amin'ny finday],dia misy seho toy ny sary avoaka matetika amin'ny fahitalavitra. Toy ny amin'ny sary, ahatak'izy ireo ny finday ary dia sady miteny izy no mijery ilay finday. Marina mafy, tena matahotra mihitsy ny amin'ny fahasalamany ry zareo.

9. 키스하는 여인
저는 비교적 얌전하다고 하는 캘리포니아 에서도 이와 유사한 모습을 자주 목격했습니다. 미수다인가? 거기서…외국여자애들이 한국에 오면.. 우리나라 여자들끼리 화장실 같이가고, 손잡고 다니고..팔짱끼고 다니는 사람들이 너무 많아서 깜짝 놀란다고 하지요. 하지만..우리네는 문화자체가 프랜쉽이니까..걍 넘어갑니다만..미국에서 아주 지척에서 이런모습 보면..조금..~움찔합니다.[…]

9. Olon-droa mifanoroka.
Matetika no ahitako ny toy izany ao amin'ny tanana ipetrahako ao California. Tsaroako ny fandaharana iray tao amin'ny fahitalavitra koreana, Misooda (resaka ifanatrehana nifanaovana tamina teratany vahiny).Nilaza izy ireo fa manafintohina azy ireo ny mahita Koreana vavy miara-mandeha any amin'ireny toeram-pidiovana natao ho an'ny daholobe ireny, na miara-mamindra ka manao bras dessu-dessous na ihany koa mifampitantana. Aminay anefa dia mariky ny finamanana tsotra izao izany. Saingy rehefa mahita olon-droa mifanoroka aho dia mahatsiaro ho vaelingelina kely ihany.[…]

10. 술안주

대충 알려진 사실이죠..그런데 막상 술한잔 하러 가서..안주 없으면..놀라지 않을수가 없습니다. ㅋㅋ안주가 없어서 그런것은 아니겠지만..얘네들은..평일 거의 술약속 안하고 땡하고 끝나면 다들 고고~집입니다.

10. Tsy misy tsaky atolotra miaraka amin'ny toaka izany. Haintsika rehetra tsara. Fa rehefa handeha mba hisotrosotro iny ianareo ary tonga irery avy any izy, gaga kely ihany ianareo. Zavatra iray hanaitra anareo ihany koa ny hoe tsy misotro mihitsy ry zalahy mandritry ny herinandro fa tonga dia mody any an-trano rehefa avy miasa.

11. 여자 담배
[…]우리나라도 여자분들 담배피는거..요즘 별로 뭐라 안합니다만,하지만,..회사 정문앞이나..사람많은 곳에서 대놓고 담배피는 씩씩한 분들이 아직은 많지 않죠.

11. Ireo vehivavy mifoka sigara
[…] Efa tsy firesatsika intsony ny momba ny vehivavy mifoka sigara. Saingy dia tena mbola misy ireo vehivavy sahisahy mbola mifoka hatrany ampidirna ny toeram-piasany na any anaty toerana be olona mifamezivezy.

12. 금요일 저녁 자율 회사파티

이건 놀랍기도 했고…부럽기도 했던 내용인데.. 금요일 저녁..즉 주말시작 저녁에..회사에서 다과 파티를 항상합니다. 안하는 회사도 있겠지만… 좀 크다 싶은 회사들은 어김없이 다 합니다.한주일 열심히 일했으니 드시고 놀다 가세요…뭐 이런개념으로 준비를 하는데.. 음식물들 내용이…맥주를 비롯해서…술집에서는 안나오는 수많은 안주들이 깜짝 놀랄만큼, 위의 사진들처럼 제공됩니다.대신 얘네들은…회식문화가 없죠..ㅋㅋ

12. Ireo fety isaky ny zoma any ampiasana.
Sady zendana aho tamin'zany no saro-piaro koa. Ny zoma hariva talohan'ny nanombohana ny famaranana ny herinandro dia nisotrosotro narahana amuse-gueules ireo mpiara-miasa. Mazava loatra, misy ireo toeram-piasana tsy manao toy izany. Fa ny ankamaroany dia manana io fetin'ny zoma hariva io daholo. Niasa mafy ianao nandritra ny herinandro ary dia mba miala vonkina amin'ny fisotroana sy ny fihinanana. Araka ny ahitanao azy eo amin'ny sary, be ny safidy amin'ny zava-pisotro sy ny amuse-gueules. Ambadik'izay kosa, dia tsy mandeha miara-misakafo toy ny fanaontsika ry zareo…

13. 바람만 불면 가죽코트

캘리포니아는…건조하고..1년열두달..날씨가 상당히 좋고..같은 4계절이 있는 여타의 나라에 비해 훨 따뜻한 곳인데, 간혹…계절과 관계없이..약간 온도가 내려갈 경우가 좀 있습니다.봄이건 여름이건…갑자기 좀 바람불고 추워지면..
약속이라도 한듯이..가죽코트, 가죽잠바를 입고들 다닙니다..ㅋㅋ 그러면서..”so cold..” 왜치면서..덜덜덜 떨어요..ㅋㅋ 계절에 맞지않는 옷이라 깜짝 놀랍기도 하지만…ㅋㅋㅋ 무지 엄살이죠..처음봤을때..상당히 이상하게 느껴졌던 모습으로 기억됩니다.

