Global Voices teny Malagasy » Fahasalamàna

Horonantsary: Atsaharo ny herisetra atao amin'ireo vehivavy maneran-tany

candy — Tue, 01 Dec 2009 06:23:22 +0000

MpanoratraJuliana Rincón Parra · Nandika candy · vakio ato ny lahatsoratra nadika

Anio, faha-25 Novambra no andro iraisam-pirenena Iadiana amin'ny Herisetra Atao amin'ny Vehivavy, ary amin'ny alalan'ny horonantsary no anehoan'ny olona maro sy fikambanana maneran-tany ny fanirian'izy ireo hampiatoana ny herisetra ary koa ny ezaka entin'izy ireo hanamafisana fa manana tontolo afaka iainana am-piadanana ny vehivavy.

Sary avy amin'i circo_de_invierno, tao amin'ny Flickr mampiasa ny CC BY 2.0.

ny teny momba ny herisetra dia tsy maintsy hanafoana ny FAHANGINANA

http://www.flickr.com/photos/circo_de_invierno/ / CC BY 2.0

UNIFEM, ao amin'ny Manaova Tsia amin'ny Herisetra ao amin'ny Youtube dia efa nanao fanadihadiana ny sasany amin'ireo fanapahan-kevitra raisina maneran-tany mba hampiatoana ny fanaovana herisetra noho ny tsy fitoviana. Ny horonantsary voalohany dia mampiseho ny Lisean-jazavavy Ngara ao Nairobi, Kenya, izay andrisihana ireo tovovavy hanao Tsia amin'ny Herisetra, hijoro hitaky ny zon'izy ireo ary koa ny fomba hiadiana amin'ny fanolanana, fanafihana, fandrahonana ary ireo endrika hafa hisehoan'ny herisetra noho ny tsy fitoviana:

Any Kenya koa, manana Toeram-Panarenana ireo niharan'ny Herisetra ny tobim-pitsaboana nasionalin'ny Kenyatta, izay azon'ireo vehivavy sy ny zanany andehanana ary hikarakarana azy ireo noho ny herisetra nahazo azy ireo. Ato amin'ity horonantsary manaraka ity, mitantara ny fiainana ao amin'ilay toeram-pitsaboana izy ireo, ny tontolo iainana misy azy ireo, ary maneho hevitra koa ireo vehivavy niharan'ny herisetra:

Any Peru, eo am-pikarakarana fihetsiketsehana sy fanangonam-bahoaka ny fikambanana Flora Tristan ho ana endrika hafa inoany fa mety hiteraka herisetra: ny fandàvana ny fahazoana maimaim-poana ireo fomba fanabeazana aizana sy ny lalàna vaovao nanapaka fa ny pilin'ny ampitso (fanabeazana aizana vonjimaika) dia tsy tokony hozaraina maimaim-poana. Hanao fanentanana ho fanabeazana izy ireo any amina toeram-pitsangatsanganana any Lima ka hanome fanampim-panazavàna momba ny fanabeazana aizana, ary koa hizara pilin'ny ampitso sy fitaovana fanabeazana aizana ho mariky ny fanoherana:

Raha ny momba ny Amerika Latina sy ny Karaiba indray, nandefa ity horonantsary ity ny UN-INSTRAW ho ampahany amin'ny fanentanana fisarihan-tsaina :

Latinoamérica y el Caribe es un lugar peligroso para las mujeres. Más de 50 por ciento de las mujeres de la región han sido objetos de agresiones. En la República Dominicana, por ejemplo, 1,453 mujeres fueron asesinadas entre los años 2000 y 2008. En el marco del Día Internacional para la Eliminación de la Violencia Contra la Mujer, UN-INSTRAW lanza un nuevo video sobre la seguridad de las mujeres latinas y caribeñas.

Toerana mampidi-doza ho an'ny vehivavy i Amerika Latina sy Karaiba. Maherin'ny 50 isan-jaton'ny vehivavy any an-toerana no iharan'ny herisetra. Any amin'ny Repoblika Dominikana ohatra, vehivavy 1 453 no novonoina teo anelanelan'ny taona 2000 sy ny taona 2008. Ho an'ny Andro Iraisam-pirenena Iadiana amin'ny Herisetra Atao amin'ny Vehivavy dia nandefa horonantsary momba ny fandriampahaleman'ireo vehivavy Latina sy Karibeana ny UN-INSTRAW .

Any Espana, nandray anjara tamin'ny seminera faha-dimy momba ny Fiarovan-tena amin'ny herisetra ireo vehivavy, ka tamin'izay no nanoroana azy ireo ny fomba hiarovany tena raha miatrika toe-javatra mampidi-doza ry zareo. Ny kendrena amin'io fanofanana io dia ny hahafahan'izy ireo mampalemy mandritra ny fotoana fohy ilay mpanao herisetra mba hahafahan'izy ireo mandositra ny loza.

Ary avy any Chile, ilay mpanao Hip Hop COFLA dia namoaka hira mitondra ny lohateny hoe Femicide. Raha eritreretina hampirisika ny herisetra atao amin'ny vehivavy ny tononkira hip hop matetika, ity mpanakanto ity kosa namoaka hira manameloka ny fomban'ireo lehilahy manomboka amin'ny fanomezana tokim-pitiavana sy fiarovana ary tonga amin'ny herisetra, daroka na famonoana mihitsy aza:

Nisy ezaka toy izany ve tany amin'ny faritra na firenena misy anao? Mba ampafantaro anay amina fandefasan-kevitra ny fihetsiketsehana ataon'ny fiaraha-moninao mba hanakanana ny herisetra atao amin'ny vehivavy!

Voadona mafin'ny haintany sy ny ranomasina voaloto ny tapany Atsimon'i Madagasikara

Tomavana — Mon, 09 Nov 2009 17:17:35 +0000

MpanoratraLova Rakotomalala · Nandika Tomavana · vakio ato ny lahatsoratra nadika

[*Fanamarihan'ny mpandikateny: ny lahatsoratra dia nosoratana talohan'ny fanaovan-tsonia fifanarahana tany Addis-Abeba ny alin'ny Zoma 6 mifoha Asabotsy 7 Novambra 2009]

Raha ny hoavy ara-pôlitikan'i Madagasikara, izay tena tsy azo vinavinaina mihintsy izay alehany hatramin'ilay fanonganam-panjakana nitranga tamin'ny volana Martsa lasa teo iny, dia tapahina amin'izao fotoana izao any Addis-Abeba amin'ny alalan'ny fanelanelanana ataon'ny vondrona iraisam-pirenena mpampifandray, iaraha mahalala amin'ny anarana hoe GIC [Groupe International de Contact], izay manandrana indray manelanelana mba ahitana marimaritra iraisana avy amin'ireo ankolafy efatra tonta. Ny filohan'ny Vondrom-pirenena Afrikana sady isan'ireo mpanelanela izay manatrika any Addis-Abeba rahateo, ingahy Jean Ping dia nanokatra ny fivoriana tamin'ny teny manao hoe:

“The reality as you know it on the ground in Madagascar is characterized by fatigue that is felt by the people of Madagascar, people who are hoping the crisis will come to an end. A crisis to which, after all, they are the hostages. Whereas the socio-economic situation in your country is getting worse day by day. The people of Madagascar deserve better destiny and that depends completely on you”

“Araky ny iarahanareo mahalala, ny toe-javatra misy izay iainana any Madagasikara ankehitriny dia leo ny vahoaka Malagasy, miandrandra izay fotoana hiafaran'ity krizy ity ny olona. Krizy izay, izy vahoaka rahateo no mitondra faisana indrindra. Tsy mitsahatry ny miharatsy isan'andro isan'andro ny toe-draharaha ara-piaraha-monina sy ara-ekonomika any amin'ny tanindrazanareo. Mendrika hiaina tsaratsara kokoa noho izao ny vahoaka Malagasy ary miankina aminareo tanteraka ny fahefana hanova izany”

Izany teny izany dia toa azo ambara koa fa fihevitry ny ankamaroan'ny blaogasyfera [Malagasy mpivoy Aterineto] izay manompana ny herim-pony amin'ireo olana hafa koa izay tsy maintsy atrehin'i Madagasikara. Satria Faritra maro ankehitriny no indray voadonan'ireo loza samihafa toy ny haintany tsy manam-paharoa, ny ranomasina voaloton'ny faharendrehan'ny sambo izay niteraka fanapoizinana ny fiveloman'ireo mpanjono aman'aliny, ary ny loza hoan'ny tontolo iainanana vokatry ny fanapahana tsy ara-dalàna ireo hazo sarobidin'ny reniala.

(Fanampim-baovao : vita sonia tamin'ny faran'ny herinandro lasa teo ary ny fifanarahan'ireo ankolafy ara-politika efatra (BBC) : Madagasikara dia hiarahan'ny “vondrom-piloham-pirenena” 3 mirahalahy miara mitondra. Azonao arahanina amin'ireto rohy ireto izay fanadihadiana mikasika izao vaovao farany sady goavana izao: Reuters sy Madagascar Tribune (fr))

Ny tsirariny ara-tontolo iainana vokatry ny fandotoan'ny sambo Gulser Ana ny ranomasina

Ny Gulser Ana dia sambo avy any Torkià nitatitra fôsfata izay rendrika tany amin'ny morontsiraky Madagasikara ka nanapariaka loto simika tamin'izany firendrehana izany ka fototry ny fahafatesan'ireo trozona sady niteraka aretina tamin'ireo fianakavian'ireto mpanjono monina any an-toerana. Na dia notaterin'ireo fantsona fampitam-baovao vitsivitsy azy ny vaovao tato ho ato, dia efa roa volana lasa izay no naharendrika ity sambo ity araky ny notaterin'ny mpiblaogy Malagasy tamin'ireo lahatsorany tsirairay avy tamin'ny voalohandohan'ny volana Septambra.

Toy izao no nosoratan'i Tomavana amin'ny blaoginy (fr):

En plus d’écarter le drame écologique du Sud de l’île des actualités nationales, la controverse politique autour de ces nouvelles nominations pose la question du suivi de ce dossier sensible

Ankoatry ny aloka izay ataony amin' ity vaovao ratsy hoan'ny tontolo iainana ity, ny adilahy politika manodidina ireo fanendrena izay ho ministra dia mampanontany tena ny amin'izay mba fanaraha-maso ity raharaha saro-pady ity.

Tsotra ny fanontanian'i Joan : “Mba renareo ve izay vaovao momba ny Gulser Ana ?”. Anisan'ireo namela hafatra i Capt Collin Smith izay mamoaboafy izay mety ho fototr'izao faharendehan'ny sambo izao:

The only explanation which can exculpate the Captain and Officer of the Watch of this vessel is mechanical breakdown. Anything else is human error, and therefore incompetence, if not recklessness. How can a ship go aground in perfect visibility if the OOW and Captain are paying attention and properly trained? [..] Another practice to save money. The Captain and OOW should have been arrested when they got ashore, and held.

Ny fanazavana izay hany mety hanala tsiny ny kapitenin'ity sambo ity dia raha sendra izay fahasimban'ny milina. Fa izay rehetra fototra ankoatr'izay dia fahadisoan'olombelona avokoa, izany hoe tsy fahaizana, raha tsi-fivakiana loha tsotra izao aza. Amin'ny fomba ahoana koa no irendrehan'ny sambo amin'ny alina mazava tsara raha toa ka samy zatra ady sy mitandrina tsara avokoa ny manam-boninahitra teo am-pamiliana sy ny kapiteny ? [..] Fomba hafa fitsitsiana (koa anie izany fanaovana hitsin-dàlana izany e!)Raha ny izy dia tokony ho voatana dieny mikasi-tany ny kapiteny sy ny manam-bonihaitra izay teo am-paniliana tamin'io fotoana io.

I Mialisoa kosa mitatitra ao amin'ny blaoginy (fr):

les habitants « souffrent de problèmes respiratoires, et de maladies cutanées et diarrhéiques ». Car non seulement ces personnes ont été exposées aux déchets toxiques, mais le nettoyage des zones polluées s’est fait sans vêtements de protection et sans équipements adéquats

voan'ny aretina manembatsembana azy ireo hiaina (sempotsempotra) ny mponina any sady miofakofaka ny hodiny no mivalana. Satria tsy vitan'ny hoe voan'ny fandotoana ireto olona ireto fa nampiasaina tamin'ny fandiovana ireo morontsiraka koa anefa tsy nisy fitaovam-piarovana na fiasana tandrify hanaovana izany akory.

Ny tsy fisian'ny tatitra hatrany am-piandohana mikasika ity raharaha ity dia nahatonga an'i Tomavana hanoratra amin'ny Twitter hoe:

“@fanjakely j'ai l'impression que les habitants Sud #Madagascar sont des malgaches de 2nde zone. J'entends nos beaux discours mais nous sommes pas #Solidaire”

“@fanjakely Toa ohatry ny Malagasy latsaka fahefany ireo mponina any Atsimon'i Madagasikara. Mandre kabary tsara lahatra ombieny ombieny aho anefa tsy mahita izay mba firaisan-kina akory”

Sambo rendrika nampitain'i Mialisoa

Indrisy anefa fa tsy izany ihany no loza mianjady any amin'iny faritra iny.

Haintany tsy manam-paharoa

Tena vitsy ny orana tany amin'ny faritra Atsimo tato ho ato. Araky ny nambaran'ny gazety “the Guardian” [ny Mpiambina], izao haintany tsy ara-potoana izao dia vokatry ny fiovan'ny toetr'andro (nisondrotra 10% mantsy ny mari-pàna) ka niteraka haintany tsy manam-paharoa sy marika fambara izay tsikaritra efa hatramin'ny enim-bolana lasa izao, fa ho henjana ny kere. Tovoheryzo Raobi Jaona no manazava izay fomba iantefan'ny fiovan'ny toetr'andro ny faritra Atsimo (fr):

“Avant, il y avait une sécheresse tous les dix ans. Or, depuis 2000, il y en a eu quatre”

“Fahiny, isaky ny folo taona tany ho any no ahitana haintany. Fa nanomboka tamin'ny taona 2000 kosa dia efa in-4 sahady izao”

Féroce Remanongona, olomboafidy any an-toerana, aza dia miteny mihitsy hoe (fr):

Nous prions le Grand Dieu que le cyclone passe chez nous. Même s’il détruit nos maisons, c’est mieux que subir la sécheresse

Mivavaka izahay mba handalovan'ny Rivomahery aty aminay. Na dia mandrava ireo tranonay aza ireny, dia aleonay misedra azy ireny toy izay kere

Teny henjana izany indrindra raha tsaroana izay fomba namiraviran'ireo rivomahery vao tsy ela akory iny faritra Atsimon'ny nosy iny.

Ny toeram-pandinihana ”Panos Insitute” dia namoaka vao tsy ela andian-dahatsoratra nampitondraina ny lohateny hoe “Pushed to the Edge” [atao ankila-bao] mikasika izay fianjadian'ny fiovan'ny tontolo iainana amin'ny vahoaka Malagasy monina any amin'ny faritra Atsimon'ny nosy. Toy izao ny fijoroana vavolombelona nataon'i Bruno:

I noticed that the weather had changed from our usual predictions, and the rainy seasons were starting very late… Not only was rice production affected, but also sweet potatoes and cassava. It was getting hotter and hotter, which made planting cassava challenging… When I harvested it, I discovered that the roots had become smaller, compared to my previous harvest. In terms of rice, I used to collect three to four large baskets and now I can harvest only one small basket. The change is so obvious that it makes me ask the question, “What is happening to the climate?”

Tsikaritro fa tsy manaraka ny fihevitray toy ny mahazatra ny toetr'andro tato ho ato, fa tara be ohatra vao manomboka ny fahavaratra… Ka tsy ny fambolem-bary ihany no simba fa na ireo Bélé [voamanga] sy Balahazo [mangahazo] koa aza. Mihamafana hatrany hatrany ny andro, ka tena hasakasaka be ny fambolena Balahazo… Rehefa fotoana filana indray, dia tsikaritro fa madinidinika ireo voany raha oharina amin'ireo vokatra taloha. Resaka vary indray, taloha dia kitapo telo no jinjainay fa ankehitriny kosa dia zara raha misy vody harona. Tena misy fiovana mihitsy ka mampanontany tena hoe ”fa dia inona loatra no mahazo ny toetr'andro e?»

Misy tatitra vokatry ny fanadihadiana izay vao navoaky Richard Marcus amin'ny alalan'ny ”American Political Science Association” [Fikambanana Amerikana hoan'ireo Mpandinika ny Pôlitika] izay mampiseho ireo olana tsikaritra manodidina ny fitantanana ny rano any amin'ny faritra Ambovombe-Androy. Toy izay no voasoratra:

“Rural communities are suddenly faced with having to pay exorbitant costs for water. They are ill-prepared to carry out their municipal functions and unable to raise the level of user-fees or community taxes necessary to fund infrastructure development”

“Ireo fokonolona any ambanivohitra dia voetry nandoa saran-drano midangana dia midangana. Tsy nivonona ny hiandraikitra ny fitantanan-draharaha amin'ny maha olom-boafidy azy ireo mpitondra no sady tsy nahavita nanangona hetra mba ho takalon'ny fampiasana ny rano na koa fikambanana mba hiantoka ny fanamboarana ny famatsian-drano hoan'ny tanana rahateo”

Stephane, mpiblaogy anivon'ny fikambanana Foko Madagascar dia vao avy nanatrika ny Vòvònàna izay nokarakarain'ny Firenena Mikambana handinihina izay mikasika ny Fiovan'ny Toetr'Andro tamin'ny volana Septambra lasa teo [New-York] sady miblaogy mikasika izay olana tsy maintsy hovahana amin'ny fampivoarana ny firenena andalam-pandrosoana toa an'i Madagasikara.

Farany, nisy volavolan-dalàna izay manameloka ny fanapahana ireo hazo sarobidy any amin'ny reniala any Madagasikara izay napetraky ny Solombavambahoaka Earl Blumenauer (Demokraty avy any Oregon) amin'ny Antenimieram-Pirenena Amerikana. Nirongatra mafy mantsy ny fanapahana ireo hazo sarobidy avy amin'ny reniala, hatramin'izay nanombohan'ny fifanolanana ara-politika izay.

Ireo gazety “Courier International” sy “l'Express de Madagascar” moa dia mitatitra koa fa hay ny fitondrana mihitsy no nanome alàlana ny fanondranana ireo hazo mavokely sarobidy, izay efa tra-tehaka, tamin'ny faramparan'ny volana Septambra (fr).

Repoblika Dominikana: Hetsika fampahalalana ny homamiadana

Lila — Wed, 28 Oct 2009 19:53:31 +0000

MpanoratraRocio Diaz · Nandika Lila · vakio ato ny lahatsoratra nadika

Volan'ny fisorohana ny homamiadan'ny nono any amin'ny firenena maro ny volana oktobra, fotoana ankalazain'ny vohikala manandaza, fandaharana manokana amin'ny fahitalavitra, famakian-teny, valandresaka ara-medikaly ary ny fizarana boky kely sy trakitra misy izay tsara ho fantatra. Ireny rehetra ireny dia manindry manokana ny amin'ny fizahana ataon'ny tsirairay sy ny mampiahiahy tokony hoheverina.

Tany amin'ny Repoblika Dominikana dia nisy ny ezaka fampahafantarana mikasika ity aretina ity. Nanomboka tamin'ny volana oktobra 2006 dia lasa lehibe mpitondra teny amin'ny fanentanana momba ny homamiadan'ny nono fanao isan-taona avy amin'ny “Office of the First Lady [es]” (Biraon'ny Vadin'ny Filoha) antsoina hoe “Anio no andro mety” ny Dokotera Margarita Cedeno. Ity fanentanana ity dia mitaona ny vehivavy hikarakara ny toe-pahasalamany ka eo ny fanaovana valandresaka sy vakinteny atao manerana ny firenena. Fanampin'izany dia izarana boky kely ny vehivavy ary maimaim-poana ny fitiliana ny nono.

Sarin'ny fanokafana ny fampahafantarana. Nahazoana alalana avy amin'ny Biraon'ny Vadin'ny Filoha.