13. Rehefa fotoana be rivotra, tazana ireny vestes vita tamin'ny hoditra ireny
Maina ny teo-tany ao Californie ary tsara foana ny andro mandritry ny taona. Mifanohitra amin'ny any Korea izay ahitantsika teotr'andro mafana sy mangatsiaka, tsara foana ny andro aty. Indraindray mba midina kely ihany ny hafanana. Raha misy rivotra ka somary mangatsiaka, toy ny filazan'ny olon-drehetra azy, dia manao akanjo mafana daholo izy rehetra na vestes vita amin'ny hoditra. Dia sady mangovingovitra ry zareo no miteny hoe «mangatsiaka tafahoatra». Tany ampiandohana, dia gaga tamin'ireny akanjo hoditra ireny aho.

14. 침뱉고 무단횡단

흔히 미국인들이 교통질서, 준법정신 투철하다고 알게모르게 홍보가 되서..다들 그런것 같지만..ㅋㅋㅋㅋㅋㅋ
한번..길거리에 신호등 기둘리는데..멀쩡한 어떤넘이 침을 삑 하고고 뱉더니…껌 질겅질겅 몇번씹다가..투..하고 또 뱉어 버립니다.그러더니…길 좌우 살피고…빨강불인데..걍 건너더군요..ㅋㅋㅋㅋ[…]

14. Fandrehofana sy mpandeha an-tongotra tsy manara-dalana
Nambara tamintsika fa hoe ny Amerikana dia mpanaraka ny lalanan'ny fifamoivoizana ary manaiky ny lalana. Dia nino izany koa aho…^^^^^^^
Indray mandeha, nahita lehilahy iray izay noheveriko fa ao tsara aho, nadrora sy nanary ny siligaomany [chewing-gum], ary dia nanapaka ny arabe ihany na dia mena aza ny jiro mpandamina. […]

15. 마트에서 장볼때 칼로리 계산

마트에서 자주보는 모습입니다.[…]와…물론 다는 아니겠지만.. 깜짝 놀랬었는데, 먹는거 살때는 무조건 칼로리를 확인하고… 칼로리를 메모한 다음…준비해놨던 계산기로..뭔가를 막 합산합니다. 일일 권장 칼로리가 넘치는지 확인해 보는 거겠지요..[…]

15. Mikajy ny Kaloria any anaty fivarotana enta-madinika.
Fahita matetika any anaty fivarotana enta-madinika izany […] Rehefa miantsena ny olona, dia jeren'izy ireo tsra ny kaloria entin'ny zavatra novidiany – Heveriko fa tsy ny olona rehetra no manao izany. Ny sasany mampisa milina kely fikajiana mba hanaovana ny fanambarana Ny sasany mampisa milina kely fikajiana mba hanaovana ny fanambarana Ny sasany mampiasa milina kely fikajiana mba hanaovana ny fanambarana. Raha ny fahitna azy dia ampitahainy amin'ny kaloria tokony horaisina isan'andro nomen'ny toro-lalana izany.[…]

16. 한모금?

우리나라는 생수통옆에..위 그림에서 맨 왼쪽의 종이접이 컵을 아직도 많이 사용합니다. 미국은 소주잔 만한 종이컵 또는 플라스틱컵이 비치되어 있더군요..(가운데 그림) 맨 오른쪽 그림의 우리나라 일반 종이컵보다 좀 작지만..ㅋㅋ “이게 무슨 한모금이야??? 걍 물컵이지~!” 하면서..처음보고 상당히 웃었던 기억이 납니다.

16. Indray migoka ?
Eny anilan'ireny fantsakana ireny, misy zinga vita tamin'ny taratasy toy ny hita eo ankavia. Mbola nisy hafa ihany koa hitako, misy fanamarihana hoe “goka” tany Amerika (eo afovoan'ny sary). Kely kokoa noho izay ananantsika any Korea izy ireny. Lehibe loatra ho an'ny indray migoka ilay izy.

17. 킹사이즈!

한국의 버거킹 같은 곳에서 킹사이즈 세트메뉴 시키면… 뭐..저도 한등치 하기때문에..딱 맞습니다. 하지만..미국에서는 같은 킹사이즈 인데도…위 사진만큼 차이가 났던것으로 기억나네요.. 단 한번도 햄버거를 남겨본적 없었는데..
먹다보면..도저히 못먹고 남기면서….으..놀라게 되죠. 그리고…피자도 마찬가지입니다.

17. Singa XXL

Lehibe ny vatako ka dia mahatonga ahy handray ny tolotra XXL ao amin'ny Burger King ao Korea. Nefa aty Amerika, ireo tolotra Burger King dia tena mitafotafo tokoa. Maneho izany fahasamihafana izany ny sary. Tapitro foana hatramin'izay ny hamburgers-ko. Fa tsy mahavita mamarana azy kosa aho aty. Toy izany koa ny pizzas.