Nahatratra ny faratampony tamin'ny alalan'ny fampisehoan-damaody nataon'ny mpanao haikanto Rtoa Carolina Herrera ity fanentanana ity, Herrera izay nankasitraka ny finiavan'ny Vadin'ny Filoha ary nanohana fa ny hetsika “Anio no andro mety” no lasa hiakam-pamantarana hanairana ny momba ity aretina ity. Tao amin'ny valan-dresaka nataony ho an'ny mpanao gazety no niantsoan'i Herrera, izay anisan'ny ao anatin'ny fandraisana andraikitra iraisam-pirenena SER, mpanohana ny fanentanana eo amin'ny sehatra manerantany, ny rehetra hanambatra ho iray ny fanentanana isan-karazany atao manerana ny tany.

Misy koa ny fampahafantarana hafa natao hampahafantarana ny karazana homamiadana rehetra, anankiray amin'ireny ny “Caminantes por La Vida” (Diabe ho an'ny Fiainana) izay diabe hatao manerana ny làlana rehetra ao Saint Domingue renivohitra, ary andiany fahaefatra no hatao ankehitriny. Finiavana natomboky MercaSID izy ity, MercaSID mikarakara momba ny sakafo sy izay mahasoa ny fianakaviana, izay manangom-bola hanampiana ireo mpilatsaka an-tsitrapo sy ireo toeram-pitsaboana ary ireo fikambanana miady amin'ny homamiadana. Tamin'ity taona ity dia nantsoina hoe “Esta Va por Todos” (Ho an'ny rehetra izy ity) ny hetsika.

Sarimihetsika mialoha ny diabe tamin'ny 2008 nalefan'i Jorge Valdez.

Zava-dehibe ny fampahafantarana tahaka izao ho an'ny Dominikana miaina miaraka amin'ny homamiadana. Ilay mpitoraka bilaogy Principe Mestizo nanana olona akaiky azy tratry ny homamiadana no nilaza fa tena ilaina ny fampahafantarana:

Mi tío Juan, prominente abogado de aproximadamente 32 años , cayo victima de un cáncer en el área del estomago que se expandió a varios órganos y que finalmente hizo que Juan dejara este plano, dejándome múltiples enseñanzas, valorando y admirando a mi familia que en un momento de una crisis de esa magnitud, se unió como un solo cuerpo para ayudar a salir adelante al Benjamín de los hermanos de mi padre, y para el (mi papa) otro hijo mas.

Años después, otro hermano de mi Papa caia victima de la enfermedad (Tio Chichi) y de nuevo me toco ver….ya mas adulto otra cara de la enfermedad.

Lo Primero que hay que aclarar es que cuando en una familia alguien tiene Cáncer, toda la familia por defecto esta con Cáncer.

Ny dadatoako, Juan, mpahay lalàna nisongadina, 32 taona, no voan'ny homamiadan'ny vavony, izay niparitaka tamin'ny taovany hafa ary ny niafarany dia nandaozany ny tany, navelany ho irery teto aho niaraka tamin'ny lesona maro, mijery sy mankasitraka ny fianakaviako satria hatramin'izay dia niray hina tsara izahay rehetra nanampy ireo zanany mbola kely, izay nanjary tahaka ny zanaka lahy ho an'ny raiko aza.Taona maro taty aoriana dia anankiray amin'ireo rahalahan-draiko (dadatoa Chihchi) no voalaza fa voan'ny homamiadana koa ka nampahatsiahy indray ny fotoana niainana taloha. Nahita endrika hafa momba ity aretina ity aho.

Ny tena zavatra tsapa sy mazava dia hoe rehefa misy olona iray voan'ny homamiadana ao amin'ny fianakaviana dia ohatry ny hoe voa tsy fidiny izany daholo ny rehetra.

Rocio Diaz

Fitondrana vohoka sy ny fonja: Ny fahasalamana sy ny zon'ny vehivavy voafonja

Jentilisa — Mon, 26 Oct 2009 21:24:17 +0000

MpanoratraJuliana Rincón Parra · Nandika Jentilisa · vakio ato ny lahatsoratra nadika

Manana ny zony feno ve ny vehivavy bevohoka rehetra, sa tsy manan-jò intsony rehefa voafonja?

Izany no fanontaniana tonga ao amin'ny tena rehefa mieritreritra ny zon'ny vehivavy bevohoka voafonja hamelona sy hitaiza ny zanany raha voaheloka amin'ny heloka sasantsasany izy:

Tahaka ny ahoana moa amin'izy ireo izany hoe bevohoka na mananjanaka [mbola kely] nefa voafonja izany?
Tsy maintsy hoe laharam-pahamehana ve izy ireo raha misy ny vehivavy hafa tsy voafonja tsy mahazo fanaraha-maso ara-pahasalamana?
Ny maha-reny ve no mandrava ny lalàna hafa rehetra mba iantohana ny zon'ny vehivavy bevohoka?

Etazonia: Tsy azo ekena intsony ny fametahana menôty eo ampiterahana.

Azonao eritreretina ve izany vehivavy hiteraka izany ka voapetaka menôty arakitra amin'ny fandrianany ny tanany sy ny tongony? Miteny amintsika amin'ity fomba fanao any Etazonia hatramin'izao fotoana izao ity i Malika Saada Saar, mpanorina sy tale mpanatanteraka ny Tetikasa Rebecca miaro ny zon'olombelona, fa efa fahazarana any amin'ny toera-pamonjana sasantsasany any Etazonia ny mametaka menôty ny vehivavy bevohoka mandritra ny fisafoana sy ny fiterahana, na dia mety hitera-doza amin'ny fahasalaman'ny reny sy ny zaza aza izany. Manaraka etoana ny lahatsary fanadihadiana miaraka amin'ny lahatsoratra ho an'ny RH Reality Check, tambajotran-tserasera iray miresaka sy manadihady ny zo sy ny fahasalamana ara-pananahana:

Inona no mitranga ho an'ny zanaka voafonja rehefa teraka?

Samy manana ny lalàny avy ny isam-pirenena momba ireny zaza teraka tany am-pamonjana ireny. Any Arzantina, ohatra, araka ny lazain'ny Ajintem, fampahalalam-baovao an-tserasera mampahafantatra ny momba ny fifindra-monina, dia nisy lalàna manokana ho an'ny vehivavy bevohoka voafonja nolaniana tamin'ny herintaona, izay mametraka fa mahazo mamita ny saziny any amin'ny fonenany saingy mahazo alalana vao mahazo mivoaka sady arahi-maso ny vehivavy manan-janaka latsaky ny dimy taona na manana zaza sembana. Mahasoa tsy ny reny ihany izany lalàna izany, satria tsy hahazo fikarakarana ara-pahasalamana azo antoka ho azy izy mandritra ny fotoana itondrany vohoka, fa ny zaza ihany koa, izay mety ho notezaina tao anatin'ny tontolo tsy misy fahafahana sady tsizarizary ny sakafo sy ny fanaraha-maso ara-pahasalamana, na mety hotezaina lavitra an-dreniny, izay mety hiteraka olana maro isan-karazany ihany koa. Na izany aza dia hafatra ampitaina amin'ny Mpitsara io hanarahany ny hevitry ny lalàna sy hanomezany alalana ireo vehivavy tsy tafiditra amina heloka miharo herisetra, ary hanomezana toky ihany koa ny mponina sivily fa tsy lalana malalaka ivoahana ny fonja tsy akory ny fitondrana vohoka.

Any amin'ny nosy Canary indray, araka ny filazan'ny bolongana Prisiones y Penas, izay miresaka ny momba sy ny lohahevitra mahakasika ny toera-pamonjana, dia mahazo alalana hitazona ny zanany hatramin'ny faha-3 taonany hiray efitra aminy ao am-ponja ny vehivavy, saingy miaraka amin'ireo vehivavy hafa miara-voafonja aminy ihany koa, izay tsy ny tontolo tsara indrindra. Avy amin'izany dia efa nilazana ny vehivavy bevohoka na manana zaza latsaky ny 3 taona hiditra ny fonja fa tsy mahasoa ny zaza ny mitombo any ambadiky ny fefy vy, ka omena safidy izy ireo ny hamoaka ny zanany ho any amin'ny fianakaviana. Tahaka izany ihany koa no mitranga any Peru sy Rosia. Any Etazonia dia toera-pamonjana roa ihany no manome alalana tahaka izany, any New York sy any Nebraska, araka izay nolazain'ilay mpaka sary malaza Jane Evelyn Atwood ao amin'ny sary fanadihadiana misy fizarana 3 nataony ho an'ny Amnesty International, antsoiny hoe Too Much Time[na: Ela loatra], izay nitsidihany toera-pamonjana ampolony manerantany sy nandraketany sy nanangonany fanadihadiana ny fiainan'ny voafonja.

Nahoana moa ny rafi-piarenana [fandraharahana ny fonja] any Etazonia amin'ny ankapobeny no mtsy mamela ny vehivavy hitazona ny zanany hiaraka aminy? Nohazavain'i Atwood fa tsy navela natao izany noho ny mety hisiana fanaovana takalon' aina. Ao amin'ny Prison Photography Blog no hanaovan'izy ireo izao filazana izao:

Tsy mahazo miditra ny fonja afa-tsy amin'ny toerana roa ny kilonga any Etazonia. Eo amin'ny fiarovana no ambara fa anton'izany: aina marefo lalandava sy mety ho lasa takalon'ania mandrakariva izany kilonga any am-ponja izany. Mihanjahanja izany fanambarana izany rehefa itodihana ny rafi-piarenan'ny firenen-kafa.

Ny ango-panadihadian'i Atwood ao amin'ny songadin'ny vohikalan'ny Amnesty International no ilazany izany miteraka mipetaka menôty izany araka izay efa navoakan'i Vanessa's Baby sy ny momba ny rafi-piarenana sy ny fiainana maha-reny, omban'ny sary mandritra ny hamakiany ny lahatsoratra miresaka ny zavatra hitany tany am-pitsidihana fonja isan-karazany sy nakany saripika.

Entina mifampiraharaha ve ny fitondrana vohoka?

Nahoana no mampiroanahana tahaka izany ny zon'ny vehivavy bevohoka voafonja? Ao amin'ny Russia Today, televiziona Rosiana iray, dia voatonona ity lohahevitra ity rehefa noresahina ny momba ny zaza teraka sy nobeazina tany amin'ny rafi-piarenana rosiana:

Misy ny mihevitra fa manao izay hahabevohoka azy fotsiny ny reny sasantsasany hahamora kokoa ny fiainany any am-pamonjana. Miaina any amin'ny Hopitaly, manana fotoana be dia be voarafitra ahafahana miaraka amin'ny kilonga – tsara kokoa izany rehetra izany noho ny mipetraka anaty tranovato, hoy ny filazan'izy ireo.

Ary misy ny vehivavy taratra ihany fa ny fitondrana vohoka no lalana tokana ahafahana miala amin'ny fanefana sazy, tahaka izay nitranga tamin'ny volana jona teo, raha nogadraina sy nohelohina ho faty ny vehivavy anglisy iray tany Laos noho ny raharaha zavamahadomelina fa bevohoka tany am-pigadrana izy, rehefa tsy mamono ho faty ny vehivavy bevohoka ny fitondrana any Laos. Ny filazana nataon'ny Daily Express, gazety anglisy iray, no nahafantarana fa natsaika tamin'ny fomba artifisialy ravehivavy mba hanavotana azy.

Mitantara ny amin'ny zanany sy ny fiainana voafonja araka ny fiteniny ny vehivavy

Geraldin Rodríguez, Arzantiniana voafonja any Ekoatera noho ny fanondranana zava-mahadomelina no niresaka tamin'i Marcos Brugiati, mpanoratra sady nampiroborobo tamin'ny famoahana an-tserasera ny resaka zavakanto Plastica-Argentina, ny tantaran'ny fanaovana teathra any am-pigadrana, izany bevohoka any am-ponja ary ny nananany zaza. Nahazo alalana ny hitazona ny zanany hiaraka aminy izy saingy naleony mihalehibe any ampahalalahana ny zanany:

“Decidí que salga para vivir, tenía miedo que sufra de grande los traumas que hoy tengo. Se lo llevó al año mi hermano quien se hice cargo con su esposa”.

Nanapa-kevitra aho fa aleoko mandeha izy mba hiaina, matahotra aho fandrao miaina ny takaitra izay iainako ihany koa izy. Herintaona taoriana dia nalain'ny anadahiko sy ny vadiny izy hotezainy.

Migadra any amin'ny fonja Espaniola i Juvinete, ary bevohoka rehefa nohidiana noho ny resaka fanondranana zava-mahadomelina. Nitantara ny fiainany tamina gazetim-paritra NorteCastilla izy. Telo taona taorian'ny niterahany ny zanany tany am-ponja dia tsy maintsy nosarahina taminy ny zaza, ary nalefa tany amin'ny fianakaviana vonon-kandray ny zaza. Mifankahita amin-janany vavy isaky ny 15 andro i Juvinete ary mahazo alalana hivoaka 2 herinandro hiara-miaina aminy isaky ny roa volana. Saingy mety tsy hihatsara ny toe-draharaha: Mety halefa any amin'ny firenena niaviany any Brezila manko i Juvinete, ary manahy ny mety ho fiantraikan'izany fiovana izany amin-janany. Ary dia nanome soso-kevitra ho an'ny vehivavy rehetra mihevitra ny hitondra vohoka any am-ponja izy:

-Intento convencerlas para que no se queden en estado dentro porque ver a un niño privado de libertad es muy duro, es irresponsable. Ellos no tienen que pagar nuestros errores.

Miezaka aho ny mandresy lahatra azy ireo tsy ho bevohoka am-ponja izany fa manohina tokoa ny mahita ny kilonga tsy manam-pahafahana, maneho tsy fahaiza-mandray andraikitra izany. Tsy tokony hosaziana noho ny fahadisoantsika izy ireny.

Ao amin'ny Woman and Prison,[ny vehivavy sy ny fonja] vohikala natao hanairana ny mhatra amin'ny vehivavy any amin'ny toera-piarenana, no iresahan'i Kebby Warner ny nitondrany vohoka tany amin'ny fonja amerikana, nitantarany ny nanaovana azy nandritra ny nitondrany vohokan niterahany sy ny taorian'izany, rehefa nalaina taminy ny zanany. Toy izao ny notsongaina tamin'izay nosoratany teo ampiterahana:

Tsy misy mahazo miditra ao an'efitra mandritra ny fiterahana. Tsy nahalala ny niterahako zazavavy akory ny fianakaviako raha tsy efa nandao ny hopitaly aho. Mipetraka ao an'efitra ny mpiambina nandritra ny telo andro, saingy mimenomenona matetika ry zareo rehefa asain'ny mpitsabo mpanampy hivoaka ny efitra. Efa reko ny tantara mampihorokoditra milaza fa petahina menôty eo am-pandrianany ny vehivavy. Faly tokoa aho fa tsy mba nanaovana izany. Maro tamin'ny mpitsabo mpanampy no nikarakara ahy amin'ny mahaolona fa tsy amin'ny mahavoafonja ahy.

Mbola misy tantara hafa azonao vakiana momba ny fitomboana miaraka amin'ny havana any am-ponja sy ny fiantraikany isan-karazany amin'ny zanaky ny vehivavy voafonja koa ao amin'ny Women and Prison[vehivavy sy ny fonja].

Koa ahoana ary ny eritreritrao? Mahita ireo vehivavy bevohoka manerantany tsy mahazo fikarakarana ara-pahasalamana, mbola tokony hisy ve ny ezaka fanampiny omena ireo vehivavy voafonja? Misy ve ny fahasamihafana eo amin'ny vehivavy mamita sazy sy ireo izay ivelan'izany? Tokony hokarakaraina manokana ve izy ireo?

Ny sary nampiasaina handravaka ny lahatsoratra dia “17 de noviembre” an'i daquella manera.

Juliana Rincón Parra

Hetsiky ny mpitoraka blaogy Omani hiadiana amin'ny gripam-borona

miora — Fri, 25 Sep 2009 11:17:18 +0000

MpanoratraRiyadh Al Balushi · Nandika miora · vakio ato ny lahatsoratra nadika

Niakatra be ny isan'ireo olona voan'ny gripam-borona any Oman. Olona efa ho 16 izao no maty ato amin'ny firenena , ity no fahafatesan'olona maro be indrindra taty amin'ny Golf. Tokony ho ny volana Septambra ny fidirana an-tsekoly sy any amin'ireo Anjerimanontolo, saingy nahemotra ho ny tapatapaky ny volana Oktobra. Ny fety be nokasain'ny firenena hatao ny volana Janoary dia nofoanana noho ny tahotra gripa.

Maro amin'ireo mpitoraka blaogy Omani no tsy faly amin'ny tatitra avy amin'ireo media ao an-toerana ary mieritreritra fa tokony hamafisina ny fanentanana, indrindra raha fantatra fa mety hiparitaka be ny aretina mandritra ny fankalazana ny Eid sy Fitr , izay manomboka rahampitso. Ny mpitoraka blaogy Hamed Al Ghaithi dia nanomboka hetsika fanentanana ny mpitoraka blaogy ho fisorohana ny gripam-borona ka ao no anomezany toro-hevitra:

Atosika ireo media any Oman mba hiova vonjy maika hitaiza ny vahoaka hanana fomba fanao mendrika, ny fahadiovan'ny tsirairay, ary ny hanomezana toro-hevitra amin'ny tsy tokony hifandraisana tànana, hifanoroka, na koa manao vondrom-bavaka.

Atosika ny governemanta hametraka fepetra amin'ny fiantsenana any amin'ireny tranombarotra sy ireny hetsika sosialy sy ara-pinoana goavana ireny, tahaka ny fampakarambady na ny fankalazana ny Eid.

Ajanona ny enim-bolana voalohany amin'ity taom-pianarana ity ary raha tsy mbola voafehy ny olana hatramin'ny volana Febroary, dia ny taompianarana amin'ity taona ity mihitsy no foanana.

Asiana hetsika fanadiovana faobe ho an'ireo toerana falehan'ny be sy ny maro toy ny tsenam-pokonolona sy ny toeram-pianarana.

Manaraka ny fizotry ny fahasalaman'ny olona tonga avy any ivelany ary fanokana-monina azy ireny raha sanatria ahiahiana ho voa izy ireo.

Ireo hevitra rehera ireo, ohatra ny fanafoanana taompianarana iray manontolo dia tsy afaka ho tanterahana daholo, saingy mahafinaritra ny mahita mpitoraka blaogy Omani mifanakalo hevitra sy manapariaka hafatra mampitandrina mba hampihenana ny mety ho fihanaky ny aretina.

Ny mpitoraka blaogy Bader Al Hinai dia nilaza ny asa mivantana amin'ny fanentanana mpitoraka blaogy nataon'izy ireo momba ny ady amin'ny gripam-borona izay tokony nanomboka androany ka misy ireo mpitoraka blaogy mankany an-tsena ao an-toerana mba hampianatra ny olona hampiasa amin'ny tokony ho izy ireo fitaovana famonoana otrikaretina. Mbola tsy ahitana tatitra hoe nanao ahoana ilay hetsika aloha amin'izao fotoana izao aty anaty aterineto. Araka ny hevitr'i Bader, havoaka atsy ho atsy ireo hetsika hitranga atsy ho atsy aorian'ny fialantsasatra.

Myanmar: Pôlitika vaovao mitaky ny fisoratan'anaran'ireo vondrona miady amin'ny VIH

candy — Wed, 16 Sep 2009 06:09:37 +0000

Mpanoratratan · Nandika candy · vakio ato ny lahatsoratra nadika

Ny HIV Information for Myanmar (HIM) dia nanoratra lahatsoratra momba ny fanovàna vao haingana ny pôlitika mikasika ny fitsanganan'ireo vondrona eo anivon'ny tambajotram-baovao People Living with HIV (PLHIV) - ireo olona miaina miaraka amin'ny VIH.