18. 슈팅클럽

미국 친구들이 의례..한국 친구를 한번정도 데려가는 곳이라고 합니다. 총 맘껏 쏘는 곳인데…저는 첨에..shooting 하러 가겠냐고 묻길레…오락실 슈팅게임 하러 가자는줄 알았었습니다. ㅎㅎ 알고보니..실제 총으로 과녁에 맘껏 쏠수 있는 스트레스 해소장이더군요.[…]

18. Club de tir.
Reko fa manasa ireo namany Koreana ho any ireo Amerikana. Toerana iray ahafahanao mitifitra araka ny danin'ny kibonao izy io. Raha nanasa ahy hitifitra ireo namako, dia noheveriko fa hoe lalao any naty trano fisotroana ilay izy. Saingy, hay ka tena club de tir ity izy. […]

19. 큰 집, 그리고 적은 가구

미국에 거주하는 교포들이나, 미국인들 집에 종종 놀러갈때마다 느끼는 것이지만..놀랄만큼, 정말 집들이 크고 넓습니다.
집의 크고 작음은 상대적이겠지만… 일단 수용된 인원에 비해 평수는 상당히 넓은것이 사실이고, 특히, 2층집이 많았으며, 2층이 아니면…집들이 다 옆으로 넓게 퍼져 있습니다.[…]또한, 그 큰집에…소위말하는 가재도구는 거의 없습니다. 그냥..벽이 대부분을 차지하고… 수납장만 덜렁있는등… 텅텅빈 느낌을 많이 받았습니다. 상당히 낯선 풍경이라 깜짝놀래지요. 특히…이정도 되는 집의 가격들이..한국에 비해 턱없이 쌉니다. 가격들으면..깜짝놀라죠..

19. Trano be zara raha misy fanaka
Isaky ny mitsidika trano iray aho aty, dia zendana amin'ny habeny sy fahalalàhany. Raha miohatra amin'ny habetsaky ny ankohonako, dia tena malalaka toka izy ireny ary amin'ny ankapobeny dia misy rihana roa. […] Tsy dia misy fanaka ireny trano be ireny. Rindrina sy placards ary talantalana maro eny rehetra eny. Mora ny vidiny raha oharina amin'ny any Korea. Ho gaga ianao amin'ny vidiny.[…]

24. 가슴 노출에 대한 문화차이

한국과 다르게, 미국과 유럽 일부국가의 경우, 가슴 노출에 대한 여성분들의 인식과 문화차이가 상당히 큰 것에 놀랍니다. 여러가지 관점들이 존재하겠지만, 미국은 수치, 창피보다는 신체의 일부 또는 자기표현 및 자랑에 더 무게를 두며,이 부분만 국한해 놓고 본다면, 한국보다 훨씬 개방적인 사고방식이 강합니다. 그렇다고 미국의 성문화가 완전히 개방적이냐…하고 단정지으면 낭패보기 쉽상입니다. 절대비교는 어렵지만, 보수적인 가정의 경우를 비교해 본다면, 한국보다 더 보수적인 곳도 상당히 많습니다.

24.Fahasamihafana ara-kolotsaina raha ny fitafy maivana ‘mampiseho tratra' no jerena. Any amerika avaratra tahaka ny any amin'ireo firenena Eropeana sasany, ny mampideraderany mampiseho tratra dia toa voajanahary [mandeha ho azy] raha manafintohina kosa any Korea. Mazava loatra fa misy tsy fitoviam-pijery maro ao. Raha hoe tokony hojerena amin'ny lafiny mahamenatra sy mahavaka saina izany, dia noraisina kosa ho fananana ny maha-izy azy sy fahatokisan-tena, toa malalaka kokoa noho ny any Korea ry zareo.Saingy tsy dia toy izany loatra kosa ry zareo miohatra amin'ny any Korea raha resaka sexe. Mbola maro ny fiankaviana mpandala fatratra ny nentin-drazany noho ny any amintsika.

25. 헐렁한 옷차림, 화장안한 얼굴들, 주근깨투성이 피부, […]

의복의 경우, 정장 차림한 사람들이 많이 안보입니다. (월가는 다르겠죠..) 남자들은 거의 셔츠나 티셔츠… 청바지나 헐렁한 면바지.. 여자분들도 평범한 일상복 차림을 하고 회사에 다닙니다.
특히 화장도 안하는것에 깜짝 놀랍니다.[…]

25. Fitafiana ahazoana aina tsara, tsy misy ankosotra, hoditra miboridana…. […] Ny ankamaroany tsy mitondra costumes. Mahazatra ireo lehilahy ny manao lobaka fotsiny amin'izao na T-Shirt, jeans na pataloha fitondra manao fanatanjahanten… Ny vehivavy koa dia mitondra fitafy fitondra manao fanatanjahantena. Gaga aho fa ny ankamaroany dia tsy misy mihosotrosotra izany.

26. 출퇴근길이 멀어지면, 직장을 옮긴다?

미국인과 대화중에 놀랬던 내용입니다.”집을 이사했는데.. 이사갈 집이 회사와 너무 멀어져서…회사를 옮길 생각을 한다”는 내용입니다.[…]우리나라는 이사를 아무리 다니더라도.. 잘 다니던 회사를 옮길 생각은 절대로 안하죠..ㅋㅋ오죽하면 주말부부라는 것까지 나오겠습니까 만은.