Nampian'ilay mpanoratra taratasy avy amin'ny Solombavambahoaka Tale Jeneralin'ny Sampana Fitiliana Aretina eo ambany fahefan'ny Ministeran'ny Fahasalamana, ho an'ireo Mpitsabo-Lehibe [médecin-chef] ao amin'ny Tarika mpitily sy mpanara-maso ireo areti-mifindra azo amin'ny firaisana ara-nofo sy ny VIH.

Mitsangana manerana ny firenena sy fari-piadidiana maro izao ireo tambajotra PLHIV mba ho fanampiana amin'ny fisorohana sy fitsaboana ny VIH/SIDA. Amin'ny fanatanterahana izany, tokony hiasa eo ambany fanaraha-mason'ny Tarika mpitily sy mpanara-maso ireo areti-mifindra azo amin'ny firaisana ara-nofo sy ny VIH, ka tsy misy antony tokony hitondràna anarana samy hafa. Raha te-hiasa amina anarana hafa ny Vondrona dia hila manoratra anarana isan'ambaratonga any amin'ny kaominina, Faritany, sy any amin'ireo Filan-kevitry ny firenena/fari-piadidiana ho an'ny Fandriampahalemana & Fandrosoana, ary ny Minisiteran'ny atitany, mifanaraka amin'ireo lalànan'ny famoronana fikambanana.

Nametraka izao tsikera izao ny mpamaky tsy mitonon'anarana iray:

Raha tena mizotra marina ho amin'ny demokrasia ny governemanta, ho tia ny olony aloha. Tena zava-dehibe ny fandraisana anjara ho an'ny tena fandrosoana. Firy ny mpiasan'ny NAP manerana ny firenena? Manana olona ampy ve ry zareo ho ana marary 240,000 (izay no nosoratan'izy ireo, mety mbola betsaka : iza no mahalala?). Manana porofo ve ianareo fa tafiditra anatina raharaha pôlitika ny PLHIV? Hay kay nila nisafidy hanana fifandraisana amin'ny ART amin'ny alalan'ny fomba maro samihafa fotsiny ry zareo.

Nisy mpamaky hafa namela tsikera manazava momba ireo toetoetry ny fahasalamana any Myanmar. Nanoratra momba ny toe-piainan'ireo mararin'ny VIH any Myanmar koa izy:

Maro ny olona tratry ny VIH na mitondra ny tsimok'aretina any amin'ny Firaisamben'i Myanmar. Maro ireo mararin'ny VIH no tsy manana fahafahana amin'ny fitsaboana io tsimok'aretina io sy tsy ampy fitsaboana satria nijanona ny namatsy azy ireo ny ONG nikarakara azy ireo noho ny antony maro samihafa. Tena tsy ampy fanampiana [miraviravy tànana] ny olona any Burma na any amin'ny Firaisamben'i Myanmar. Olona very zo sy tsy henoin-teny ny any Burma. Tahaka ny gadra ao an-tanindrazany izy ireo na any am-ponja na tsia no misy azy.

Matahotra ny sasany sao dia ampiasaina “hifehezana” na hanimbana ny fahaleovantenan'ireo vondrona mpilatsaka an-tsitrapo any Myanmar ity pôlitikan'ny governemanta vaovao ilàna ny fisoratana anaran'ireo vondrona miady amin'ny VIH ity. Nisy mpamaky hafa koa naneho ny ahiahiny tanatina tsikera mitodika amin'ireo olana lalovan'ny ONG taorian'ny Hetsi-panovàna Saffron tamin'ny taona 2007.

…. Ny fifanampiana sy ny fifanohanan'ny tsirairay dia fototra lehibe sy zon'olombelona tsy ilàna fieràna na amin'iza na amin'iza. Ny famporisihana sy ny fanamoràna ny fananganana vondrona ifanampiana hiatrehana ny VIH no fantatra fa fomba tsara apetraka sy ampiasaina erantany ho tetezana sy tetikasa loharanom-pikarakarana ireo olona miaina miaraka amin'ny VIH. Ny matihanina amin'ny resaka fitsaboana dia samy mahatsapa fa ny femehipehezana ny fahafahan'ny isam-batan'olona hahazo fiahiana ara-pahasalamana dia midika fandikana ny [ethic] foto-pisainan'ny asa fitsaboana. Tanatina krizy mangina ireo ONG iraisam-pirenena misahana ny lamin'asa ara-pahasalamana efa ho 5 taona izao, indrindra indrindra taorian'ny Septambra 2007. Naato ny MOU-n'izy ireo [avy amin'ny mpandika : fahazoan-dàlana angamba ity] raha tsy mankato ny torolàlana hanena ny isan'ireo tetikasany ry zareo. Ny NAP dia nody niara-niasa tsara tamin'ireo ONG eny an-toerana sy maneran-tany amin'ny fananganana Tetika Stratejika Nasionaly ho an'ny VIH/SIDA ary amin'ny fanatratrarana ireo tanjona any amin'ireo kaominina natao ho laharampahamehana niaraka tamin'ireo mpiara-miombona antoka. Taorian'ny hetsika tamin'ny Septambra, napetraka ho anatina volavolan-damin'ny tafika ireo lamin'asa ara-pahasalamana rehetra. Tsy firaharahiana ny olan'ny hafa, fa fikarakarana feno ho an'ny fandriampahaleman-dry zareo. Miha-maro hatrany ireo ONG avy ao an-toerana sy iraisam-pirenena no asaina manena ireo faritra iasan'izy ireo. Somary sarotra ho an'ireo matihanina amin'ny sehatry ny fahasalamana ny mampita izany toro-hevitra mifanohitra amin'ny foto-pisainana [unethical] izany amin'ireo mpiara-miasa aminy, ireo ONG iraisam-pirenena mijery ny maha-olona. Na dia teo aza ilay taratasy fandraràna vao haingana, toa matoky tena sy mahazo aina ireo matihanina amin'ny sehatry nyfahasalamana avy ao amin'ny Ministeran'ny Fahasalamana [DOH] amin'ny fiàlana ny baiko tahaka ity amin'ny olona miaina miaraka amin'ny VIH/SIDA, izay tsaboin'izy ireo. Tsy amin'ny maha-marary azy ireo intsony no hijeren-dry zareo ireo olona miaina miaraka amin'ny VIH/SIDA, fa toy ny hoe loza ho an'ny fahamarinan-toerany sy ny fidiram-bolan'ireo mpiasa ao amin'ny DOH…..

Araka ny lahatsoratra an-gazety avy amin'ireo Mpitsabo Tsy Manana Sisintany (Medecins Sans Frontieres) tamin'ny 25 Novambra 2009, eo amin'ny olona 240000 no eritreretina ho mitondra ny tsimok'aretina VIH/SIDA any Myanmar. Amin'izy ireo, 76000 no mila fitsaboana ‘anti-retro-viral' maika, ary latsaky ny 20% amin'izy ireo ihany no afaka mahazo izany.

Maraoka: niseho masoandro ny fampiasana zaza

Jentilisa — Tue, 08 Sep 2009 03:24:39 +0000

MpanoratraJillian C. York · Nandika Jentilisa · vakio ato ny lahatsoratra nadika

Zineb Chtit any amin'ny hopitaly

Misy zazavavy tsaboina noho ny ratra sy daroka nahazo azy ao amin'ny hopitaly. Tsy mahalala endri-piainana hafa ankoatra izay iainany ankehitriny i Zineb Chtit rehefa nalefa hiasa ho mpanampy an-trano tamin'ny faha-10 taonany, miasa amina mpanankarena sady midaroka no tsy manome hanina. Hoy ny nosoratan'i A Moroccan About the World Around Him (Maraokana iray miresaka momba ny tontolo manodidina azy) momba ny voina mahazo azy ao amin'ny lahatsorany iray:

Zainab looked emaciated. Her body was bruised and bleeding from beatings. She was branded on her lips with a red-hot iron. She was burned with boiling oil on her chest and private areas. She was illiterate. She never experienced the joy of playing with friends. Her future was decided for her: trudge around the mill till the day she dies. And a few days ago, she almost did.

Hita ho kaozatra i Zainab. Feno fariparitra sy dian-daroka ny tenany. Mena mivaivain'ny vy ny molony. Nodorana ny menaka ny tratrany sy ny faritra saro-pady. Tsy mahay mamaky teny sy manoratra izy. Tsy mba niainany veliely izany miara-milalao amina namana izany. Efa voafaritra ny ho aviny: mihaodihaody manodidina ny laona mandra-pahafatiny. Ary efa saiky lasana tokoa izy.

Indrisy fa tsy tranga manokana ny mahazo an'i Zineb. Mahatratra 177 000 ny isan'ny zaza latsaky ny 15 taona miasa any Maraoka, ka ny 66 000 dia mpanampy an-trano. Eny fa na dia efa nanasonia ny Dinan'ny Firenena Mikambana momba ny Zon'ny kilonga aza i Maraoka, mametra ho 12 taona raha kely indrindra vao mahazo alefa hiasa ny olona, fetra farany ambany ao an-toerana. Maro ny tatitra momba ny fampijaliana mpanampy an-trano, tahaka ity iray izay nosoratan'i Tingis tonian'i Anouar Majid ity. Nefa dia mbola mivarotra ny zanany vavy amin'izay mahasahy ambony indrindra ihany ny fianakaviana maro fa entin'ny fahantrana, ampiasaina ho mpanampy an-trano izay indraindray miasa tontolo andro sy tontolo alina. Mitantara ny mpanjò ny ankamaroan'ny mpanampy an-trano ny mpamaham-bolongana Sarah Alaoui:

Noho ny fahantrana mianjady dia tsy manan-tsafidy hamelomana ny ankohonany sy ny zanany ankoatra ny mandeha ho mpanampy an-trano any amin'ny mpanankarena ireo vehivavy tsy nandia fianarana any ambanivohitr'i Maraoka. Mbola asongadin'ny karazan'asa ataony - mpanampy an-trano natao ho hita fa tsy natao horenesina- ny holatry ny fahantrana efa naraikitra taminy teo am-piterahana. Miasa any ambadiky ny sehatra tahaka ireo mpanompo an-trano fitantaran'i J.K. Rowling any amin'ny boky tantara foroniny izy ireny.

Maro ny ankohonana any Maraoka no miezaka ny manome trano fialofana ho an'ny mpanampy an-tranony fa tsy toera-mpiasana ihany. Nanara-maso ny zanaky mpanampy an-tranony hatrany ny renibeko mba hahazoan'izy ireny fitaizana sy fampianarana tahaka ny an'ny zanany sy ny zafikeliny— Iray sekoly amin'ny anadahiko (cousin) i Naima, raha niasa tao amin'ny renibeko ny reniny. Saingy indrisy moa aleo tsorina fa tsy mitovy fikarakarana ny mpanampy an-tranony tahaka izany ny ankapoben'ny mpampiasa eto amin'ny firenena.

Ao amin'ny fitateram-baovaon'ny [FR] La Vie éco dia samy voampanga ho nanao heloka bevava avokoa na rangahy na ramatoa mpampiasa an'i Zineb, fa araka ny tolo-kevitry ny mpamaham-bolongana Reda Chraibi, dia tokony hisy haingana dia haingana ny fiovana. Namelabelatra [FR] soso-kevitra maro hisorohana ny fandefasana ny ankizivavy hiasa mbola kely ny mpamaham-bolongana. Santionan'ny tolo-keviny:

Accorder des aides sociales aux familles les plus pauvres afin qu’elles ne soient pas contraintes de faire travailler les enfants au lieu des le envoyer à l’école. La scolarité pour cette catégorie de la société devrait être totalement gratuite tant pour l’enseignement que pour l’équipement scolaire. A ce propos, l’opération de distribution de cartables équipés est une bonne initiative qui devrait être étendue dans tout le Royaume.

Donner à l’Association « Touche pas à mon enfant » (touche pas à mes enfants) ou à une institution publique le droit de recenser et de contrôler le travail des enfants servantes, le droit d’entrer dans les maisons pour discuter avec elles et vérifier si elles sont traitées dignement. Encourager leur éducation et leur alphabétisation. Ouvrir et faire connaitre un centre d’accueil pour les enfants servantes qui veulent fuir d’urgence le foyer dans lequel elles travaillent, afin que plus aucune Zineb Chtet n’èrre dans la rue dans le sang en demandant l’aide d’inconnus…

Manome fanampiana ara-tsosialy ny fianakaviana tena mahantra mba tsy hahatery azy ireny handefa ny zanany hiasa fa tsy hianatra. Tokony ho maimaim-poana na ny fampianarana na ny kojakojam-pianarana ho an'ireny sarangam-piaraha-monina ireny. Eo amin'izay indrindra dia tokony hatao manerana ny fanjakana ny fanapahan-kevitra mety hizarana kitapo efa misy kojakoja ao anatiny [FR]. Manome alalana ny fikambanana “Touche pas à mon enfant” (Aokanao ny zanako) na sampan-draharaham-panjakana hafa hanisa sy hanara-maso ireo zaza miasa tsy fidiny, manan-jò hiditra any an-trano hiresaka amin'ireny kilonga ireny hanamarinana raha voakarakara ny mahaolombelona azy. Handrisihana ny fitaizana sy fampianarana azy ireny hahay mamaky teny sy manoratra. Manokatra sy mampahafantatra ny fisian'ny toerana fandraisana ireo zaza te-handositra ny trano iasany, mba tsy hisy intsony Zineb Chtets feno ratra mirenireny eny an'arabe mitady fanampian'olon-tsy fantatra….

Nofehezin'i A Moroccan About the World Around Him (Maraokana iray miresaka momba ny tontolo manodidina azy) toy izao moa ny lahatsorany:

I am reminded of a speech Mr. Eliezer “Elie” Wiesel gave at the White House in 1999 “The political prisoner in his cell, the hungry children, the homeless refugees — not to respond to their plight, not to relieve their solitude by offering them a spark of hope is to exile them from human memory. And in denying their humanity, we betray our own.”

Tsaroako ny kabarin'Atoa Eliezer “Elie” Wiesel tao amin'ny Trano Fotsy tamin'ny 1999 nanao hoe “Ny gadra politika ao amin'ny efi-pamonjana azy, ny ankizy noana, ny tsy manan-kialofana - manoka-monina azy ireny ho tafala amin'ny tsiaron'olombelona ny tsy mamaly ny hetahetany, na tsy manome tara-panantenana ho azy ireny. Raha mandà ny maha-olombelona azy ireny isika dia mamadika ny maha-antsika antsika.

Jillian C. York

Global Voices + Resadresaka hanatsaràna ny tany

avylavitra — Mon, 07 Sep 2009 07:30:34 +0000

MpanoratraSolana Larsen · Nandika avylavitra · vakio ato ny lahatsoratra nadika

Ity dia iray amin'ireo andiany vokarin'ny Global Voices ho an'ny blaogin'ny UNFPA [Sampan-draharahan'ny Firenena Mikambana mikarakara ny Mponina] mitondra ny lohateny hoe Resadresaka ho fanatsarana ny tany · Ny lahatsoratra rehetra

Blaogy iray vaovao tohanan'ny United Nations Population Fund (UNFPA) antsoina hoe resadresaka ho fanatsarana ny tany no nanome làlana ny mpitoraka blaogy avy amin'ny Global Voices mba hanampy azy ireo hampivoitra ny resaka an-tserasera momba ny mponina sy ny fandrosoana manerana izao tontolo izao.

Raha kely indrindra dia mpitoraka blaogy ampolony mahery avy amin'ny Global Voices no hizara ny tantaran'izy ireo miainga avy amin'ny tontolon'ny fitoraham-bolongany tsirairay avy momba ny tontolo iainana sy ny fiovaovan'ny toetrandro, ny tanora sy ny fananahana, ny fiterahana, ny zo momba ny fanjanahana, sy ny maro hafa, mandritry ny enim-bolana ho avy ao amin'ny Conversations for a Better World.

Hisy lohahevitra iray vaovao isam-bolana ary mpitoraka blaogy roa vaovao no handray an-tanana ny raharaha. Ayesha Saldanha (Bahrain) sy Rezwan (Bangladesh) no niara-namoaka ireo tantara tamin'ny Aoguositra, ary hanara-dia azy ireo i Ndesanjo Macha (Tanzania) sy Njeri Wangari (Kenya) amin'ny Septambra.

Hatreto aloha, ny rentsika dia ny avy amin'ireo mpitoraka blaogy mitondra ny otrikaretina VIHavy any Afrika sy Azia, ny teo-tsaina manoloana ny SIDA any Afovoany Atsinanana, ary ireo mpitoraka blaogy Indiana ny amin' ireo tantsaha mamono tena manoloana ny fahantrana lalim-paka atrehany.

Misy vintana lehibe ho antsika izany mba ho henoin'ireo fikambanana tsy miankina maro sy ny Firenena mikambana, ary ho an'ny Global Voices amin'ny ankapobeny dia loharanom-bola iray izany. Apetratsika ao amin'ny Resadresaka ho fanatsarana ny tany anaty pejy voatokana ao amin'ity vohikala ity ireo lahatsoratra nalaina tao amin'ny Global Voices, ampiarahana amin'ny rohy rehetra mankany amin'ireo dikanteny rehetra ao amin'ny Vohikalan'ny Lingua.

Resadresaka ho fanatsarana ny tany dia mivoatra miandalana ary mbola miandrandra mpirotsaka an-tsitrapo maro. Mamporisika manokana ireo ato anatin'ny fianakaviambentsika izahay mba handray anjara amin'ny fametrahana ny tantaran'izy ireny, ary mora ho an'ny olon-drehetra ny misoratra anarana sy mizara lahatsoratra na mametraka fanamarihana ihany koa.

Mbola lavitra ny ezaka tsy maintsy hataontsika hanosehana lavitra ny sakana tsy ho fampandrosoana ateraky ny tsy fahalalàna na ny tsy fahampian'ny fandraisana andraikitra. Amin'ny alalan'ny famakiana na firesahana ankarihary ireo zavatra maro hitan'ny mpitoraka blaogy maro maneran-tany eo amin'ny andavanandrom-piainany, azontsika rehetra atao ny mitondra fanampiana mba hisian'ny fiovana na dia ho bitika aza.

Hevitry ny mpamaham-bolongana momba ny fampahafantarana ny VIH/SIDA any amin'ny Tontolo Arabo

Jentilisa — Fri, 21 Aug 2009 08:24:20 +0000

MpanoratraAyesha Saldanha · Nandika Jentilisa · vakio ato ny lahatsoratra nadika

Fady any amin'ny ankamaroan'ny faritra Arabo ny miresaka ny momba ny VIH/SIDA, na dia misy aza ny fandaharan'asan'ny PNUD na sampandraharahan'ny Firenena Mikambana misahana ny fampandrosoana tahaka ny HARPAS izay miezaka ny mampahafantara ny momba azy ity. Raha mitatitra ny tsy fahafantarana ny momba ny VIH/SIDA ny mamaham-bolongana sasany, dia gaga amin'ny halakin'ny fiezahana hanalana ny holatry ny aretina kosa ny hafa.

Maraoka

Mpanolo-tena ao amin'ny Peace Corps i Duncan ary miasa ao amina foto-drafitr'asa iray misahana ny rano ao Maraoka, ary dia nanoratra ny eritreriny vitsivitsy ny fihetsika hitany manoloana ny VIH/SIDA hitany any ambanivohitra iasany izy. Inoany fa na dia ambany aza ny tahan'ny olona tratran'ny VIH any Maraoka, dia tandindonin'ny mety hipariahan'ny VIH/SIDA ihany ny firenena amin'ny ankapobeny:

Maro ny toe-javatra mametraka fa mety hiely vetivety ny aretina.

Voalohany ny tsy fahalalana ny fisian'ny aretina. Tsy mahalala ny olona amin'ny ankapobeny hoe inona izany. Raha mba nisy nandre ihany dia tsy fantany tsara ary mety mbola zavatra diso koa aza no ahafantarany azy. Tsy fantany ny fomba fifindrany. Miteny ny olona fa mifindra amin'ny alalan'ny findramana borosinify ny aretina, na fandehanana any amin'ny hammam (trano fandroana andoavam-bola), ka mifoka azy ao. Tsy naheno mihitsy aho hoe amin'ny alalan'ny firaisana ara-nofo ny fomba fifindrany.