26. Fotoana maro no lany amin'ny làlana manasaraka ny fonenana sy ny toeram-piasana, hiova asa ve? Isan'ny resaka ifanakalozan'ireo mponina autochtones izany. « Nifindra fonenana aho, lavitra loatra amin'ny asako, mihevitra ny hitady iray hafa aho » Mifindra imbetsaka izahay nefa kosa tsy mihevitra mihitsy ny hiova asa.… Misy mihitsy aza ny ‘olon-droa ho an'ny faran'ny herinandro monja' ( izay miasa amina tanàna samihafa ary tsy mifankahita raha tsy ny faran'ny herinandro).

Korea: Fihaonana voalohany, ahoana no ahalalanao ny ho sakaizanao anatin’ny 10 minitra.

koloina — Sat, 07 Mar 2009 05:01:22 +0000

MpanoratraHyejin Kim · Nandika koloina · vakio ato ny lahatsoratra nadika

Amin’ny fomba ahoana no mety ahitanao ilay lehilahy sahaza anao haingana indrindra? Tsinjoko fa mizara famakafakana ara-pomba-piaina (psychologique) mahavariana ireo mpamaham-bolongana izay milaza manao hoe amin’ny fomba ahoana no ahafahanao mamaky ny toetran’ny maha izy azy ny olona sy ny endriky ny toetra ananan’ny lehilahy miaraka aminao, na amin’ny fomba ahoana no ahitanao ny lehilahy izay mendrika ny toetra ananao.

Raha te ahafantatra hoe karazan’olona iza ity miaraka aminao dia tsy mila mandany fotoana miaraka aminy amam-bolana akory ianao. Anatin’ny 10 minitra fotsiny ihany no ahafantaranao ny maha izy azy.

Inona ny fanatanjahantena tianao indrindra?
- Ny lehilahy tia miazakazaka sy milomano, fanatanjahantena vitaina samirery, dia olona mahaleotena ary mifaly amin’ny fotoanan’izy samirery ihany.
- Ny lehilahy tia fanatanjahantena misy ekipa, toy ny baolina kitra, ny basketball, dia olona tia mifaninana ary tia mifandray aman’olona.
- Ny lehilahy izay zara fa milalao fanatanjahantena dia fantatra mazava ho azy fa olona mahaleotena, mora voadoana, ary olona mahay miheritreritra lalina.

Hafiriana ny faharetan’ny finamanana ?
- Miaraka amina namana efa fantany nandritra ny 10 taona izy : Lalina sady mihaja ny fiarahana aminy. Kanefa, mety tsy tia fihovana izy. Ho ela vao azony aminao ny fahatokisana.
- Mora aminy ny mifandray amin’ny vahiny: mora aminy ny mizatra tena miaina anaty toeram-baovao.

Inona ny fahazaran-dratsy ananany?
- Tia miloka izy: mieritreritra ny hisedra loza izy. Eny fa na dia mihevitra ary izy hoe hamalifaly ny olona manodidina azy ihany amin’izany, ary mety efa diso manantena be loatra anefa, dia avy eo tsy afaka hisedra ny fahamarinana intsony.
- Mpifoka sigara matetika: mety ho mora misendoatra sy mora sorena izy
- Mpisotro matetika: mety manana teotra manokana izy ary sarotra hidirana.

Ahoana ny endriky ny fomba firesany?
- Raha tokony hiantso izy, dia naleony nandefa mailaka anterineto: mety ho karazan’olona tsy mba manokatra ny sainy amin’ny fomba tsotra izy. Afaka manafina ny tena fahatsapana avy ao anatiny ny mailaka izy satria afaka ovaovany matetika ny fomba fiheritreriny.
- Ampiasainy ny fifandraisana internet messengers: mitady ny fisintonana tsy misy fifandirana izy. Raha tsy misy izany, dia tsy ho tafatombona mihintsy izy.
- Miantso matetika izy: tsy matahorany ny manakaiky vehivavy . Lehilahy mavitrika izy.

Inona ny akanjo tiany mba hanaovanao?
- Akanjo tsotra/mahazatra no tiany: Hainy ny manaiky ny zava-misy ary izy tenany aza dia lehilahy tsy mba manana fahasahirana amin’ny endrikendri-javatra.
- Ankafihiziny ny akanjo lafo vidy: manana ny lanjany manokana izy ary tia vola sy harena. Eny fa na dia ananany aza ny vola ankehitriny, dia mety asiany lanjany be loatra ihany izany vola izany.
- Tiany ny akanjo manaitaitra: be rehareha izy. Tiany ny fitsiriritana ataon’ny hafa.

Ahoana ny fomba fitondrany fiara?
- Manara-body akaiky ny fiara eo anoloany matetika izy ary mitady hifindrafindra lalatsara foana: Sahirana izy manandanjalanja ny fihetsem-pony.
- Misaofera amim-pilaminana sy moramora izy na dia hoe sarotra aza ny fafamoivoizana: Malefaka toy izay foana izy ary mpandanjalanja tsara ny fihetsem-po.

Inona ny fandaharana ao amin’ny Televiziona tiany?
- Tiany ny mijery fandraharana mampiomehy sy mampiala sasatra: Angamba izy lehilahy miezaka miala amin’ny olany sy ny hatezerany. Kanefa, mety ho olona sarotra iresahana mikasika hevi-dehibe. Rehefa miresaka zava-dehibe ianao, dia mety mivoana matetika ny resany ary mety ho sorena ianao miresaka aminy.
- Tiany ny fandaharana toy CSI: Mahay manadihady sy miheritreritra izy. Rehefa misedra olana izy,dia ananany ny fahaizana hamaha izany.

Fahafiry izy eo amin’ny mpiray tampo aminy (eo amin’ny zaza nateraka)?
- Voalohany: manana ny fihevitra mandray andraikitra sy mandray ravin-dena izy.
- Farany: Tia mamoron-javatra ary tia fiainana vaovao.
- Eo afovoany: tadiaviny ny fanohanana ary mora voadona izy.

Ahoana ny fikarakaran’ny vatany ety ivelany?
- Mijery fitaratra matetika izy ary manamboatra sy mikarakara ny volony : Lehibe ny faniriny mba ho tafita.
- Tsy miraharaha ny endriky ny vatana ety ivelany izy: olona tsy mitsara ivelany izy. Ny ao anaty no jereny fa tsy ny aty ivelany.

Ny fomba fijeriny?
- Tsy mijery imaso imaso izy rehefa miresaka: menatra izy na tsy azo atokisana.
- Mijery anao mivantana avy hatrany izy: Miezaka mafy ny hanantona anao izy
- Vitanao ny mamaky ny fihetsem-pony ao anatin’ny masony: Feno fitiavana vehivavy tanteraka izy.

Fomba firesaka?
- Be resaka: feno hery izy ary mpankafy. Kanefa mety ho tia tena loatra.
- Tsy dia miteny firy ary miresaka miadana: mitandrina sy milamina ihany izy.

Fety an-dalambe goavana indrindra eto an-tany: Karnavala Breziliana

koloina — Thu, 05 Mar 2009 09:05:17 +0000

MpanoratraPaula Góes · Nandika koloina · vakio ato ny lahatsoratra nadika

Herinandro lasa izay, nifoha mba hankafy ny fety goavana sy manandazan’ny firenena fanao isan-taona ny vahoaka Brezilianina: ny karnavalona izany, na koa hoe, ilay fandaniana goavana eto an-tany izay misintona olona antampitrisany hivoaka an-dalambe an’ny renivotra tsirairay eran’ny firenena. Anisan’ny kolotsaina Eropeana ifangaroan’ny vako-drazana izy ity, samy nahita ny embony, ny lokony sy ny lazan’I Brezil ny Afrikana sy ny Eropeana.

Adinoy ny krizy ara-toekarena eran’izao tontolo izao, na ny krizy isan’andron’I Brazil – karnavalona toy ny mahazatra izany. Ambony noho ny vinavina ary avo noho ny tamin’ny taona lasa ny isan’ny olona sy ny mpizaha tany, izay arahan’ny tahan’ny hari-karena isan-taona. Novinavinaina fa ho 710 000 ny mpizaha tany mety hamangy an’I Rio de Janeiro fotsiny (tamin’ny taona lasa dia nahitana 705 000). Ary noho ny taham-bola miakatra eo amin’ny vola dollar, dia ho betsaka ireo Breziliana no hanapakevitra hijanona ao an-toerana hanao karnavalo ary hivezivezy ao anatin’ny firenena ihany, raha araka ny tokony ho izy dia matetika no mandany ny fotoanany amin’ny fety any ivelany ry zareo.

Manao fiankanjoana ny olona mandritra ny Karnavalo, manala azy na mamahana angovo avy amin’ilay fotoana izay ekena foana hoe andro tsy fiasana ry zareo. Miisatra sady mijanona ny firenena mandritra ny fankalazana, ary betsaka no miteny hoe manomboka ny taom-baovao ao aorian’ny karnavalo. Tsy azo antoka ny hisian’ny fihomehezana ireo famoronan-tsehatra ataon’ny olona rehefa eo anatrehan’ireo fiankanjoana tsy maontina, na endrika mahatsikaiky sy ireo jery todika mahakasika ny raharaha ao an-toerana sy iraisam-pirenena. Ireto kosa ny sasany amin’ireo sary tsara indrindra nomen’ny Creative Commons alalana izay naely tao tao anatin’ny Flickr.

Andro “voalohany”, Asabotsy faha-21

Tery ny toerana entina hanodikodinana ny elo! Nanomboka tamin’ny fomba ofisialy tamin’ny alalan’ny Galo da Madrugada ny karnavalo tao Recife, ilay karnavalo mankadiry indrindra antsoina hoe “bloco”, izay mampiseho an-tsary ao anatin’ny Boky Guiness misy ny antontan’izao tontolo izao (The Guiness book of World Records) fa izy no Karnavalo rodobe an-dalana mankadiry indrindra eto amin’izao tontolo izao. Sarin’I Felipe Ferreira (FF).

Lehilahy mitafy akanjo vita amin’ny kapoty tao Recife, sarin’I carlosoliveirareis. Nanome kapoty antapitrisany ny mpitondra fanjakana nandritra ny Karnavalo, kanefa dia mbola voavinavina ihany fa hirongatra ny zaza hateraka afaka 9 volana.