Faharoa ny kolontsaina manakana ny firesahana azy an- kitsim- po. Fiaraha-monina tena mpivavaka ny aty ka zava-dehibe eo amin'ny fiaraha-monina izany miseho ho madio (masina) izany. Hany ka tena sarotra dia sarotra ny miresaka lohahevitra lehibe tahaka ny fampiasana fimailo.

Fahatelo (tahaka ny mifanohitra amin'ny eo aloha) dia ny fielezan'ny fivarota-tena manerana ny firenena. Mitranga indrindra izany etoamin'ny faritany misy ahy, Khenifra, izay malaza indrindra amin'ny fivarota-tena. Reko fa eto amin'ity faritany ity no misy ny tanàna telo amin'ny efatra anjakan'izany fivarota-tena izany. Misy ivotoerana iray tena akaiky ahy indrindra ary fantatro fa mpandeha amin'ny mpivaro-tena ao ny lehilahy amin'ny tanàna misy ahy. Efa nolazain-dry zareo tamiko izany. Miaraka amin'izany olana izany ny fahafantarana fa avy any ivelan'ny tanàna ny maro amin'ireo mpivaro-tena ireo. Heveriko fa toerana mora ielezan'ny aretina indrindra ny toerana tahaka itony.

Raha fehezina dia lohahevitra mahamenatra ny olona ny miresaka azy ity ary dia tsy misy mahalala na inona na inona momba azy ny olona.

Vakio ny fihetsika hafa ataon'ny Maraokana manoloana ny VIH/SIDA ato amin'ity lahatsoratra ity.

Sodana

Nanaraka atrik'asa iray tany Le Caire ny mpamaham-bolongana Bahrainita Suad tamin'ny herintaona hampahalalana bebe kokoa ny momba ny SIDA, ary dia nosoratany avy eo ny tantaran'i Aisha, vehivavy Sodaney tratran'ny tsmok'aretina tamin'ny alalan'ny famindrana ra. Notantarain'i Aisha ny namparary azy sy ny nahafantarany tamin'ny farany izay nitranga:

بعد عدة شهور نقص وزني كثيرا ورافق ذلك أعراض أخرى مثل الاسهال المتواصل والتعب والحمى وعدم القدرة على النوم. مرة أخرى تم تحويلي لمختبر لتحليل دمي وهذه المرة جاءت النتيجة في ظرف مختوم بالشمع الأحمر. أخبر الطبيب زوجي بحقيقة مرضي ولكن زوجي لم يصارحني بالأمر وكل ما قاله لي أنه مرض كمرض الضغط والسكري وبأنه لن يكون بإستطاعتنا ان نمارس علاقتنا الزوجية.
بعدها أخذني زوجي لطبيب آخر فتح الظرف امامي وقال لي بأني مصابة بالإيدز، صعقت ولم أملك حينها سوى ان أبكي من هول الصدمة، انا مصابة بالإيدز؟؟ منذ متى وكيف؟ فرد الطبيب: اسألى نفسك، تذكري ماذا ارتكبتي بحق نفسك لتنقلى اليك هذا المرض القاتل. هكذا ببساطة وصمني الطبيب بالمومس دون ان يعرف اي شئ عني. قلت له أنا امرأة متزوجة وليست لدي أى علاقات غير شرعية خارج اطار الزواج وهنا دخلت أمي وزوجي إلى غرفة الطبيب الذي صب جام غضبه على زوجي متهما اياه بنقل المرض لي. شعرت بالغضب الشديد من زوجي فبدأت أهاجمه وأوبخه وانا ابكي، حاول ان يدافع عن نفسه ولكني لم أكن أرغب في سماعه وكانت أمي تحضنني في هذه الاثناء. منذ ذلك اليوم ساءت علاقتي وعلاقة أهلي بزوجي الذي وجُهت اليه اصابع الاتهام حتى ظهرت نتائج الفحص التي بينت ان زوجي وأولادي خاليين من المرض. أعتذرت من زوجي وأدركت حينها ان المرض قد أنتقل لي عن طريق الدم الذي نقل لي في المستشفى.

Nihena ny lanjako tao anatin'ny volana vitsivitsy ary miaraka hatrany amin'ny fandoavana, harerahana, tazo, ary tsy fahitana tory izany. Nentina tany amin'ny laboratoara aho indray mandeha hitsirihana ny rako ary dia voahidy lasira mena ny valopy nisy ny valiny avy any. Nolazain'ny dokotera ny marina momba ny aretiko, fa tsy niresaka tamiko io zavatra io ny vadiko; ny hany nolazainy tamiko dia hoe mitovitovy amin'ny tosi-drà na diabeta ny aretina mahazo ahy ary dia tsy afaka miaraka manao firaisam-batana intsony izahay.
Avy eo dia nentin'ny vadiko tany amin'ny dokotera hafa aho, izay nanokatra ny valopy teo anoloako ary nilaza fa mitondra ny SIDA aho. Ankona aho, tsy nanana fotoana akory hitomaniana tamin'izay nahazo ahy. Tratran'ny SIDA hoe aho?? Hatramin'ny oviana ary amin'ny fomba ahoana? Namaly ny dokotera hoe: “Anontanio ny tenanao. Tadidinao ve hoe inona no nataonao ka nifindran'ity aretina mahafaty ity taminao?” Manamarika ahy ho toy ny makorelina tsotra izao ilay dokotera nefa tsy mahalala na inona na inona momba ahy akory. Nilaza taminyaho fa vehivavy manambady ary tsy nanao firaisana ivelan'ny mariazy. Tamin'io fotoana io dia niditra tao amin'ny biraon'ny dokotera ny reniko sy ny vadiko, naneho ny hatezerany tamin'ny vadiko avy hatrany ilay dokotera, niampanga azy ho namindra ny aretina tamiko. Tezitra aok'izany tamin'ny vadiko aho, ary nanomboka nanositosika sy nikapokapoka ny vadiko koa sady nitabataba taminy. Niezaka ny niaro tena izy saingy tsy nohenoiko mihitsy. Nikapokapoka malefaka ny hatoko ny reniko nandritra izany fotoana izany. Nanomboka tamin'io fotoana io dia nihanangatsiaka ny fifandraisan'ny havako sy ny olom-pantatro tamin'ny vadiko; voahendrikendrika ny vadiko mandra-pivalian'ny fitsirihana mampiseho fa tsy mitondra ny aretina ny vadiko sy ny zanako. Niala tsiny tamin'ny vadiko aho ary fantatro fa tamin'ny alalan'ny famindrana ra natao tamiko tany amin'ny hopitaly no nahazoako ny aretina.

Yemen

Nametraka ny VIH/SIDA ho ao anatin'ny fandaharam- pampandrosoana ny fireneny i Yemen, saigy hitan'i Omar Barsawad tamin'ny herintaona fa maro ny zavatra mbola tokony atao:

Na dia lasa aloha ihany miohatra amin'ny firenena Arabo manodidina azy aza i Yemen amin'ny ady amin'ny VIH/SIDA, dia mbola lavitra ny lalana amin'ny fametrahana foto-drafitr'asa sy ny fahazoana fanafody taka-bidy vetivety ho an'ny marariny. Efa vonona any amin'ny laboratoara sy hopitaly lehibe ny fitsirihana ny VIH/SIDA. Saingy raha hita fa miabo ny vokatra dia manomboka ny olana; eo no manomboka ho tena sarotra ny raharaha ho an'izay tratrany. Tsy maintsy mandeha mankany Sana'a renivohitr'i Yemen ny olona mitondra ny VIH/SIDA mba hitsirihana ny isan'ny sela CD4 sy ny tahan'ny poizin' areti- mifindra; Rehefa vita avokoa izany fitsapana rehetra izany vao tsaboina sy omena fanafody araka ny tokony ho izy ny marary. […] Eo amin'ny resaka fanafody itsaboana ny VIH/SIDA ihany koa dia tsy maintsy mandeha mankany Sana'a (isan-telovolana na mihoatra) ny marary fa tsy misy any amin'ny toeram-pivarotana sy ny toera-pitsaboana Yemenita hafa. Dia efa azonao eritreretina amin'izany ny fahasahiranana azo ankoatra ny hareraha-tsaina efa mianjady amin'ny mararin'ny VIH/SIDA sy ny manodidina azy. Efa vola be no lany amin'ny fandehanana mankany Sana'a sy ny sakafo lany mbamin'ny fandaniana hafa. […] Na dia efa mahafantatra kokoa ny momba ny VIH/SIDA aza ny olona raha oharina ny tamin'ny roa na telo taona lasa dia mbola tsy hainy ny momba ny aretina; ary maro ny olona mbola mihevitra fa henatra sy mahafa-baraka izany mitondra VIH/SIDA izany.

Ejipta

Na izany aza dia hita kosa ny dingana hanalana ny tahotra tafahoatra ny aretina any amin'ny firenena sasany ao amin'ny faritra. Nanao ny fitsirihana VIH voalohany tao amin'ny Laboratoaran'ny governemanta i The Egypt Guy :

Nahagaga ahy fa nahafinaritra ny fomba fandraisan'ny dokotera nialoha ny fitsirihana. Hitako fa tsy nanontaniana ny anarako aho fa tamn'ny solon'anarako sy ny daty nahaterahako ho famantarana ahy tao. Avy eo aho dia nampandalovina tao amin'ny mpanolo-tsaina iray izay mampahafantatra tsotsotra ny momba ny SIDA sy ny VIH no asany. Zendana aho fa tsy nampiseho tsy fanajana ahy mihitsy rangahy io rehefa fantany fa hitsirika ny fisiana na tsia VIH amiko aho. Henoko manko fa hatramin'ny vao haingana dia resa-pady na dia amin'ny dokotera aza izany SIDA izany. Taorian'ny fifanakalozan-kevitra dia nanome fimailo sy fandamalama ahy izy ary bokikely telo miresaka ny momba ny SIDA, ary dia nanao fitsirihana aho avy teo. Ho henoko amin'ny alahady izao ny valin'ny fitsirihana, izay inoako fa hiiba, Irario soa aloha aho e!!

Oadray, tsy mandoa na dia ariary aza hay izaho amin'izany rehetra izany.