Akanjo hafa vita karakara aoka izany: vehivavy mpimpasoka eny andalan’ny Recife, sarin’I carlosoliveirareis.

Mpankafy ao São Paulo's Sambodromo. Sarin’I André Cherri.

Alahadin’ny famelan-keloka, faha-22

Azon'i Rodrigo Soldon ny sarin’I Mona Lisa, izay mifaly avanja ao anatin’ny karnvalon’ny Rio.

Cordão do Boitatá, Rio de Janeiro. Sarin’i Luciano Joaquim

Ho an’ireo izay tsy afaka mandany fotoanany miala lavitra ny tranok’ala makasika ny serasera ara-tsosialy, dia ity ny fomba fiankanjon’I Orkut. Rio de Janeiro. Sarin’I URBefotos.

Nandeha nitsidika an’I Olinda I Fidel Castro mba hijery Karnavalo. Sarin’I Ádria de Souza/Pref.Olinda. Olinda. Ankoatri’ireo mpanao politika dia tsikaritra teny amin’ny faritra maron’ny firenena ihany koa I Barack Obama, ny indro kely fotsiny dia tsy nampiditra ny sary anaty anterineto eo ambanin’ny Creative Commons license ireo mpaka sary miafina tsara vintana (papparrazzi)Alatsinainy madio, faha-23

Miara-mifaly ao Olinda ny mpanao gazety Irakianina, Andriamatoa Bush sy ny kiraro am-bozonana. Fantatrao ny tantara ao ambadik’izany. Sarin’I Ádria de Souza/Pref.Olinda

Horoka omen’ny mpilalao sarimihetsika Paola Oliveira, ilay mpanjaka vavin’ny Sekoly dihy Samba ao Grand Rio, iray amin’ireo sekoly miisa 30 nifaninana tamin’nySamba School Parade. Sarin’I dubiella.

Ny sekoly nandresy tao Rio de janeiro dia I Salgueiro. Sarin’I ane aguirre

Talatan’ny voavela heloka, faha-24

Venice?Tsia, Olinda! Sarin’IÁdria de Souza/Pref.Olinda

Mitsambikimbikina tsy ankijanona tao São Paulo. Sarin’I Cristiano Caniche.

Tsisy ny andron’ny mofo tampon-tsatroka (crepe) ao Brasil, ny andro faran’ny karnavalo dia mampanembonembona – Vao mangiran-dratsy, Rio de Janeiro. Sarin’i Ana Pinta izay anaovan’ny mpikirakira flicker tsikera: “Dia hita mihintsy fa toy izao ny endriky Rio de Janeiro”.

Alarobian-davenona, faha-25

Manisa andro sahady ireo mpandefa eritreritra ao Olinda miandrandra ny fety goavana manaraka amin’ny heritaona eo ampitazonana sora-baventy manao hoe: “Aza taitra fa 353 andro sisa e”. sarin’I Ádria de Souza/Pref.Olinda

Tapitra tanteraka amin’ny fomba ofisialy ny karnavalon’ity taona ity, eny fa na dia mbola mandeha hatrany aza ny herinandro hafa tsy ofisialy entin’ny antokon’olona “ tia manala azy” ho fankalazana ny karnavalo misimisy kokoa, afaka manomboka amin’izay ‘zany ny taona 2009.

Shina: Manao atsangory eo ambozon'ny filoha Mao

koloina — Sun, 22 Feb 2009 07:41:25 +0000

MpanoratraBob Chen · Nandika koloina · vakio ato ny lahatsoratra nadika

Tamin’ny 19 Febroary, dia mivezivezy aty anatin’ny aterineto ny sary izay mampiseho ankizivavy iray atao atsangory eo ambozon'ny Filoha Mao. Ekena fa sarivongana mijoro ao Plaza ao Hunan ilay nosoavaliny , tanàna fiavian’ny Mao io. Kanefa, nvetivety monja dia nameno ny voalohan'ny takelaka maro ny sary, ary nahazo tsikera miisa 50 000 taorian’ny tantara tao Netease.

Address: Hunan.voc.com.cn

Tsy mihena akory ny herin’ny fitiavana an'i Mao. Nefa manambara ho an’ny Sinoa mikasika ny fahadisoany izay nahatonga faty olona antapitr’isany nandritra ny Dingan-Dehibe Handroso ireo boky sy ireo fikarohana maro, ary tsy hoe kely akory ny fikorinan’ny tsikera ao amin’ny aterineto, ary mbola manana ny fanohanana mivaingana ho an’ny Sinoa I Mao. Vao haingana, raha toa ka nandetika ny sambon’ny Sinoa ny Rosiana ary milaza I Filipina fa manjaka ao amin’ireo nosy ao amin’ny ranomasina atsimo, dia mivoy hatrany ny fampahatsahivana ny lalan’I Mao mikasika ny tanam-by vahiny ireo vahoaka.

Ao amin’ny pejy valiny ao amin’i Netease mahakasika ity tantara ity, dia ozona avy amin’ny Qingdao netizen ilay tsikera tokana izay nisongadiana ka niseho matetika impito arivo sy roa alina (27 000 fois).

Jereo ireto olona , ireo olona tsy zarizary. Ill – bred.

Miteny ny olona iray avy any Jiangu:

Tena ohatrin’ny tsy nianatra!