Tsy nampoiziko raha ny laboratoaran'ny governemanta no nanao izany, ary faly aho fa manana fomba fijery malalaka kokoa momba ny resaka fifidran'aretina amin'ny alalan'ny firaisana ara-nofo ny fireneko ary miezaka dia miezaka hahalefy ny henatra mifandraika amin'ireny aretina ireny, indrindra fa amin'ny resaka VIH sy SIDA.

Azonao vakiana eto ny fandraisana andraikitry ny mpamaham-bolongana Ejipsiana hanalana ny takaitran'ny (tahotra tafahoatra) VIH/SIDA.

Ayesha Saldanha

Mitondra VIH mamaham-bolongana: Mbola azo atao ny mitia

Jentilisa — Thu, 13 Aug 2009 22:59:48 +0000

MpanoratraRezwan · Nandika Jentilisa · vakio ato ny lahatsoratra nadika

Mihamitombo ny isan'ny mpamaham-bolongana manerantany mitondra ny tsimok'aretina VIH mampiasa ny mediam-bahoaka hanehoany ny fomba iainany miaraka amin'ny tsimok'aretina.

Mety ho sarotra ny miresaka amin-kahalalahana ny momba ny VIH-SIDA. An'arivoarivony ny olona efa tratran'ny otrik'aretina, fa ny marina dia atahorana loatra ity aretina ity ary noho ny fomba fifindran'ny aretina mety ho azo amin'ny firaisana ara-nofo, dia lasa henatra matetika ho an'ny olona izany mitondra VIH izany. Saingy, misy ireo olona am-polony sahy mitantara ny fiainany manokana isan'andro, indraindray mitaky ny zony na mitaky ny fanatsarana ny fikarakarana azy ireo ara-pahasalamana any amin'ny bolongana sy ny dinika an-tserasera azon'izay rehetra te-hamaky ny tantarany.

View Blogging Positively in a larger map
Blogging Positively amin'ny sarintany ngeza kokoa.

Afrika Atsimo

Busi, mpamaham-bolongana sady poety avy ao Afrika Atsimo no nahita fa mitondra nyVIH izy tamin'ny 2006, enim-bolana taorian'ny nanaovana azy an-keriny.

Indro ny tantarany mampalahelo, araka izay notantarainy tao amin'ny bolongany My Realities:

Not so long ago i discovered that i was HIV+. I was attacked and raped far too many times in order for me to contract the virus. You see, the reason for that is that i am a woman who identifies as lesbian because of my involvement with a woman. My attackers and different rapists did so to show me how it is to be a woman.

Vao tsy ela akory izay dia fantatro fa mitondra ny tsimok'aretina VIH aho. Be loatra ny fanendahana sy ny fanaovana an-keriny nihatra tamiko no nahatonga ahy ho tratran'ny tsimok'aretina. Ny antony dia milaza ny tenako ho vehivavy mitia vehivavy aho fa mifamofo amina vehivavy iray. Nanao an-keriny ahy ry zareo ho fanehoany ahy ny atao hoe vehivavy

Efa nandao ity tany mahafinaritra ity i Busi fa nentin'ny aretiny tamin'ny Marsa 2007. Saingy mbola mijoro ho vavolombelon'ny fiainany ny bolongany sy ny poeziany, tahaka ny bolongan'ny hafa ihany koa raha mbola nofinofy ny fahasitranana.

Shina

Mpamaham-bolongana Shinoa mitondra ny tsimok'aretina VIH azo tamin'ny alalan'ny famindrana rà i Li Xiang raha mbola zatovolahy nianatra tany amin'ny Lisea. nanomboka namaham-bolongana izy tamin'ny 2005 rehefa niditra tamin'ny faharoapolo taonany. Tao amin'ny lahatsoratra iray tao amin'ny bolongany tamin'ny fiandohan'ity taona ity (teny Shinoa) no niezahany hanala ny anganongano momba ny SIDA tamin'ny nilazany fa tsy mampatahotra noho ny mety ho mahatonga fahafatesana hafa io aretina io, ary na ny tenany aza dia efa tsy manahy intsony noho ny fivoaran'ny fitsaboana azy.

Philippines

Mpamaham-bolongana Filipina mipetraka any Kowloon, Hong Kong i Kiks. Tamin'ny 2007 no nahalalàny fa mitondra ny VIH izy ka nosoratany ny fomba niatrehany io zavamisy niainany io:

Being HIV positive is not the least bit fascinating.

It is like having a heart disease for life although my doctors told me it was better than having diabetes. With the medicines so readily available nowadays, you can be sure to live longer than cancer patients, anemic or the elderly staying in big polluted cities like Manila.

Tsy dia ny zava-mahasondriana ratsy indrindra ny mitondra ny tsimok'aretina VIH. Tahaka ny hoe tratran'ny aretim-po ihany na dia lazain'ny dokotera mitsabo ahy aza fa aleo io toy izay tratran'ny diabeta. Efa mora hita manko ankehitriny ny fanafody, azo itokisana fa miaina fotoana maharitra kokoa noho ny mararin'ny homamiadana, tsy fahampian-tselan'ny ra na noho ireo antitra mipetraka amina tanàna maloto rivotra tahaka an'i Manille ianao.

Bolongan'ny lehilahy iray mpitia lehilahy sady mitavozavoza rehefa mamaky teny mipetraka avy any Angletera niara-niaina tamin'ny VIH nihoatra ny 20 taona ny Freerangelife. Vao haingana izy no nanoratra ny loza mitatao amin'ny tsy firaharahiana misoroka ny mety hitranga:

We have known about HIV for over 20 years, people know the risks. So why does it happen? It happens because we like taking risks and we often think “it will never happen to me”.

Efa fantatsika fa mihoatra ny 20 taona izao no nahafantarana ny fisian'ny VIH, mahalala risika ny olona. Koa nahoana no nitranga izao? nitranga izao satria sahisahy foanaisika ary mieritreritra matetika fa “tsy ho tratran'izany mihitsy aho”

Repoblikan'i Congo

Nanoratra ny mety maha-zava-doza ny fahafantaran'ny hafa ny fitondrana tsimok'aretina VIH-SIDA i Davy Herman Malanda tamin'ny herintaona tao amin'ny bolongan'ny mpiaro ny Zon'ny tratran'ny SIDA ao Congo. Nitantara ny fiainan'i Bernadette (solon'anarana), tanoravavy mivarotra akanjo friperia tao an-tsenan'i Tié-Tié tany Pointe-Noire, Congo izy:

Bernadette’s life changed when her friend divulged Bernadette’s HIV status. Her colleagues and clients from the market were informed that she is HIV-positive. Very few clients came to buy at Bernadette’s table. Her life became difficult, and she had difficulty to make ends meet.

Niova ny fiainan'i Bernadette rehefa naelin'ny namany fa mitondra VIH izy. Nahare ireo mpivarotra namany sy ny mpanjifa tao an-tsena. Vitsy dia vitsy sisa no nividy entana teo aminy. Nihasarotra sy nitsipozipozy noho izany ny fiainany

Niresaka momba ny nanjo azy i Aurelie avy ao an-drenivohitr'i Congo, Brazzaville teo am-pandrenesana fa tratran'ny VIH izy:

Initially, it hit me like a ton of bricks. I saw my life change instantly, and the thoughts kept multiplying in my mind.

Toy ny nisy biriky an-taoniny nianjera tamiko. Niova teo noho eo ny fiainako, ary nitombo aok'izany ny adin-tsaiko.

Nanolotra fisaorana ny fianakaviany sy ny fikambanana tsy ara-barotra iray izy koa izy noho ny fanohanan'izy ireo ka nahatonga azy hilamindamin- dratsy (fomba fiteny malagasy) eo amin'ny fiainany.

Etazonia

Michelle avy ao Etazonia no manoratra fa “mbola azo atao ny mitia” mitondra ny VIH ary dia notantarainy ny fomba nahitany olo-tiana vaovao tao amin'ny bolongana iraisam-pirenena antsoina hoe POZ Blog. Nanome tolo-kevitra izy:

To those newly infected or those who are tired of being alone, don't lose hope. Don't give up on love. It will come when you least expect it and when you need it the most.

Ho an'ireo vao tratrany na ireo izay leon'ny miaina irery, aza ketraka. Aza mijanona tsy hitia. Ho avy ny anjaranao raha manantena ianao farafaharatsiny na tena mitady (namana) indrindra ianao.

Kenya

Tsy midika hoe andosiran'hafaliana ianao rehefa mitondra ny tsimok'aretina VIH noho ny fanavakavahana. Fihetsiketsehana fanaovana asa soa sy fampisehoana lamaody karakarain'ny vondrona tanora Nakuru isan-taona any Kenya ny Mister sy Miss Riban Mena. Iray amin'ny mpandray anjara nizara ny fiainany ny mpamaham-bolongana mitondra ny tsimok'aretina VIH Maureen, mpikambana ao amin'ny tetikasan'ny famahanam-bolongana Rising Voices antsoina hoe REPACTED:

I have been contesting since 2006 and have been enjoying every moment of the event because of one thing, effective reduction of stigma and discrimination. Mr. and Miss Red Ribbon brings together both affected and infected to celebrate beauty in a unique way. During the event audience appreciate beauty by seeing models but not the affected or the infected.

Nandray anjara hatrany aho hatramin'ny 2006 ary nankafiziko hatrany ny lanonana noho ny zavatra iray, hita mihena mihitsy ny fanalam-baraka sy ny fanavakavahana. Mampisandratra ny fahatsarana amina lalatokana ny Mister sy Miss Riban mena, samy tratra sy mitondra ny tsimok'aretina. Mijery mpilatro no atao mandritra ny lanonana fa tsy (mieritreritra hoe) mijery izay tratra na mitondra tsimok'aretina.

Mampisongadina ny feon'ireo mpamaham-bolongana mitondra ny tsimok'aretina VIH sy ireo mpikarakara an-dry zareo ary media hafa miresaka ny momba ny VIH/SIDA ny sarintany Global Voices Google misy mpamaham-bolongana mitondra VIH. Azonao vakiana ireo tantara mahavariana ireo amin'ny alalan'ny fanindriana ny rohy hita eo amin'ny sarintany.