Mahagaga, mandray fitsapan-kevitra ihany koa ity tsikera ity:

Tsindrio support/bump raha te hanao firaisana ara-nofo aminy ianao, tsindrio “oppose” raha hoe tsia.ireo manohana (support) [17322], ireo manda [8823]

kanefa, rehefa nanomboka niasa tao amin’ny tranok’ala hafa izahay dia heno matetika I Tianya, izay malaza amin’ity toe-javatra makotroka ity, sady “motera fitadiavana” matanjaka, manana ny resaka misy fanajana.

油条大果子 Eritrereto, efa tafahoatra loatra ny ataon’ny olona:

L**L*na, fa maninona no misy fahasarotana be toy izao e? ankizivavy misoavaly sarivongana fotsiny io ve. Nitondra antsika fiainam-baovao I Mao? Tsy tsara intsony raha oharina amin’ny taloha izany. Fara faha-ratsiny mbola afaka mikarakara zavatra isika teo aloha, toy ny hoe vondrona mpiasa sy antoko, nefa afaka manao izany ve isika ankehitriny?

Niainga ny adi-hevitra makotroka rehefa avy eo.

什锦糖cici Miheritreritra i cici fa tsy dia tokony hitsikera be loatra an’I Filoha Mao isika.

Mao no Ray mpanorina antsika!

Eny fa na dia mety nanao zavatra tsy nety aza izy, tsy tokony hanome tsiny be loatra ianao!

wo草泥马 Voakihana:

mba jereo aloha e, fa naninona no dia enjehina ohatr'izao ity zazavavy e? Zavatra tsisy dikany akory io fa vongam-bato fotsiny ihany, sa ahoana?Ny antoko Kominista (communiste) izy tenany aza efa nandrava sy nandoro ny sarivongan’ireo mahery fo maro teo amin’ny tantaran’ny Sinoa.

我是散户我怕谁呀 Tohiny, fanoharana misy eo amin’I Mao sy i Saddam:

Ilay Ray mpanorina hoe? Inona moa no nahoriny? Firenen’ny tsolotra ve, didi-jadona sy tsy firaharahana ny vahoaka ve?
Mpamono olona an’ady izy. Indray andro any, ho toy ny sarivongan’I Saddam voazera tao irak izy io.

Miantso kosa i baino5 hampiseho fanajana ny mpitondra taloha.

N’inona n’inona tsy fankasitrahana omenao manohitra ny governemanta sy ny firenena, dia tsy misy hidiran’ity zava-mitranga ity mihintsy amin’izany. Araka ny fanazavan-kevitrareo, ny lavenona avy amin’ny taolan’ny rainareo dia tsy tsinontsinona akory fa tany ihany, koa azoko atao tsara ny mamany eo?

Maro ireo olona no manaiky ity hevitra, milaza fa ny fasana dia tsy kilalao.
Kanefa ihomehezan’i qwerty_any hevitra, izay miheritreritra fa ny fametrahana ny sarivongana ho fitadidy ho an’ny olona dia anton-javatra hafa.

Ha.., ka raha izany, ho apetrakao eo afovoan’ny plaza ve izany ny fasan’ny fianakavianao?

Farany, miteny amim-pahasahiana i 如是我译::

Nisoavaly olona antapirt’isany izy nandritra ny fiainany.
Koa maninona raha mba misoavaly azy fotoana fohy ny olona?

Mpandika teny: Raha liana ianao te ahafantatra misimisy kokoa mikasika an’I Mao sy ny lovany, dia manoro hevitra anao aho hamangy ny Utopian world, toeran- hevitra ara-politika sy ara-kolotoralin’ny mpisolo vava ara-politika moderina ao China, izay manana andalana betsaka miaro ny fihevitra sy foto-kevitry Mao.

India: Mahatohitra ny atin'akanjo mavokely

koloina — Thu, 19 Feb 2009 08:15:33 +0000

MpanoratraRuchika Muchhala · Nandika koloina · vakio ato ny lahatsoratra nadika

Nandritra ny folakandro araka ny mahazatra, ary eo anivon’ny toerana ivezivezen’ny saranga isankarazany, dia azo ekena raha ny lehilahy sy vehivavy no mandeha misotrosotro kely sy manala azy amin’ny fakana aina. Ny ankamaroantsika dia tsy miaina amin’ny “fanarahan-dalana”. Ao India kosa, raha lazaina hoe olon’afaka ny vehivavy, dia tsy azo antoka loatra fa tsy hisy ny loza mety hihatra aminy. Vao haingana, tokony ho 3 herinandro lasa izay nandritra ny andron’ny Repoblika Indiana, 26 janoary, tao Mangalore, atsimon’i Bombay, dia notafihan’ny andian’olona Hindu mijoro amin’ny firehan-kevitra tokana avy ao amin’ny antokon’ny Ram Sena ireo tovovavy maromaro mpianatra eny amin’ny anjerimanontolo izay nakanaka aina sy nisotrosotro ao amin'ny toeram-pisotrosotroana tao an-toerana. Norahonana sy nampitahorina tsy nisy fampitandremana akory ireto tovovavy…. Soa ihany fa tsy nisy ny aina nafoy, mino kosa anefa aho fa mafy ny ratram-pon’izy ireo.

Ho setrin’ity toe-javatra ity, amin’ny 5 Febroary, natomboka ny fampielezan-kevitra Chaddi mavokely (atin’akanjo na ati-kilaoty) tamin’ny alalan’ireo olona manana vondrona Facebook aterineto antsoina hoe “Vaomieran’ny Dokam-barotra, Vehivavy Malefaka sy Vonona”. Nanapa-kevitra ry zareo ny hanao hetsika amim-pahasahiana handefa silipom-behivavy mavokely “fanomezana St Valentin” ho an’ny antoko Ram Sena. Maro amin’ireo hetsika fandefasana atin’akanjo mankany amin’ny biraon’ny antoko politika, dia ity toe-javatra ity no fihevitra tokana izay mivezivezy ao an-tsain’ny tsirairay ao India.

Mba Jereo anie ity horonantsary ity izay misy ireo atin’akanjo sy ireo “teny mamy” ho an’ny antoko Ram Sena. Ohatra iray fotsiny ity amin’ny drafitra entina amin’ny fampielezan-kevitra, koa dia tsy maintsy miandry ny andron’ny mpifankatia ihany isika hahitantsika hoe inona avy no mety hitranga manoloana ny hetsika. Mikasa ny hivory sy handom-bera (hisy ny fisotrosotrona) ho an’ny vehivavy Indiana ao amin’ny toeram-pisotrosotroana izy ireo amin’ny andron’ny mpifankatia, ho raisina feo sy sary ity fivoriana ity ary avy eo amboarina ny horonantsary ka tafiditra ao daholo ny toe-javatra nitranga rehetra.

Nalaina ireo horonantsary sy sary misy ireo Chaddis mavokely ka halefa any amin’ny Ram Sena, izay hita ao amin’ny pejy an-tsarin’ny ekipa Facebook.

Mpamaham-bolongana ofisialin’ny fampielezan-kevitra Chaddi mavokely dia milaza hoe:

Naheno izahay fa nanapa-kevitra Andriamatoa Muthalik ny handefa atin’akanjom-behivavy aziatika misoratra hoe “amim- pitiavana lehibe” ho setriny izany. Mankasitraka izany izahay ary manantena fa hanohy ny zavatra toy izany izy, izay fomba tsy misy herisetra entina hanehoany ny heviny, tahaka antsika izay mandala ny fanehoan-kevitra amim-pitiavana sy tsy misy herisetra manolona ny fanafihana maherisetra nitranga tamin’ireo mpifankatia sy vehivavy tao Mangalore sy ny toeran-kafa any Karnataka.

Na dia izany aza dia manomana ny handefa ireo Chaddis, na ati-kilaoty, any amin’ny mpitarika antoko Ram Sena, Andriamatoa Muthalik, lehilahy tompon’andraikitra, ry zareo vehivavy rehetra manerana an’I India, indrindra ireo izay any Bangalore, toerana niantombohan’ny hetsika fampielezan-kevitra.

Ny hevitra ambadik’izany mantsy dia ny vehivavy manerana an’I India dia voatery tsy maintsy mitaky ny zon’izy ireo , ny fiaraovana, ny fahafahana ary ny fanajana ny fananahana eo amin’ny “tanin’ny Kamasutra”. Nanatsofoka sarina ati-kilaoty mavokely miaraka amin’ny teny hoe”India, tanin’ny KamaSutra” tao amin’ny ekipa Facebook ny vehivavy iray antsoina hoe Ree Diwan, ary maneho hevitra I Patricia Chandrashekar:

Tsy nino aho hoe hitranga ity toe-javatra ity eto amin’ny tanin’ny KamaSutra. Alefaso mamangy an’I Khajuraho ireo jirika ireo. Avelao izy tenany hahita. Tsy ny fanaovana Chuddies (karazana silipo) mihintsy akory ny endriky ny ainga fanairana (erotique)!

Tsy maintsy miandry aloha isika hoe nanao ahoana izay ny fandraisan’I Ram Sena ny fianjeran’ireo silipo St Valentin any aminy.

Tsy ity fandraisan’ny vehivavy andraikitra ity irery ihany akory no nitranga tao India amin’izao fotoana izao. Manarak’izany , manoloana ny fampielezan-kevitra izay tsy nanao ahoana loatra kanefa koa tafita tamin’ny tanjona, dia naneho ny fijoroana vavolombelona momba ny herin’ny vehivavy ireo karazam-behivavy avy amin’ny sokajim-piainana samihafa ara-tsosialy sy ara-ekonomika sy ireo avy amin’ny faritry India. Tretrika tokoa I navsarjan NGO community media Group, Apna Malak Maaa mampiseho ity horonantsary misy ny filan-kevitry ny vehivavy ao an-toerana ao Gujarat, izay nikarakara ny asa fampandrosoana tsy miankina ary mamaha olana misy eo amin’ny tanana, ary koa ny olana sasany izay tsy mbola voavaha efa ho 20 taona mahery, toy ireo maloto mivarina anatin’ny lavaka sy ny olana misy eo amin’ny fakana fasika anaty renirano, izay midika fa ny fantsona mitondra ny rano sy ny lava-drano dia lasa maina tanteraka.